पंजाब संसार दे उनहां कुझ कु खित्तिआं विच्चों इक्क है जित्थे सभ्भिअता दा विकास होइआ। गिआन दे भंडार सभ तों पहिले पवित्तर ग्रंथ वेदां दी रचना पंजाब विच्च ही होई। भारत दे सभ तों पवित्तर समझे जांदे तिंने महान ग्रंथां दी रचना वी पंजाब विच्च ही होई। महांरिशी बालमीक जी नें रामाइण दी रचना स्री अंम्रितसर साहिब दे नेड़े राम तीरथ विखे कीती। भगवान क्रिशन नें पवित्तर गीता दा गिआन वी कुरूकशेतर नेड़े जयोतीसर विखे ही दित्ता। संसार लई चानण मुनारा स्री गुरू ग्रंथ साहिब दी संपादना वी पंजवें पातिशाह स्री गुरू अरजन देव जी नें स्री अंम्रितसर विखे ही कीती। इनहां सारे पवित्तर ग्रंथां राहीं पंजाब नें किरत करन, वंड छकण अते नाम जपण दा संदेश दित्ता है। सारे धरम नेक कमाई करन अते उस विच्चों लोड़वंदां दी सहाइता करन दा उपदेश दिंदे हन। इसदे नाल ही परमातमा नूं याद रख्खणा वी ज़रूरी है तां जो असीं आपणे फ़रजां तों अवेसले नां हो सकीए। गुरू नानक साहिब नें इस पवित्तर संदेश नूं सारे संसार दे लोकां तक पहुंचाइआ।

इह बड़े अफसोस नाल लिखणा पैंदा है कि पंजाब, जिहड़ी पीरां, फकीरां अते गुरूआं दी धरती है, जित्थों किरत अते इमानदारी दा संदेश सारे संसार विच्च पहुंचिआ, अज्ज उत्थों दे वासी किरत अते इमानदारी तों दूर हो रहे हन। बिनां मिहनत कीतिआं रातो रात अमीर बणन दे सुपने हुण पंजाबी लैण लग्ग पए हन। इस प्रापती लई सूबे विच्च बेईमानी, रिशवतखोरी, हेराफेरी, मिलावट आदि भैड़े करमां विच्च वाधा हो रिहा है। संतोख अते निमरता दा पल्लू छड्ड विखावे उत्ते ज़ोर दित्ता जा रिहा है। जवानी नूं नशिआं दा घुण लगा के रातो रात अमीर बणिआ जा रिहा है।

पंजाबी राजसी शकती, धारमिक शकती जां माइआ शकती दी वरतों लोक सेवा लई करन दी थां निज्ज नूं चमकाउण लई करन लग्ग पए हन। जिहड़े पंजाबी आपणी मिहनत अते इमानदारी उत्ते माण करदे सन, उह हऊमै दा शिकार हो रहे हन। आपणी ज़मीर दी आवाज़ नूं दबाउण लई नशिआं दी वरतों विच्च वाधा हो रिहा है। विआह ते होर खुशी दे समागमां विच्च महिंगी तों महिंगी शराब दी वरतों शकती दा प्रतीक बण रही है। जेकर किसे नूं रिशवतखोरी अते बेईमानी तों रोकिआ जांदा है तां उह इस नूं परिवार नूं सुख आराम दे सारे साधन जुटाउण लई अजिहा करना आपणी मजबूरी दस्सदे हन। संतोख दा पल्लू छड्ड होर अते होर प्रापत करन लई भटकदे फिरदे हन। उह इह भुल्ल जांदे हन कि इनसान जो बीजदा है, उही उस नूं वढ्ढणा पैंदा है। फ़रीद साहिब आखदे हन कि जेकर कोई किक्कर बीज दाखां भाले तां उस तों मूरख कौण हो सकदा है। गुरू नानक साहिब नें पराइआ हक्क खाणा सभ तों बुरा करम दस्सिआ है। आपणे करमां दा फ़ल हरेक नूं भोगणा पैंदा है। इस विच्च देर तां हो सकदी है पर छुटकारा नहीं हो सकदा। संसार दे सारे विगिआनी वी इह मंनदे हन कि हरेक करम दा प्रतीकरम ज़रूर हुंदा है। सभ कुझ जाणदिआं होइआं वी गलत राहे तुरना सभ तों वड्डी मूरखता है। आपणे करमां बारे कई इह वी आखदे हन कि कोई प्रतीकरम नहीं हुंदा इह केवल मनघड़त कहाणीआं हन। इसे संबंधी इक्क सच्ची घटना पाठकां नाल सांझी करनी चाहुंदा हां।

हेरा फेरी ते रिशवतखोरी करन वाले आम करके किसे नां किसे संत महातमा दे सेवक वी हुंदे हन। इक्क ठेकेदार नें इक्क ठेके विच्च चोखी कमाई कीती अते आपणे बाबा जी कोल शुकराने लई गिआ। उसने बाबा जी नूं मत्था टेकिआ अते 51 हज़ार रुपए दा चहड़ावा वी भेटा कीता। इह बाबा जी, बहुते दूजे बाबिआं वांग लालची नहीं सन। आखण लग्गे, “इस वार दो नंबर दी चोखी कमाई होई जापदी है किउंकि इक्क नंबर दी कमाई विच्चों इंनी भेटा देणी औखी हो जांदी है।”

ठेकेदार नें इस सच्च नूं सवीकार करदिआं उत्तर दित्ता, “बाबा जी, की करीए मजबूरी है, थोहड़ी बहुत तां हेरा फेरी करनी ही पैंदी है।”

बाबा जी नें अग्गों पुछ्छिआ, “अजिही की मजबूरी है?”

“इक तां ठेका लैण लई पैसा देणा पैंदा, दूजा परिवार दीआं लोड़ां पूरीआं करन लई वी पैसे दी लोड़ पैंदी है। चंगा घर, बच्चिआं दी पहड़ाई, घर दीआं मुख्ख सहूलतां इमानदारी नाल कित्थे पूरीआं हुंदीआं हन।”

“इसदा मतलब कि तूं आपणे परिवार लई बेईमानी करदा हैं, पर इह दस्स परिवार तेरे लई की करदा है?” बाबा जी नें पुछ्छ लिआ।

“बाबा जी कदे लोड़ तां नहीं पई पर मैनूं यकीन है कि जे मैं आखां तां उह मेरे लई जान वारन नूं वी तिआर हो जाणगे।

बाबा जी नें पुछ्छिआ, “तैनूं पूरा यकीन है कि उह तेरे लई कुझ वी कर सकदे हन?”

“हां, बाबा जी।” ठेकेदार नें बड़े ही भरोसे नाल आखिआ।

“तूं इंझ कर, घर जा ते आपणे परिवारक मैंबरां नूं पुछ्छी कि जेकर किसे कंम विच्च तूं फड़िआ जावां तां उह तेरी थां जेल्ह जाण नूं तिआर हो जाणगे?”

“बाबा जी, इह तां मामूली गल्ल है। उह तां इक्क तों इक्क अग्गे वध के मेरे लई जेल्ह जाण नूं तिआर हो जाणगे।” ठेकेदार दा उत्तर सी।

बाबा जी नें पैसे वापस करदिआं आखिआ, “कल्ल्ह आवीं, जेकर घर वाले तेरी थां जेल्ह जाण नूं तिआर हो गए तां मैं इह पैसे रख्ख लवांगा।”

ठेकेदार बड़े हौसले नाल घर गिआ। सभ तों पहिलां उस नूं आपणी लड़की मिली। ठेकेदार नें उस नूं पुछ्छिआ, “बेटा देखो तुहाडे सुख्ख अराम लई मैं दिन रात मिहनत करदा हां। अज्ज कल्ल्ह हवा बड़ी भैड़ी चल्ल रही है। जेकर मेरे खिलाफ़ किसे नें कोई झूठा सच्चा केस कर दित्ता तां की तूं मेरी थां जेल्ह जावेंगी।”

कुड़ी नें बहुत ही गुस्से विच्च जवाब दित्ता, “डैडी तुहाडा दिमाग खराब हो गिआ? मैं जेकर इक्क दिन वी ठाणे रहि आई तां मेरी तां सारी ज़िंदगी ही बरबाद हो जावेगी। मेरे नाल विआह करेगा? मेरे तां मत्थे उत्ते कलंक लग्ग जावेगा। आपणे पुत्तां नूं पुछ्छो जिनहां तुहाडी सारी जाइदाद सांभणी है।”

इह पहिला झटका सी जिहड़ा ठेकेदार नूं लग्गिआ। उदों तक उस दे दोवें पुत्तर वी बाहरों आ गए। इहो सवाल उसने आपणे पुत्तरां नूं कीता। “डैडी, जे तूं कुझ कीता तां भुगतणा वी तैनूं ही पैणा है। असीं आपणी ज़िंदगी किउं बरबाद करीए? नाले वथेरा कंम कर लिआ, हुण आराम करो। ... दो रोटीआं ई खाणीआं, घर नां सही जेल्ह विच्च खा लवीं।” पुत्तरां दा जवाब सी।

पुत्तरां दा उत्तर सुण के ठेकेदार होर वी निराश हो गिआ। हुण केवल इक्क ही आस उस दी धरम पतनी ही रहि गई सी। उस नूं यकीन सी कि पतनी ज़रूर उसदा साथ देवेगी। उह आपणी पतनी नूं आखण लग्गा, “देखो मैं सारी उमर गलत-सही कंम करके तुहानूं जीवन दे सारे सुख देण दा यतन कीता है। हुण जेकर मेरे उत्ते कोई मुसीबत आवे तां मैनूं पूरा यकीन है कि तूं मेरा साथ ज़रूर देवेंगी।”

पतनी अग्गों बड़े गुस्से विच्च बोली, “मैं तैनूं कदों आखिआ सी कि तूं गलत कंम कर। कदे समें सिर तूं घर नहीं वड़िआ, बहुती वार दारू नाल रज्ज के आउंदा ऐ। जेकर तूं अंदर चला जावे तां मैं तां सगों खुश होवांगी ते सुख दा साह लवांगी। आपणीआं कीतीआं आपे भुगतीं।”

ठेकेदार बहुत उदास हो गिआ। उस नूं आपणे कीते उत्ते पछतावा होण लग्गा। उह उसे वेले बाबा जी कोल गिआ ते सारी कहाणी बिआन कीती। बाबा जी नें आखिआ, “अग्गे तों गलत कंम करन तों तौबा कर अते जित्थों तक हो सके लोड़वंदां दी सहाइता करिआ कर। इनसान जो वी चंगे बुरे कंम करदा है, उस दा फल उस नूं ज़रूर भुगतणा पैंदा है। हराम दी कमाई संसारिक सुख तां भावें दे देवे पर मन दी संतुशटी नहीं दे सकदी। अग्गे तों नेक कमाई करो, संतोख नूं पल्ले बंनह के रख्खो तां ही मन ते तन दी भटकणा नूं काबू कीता जा सकदा है।”

सानूं सारिआं नूं इह पल्ल्हे बंनह लैणा चाहीदा है कि हरेक करम दा प्रतीकरम हुंदा है। जो असीं बीजदे हां, उह ही सानूं वढ्ढणा पैंदा है। आपणे गुरूआं दे हुकमां दी पालणा करदे होए कमाई करीए, गलत ढंगां नाल रातो रात अमीर बणन लई कीती कमाई नाल आराम दे साधन तां खरीदे जा सकदे हन पर मन नूं शांती नहीं मिलदी, भटकणा विच्च वाधा हुंदा है अते जीवन दा अनंद मानण दा मौका प्रापत नहीं हुंदा।

* * * * *