नशई दा नशा छुडवाउण लई जित्थे इलाज करन वाले उसदी ज़िंदगी प्रती सुहिरद होण, मापिआं दा भरवां सहियोग मिले अते प्रशासन वलों समें समें सिर समस्सिआवां दे हल्ल लई हां पख्खी हुंगारा मिलदा रहे तां सारथिक नतीजे साहमणे आ सकदे नें। हां, नशा छड्डण वाले दी इछ्छा शकती ’ते वी काफ़ी निरभर करदा है।

गल्ल कुझ साल पुराणी है। मैं नशा छुडाऊ केंदर दे दफ़तर विच्च बैठा सी। डिपटी कमिशनर साहिब दा फोन आइआ कि इक्क पीड़त विधवा औरत आपणे नशई पुत्त नूं नाल लैके पेश होई है। औरत नशई पुत्त तों पोटा पोटा दुखी है। नशई मुंडा दो बच्चिआं दा बाप है। मुंडे नें वी नशा छड्डण दी इछ्छा प्रगटाई है। तुहाडे कोल भेज रिहा हां। वेखो, जे भटकिआ मुंडा लीह ’ते आ जावे। इस उमर विच्च बज़ुरग औरत दर दर दीआं ठोकरां खा रही है।”

मेरे ‘ठीक ऐ सर’ कहिण ते बज़ुरग औरत अते मुंडा मेरे दफ़तर आ गए। औरत दी मानसिक अते शरीरक हालत डिगूं डिगूं करदी इमारत वरगी सी। माई नूं मैं आदर नाल कुरसी ’ते बिठा लिआ। माई दे नैणां विच्चों छम छम अत्थरू वग रहे सन। उहदे अत्थरू इकलौते नशई्ई पुत्त वलों उहदी झोली विच्च पाईआं पीड़ां, ज़िंमेवारी दी पंड, लोड़ां अते थोड़ां दी शिकार अते लोकां वल्लों पुत्त दे मिले उलांभिआं दा बोझ झलक रिहा सी। उहदे अत्थरूआं दी भाशा दा अनुवाद मैं आपणी समरत्था अनुसार कर लिआ। कागज़ी कारवाई मुकंमल करन तों बाअद मैं माई दा मोबाइल नंबर फाईल ’ते नोट करन उपरंत उसनूं दिलासा दिंदिआं किहा, “असीं आपणी वलों हर संभव कोशिश करांगे कि तेरे पुत्त नूं नशा छुडवा के चंगा पुत्त, चंगा बाप अते चंगा पती बणाके भेजीए। बस्स, तुसीं वार वार इत्थे गेड़ा नहीं मारना। हां, जेकर असीं बुलाईए तां पैर जुत्ती नहीं पाउणी, तुरंत आ जाणा। माई मेरीआं गल्लां नूं धिआन नाल सुणदिआं सहिमती विच्च सिर हिलाउंदी रही। जदों माई नूं संपरक लई दो तिंन होर फोन नंबर देण लई किहा तां उहदा जवाब सी, “हालां तां जी इक्क नंबर ई लिख लवो। धूरी जाके दूजा नंबर लिखवा दिआंगी।”

माई मेरे वल्ल आसवंद नज़रां नाल विहंदिआं हालां नशा छुडाऊ केंदर दे गेट तों बाहर ही गई सी, मेरे धिआन विच्च आइआ कि माई दा फोन नंबर चैक्क कर लवां। नशई मरीज़ नूं कोई दिक्कत आ सकदी है। जदों मैं माई दा फोन नंबर मिलाइआ तां कंपिऊटर ’ते आवाज़ आई, “मोबाइल बंद है।” मैं आपणा करमचारी भेज के माई नूं वापस बुलाइआ। उसदे वापस आउण ’ते जदों उसनूं मोबाइल बंद होण सबंधी पुछ्छिआ तां उसने गच्च भरके जवाब दित्ता, “जी, मोबाइल रीचारज करवाउण वाला है। घर जाके किसे तों उधार पैसे लैके चालू करवा लवांगी।” इह कहिंदिआं माई दे चिहरे ’ते बेवसी दे चिंनह उभर आए। आपणे करमचारी नूं पैसे देके माई दा मोबाइल रीचारज करवा दित्ता अते माई असीसां दिंदी चली गई।

नशई नूं नशा मुकत करन लई जित्थे दुआ अते दवाई दी लोड़ है, उत्थे ही उसनूं धरम, साहित अते किरत दे संकलप नाल जोड़णा वी ज़रूरी है। नशा छुडाऊ केंदर विच्च इह किरिआवां नियम-बध्ध ढंग नाल करवाईआं जांदीआं सन। हर रोज़ शाम नूं तिंन कु घंटे मैं उनहां विच्च गुज़ारदा सी। योगा, मैडीटेशन अते कौंसलिंग मेरी ज़िंमेवारी दा अहिम हिस्सा सन। दाख़ल मरीज़ां नाल मैं मोह, अपणत्त अते सतिकार दा रिशता सिरजिआ होइआ सी। कई वार जदों किसे नशई नूं मैं ‘पुत्त’ कहिके मैं बुक्कल विच्च लैंदा सां तां मरीज़ दीआं अख्खां अत्थरूआं नाल भरीआं हुंदीआं सन अते उह मैनूं आपणा हमदरद समझ के बिनहां किसे लुकोअ तों नशे दी लपेट विच्च आउण दे कारन वी दस्स दिंदे अते नाल ही नशा छड्डण लई द्रिड़ इछ्छा शकती दा प्रगटावा वी कर दिंदे। हमेशा ही मैं इस करम ’ते जोर दित्ता कि नशई ज़िंदगी दे खलनाइक नहीं, पीड़त हन अते इनहां नाल पीड़तां वाले वरताउ राहीं इनहां दे हिस्से आई पीड़ दूर करके नशा मुकत कीता जावे।

करमजीत नां दा उह नौजवान कौंसलिंग समें मेरीआं गल्लां बड़े धिआन नाल सुणदा। दस कु दिन बीत गए। भावें उह सही दिशा वल्ल जा रिहा सी, पर उह हर समें चिंता विच्च रहिंदा सी। गुंम सुंम जिहा, किसे नाल वाधू गल्ल वी नहीं सी करदा। इक्क दिन शाम नूं कौंसलिंग उपरंत उसने बड़ी निमरता नाल किहा, “सर, मैं थोडे नाल इकल्लिआं गल्ल करनी है।”

मैं आप चाहुंदा सी कि उह आपणे मन दा बोझ हलका करे। मैं उहनूं अलग्ग कमरे विच्च लै गिआ। मंजिआं ’ते आहमो साहमणे बैठ गए। उहदे मोढे ’ते हत्थ रखदिआं मैं पिआर नाल पुछ्छिआ, “दस्स पुत्त, की तकलीफ ऐ?”

गल्ल करन तों पहिलां उहदे चिहरे ’ते गंभीरता दे चिंनह आ गए। फिर उसने गला साफ़ करदिआं बहुत ही निमरता नाल किहा, ”सर, हुण तक्क तां मैं कदे आपणे परवार वारे सोचिआ ही नहीं। बस्स, दिन रात नशे ’च टल्ली रिहां। मेरी मां कई घरां विच्च कंम करके परवार नूं पाल रही है। पर सर, मैनूं इत्थे आके हुण सोझी आई ऐ। जिस घर विच्च असीं किराए ’ते रहिंदे हां, उस घर दा आला दुआला ठीक नहीं है। मेरे बच्चिआं अते पतनी ’ते इसदा बुरा असर पैंदा होवेगा। बस्स, मैनूं हर वेले इहो चिंता रहिंदी है।”

करमजीत दी गल्ल सुणके मैनूं सकून मिलिआ। घट्ट तों घट्ट हुण इह आपणे परिवार दी चिंता तां करन लग्ग पिआ। अगले दिन मैं डिपटी कमिशनर साहिब नूं मिलिआ। करमजीत दे नशा मुकती वल्ल सही कदम दे नाल नाल उसदा दुख्ख वी सांझा कीता। उनहां नें मैनूं हौंसला दिंदिआ किहा, “कोई नहीं, आपां उहदे परिवार नूं संगरूर ही शिफट कर दिंदे हां। मैनूं उहदा धूरी वाले घर दा थहु-टिकाणा दस्स देणा।”

दफ़तर आके मैं करमजीत दे घर दा पता डिपटी कमिशनर साहिब नूं दस्स दित्ता। अगले दिन ही किसे अधिकारी दी डिउटी लाके डिपटी कमिशनर नें उसदे परिवार दी रिहाइश संगरूर विखे कर दित्ती। इह सूचना देके मैं करमजीत नूं चिंता मुकत कर दित्ता। हुण उह दिन-बदिन तंदरुसत होण दे नाल नाल आगिआकार, अनुसाशन प्रेमी होण दे नाल नाल दाखल नशई मरीज़ां विच्च घुल मिल गिआ। करमजीत दे पूरन तंदरुसत होण ’ते मैं डिपटी कमिशनर साहिब नूं उसदे नशे दी दलदल विच्चों निकलण दे नाल नाल इक्क चंगा इनसान बणन सबंधी वी दस्सिआ। डिपटी कमिशनर साहिब नें मुसकराहट भरी दाद दिंदिआं किहा, “इस मुंडे ’ते इक्क महीना बाज़ अख्ख रख्खणी। जे बिलकुल ठीक रिहा तां महीने बाअद मां-पुत्त, दोनां नूं मेरे कोल भेज देणा।”

मैं समें समें करमजीत दा पता करदा रिहा। उसदी ग्रहिसथ रूपी गड्डी हुण लीह ’ते आ गई सी। 10 जुलाई, 2025 नूं गुरू पूरनिमा दे दिन मैं अंतां दा उदास सी। उस दिन इक्क सकूल दे चार विदिआरथीआं नें आपणे प्रिंसीपल दा सकूल कैंपस विच्च ही कतल कर दित्ता सी। अधिआपकां अते विदिआरथीआं दे तिड़क रहे रिशते नें मैनूं अंतां दा गंभीर कर दित्ता सी। सोचां विच्च घिरिआ मैं इस निघार प्रती चिंतन कर रिहा सी। बूहे ’ते दसतक होई। बूहा खोल्हिआ। साहमणे करमजीत खहड़ा सी। उसने हत्थ विच्च मठिआई दा डब्बा फड़िआ होइआ सी। मठिआई वाला डब्बा उसने मैनूं आदर नाल फड़ाइआ अते फिर मेरे पैरां विच्च झुक गिआ, “सर, अज्ज गुरू पूरनिमा है। तुसीं मेरी ज़िंदगी दे गुरू हों। मैनूं भटके होए नूं सही दिशा विखाई है। थोडा बहुत बहुत धंनवाद।” इह कहिंदिआं करमजीत दे शुकराने विच्च हत्थ जुड़ गए। गल्लांबातां करदिआं करमजीत नें दस्सिआ कि उह अते उसदी पतनी मारूती कंपनी विच्च कंम करदे हान। बच्चे चंगे सकूल विच्च पहड़दे हन। मां नूं असीं लोकां दे घरां विच्च कंम करन तों रोक दित्ता है। करमजीत बोलिआ, “सच्चीं सर, ज़िंदगी बहुत खूबसूरत है।”

करमजीत कुझ समां मेरे कोल बैठा रिहा अते फिर आगिआ लैके परत गिआ।

करमजीत नूं जांदिआं मैं डाढे ही मोह नाल वेखदा रिहा।

* * * *