जिवें नितनेम दा पाठ करन लग्गिआं आप मुहारे जपुजी साहिब दा पाठ साहमणे आ जांदा है, ओसे तरहां कैनेडा अते अमरीका दे कई शहिरां विच जदों पंजाबी परिवारां विच कंपिऊटर ते पंजाबी फौंटस दी गल्ल चलदी है तां जिनहां कुझ नावां दा हवाला साहमणे आउंदा है, उहनां विच डा: कुलबीर सिंघ थिंद तों बाअद कंपिऊटर किंग किरपाल सिंघ पंनूं दा नां अगे आ जांदा है। नीम फौजी दल विच अफसरी करन तों बाअद जद उह रीटाइर हो के आपणे बेटिआं पास टरांटो आ गिआ तां जिथे ओस नें जीवन निरबाह लई बतौर सिकिउरटी अफसर नौकरी अरंभ कर दिती। ओस दे नाल नाल आपणी साहितक चेशटा पूरी करन लई पंजाबी साहित सभावां विच शमूलीअत करनी शुरू कर दिती ते कंपिऊटर सिख्खणा वी शुरू कर दिता। 1991 विच जद मैं कैलेफोरनीआ रहिंदे डा: कुलबीर सिंघ थिंद कोलों किरपाल सिंघ नूं गुरमुखी दे फौंट ते सबंधत इनसटरकशनज़ लिआ के दितीआं तां इह ओस दी लगन ते सिरड़ दा कमाल ही समझो कि ओस नें गुरमखी फौंटस बनाउण अते कंपिऊटर विदिआ विच आपणे अकल दे बल बोते एनी मुहारत हासल कर लई कि अज पंजाबी अखबारां दे संपादकां तों लै के हर किसे थां जिथे कंपिऊटर विच पंजाबी दा कोई फौंट पाउणा, बदलणा, सोधणा जां कोई कंपिऊटर समस्सिआ है, ओस नूं हल्ल करन दी मुहारत विच पंनूं दा कोई मुकाबला नहीं कर सकदा। उस दा किरपाल सिंघ पंनूं दी सहाइता लए बिना सर ही नहीं सकदा। इस तों वध्ध कमाल दा जो सिहरा किरपाल सिंघ दे सिर ’ते बझ्झिआ है, उह है उहदी उह मिहनत जो गुरमुखी अख्खरां नूं शाहमुखी अते शाहमुखी नूं गुरमुखी अख्खरां विच बदल सकदी है। मैं, डा: करनैल सिंघ थिंद, फखर ज़मान अते अनेकां होर दोसत जो हिंद पाक दे चंगे सबंधां लई तिंन दहाकिआं तों यतनशील सां, उह पाड़ा पूरन विच किरपाल सिंघ पंनूं नें लिप्पीआं दी अदला बदली करन वाला सौफटवेअर तिआर कर के इक अहिम रोल अदा कीता है। नतीजा इस वेले सभ दे साहमणे है। कंपिऊटर दे धंना जट्ट किरपाल सिंघ पंनूं बारे होर जाणकारी इस परकार है।

जनम सथान: 25 मारच, 1936, पिंड कटाहरी, ज़िला लुधिआणा, पंजाब, इंडीआ

माता पिता: बीबी रतन कौर –स. परेम सिंघ

पतनी: बीबी पतवंत कौर

औलाद: नरवंतपाल सिंघ, रजवंतपाल सिंघ, हरवंतपाल सिंघ अते पवनजीत कौर

कित्ता ते अहुदा: 32 साल दी पुलिस ते बी. ऐस्स. ऐफ्फ विच सेवा पिछ्छों डिपटी कमांडैंट रीटाइर होइआ।

विद्दिआ: बी. ए. (अंगरेज़ी साहित अते आनरज़ इन पंजाबी)

शौक: हाकी खेलणा, साहित पहड़ना, लिखणा, उसारू रुची अते पंजाबी फौंटां उत्ते लगातार कंम करदे रहिणा ।

परमजीत संधू लिखदे हन कि कैनेडा वरगे उपभोगतावादी देश विच्च, जित्थे दरखख़त ’ते आल्हणा पाउण लई वी किराइआ देणा पैंदा है, बिना किसे लोभ-लालच, पंजाबी बोली नूं कंपिऊटरी लिबास ’च सजाउण दा शौक, संत-गीरी जां जनूंन तों बग़ैर संभव नहीं। इस संत-गीरी दा नां ही किरपाल सिंघ पंनूं है। नवें पुराणे पंजाबी लेखकां दीआं रचनावां नूं गहु नाल पहड़ना अते लेखक नूं उतशाही सलाह देणी पंनूं दे सुभाअ दा इक्क अनिख्खड़वां अंग है। रीटाइरमैंट दी उमर तीकर कंपिऊटर तों उक्का ही अणभिज्ज हुंदिआं होइआं, कंपिऊटर दी नाड़-नाड़ तीक पुज्ज जाण दा क्रिशमा वी उस दे हिस्से ही आइआ है। अनुभवी शाइर अते वधीआ कहाणीकार इकबाल रामूवालीआ तां पंनूं नूं ‘कंपिऊटर दा धंना जट्ट’ आखदा है जिस नें किसे उसताद तों बग़ैर ही, सिरफ़ आपणी जुसतजू दे सहारे, कंपिऊटर नूं पंजाबी बोली दे बेले विच्च मझ्झीआं नूं मोड़े लाउण लाइआ होइआ है।

पंनूं आपणे आप विच्च इक्क संसथा है जिस नें पंजाबी नूं कंपिऊटरी राहां ’ते तोरन लई जो कंम कीता है, उह संसथावां तां की सरकारां वी नहीं कर सकदीआं। आधुनिक तकनालोजी युग्ग विच्च, पैदल तुर रही पंजाबी नूं हवाई जहाज़ दे टिकट देण वरगे माअरके लई पंनूं नें जो घालणा घाली है, सुहिरद पंजाबी उस लई सदा रिणी रहिणगे। पंजाबी फौंटां दे वळ-विंगां उत्ते रंदा फ़ेरन तों बाअद, उस नें शाहमुखी अते गुरमुखी लिप्पीआं नूं इक दूसरी विच्च बदलण दा जिहड़ा माअरका मारिआ है, इस नाल उस दा कद्द दोहां पंजाबां विच होर वी उच्चा हो गिआ है। जिंना योगदान पंनूं नें दोहां पंजाबीआं दी लिप्पी औकड़ नूं सुखाला करन विच्च पाइआ है, उह अज्ज तीकर किसे होर नें नहीं कीता। उस दे सालां दे यतनां नें 1947 तों विछड़े हरफ़ां नूं इक्क दूजे दी गलवकड़ी ’च लै आंदा है। आस है कि इस नाल दोहां पंजाबां दा पिआर होर वी पकेरा होवेगा।

पंनूं दा पिछोकड़ निरोल पेंडू है अते उस उत्ते कुझ्झ कु पुठ्ठ पटिआळेशाही दी सरदारी सभ्भिआचार दी चहड़ी होई है। भदौड़ीआं दी सतिकारयोग सरदारनी सुरिंदर कौर, पंनूं दी धरम दी मां, नें बचपन विच्च उसनूं अंगरेज़ी ते पंजाबी पहड़ाई। पंनूं प्राइमरी विच्च सभ तों अग्गे, हाई सकूल विच्च उप्परलिआं विच्च ते कालज जा के ऐफ्फ. ऐस्स सी. विच्चों अधवाटे ही रहि गिआ। उस दे मन भाउंदे विशे हिसाब, साहित अते साइंस रहे। डराइंग करन दी इछ्छा अज्ज तक्क है पर पूरी नहीं कर सकिआ।

पंनूं दीआं रुचीआं बहुपरती रहीआं हन। धारमिक सोच विचार तों अरंभ हो के मानववादी होण तक। पिंड दी कौडी दी टीम दा कपतान अते बहुती वेर जेतू रिहा। पैपसू पुलीस विच्च भरती इक्क सिलैकशन गरेड सिपाही होइआ सी जो सिपाही तों अगला रैंक हुंदा सी। फिर हवालदार बण सकीदा सी। गल्ल की उह सिपाहीआं दीआं लंमीआं कतारां विच्चों थोहड़ा जिहा अग्गे भरती होण गिआ तां किला बहादरगहड़ दे कलरक पातशाह उस नूं नेड़े नां लग्गण देण। इक्क दिन उस नें बटालीअन दी हाकी दी टीम विच्च अभिआस कीता तां संसारपुरीए बलवंत सिंघ (सकूटी) नें कलरकां दे कंन मरोड़े ते पंनूं नूं भरती कर लिआ गिआ।

पुलिस विच्च उस नें रिशवत अते बेईमानी दे सिवाए होर सारे कंम कीते। तिंन कु वेर असतीफ़ा वी दित्ता जो कदी वी मनज़ूर नां होइआ। इहो ही अग्गे जा के बी. ऐस्स. ऐफ्फ. बण गई। बटालीअन दा सैकिंड-इन-कमांड वी रिहा अते डिपटी कमांडैंट दे रैंक तों 1988 विच्च कैनेडा आउण लई समें तों पहिलों सेवा मुकत होइआ। नौकरी करदिआं सिधांतक तौर ते पंनूं नें आपणे आप नूं किसे वी रैंक दे फिट्ट नहीं समझिआ पर आपणे हर रैंक दे अधिकारीआं नाळों उत्तम कारगुज़ारी विखाई।

साहितक जाग बचपन विच्च ही लग्ग चुक्की सी। किस्से आदि पहड़न तों। कुझ कु हाई सकूल दे टीचरां दा वी प्रभाव रिहा। जिवें कि गिआनी रण सिंघ टिवाणा पंजाबी, निहाल सिंघ धारमिक, स. नत्था सिंघ ते जांगपुरीआ हिसाब-टीचर, परोफैसर शमशेर सिंघ हाकी कोच आदि। सकूल विच्च लाइबरेरी दी घाट सी। अठ्ठवीं पास करन वेळे अंगरेज़ी, हिसाब, पंजाबी, धारमिक आदि विच्च पहिले नंबर ते आउण कर के कुझ किताबां इनाम विच्च मिळीआं। उह सारीआं पहड़ीआं। प्रीत लड़ी पहड़नी अरंभ कीती। पंनूं दहाकिआं तीकर उस दी रौशनी विच्च विचरदा रिहा। अख़ीर विच्च उस विच्चों अनंद आउण तों हट गिआ। बड़ी देर नागमणी पहड़ी पर जदों अंम्रिता वहिमां-भरमां अते सितारिआं दीआं चालां विच्च उलझ गई तां उस तों वी दिल उचाट हो गिआ। गिआनी, प्राइमरी सकूल मासटर निरंजन सिंघ गरेवाल दे विचार नूं गलत सिध्ध करन लई कीती। उस दा विचार सी कि पंनूं गिआनी नहीं कर सकदा। बी. ए. पंनूं नें आपणे बच्चिआं दी पहड़ाई दे बराबर रहिण अते तरक्की लई कीती।

पंनूं नें साहितक भुख्ख, सेवा-मुकत हो के, असल विच्च मोहाळी आ के त्रिपत कीती। उत्थे बहुत सारे सहितकारां दा साथ माणिआ। काना सिंघ, आतमजीत, परेम गोरखी, गुलज़ार संधू, मोहण भंडारी, जसबीर भुल्लर, हरभजन हलवारवी, शाम सिंघ, सुवरगवासी भारदवाज, जोगिंदर कैरों, मनजीत इंदरा, तेजवीर, संतोख सिंघ धीर, सुरजीत मरजारा, सोहण सिंघ हंस, सवराज संधू, लाभ सिंघ खीवा, मधू चतरवेदी अते बहुत सारे होर हन ते सन।

पंनूं कहिंदा है पंजाब विच्च आपणी पछाण बनाउण लई खासा संघरश करना पैंदा है। मिआर पख्खों वी अते टकराउ पख्खों वी। जितने लेखक हन उतने छपण दे मौके नहीं मिळदे। पर कैनेडा विच्च इस दे उलट है। इत्थे लेखक घट्ट पर छपण दीआं संभावनावां बहुतीआं हन। सो इत्थे किसे वी सिरड़ी नूं अग्गे वधण दे मौके काफी हन। हां आपस विच्च जळत-फळत दा कंम तां इत्थे वी कई वार गलत-मलत हो जांदा है। बरीक-बुध्धी दे शरीक बहुते हुंदे हन।

कंपिऊटर पंनूं दे बेटे नरवंतपाल कोळ सी। पंनूं उस नूं डरदा हत्थ नहीं सी लाउंदा कि किधरे खराब नां हो जाए। उस नें पंनूं नूं किहा कि इह बड़ी कुत्ती चीज़ है, इह खराब नहीं हुंदा, जे इक्क वार सटक्क कर जाए तां बंद कर के चला दिओ, उल्लू दे पठ्ठे वांग फिर इह पैरां भार ही डिगेगा। इस नाळ पंनूं दा हौसला वध गिआ ते पंनूं वी लग्गा कंपिऊटर नाळ छेड़-छाड़ करन। अज्ज होर, कल्ल्ह होर। पहिलों-पहिलों टाईपिंग तों छेती ही उकता जांदा। हुण पंनूं नूं इस विच्च कोई रुकावट नहीं आउंदी।

पत्तरकारी विच्च पंनूं दी कामयाब थां बणाउण दा इक्क वड्डा कारन इह कंपिऊटर ही है। सही गल्ल ’ते इह है कि अज्ज हर पत्तरकार अते लेखक नूं कंपिऊटर सिख्खणा, रख्खणा आपणे सवछ्छ साह लैण वांग ज़रूरी है।

टाईपिंग सपीड बणाउंदिआं उस नूं इक्क होर औकड़ आई कि अनमोल फौंट विच्च अधक बहुत दूर सी अते खब्बी चीची बहुत थक्क जांदी सी। इस कारन फौंट नूं सुधारन लई कंम कीता। 1997 विच्च साथीआं दे कहिण उत्ते अनमोल फौंट विच्च सुधार करन लई डा਼ कुलबीर सिंघ थिंद साहिब नूं पहुंच कीती गई अते सिट्टे वजों समतोल फौंट होंद विच्च आई।

इह ब्रहिमंडी कानूंन है कि जिस खेतर विच्च वी कंम करो उस दा आधार बणदा जांदा है अते अग्गे उस विच्च होर रुची बणदी जांदी है। जो अंत नूं उसतादी तीकर पहुंच जांदी है। पंनूं वी इसे विधान अधीन चल्लदा रिहा, नवें कंम नूं हत्थ पाउणा अते चीहड़े हो के उस नूं निभाउणा। पंनूं जदों कोई वी कोई प्रोजैकट लैंदा है तां खाणा-पीणा, सौणा अते होर कंम सारे पिछ्छे पा के दिन रात प्रोजैकट संपूरन करन विच जुट्ट जांदा है।

मई 2000 नूं पंनूं इंडीआ तों वापिस आइआ तां फोन उत्ते राड़े वाळे बाबे बरजिंदर सिंघ दा मिलण लई सुनेहा सी। संपरक करन ते उनहां दस्सिआ कि उह भाई कानह सिंघ नाभा दा महान कोश सीडी ’ते पा रहे हन। उह गुरमुखी, देवनागरी, अंगरेज़ी अते परशीअन लिप्पी विच्च है। बाकी सभ ठीक हो गिआ सी पर परशीअन लिप्पी फिट्ट नहीं सी बैठदी। उनहां अग्गे दी अग्गे डा. थिंद नूं पहुंच कीती ते उनहां नें वी पंनूं दा ही हवाला दित्ता। पंनूं नें उनहां नूं उह शबद गुरमुखी फौंट समतोल विच्च टाईप कर के अते लिप्पीआंतर कर के उरदू अख्खरां विच्च दित्ता। जिस उत्ते सत्त दिन लग्गे ते सत्त रातां लग्गीआं। फिर उनहां नूं महान कोश विच्च पोसट करन दा आटोमैटिक परोगराम तिआर कर के दित्ता।

कैनेडा विच्च बहुत सारे अख़बार निकळदे हन। उनहां दे निकलण दा कारन ऐडां राहीं आमदन अते आपणी पछाण बणाउण दी इछ्छा है। मुख्ख तौर ते इनहां विच्च कलमकार नूं कोई कमाई नहीं। जो ख़बरां जां आरटीकल पंजाब तों भेजे जांदे हन उनहां नूं भावें कुझ दित्ता जांदा होवे। अख़बार दी दिख्ख बारे बहुता धिआन नहीं दित्ता जांदा। ज़िआदा रुची ऐड उगराहुण दी ही है। कई अखख़बारां उत्ते बलैकमेलिंग करन दे दूशण वी लग्गदे हन। मुफ़त दे होण कर के तकरीबन सारे ही अखबार चंगे पहड़े जांदे हन। इवें-जिवें इक्का-दुक्का पंजाबी मैगज़ीन वी निक्कळदे हन। आम पंजाबीआं विच्च आपणे सभ्भिआचार दी भुख्ख है। जो उह मेलिआं, अख़बारां, रेडीओ अते टीवी परोगरामां राहीं पूरी करदे हन। इनहां अखबारां विच परतवें (फीड बैक) विचारां दी बड़ी घाट हुंदी है। जिस लई कई वेर उह झूठ-परचार तों वी कंम लैंदे हन। जिवें टीवी वाळे झूठ ही कही जाणगे कि उनहां नूं बड़े ही फोन काल आ रहे हन अते सारीआं ही लाईनां बिज़ी हन। चोणां दे दिनां विच्च मीडीए दी चंगी चांदी हुंदी है। अंगरेज़ी मीडीआ इत्थे बहुत शकतीशाली है। सरकारां दे पील-पावे हिला देण दे समरत्थ। उनहां कोळ साधन वी हन। सभ कहिंदे हन कि मीडीआ मां-बोली पंजाबी अते पंजाबी सभ्भिआचार दी सेवा करदा है जदों कि कर उह इस दे उलट रिहा हुंदा है। वहिमां-भरमां जोतशी बाबिआं दे ऐड कई अख़बारां, रेडीओ अते टीवी उत्ते मिळ जांदे हन। अख़बारां दीआं कंपिऊटरी लोड़ां लई किरपाल सिंघ पंनूं दी मदद दी सभ नूं लोड़ पैंदी है।

पंनूं नें भविख्ख दे प्राजैक्कट लई समतोल (गुरमुखी) तों शाहमुखी अते शाहमुखी तों समतोल (गुरमुखी) नूं होर छोहां देणीआं हन। उस अनुसार उस तों अग्गे समें अते साथीआं दे हत्थ वस्स है। लोड़ अनुसार कुझ नां कुझ करदे रहिणा पंनूं दी लोड़ वी है अते सुभाअ वी। उह निरंतर आपणे प्रोजैकट पूरे करन लई जूझ रिहा है।