नशिआं नें पंजाब दे पिंडे ’ते डूंघे ज़खम कीते हन। मापिआं दे चिहरिआं ’ते उदासी दी परत जंमी होई है। इकलौते पुत्तां दीआं लाशां ’ते मावां दे वैण मन नूं वलूंधरदे हन। इक्क सरवेखण अनुसार सरकारी सकूलां दे 11.9% विदिआरथी अते प्राईवेट सकूलां दे 5.9% विदिआरथी वी नशे दी लपेट विच्च आ चुक्के हन। 60% लड़के अते 17% कुड़ीआं दे पैर वी नशे नाल डग-मगा रहे हन। अंदाज़न हर छे घंटे बाअद पंजाब विच्च इक्क नशई दा सिवा बल रिहा है। इक्क पासे नशा करन वालिआं दी वड्डी भीड़ है, दूजे पासे नशा तसकरां दा जाल। अनेकां दाअविआं दे बावजूद दोनां दी कड़ी टुट्टी नहीं। 10 हज़ार तों ज़िआदा मुंडे अते कुड़ीआं एडज़ तों पीड़ित हन। इनहां विच्च अंदाज़न 88 नाबालग मुंडे अते कुझ कुड़ीआं वी शामल हन। इंज लगदा है जिवें पंजाब दी जवानी दा वड्डा हिस्सा वैंटीलेटर ’ते होवे। पंजाब दे कई शहिरां अते पिंडां दे अक्के होए लोकां नें शरेआम कंधां ’ते इह लिखके “इत्थे नशा आम विकदा है?” आपणा गुब-गुबार वी कढ्ढिआ है। सच्चमुच्च नशा, करज़ा अते भ्रिशटाचार नें दुनीआं विच्च पंजाब दी पछाण मध्धम कीती है।

पंजाब दी 68.84% अबादी पिंडां विच्च रहिंदी है अते 31.16% शहिरां दी वसनीक है। होर सहूलतां तों भावें पंजाबी वांझे रहि जाण, पर शराब दे ठेके थां थां खोल्ह के उहनां नूं शराब पीण दी “सहूलत” दित्ती गई है। शराब दे ठेकिआं दे नाल सरकारी मानता प्रापत अहाते वी खुल्ल्हे होए हन, जित्थे मेज़, कुरसी, मंजा, पाणी देण दे नाल नाल उहनां दे खाण पीण दा प्रबंध वी अहाते दे मालकां वल्लों कीता जांदा है। अंदाज़न 13 करोड़ दी शराब पीके पंजाबी जित्थे खुंघ हो रहे हन, उत्थे ही शराब दी करोपी कारन अंदाज़न हर पिंड विच्च 16 विधवावां नरक भरिआ जीवन बतीत कर रहीआं हन।

13.70 करोड़ दा चिट्टा पंजाब दे नौजवान मुंडे, कुड़ीआं अते कुझ नाबालग मुंडे वरतों करके आपणी जवानी दा घाण ही नहीं कर रहे, सगों मापिआं दी मंदहाली, ठंढे चुल्ल्हे अते घरां विच्च मातम दी चादर विछाउण दा कारन वी बणदे हन। इनहां नशईआं कारन समाज बिमार है अते बिमार समाज दी होंद ’ते हमेशा ही खतरे दे बद्दल मंडलाउंदे हन।

शराबीआं लई तां सरकार वल्लों आराम नाल बैठ के शराब पीण लई अहाते दा प्रबंध कीता होइआ है पर चिट्टे दी वरतों करन वाले आपणा झस्स पूरा करन लई उजाड़ थांवां ’ते आपणा अहाता आप बणा लैंदे हन। कुझ समां पहिलां चिट्टा वेचण वाले तसकर नशईआं नूं चिट्टा दे के उनहां नूं कमरे अंदर ही बुला लैंदे सन, चिट्टे दी वरतों करन लई पंनी (फिऊल पेपर) जां सरिंज वी नाल ही दे दिंदे सन। नशा वेचण वाले तसकरां कोल कई नशई अंदर बैठे चिट्टे दे सूटे लाउंदे सन जां फिर चिट्टे दे टीके ला के झूमदे होए बाहर निकलदे सन। उहनां दीआं अख्खां गहिरीआं, डिगूं डिगूं करदा सरीर अते जेबां खाली करके उत्थों टिभ जांदे सन अते बाहर खहड़े होर नशई बेसबरी नाल आपणी उडीक करदिआं कमरे विच्च चले जांदे सन। पर 1 मारच, 2025 तों पंजाब सरकार वल्लों ‘युध्ध नशिआं विरुध्ध’ शुरू होण कारन नशईआं दे इह अहाते बंद हो गए हन। तसकरां नें वी जित्थे आपणे अड्डे बदल लए हन, उत्थे ही चिट्टे दे रेटां विच्च वी वाधा कर दित्ता है। नशईआं नूं तसकरां दे बदले होए टिकाणिआं दी मोबाइल राहीं सूह मिल जांदी है।

लोकां दी फिट्ट लाहनत अते पुलिस दे डरों हुण नशईआं नें आपणे अहाते सुंनसान अते उजाड़ थांवां ’ते बणा लए हन। पिछले दिनीं पुलिस नें कुझ नशईआं नूं काबू कीता सी जिहड़े नहिर दे किनारे झाड़ीआं विच्च गुफ़ा बणा के चिट्टे दा टीका ला रहे सन। पुलिस हुण इनहां दे नहिरां दे लागे बणाए अजिहे अहातिआं दी तलाश विच्च है।

पिंडां अते शहिरां दीआं शमशान भूमीआं नूं वी नशई आपणे अहाते वजों वरत रहे हन। अजिहे असथान ’ते लोक संसकार समें आउंदे हन। अजिहे समें नशई इध्धर उध्धर हो जांदे हन। अकसर लोक म्रितक सरीर दे फुल्ल चुगण उपरंत नाल आए सके-सबंधी शरधा वजों चुगे होए फुल्लां वाली थैली विच्च कुझ पैसे वी पा दिंदे हन। किसे धारमिक असथान ’ते फुल्ल पाउण लई उह समां निशचित करके फुल्ल शमशान भूमी विच्च ही संभाल जांदे हन। नशईआं नूं इह पता लग्गण ’ते कि म्रितक विअकती दे फुल्लां विच्च पैसे पाए होए हन, उहनां नें शमशान भूमी विच्चों फुल्ल वी चोरी करने शुरू कर दित्ते हन। फुल्लां विच्चों पैसे कढ्ढण उपरंत उह फुल्ल इध्धर उध्धर सुट्ट दिंदे हन। निशचित समें ’ते जदों म्रितक दा परिवार फुल्ल लै के जाण लई शमशान भूमी पहुंचदा है तां फुल्लां दे गुंम कीते जाण ’ते उह बहुत ही प्रेशान हुंदे हन। इनहां नशईआं तों अक्क के लोकां नें म्रितक विअकती दे फुल्ल धारमिक असथानां ’ते संभाल के रख्खणे शुरू कर दित्ते हन किउंकि शमशान भूमीआं विच्च नशईआं दे अहातिआं कारन म्रितक विअकतीआं दे फुल्ल वी सुरख्खिअत नहीं हन। कई नशई मरीज़ ओवरडोज़ दे कारन उत्थे ही लुहड़क जांदे हन। कई वारी बेहोशी दी हालत विच्च अते कई वार म्रितक सथिती विच्च नशई शमशान भूमीआं विच्चों लभ्भदे हन। चार पंज नशई जदों शमशान भूमी विच्च चिट्टे दा टीका लाउंदे हन तां कई वार उहनां विच्चों ही इक्क ओवरडोज़ कारन बेहोश हो जांदा है। दूजे नशई उस नूं अजिही सथिती विच्च छड्ड के पत्तरा वाच जांदे हन। नशईआं लई दोसती जां रिशते दी महत्तता दी कोई अहिमीअत नहीं हुंदी। नशिआं कारन पईआं यारीआं नशे दी वंड वंडाई वेले दुशमणी विच्च बदल जांदीआं हन अते कई वार नशई ही आपणे साथी नूं मौत दे घाट उतार दिंदा है। कई अजिहे केस वी साहमणे आए हन जित्थे नशई ओवरडोज़ नाल मरे आपणे साथी नूं उसदे घर मोहरे सुट्ट के भज्ज गए।

शाम वेले किसानां दे खेत वाली मोटर वी इनहां दे अहाते बणदे हन। अजिहीआं थांवां ’ते इह दुहरा लाहा लैंदे हन। चिट्टे दे सूटे लाउण जां टीके लाउण दे नाल नाल उह मोटरां दी केबल चोरी करन, टरांसफारमां दा तेल कढ्ढण, मोटरां दे जंदरे तोड़ के अंदर पिआ समान चोरी करन उपरंत अगांह वेच के आपणा झस्स पूरा करदे हन। जेकर खेत दा मालक मौके ’ते पहुंच जांदा है तां उस ’ते जान लेवा हमला वी कर दिंदे हन। इस करके ही ज़िमींदार दुहाईआं पा रहे हन कि नशईआं कारन साडे खेत वी सुरख्खिअत नहीं। मोटरां दा समान चोरी करन नाल जिमींदार खेतां दी सिंजाई करन तों पछड़ जांदा है।

इस तों बिनां परवास कारन सुंनीआ पईआं हवेलीआं नूं वी नशईआं नें आपणा अहाता बणा लिआ है। नशा करन तों बाअद हवेली विच्चों जो कुझ हत्थ लगदा है, उह वी चोरी करके लै जांदे हन। कई थांवां ’ते तां नशईआं नें हवेली दे दरवाज़े तक नहीं छड्डे।

कई सुंने कुआटरां विच्चों नशईआं दीआं बदबू मारदीआं लाशां मिलीआं हन। कोल पईआं सरिंजां जां बांह विच्च ही लग्गी रहि गई सरिंज तों पता लगदा है कि चिट्टे नें नशई दी जान लै लई है। कई धारमिक असथानां ’ते बणे बाथरूमां विच्चों वी नशईआं नूं टीके लाउंदे फड़िआ गिआ है। पबलिक थांवां ’ते बणे बाथरूमां नूं वी नशई अहाते वजों वरत लैंदे नें। कालजां दीआं कंटीनां विच्च कालजीएट मुंडे आम नशे दे टीके लाउंदे वेखे गए हन। कई थांवां ’ते मंडीकरन बोरड दीआं खाली पईआं बिलडिंगां विच्च वी नशईआं दा अड्डा बण चुक्किआ है। सुंनसान पए भठ्ठे, खाली खहड़े टरक्क, खाली पए खेड सटेडीअम, छुट्टी तों बाअद सकूलां दे वरांडे, पारक, खाली खहड़ीआं बस्सां विच्च वी नशई आपणा झस्स पूरा कर लैंदे नें।

चिट्टा पीण वालिआं दे अजिहे अहाते समाज ’ते इक्क धब्बा हन। इस महांमारी तों बचण लई द्रिहड़ इछ्छा शकती, उसारू प्रशासनिक सरगरमी, समाजिक माहौल अते लोकां दी सरगरम भूमिका होणी अतिअंत ज़रूरी है। जेकर इक्क सूझवान विअकती इक्क नशई नूं सांभ लवे तां नशिआं दे मारू हनेरी नूं ठल्ल्ह पाई जा सकदी है।

* * * * *