-20-

 

प्रताप सिंघ नूं उनहां नें पंज वजे मिलणा सी।

उनहां कोल समां खुल्हा सी। कुझ्झ चीज़ां उनहां नें इथों खरीद लईआं। दो गरम सूट, चार अरैसटोकरेट दे कमीज़ जज्ज लई। दो बनारसी साहड़ीआं मैडम लई।

सकाच, डराई फरूट अते होर निक्क सुक्क उनहां नें चंडीगहड़ों खरीदणा सी। बारडर उपर बहुत चैकिंग सी। भैड़े दिनां विच्च मुसीबत मल्लो मल्ली गल पैंदी सी। नाले उथे शराब ससती सी।

प्राईवेट सैकटरी लई दो कमीज़, इक्क टरैक सूट अते उसदी पतनी लई रेशमी साहड़ी गड्डी विच्च रखवाए गए। विसकी अते फरूट उथों खरीद लिआ जाणा सी।

शहिर पुज्ज के उनहां प्रताप सिंघ नूं फ़ोन कीता। उह साहिब नूं कलब्ब च मिलणा चाहुंदे सन। पर साहिब नें उनहां नूं घर आउण दी दाअवत दित्ती।

बिनां पुछ्छ पड़ताल कीते समेत कार उनहां नूं नौकर नें अंदर आउण दित्ता।

बा अदब उनहां नूं डराइंग रूम विच्च बिठाइआ गिआ।

सूट अते साहड़ीआं वाले डब्बे उनहां नें हत्थां विच्च फड़ लए। सकाच वाला डब्बा अते होर निक्क सुक्क डराईवर नें चुक्क लिआ। सूट, साहड़ीआं वाले डब्बे उनहां नें सोफ़े विचकार पए कच्च दे टेबल उप्पर रख्ख दित्ते। सकाच वाला डब्बा इक्क नुक्कर विच्च रख्ख के बाकी समान उसदे बराबर टिका दित्ता।

नौकर तुरंत ठंडा पाणी लै आइआ। पिआस बुझा के उह साहिब दा इंतज़ार करन लगे।

सफ़ैद कुड़ते पजामे विच्च लिपटिआ इक्क माड़चू जिहा सरीर बड़े आराम नाल डराइंग रूम विच्च दाख़ल होइआ। दोहां महिमानां नाल दोवें हत्थ मिला के उसने महिमानां दा भरपूर सवागत कीता। आए समान उपर साहिब दी नज़र पै जाण बाअद नौकर हरकत विच्च आइआ। उसने पहिलां मेज़ उपर पए डब्बे अंदर पहुंचाए अते फेर सकाच अते डराई फरूट वाले।

सकाच दे डब्बे उपर ‘टीचर’ बरांड वाला लेबल देख के साहिब दे चिहरे उपर जिहड़ी हलकी जिही खुशी दी भाअ उभ्भरी, उह सभ नूं राहत पहुंचाउण वाली सी।

पंकज होरां दे मन अंदर आस दी जोत जगण लग्गी।

“इंनी खेचल करन दी की लोड़ सी?” आए समान ’ते तसल्ली प्रगट करदे साहिब नें रसमी धंनवाद कीता।

“सर आपां किहड़ा कोई चीज़ बाहरों लिआंदी है? इह मेरा दोसत अजे है। इस दा अकसपोरट दा कंम है। साहड़ीआं मैं साऊथ गिआ लिआइआ सी।”

पंकज नें मोड़वां रसमी जवाब दित्ता।

कुझ्झ देर दोहां धिरां विचकार खामोशी छाई रही।

प्रताप सिंघ सोच रिहा सी कि पुत्तर हुण बाप दे नकशे कदमां उपर चल्लण लग पिआ होवेगा। अत्तवाद दौरान लोक पलाट कोठीआं खरीदणो हट गए सन।

हुण हालात आम वरगे सन। शाइद इस नें नवीं कालोनी उसारण दी योजना बणाई होवे अते प्रताप सिंघ नूं कोई पलाट देणा होवे।

“किस तरहां चल्ल रिहा है कारोबार? मोहन तों बाअद कोई नवीं कालोनी नहीं कट्टी?”

प्रताप सिंघ नें इसे नज़रीए नाल गल्ल शुरू कीती।

“नहीं सर! इह कारोबार असीं डैडी दे हुंदिआं ही बंद कर दित्ता सी।

पुड्डा वाले तंग करदे सन। उनहां दीआं शरतां सख़त सन। दो पैटरोल पंप शहिर दे विचकार मिल गए सन। इक्क गैस एजंसी है। खंने घिओ अते मैदे दी मिल्ल मिल गई सी। उथे छोटा नीरज बैठदा है। इक्क साईकल पारटस बनाउण दी फैकटरी है। इक्क रोलिंग मिल्ल विच्च हिस्सा है। उथों ही विहल नहीं मिलदी।”

“चंगी गल्ल है। डरिंक लैंदे हो? " प्रताप सिंघ नें उप्परले मनों पुछ्छिआ।

“लै तां लैंदे हां। पर अज्ज नहीं। कदे फेर सही।” मन दी घबराहट पंकज नूं चैन नहीं सी लैण दिंदी। उह झट्टपट्ट कंम दी गल्ल ’ते आउणा चाहुंदा सी।

“रामू कोलड लिआ फेर!” नरम सोफ़े ’ते बैठा प्रताप सिंघ उस्सलवट्टे लै रिहा सी। उसनूं काहल सी उह कंम दी गल्ल करन अते विहले होण।

“किसे विआह शादी ’ते आए सी?” आख़र साहिब नें आपे असल मुद्दा छोहिआ।

“नहीं सर! सानूं तुहाडी सहाइता दी ज़रूरत पै गई।”

“हां हां, दस्स। मैं तुहाडे किस कंम आ सकदा हां?”

किसे कंम दी आस नाल प्रताप सिंघ दा मुरझाउंदा जा रिहा चिहरा मुड़ ताज़गी फड़न लग्गा। शाइद इनहां नूं हाईकोरट दे किसे जज्ज तक कंम सी।

इस लई उनहां नूं प्रताप सिंघ दी सहाइता दी ज़रूरत सी। प्रताप सिंघ अंदाज़े लाउण लग्गा।

“तुसीं जाणदे हो सर कि मेरे डैडी नें कालोनीआं दे कारोबार विच्च मेरे चाचे नूं हिस्सेदार बणाइआ सी। कई बे नामी पलाट उसदे नां खहड़े सन। डैडी दे मरन बाअद उसदा मन बेईमान हो गिआ। इक्क पलाट नूं लै के साडा दीवानी मुकद्दमा चल्ल पिआ।”

“उह तुहाडे ख़िलाफ़ हो गिआ! तुसीं हाईकोरट विचों बंदी लैणी है? बस्स इंना कु कंम है?” प्रताप सिंघ वाधू दी भुमिका दे चक्कर विच्च नहीं सी पैणा चाहुंदा। उह सिध्धा मुद्दे ’ते पुज्जणा चाहुंदा सी।

“नहीं सर इह गल्ल नहीं। तुसीं अख़बारां विच्च पहड़िआ होणा है। माइआ नगर इक्क डकैती होई है। उह मेरे चाचे दे घर होई है। चाचे दे मुंडे दा कतल हो गिआ। मेरे चाचे दा इक्क साला वकील है। परचा काले कछ्छिआं वाले गरोह विरुध्ध दरज होइआ है। पर वकील कड़िल्ल कढ्ढणा चाहुंदा है। पुलिस नूं पैसे दे के उसने साडा नां साज़िश विच्च उलझा लिआ।”

पंकज नें आपणी समस्सिआ प्रताप सिंघ अग्गे रख्खणी शुरू कीती।

“इनहां नें पेशगी ज़मानत दी दरख़ासत सैशन कोरट विच्च लाई है। जे तुहाडी किरपा हो जाए तां इह खज्जल खुआरी तों बच जाण। जो खरच होएगा असीं करांगे।”

अगली गल्ल करदे पंकज नूं झिजक हो रही सी। उसदी इस समस्सिआ दा हल्ल अजे नें कीता।

प्रताप सिंघ दा दिमाग़ कंपिऊटर वांग वाधे घाटे करन लग्गा।

मसला पेशगी ज़मानत कराउण दा सी। मुकद्दमा कतल, डकैती अते बलातकार दा सी। इनहां विचों जे इक्क जुरम वी लग्गा होवे तां पेशगी ज़मानत नहीं हुंदी। तिंनों जुरम इको समें लग्गे होण, फेर किस माई दे लाल दी हिंमत है पेशगी ज़मानत मनज़ूर करन दी। वारदात ताज़ी सी। वारदात करन वाले मुलज़म फड़े जा चुक्के सन। पंकज होरां दा सबंध घटना नाल जोड़न लई पुलिस नें पक्के सबूत हासल कर लए सन। प्रैस भंडी पिट्ट रही सी। हकूमत आपणी धौड़ी बचाउण विच्च लग्गी होई सी। कंम असंभव सी।

दूजे पासे इह असामी मोटी सी। लख्ख, दो लख्ख असानी नाल बण सकदा सी।

कोई राह लभ्भण दी नीअत नाल प्रताप सिंघ नें माइआ नगर विच्च लग्गे जज्जां दी लिसट घोखी। सैशन जज्ज कानूंन दा बहुता माहिर नहीं सी पर सी, पूरा ईमानदार। इहो जिहे बंदे नूं सिफारश करन दा कोई फ़ाइदा नहीं सी।

मुफ़त कंम प्रताप सिंघ नें कराउणा नहीं सी। इह किहड़ा उसदी मासी दे पुत्त सन। आम असामी वरगी असामी सी। सारे पैसे उह इकल्ला जेब विच्च पाउणे नहीं सी चाहुंदा। इह बदनामी वाली गल्ल सी। हिस्सा पत्ती ठीक रहिंदा सी।

इथे लैण देण जां हिस्से पत्ती दी कोई संभावना नहीं सी।

साधू सिंघ नूं छड्ड के बाकी दे अडीशनल सैशन जज्ज उसदे काबू आ सकदे सन। साधू सिंघ नां दा ही नहीं सुभाअ दा वी साधू सी। नां उसने कदे पैसा लिआ सी नां लैणा सी। नां उसदी कोई इनकुआरी चल्लदी सी। नां उसनूं चंगे माड़े सटेशन दी परवाह सी। नां डरदा कोई उसनूं सिफारश करदा सी। नां उह किसे दी मंनदा सी। कोई भुल्लिआ चुक्किआ सिफारश कर देवे तां उह पारटी दी भरी कचहिरी विच्च बेइज़ती करदा सी। इह आखके मुकद्दमा उलट करदा सी कि उसने जज्ज तक पहुंच कीती सी। उसदा वसाह नहीं कि मिसल विच्च सिफ़ारशी दा नां लिख के सिफ़ारशी नूं वखत पा देवे।

कुझ्झ अरसे तों माइआ नगर दे वकीलां दे प्रधान नें रिशवतखोरी दे विरुध्ध मुहिंम छेड़ी होई सी। इक्क सैशन जज्ज नूं मजबूरन पैनशन ’ते जाणा पिआ सी।

शरम दा मारिआ उह रातो रात समान चुक्क के लै गिआ सी। इक्क अडीशनल सैशन जज्ज नूं आपणे काले कारनामिआं दा सपश्शटीकरण देणा मुशकल हो रिहा सी। उसनूं बरख़ासती दे नाल नाल जेल्ह यातरा नज़र आउण लग्गी सी। संगरूर बदल के गए दी उसदी दो महीनिआं बाअद मौत हो गई सी। रिकारड अते घरदिआं अनुसार उसनूं दिल दा दौरा पिआ सी। उंझ सभ नूं पता सी उस नें आतम हत्तिआ कीती सी।

वकीलां दी इस जद्दो जहिद दे मद्दे नज़र माइआ नगर विच्च चुणवें जज्ज लाए जा रहे सन। साधू सिंघ उनहां विचों इक्क सी।

बाकी दे जज्ज ईमानदारां दी सूची विच्च तां आउंदे सन, पर साधू सिंघ वांग अड़ीअल नहीं सन। कदे कदाईं, सोच समझ के दाअ ला लैंदे सन। पंजाब दा अध्धा उदयोग इस माइआ नगर विच्च सी। हज़ारां मुकद्दमे अजिहे चल्लदे सन, जिनहां विच्च इक्क धिर सरकार हुंदी सी। बिजली दी चोरी, इनकम टैकस दी चोरी। सरकारी पलाटां दी अलाटमैंट। आए दिन सरकार ज़िमीदारां दी ज़मीन ‘अकवाइर’ करदी सी। ज़मीन दी कीमत कौडीआं बराबर दित्ती जांदी सी। कीमत वधाउण दे मुकद्दमे चल्लदे रहिंदे सन। जे जज्ज ज़मीन दी कीमत बज़ार नालों अध्धी वी तैअ कर देवे तां वी ज़िमीदारां दा मुआवज़ा करोड़ां विच्च वध जांदा सी। अजिहे केसां विच्च जे जज्ज कचहिरी बैठ के पैसे लै लए तां वी कोई नहीं सी बोलदा। सरकार दा पख्ख पूरदे सरकारी अफ़सर पहिलां मालिकां नाल घिओ खिचड़ी होए रहिंदे सन। जज्ज दी शिकाइत करेगा तां कौण!

अजिहे लुकवें कंम हाले वी माइआ नगर विच्च हो रहे सन। आपणे पापां ‘ते परदा पाउण लई जज्ज हाईकोरट चक्कर मारदे सन। उनहां नूं प्रताप सिंघ तक गौं रहिंदी सी। उह रजिसटरार नूं नांह नहीं सन कर सकदे। उनहां विचों किसे कोल सिफारश कीती जा सकदी सी।

प्रताप सिंघ जज्ज दे नाल नाल उनहां नुकतिआं दी वी खोज कर रिहा सी, जिनहां दे आधार ’ते पेशगी ज़मानत मनज़ूर हो सकदी सी।

परचे विच्च दोशीआं दा नां नहीं सी। पर पंकज होरां दी मुदई धिर नाल दुशमणी साबत हुंदी सी। ठेकेदार अते पंकज होरां विच्च होई साज़िश दे सबूत मिसल ’ते आ चुक्के सन। जज्ज कुझ्झ दिनां लई पेशगी ज़मानत दे सकदा सी।

फेर जे पुलिस मदद करे अते पुलिस हिरासत दी मंग नां करे तां जज्ज ज़मानत पक्की कर सकदा सी।

फेर प्रताप सिंघ नें आपणे आप नूं फैसला करन वाले जज्ज दी कुरसी उपर बैठाइआ। फेर उसने सोचिआ जे फैसला प्रताप सिंघ नें करना होवे तां प्रताप सिंघ की करे?

साधारन हालातां विच्च प्रताप सिंघ पेशगी ज़मानत मनज़ूर करन दा ज़ोखम उठा सकदा सी पर इस मुकद्दमे दे हालात साधारन नहीं सन।

दोशी धिर बहुत अमीर सी। पेशगी ज़मानत जे बिनां कुझ्झ लए कर दित्ती जावे तां वी जज्ज वल्ल उंगल उठ्ठणी सी। मीडीआ पिछ्छे पिआ होइआ सी।

बार दे प्रधान दा खुफ़ीआं विभाग सरकार दे खुफ़ीआ विभाग नालों वध्ध तेज़ सी। उसनूं पताल विच्च जा के लई रिशवत दी भिणक पै जांदी सी। जज्ज लई ख़तरा ही ख़तरा सी।

प्रताप सिंघ दी इह कंम करन दी जुर्रअत नहीं सी। जिहड़ा कंम उह ख़ुद नहीं कर सकदा, उस दी दूसरे कोल सिफ़ारश किउं करे?

सारे वाधे घाटे सोच के प्रताप सिंघ इस सिट्टे ते पुज्जा कि माइआ नगर दा कोई जज्ज पेशगी ज़मानत मनज़ूर नहीं कर सकदा। इस लई हाले सिफारश करन दा कोई फ़ाइदा नहीं सी।

दूजे पासे असामी नूं वी हत्थों नहीं सी गवाइआ जा सकदा। पेशगी ज़मानत नां मनज़ूर होण दे हुकम दी अपील हाईकोरट होणी सी। हाईकोरट उच्च अदालत सी। कोई हाईकोरट दे जज्ज दी वाअ वल्ल नहीं झाक सकदा। साह कढ्ढण वाले उपर मान हानी दा दोश ला के उसनूं जेल्ह भेजिआ जा सकदा सी। हाईकोरट कोलों प्रताप सिंघ जिस तरहां दा चाहे, हुकम करवा सकदा सी। उस समें तक पारटी प्रताप सिंघ दे हत्थ हेठ रहिणी चाहीदी सी।

“तूं मेरे पुत्तरां वरगा हैं। मैं तैनूं ग़लत राए नहीं दे सकदा। तेरा पैसा बरबाद नहीं करवा सकदा। सवरग विच्च बैठा मेरा भरा की सोचेगा? माइआ नगरों तेरा कंम नहीं होणा।”

“मैं तुहानूं यकीन दिवाउंदा हां। हाईकोरटों पहिली पेशी ’ते बंदी लै दिआंगा। अगली पेशी ’ते चाहे मुख्ख मंतरी ज़ोर ला लए, ज़मानत मनज़ूर हो के रहेगी। हाईकोरट आपणी चलणी है। दरख़ासत किस जज्ज कोल जावे इसदा फैसला मैं करना है। आपां आपणे मित्तर जज्ज कोल भेजांगे। फेर कोल बैठ के फैसला करवावांगे। बस पंज चार दिनां दी गल्ल है। लुक्क छिप के बनवास कट्ट लओ।”

“अंकल असीं बड़ी आस लै के आए सी। दो पेटीआं, तिंन पेटीआं*। जो कहो, ख़रच कर दिआंगे। पलीज़ साडा कंम कराओ।”

अजे नूं लग्गा मसला पैसिआं दी खोल्ह खुल्हाई ’ते अटकिआ होइआ सी।

जज्ज शाइद पैसे खोल्हण तों झिजक रिहा सी। इह गुत्थी सुलझाउण लई अजे नें पेटीआं दी गल्ल तोरी।

तिंन लख्ख दी पेशकश होण ’ते प्रताप सिंघ नें इक्क वार फेर दिमाग़ ’ते बोझ पाइआ, पर नतीजा कोई नां निकलिआ।

“सवाल पैसिआं दा नहीं है। उथे इह कंम किसे कोलों नहीं होणा। इथों होएगा। मेरे हत्थों। फेर वी तुसीं कल्ह मैनूं फ़ोन करना। दस्सणा दरख़ासत किस जज्ज कोल गई है। कोशिश करके देख लवांगे।”

प्रताप सिंघ नें सुट्टी कमान फेर संभाल लई। रकम मोटी सी। शाइद किसे जज्ज दा सिर फिर जावे।

“सैशन जज्ज नूं आख के देख लओ। दरख़ासत किसे तुहाडे वाकफ़ कोल भेज देवे,” अजे हाले हथिआर सुट्टण दे मूड विच्च नहीं सी।

“कोई फ़ाइदा नहीं। उलटा उस नूं शक्क होइआ। जिथे लाउंदा है, लाउण दिओ।”

“ठीक है सर! जे उथे गल्ल नां बणी तां इथे तुसीं संभाल लओगे नां?”

पंकज नें प्रताप सिंघ कोलों पक्का वाअदा लैण दी नीअत नाल पुछ्छिआ।

“सौ फ़ीसदी गरंटी है। इथे पुत्तरा तेरे अंकल दा राज है। मैं गल विच्च पए फांसी दे फंदे लुहा दिआं, इह ते ज़मानत है।”

*इक्क पेटी = इक्क लख्ख कोठीउं निकलदे पंकज नें ढेरी ढाह लई। जिहड़ा कंम प्रताप सिंघ तों नहीं होइआ, उह किसे होर तों नहीं होणा। उस नूं लग्गा जेल्ह यातरा पक्की सी।

“इह सेल टैकस दी पेशी नहीं है। कतल दा मामला है। बहुत धक्के खाणे पैणगे। नंद लाल दे आखण वांग सबर रख्ख। चंगे पख्ख वल्ल देख। साहिब नें हाई कोरट विचों ज़मानत कराउण दी ज़िंमेवारी लै लई। इह गल्ल छोटी है?

आपणे नाल झूठा वाअदा नहीं कीता। इह उनहां दा वडप्पण है।”

अजे पंकज नूं निराशा दी खाई विचों कढ्ढण दा यतन करन लग्गा।

 

-21-

 

पंकज दा मन उदास सी। उह माइआ नगर मुड़ जाणा चाहुंदा सी। जिहड़ा कंम इक्क रजिसटरार नहीं करवा सकिआ, उह तीजे दरजे दा मुलाज़म किवें करवा सकदा सी।

अजे हिंमत हारन वाला नहीं सी। उसनूं कलैरीकल सटाफ़ ’ते भरोसा सी।

जिहड़े कंम प्रधान मंतरी नहीं करवा सकदे, उह उनहां दे रसोईए करवा दिंदे हन। अजे लछमण सिंघ नूं कई वार परख चुक्का सी। कई औखे कंम उस राहीं होए सन।

लछमण सिंघ नूं फ़ोन नां कीता हुंदा तां होर गल्ल सी। समां लै के नां जाणा बेवकूफ़ी सी। केस नें किहड़ा हुणे मुक्क जाणा सी। पता नहीं किंने साल चल्लणा सी। कई वार उनहां नूं हाई कोरट आउणा पैणा सी। छोटे मोटे कंमां लई इसे नें कंम आउणा सी।

अजिहा कुझ्झ समझा के अजे पंकज नूं सैकटरी दे कुआटरां वल्ल लै गिआ।

नहा धो के सैकटरी पहिलां ही तिआर बैठा सी। घुसमुसा होण लग्गा सी।

उसदा दारू पीण दा समां लंघ रिहा सी। उस तों होर उडीक नहीं सी हो रही।

लछमण सिंघ दा कुआटर छोटा सी, पर लंमचिड़ा वड्डा। नूंहां धीआं वाले घर विच्च शराब पीण तों शरम आउंदी सी। बाहर पीणी महिंगी पैंदी सी। उह मुरग मसल्लम दा शौकीन सी। घरे मीट बणदा नहीं सी।

अजे वरगी असामी दी उसनूं बे सबरी नाल उडीक सी। रौणक मेले लई उसने आपणे पड़ौसी भोगल नूं तिआर कर लिआ। मुफ़त विच्च उह वी गंगा नहा लएगा।

अजे कोल घर बैठ के चाह पीण दा समां नहीं सी। उनहां नें सैकटरी नूं गलीं विचों ही नाल रला लिआ।

“जिधर जाणा है उधर दा रसता डराईवर नूं दस्सी जाओ।” गड्डी विच्च बैठदिआं ही अजे नें सैकटरी नूं मरज़ी दी थां जाण दी इजाज़त दे दित्ती।

भोगल पुराणे अड्डे ‘ज़िमीदारा ढाबे’ ’ते जाणा चाहुंदा सी। उथे खारे, आंडे अते मीट सभ ससता सी। बैठण दा किराइआ नहीं सी लिआ जांदा।

भोगल दे भोलेपण ’ते लछमण सिंघ नूं तरस आइआ। भोगल सिख्खिआ विभाग दा करमचारी सी। उसदी असामी दी पहुंच ज़िमीदारा ढाबे तक हुंदी सी।

हुण उह हाई कोरट दे चीफ़ जसटिस दे प्राईवेट सैकटरी नाल जा रिहा सी। माइआ नगर वरगे शहिर दी अमीर असामी उनहां दे नाल सी। अज्ज उह किसे आलीशान होटल दी एअर कंडीशन बार विच्च बैठ के जशन मनाउणगे।

गड्डी उसने तिंन तारा होटल दे राह पवा लई।

“चार पैग्ग पीटर सकाट। पहिलां इक्क चिकन रोसटड। फेर इक्क चिल्ली चिकन। दो पलेट फिश। बोन लैस्स!” टेबल दुआले बैठदे ही पहिलां सैकटरी नें वेटर नूं आरडर नोट करवाइआ। फेर अजे दे राजधानी आउण दा कारन पुछ्छिआ।

“कतल केस दे मुलज़म दी पेशगी ज़मानत। सैशन जज्ज तक सिफारश।”

कंम सुणके सैकटरी दे रंग विच्च भंग पै गिआ।

लछमण सिंघ नें सोचिआ सी, अजे नें हाई कोरट विच्च कोई वकील करना होएगा। किसे पुराणे मुकद्दमे दे फैसले दी नकल लैणी होएगी। दोहां कंमां विच्च उसनूं कमाई होणी सी। वकील नें हिस्सा देणा सी। नकल उसने आपणे रोहब नाल तिआर करवा लैणी सी। कलरक दे नां दी फ़ीस आपणी जेब विच्च पा लैणी सी।

माइआ नगर विच्च लगे जज्जां दी कदे कोई शिकाइत चीफ़ कोल नहीं सी आई। इस लई उनहां नूं कदे लछमण सिंघ दी लोड़ नहीं सी पई।

सैकटरी नें अजे दे जिहड़े पहिलां दो कंम करवाए सन, उह दोवें जज्ज रिशवतखोरी विच्च डूंघे धसे होए सन। उनहां दीआं शिकाइतां चीफ़ कोल आउंदीआं रहिंदीआं सन। महीने विच्च घट्टो घट्ट इक्क चक्कर उनहां दा हाई कोरट लग्गदा सी। चीफ़ नूं मिलण तों पहिलां उह सैकटरी नूं मिलदे सन। होण वाली कारवाई दी सूह लैंदे सन। साहिब दे मूड अते होई शिकाइत दी गंभीरता बारे पुछ्छदे सन। उह इस सेवा कारन सैकटरी दा अहिसान मंनदे सन। उसदे आखे छोटेमोटे कंम कर दिंदे सन।

अज्ज वाला कंम होण वाला नहीं सी। पैग्ग ’ते पैग्ग चाहड़दा अते हड्डीआं नोचदा सैकटरी सोच रिहा सी, किवें बिनां आपणा प्रभाव गवाए उह इस मुसीबत विचों निकले?

पंकज नें डरिंक नहीं सी लई। मानसिक तनाअ कारन उसनूं उबासीआं आ रहीआं सन। उसदा सारा सरीर दरद कर रिहा सी। उसदा गला सुक्क रिहा सी। चार पंज कोक उसदी पिआस नहीं सन बुझा सके।

अजे पंकज दी बेचैनी समझ रिहा सी। उह वी जलदी कोई सिट्टा कढ्ढ के वापस मुड़ना चाहुंदा सी।

पर सैकटरी ख़ामोश सी। उह चार पैग्ग पी चुक्का सी। मुरगे अते मछ्छी दीआं कई पलेटां आ अते जा चुक्कीआं सन।

“साडा कुझ्झ बणेगा?” सैकटरी दे खाण पीण वल्लों धिआन तोड़न लई अजे नें खिझ के पुछ्छिआ।

सैकटरी नूं थोहड़ा थोहड़ा सरूर होण लग्गा सी। पेट विच्च गए मसालेदार चिकन नें पेट नूं अफारा लिआउणा शुरू कर दित्ता सी। चिकन अते सोढिआं दी गैस नें उसदा ढिड्ड फुट्टबाल वांग फुला दित्ता। उसदी बैलट पेट तों खिसक के लक्क कोल आ गई। तरी दे धब्बिआं नें कमीज़ उपर अंडेमान निकोबार दा नकशा उक्कर दित्ता। पैंट अंदर दित्ती अध्धी कमीज़ बाहर आ गई।

सैकटरी नूं पता सी, उह अजे दा कंम नहीं कर सकदा। अध्ध विचकार नांह करके उह महिफल मुलतवी नहीं सी करना चाहुंदा। उह जलदी जलदी आपणा कोटा पूरा कर रिहा सी।

अजे दे रुख्खेपन ते सैकटरी नूं आपणे आप ’ते कचिआण आई। दो घुट्ट शराब ख़ातर उसदी बेइज़्ज़ती हो रही सी। झट्ट उसने आपणे डोलदे मन नूं संभालिआ। अजिहा कुझ्झ हुंदा रहिंदा है। उह फहड़ मार के अजे नूं परचाउणा चाहुंदा सी। पर अजे कोल मोबाईल फ़ोन सी। झट्ट उसने जज्ज दा नंबर मिला के सैकटरी नूं फड़ा देणा सी। सैकटरी नूं खहिड़ा छुडाउणा मुशकल हो जाणा सी।

“तूं फ़िकर नां कर। सवेरे कोठी जा के मैं चीफ़ तों फ़ोन करवावांगा। जे उह झिजक गए, मैं बीबी दे पैर फड़ लवांगा। बीबी मैनूं नहीं मोड़ सकदी।

बीबी दा किहा जज्ज नहीं मोड़ सकदा। इंझ आपणा कंम होवेगा।”

लगातार दो वड्डे पैग्ग अंदर जाण कारन उसनूं कुझ्झ पता नहीं सी, उह की बोल रिहा सी।

पंकज सैकटरी दीआं गल्लां तों उकता चुक्का सी।

पंकज नें बथेरे विउपार कीते सन। सैंकड़े अफ़सरां नाल उसदीआं अजिहीआं बैठकां होईआं सन। उह भांप गिआ सी सैकटरी दी झोली विच्च दाणे नहीं सन। सैकटरी आपणा पेट भर रिहा सी। सैकटरी दा इहो लाहा पंकज नूं चिड़ा रिहा सी।

किसे होर कंम आए हुंदे तां पंकज अजे नूं बाहों फड़के खहड़ा कर लैंदा।

उह सैकटरी नूं होटल विच्च छड्ड के माइआ नगर नूं मुड़ जांदे। पर हुण उह फौजदारी मुकद्दमे विच्च फसिआ होइआ सी। कोई वी नराज़ होइआ अफ़सर महिंगा पै सकदा सी। अजिहा बंदा कुझ्झ संवार तां नहीं सी सकदा पर विगाड़ ज़रूर सकदा सी। इसे डर कारन उह सैकटरी दे नख़रे बरदाशत कर रिहा सी।

सैकटरी चाहुंदा सी, खाणा खाधा जावे। बच्चिआं लई रस मलाई घर लिजाई जावे।

“सैकटरी साहिब तुसीं आऊट हो गए। आह लओ आख़री पैग्ग अते चल्लो।”

सैकटरी दे वेटर नूं खाणे दा आरडर लिखाउण तों पहिलां ही अजे नें मेज़ ‘ते पिआ आख़री गलास सैकटरी दे हत्थ च फड़ा के आपणा फैसला सुणा दित्ता।

सैकटरी चुप्प कर गिआ। शराब अंदर सुट्टी अते गुस्से हुंदा उठ्ठ खड़ोता।

पंकज नें काउंटर ’ते जा के बिल चुकाइआ।

भोगल नें सहारा दे के सैकटरी नूं गड्डी तक पहुंचाइआ।

पिछों नीरज दे फ़ोन आ रहे सन। अध्धी रात हो चुक्की सी। अजिही हालत विच्च उसदा बाहर रहिणा ठीक नहीं सी।

सैकटरी दा परिवार कुआटर दे बाहर खहड़ा उसदा इंतज़ार कर रिहा सी।

सैकटरी अते भोगल दे गड्डीउं उतरदिआं ही उनहां गड्डी माइआ नगर वल्ल दौड़ा लई।

 

-22-

 

सिंगले वकील दीआं बाकी सभ गल्लां ठीक सन। पर मेलू दोधी वाली गल्ल उस नूं जची नहीं सी।

नीरज होरीं माइआ नगर दे गिणवें सनअतकारां विचों इक्क सन। उह अठ्ठ दस करोड़ दी जाइदाद दे मालक सन। शहिर विच्च उनहां दा हर तरहां दा रसूख सी। सिआसी बंदे सवेरे शाम उनहां दे दफ़तर गेड़ा मारदे सन। हर इलैकशन विच्च हर सिआसी पारटी उनहां तों चंदा लै के जांदी सी। माइआ नगर दे सारे अते चंडीगहड़ बैठे अध्धे उच्च अधिकारी उनहां दे वाकिफ़ सन।

मोहन लाल दा इहो वाधा सी। जिस अफ़सर नाल उस दी मुलाकात हो गई, उस अफ़सर दे जिंना चिर उसदा घर आउण जाण नहीं सी बणदा, उसनूं चैन नहीं सी आउंदी। अफ़सरां दीआं विआह शादीआं विच्च उह खुल्ह के खरच करदा सी। आई.ए.ऐस.अफ़सरां दे विआहां विच्च उह इक्क लख्ख रुपए दा शगन दिंदा सी। पी.सी.ऐस.अफ़सरां नूं पंजाह हज़ार दा। सरदीआं विच्च दो कोटीआं ‘मोनटी कारलो’ दीआं साहिब लई अते इक्क पशमीने दा शाल मैडम लई लै के उह ख़ुद चंडीगहड़ जांदा सी। माइआ नगर दी हौज़री दा समान दुनीआं भर विच्च बरामद हुंदा सी। किसे अफ़सर नें बहुती ख़रीदो फ़रोखत करनी होवे, उह उस नूं माइआ नगर आउण दा सद्दा दिंदा सी। अफ़सर अते उनहां दे परिवार कई कई दिन माइआ नगर उनहां दे घर रहिंदे सन। मौज मसती हुंदी सी।

कई अफ़सरां दे बच्चे नीरज होरां नाल इकठ्ठे खेडदे रहे सन। बच्चिआं दे सबंध मापिआं नालों वी गूहड़े सन।

मेलू राम दी थां उह किसे सिआसी नेता जां वड्डे अफ़सर तों फ़ोन कराउणगे।

पिछों कोठी जा के फ़ीस दे आउणगे। पहिलां वी उह आपणे कंम इसे तरहां कराउंदे सन।

ऐम.पी.साहिब परसों दिल्ली गए सन। शाइद वापस आ गए होण। शाइद उनहां दी कपतान नाल गल्ल हो गई होवे। हो सकदा है उनहां नें दिल्लीओं ग्रहिमंतरी तों फ़ोन करवा दित्ता होवे। उह इस तरहां करन दा वाअदा करके गए सन। वाअदे दे उह पक्के सन। लोकां नाल उह लख्ख झूठे वाअदे करदे होण। उनहां नाल उह हमेशा तोड़ निभाउंदे सन।

दो कु साल तों उनहां दे सबंध घरेलू बण गए सन। उनहां दी विउपारक सांझ पीडी हो गई सी।

मोहन लाल नें पहिलां पटरोल पंप लग्गा लिआ सी। उसदा उसनूं उच्चा मुल्ल देणा पिआ सी। साल पंप चला के मोहन लाल नूं इस धंदे दीआं बारीकीआं अते हुंदे मोटे मुनाफ़िआं दी समझ आ गई सी।

जे पंप सिध्धा पटरोल मंतरी कोलों अते ज़मीन पंजाब सरकार कोलों अलाट हो जावे तां पंप सोना उगलण लग्ग सकदा सी।

बाबू जी पहिली वार ऐम.पी.बणे सन। केंदर विच्च उनहां दी सरकार पहिली वार बणी सी। इस लई बाबू जी नूं नां आपणीआं शकतीआं दा बहुता गिआन सी, नां उनहां नूं कंम लैण दी जाच सी।

मोहन लाल नें पहिलां ऐम.पी.नूं मिलदे कोटिआं दा ख़ुद अधिऐन कीता।

फेर उनहां बारे बाबू जी नूं रोशनी पाई। जदों बाबू जी नूं समझ आई कि उनहां कोल हनूंमान वांग छाल मार के महां समुंदर पार करन दी ताकत है तां उनहां नें आपणी सारी ताकत मोहन लाल वल्ल झोक दित्ती। बाबू जी दे दो वार फ़ोन करन नाल जे दोहां परिवारां दीआं पीहड़ीआं दीआं रोटीआं दा इंतज़ाम हुंदा है तां इस विच्च बाबू जी नूं की इतराज़ हो सकदा सी।

पटरोल पंप दे इक्क साल दा हिसाब किताब जदों मोहन लाल नें बाबू जी नूं दिखाइआ तां उनहां दीआं अख्खां खुल्ह गईआं। उनहां झट्ट पैटरोलीअम मंतरी नाल गल्ल कीती। जिंना चिर नवां पटरोल पंप मनज़ूर नहीं हो गिआ, उह टिक के नहीं बैठे।

पटरोल पंप तां अलाट हो गिआ पर इह लाइआ किथे जावे?

पहिले दिन तों मोहन लाल दी नज़र शहिर दी हिक्क उपर खाली पए इक्क सरकारी पलाट उपर टिकी होई सी। जे पंप इथे लग जावे तां विकरी दस गुणा वध्ध होणी सी। इह पलाट मिलणा वी मिट्टी दे मुल्ल सी। बज़ार दे भाअ पलाट खरीद के पंप लाइआ तां पंप दी आमदन नाल रकम दा विआज वी पूरा नहीं सी होणा।

अफ़सरां नूं दाणे पा के मोहन लाल नें इस पलाट दी अलाटमैंट दा जुगाड़ शुरू कीता। जो जिस तरहां धिजिआ, उसनूं उसे तरहां धिजाइआ। पैसे वाले नूं पैसा, शबाब वाले नूं शराब। दो करोड़ दा पलाट उसने दस लख्ख विच्च नब्बे साला पट्टे ’ते लिखवा लिआ।

उस पलाट दे आले दुआले सरकारी कुआटर सन। पटरोल पंप लग्गण नाल उनहां दे घरां विच्च प्रदूशण फैलणा सी। डराईवरां नें गुंडागरदी करनी सी।

कारां, बस्सां अते टरक्कां दी भीड़ कारन जाम लगे रहिणे सन। धूड़ नाल उनहां दे कुआटरां दा रंग रोगण मध्धम पै जाणा सी। परदे, शीशे अते फरनीचर नें बेकार हो जाणा सी। कुआटरां वालिआं नें इस अलाटमैंट दा डट के विरोध करना शुरू कर दित्ता।

कुआटरां विच्च रहिंदे बाबूआं नें होए इकरारनामिआं दीआं नकलां मिसलां विचों कढ्ढवा लईआं। उनहां नें पटरोल पंप दे मालकां अते अफ़सरां दी मिलीभुगत दे सबूत प्रैस दे हवाले कर दित्ते। प्रैस नें लूण मिरच ला के इस नूं सकैंडल बणा दित्ता। विरोधी सिआसी धिर नें कुआटरां वालिआं दी पिठ्ठ ’ते होण दा ऐलान कर दित्ता। साबका मंतरी नें पटरोल पंप वाली जगहा ’ते धरना मार दित्ता। ‘पटरोल पंप उसदी लाश ’ते बणेगा’ इह ऐलान कर दित्ता।

अफ़सरां नूं हत्थां पैरां दी पै गई। उह आपणा आपणा बचाअ सोचण लगे।

अलाटमैंट कैंसल करन दी योजना बणन लग्गी।

मसला ठंडा करन लई मोहन लाल नें हाई कोरट दा सहारा लिआ।

अदालत नें ‘जैसे थे’ दा हुकम जारी कर दित्ता। इह हुकम मोहन लाल दी मरज़ी अनुसार होइआ सी। सरकार दे हत्थ बझ्झ गए। अलाटमैंट कैंसल होणों बच गई।

पंप चल्लणों हट्ट गिआ। इस नाल लोकां दी तसल्ली हो गई।

साल विच्च मोहन लाल नें सभ धिरां नूं ठंडा कर लिआ।

साबका मंतरी नाल समझौता होइआ।

मुहल्ले वालिआं नाल वाअदा कीता। पंप कारां टरक्कां वालिआं लई नहीं सी लग रिहा। केवल सकूटरां विच्च पटरोल पैणा सी। कोई गुंडागरदी नहीं हो सकदी।

वाधू बचदी थां विच्च मोहन नें इक्क शापिंग कंपलैकस खोल्हणा सी। मुहल्ले वालिआं नूं ससता अते ताज़ा समान मिलणा सी। उलटा कालोनी वालिआं नूं सौख होणी सी।

चुप्पके जिहे रिट्ट दा फ़ैसला करवा लिआ। रातो रात पंप चालू कर लिआ।

पहिलां पंप दो पहीआ वाहनां लई चल्लिआ। इंझ हाई कोरट दे हुकम अनुसार होइआ। छे महीने बाअद कारां विच्च पटरोल पैण लग्गा। फेर डीज़ल आ गिआ। बस्सां अते टरक्क आउण लगे। नाल दी जगहा विच्च वरकशाप बण गई। दुकानां खुल्ह गईआं। लोकां नूं जिथे तकलीफ़ सी, उत्थे अराम वी सी।

गल्ल आई गई हो गई।

पंप दी कामयाबी बाअद चुप्प चाप बाबू जी नें माइआ नगर लई तिंन गैस एजंसीआं मनज़ूर करवा लईआं। बाकी दीआं दो एजंसीआं मंतराले अते अफ़सरां नें किस खूह खाते सुट्टीआं, इस नाल बाबू जी नूं कोई वासता नहीं सी। जिहड़ी एजंसी पछ्छड़ीआं श्रेणीआं लई राखवीं सी, उह असल विच्च बाबू जी लई राखवीं सी। जिस बंदे दे नां ’ते उनहां उंगल रख्खी, उह उसे नूं अलाट हो गई।

इनहां दो कंमां नाल बाबू जी दा भविख्ख सुरख्खिअत हो गिआ। इस आरथिक सुरख्खिआ कारन बाबू जी मोहन लाल दे रिणी सन। हुण पंकज इनहां सबंधां नूं होर मज़बूत कर रिहा सी।

संसारीकरन दे इस दौर विच्च बहुत सारीआं बहु देशी कंपनीआं भारत विच्च पैर जमाउण दे यतन कर रहीआं सन। केंदरी सरकार विदेशी निवेश नूं उतशाहत कर रही सी। सनअत मंतरी वफ़द लै लै बाहरले देशां नूं तुरे रहिंदे सन। कुझ्झ देशां दा चक्कर बाबू जी वी उनहां नाल ला आए सन। अंदरखाते बाबू जी दी जपान दी इक्क कंपनी नाल गल्ल चल्ल रही सी। कंपनी नूं जे खुल्हीआं रिआइतां मिल जाण तां कंपनी मोटर साईकलां दा भारी उदयोग इधर लाउण लई सोच सकदी सी। बाबू जी दीआं सेवावां दे इवज विच्च कंपनी दे कुझ्झ हिस्से उनहां नूं दित्ते जा सकदे सन। बाबू जी आप हिस्सेदार नहीं सन बण सकदे।

नां उनहां कोल इंनी पूंजी सी। आपणी थां उनहां नें पंकज दा नां सुझाइआ सी।

गल्ल सिरे चहड़न वाली सी। इस लई बाबू जी दी इक्क टंग दिल्ली हुंदी सी अते इक्क माइआ नगर।

जरमनी तों इक्क पेशकश इक्क विदेशी मित्तर राहीं पंकज कोल आई सी।

भारती फौज आपणीआं तोपां दे बहुत सारे कलपुरज़े अमरीका कोलों खरीददी सी। जरमनी दी इह कंपनी उहो कलपुरज़े भारत विच्च बनाउण दी समरत्था रख्खदी सी। भारत दे सुरख्खिआ मंतराले विच्च जे पहुंच हो जावे तां कंपनी पंकज नाल हिस्सेदारी रख्ख के कंम शुरू कर सकदी सी। बाबू जी इस प्रोजैकट दे सिरे चहड़ जाण लई वी यतनशील सन। इथों वी सोने दी खाण लभ्भ सकदी सी।

अजिहे गूहड़े संबंधां दे हुंदिआं भीड़ पैण ’ते बाबू जी पंकज होरां नूं पिठ्ठ किस तरहां दिखा सकदे सन?

पूरे मान नाल नीरज नें बाबू जी नाल राबता काइम कीता।

कोठीउं पता लग्गा उह दिल्लीउं वापस नहीं आए। दिल्लीउं पता लग्गा, उह कारजकारनी दी मीटिंग विच्च शामल होण लई बंगलौर चले गए। मोबाइल उथे चलदा नहीं सी। दूजा फ़ोन मिलाइआ। घंटी जांदी सी पर कोई चुक्क नहीं सी रिहा।

बाबू जी नहीं हन तां नां सही, चेअरमैन साहिब माइआ नगर विच्च सन।

उनहां दी बाबू जी नालों वध्ध चल्लदी सी।

उह चेअरमैन नाल संपरक करन लग्गे।

 

-23-

 

चेअरमैन साहिब तिंन दिनां तों माइआ नगर विच्च डेरा लाई बैठे सन।

पारटी वरकरां दा कैंप लग्गा होइआ सी। प्रबंध दी सारी ज़िंमेवारी उनहां सिर सी।

चेअरमैन नें उनहां नूं कैंप विच्च बुला लिआ। उनहां दे कैंप तों बाहर जाण ‘ते मनाही सी। उनहां दे बाहर जाण नाल पारटी अनुशासन भंग हुंदा सी। कैंप दी कारवाई विच्च विघन पैंदा सी।

चेअरमैन साहिब नें नीरज दी इक्क डिऊटी वी लाई। आउंदा होइआ उह केडटां लई दो पेटीआं सेब अते पंज किलो लड्डू लैंदा आवे। शाम दी रिफ़रैशमैंट मोहन परिवार वल्लों होणी चाहीदी सी।

दो चीज़ां वध्ध लै के उह झट्ट कैंप पहुंच गए।

केडटां वाली वेस भूशा विच्च देख के कोई नहीं सी कहि सकदा कि इह निक्कर बनैण वाला बंदा दो वार विधाइक रहि चुक्का सी अते हुण खादी बोरड वरगे अदारे दा चेअरमैन सी। उह किसे सकूल दा डरिल मासटर लग्गदा सी।

नाल आए समान नूं रसोई विच्च भिजवा के उह उनहां नूं आपणे दफ़तर लै गए। दफ़तर विच्च फ़ोन वी सी अते फ़ोन करन वाला निज्जी सहाइक वी।

कैंप वाले इनहां दिनां विच्च साधारन जनता दा उनहां नूं मिलणा बंद सी।

पर नीरज होरे साधारन जनता नहीं सन। उह पारटी दे फाईनैंसर सन। हुण पारटी सत्ता विच्च सी। किसे तों वी फ़ोन करके चंदा मंगवाइआ जा सकदा सी।

पंकज दे पिता जी उस समें कैंपां दा सारा खरचा बरदाशत करिआ करदे सन, जदों लोक पारटी दा नां लैणों डरदे सन। जदों पारटी विरोधी धिर विच्च सी अते चेअरमैन नूं बस्स, टरक्क जां राशन पाणी दी ज़रूरत पैंदी सी, मोहन लाल अध्धे बोल उह लोड़ पूरी करदा सी।

पारटी मोहन लाल दे उस अहिसान नूं कदे नहीं भुल्ल सकदी, जिहड़ा उस नें सरव हितकारी सकूल खोल्हण लई पारटी नूं लागत मुल्ल ’ते पलाट दे के कीता सी। इहो नहीं, सकूल चालू करन लई दो कमरे उसने आपणे खरचे ’ते बणवा के दित्ते सन। आपणे पिता जी दी याद विच्च ग़रीब हुशिआर बच्चिआं लई उसने वज़ीफ़े चालू कीते सन।

पुत्तर दो कदम अग्गे जा रहे सन। मोहन लाल दी याद विच्च उनहां नें सकूल विच्च असैंबली हाल बणवा दित्ता। वज़ीफ़िआं दी गिणती दुगणी कर दित्ती।

पारटी अते चेअरमैन इस परिवार दे सदा रिणी सन।

कैंप दौरान चेअरमैन बहुत घट्ट लोकां नूं मिलिआ सी। इस लई नगर दे ताज़ा हालातां तों उह वाकिफ़ नहीं सी। अख़बारां विच्च उसने इक्क परिवार दे घर पई डकैती बारे पहड़िआ सी। उह परिवार नीरज दे चाचे दा सी, इह जाण के चेअरमैन नूं डाढा दुख्ख होइआ सी। उह दुखी परिवार दी हर सहाइता लई तिआर सी।

जदों नीरज नें उनहां दे डकैती दी साज़िश विच्च शामल होण बारे पुलिस नूं पए शक्क दी गल्ल तोरी तां चेअरमैन दा चिहरा पीला भूक हो गिआ। उसदी ज़ुबान तालूए नाल लग्ग गई। उसनूं महिसूस होण लग्गा, जिवें उह ख़ुद साजिश विच्च शामल होण जा रिहा सी।

चेअरमैन दा मन काहला पैण लग्गा। चंगा सी हाले तक बहुते लोकां नूं उनहां दी चेअरमैन नाल होई मुलाकात दा पता नहीं सी लग्गा। अज्ज तक चेअरमैन दा दामन साफ़ रिहा सी। किधरे उस उपर कातलां दी मदद दा दोश नां लग्ग जाए, उह इस गल्ल तों घबरा रिहा सी।

“दस्सो मैं की सेवा कर सकदा हां। मेरी कलास दा समां होण वाला है।”

घड़ी वल्ल देख के चेअरमैन नें आपणी बेचैनी दा प्रगटावा कीता।

“बाबू जी बंगलौर गए होए हन। तुसीं कपतान नूं इक्क फ़ोन कर दिओ।

आख देवो असीं बेकसूर हां। पुलिस सानूं तंग प्रेशान नां करे।”

“फ़ोन दी की लोड़ है? अजिहीआं सिफारशां फ़ोन ’ते नहीं करीदीआं। अजिहे कंम कोल बैठ के कराए जांदे हन। अज्ज कपतान नें कैंप विच्च आउणा है। कैडटां नूं संधबोधन करन। उस वकत मैं गल्ल करांगा। तुसीं बेफिकर रहो। किसे नाल धक्का नहीं होएगा।”

आखदा चेअरमैन कुरसी तों उठ्ठ खड़ोता।

“चाह पी के जाणा। … जाह काका महिमानां लई दो कप्प चाह लिआ … नाल खाण नूं लिआईं।”

दफ़तर आए इक्क कैडट नूं चाह लिआउण दा हुकम सुणा के उह तेज़कदमीं कलास वल्ल तुर पए।

चेअरमैन दी इस बेरुखी ’ते नीरज दा चिहरा उतर गिआ। उसनूं पहिली वारी महिसूस होइआ कि उह घोर संकट विच्च सी। आपणे पराए हुंदे जा रहे सन।

गुस्से अते घबराहट कारन बिनां चाह दी उडीक कीते उह कैंप चों बाहर आ गए।

“मैनूं लगदा है बाबू जी जाण बुझ्झ के बंगलौर नूं तुर गए। इस पाखंडी दा रवई्ईआ देख लिआ? तिंन दिन पहिलां सारा दिन मेरे दफ़तर विच्च बैठा रिहा सी। इसे कैंप लई चंदा लैण आइआ सी। हुण जिवें असीं भिट्टे गए हां। लग्गदा है जेल्ह यातरा करनी पएगी।”

डर नाल कंबदा नीरज मन दी भड़ास कढ्ढ रिहा सी।

“उए कुझ्झ नहीं हुंदा। पैसे नाल सभ ठीक हो जावेगा। इह लालिआं दी पारटी है। कारोबार लई ठीक हन। लड़ाई झगड़े वाले कंम तों डरदे हन। तूं फिकर नां कर। शाम तक आपां कोई नां कोई राह लभ्भ लवांगे।”

घबराहट कारन पुठ्ठे राह पए नीरज नूं बाहों फड़के ठीक राह पाउंदे विने नें उसनूं समझाउण दा यतन कीता।

 

-24-

 

थां थां धक्के खाण बाअद नीरज होरां नूं सिंगले दी नसीअत याद आई।

कचहिरीआं दे मामले आपणी तरहां दे हन। इनहां नूं सुलझाउण दा भेत वकीलां नूं ही पता सी। शाइद इसे लई वकीलां दी वख्खरी जमात बणाई गई सी।

वकील दी राए ’ते अमल करदिआं उनहां गड्डी मेलू डेअरी वाले दी डेअरी वल्ल मोड़ लई।

मेलू दुध्ध वाला होइआ कौण? मेलू कोल जाण तों पहिलां उसदा पिछोकड़ जानण लई उनहां नें कई फ़ोन घुमाए।

बचपन तों मेलू नूं पहिलवानी दा शौक सी। उस समें पुलिस दा जो मुख्खी सी, कदे उह वी पहिलवानी करदा रिहा सी। पहिलवानां दी हालत सुधारन लई उसने पहिलवानां नूं पुलिस विच्च भरती कर लिआ। मशक लई हर पुलिस लाइन विच्च अखाड़ा बणा दित्ता। बराबर दे पहिलवानां नाल ज़ोर करन लई मेलू अखाड़े जाण लग्गा। किसे पुलसीए पहिलवान दा रैंक इंसपैकटर सी अते किसे दा डिपटी। उह उसदे दोसत बणन लग्गे।

शुध्ध दुध्ध पहिलवान दी पहिली लोड़ है। माइआ नगर विच्च शुध्ध दुध्ध दा काल पिआ होइआ सी। पहिलवानां दे ज़ोर पाउण ’ते मेलू नें आपणे तबेले विच्च मझ्झ रख्ख लई।

मेलू पहिलवान सी। शुध्ध दुध्ध दी कदर जाणदा सी। दुध्ध विच्च मिलावट करनी उस लई हराम सी। इस शुध्धता नें इक्क पासे उसदा कारोबार टीसी ’ते पहुंचा दित्ता, दूजे पासे उसदा पुलिस विचले मित्तरां दा घेरा वधा दित्ता।

पहिलां अफ़सर उसदे दुध्ध ’ते विशवास करदे सन। फेर उसदी ज़ुबान ’ते विशवास करन लगे। जो आखदा सी, सच्च आखदा सी। कोई लुको नहीं, कोई हेराफेरी नहीं।

इसे लई सभ तों पहिलां मेलू दा कंम हुंदा सी।

मेलू आखण नूं दुध्ध वाला वज्जदा सी पर टौहर टप्पा मिलक पलांट दे मालकां वरगा सी।

उसदे सारे दफ़तर विच्च काला शीशा लग्गिआ होइआ सी, जिहड़ा अलमीनीअम दे फरेम विच्च जड़िआ होइआ सी। सारा फरनीचर अति आधुनिक सी। दफ़तर विच्च दो फ़ोन, इक्क टी.वी.अते इक्क फरिज सी।

चिट्टे कुड़ते पजामे विच्च बैठे मेलू दा चिहरा दग्गदग्ग कर रिहा सी। पंज तोले दा कड़ा, सोने दी चेन वाली घड़ी, चारां उंगलां विच्च नगां नाल जड़ीआं तोले दीआं छापां अते गल विच्च संगल वरगी चैन गोरे निशोह मेलू ’ते अंतां दी फब्बदी सी। इक्क छोटा जिहा मोबाईल फ़ोन उसने हत्थ विच्च फड़िआ होइआ सी।

मेलू नें नीरज होरां दा इउं सवागत कीता, जिवें उनहां दा युग्गां तों वाकिफ़ होवे।

सिंगले वकील दा नां लैंदिआं ही उह नीरज होरां दे आउण दा मकसद समझ गिआ। लग्गदा सी, सिंगले दा फ़ोन आ चुक्का सी।

आपणे सुभाअ अनुसार मेलू नें सिध्धी सपाट गल्ल करनी शुरू कीती।

आपणा दस हज़ार फड़ के उसने वड्डे सारे खीसे विच्च पा लिआ।

कपतान की मंगदा है? इसदा पता गल्ल करन ’ते लग्गणा सी।

मेलू नें आपणे मोबाइल ’ते कपतान नाल गल्ल कीती। फ़ोन करन दा कारन दस्सिआ।

कपतान किसे अहिम मीटिंग विच्च शामल होण लई चंडीगहड़ जा रिहा सी।

“उह हुणे आ जा जां कल्ल्ह नूं मिलीं।”

हुणे मिलण विच्च भलाई सी।

नीरज दा कपतान दी कोठी जाणा उचित नहीं सी। विने कोठी जा सकदा सी।

“कुझ नाल लै के आए हो?” कोठी जाण तों पहिलां मेलू नें उनहां नूं टोहिआ।

“अध्धी पेटी है।”

“अध्धी नाल की बणू। घट्टो घट्ट इक्क पूरी करो। चलो कोई नहीं, रसते विच्च फड़ लैणा। तुहानूं किहड़ा रकम दा कोई घाटा है।”

मेलू नें मामला गुपत रख्खण दी नीअत नाल नीरज होरां दी गड्डी आपणे गैरज विच्च लगवा दित्ती।

आपणी काले शीशिआं वाली ‘असटीम’ गड्डी कढ्ढी अते दोहां नूं विच्च बैठा के कपतान वल्ल तुर पिआ।

नीरज नूं मदान दी कोठी उतारिआ। पंजाह हज़ार मदान कोलों फड़िआ।

निशचित समें तों पंज मिंट पहिलां उह कपतान दी कोठी पहुंच गए।

कपतान नें सारी गल्ल दो मिंटां विच्च मुका दित्ती। इह वारदात नीरज अते पंकज दी शहि ’ते होई सी। ठेकेदार अते उसदे भतीजे नें सारी कहाणी टेप करवा दित्ती सी। सबूत वजों टेप दे कुझ्झ हिस्से कपतान नें उनहां नूं सुणाए।

बहुत सारे ठोस सबूत पुलिस दे हत्थ लग्ग चुक्के सन। कुझ्झ सबूतां दा वेरवा उसने विने नूं दित्ता। उह चाहे तां इस दी तसदीक नीरज कोलों कर लए।

विने नें नीरज नाल फ़ोन ’ते गल्ल कीती। हुण की कीता जाए?

नीरज उच्ची उच्ची रोण लग्गा। कपतान जो आख रिहा सी, सच्च सी। किसे नां किसे तरहां खहिड़ा छुडाइआ जावे।

पंज लख्ख विच्च सौदा तैअ हो गिआ। कल्ल्ह शाम तक सारी रकम मेलू कोल पुज्ज जाणी चाहीदी सी।

इवज विच्च कपतान अग्गे तों उनहां दी डट के मदद करेगा। बहुत सारे सबूत मिटा दित्ते जाणगे। गवाह नीरज दी मरज़ी दे रख्खे जाणगे। गवाही समें उह मुक्कर जाणगे। थाणे दा रिकारड इस तरहां लिखिआ जाएगा जिहड़ा उनहां दे हक्क विच्च भुगते। हर दसतावेज़ दी फोटो कापी उनहां नूं मिलदी रहेगी।

कपतान नें इक्क शरत वी रख्खी।

मामला हर वड्डे अफ़सर तों लै के मुख्ख मंतरी तक दे धिआन विच्च सी।

उनहां तक संपरक पारटी नें आप करना सी।

उपरों दबाअ पैण ’ते लोकां दीआं अख्खां पूंझण लई पुलिस नूं थोहड़ी बहुत हिल्लजुल्ल करनी पै सकदी सी।

इक्क सुझाअ वी दित्ता।

प्रैस्स नूं काबू करन दी ज़रूरत सी। अग्गों तों कपतान प्रैस्स नूं गुंमराह करन दी कोशिश करेगा। तत्थ तोड़ मरोड़ के पेश करेगा। आए दिन बिआन बदलेगा।

दोशी अख़बारां विच्च छपदीआं ख़बरां दी कटिंग संभाल के रख्खण। मुकद्दमे दी समाइत समें उनहां दे इह कंम आउणगीआं।

वैसे कपतान दा आपणे महिकमे दे उच्च अधिकारीआं नाल राबता काइम सी। गल्ल वस्सों बाहर हुंदी नज़र आई तां कपतान नें अफ़सरां नूं आपे ठल्ल्ह लैणा सी।

“बाकी फेर देखी जाएगी। हुण जाओ अते पेशगी ज़मानत दी कोशिश करो।”

“पेशगी ज़मानत होण तक पुलिस होर सभ कुझ्झ करेगी, पर तुहानूं ग्रिफ़तार नहीं करेगी।”

 

-25-

 

सैशन जज्ज नें उहो कीता, जिसदा उनहां नूं डर सी।

सुणवाई लई पेशगी ज़मानत दी दरख़ासत साधू सिंघ कोल भेज दित्ती।

साधू सिंघ तक पहुंच करना खाला जी दा वाड़ा नहीं सी। पैसा धेला तां की लैणा सी, उह किसे दे घर दा पाणी तक नहीं सी पींदा। विने नें साधू सिंघ दी कोठी कंम करदे अरदली तों खोज कढ्ढी सी। उह कहिंदा सी साधू सिंघ दा घर किसे साध दी कुटीआ वरगा लग्गदा सी। नां कार, नां ए.सी.। बाबा आदम वेले दा पुराणा सकूटर। सोफ़ा अते पलंघ शाइद विआह वेले दा सी।

डराइंग रूम किसे कलरक दी बैठक वरगा। नां गलीचा, नां वड्डे वड्डे शोअपीस । नां मीट खांदा सी, नां विसकी पींदा सी। सादा खाणा, सादा पहिनणा।

पैसा धेला भावें उसने नहीं सी बणाइआ पर उलाद दा भविख्ख ज़रूर उज्जल बणाइआ सी। उसदी वड्डी बेटी पंजाबी यूनीवरसिटी विच्च लैकचरार सी अते जवाई दिल दे रोगां दा माहिर। छोटा बेटा दिल्ली आई.आई.टी.विच्च इलैकटरानकस इंजनीअरिंग दी डिगरी कर रिहा सी। उसदी लिआकत देख के सविटज़रलैंड दी इक्क बहु देशी कंपनी नें उसनूं पहिलां ही आपणी कंपनी विच्च भरती कर लिआ सी। उसदी पहड़ाई दा खरचा कंपनी उठ्ठा रही सी।

नाल जेब खरच लई पंज हज़ार रुपए अलग्ग दे रही सी।

वड्डा बेटा सभ तों लाइक सी। उस नें पहिले हल्ले आई.ए.ऐस.दा इमतिहान पास कर लिआ सी। केडर पंजाब दा मिलिआ सी। पर उसनूं नौकरी दी चिठ्ठी दी थां रब्ब दा बुलावा आ गिआ। इक्क सड़क हादसे विच्च ज़ख़मी हो के उह साधू सिंघ नूं धोखा दे गिआ सी।

बेटे दी इस अण होणी मौत नें साधू सिंघ दा नज़रीआ बदल दित्ता सी।

पहिलां उह साधारन जज्जां वरगा जज्ज सी। थोहड़े बहुत वाधे घाटे कर लैंदा सी।

कुदरत दी इह बेइनसाफ़ी साधू सिंघ तों बरदाशत नहीं सी होई। दिन रात उह इहो सोचदा रहिंदा सी कि उसनूं इडी वड्डी सज़ा किउं मिली? इक्क दिन आपणे अंदरों उसनूं इस सवाल दा जवाब मिलिआ सी। ‘हुण पता लग्गा बे इनसाफ़ी की हुंदी है? तूं इनसाफ़ दी कुरसी ’ते बैठा हैं। लोक तैनूं दूसरा रब्ब मंनदे हन। की तूं सभ फैसले इनसाफ़ दी तक्कड़ी विच्च तोल के करदा हैं?’

साधू सिंघ इनहां प्रशनां दे उत्तर हां विच्च नहीं सी दे सकिआ।

पर उस दिन तों साधू सिंघ नें आपणे हत्थ विच्च फड़ी इनसाफ़ दी तक्कड़ी नूं घुट्ट के फड़ लिआ सी। हुण दुनीआं दी कोई वी ताकत तक्कड़ी दे किसे पलड़े नूं आपणे वल्ल नहीं सी झुका सकदी। उसदी तक्कड़ी उहो तोलदी सी, जिसदा उह हक्कदार सी।

लोहे दे इस थण कोल पंकज होरां दी दरख़ासत किस तरहां लग्ग गई? इस प्रशन दा उत्तर जानण लई उह नंद लाल दे दुआले होए। नंद लाल नें इसे कंम दा उनहां कोलों दस हज़ार रुपइआ लिआ सी।

“कमलिओ, इह बहुत ठीक होइआ है। देखदे नहीं अख़बारां नें अग्ग ला रख्खी है। हड़तालां, मुज़ाहरे हो रहे हन। अजिहे हलातां विच्च किसे माड़े जज्ज दी हिंमत नहीं मैरिट दे आधार ते फैसला करन दी। आपणा पख्ख मज़बूत है।

जे कोई आपणे हक्क विच्च डक्का सुट्ट सकदा है तां उह साधू सिंघ ही है। मैं ठीक करवाइआ है।”

नंद लाल नें पैरां ’ते पाणी नहीं सी पैण दित्ता।

पहिलां नंद लाल कहिंदा सी दरख़ासत साधू सिंघ कोल नां लग्गे। हुण कहिंदा इह कंम उसे नें कराइआ सी। इह की गोरख़ धंधा सी? अजे नूं समझ नहीं सी आ रिहा।

वैसे उनहां नूं नंद लाल दी गल्ल विच्च वज़न लग्गा। हाले पैसे लै के कंम करन दी किसे जज्ज दी हिंमत नहीं सी। मुकद्दमे दे गुणां औगुणां दे आधार ‘ते कुझ्झ आस रख्खी जा सकदी सी।

बहिस बाअद दुपहिर होणी सी।

अग्गे की होएगा? अगों की कीता जावे? साधू सिंघ तक पहुंच हो सकदी सी जां नहीं?

इनहां प्रशनां दे उत्तर खोजण लई विने अते अजे सिंगले दुआले हो गए।

“इह जज्ज ईमानदार वी है अते कानूंन दा वाकिफ़ वी। उहो फैसला करेगा, जो कानूंन मुताबक बणदा होएगा। सिफ़ारश वाला पंगा आपां नहीं लैणा। कंम उलटा हो जाएगा।”

आपणा दो टुक फैसला सुणाउण लई सिंगले नूं बहुता सोचण दी लोड़ नहीं सी पई।

“दुपहिर बाअद की होएगा?”

“बहिस होएगी। दूजी धिर हाले पेश नहीं हो सकदी। आपणी बहिस सुण के जज्ज नूं जो ठीक लग्गेगा, उह उहो फैसला कर देवेगा?”

“आपणे केस विच्च किंना कु दम है?”

“आपणा परचे विच्च नां नहीं है। नां परचे विच्च इह दरज है कि इह वारदात साडी शहि ’ते होई है। इस कारन मुदई धिर दा पख्ख कमज़ोर है।

साडी उनहां नाल दुशमणी है। साडे आपस विच्च मुकद्दमे चलदे हन। इस लई सानूं फसाइआ गिआ है। इह साडे हक्क दा नुकता है।”

“आपणे उलट की जांदा है?”

“कानूंन आपणे उलट नहीं है। शहिर विच्च जो रौला पै रिहा है, उह साडे उलट है। जज्ज सभ कुझ्झ पहड़दे सुणदे हन। मीडीए तों प्रभावित हुंदे हन।”

सिंगला आपणे साइलां नूं हनेरे विच्च नहीं सी रख्खणा चाहुंदा। इस लई उह सथिती सपश्शट कर रिहा सी।

“हुण आपां नूं की करना चाहीदा है?”

“केवल इंतज़ार! बाकी फैसले बाअद बैठ के सोचांगे।”

बाअद दुपहिर बहिस होई।

साधू सिंघ बड़े ठरहमे नाल बहिस सुणदा रिहा। बाबू जी नें जो जो नुकते उठाए, उह साधू सिंघ नोट करदा रिहा।

बाबू जी नें जदों आखिआ दोशीआं दा परचे विच्च नां नहीं है तां साधू सिंघ नें “अख़बारां विच्च तां है” आख के उस नूं टोक दित्ता।

बाबू जी साधू सिंघ दी इस ग़ैर कानूंनी टिप्पणी ते खिझ उठ्ठे।

“जज्ज मिसल तों बाहर नहीं जा सकदा।” नंद लाल उच्च अदालतां दे हवाले दे दे साधू सिंघ दी धारना बदलण दा यतन करन लग्गा।

“मैं मिसल तों बाहर जावांगा। इनहां फैसलिआं नूं नहीं मंनांगा।”

साधू सिंघ उपर इस बहिस दा कोई असर नहीं सी होइआ। उह आपणे नुकते उपर अड़िआ होइआ सी।

नंद लाल जो बहिस कर सकदा सी। उह उसने कर दित्ती। जज्ज जे कानूंन नहीं मंनदा तां नंद लाल उस दे चुक्क के इट्ट तां मार नहीं सी सकदा। उह चुप्प कर गिआ।

साधू सिंघ विच्च इहो नुकस सी। जिथे कानूंन कमज़ोर पैंदा सी अते मुलज़म उस कमज़ोरी दा फ़ाइदा उठाउण लग्गदा सी, साधू सिंघ विचकार चटान वांग अड़ जांदा सी। उह आपणा तरक दे के नवां कानूंन घड़ दिंदा सी। सफ़ाई धिर खांदी रहे, हाई कोरट दे धक्के।

इहो जिहा कुझ्झ उह हुण आख रिहा सी।

परचा दरज होए नूं छे दिन हो गए सन। इनहां छे दिनां विच्च पुलिस नूं सैंकड़े नवें सबूत मिल गए सन। जज्ज उनहां सबूतां नूं नज़र अंदाज़ करन लई आपणीआं अख्खां ’ते पट्टी किउं बंनहे? उह आपणीआं अख्खां अते कंन खुल्हे रख्खेगा।

जे आपणे वसीलिआं तों उसनूं किसे तत्थ दा पता लग्गेगा तां उह सच्च ते पुज्जण लई उस तत्थ दी वरतों करेगा। कानूंन जो मरज़ी आखदा रहे।

साधू सिंघ इकल्ले परचे दे आधार ’ते फैसला नहीं सी कर सकदा। पूरी सचाई जानण लई उसनूं पूरी मिसल चाहीदी सी।

बहिस ख़तम हुंदे ही उसने अगले दिन दी तारीख़ पाई।

सरकारी वकील नूं हदाइत होई। कल्ल्ह नूं उह तिआर हो के आए अते आपणा पख्ख पेश करे।

कोई अंतरिम फैसला नहीं। कल्ल्ह सिध्धा अंतम फैसला कीता जाएगा।

 

-26-

 

होश विच्च आउंदिआं ही नेहा नूं पलवी दा घर वढ्ढ वढ्ढ खाण लग्गा।

इस वारदात तों पहिलां नेहा आपणे घर घट्ट अते पलवी दे घर वध्ध रिहा करदी सी। पलवी दी मंमी कालज विच्च प्रोफैसर सी। उसदा पापा टैलीफ़ोन ऐकसचेंज विच्च इंजीनीअर सी। सवेर तों शाम तक उह घरों बाहर रहिंदे सन।

बहुता समां पलवी घर विच्च इकल्ली हुंदी सी। घर दे शांत वातावरण दा दोवें सहेलीआं रज्ज के फ़ाइदा उठाउंदीआं सन।

दोवें सहेलीआं सहियोग संसथा दी युवा शकती इकाई दीआं करता धरता सन। संसथा दीआं बहुतीआं कारवाईआं दी ज़िंमेवारी युवा शकती दे मोढिआं उप्पर सी।

पलवी दे घर बैठीआं उह इनहां ज़िंमेवारीआं नूं सिरे चाहड़न दीआं योजनावां घड़दीआं रहिंदीआं सन।

सहियोग संसथा दी सथापना माता कलिआणी जी नें कीती सी। उनहां दा दाअवा सी कि उह भगवान शिव दी आदी शकती मां पारवती दा अवतार सन। उनहां दा अवतार लोक कलिआण लई होइआ सी। उनहां दा कहिणा सी कि गरभ दे ढाईवें महीने जीव विच्च आतमिक शकती दा प्रवेश हुंदा सी।

इह शकती मनुख्ख दे तालूए राहीं प्रवेश करदी सी अते सरीर दे सत्तां केंदरां राहीं गुज़र के उनहां केंदरां राहीं संचालित अंगां नूं किरिआशील करदी सी।

बाकी बचदी शकती, आख़री मूलाधार चक्कर विच्च कुंढली मार के बैठ जांदी सी।

योग साधना राहीं इस सुत्ती शकती नूं जगाइआ जा सकदा सी। जागी शकती मूलाधार चक्कर तों उठ्ठ के तालूए वल्ल नूं उथान करदी सी। इस उथान दौरान उह विचकारले चक्करां नूं शकती प्रदान करदी सी। नवीं शकती हासल करके अंग मुड़ नवें नरोए हो जांदे सन। आतमा दा आपणे मूल सरोत प्रमातमा नाल संपरक सथापत हुंदा सी। परम सच्च प्रमातमा दे संपरक विच्च आ के मनुख्ख नूं परम आनंद प्रापत हुंदा सी। रूहानी तेज़ उस दे चिहरे उपर सूरज वांग चमकण लग्गदा सी।

धारमिक ग्रंथां अनुसार कुंडलणी शकती दा जागरण घोर तपस्सिआ अते कठिन योग साधना तों बाअद हुंदा सी। मिथिहास अनुसार बहुत घट्ट रिशीआं नूं इस सिध्धी दी प्रापती होई सी।

माता जी नें आपणी कुंडलणी दा जागरण तां कीता ही सी, उनहां नें होरां दी कुंडलणी शकती दे जागरन दा वी राह पध्धरा कीता सी। उनहां दा योग कोई छल्ल फरेब नहीं सी। माता जी दे पैरोकारां नूं कुंडलणी जागरण दा अनुभव आपणीआं उंगलां अते हथेलीआं उपर हुंदा सी। योग साधना दौरान उंगलां अते हथेलीआं विचों ठंडीआं तरंगां निकलदीआं सन। जिउं जिउं कुंडलणी मां दा उथान हुंदा सी तिउं तिउं तरंगां दी ठंढक वधदी जांदी सी।

इस प्रतख्ख प्रमाण कारन इस संसथा दा विसथार तेज़ी नाल हो रिहा सी।

नेहा नूं इह चेटक पलवी तों लग्गी सी।

पलवी नूं दिल्ली रहिंदे आपणे मामे कोलों।

हर वार गरमीआं दीआं छुट्टीआं कट्टण पलवी नानके जांदी सी। पिछली वार मामे नें उस नूं थीएटरां अते डिजनीलैंड दी थां माता जी दे आशरम दी सैर कराई सी। उनहीं दिनीं माता जी दिल्ली आए होए सन। धिआन शिवर उनहां दी आपणी देख रेख हेठ चल्ल रिहा सी। मामे दा पूरा परिवार पूरी शरधा नाल शिवर विच्च रुझ्झा होइआ सी।

इनहीं दिनीं इस पुरातन भारती प्रंपरा नूं सुरजीत करन दा यतन पूरे ज़ोर शोर नाल हो रिहा सी। धिआन साधना लोकां दा धिआन खिच्च रही सी। नवेंनवें साधू नवीआं नवीआं संसथावां खड़ीआं करके लोकां नूं योग साधना लई प्रेर रहे सन। अख़बारां विच्च मुफ़त लगदे धिआन शिवरां दे वड्डे वड्डे इशतिहार छप रहे सन। टी.वी.उपर योगी महातमा अते उनहां किसमत वाले लोकां दे इंटरविऊ आ रहे सन, जिनहां नें योग साधना राहीं हैरान करन वाले लाभ प्रापत कीते सन।

पलवी योग साधनां दे रहस्सां नूं जानण लई उतावली सी। माइआ नगर विच्च अजिहीआं कई संसथावां दी चरचा सी। पर पहड़ाई दे रुझेवें अते साथ दी कमी कारन उह हाले तक इस गिआन तों कोरी चली आ रही सी।

मौका मिलदिआं ही पलवी नें आपणा तन अते मन योग साधना विच्च लगा दित्ता।

लोक सच्च आखदे सन। धिआन साधना विच्च आलौकिक शकती सी। धिआन दी हर बैठक बाअद पलवी नूं आपणे आप विच्च बदलाअ महिसूस हुंदा सी।

हर पहिलू तों उह उप्पर उठ्ठ रही सी।

इस वार दिल्लीउं मुड़ी पलवी पहिलां वाली नहीं सी। उसदीआं सहेलीआं उस विच्च आईआं तबदीलीआं महिसूस कर रहीआं सन। पहिलां वांग उसदा सुभाअ चिड़चिड़ा नहीं सी रिहा। हुण उह शरारतां करके अधिआपक अते विदिआरथीआं दी इकागरता भंग नहीं सी करदी। उसदी अख्ख बलैक बोरड उपर टिकी रहिंदी सी। लैकचर उसनूं समझ आउण लग्गे सन। हाऊस टैसटां विच्च उसदी पोज़ीशन सुधरी सी। उह चंचल अते मिलणसार हो गई सी। उस दीआं सहेलीआं दा घेरा वध गिआ सी। पहिलां वांग उह कंनटीन विच्च जा के डोसे बरगर नहीं सी खांदी। सगों लाइबरेरी विच्च बैठ के उह सहेलीआं नूं योग आसण अते धिआन लाउण दी विधी अते उसदी महत्तता समझाउंदी सी।

शौंक शौंक विच्च नेहा नें पलवी तों धिआन लाउणा सिख्ख लिआ। उसनूं वी धिआन विच्च किसे गैबी शकती दी होंद महिसूस होण लग्गी। जो तबदीलीआं पलवी विच्च आईआं सन उहो नेहा महिसूस करन लग्गी।

सहियोग संसथा दी इकाई तिंन साल तों माइआ नगर विच्च चल्ल रही सी। इक्क अधिआपक अते उसदी पतनी नें माता जी दे संदेश नूं घर घर पहुंचाउण दा बीड़ा चुक्किआ होइआ सी। हर ऐतवार उह आपणे घर कुंडलणी जागरण दा अभिआस कराउंदा सी। पर उह लोकां नूं प्रभावित करन विच्च सफ़ल नहीं सी हो रिहा। सहियोगीआं दी गिणती दस बारां तों वध्ध नहीं सी रही। जे दो नवें आउंदे सन तां तिंन पुराणे छड्ड जांदे सन। निराश होइआ संचालक माता जी नूं वार वार बेनती कर रिहा सी। माता जी आपणी छोह नाल माइआ नगर दी धरती नूं पवित्तर करन। उथों दी जनता नूं अशीरवाद देण। पर माता जी उसनूं टाल रहे सन। उनहां नूं उचित समें दी उडीक सी।

पिछले शिवर दौरान उनहां आपणे भगत दी पिठ्ठ थापड़ी सी। हुण सहियोग दा माइआ नगर विच्च वधण फुल्लण दा समां आ गिआ सी।

माता जी नें पलवी नूं अशीरवाद दित्ता। उह माइआ नगर विच्च युवा शकती दा गठन करे।

युवा शकती दा गठन हुंदे ही संसथा विच्च नवीं रूह फूकी गई। संसथा दिन दुगणी रात चौगणी तरक्की करन लग्गी।

पहिलां नौजवान कुड़ीआं संसथा विच्च आईआं। उनहां तों प्रेरित हो के उनहां दे मापे आउण लग्गे। मापे अग्गे आपणे वाकफकारां नूं लिआउण लग्गे।

पहिलां सतिसंग संसथा दे मोढी अधिआपक दे घर हुंदा सी। भार वंडाउण लई इह ज़िंमेवारी सहियोगीआं नें आपस विच्च वंड लई। हर ऐतवार नवें मैंबर दे घर सतिसंग होण लग्गा। इस दा इक्क फ़ाइदा इह होइआ कि मैंबरां दे गुआंढी संसथा नाल जुड़न लग्गे।

कुझ्झ वकीलां, इंजीनीअरां अते सनअतकारां दे सहियोग विच्च आउण नाल पैसे दी घाट दूर हो गई।

सहियोगीआं दी गिणती दिनों दिन वध रही सी। मैंबरां दे घर छोटे पैण लगे। आपणे आशरम दी लोड़ महिसूस होण लग्गी।

आशरम दा विचार आउंदिआं ही दानीआं नें दान दे ढेर ला दित्ते।

दिनां विच्च आशरम दी उसारी हो गई।

सहियोगीआं नूं यकीन सी इह सभ कुझ्झ माता जी दे अशीरवाद कारन हो रिहा सी। नहीं ते पापीआं दी इस नगरी विच्च कोई भिखारी नूं पंज पैसे तक नहीं सी दिंदा।

आशरम दी देख रेख दी ज़िंमेवारी युवा शकती दे हत्थ सी। अते युवा शकती पलवी अते नेहा दे हत्थ सी।

समूहिक सहियोग ऐतवार वाले दिन आशरम विच्च हुंदा सी। मूरती सथापना तों लै के चाह पाणी तक दी सेवा दी ज़िंमेवारी उनहां सिर हुंदी सी।

हस्सदीआं, टप्पदीआं, चिड़ीआं वांग चहिकदीआं उह माहौल नूं रंगीन बणाई रख्खदीआं सन।

संसथा दे कंम विच्च रुझीआं दिन दा बहुता समां उह इकठ्ठीआं रहिंदीआं सन। वख्ख हो के उनहां नूं इक्क दूजी दी याद सताउण लग्गदी सी। उह आपणे आप नूं दो सरीर अते इक्क रूह आखण लग्गीआं सन।

हुण जदों नेहा दा सरीर ज़ख़मी होइआ सी तां पलवी दी आतमा वलूंधरी गई सी।

नेहा दे परिवार ’ते पई भीड़ इकल्ली उस परिवार दी भीड़ नहीं सी।

इह समुच्चे सहियोग परिवार ’ते पई भीड़ सी।

थाणे, कचहिरी, हसपताल हर थां सहियोगीआं नें उनहां लई भज्ज नठ्ठ कीती सी।

इह इक्क सहियोगी परिवार ही सी, जिहड़ा नेहा नूं आपणी हिक्क नाल लाई बैठा सी। इह परिवार नेहा ’ते कोई अहिसान नहीं सी कर रिहा। इह माता जी दा फरमान सी। सारे सहियोगी माता जी दे धीआं पुत्तर सन। आपस विच्च भैण भरा सन। परिवार दे इक्क मैंबर दा कशट परिवार दा कशट सी।

पलवी दा परिवार माता जी दे उपदेश नूं अमलीजामा पहिणा रिहा सी।

 

-27-

 

यूनीवरसिटी विच्च हड़ताल चल्ल रही सी। इस लई पलवी घर रहिंदी सी। पलवी दी मंमी दा कालज वी बंद सी। हाज़री ला के उह घर मुड़ आउंदी सी। पलवी दे पापा दा डिऊटी दा कोई निशचित समां नहीं सी। मशीनरी विच्च नुकस पैण ते उसनूं रात बराते बुला लिआ जांदा सी। इस दिक्कत तों बचण लई उसने पंज दिनां दी छुट्टी लै लई सी। जिंना चिर नेहा पूरी तरहां नहीं संभल जांदी, उह घर रहि के उसदी देख भाल करेगा।

पहिले दो दिन नेहा नें नां कुझ्झ खाधा नां पीता। कमल नूं याद कर कर उह हंझू वहाउंदी रही। आपणे सरीर उपर पईआं खरोचां नूं देख देख उह लाल पीली हुंदी रही। मां बाप दी दुरदशा सुण सुण उह तड़फदी रही।

पलवी दे परिवार दे सभ जीअ उस उपर झुके होए सन। माता जी दे भाशण विचों हवाले दे दे उह उसनूं समझाउण दा यतन कर रहे सन।

नेहा नूं सभ उपदेश झूठे लग्गदे सन। कदे कदे उसनूं माता जी वी झूठी जापदी सी।

धिआन साधना शुरू करन तों पहिलां अते बाअद हर सहियोगी इक्क बंधन लिआ करदा सी। इस किरिआ दौरान उह सत्त वार माता जी कोलों आपणे सरीर दे सत्तां चक्करां दी सुरख्खिआ दी मंग करदा सी। माता जी इस प्रारथना नूं सवीकार करके सहियोगी नूं सुरख्खिआ प्रदान करदे सन। इस सुरख्खिआ नूं माता जी नें दुरगा कवच दा नां दित्ता सी। इस कवच वल्ल दुनीआं दी कोई बुरी ताकत झाक नहीं सी सकदी। नेहा नें इस प्रारथना विच्च कुझ्झ वाधा कीता सी। आपणी सुरख्खिआ बाअद उह आपणे परिवार दी सुरख्खिआ दी मंग करदी सी। फेर सारे संसार दी। उह माता जी तों पुछ्छ रही सी। उसदी लाडली धी दा कवच किउं कच्च वांग टुट्ट गिआ? उस दे भरा नूं सुरख्खिआ किउं नहीं मिली?

उसदे परिवार नूं किस पाप दी सज़ा दित्ती गई सी? पर माता जी चुप्प सन।

सहियोगीआं दी इक्क होर धारना सी। माता जी सहियोगी दे हर प्रशन दा उत्तर दिंदे सन। प्रशन मन विच्च धार के आपणे कंमीं जुट्ट जाओ। देर सवेर माता जी ख़ुद प्रशन दा उत्तर सुझाउंदे सन। पहिलां इस धारना दा प्रचार पलवी करदी सी। फेर नेहा करदी रही सी। उह झूठा प्रचार नहीं सी करदी।

उसनूं आपणे प्रशनां दा उत्तर मिलदा रिहा सी।

हुण उह वार वार माता जी तों इह प्रशन पुछ्छ रही सी। पर उसनूं कोई उत्तर नहीं सी मिल रिहा।

माता जी दी इस ख़ामोशी ते नेहा नूं कमल दी याद आउण लग्गदी सी।

उह आखदा हुंदा सी। प्रशनां दे उत्तर कोई गैबी शकती नहीं दिंदी। जे कोई विअकती मन विच्च पैदा होए शंकिआं दा समाधान इकागर चित्त हो के सोचण लग्गे तां दिमाग़ आपणे अंदर जमहां गिआन दे आधार ’ते उत्तर सुझाअ दिंदा सी। कोई इनहां उत्तरां नूं आतमा दी अवाज़ आख लए जां माता जी वल्लों दित्ता आदेश इस विच्च कोई फ़रक नहीं सी।

दुरगा कवच दी धारना नूं वी उह मनो विगिआनक चलाकी आखदा सी।

प्रारथना विअकती नूं विशवास दिवा दिंदी सी कि उह सुरख्खिअत है। बस्स उह निडर हो जांदा सी। दुरगा कवच पा के चल्लण वाले विअकतीआं दे नफ़े नुकसान वी ओने ही हुंदे सन, जिंने साधारन विअकतीआं दे।

पलवी दे आखे नेहा नें इक्क दो वार धिआन लाउण दा यतन कीता सी।

उसदीआं हथेलीआं विचों निकलदीआं ठंडीआं तरंगां गाइब सन।

उलटा जदों उस नूं गुस्सा आउंदा सी उसदा सारा सरीर भख्खण लगदा सी। उसदे सरीर विचों भाफां निकलण लग्गदीआं सन। माता जी दा अखाण सी, गरम हवावां भैड़ीआं आतमावां विचों निकलदीआं हन।

तां की नेहा रातो रात भैड़ी आतमा बण गई सी?

नेहा नाल जो वापरिआ सी उस विच्च नेहा दा कोई दोश नहीं सी। जो कुझ्झ होइआ सी उस दी इछ्छा दे विरुध होइआ सी। अण चाही घटना दी सज़ा उस नूं किउं दित्ती जा रही सी? माता जी जाणी जाण सन। उनहां नूं नेहा नूं भैड़ी आतमा बणन तों रोकणा चाहीदा सी।

जिउं ही उह माता जी दी किसे धारना ’ते किंतू करदी सी, उसनूं कमल याद आ जांदा सी।

उह आखदा हुंदा सी नेहा सुखावें माहौल विच्च पली सी। दुख्ख तकलीफ़ उसदे नेड़े नहीं सी ढुक्का। उसदे बोल पुग्गदे सन। नेहा नें सुख्ख ही सुख्ख देखिआ सी।

उसनूं दुख्ख तकलीफ़ अते तंगीआं तुरशीआं दा अनुभव नहीं सी। इहो हाल पलवी दा सी। इस लई उनहां दे मन शांत सन। मन शांत होण तां सरीर शांत रहिंदे सन। शांत तन विचों ठंडक ही निकलदी सी। अभिआस अते मज़बूत इछ्छा शकती कारन जे सरीर विचों ठंडीआं तरंगां दा अनुभव हुंदा सी तां इह कोई अलोकारी गल्ल नहीं सी।

तां की नेहा दे सरीर दी ठंडक उसदी बेचैनी नें हर लई सी!

कमल ठीक सी जां माता जी। उसनूं कुझ्झ समझ नहीं सी आ रिहा।

बस्स उस नूं आपणी अधिआतमक शकती दे खुस्स जाण दा ग़म सी।

 

-28-

 

नेहा नें आपणे मन दे शंकिआं नूं लुका के नहीं सी रख्खिआ। पलवी अते उसदे माता पिता नाल उसने इनहां शंकिआं नूं सांझा कीता सी।

नेहा दा आपणे आप तों उठ्ठिआ विशवास पलवी दे मापिआं लई सभ तों वध्ध चिंता दा विशा सी।

नेहा जिस अंनहे खूह विच्च जा डिग्गी सी उस विचों जे कोई उसनूं बाहर कढ्ढ सकदा सी तां उह उस दे धारमिक विशवासां विच्च बहाली ही सी।

नेहा नूं लीह ’ते लिआउण लई पलवी दे मापिआं नें यतन तेज़ कर दित्ते।

पलवी नें केंदर दे प्रधान नाल गल्ल कीती। इस ऐतवार नूं कमल दी आतमा दी शांती अते परिवार दे सिहत याफ़ता होण दी समूहिक प्रारथना कीती जावे।

सहियोग समूहिक प्रारथना नूं बहुत महत्तता दिंदा सी। सारे सहियोगीआं वल्लों कीती प्रारथना माता जी नूं झट्ट सवीकार हो जांदी सी। जदों किसे सहियोगी दी निजी प्रारथना सवीकार नहीं सी हुंदी तां सारे सहियोगी इकठ्ठे हो के माता जी नूं पुकारदे सन। अजिहीआं कई समूहिक प्रारथनावां बाअद कईआं दे घर पुत्तर होए सन अते कईआं दे धीआं पुत्त विआहे गए सन।

नेहा संसथा दी अहिम मैंबर सी। भीड़ समें उसदी मदद होणी चाहीदी सी।

प्रधान नूं इस प्रारथना ते कोई इतराज़ नहीं सी। इह गल्ल उह पहिलां ही तोर चुक्का सी।

पर कुझ्झ सहियोगीआं नूं नेहा दे अपवित्तर होण बाअद केंदर आउण ’ते इतराज़ सी। इस तरहां आशरम दी पवित्तरता भंग हुंदी सी। प्रधान अजिहे अनाड़ी सहियोगीआं नूं समझाउण दा यतन कर रिहा सी। उसनूं कामयाबी मिलण दी पूरी आस सी।

पलवी नें युवा शकती दे इक्क इक्क मैंबर नाल गल्ल कीती। उनहां लई नेहा माता सीता वांग पवित्तर सी।

पलवी दे मंमी पापा नें आपणे वाकिफ़ सहियोगीआं दी राए लई। उह पहिलां ही नेहा दे परिवार दी भलाई दी सवेरे शाम प्रारथना करदे सन। समूहिक प्रारथना होणी चाहीदी सी।

नेहा दा आशरम जाण नूं दिल नहीं सी करदा।

जे उह केंदर गई, हर सहियोगी उस कोल आएगा। उस तों होई घटना दे वेरवे पुछ्छ के उस दे अल्ले ज़ख़मां नूं उचेड़ेगा।

पलवी नें ज़ोर पाइआ। उसदे मापिआं नें समझाइआ। माहौल बदल जाएगा। मन बदल जाएगा। धिआन प्रमातमा वल्ल लगेगा। खोई होई आतमिक शकती बहाल होएगी।

पहिलां नेहा आशरम विच्च सभ तों पहिलां पहुंचदी सी। आपणी देख रेख विच्च विछीआं दरीआं अते गलीचिआं दी सफ़ाई कराउंदी सी। डोली बणा के माता जी दी मूरती दी सथापना करदी सी। फुल्लां अते धूफ़ बत्तीआं नाल सारे हाल दी सजावट करदी सी। आख़री मैंबर दे आशरम विचों तुर जाण तक हिरनी वांग टपूसीआं मारदी रहिंदी सी।

अज्ज उह जाण बुझ्झ के लेट होई सी। संसथा दी इह परंपरा सी कि पहिलां आइआ सहियोगी अग्गे बैठदा सी। जिउं जिउं सहियोगी आउंदे जांदे सन पिछ्छेपि ् छे बैठदे जांदे सन। नेहा लोकां दीआं अख्खां तों बचणा चाहुंदी सी।

उह चुपके जिहे इक्क नुक्करे जा बैठी।

नेहा नूं आस सी कि कारवाई चला रही संचालक उसदे कई बैठकां बाअद केंदर आउण उपर उस दा सवागत करेगी। केंदर दी इह प्रथा सी।

पहिली कतार संचालक, भजन मंडली अते आरती वाली तिकड़ी लई राखवीं सी। नेहा आरती वाली तिकड़ी दी सथाई मैंबर सी। सतिसंग दे अख़ीर विच्च माता जी दी आरती उतारी जांदी सी। आरती तिंन औरतां वल्लों कीती जांदी सी। आरती विच्च शामल होण वाली औरत आपणे आप नूं भागां वाली मंनदी सी। आरती विधी अनुसार हुंदी सी। इह विधी नेहा निभाउंदी सी।

बाकी दीआं दो औरतां संगत विचों हुंदीआं सन। नेहा दे पिछ्छे लग के आरती करदीआं सन।

नेहा नूं आस सी सवागत दे बाअद संचालक उसनूं पहिली कतार विच्च बैठण लई बुलाएगी। उसदी आरती वाली तिकड़ी दी सथाई सदस्सता बहाल कीती जाएगी।

नेहा नूं बैठिआं अध्धा घंटा बीत गिआ। संचालक नें उसनूं बैठिआं देख लिआ सी। पलवी पहिली कतार विच्च बैठी सी। उह कई वार संचालक दे कंन विच्च घुसर मुसर कर चुक्की सी। पर संचालक वल्लों कोई हिलजुल नहीं सी हो रही।

सभ कुझ्झ भुला के नेहा नें धिआन लाउण दा यतन कीता।

अख्खां बंद हुंदिआं ही विनाश दा उहो महां द्रिश नेहा अग्गे सुरजीत होण लग्गा। इक्क राकशश उसदा चीर हरण कर रिहा सी। दूसरा कमल नूं कोह कोह मार रिहा सी। तीसरा उसदी मां नूं घड़ीस रिहा सी अते चौथा उसदे बाप दा घाण कर रिहा सी। चारे पासे लहू सी, बरबादी सी अते चीख़ चिहाड़ा सी।

हंझू भरीआं अख्खां नूं नेहा नें झट्ट खोल्ह लिआ।

पलवी अते उस दे मापिआं दे ज़ोर पाउण दे बावजूद वी नां नेहा नूं पहिली कतार विच्च बिठाइआ गिआ, नां उसदे परिवार लई समूहिक प्रारथना कीती गई।

संचालक नूं तां नेहा दा सैंटर आउणा ही बुरा लग्गा सी।

सहियोगी आपणे धिआन नूं आगिआ चक्कर ’ते केंदरत कर रहे सन।

धिआन केंदरत करके उनहां नें माता जी कोल प्रारथना करनी सी। उनहां दे गुस्से अते अहंकार नूं हर लिआ जावे। माता जी दा दाअवा सी, इस भावना दे पैदा हुंदे ही सहियोगी दा गुस्सा उड्ड जांदा सी अते उसदा दिमाग़ ठंडा हो जांदा सी।

पर जदों नेहा नूं आरती लई नां बुलाइआ गिआ तां उसदा आगिआ चक्कर गुस्से नाल भख्ख उठ्ठिआ। उसदीआं हथेलीआं विचों सेक निकलण लग्गा।

सारे सहियोगी उस नूं अहंकारी अते पाखंडी लगे। किसे नें उसदीआं ज़ख़मी भावनावां नूं पलोसण दा यतन नहीं सी कीता। उलटा जाण बुझ्झ के उस नूं छुटिआइआ गिआ सी।

आरती शुरू होण तों पहिलां ही उह उठ के तुर पई।

सैंकड़े तरस अते नफ़रत भरीआं अख्खां दा साहमणा करन दी उसदी हिंमत नहीं सी।

पलवी अते होर सहियोगी धिआन विच्च मगन सन। किसे नूं नेहा दे बाहर जाण दा पता नां लग्गा।

पलवी दे घर जा के नेहा नें की करना सी?

जदों सहियोग ही उस नूं नहीं सी अपणा रिहा, होर उस नूं किस नें अपणाउणा सी?

इस ज़िलत भरी ज़िंदगी नालों उह मौत नूं तरजीह देण लग्गी।

नेहा नें आपणा मूंह रेलवे लाईनां वल्ल भुआ लिआ।

माइआ नगर दीआं रेलवे लाईनां उपर कोई नां कोई गड्डी आउंदी जांदी रहिंदी सी।

रसते विच्च उसनूं कई वार भुलेखे पए। कमल जिवें उसदा पिछ्छा कर रिहा सी। उसनूं अवाज़ां मार रिहा सी।

हर वार उह पिछ्छे मुड़के देखदी। किधरे कुझ्झ नहीं सी।

“धरितराशटर अंनहा सी। इह उसदी मजबूरी सी। अख्खां हुंदे होए अख्खां ’ते पट्टी बंनहण दी कंधारी दी की मजबूरी सी?”

इक्क वार नेहा तों कमल नें इह प्रशन पुध्धछिआ सी।

फेर आपे उसने उत्तर दित्ता सी। इह कंधारी दी आपणे फरज़ां तों कुताही सी। जे उह अख्खां खुल्हीआं रख्खदी तां कदे महांभारत नां हुंदा।

कमल अज्ज फेर जिवें उस तों इहो प्रशन पुछ्छ रिहा सी।

कमल नूं कतल कर दित्ता गिआ। इह कमल दी मजबूरी सी। नेहा जिऊंदी हो के किउं मर रही सी? जे उह मर गई पिछ्छों इक्क होर महांभारत हो जाएगा।

उनहां दे मां बाप रुल के मर जाणगे। कमल दे कातल बरी हो जाणगे।

नेहा संभली। उसने आपणीआं अख्खां उपरली पट्टी खोल्ह दित्ती। मन ही मन उसने कमल नाल वाअदा कीता। उह हर कीमत ’ते आपणे फरज़ निभाएगी।

नेहा नें मोड़ कट्टिआ। उह सिध्धी दयानंद हसपताल वल्ल हो लई।

 

-29-

 

वेद सत्त दिन बेहोश रिहा।

हुण तिंन दिन तों उह होश विच्च सी। पर होश विच्च रहि के वी उह बेहोशां वरगा सी। उसदे दोहां हत्थां, बाहां, पैरां अते टंगां उपर पलस्सतर लगा होइआ सी। जबाड़े नूं तारां नहीं सन खुल्ल्हण दिंदीआं। नां उह बोल सकदा सी, नां लिख के समझा सकदा सी।

होश विच्च आउण बाअद बहुता चिर उह रोंदा रिहा सी। इनहां तिंन दिनां विच्च कमल, नीलम जां नेहा कोई वी उसदा हाल पुछ्छण नहीं सी आइआ।

कमल बारे उस तों छुपाइआ गिआ सी। राम नाथ हज़ार वार आखदा रहे, सभ सुख्ख सांद सी, पर वेद समझ रिहा सी कुझ्झ वी ठीक नहीं सी।

पहिली वार नेहा जदों उसदे साहमणे आई तां उस दीआं अख्खां विचों गंगा जमना वहि तुरी। नां उह नेहा दा सिर पलोल सकदा सी, नां उस नूं हिक्क नाल ला सकदा सी। उह केवल हंझू वहा सकदा सी ते उह नीर वहा रिहा सी।

डाकटरां दी सलाह अते आपणी पीड़ दी बिनां परवाह कीते वेद नें कमल दी हालत जानण लई आपणा मूंह खोल्ह दित्ता।

कमल दा नां वेद दी ज़बान ’ते आउंदिआं ही नेहा दीआं धाहां निकल गईआं।

वेद सभ समझ गिआ। उह वी भुब्बां मार के रो पिआ।

वेद दे जबाड़े विचों खून वहि तुरिआ। थोहड़ी बहुत जुड़ी हड्डी दे टुट्ट जाण दी संभावना वध गई, पर बिनां कोई परवाह कीते वेद खुल्ह के कमल नूं रोंदा रिहा।

उच्ची उच्ची रोण कारन जिवें उस दीआं ख़ून वालीआं नाड़ीआं सुंन हो गईआं। वगदा ख़ून जां हुंदा दरद उस नूं महिसूस नहीं सी हो रिहा।

वेद नूं बेकाबू होइआ देख के नरस बेहोशी दा टीका ला गई।

कुझ्झ देर तड़प के, नशे कारन उसदा मन अते सरीर शांत हो गए।

वेद दे इस रुदन नें उसदी सिहत दा कबाड़ा कर दित्ता। ज़ख़मां विच्च इनफैकशन हो गई। तारां मास विच्च खुभ्भ गईआं। जुड़ीआं हड्डीआं फेर वख्ख हो गईआं।

छुट्टी होण दी संभावना दो हफ़ते लई अग्गे पै गई।