कथित तौर ’ते गुरू गोबिंद सिंघ जी वल्लों रचित, ‘बचित्तर नाटक’ विच्च इक्क कथा आउंदी है कि ‘रब्ब’ नें संसार नूं जदों भांत-भांत दे फ़लां, सबज़ीआं ते होर खाणहारे पदारथां नाळ भरपूर कर दित्ता तां लोक आरथिक तौर ’ते मालामाल हो गए: लोकाई दीआं सरीरक/मानसिक प्रेशानीआं-तकलीफ़ां अलोप हो गईआं। लेकिन किसम-किसम दे भोजनां दी बहुतात कारन, अनेकां परकार दे भोजनां नूं देख के लोक, आहिसता-आहिसता, ‘जीण लई खाण’ दी बजाए, ‘खाण लई जीण’ दे फ़लसफ़े विच्च खुभ्भ के, हर चंगे-मंदे खाजे वल्लीं जीभां लमकाउण लग्गे जिस नाळ अणगिणत रोग उनहां दीआं देहां ’च गेड़े मारन लग्गे। कई रोगां नें तां लोकां दे सरीरां विच्च पक्कीआं छौणीआं ही उसार लईआं। रोगां दी सताई होई लोकाई नें ‘रब्ब’ नूं, लोकां नूं रोगां तों निजात दुआउण लई, कोई इंतज़ाम करन दीआं अरज़ोईआं कीतीआं, तां ‘रब्ब’ नें विशनूं नूं हुकम कीता कि उह ‘धनंतर वैद’ दा रूप धार के धरती ’ते उत्तरे ते लोकाई नूं रोगां तों छुटकारा दुआवे। कहिंदे नें कि देवतिआं नें इकठ्ठे हो के समुंदर नूं रिड़किआ तां उस विच्चों धनंतर वैद नित्तर आइआ जिस नें ‘अयुरवैदिक’ नाम दा चकिसता सिसटम चालू कीता ते सारी लोकाई नूं रोग-रहित कर दित्ता!
विशनूं ते धनंतर दी कथा तां है ही मिथिहासक, लेकिन पिछले तिंन कु दहाकिआं दौरान, गिआन दे समुंदरां नूं रिड़क-रिड़क के, विगिआन दीआं अनेकां प्रापतीआं ज़रूर नितारीआं गईआं नें। संसार दे हर खित्ते ’च, अज्ज विगिआन दे अनेकां ही ‘रब्ब’ उग्ग खलोते नें, ते इहनां ‘रब्बां’ दुआरा रिड़क के कढ्ढीआं गईआं विगिआनक काढां नाळ संसार हर खेतर विच्च नवां-नकोर हो गिआ है। प्रंतू धनंतर दी कथा ’च आउंदे लोकां दे भोजनां ’च खचित होण वांग, अजोके संसार दे लोक वी विगिआन दीआं काढां नूं भोगण ’च खुभ्भ गए नें ते काढां दे गाहे-बगाहे विगड़ जाण कारन, उहनां काढां नूं वरतण वाळिआं नूं वी मानसिक तणाओ वरगीआं अनेकां बीमारीआं नें आपणीआं नहुंदरां ’च जकड़ लिआ है। लेकिन कथा ’च आउंदे देवतिआं वांग, विगिआन दे ‘विशनूं’ ते ‘देवते’, हर रोज़ गिआन दे समुंदरां नूं रिड़कदे रहिंदे नें जिनहां ’चों अणगिणत ‘धनंतर’, विगिआनक काढां नूं (अते काढां नूं वरतण वाळिआं नूं) प्रेशान कर रहीआं ‘बीमारीआं’ दे इलाजां लई पैदा हुंदे रहिंदे नें। अजेहे धनंतरां ’चों ही इक्क धनंतर है किरपाल सिंघ पंनूं!
पंनूं कंपिऊटर दा धनंतर है; जे आम लोकां लई नहीं, तां पंजाबी दे लेखकां लई तां उह धनंतरां दा वी पिओ है। पहिलां तां उस नें, कंपिऊटर तों त्रभकदे, कलमीं-पीहड़ी दे पिंरसीपल सरवण सिंघ वरगे दरजणां ही लेखकां नूं कंपिऊटरां नाळ सांझ करन लई प्रेरिआ ते फिर कलमां दा तिआग कर के आपणीआं रचनावां कंपिऊटर उप्पर उतारन दे रसते तोरिआ। कलमीं-पीहड़ी दे लेखकां नें कंपिऊटर नूं जगाउणा ते लिखण वाली फ़ाइल खोल्ह के, टाईप करना तां सिख्ख लिआ, लेकिन जद वी कोई “रोग” कंपिऊटर ’च आपणीआं विठ्ठां खिलार देवे तां कंपिऊटर दीआं नाड़ां विच्च ‘गत्तळे’ जंमण लगदे नें, कंपिऊटर सिर सुट्ट लैंदा है, इस दीआं अंतड़ीआं ’च गड़बड़ होण लगदी है, ते इस दे प्रोगराम बुख़ार वाळे इनसान वांग निस्सळ हो जांदे नें तां प्रेशानी ’च क्रिझदे, साडे वरगे ‘अणजाण’, कंपिऊटर दे फौ਼री ‘दवादारू’ लई सभ तों पहिलां पंनूं दा फ़ोन घुमाउंदे नें। अज्ज दे डाकटरां वांग नबज़ नूं टोहण तों पहिलां मरीज़ दे बटूए दा ऐकस-रेअ करन दी थां, बीमारां दी सेवा लई लोकाई नूं समरपत पुराणे ज़माने दे वैदां वांग, कंपिऊटर दी बीमारी सुणदिआं ही, पंनूं तुरत हरकत विच्च आ जांदा है। कंपिऊटर नूं लग्गी किसे बीमारी दा जदों कोई उस तों इलाज पुछ्छदा है, उस वकत भांवें उह खाणा खा रिहा होवे, सुसताअ रिहा होवे जां किसे होर ज़रूरी कंम विच्च रुझ्झिआ होइआ होवे, तां वी उह फ़ौरन कंन चुक्क लैंदा है। उह झट-पट आपणे कंपिऊटर नूं थापड़ा देंदा है ते पुछ्छण वाळे नूं टैलीफ़ोन ’ते ही कहिंदा है: लै बई जगाअ आपणे कंपिऊटर नूं ... ओ के, हुण फ़लाणी चीज़ नूं ओपन कर... कर ली? अछ्छा, हुण फलाणे नूं कलिक्क कर! अग्गे आ जा हुण... की निक्कळ आइआ? ठीक आ... एहदे चों फ़लाणी चीज़ नूं कलिक्क करदे... इओं करदा-करदा उह कंपिऊटर दी बीमारी दे धुर तीक अप्पड़ जांदा है ते अगले पलां ’च पुछ्छण वाळे दे कंपिऊटर दे, हर किसम दे गंठीए, अंतड़ी-रोग, मचकोड़, ते वाई नूं निचोड़ देंदा है।
फ़ोन उत्ते बीमारी दी पुण-छाण करदिआं ते उस दा इलाज दसदिआं नां उह खिझदा है ते नां ही तैश विच्च आउंदा है। मेरी इह चंदरी आदत है कि उस वल्लों किसे ‘औहर’ नूं दरुसत करन लई दित्तीआं हदाइतां नूं मैं अकसर ही भुल्ल जांदा हां, पर उही हदाइतां भावें मैं महीने ’च कई वार पुछ्छ लवां, उस दे मत्थे ’च कसेवें दी लकीर कदे नहीं उभ्भरदी।
कंपिऊटरां दीआं बीमारीआं ते उनहां दा इलाज लभ्भण दा उस नूं एना शौक है कि बीमारी दीआं अलामतां सुणदिआं ही उह आपणे मन विच्च डूंघा उत्तरना शुरू कर देंदा है। फिर उह कंपिऊटर नूं खोल्हदा है ते उस दीआं बरीक तों बरीक नसां ’च वड़ जांदा है। कंपिऊटर दे प्रोगरामां दीआं नबज़ां टोंहदा-टोंहदा, उनहां दे इलाज लई उह आपणे मन दीआं बरीक परतां ’च चुंझां मारन लगदा है।
अज्ज दे माइआवादी संसार विच्च कंपिऊटर दीआं मामूली जिहीआं पेचीदगीआं लई दा ‘हथौळा’ करन वाळे वी, जित्थे तुहाडे बटूए नूं बेअराम कर जांदे नें, उथे किरपाल पंनूं, दादे-पड़दादिआं दे नुसख़े मुफ़त वंडण वाळिआं वांग, कंपिऊटर दीआं औहरां दा इलाज मुफ़त ही कर देंदा है। इही नहीं; जित्थे पंजाबी दे नामवर सेवक, कंपिऊटर दे कनवरटर ते फ़ांट दी चुंझ वी दाम तों बिनां नहीं दिखाउंदे, पंनूं आपणीआं लभ्भतां ते काढां पहुंचे होए किसे फ़कीर वांग मुफ़त ही खिलारदा फ़िरदा है।
बहुत घट्ट लोकां नूं इलम है कि किरपाल पंनूं बी ऐस ऐफ विच्च अफ़सर हुंदा सी ते उथों रीटाइर हो के कैनडा पुज्जण तीकर उह कंपिऊटर दा ऊड़ा-ऐड़ा वी नहीं सी जाणदा। कैनडा आ के उह कंपिऊटर दा ऐसा दीवाना होइआ कि उह हुण कंपिऊटर दा हो के ही रहि गिआ है। पंजाबी दे फ़ांटां नूं सुधारना, गुरमुखी फ़ांटां नूं शाहमुखी दे रंग विच्च रंगणा, पंजाबी दीआं कंपिऊटरी डिकशनरीआं उसारनीआं अते पंजाबी ज़ुबान नूं कंपिऊटरी युग दी नवीनतम भाशा बणाउणा उस दी सुरत विच्च तरदा रहिंदा है। मैनूं पक्का यकीन है कि कंपिऊटर ही उस दे सुपनिआं ’च वार-वार वापरन वाळा विशा होवेगा।
कंपिऊटर दे नाळ-नाळ किरपाल पंनूं सिहतमंद ते उसारू साहित, गाइकी ते मीडीआकारी दा वी पारखू अते प्रसंसक है। जित्थे हौमै ते हंकार ’च भुज्जे अज्ज दे बहुते लेखक, खूबसूरत साहित उप्पर वी आपणे सड़ेवें दीआं लकीरां फेर देंदे नें, उथे किरपाल पंनूं चंगे साहित, चंगे भाशन, ते टी वी रेडीओ दे चंगे प्रसारन दी तारीफ़ करन लग्गिआं कंजूसी नहीं करदा। टरांटो ’च मिआरी गाइकी ते डरामे दे हर शोअ विच्च उह जोशो-ख़रोश नाल पहुंचदा है जित्थे उह तसवीरां खिच्चदा है, तसवीरां इंटरनैट्ट राहीं तुहानूं भेजदा है ते शोअ दी तफ़सीली रीपोट अख़बारां दे हवाले करदा है। साहित दी कोई चंगी किताब उस दे हत्थ लग्ग जावे तां उस नूं आप पहड़न दे नाळ नाळ उह आपणे हर नज़दीकी नूं पहड़न लई प्रेरदा है। इही कारन है कि कलमां दे काफ़ले दी हर मीटिंग ’च उह हर हाल हाज़र हुंदा है।
समाज-सेवा, पंनूं दी ज़िंदगी दा इक्क अहिम पहिलू है। उह सीनीअरज़ नूं मुफ़त कंपिऊटर सिखाउण लई कलब्बां ’च कलासां लगाउंदा है ते डाकटर गुरमीत सिंघ मिनहास नाळ रळ के, हर साल पंजाब दे पिंडां विच्च, ऐकूपरैशर दे कैंपां राहीं लोड़वंद लोकां दी सेवा करदा है।
कंपिऊटर दा इह धनंतर पंजाबी बोली दी वड्डमुल्ली सेवा करन विच्च रुझ्झिआ होइआ है। इस नूं पंजाबी भाशा नूं नवें युग्ग दी हाणी बणाउण दा झल्ल चहड़िआ होइआ है। पंजाबी भाशा दे कंपिऊटरीकरन लई, जिहड़ा कंम यूनीवरसिटीआं ते होर सरकारी अदारे करोड़ां रुपए ला के नहीं कर सके, उह किरपाल पंनूं नें सिरड़, लगन अते मिहनत नाळ कल्ले-कहिरिआं ही कर दित्ता है। पंजाबी दी उन्नती दे दमगज्जे मारन वाळीआं यूनीवरसिटीआं ’च अगर मेरी ‘चलदी’ होवे तां मैं तुरत पंनूं नूं पंजाबी दे कंपिऊटर विभाग दा डाइरैकटर ला देवां!
टरांटो दे लेखक पंनूं दे सदा शुकरगुज़ार रहिणगे किउंकि उहनां नूं आपणे शहिर ’च ही ऐसा धनंतर वैद मिलिआ है जिहड़ा बेग़रज़ हो के उहनां दी हर कंपिऊटरी औहर नूं उहनां दे घरीं जा के दूर कर देंदा है। पंनूं दी कंपिऊटर वल्ल एडी तकड़ी लगन नूं देखदिआं मैनूं सिंघ सभा लहिर नूं परणाइआ मेरा नाना संता सिंघ जगपाल याद आ जांदा है जिहड़ा सिख्खी दी सुधारक लहिर नूं घर घर पहुंचाउण लई पैदल ही कई कई कोह दा सफ़र कर के रातीं घर आ वड़दा सी।
किरपाल पंनूं ज़िंदाबाद!