गुरू नानक साहिब दा आगमन जदों इस संसार विच्च होइआ उदों भारत विच्च राजनीतक, धारमिक अते सभ्भिआचारक ज़ुलम आपणे सिखर उत्ते सी। लोकाई दी बहुगिणती किरती सी पर उनहां नूं अछूत आखिआ जांदा सी। उह नरक तों वी भैड़ी ज़िंदगी जी रहे सन। दूजिआं दा ढिड्ड भरन वाले, उनहां दे महिलां दी उसारी करन वाले, उनहां लई कप्पड़ा अते होर लोड़ींदीआं वसतां तिआर करन वाले किरती अखवाउंदे हन, उह कुल्ली, गुल्ली अते जुल्ली लई तरसदे सन।

गुरू जी नें जरवाणिआं नूं वंगारिआ अते उनहां नूं ज़ालम आख फ़िटकारिआ पर नाल ही ज़ुलम सहि रही लोकाई नूं ललकारिआ अते आपणे हक्कां दी राखी लई जूझण दा सद्दा दित्ता। गुरू जी आप भावें उदों उच्ची समझी जांदी खत्तरी कुल्ल विच्चों सन पर उनहां नें आपणे आप नूं नीच समझे जांदे लोकां दे बराबर खहड़ा कीता। उनहां दा फरमान है:

नीचा अंदरि नीच जाति नीची हू अति नीचु॥

नानक तिंन कै संगि साथ वडिआसिउ किआ रीस॥ (15)

उनहां नें लोटू टोले नूं फिटकारदे होइआं आखिआ, तुसीं पराइआ हक्क मार के किरती दा खून पींदे हो अते उस दी कमाई उत्ते ऐशो इशरत दा जीवन जीउंदे हो जदों कि किरती नूं अछूत आख उस दे प्रछावें तों वी दूर रहिंदो हो। पराइआ हक्क खाणा उंना ही बुरा है जिंना मुसलमानां विच्च सूर खाण अते हिंदूआं विच्च गऊ खाण नूं बुरा मंनिआ जांदा है।

हकु पराइआ नानका, उससूअरुउसगाइ ॥

गुरु पीरु हामा ता भरे, जा मुरदारु न खाइ ॥ (141)

ज़ालमां नूं आखिआ तुसीं किरतीआं दा हक्क मार के उनहां दा खून पींदे हो, तुसीं कदे वी सुख्ख दी नींद नहीं सौं सकदे।

जे रतु लगैकपड़ैजामा होइ पलीतु॥

जोरतुपीवहि माणसा तिन किउ निरमलु चीतु ॥ (140)

उनहां मनुख्खता नूं संदेश दित्ता कि जिहड़ा किरत करके खांदा है अते नाल ही लोड़वंदां दी सहाइता करदा है, उह ही इनसान अखवाउण दा हक्कदार है।

घालि खाइ किछु हथहु देइ॥

नानक राहु पछाणहि सेइ॥ (1285)

गुरू जी दी बखशिश करके ही उनहां दे पैरोकार उद्दमी हन ते हमेशा खतरे सहेड़न लई तिआर रहिंदे हन। औखी घड़ी विच्च वी उह चहड़दी कला विच्च रहिंदिआं मुशकिलां दा डट के मुकाबला करदे हन। उह हमेशा नवें विचारां अते नवीआं थांवां नूं आपणा बणाउण लई तत्तपुर रहिंदे हन। पिछले कुझ सालां तों पंजाबीआं दे रहिण सहिण विच्च तबदीली आई है। उह आपणे सभ्भिआचार अते रसमो रिवाजां तों दूर हो रहे हन। आपणे विरसे ’ते माण करना उह भुल्ल गए हन। सारे संसार नूं चहड़दी कला दा सुनेहा देण वाली कौम आप ढहिंदी कला दा शिकार हो रही है। इसदा असर उनहां दे कंमांकारां विच्च साफ़ नज़र आउण लग्ग पिआ है। पैसे कमाउण दी दौड़ विच्च उह गलत कंम करन लई वी तिआर रहिण लग्ग पए हन। सरकारी दफतरां विच्च रिशवतखोरी दा बोलबाला है। बज़ार विच्च विकण वालीआं बहुतीआं वसतां विच्च मिलावट होण लग्ग पई है। इत्थों तक कि शुध्ध दुध्ध ते शुध्ध दुध्ध-पदारथ मिलणे मुशकल हो रहे हन। बहुते कारखाने रसाइणां नाल भरे पाणी नूं साफ़ करन दी थां नेड़े वगदे दरिआ विच्च सुट्टण दा यतन करदे हन जां धरती हेठां भेज रहे हन। इंझ पंजाब दे पाणीआं विच्च ज़हिर घुल रही है। काइदे कानूंन दी पालणा करना कमज़ोरी समझिआ जाण लग्ग पिआ है। हत्थीं कंम करना असीं हेठी समझण लग्ग पए हां। विखावा साडे जीवन दा अंग बण रिहा है। वितों वध खरच करन नूं माण समझदे हां। मनुख्खी विकास होण दी थां इह निघार वल्ल जा रिहा है, जिसदा इक्क कारन सरकारी विद्दिअक ढांचे दा टुट्ट जाणा अते धरम प्रचार दा नां होणा है। इसे दा असर पंजाबीआं उत्ते पै रिहा है। उनहां दे जीवन विच्चों संजीदगी खतम हो रही है।

बहुगिणती दी सोच बण रही है कि जीवन विच्च पैसा ही सभ तों महत्तवपूरन है, उस नूं प्रापत करन लई कुझ वी कर लैणा चाहीदा है। इस सोच नाल सदीआं तों चलीआं आ रहीआं सदाचारक कदरां कीमतां दम तोड़न लग्ग पईआं हन। साडे धारमिक आगू अते प्रचारक वी इसदी लपेट विच्च आ गए हन। उनहां दा मिशन लोकां नूं धरम दे नाल जोड़न दी थां माइआ बटोरना बण गिआ है। उनहां दे प्रवचन, कीरतन जां सेवा मुल्ल विकदी है। उनहां लई इह इक्क वपारिक पेशा बण गिआ है। जदों धरम दा प्रचार पैसे दा रूप धारन कर लवे फिर भला सबर अते संजीदगी उत्थे किवें ठहिर सकदी है। इनहां कोल सेवा, सादगी, निमरता जां प्रेम भाव लई कोई सथान नहीं है। जीवन दे वध्ध तों वध्ध सुख्खां नूं प्रापत करना ही इनहां दा मकसद है। लोकां नूं सेवा, सच्च, सिमरन, सादगी, संतोख, विद्दिआ दी सिख्खिआ देण वाले जदों आप ही उस तों कोहां दूर हो जाणगे, फिर भला संगत उत्ते उनहां दे प्रबचनां दा सारथिक असर किवें होवेगा? जिस समाज दे आगू ही सच्च, संतोख अते सुचज्जी सोच तों दूर हो जाण तां उस दा भविख्ख तां काला होणा ही होइआ।

साडे राजसी आगू इस तों वी अग्गे निकल गए हन। राजनीती हुण लोक सेवा जां समाज-सेवा नहीं सगों इक्क बहुत ही घटीआ धंदा बण गई है। आगूआं दा मुख्ख मंतव जनता दी सेवा जां अगवाई करना नहीं सगों आपणी कुरसी दी सलामती है, जिस नूं काइम रख्खण लई उह कोई वी घटीआ हथिआर वरत सकदे हन। समाज विच्च बुरी तरहां फैलिआ रिशवत दा कोहड़ इनहां आगूआं दी ही देण है। नवीं पीहड़ी नूं किरत नाल जोड़न दी थां उनहां नूं नशिआं नाल जोड़िआ जा रिहा है। विआहां समें बेलोड़े खरच अते शराब दी वरतों विरुध्ध कोई धारमिक आगू जां प्रचारक नहीं बोलदा। साडे आगू सूबे दी जवानी नूं विद्दिआ ते रुज़गार देण दी थां आपणे जलसे जलूसां लई वरतदे हन ते नशिआं नाल उनहां दा थकेवां लाहुंदे हन। इहो जिहे रोल माडल तों किहो जिही सेध प्रापत हो सकदी है। साडीआं फिलमां कालजां विच्च धड़ेबाज़ी, गैंगवार ते शरेआम शराब पींदे विदिआरथीआं नूं विखाउंदीआं हन। असल जीवन विच्च बच्चे इहो करन दा यतन करदे हन। अरदास वरगी फिलम कदे कदाईं ही बणदी है।

खुशी दे समागम तां दूर रहे, गमी दे समागमां विच्च वी संजीदगी खतम हो रही है। जीवन विच्च रिशतिआं दे निघ्घ दी घाट महिसूस हो रही है। हुण जीवन शैली वी बदल गई है। हुण कुक्कड़ दी बांग सुण अंम्रित वेले जागण वालिआं दी गिणती घट गई है, तड़के उठ्ठ कंम काज विच्च बहुत घट्ट लोक जुटदे हन। दुध्ध दा गिलास पी छेती सौं जाण दा रिवाज घट रिहा है।

पंजाबीआं दी मिहनत अते हिंमत दी मिसाल दित्ती जांदी सी, उह हुण गाइब हो रही है। हत्थीं कंम करना, इमानदारी, जीवन सलीका हुण बीते समें दीआं गल्लां समझीआं जा रहीआं हन। इस तबदीली बारे गंभीर चिंतन दी लोड़ है। जीवन विच्च संजीदगी दी वापसी बहुत ज़रूरी है।

बच्चिआं नूं आपणी बोली पंजाबी नाल जोड़िआ जावे। आपणे शानामत्ते विरसे अते सभ्भिआचार नाल जोड़िआ जावे तां जो उनहां विच्च आपणी मिट्टी दा मोह जागे। इतिहास दी किताब विच्च पंजाब अते पंजाबीआं दीआं प्रापतीआं बारे लिखिआ जावे। साडे प्रचारकां नूं चाहीदा है कि उह गुरू साहिबां दे चमतकारां दीआं साखीआं उत्ते ज़ोर देण दी थां उनहां दे उपदेशां नूं प्रचारिआ जावे। वडेरिआं दीआं कुरबानीआं अते आपणे महान विरसे दीआं बातां पाईआं जाण। पंजाब दे सकूलां विच्च पहड़ाईआं जाण वालीआं पुसतकां विच्च पंजाब, पंजाबी सभ्भिआचार ते समाजिक कदरां कीमतां नूं मुख्ख तौर उत्ते उघाड़िआ जावे अते गुरू नानक दे मिशन नूं प्रचारिआ जावे। नौजवानां लई रुज़गार दे वसीले बणाए जाण। बच्चिआं नूं हुनरी बणाईए ते आपणे पैरां उत्ते खहड़े होणा सिखाईए। आवो रल के यतन करीए, पंजाब, पंजाबी ते पंजाबी सभ्भिआचार नाल नवीं पीहड़ी नूं जोड़ीए। अजिहा उदों ही हो सकदा है जदों असीं मुंडिआं हत्थ किताबां फड़ावांगे, उनहां नूं विद्दिआ प्रापती लई उकसावांगे। पंजाबी खास करके सिख्खां नूं तां गुरू नानक साहिब नें गिआन अते किरत दे लड़ लाइआ सी, फिर नवीं पीहड़ी गिआन विहूणी हो के कुराहे किउं पै रही है, इस बारे चिंतन दी लोड़ है।

गुरू जी नें समझाइआ कि जदों इनसान इमानदारी नाल मिहनत करके कमाई करदा है अते जित्थों तीक हो सके इस नूं वंड के छकदा है, उदों ही उह सफ़ल सुखावां जीवन जी सकदा है। बुरे करम कीतिआं जां हराम दी कमाई नाल कदे वी सुख, शांती जां आनंद प्रापत नहीं हो सकदा, किउंकि जो असीं बीजदे हां उहो फ़सल ही वढ्ढणी पैंदी है। गुरू साहिब दा हुकम है:

ददै दोसु न देऊ किसै दोसु करंमा आपणिआ॥

जो मैं कीआ सो मैं पाइआ दोसु न दीजै अवर जना॥ (433)

फलु तेवेहो पाईऐ जेवेही कार कमाईऐ॥ (468)

गुरू जी नें पिछली उमरे करतारपुर नगर वसाइआ। इत्थे उनहां आपणे हत्थीं खेती कीती। इह सच्चमुच्च ही करतार दा घर सी। इत्थे हमेशा गुरबाणी दा पाठ अते कीरतन हुंदा सी। गुरू जी दा केंदर अजिही थां बण गिआ सी जित्थे संगतां आपणे अंदरली मैल धो के गुरू जी दे दरसाए जीवन मारग उत्ते आपणी यातरा शुरू कर दिंदीआं सन। इंझ उनहां नें किरत दे सतिकार वाले आपणे उपदेश नूं अमली जामा पहिनाइआ। भाई लहिणा जी, जिहड़े पिछ्छों जा के निशकाम सेवा कारन गुरगद्दी दे वारस बणे, जदों पहिली वार करतारपुर साहिब विखे गुरू जी दे दरशनां नूं आए तां उनहां नगर तों बाहर इक्क बज़ुरग नूं सिर उत्ते पठ्ठिआं दी भरी चुक्की जांदे वेखिआ ते उस तों गुरू जी दे डेरे दा राह पुछ्छिआ, तां बज़ुरग नें आखिआ सी कि मैं वी उत्थे ही जा रिहा हां, तुसीं मेरे नाल ही आ जावो। गुरू जी नें जदों डेरे पुज्ज पठ्ठिआं दी भरी सुट्टी तां संगतां उनहां दे चरन सपरश करन लग्गीआं। उदों लहिणा जी नूं पता चल्लिआ कि भरी वाले बज़ुरग तां आप ही गुरू नानक सन ते उह उनहां दे चरनां विच्च ढहि पिआ ते हमेशा लई गुरू जी दी सेवा करन लई उत्थे ही रहि गिआ। इसे सादगी, निमरता, सुकिरत ते प्रेम दा पाठ गुरू जी नें लोकाई नूं पहड़ाइआ। इत्थे ही गुरू जी नें संगत ते पंगत दी रीत शुरू कीती। सारी संगत नूं इक्को पंगत विच्च बैठ के ही भोजन छकणा पैंदा सी। इंझ गुरू जी नें समाज विच्च जातपात, रुतबे अते अमीरी कारन जिहड़ीआं वंडीआं पईआं सन, उह मेट दित्तीआं। संगत विच्च सभ नूं बराबरी उत्ते बैठणा पैंदा सी। इंझ उनहां नें निमाणिआं नूं माण ते निताणिआं नूं ताण दी बखशिश कीती। जिहड़े निथावें सन उनहां लई गुरू घर विच्च थां दी बखशिश कीती। गुरू जी नें संसार विच्च इक्क नवें राज प्रबंध जिस नूं लोक राज ते समाजवाद आखिआ गिआ दी सोझी करवाई। उनहां आपणी सोच नूं विचारां तक ही सीमत नहीं रख्खिआ, सगों उस नूं अमली रूप दित्त। गुरू जी संसार विच्च पहिले पुरश होए हन जिनहां किरत नूं माण दित्ता अते किरती दा सनमान कीता।

समाज विच्च हर पासे फैले भ्रिशटाचार, अपराध अते लुट्ट नूं केवल गुरू जी वल्लों दरसाई जीवन जाच राहीं ही दूर कीता जा सकदा है। इमानदारी अते मिहनत नाल किरत करन दी आदत नागरिकां विच्चों मुक्कदी जा रही है। आपणे आप नूं गुरू जी दे सिख्ख अखवाउण वाले वी इसदी लपेट विच्च आ रहे हन। बिनां मिहनत कीतिआं रातो रात अमीर बणन दे सुपने सारे वेखण लग्ग पए हन। जदों जीवन दा टीचा केवल पैसा इकठ्ठा करना ही बण जावे, उदों इनसान सारीआं कदरां कीमतां भुल्ल जांदा है। दौलत रूपी दरिआ अजिहा है, जिसदा कोई किनारा नहीं हुंदा। इसदी घुंमणघेरी विच्च फसिआ मनुख्ख बाहर नहीं निकल सकदा। जदों किसे लई माइआ ही सभ कुझ बण जावे तां माइआ ही उस दा धरम बण जांदी है, किउंकि उह समझदा है कि पैसे नाल सभ कुझ खरीदिआ जा सकदा है। उह शाइद इह भुल्ल जांदा है कि खुशी, सफ़लता, सफ़ल सुखावां जीवन, पिआर, सवैमाण ते दोसती कदे वी पैसे नाल खरीदे नहीं जा सकदे। उह इह भुल्ल जांदा है कि माइआ इकठ्ठी करन लई जिहड़े पाप उह कर रिहा है, उस दा फ़ल तां भुगणता ही पैंदा है। गुरू जी नें लोकाई नूं समझाइआ:

इसु जर कारणि घणी विगुती इनि जर घणी खुआई॥

पापा बाझहु होवै नाही मुइआ साथि नां जाइ॥ (417)

आवो गुरू जी दे उपदेशां नूं अपणाईए, किरत करीए, वंड छकीए अते नाम जपीए तां जो सच्च, संतोख अते गिआन साडे साथी बण सकण।

*****