(पहिलवान करतार सिंघ मेरा गिराईं है, मेरा छोटा वीर। मैं उहनूं बचपन तों लै के पोटा पोटा उसरदिआं वेखिआ है। दो वार एशीआ विचों गोलड मैडल जित्तिआ ते हुणे ख़बर मिली है कि उसने कल्ल੍ ही विशव वैटरन कुशतीआं विच 18वीं वार सोन तमगा जित्त के नवां इतिहास सिरजिआ है। उसदी इस जित्त दी ख़ुशी सांझी करदिआं उहदे बारे लिखी जीवनी "कुशती दा धरू तारा" विचों उहदी इक यादगारी कुशती दा बिरतांत पेश है- वरिआम सिंघ संधू )

********

चार सालां बाअद हुंदीआं एशीअन खेडां विच तां सारीआं खेडां शामल हुंदीआं हन। भारती कुशती फैडरेशन दी सलाह नाल एशीआ दे कुशती अदारे नें चाहिआ कि इहनां खेडां तों बिनां केवल कुशती दे प्रोतसाहन लई निरोल कुशती दी चैंपीअनशिप्प करवाई जाणी चाहीदी है। फ़ैसला सिरे चहड़ गिआ। सभ तों पहिली चैंपीअनशिप्प भारत विच्च कराउण दा ही निरणा लिआ गिआ। भारत विचों वी इसदा गुणा पंजाब 'ते पै गिआ। इंझ एशीअन गेमज़ 1978 तों इक साल पिछ्छों 1979 विच पंजाब दे शहिर जलंधर विच पहिली एशीअन कुशती चैंपीअनशिप करवाउण दे फ़ैसले दी ख़बर सुण के कुशती प्रेमीआं दे मनां विच चाअ ते ख़ुशी करवटां लैण लग्गे।

इस चैंपीअनशिप्प विच एशीआ दे सिरे दे भलवान आपणी युध्ध कला दे जौहर विखाउण लई आ रहे सन। उधर पटिआले दे कैंप विच्च भारत दे भलवानां विचों हर वरग दे भलवान दी चोण करन लई टराइल होण लग्गे। 90 किलो वज़न विच ऐतकी करतार दा मुकाबला बुध्ध सिंघ नाल सी। किरलगहड़ दी छिंझ विच करतार नाल सावां घुल के उह हौंसले विच सी। उधर करतार नूं इह माण सी कि उथे ज़ख़मी होण करके वी उह बुध्ध सिंघ नाल बराबरी 'ते घुल गिआ है, दूजा उस नूं इह वी माण सी कि गद्दे दी कुशती 'ते उसदा वधेरे अनुभव होण करके बुध्ध सिंघ उस अग्गे टिकण नहीं लग्गा। पहिले छे मिंट उह पूरे ज़ोर नाल बुध्ध सिंघ नूं पिआ। पर उह अग्गों बचा कर जांदा रिहा। अख़ीर ते गुस्से विच आ के करतार नें तहम्मल गवा लिआ अते आख़री पलां विच उसनूं लग्ग के दो पुआइंट दे बैठा।

अधिकारीआं नूं निराशा होई। उह इह चाहुंदे सन कि करतार जिहा ज़ोरदार ते तजरबेकार भलवान इस चैंपीअनशिप्प विच भाग लैणों वांझिआ नहीं रहिणा चाहीदा। 90 किलो विच तां बुध्ध सिंघ चुण लिआ गिआ। हुण अधिकारीआं नें किहा कि जे उह चाहे तां उतले वरग विच टराइल दे सकदा है। करतार तिआर-बर-तिआर सी। सतपाल तां 100 किलो तों उपर हैवी वेट विच चला गिआ सी। 100 किलो विच ईशवर नाल करतार दा पंजा पै गिआ ते उह 100 किलो वज़न विच चुण लिआ गिआ।

कुशतीआं दा निशचित दिन आ पहुंचा। कुशती नाल पिआर करन वालीआं हसतीआं दूरों दूरों पंजाब दे जलंधर शहिर विच पहुंच गईआं। दारा सिंघ, गुरू हनूंमान जिहे नामी लोकां दे उतारे वी हो गए। 100 किलो वज़न विच एशीआ दे तिंन महांबली भलवान भाग लै रहे सन। पहिला तां करतार सी जो भार पख्खों तां उहनां दोहां नालों हौला सी किउंकि उह आपणे तों वड्डे वज़न विच कुशती लड़ रिहा सी। दूजा पहिलवान ईरान दा सुलेमानी सी अते उह जूनीअर विच संसार दा जेतू रहि चुक्का सी। तीसरा जपानी भलवान उह सी जिस पिछले साल एशीअन गेमज़ विच सतपाल नूं हराइआ सी अते हुण उह आपणा वज़न घटा के 100 किलो विच लड़ रिहा सी। उंज दोवें भलवान अजिहे सन जिवें सटील दे थंमह होण, जिनहां दे पिंडे 'च उंगल नहीं सी खुभ्भदी।

करतार दी पहिली कुशती जपानी भलवान नाल होई। दोवें एशीअन गोलड मैडल जेतू। करतार नें गद्दे 'ते आउंदिआं ही बिजली वरगी फुरती नाल जपानी उपर हमले शुरू कर दित्ते। जपानी करतार दी तेज़ी वेख के दहिल गिआ अते अग्गे वध के हमला करन दी थां पिछ्छे रहि के बचाअ करन लग्गा। उस नूं सुसत हुंदिआं अते हत्थ नां हिलाउंदिआं वेख काशन मिलण लग्गे। करतार दा वार वार हमला ते उस दा वार वार पिछ्छे हटणा जारी सी। इक तों बाद इक पूरे तिंन काशन जपानी नूं मिले। कुशती वेखण वालिआं दा कहिणा है कि इक काशन उस नूं होर मिलण वाला सी, जो पता नहीं किस कारन नहीं दित्ता गिआ। अगर उह काशन मिल जांदा तां उह खड़ा-खड़ोता ही कुशती हार गिआ सी। कुझ लोकां दा इह वी ख़िआल है कि जपानी कुशती अधिकारी 'जुंमे' दी होंद दा ख़िआल करके इह काशन रोक लिआ गिआ।

पर फिर वी हुण जे उह जपानी सुसत रहिंदा तां काशन मिलण दा ख़तरा सी। हुण तां उस नूं मारीदिआं वी लड़ना ही पैणा सी। आपणी गती दा प्रगटावा करन लई उह इक दम करतार दे पट्टां वल्ल हत्थ पाउण लई अहुलिआ। उहदे आपणे पट्टां वल्ल झुके जिसम नूं उतों दब्बण लई करतार नें उहदे उपर उल्लर के उस नूं काबू करना चाहिआ तां जपानी नें पट्टां वलों हट के उपरों बचण लई पूरे ज़ोर नाल आपणा सिर सिध्धा खड़ा करन लई उतांह नूं चुक्किआ तां उहदा झोटे दे सिर वरगा सख़त असपाती सिर उस उपर झुके होए करतार दे मूंह नाल वज्जा। उहदे सिर अते करतार दे जबाड़िआं दे आपस विच टकराउण दी आवाज़ सटेडीअम विच इंज गूंजी जिवें पत्थर उत्ते पत्थर वज्जा होवे।

उहदे सिर दी मारू सट्ट नें करतार दे दंदां दे दोवें ही पीहड़ अंदर नूं धसा दित्ते। जिवें खड़ी-खड़ोती कंध डिग्गण लई उल्लर पई होवे। दंद अंदरवार नूं हिल्ल के टेढे हो गए अते धुर जहड़ां तक्क झंजोड़े अते पुट्टे गए। मूंह विचों ख़ून दीआं बोटीआं डिग्गण लग्गीआं। गद्दे उत्ते ख़ून दे छिट्टे मींह दी बारीक वाछड़ वांग किरन लग्गे। पर करतार नें नां ही कोई हाल-पाहरिआ कीती, नां ही चीक-चिहाड़ा पाइआ ते नां ही कुशती रोकण लई किहा।

वेखण वालिआं नूं की पता सी कि सट्ट किंनी कु है? आख़रकार जदों लहू बंद ही नां होइआ तां कुशती रोक लई गई। डाकटर भज्जा आइआ, कोच ते हमदरद दौड़े आए। दंदां दे पीहड़ बुरी तरहां उख्खड़ गए सन, लहू दीआं घरालां वगी जा रहीआं सन। साथीआं, अधिकारीआं ते डाकटर नें सलाह दित्ती कि इस हालत विच डहिणा हुण ख़तरे तों ख़ाली नहीं। एने चिर विच करतार दा मूंह सुज्ज चुक्का सी अते शकल पछाणी नहीं सी जांदी। पर करतार इंज हार मंनण वाला नहीं सी। उस नें कुशती लड़नी जारी रख्खी। हट्ट हट्ट के वार करदा रिहा, पर अंतिम छिणां तक्क पहुंचदिआं उह ज़ख़मी ते पीड़ो-पीड़ होण करके इक्क अंक 'ते कुशती हार गिआ।

करतार नूं इह कुशती हार जाण दा बड़ा हिरख सी पर बाकी सभ नूं उसदी हालत वेख के उसदा इलाज कराउण दा फ़िकर पिआ होइआ सी। उख्खड़े होए दंदां, वगदे लहू ते सुज्जे होए मूंह नूं वेख के कुझ आपणे तां नाराज़ ही हो गए कि कुशती विचों ही किउं नां छड्डी? करतार हुण कुझ बोल सकण तों असमरथ सी। पर उहदीआं अख्खां इह राइ देण वाले नूं इंज देख रहीआं सन जिवें कहि रहीआं होण, ''रण विचों भज्जणां गीदीआं दा कंम है, सूरमिआं दा नहीं।''

उहने मूंह खोल्हणा चाहिआ आपणे वडेरिआं दा कथन बोलण लई पर नां जीभ अते नां जबाड़िआं नें उहदा किहा मंनिआं। उस दे मन विच उठ्ठी आवाज़ उहदे आपणे ही गुंबद 'च गूंज पई।

''पुरज़ा पुरज़ा कट्ट मरे कबहूं नां छोडहि खेत''

करतार हुरां दा उतारा राज महिल होटल जलंधर विच सी। पर उधर जाण दी थां उह उस नूं हसपताल नूं लै तुरे। सरवण, अमर सिंघ, नाज़र सिंघ ते कुझ होर दोसत-मित्तर नाल तुर पए।

लेडी डाकटर हैरान रहि गई इह सुण के कि इस हालत विच वी करतार कुशती लड़दा रिहा सी। उहदे अगले कुझ दंद तां बिलकुल ही जवाब दे गए सन पर लेडी डाकटर नें बड़ी हिंमत नाल बड़ा समां ला के करतार दा इकल्ला इकल्ला दंद सिध्धा कीता अते उनहां नूं तारां पा के बंनह दित्ता। दंदां दी विआकुल करन वाली पीड़ पैरां तों लै के सिर दे वालां तक्क तिख्खी अग्ग विच भख़दी, ज़हिर विच भिज्जी छुरी वांग फिर रही सी। मूंह विचों बोल नहीं सी निकलदा पिआ। होर कुझ तां खाण-पीण दा सुआल ही नहीं सी रहि गिआ। रात नूं थोहड़ा जिहा मख्खण मंगवाइआ गिआ। नाज़र पहिलवान हौले जिहे उस दा मूंह खुल्हवाउंदा अते चिमचा लंघण जिंना राह बणन पिछ्छों करतार दे गले. विच मख्खण दा चमचा उलद्द दिंदा। इंज कुझ चमचे मख्खण दे ही उह अंदर नूं तरावट देण लई निगल सकिआ। सारी रात पीड़ नाल उसनूं नींद नहीं आई। डाकटर नें बिसतरे तों नां उठ्ठण दी सख़त हदाइत दित्ती होई सी। करतार सोच रिहा सी, '' इह केही बदकिसमती है, आपणे घर विच आपणे लोकां साहमणे कुझ करके विखाउण दा मौका मिलिआ तां रब्ब नें इह सट्ट मार दित्ती। फेर इह मौका ख़बरे ज़िंदगी विच कदी वी नां मिले उस नें पोले पोले हत्थां नाल आपणा चिहरा सहिलाइआ। उखड़े होए दंदां नूं जीभ नाल पोला पोला छोहिआ। पीड़ दी इक लहिर जिसम विच फैल गई। इहनां कुशतीआं विच तिंन भलवान ही तां सन- जे उह अगले दिन ईरानी भलवान नाल घुलण लई वज़न करवा लवे तां उस नूं तांबे दा तमग¶ा मिल सकदा सी। पर उस नूं वज़न किस नें करवाउण देणा सी। उह तां बिसतरे तों नहीं सी उठ सकदा। उठ्ठणा उसनूं मनहा सी।

उस नें आपणे कोच भगवत साहिब नूं इशारे नाल बुलवाइआ ते मूंह विचों हौली जिही बुड़बुड़ कीती। नाज़र सिंघ नें समझाइआ, ''भगवत साहिब इह कहिंदै मेरा वज़न ही करवा दिओ तां कि मैं कांसी दे तमग़े दा हक्कदार बण सकां.

भगवत साहिब नें करतार दीआं अख्खां वल्ल वेखिआ। उथे द्रिहड़ता भरी लिशक वेख के उनहां दा चिहरा मुसकान नाल भर गिआ।

''पर डाकटर दी सलाह तों बिनां इह किवें मुमकिन हो सकदा है. चाहुंदे होए वी भगवत साहिब कोई ख़तरा मुल्ल नहीं सन लैणा चाहुंदे।

करतार दा चिहरा इक दम बुझ गिआ। उहदी निराशा नूं भांप के साथीआं दी सलाह नाल भगवत साहिब नें डाकटरां तों सवेरे सिरफ़ वज़न करवाउण लई छुट्टी लैणी चाही। डाकटर नें साफ़ इनकार कर दित्ता। उसनूं वार वार करतार दीआं भावनावां दा ख़िआल करन लई प्रेरित करना चाहिआ। पर डाकटर नें इक ही नंना फड़ी रख्खिआ। आख़र रात दे इक्क वजे डाकटर नूं मनाइआ जा सकिआ कि करतार नूं बड़ी सावधानी नाल सटेडीअम विच लिजाइआ जावेगा अते सिरफ़ वज़न करवा के वापस लै आंदा जावेगा।

आगिआ मिल जाण ते करतार नें सुख्ख दा साह लिआ पर अजे वी उहदा मन पीड़-पीड़ सी। सूलां ते सूईआं नाल विंनहिआ पिआ। जिसम दी पीड़ तों मन दी पीड़ होर वी डूंघी हो गई सी।

''मैं शाइद दंद बोड़ा बाबा ही बण जावां। पल भर उसदा धिआन इस पासे गिआ पर अगले छिण ही उह फिर भीड़ भरे सटेडीअम विच दरशकां दीआं ताड़ीआं दी गूंज विच आपणे आप नूं घुल रिहा वेखदा, जित्त के ख़ुशी विच उछलदा, मंच उते खलोता सोने दा मैडल गल विच पुआ रिहा, उह मुहब्बती लोकां दीआं ताड़ीआं दा जुआब मिठ्ठी मुसकराहट नाल हत्थ हिला के दे रिहा हुंदा।

जदों उह आपणे ही जेतू चिहरे नूं पछानण दी कोशिश करदा तां उथे कोई होर ही चिहरा नज़र आउण लग्ग पैंदा। उह हैरान सी हुणे ही घुल के जित्तण वाला उहदा आपणा आप कित्थे सी ! इह तां कोई होर सी; जिस नूं वेख के लोक ताड़ीआं मार रहे सन, छाती नाल घुट्ट रहे सन, उह आप तां भीड़ दे पिछले पासे इक्कलवंञे आपणा मूंह छुपाई लुकिआ खलोता सी। लंमे पए पए करतार दीआं अख्खां सिल्ल्हीआं हो गईआं। उहने आपणे आप नूं ढारस देण दा यतन कीता। ''चल्ल, वज़न कराउण दी आगिआ मिल गई। कांसी दा तमग़ा तां खरा है।''

'पर की मैं उस ईरानी भलवान नाल कुशती नहीं लड़ सकांगा ?'

उस नें आपणे आप नूं सुआल कीता ते कोई संतोशजनक जुआब नां पा के गुंम सुंम हो गिआ।

अगला दिन चहड़िआ, डूंघी उदासी दे आलम विच भिज्जा उह वज़न कराउण लई सटेडीअम जाण लई तिआर होण लग्गा। इह शाइद हुण तक्क दी, कुशती दे इतिहास विच, उस नूं सभ तों सोगी सवेर लग्गी, जिस विच घरों आईआं बरकतां वापस मुड़ जाण दा ग¶म उहदे मन नूं सल्ल्ह गिआ।

सटेडीअम विच उहदे प्रसंसकां दी भीड़ उहदे आले-दुआले इकठ्ठी हो गई। सुख्ख-सांद पुछ्छण लग्गे। अफ़सोस करन लग्गे कि उह करतार दी कुशती नहीं वेख सकण लग्गे। उहदे दोवें गुरू हनूंमान अते दारा सिंघ उहदे नाल हमदरदी भिज्जीआं गल्लां करके उसनूं हौंसला रख्खण लई कहि रहे सन। चैंपीअनशिप्पां आउंदीआं जांदीआं रहिंदीआं हन। सरीर ठीक रहिणा चाहीदा है। बंदा जिउंदा वसदा रहे, राज़ी बाज़ी रहे !

पर करतार नूं इह हमदरदी वी पीड़ी जा रही सी। आपणे इनहां मित्तर पिआरिआं ते प्रसंसकां सामहणे उह अपाहज हो के पासे बैठा रहेगा ते होर लोक गलां विच सोने चांदी दे तमग़े लटका के तुर जाणगे। ''हाइ ओइ रब्बा ! इह की गल्ल हो गई ?''

'की भला मैं इस हालत विच वी कुशती नहीं लड़ सकदा!' इक पल लई इह ख़िआल जिवें बिजली वांग उहदे मन 'च लिशकिआ। नाज़र सिंघ नें उहदीआं अख्खां दी उदास लिशक विचों जिवें इह सुआल पहड़ लिआ सी। उह करतार नूं बाहों फड़ के सटेडीअम दे पिछले पासे पईआं कुरसीआं वल्ल इकलवांझे लै गिआ। नाज़र सिंघ वी आपणे वल्ल लोकां दीआं नज़रां मुड़दीआं वेख के अंदरे-अंदर शरम महिसूस कर रिहा सी।

इक कुरसी 'ते बैठ के नाज़र सिंघ नें करतार नूं साहमणे बिठा के आपणीआं अख्खां विच अख्खां पा के गल्ल सुणन लई आखिआ। करतार चेतंन हो के नाज़र सिंघ दे मूंह वल्ल वेखण लग्गा।

''तूं ज़िल्हे किहड़े 'च जंमिऐं ? अंम्रितसर 'च नां ?'' नाज़र नें आपे ही सुआल करके आप ही जुआब दे दित्ता। करतार बोल नहीं सी सकदा, उस नें सिरफ़ सिर हिला के हामी भरी।

''तूं सिख्ख कौम 'च जंमिऐं नां ?'' 'हां' विच करतार दा सिर हिल्ल रिहा सी।

''तेरा पिंड सुर सिंघ ही है नां?''

करतार मुसकरा रिहा सी। उह नाज़र सिंघ दीआं गल्लां दे अरथां दी तहि तक्क उतरन दा यतन करन लग्गा।

''तेरे पिंड दा बिधी चंद बलदे भठ्ठ विच बहि गिआ सी नां? बाबा महां सिंघ तीरां तलवारां नाल विंनहिआ ख़िदराणे दी ढाब कंढे दशमेश पिता दी झोली विच जा पिआ सी नां ?''

नाज़र सिंघ बोली जा रिहा सी। करतार सुणी जा रिहा सी। हरेक बोल जिवें उहदे जंमे होए ख़ून नूं खोरी जा रिहा सी। ''करतार, तुहाडे पिंड तों परहे तुहाडीआं पैलीआं तों थोहड़ी दूर ही पूहलिआं वाले भाई तारू सिंघ दा गुरदुआरा है, उहदे सिर तों खोपर लाह दित्ता सी नां सूबे नें ! पर लत्थी खोपरी तों पिछ्छों वी सिंघ ओना चिर जिउंदा रिहा ते मौत नाल लड़दा रिहा, जिंना चिर आपणे छित्तर अग्गे ला के सूबे नूं नाल नहीं लै गिआ।''

करतार कुरसी तों उठ्ठ के खलो गिआ पर नाज़र सिंघ हटिआ नहीं। उह सिख्ख इतिहास दे हवाले उस दे आले दुआलिउं ही चुण चुण के देई जा रिहा सी।

''पूहलिआं दे नाल लगदा, खालड़े वाली सड़क 'ते पैंदा, पहूविंड पिंड पता ई किस सूरमे दा? ...''

ऐतकीं नाज़र नें आप जुआब नहीं दित्ता, उहने करतार दे साहमणे खहड़े हो के उहदीआं अख्खां विच अख्खां पाके कील लैण वाली नज़र नाल वेखिआ तां करतार दा चिहरा अंदरले सेक नाल जिवें भख के लाल सूहा हो गिआ।

''कीहदा पिंड ऐ पहूंविंड ? मैं तैनूं पुछ्छदां ?'' नाज़र नें द्रिहड़ आवाज़ विच दुबारा पुछ्छिआ।

''ब ब दीप सिंघ" दा सुज्जे होए मूंह विचों करतार दे बुड़बुड़ाउंदे बोल निकले।

''ओइ जे तेरे वड्डे वडेरे वढ्ढे होए सिर नाल लड़ सकदे नें तां तूं सिरफ़ टुट्टे होए दंदां करके नहीं लड़ सकदा ! काहदा सिंघ ऐं तूं कल्ह तूं एशीआ 'चों फ़सट आइऐं ते अज्ज तूं कुछ वी नां आवें, तेरे पल्ले ही की रहिंदै जे अज्ज तूं चांदी दा तमग़ा ही लै जावें, चलो सोने दा तां गिआ तां इह कोई घट्ट गल्ल तां नहीं, लोकीं तां सटेट 'चों चांदी दा तमग़ा लैण लई दंदीआं विलकदे फिरदे नें .हुण जे तूं नहीं लड़दा तां तैनूं बदनामी ऐ सानूं बदनामी ऐ पूरी सिख्ख कौम नूं बदनामी ऐ.

अजे नाज़र सिंघ दा लैकचर ख़तम नहीं सी होइआ कि करतार जोश विच बुहड़कण लग्ग पिआ। उस नूं 'वारम अप्प' हुंदा वेख के नाज़र सिंघ नूं चाअ चहड़ गिआ। उस नें जा के गल्ल कीती कि करतार कुशती लड़ेगा।

''नहीं इह बहुत ख़तरे वाली गल्ल ऐ... इह रिसक नहीं लैणा।'' भगवत साहिब नें राइ दित्ती।

''इहदे दंदां नूं रता वी सट्ट लग्ग गई तां जाह जांदीए हो जूगी'' किसे होर नें किहा।

टुट्टवें बोलां ते इशारे नाल करतार नें समझाइआ कि दंद टुट्ट जाणगे तां मूंह 'चों दंदां दा पीहड़ कढ्ढ के बाहर सुट्ट दिआंगा पर मैं लड़ांगा ज़रूर।

डाकटरां नाल सलाह कीती गई। उहनां फिर मनहा कर दित्ता। हुण करतार सिरफ़ आपणे रिसक 'ते लड़ सकदा सी ते इह रिसक लैण लई उह हुण हर हालत विच तिआर सी। करतार दी इह हिंमत वेख के पूरा सटेडीअम ताड़ीआं दी गड़गड़ाहट नाल गूंज उठ्ठिआ।

ओधर ईरानी पहिलवान सुलेमानी अख़ाड़े विच पहुंच चुक्का सी अते उहनूं वाक ओवर मिल जाण दीआं आख़री आवाज़ां पैणीआं शुरू हो गईआं सन। ऐने चिर विच ही करतार ताड़ीआं दी गूंज विच उछ्छलदा कुद्ददा गद्दे उप्पर पहुंच गिआ। उहदे कंनां विच पिछ्छों आउंदीआं नाज़र सिंघ दीआं आवाज़ां उहदे जिसम दे लूं-कंडे खहड़े कर रहीआं सन:

''मैं सुणिऐ करतार सिआं ! जे कोई ज़ख़मी शेर जंगल विच वड़ जावे तां फिर किसे जंगल दे जीअ नूं उह जिउंदिआं नहीं रहिण दिंदा, उह चब्ब जांदै सभ नूं, उहदे हुंदिआं जूह विच होर कोई जनौर नहीं टिकदा फिर ! ते तूं हुण ज़ख़मी शेर ऐं, शेर वी सिख्ख कौम दा, ज़ख़मी शेर तां होर वी ख़ूंख़ार हो जांदै, ते तूं हुण इहनूं कित्थे छड्डण लग्गैं...''

असल विच ईरानी पहिलवान जपानी पहिलवान नालों वी दो रत्तीआं उत्ते सी। दूजे पासे जिंने वी ईरानी पहिलवान इनहां मुकाबलिआं विच भाग लैण आए सन, सारे ही जित्त गए सन ते करतार दे ज़ख़मी होण करके इस ईरानी दी जित्त तां निशचित ही समझ लई गई सी। ईरानी विदिआरथीआं दीआं भीड़ां पता नहीं किध्धरों सटेडीअम विच उमड आईआं सन। उहनां नें हत्थां विच ईरान दे झंडे फड़े होए सन ते उच्ची तों उच्ची आवाज़ विच अग्गे झुक झुक कूकां मारदे ''ईरान ! ईरान ! ''

ईरानी प्रसंसकां दीआं आवाज़ां तों प्रेरित हो के पूरे ज़ोर नाल ईरानी भलवान हमला करन लई अहुलिआ ते करतार नूं फड़ लिआ। उसनूं इह सौ प्रतीशत आस सी कि ज़ख़मी होइआ करतार उहदे अग्गे टिकण ही नहीं लग्गा।

उस नें करतार नूं टंगी पाई अते चित्त करन दी कोशिश करन लग्गा।

''मैं नां जी... रब्ब दा नां लिआ...। मैनूं डर सी कि रता कु मेरे दंदां नूं उह वज्ज गिआ तां मेरे दंद बाहर जा पैणे नें...'' करतार उनहां पलां नूं याद करदा है।

''मैं मूंह हेठां नूं बचा के फुरती नाल धुरली जिही मारी ते उहदे थल्लिओं निकल गिआ।''

पंजाबी प्रसंसकां दीआं आवाज़ां ईरानी प्रसंसकां नालों उच्ची आवाज़ विच उभरीआं। करतार नूं बाबा दीप सिंघ दा ख़िआल आइआ। कटिआ होइआ सीस तली 'ते धर के खंडा वाहुंदा, मारो-मार करदा दुशमण दलां नूं चीरदा जा रिहा बाबा दीप सिंघ। उह रोह विच भर के सचमुच ज़ख़मी शेर वांग टुट्ट के पै गिआ उसनूं।

नाज़र सिंघ नूं याद आउंदी है, ''इस नें फिर जा के ऐसी ख़ूंख़ार कुशती लड़ी, सभ कुझ दी प्रवाह नां करदिआं होइआं। ताहीओं ख़ौरे थका, तरोड़ मरोड़, बेहोश कर, सही माइनिआं 'च नां इहने उस वेले शेर बणके विखा दित्ता। मैनूं पिकचर याद ऐ कि इह उहनूं ऐं पिआ फिर जिवें उहनूं खा ही जाणा होवे। एनी तेज़ कुशती मैं इसदी ज़िंदगी भर नहीं वेखी। एहने जिद्दां वेलणे `च गंना पीड़ीदै- उहनूं पलां 'च पीड़ के रस कढ्ढ के, निचोड़ के ते फोग बणा के धरती 'ते सुट्ट दित्ता अते उहदी हिक्क उत्ते बैठ गिआ।''

मैट 'ते सुहागे वांग अरध-बेहोशी दी हालत विच ईरान दा संसार प्रसिध्ध भलवान सुलेमानी पिठ्ठ परने पिआ सी अते उहदी छाती उत्ते चहड़िआ करतार हवा विच बाहवां लहिरा के भंगड़ा पा रिहा सी। ईरानी दी एनी बुरी हालत हो गई सी कि उह थल्लिओं पासा पलट के उठ सकण दी हिंमत वी नहीं सी कर सकदा।

सटेडीअम विच 'बोले सो निहाल, सति स्री अकाल' दे जैकारे गूंज उठ्ठे। सुलेमानी दी छाती उत्ते बैठे शेर दीआं तसवीरां लैण लई सैंकड़े कैमरे कलिक्क कलिक्क करदे कड़क खड़क रहे सन।

जलंधर दा इक फोटोग्राफर कपूर जदों ईरानी दी छाती 'ते बैठे करतार दी फोटो ऐन नज़दीक तों खिच्चण लई नेड़े होइआ तां सुलेमानी दी इक ईरानी प्रसंसक कुड़ी भुब्बां मार के रोंदी होई अग्गे लपकी ते तेज़ी नाल झपट मार के उसदा कैमरा धूह के परहे वगाह मारिआ अते फेर फुट्ट फुट्ट के रोण लग्गी।

अगले दिन ईरानी दी छाती 'ते शेर वांग गरजदे बैठे करतार दी फोटो देश दे सभ प्रसिध्ध अख़बारां विच छपी ते नाल ही कुशती दा हाल छपिआ तां लोकां नूं जापण लग्गा कि असल विच इह चांदी दा मैडल नहीं सगों सोने दा मैडल ही मिलिऐ करतार नूं। बाअद विच करतार दे दंदां दा कई महीने इलाज चल्लदा रिहा ते इस कुशती दीआं गल्लां कई साल दंद-कथा वांग चलदीआं रहीआं।

('कुशती दा धरू-तारा करतार’ विच्चों)