किरपाल पंनूं नें माहअरके मार ऐसे,

चाहड़े पंजाबी ’ते सोने दे वरक मीआं।

दोहां लिप्पीआं दी पवा के गळवकड़ी,

दित्ता मिटाअ है लिपी दा फरक मीआं।

भावें ठरकी दी अख्ख ’चों लिखे कालम,

रख्खिआ अख्ख ’च रता नां ठरक मीआं।

रंदा फौटां ’ते फेर इकसार करीआं,

हर गल्ल करदा नाल है तरक मीआं।

पौणी सदी दा कर लिआ सफ़र पूरा,

बड़बोले बाबे दे वल्लों वधाई होवे।

सेवा पंजाबी दी इवें ही रहे करदा,

सच्चा पातशाह हर थां सहाई होवे।

 

-बाबा बड़बोला टोरांटो

---------------------------------------------------------------

कंपिऊटर दा धंना जट्ट: किरपाल सिंघ पंनूं

परमजीत सिंघ संधू

कहिंदे नें जद इनसान इस धरती उत्ते पैदा हुंदा है तां उस उत्ते चार तरहां दा करज़ चहड़िआ होइआ हुंदा है जिस नूं उस नें आपणे जीवन काल दौरान उतारना हुंदा है। इह करज़, आपणी मां, आपणी धरती, आपणी बोली अते आपणे वंश प्रती हुंदा है। इस धरती ’ते बहुगिणती अजिहे बदकिसमत इनसानां दी है जो इनहां चारां नूं उतारन दा कोई यतन नहीं करदे अते कुझ यतन करन दे बावजूद वी नाकामयाब हुंदे हन। कुझ इक्क इनहां विच्चों इक्क, दो जां फिर तिंन करज़ उतारन विच्च सफलता हासल कर लैंदे हन पर चंद खुशकिसमत इनसान अजिहे वी हुंदे हन जो चारे दे चारे करज़ां नूं उतारन विच्च सफलता हासिल कर लैंदे हन। जिस इनसान दा अज्ज मैं ज़िकर करन जा रिहां उस नें चारे करज़ उतारन दा यतन कीता है अते कामयाबी वी हासल कीती है।

कैनेडा वरगे उपभोगतावादी देश विच्च, जित्थे दरख़्ख़त ’ते आल्हणा पाउण लई वी किराइआ देणा पैंदा है, बिना किसे लोभ-लालच, पंजाबी बोली नूं कंपिऊटरी लिबास ’च सजाउण दा शौक, संत-गीरी जां जनूंन तों बग़ैर संभव नहीं। इस संत-गीरी दा नां ही किरपाल सिंघ पंनूं है। नवें पुराणे पंजाबी लेखकां दीआं रचनावां नूं गहु नाल पहड़ना अते लेखक नूं उतशाही सलाह देणी पंनूं दे सुभाअ दा इक्क अनिख्खड़वां अंग है। रीटाइरमैंट दी उमर तीकर कंपिऊटर तों उक्का ही अणभिज्ज हुंदिआं होइआं, कंपिऊटर दी नाड़-नाड़ तीक पुज्ज जाण दा क्रिशमा वी उस दे हिस्से ही आइआ है। इसे करके ही ‘पंजाबी सत्थ लांबड़ा’ वाले उस नूं ‘कंपिऊटर दा धंना जट्ट’ आखदे हन जिस नें किसे उसताद तों बग़ैर ही, सिरफ़ आपणी जुसतजू दे सहारे, कंपिऊटर नूं पंजाबी बोली दे बेले विच्च मझ्झीआं नूं मोड़े लाउण लाइआ होइआ है।

पंनूं नाल मेरी पहिली मुलाकात शाइर लेखक इकबाल रामूवालीआ दे घर संन 1999 दे अख़ीर ’च होई सी। इह मुलाकात दो तिंन मिंट तों घट्ट ही सी ते पंज सत्त मोटीआं-मोटीआं गल्लां अते जाण पछाण तक ही सीमत सी। बाकी दा समां तां इकत्तर होए सज्जणां मित्तरां दीआं गल्लां सुणन विच्च लंघ लिआ। इस तिंन मिंट दी मुलाकात तों बाअद मैं पंनूं दी सख़शीअत तों बहुत ही प्रभावित होइआ अते  पंनूं नाल अजिही सुर मिली जो अज्ज तक्क खंड मिशरी बणी होई है। इह संबंध इक्क दहाका बीत जाण दे बाअद वी जिउं दे तिउं काइम हन। पंनूं नाल दूसरी मुलाकात बलराज दिओल दे घर होई जदो पंनूं ख़बरनामा अख़बार लई वरते जांदे फौंटां दे कनवरटर पाउण लई ख़ास तौर ’ते बुलाइआ गिआ सी। मैं आपणा वीडीओ कैमरा नाल लै के पहुंच गिआ कि पंनूं कंपिऊटर विच्च जो तबदीली करूगा मैं पिछ्छे खहड़ के उस दी सारी मूवी बणा लवांगा तां कि बाअद विच्च कंपिऊटर खराब दी होण दी सूरत विच्च पंनूं नूं दुबारा सद्दणा नां पवे किउंकि इस तरहां दा तजरबा मैनूं पहिलां इक्क वार हो चक्का सी जदों मैं पंजाबी दे इक्क सेवादार जो कि कुझ दिनां लई टोरांटो आइआ होइआ सी, तों कंपिऊटर दा इक्क छोटा जिहा कंम नकद पैसे दे के करवाइआ अते जद दूसरे दिन परोगराम कंम करनों हट्ट गिआ तां उस ‘सेवादार’ दा कहिणा सी कि लागीआं नें तां लाग लैणा है भावें जांदी रंडी हो जावे। उस ‘सेवादार’ नें बड़ा कुरख़तगी नाल जवाब दित्ता सी कि भावें मैं तैनूं हुण टैलीफून ’ते सारीआं हिदाइतां देवांगा पर मुफ़त विच्च नहीं देवांगा।

सो मैं आपणे नाल होए कौड़े तजरबे कारन पंनूं ’ते वी अजिहा शक्क कर बैठा सी कि बाअद विच्च पंनूं दीआं वी मिंनतां नां करनीआं पैण जो मेरी बहुत वड्डी भल्ल सी जो कि अजे तक्क वी मेरा पिछ्छा नहीं छड्डदी अते जद वी मैं पंनूं नूं मिलदा हां तां ‘वीडिओ’ वाली गल्ल मेरे साहमणे आ खहड़दी है अते मैं आपणे आप नूं बड़ा ही शरमिंदा महिसूस करदां हां। ख़ैर जदों पंनं नें कंपिऊटर विच्च परोगराम पाउणे शुरू कीते तां उस नें मैनूं बिलकुल कोल बिठा लिआ ते नाल दी नाल सारा कुझ मैनूं दस्सी वी गिआ। मैं किहा मैं नालों नाल लिखी जांदा हां तां पंनूं नें फौजीआं वाली रोहबदार आवाज़ विच्च किहा, “जदों नां पता लग्गे मैनूं फून कर लैणा लिखण दी कोई लोड़ नहीं”। किथे मैं चोरी मूवी बणाउण दी सोच रिहा सी अते कित्थे पंनूं नें नोट लिखण तों वी मनहां कर दित्ता अते उस दिन तों लै के हुण तक्क पंनूं नूं जद वी आवाज़ मारी है भावें उह ई-मेल ज़रीए होवे, भावें टैलीफून ज़रीए जां फिर मिल के आवाज़ मारी होवे तां पंनूं नें मत्थे वट्ट तां की पाउणा सी सगों पहिलां नालों वध्ध खुशी नाल हुंगारा भरिआ है। उह वी बिनां किसे डालरां दे लालच दे। ‘सद्दी होई मित्तरां दी, पैर जुत्ती नां पावां’ बोली ’चों पंनूं दे मितरता भरपूर सुभाअ दी पूरी झलक पैंदी है अते दूसरे दे कंम नूं आपणा समझ के मुकंमल करन दी निरलोभ काहळ वी उस दे सुभाअ दा इक्क अनिख्खड़वां अंग है।

पंनूं आपणे आप विच्च इक्क संसथा है जिस नें पंजाबी नूं कंपिऊटरी राहां ’ते तोरन लई जो कंम कीता है उह संसथावां तां की सरकारां वी नहीं कर सकदीआं। आधुनिक तकनालोजी युग्ग विच्च, पैदल तुर रही पंजाबी नूं हवाई जहाज़ दे टिकट देण वरगे माहअरके लई पंनूं नें जो घालणा घाली है, सुहिरद पंजाबी उस लई सदा रिणी रहिणगे। पंजाबी फौंटां दे वळ-विंगां उत्ते रंदा फ़ेरन तों बाअद, उस नें शाहमुखी अते गुरमुखी लिपीआं नूं इक दूसरी विच्च बदलण दा जिहड़ा माहअरका मारिआ है, इस नाल उस दा कद्द होर वी उच्चा हो गिआ है। पंनूं दे घड़े धनी राम चात्रिक फौंट अज्ज बहुत सारीआं पंजाबी वैब्ब साईटां दा शिंगार हन अते ख़बरनामा अ਼खबार तां छपदा ही इसे फौंट विच्च है।

लेखक बलबीर मोमी उस नूं अज्ज दा ‘भाई काहन सिंघ नाभा’ कहिंदा है ते इकबाल रामूवालीआ ‘कंपिऊटर दा अमली’। खेड लेखक पिंरसीपल सरवण सिंघ ‘कंपिऊटर दा भाई घनई्ईआ’ ते बलराज दिओल ‘आल इन वंन’ अते मैं तां उस नूं ‘मिसटर माईकरो साफट वरड’ कहि के सार लैंदा हां किउंकि पंनूं ‘माईकरो साफट वरड’ दी रग-रग दा वाकिफ़ है। ‘वरड’ विचलीआं ‘मैकरोज़’ तां पंनूं दीआं उंगलां उत्ते  कत्थक नाच नच्चदीआं साह नहीं लैंदीआं। जिंना मोह रांझे नूं हीर दीआं मझ्झीआं नाल सी उस तों किते वध्ध मोह पंनूं नूं ‘वरड’ दीआं ‘मैकरोज़’ नाल है। असल विच्च मैकरो विच्च किसे वी कमांड नूं रिकारड कर के बाअद विच्च लोड़ पैण ’ते चलाइआ जां वरतिआ जा सकदा है। कुझ वी है जिंना योगदान पंनूं नें चहड़दे ते लहिंदे पंजाब दे पंजाबीआं दी लिप्पी औकड़ नूं सुखाला करन विच्च पाइआ है उस नाल 1947 तों विछड़े हरफ़ां नूं इक्क दूजे दी गळवकड़ी ’च कर दित्ता है जिस नाल दोहां पंजाबां दा पिआर होर वी पकेरा होइआ है अते अगांह वी होवेगा जिस दीआं उदाहरणां प्रतख्ख रूप विच्च हुण ही दिखाई देण लग्ग पईआं हन।

पंनूं गुरमुखी ते शाहमुखी लिपीआं नूं आपस विच्च बदलण वाला पहिला कंपिऊटर माहिर है। पंनूं तों बाअद बेशक कई होरां नें इह कंम कीता है पर इह चणौतीआं भरिआ राह दिखाउण वाला पंनूं ही है। ‘गुरमुखी’ फौंट नूं ‘शाहमुखी’ विच्च बदलण दा कंम बहुत ही वंगार भरिआ सी जो पंनूं नें बड़ी ही सफलता नाल नेपरे चाहड़िआ है उह वी किसे वड्डी इमदाद दे बिनां ही। पंनूं दसदा है कि पहिलां इस दी सफलता बारे उस नं आप वी कोई बहुता भरोसा नहीं सी पर जिवें-जिवें पंनूं इस दीआ घुंडीआं खोहलदा अते वळ कढ्ढदा गिआ तां उस नूं आपणी कीती मिहनत उत्ते भरोसा होण लग्गा। पंनूं इस प्रोगराम दा निरमाता है किउंकि इस दी सारी तिआरी पंनूं दे आपणे हत्थीं होई है।

जदों पंनूं नें लिप्पीआं दे तबादले दा इह प्रोगराम संन 2001 दे अख़ीर ’ते पूरन रूप विच्च तिआर कर लिआ तां मैं पंनूं हुरां नूं सलाह दित्ती कि तुसीं इस प्रोगराम ’ते बहुत मिहनत कीती है। इह लिपीआं नूं बदलण वाला पलेठा प्रोगराम है। तुसीं इस प्रोगराम नूं आपणे नां रजिसटरड करवा लवो अते इस दा इक्क इंडीपैंडिंट प्रोगराम तिआर करवा लवो। पंनूं दा जवाब सी कि मैं तां आपणा कंम कर दित्ता है अते अजिहा परोगराम तिआर करना मेरे वस्स दा रोग नहीं किउंकि इस ’ते खरचा काफी आवेगा जो मेरे वस्स तों बाहर दी गल्ल है। पंनूं दा कहिणा सी कि अजिहे प्रगराम तिआर करने यूनीवरसिटीआं जां वड्डीआं संसथावां दा कंम है। मैं आपणे तौर ’ते कुझ संसथावां नाल गल्लबात कीती पर किसे वी संसथा नें कोई हां पख्खी हुंगारा नां भरिआ किउंकि उनहां मुताबिक इस विच्च कढ्ढण पाउण नूं कुझ नहीं सी।

पंनूं दी पंजाबी बोली प्रती घालणा अते गुरमुखी लिप्पी नूं शाहमुखी लिप्पी विच्च बदलण दा प्रोगराम तिआर करन सदके असीं आपणी संसथा ‘पंजाबी सत्थ लांबड़ा’ वल्लों पंनूं नूं मारच 2002 विच्च कंपिऊटरी खोज लई ‘भाई लहिणा सिंघ मजीठीआ अवारड’ नाल सनमानित कीता पर पंनूं लांबड़ा विखे पंजाबी सत्थ दे समागम विच्च शामिल नां हो सकिआ। इस संबंध विच्च कैनेडा विच्च पंजाबी सत्थ दी इकाई ‘कैनेडीअन पंजाबी सत्थ’ वल्लों इक्क बहुत ही प्रभावशाली सनमान समागम 15 जून 2002 नूं टोरांटो दे मिसीसागा शहिर विच्च अयोजित कीता गिआ जिथे पंजाबी पिआरिआं दी बड़ी भरवीं हाज़री विच्च पंनूं समेत होरनां शखसीअतां नूं ऐलाने सनमान दित्ते गए। पंजाबी सत्थ लांबड़ा दा अवारड प्रसिध्ध खेड लेखक प्रिंसीपल सरवण सिंघ हुरां नें पंनूं नूं भेंट कीता। पंजाबी सत्थ दे इस समागम विच्च पंनूं दुआरा पंजाबी प्रती कीते कंमां दी सभ तों वध्ध चरचा होई अते जिस नाल पंनूं दे हौंसले होर वी बुलंद होए।

पंनूं दा सुभाअ मिलापड़ा है पर उस दे सुभाअ विच्च फौजीआं वाला रोहब वी है अते गल्लबात दा अंदाज़ बड़ा ही मुहब्बती अते मुहावरे ते टोटकिआं नाल भरपूर हुंदा है। पंनूं दे लिखे रेखा चित्तर बड़ी ही निवेकली शैली विच्च लिखे होए हुंदे हन। टोटकिआं दी चाशणी ’च भिओं के तराशीआं ख़बरां अते आरटीकल पहड़न वाले नूं इक वख्खरा ही सवाद दिंदे हन। ‘पंज पाणी’ अख़बार लई लिखिआ उस दा ‘ठरकी दी अख्ख ’चों’ कालम बहुत ही चरचित होइआ सी। उस दे निज्जी जीवन दी सादगी नूं कदी वी ओपरी ते विखावे दी लिफाफेबाज़ी दी ज़रूरत नहीं पैंदी। सादे पहिरावे अते संजमी अहार तों परे होर सभ ‘खुशी खुआर’ है उस लई। साहितक लाहे लैण लई धड़ेबंदी दी ओट ते जुगत जुगाड़ दी आड़ हासल करन वासते उह कदी वी आपणे धिआन दी शान गवाउंदा नज़र नहीं आउंदा। उस दी उमर अते पंजाबी प्रती तपस्सिआ वल्ल वेखदिआं हरजिंदर संधू दा लिखिआ शेअर याद आ जांदा है जिवें पंनूं कहि रिहा होवे:

दध्ध चुंघ के मात पंजाबी दा,

कुझ शहिद पंजाबी चट्ट बैठा।

हुण ताण के लंमिआं पै जावां,

इह हाले मौका नहीं आइआ।

पंनूं किरिआशील रहिण वाला इनसान है अते लोड़ अनुसार कुझ नां कुझ करदे रहिणा उस दे जीवन दा इक पहिलू वी है, लोड़ वी है अते सुभाअ वी है। पंनूं ’ते चेचनीआं दे इक शाइर दीआं हेठ लिखीआं सतरां वी पूरीआं ढुकदीआं हन:

ज़िंदगी है जूझणा, ज़िंदगी है लिशकणा,

अंबर तों टुट्टा हर सितारा कहि गिआ।

पंजाबी सभिआचार, पंजाबी बोली  अते पंजाबीपुणे नूं परणाए होए किरपाल सिंघ पंनूं बारे उनहां दे 75 साल दे हो जाण मौके प्रिंसीपल सरवण सिंघ दी संपादना विच किताब छापण दा जो उपराला कीता जा रिहै उस दी सहारना करनी बणदी है। इस वड्डमुल्ले कारज वासते मैं प्रिंसीपल सरवण सिंघ हुरां नूं मुबारकबाद दिंदा हां। साडीआं दिली इछावां हन कि किरपाल सिंघ पंनूं लंमेरी उमर जीवे अते पंजाबी बोली ते सभिआचार दी इसे तरहां ही सेवा करदे रहे। अजे सानूं पंनूं तों बहुत आसां हन अते पंजाबी ज़ुबान नूं पंनूं दी बहुत लोड़ है।

 

फोटो कैपशन

15 जून 2002 नूं कैनेडीअन पंजाबी सत्थ (लांबड़ा) वल्लो किरपाल सिंघ पंनूं दे सनमान दा द्रिश:

तसवीरां विच्च: (1) किरपाल सिंघ पंनूं नूं पंजाबी सत्थ दा सनमान दिंदे होए प्रिंसीपल सरवण सिंघ अते पिछ्छे मंच ’ते बैठे हन पंजाबी सत्थ दे मैंबर जुगराज सिंघ, श्रोमणी कवीशर बापू करनैल सिंघ पारस अते नाट करमी सुरजीत ढींडसा।

(2)  सनमान समागम विच्च किरपाल सिंघ पंनूं आपणे विचार पेश करदे होए।

(3) मंच ’ते बैठीआं सखशीअतां विच्च सज्जे तों खब्बे नज़ीर कहूट, बीबी राज घुंमण, जुगराज सिंघ, श्रोमणी कवीशर करनैल सिंघ पारस, प्रिंसीपल सरवण सिंघ, बेबे रछपाल कौर, सुरजीत ढींडसा, अमर अकबरपुरी अते किरपाल सिंघ पंनूं।