सेवा दा खेतर बहुत वड्डा है अते हर किसम दी निशकाम सेवा प्रशंसायोग है पर असीं इस तरहां दी सेवा नूं घट्ट अते दिखावे नूं वध्ध तरजीह दिंदे हां। असीं परंपरागत सेवावां नूं ही फड़ी बैठे हां जदों कि बदलदे समें नाल इनहां दीआं किसमां बदलदीआं रहिंदीआं हन अते ढंग बदलदे रहिंदे हन। उदहारण वजों असीं अजे वी धारमिक सथानां दी सेवा नूं वध्ध उत्तम मंनदे हां जदों कि हसपतालां विच्च वलंटीअर किसम दीआं सेवावां दी वी उंनी ही महत्तता है। इसे तरहां अज्ज दे कंपिऊटर युग विच्च जदों साडे जीवन विच्च बैठक अते ग़ैर-सिहतवंद खुराक वध गई है, उस वकत जन-सधारन नूं खेडां अते चंगी खुराक वाले पासे लाउणा वी सेवा है। टी.पी.ए.आर कलब्ब, बरैंपटन नें इस निराली समाज सेवा नूं अपणाइआ है अते ‘दौड़ां राहीं सिहत’ नूं पंजाबी कमिऊनिटी दी सेवा दा मिशन बणाइआ है। नां सिरफ परचार राहीं ही बलकि अमली तौर ’ते आपणे मैंबरां नूं अड्ड-अड्ड किसम दीआं दौड़ां विच्च मुहारत प्रापत करन लई अगवाई दे के अते पूरे साधन मुहईआ करवा के वी।

टी.पी.ए.आर कलब्ब दा पूरा नाउं ‘टोरांटो पीअरसन एअरपोरट रनरज़ कलब्ब’ है, जो सही अरथां विच्च ‘दिन दुग्गणी अते रात चौगुणी’ तरक्की कर रिहा है। इसदे नाउं तों भुलेखा लग्ग सकदा है कि इह सिरफ पीअरसन एअरपोरट नाल संबंधित कोई कलब्ब है। निरसंदेह 2016 विच्च इसदे बानी एअरपोरट दे कुछ उतशाही वीर सन अते इस तरहां इतिहासिक पख्खों इसदा संबंध इस एअरपोरट नाल ज़रूर है। पर अठ्ठ कु साल दे थोहड़े समें विच्च ही इसदी हरमन-पिआरता इंनी वध गई है कि बरैंपटन अते नाल लगदे शहिरां दे हर वरग दे दौड़-प्रेमी भाई, वीर अते बच्चे इसदे मैंबर बण रहे हन। नाल ही इस कलब्ब दीआं गतीविधीआं दा दाइरा टोरांटो तों बाहर ओनटारीओ, कनेडा अते अमरीका तक फैल गिआ है। संसार प्रसिध्ध खेड प्रोमोटर प्रिंसीपल सरवण सिंघ इसदे सरप्रसत अते गाईड हन अते उनहां दी रहिनुमाई इस कलब्ब दी तरक्की दा इक्क कारन है।

ज़िकरयोग है कि इसदे लगभग सारे बानी मैंबर हुण तक आपणी सेवा निभा रहे हन अते इसदे प्रतिभाशाली बानी प्रधान स. संधूरा सिंघ बराड़ अज्ज वी पूरे जलौअ नाल तनो-मनो इसदी वागडोर संभाळ रहे हन। इसदे मैंबर चैरीटेबल कंमां नाल जुड़ी हर संसथा वल्लों करवाए दौड़ मुकाबलिआं विच्च हिस्सा लैंदे हन। इह भावें पील पोलीस होवे, धारमिक, समाजिक, सरकारी, ग़ैर-सरकारी, सकूल, बैंक जां कोई होर चैरीटेबल संसथा होवे। इस तरहां मैंबरां नूं समाज दे होर सारे वरगां नाल सांझ-भिआली दा मौका मिलदा है, जिस नाल कनेडा दे बहु-पख्खी सभ्भिआचारिक वातावरण नूं होर बल मिलदा है। साडी कमऊनिटी दे लोकां दे मनां विच्च इत्थों दीआं कदरां-कीमतां प्रती सतिकार वधदा है अते होरां दे मनां विच्च साडीआं प्रती वधदा है। बरैंपटन अते नेड़ले होर शहिरां दे सारे राज-नेता इस नाल संबंध रख्खण विच्च फ़खर महिसूस करदे हन अते इसदी हर संभव सहाइता करदे हन।

टी.पी.ए.आर कलब्ब दौड़ां दे माधिअम राहीं पंजाबी कमऊनिटी नूं सिहत-संभाळ प्रती पूरे ज़ोर नाल जागरूक कर रिहा है किउंकि दौड़ां ते होर खेडां दी तुलना विच्च कई लाभ हन। दौड़ना अते (इसदी पहिली सटेज) सैर करना सरल अते ससतीआं खेडां होण दे नाल-नाल बहुत प्रभावकारी हन, जिनहां दा अनंद अते लाभ हर उमर अते हर सिहत-पध्धर दा इनसान लै सकदा है। सीनीअर सज्जण सैर करदे समें आपणे परमारथी फरज़ पूरा करन दा लाहा वी लै सकदे हन। कुझ खास मौकिआं नूं छड्ड के, इनहां वासते किसे टीम, खास डरैस्स, महिंगे समान जां खेड-मैदान दी लोड़ नहीं अते नां ही किसे करड़े नियम दा बंधन है अते नां ही किसे समें दा बंनहण। कनेडा वरगे देश विच्च तां घरों निकळदिआं ही सैर जां दौड़ शुरू कीती जा सकदी है। दौड़ां नां सिरफ आपणे आप विच्च सुतंतर खेडां हन, बलकि हर वड्डी खेड दा बहुत अहिम अंग हन। उदाहरण वजों संसार दीआं चार सभ तों वड्डीआं खेडां सौकर (फुट्टबाल), क्रिकट, हाकी अते टैनिस सणे अनेकां होर खेडां पूरी तरहां खिडारीआं दी दौड़न दी निपुंनता अते समरत्था ’ते निरभर हन।

पहिले समिआं विच्च खेडां बहुता कर के धारमिक अते समाजिक समागमां, मन-प्रचावे जां जंगां-युध्धां दी तिआरी आदिक नाल जुड़ीआं हुंदीआं सन। सरीरक कसरत दे तौर ’ते इनहां दी वरतों घट्ट सी किउंकि सभ दा रोज़-मर्रा दा जीवन ही मिहनत-मुशक्कत वाला सी। पर अज्ज दे मशीनी युग विच्च मनुख्ख दी जीवन-शैली बैठक वाली हो गई है। सभ नूं सरीरक कसरत दी लोड़ है अते खेडां ही इस कसरत दा मुख्ख साधन रहि गईआं हन। इस कर के इनहां दी अते इनहां विच्च भाग लैण वालिआं, दोहां दी गिणती विच्च बहुत वाधा होइआ है। इह मनुख्खी शकती, निपुंनता अते सिरड़ दा सही प्रगटावा करदीआं हन। खेडां नाल खेडण, देखण, सुणन, लिखण अते पहड़न वालिआं, सभ दा सारथिक मनोरंजन हुंदा है जो मानवता दी भलाई विच्च बहुत सहाई हो रिहा है। संसारीकरन अते तकनालोजी कर के वड्डे पध्धर ’ते इनहां दा प्रबंध करना ज़रूरी वी हो गिआ है अते संभव वी हो सकिआ है।

खेडां तों भाव सारथिक मुकाबलेबाज़ी दीआं अजिहीआं सरीरक जां दिमागी कारवाईआं हन जिनहां दा निशाना सरीरक जां दिमागी समरत्था अते निपुंनता नूं वरतण, संभालण जां विकास करन अते हिस्सेदारां अते दरशकां दा मन परचावा वी होवे। पर इस विच्च कोई भागवादी (जूए आदि दी तरहां) तत्त नां होवे अते नां ही किसे नूं कोई ख़तरा होवे। खेडां खास नियमां अनुसार खेडीआं जांदीआं हन अते इह शौकीआ वी हो सकदीआं हन अते कित्ता-मुखी जां माइक लाभ हित वी हो सकदीआं हन। इह सरीरक वी हुंदीआं हन जिवें कि दौड़ना अते कुशती करना, दिमागी वी जिवें कि शतरंज आदिक, अते मशीनरी अते पशूआं नाल जुड़ीआं वी जिवें कि कारां दीआं रेसां अते घोड़-सवारी आदिक। विहारक पख्ख तों तां अथलैटिकस अते फीलड अते टरैक दीआं खेडां ही असल खेडां हन अते इस कर के ही ओलंपिकस विच्च इनहां नाल संबंधित ‘इवैंटां’ ही वध्ध हुंदीआं हन। इनहां खेडां विच्चों अग्गे दौड़ां प्रमुख्ख हन अते दौड़ां दीआं अग्गे सैंकड़े किसमां हन। सो कलब्ब नें बहुत सोच-विचार अते दूर-रस लाभां नूं मुख्ख रख्ख के दौड़ां नूं आपणीआं गतीविधीआं दा अधार बणाइआ है।

‘रनरज़ कलब्ब’ दे नाउं तों कोई इह अंदाज़ा नहीं ला सकदा कि इसदे मैंबरां विच्च पी ऐच्च डी प्रोफैसर, लेखक, पत्तरकार, वकील, उदयोगपती, इंजनीअर, चारटिड अकाऊंटैंट, बच्चे, अस्सीआं तों टप्पे सीनीअर, बीबीआं, नौजवान पती-पतनी, अस्सीआं नूं ढुक्के पती-पतनी शामिल हन। उह जित्थे आपणी सिहत दा ख़िआल रख्ख रहे हन, उत्थे अनेकां होरां लई उतशाह दा सोमा बणे होए हन। कलब्ब दे मैंबर उमर अनुसार आपस विच्च हर वड्डे छोटे दा यथायोग माण सतिकार करदे हन अते छोटिआं नूं पिआर करदे हन। इस तरहां समाज विच्च इक्कसुरता अते सहियोग वधदा है, मोबाईलां तों खहिड़ा छुट्टदा है अते इक्क-दूजे नूं आहमणे-साहमणे मिलण दा मौका मिलदा है। हर छोटे-वड्डे नूं आपणी उमर तों वड्डे अते छोटे दे सुभाअ समझण, जाणन दा मौका मिलदा है, जदकि कंपिऊटर साडे समाजां नूं इनहां निहमतां तों बांझा कर रहे हन। पिआर-सतिकार अते माण-इज़्ज़त दे नाल-नाल मैंबरां नूं पूरे फौजी तरज़ दे डसिपलन विच्च वी रहिणा पैंदा है। प्रबंधकां दी थोहड़ी जिही ताड़ना ही बहुत समझी जांदी है अते कई खब्बी-खानां नूं कलब्ब विच्चों खारिज वी कीता जा चुक्का है।

कलब्ब दे मैंबर अड्ड-अड्ड किसम दीआं दौड़ां अते होर अनेकां इवैंटां विच्च भाग लैंदे हन, जिहड़ीआं कि सिरफ़ ते सिरफ़ चैरीटेबल मंतवां लई करवाईआं जांदीआं हन। कलब्ब दे मैंबर नेम नाल निमन-दरज मुख्ख इवैंटां विच्च भाग लैंदे हन:

*. सीऐन्न टावर दीआं 1, 776 पौड़ीआं चहड़ना, जो संसार पध्धर दी साल विच्च दो वार होण वाली इवैंट है। करीब 55 देशां दे 35 हज़ार दौड़ाक इस विच्च हिस्सा लैंदे हन।

* सकोशीआ बैंक दी मैराथन अते हाफ मैराथन, जो कौमांतरी पध्धर दी सालाना इवैंट है।

* सालाना गुरू गोबिंद सिंघ चिलडरन फाऊंडेशन दौड़।

* रैटरो-वाकिंग भाव पिछांह नूं तुरना अते दौड़ना।

* कनेडा दी महान टरेल ‘टरांस कनेडा’ दीआं सारा साल हुंदीआं दौड़ां।

* ‘चिल्ली रन’ जो जनवरी विच्च कड़ाके दी ठंढ विच्च हुंदी है।

* किडज रन।

* पीटरबरो बटरफलाई फैसटीवल रन 10 किलोमीटर।

* बरीटा नाईट रन 10 किलोमीटर।

* बिंबो गलोबल लेकशोर रन 5 अते 10 किलोमीटर।

इत्थे इह गल्ल वरणनयोग है कि कलब्ब सकौशीआ बैंक दे चैरिटी फंड विच्चों इक्क अछ्छी खासी रकम ‘बरैंपटन सिविक हसपताल’ नूं दिवाउण विच्च सफल रिहा है, जिस कर के ‘विलीअम औसलर हैलथ सिसटम फाऊंडेशन’ दे प्रैज़ीडैंट अते सी.ई.ओ मि.कैन्न मेअहिऊ नें पील हसपताल विच्च आयोजित इक्क शानदार फंकशन विच्च कलब्ब दी कारजकारनी दा सवागत अते धंनवाद कीता।

कलब्ब दे हर मैंबर दी आपणी विशेशता है भावें कि हन सभ दौड़ाक ही। कोई किसे किसम दी दौड़ दा माहिर है कोई किसे होर किसम दी दौड़ दा। कोई लंबी दूरी दा, कोई घट्ट दूरी दा। कोई पौड़ीआं चहड़न दा, कोई हाफ-मैराथन दा, कोई फुल्ल दा। करमजीत वरगे हठी बंदे ‘वरड मैराथन मेजरज़’ अरथात संसार दीआं छे मेजर मैराथनां ला चुक्के हन। कोई कलब्ब दीआं सरगरमीआं दीआं ख़बरां अख़बारां अते मीडीआ नूं पहुंचाउण दी दिमागी डिऊटी निभा रिहा है। 80विआं नूं टप्प चुक्के सीनीअर छे-छे वार सी ऐन्न टावर दीआं पौड़ीआं चहड़ चुक्के हन। हरजीत सिंघ लोचम अते कुलदीप सिंघ गरेवाल नें हाफ आइरनमैन दे खिताब जित्ते होए हन। इस खिताब नूं हासल करन लई अथलीट नूं दो किलोमीटर तैरना, तुरत बाअद 90 किलोमीटर साईकलिंग करनी अते अखीर विच्च 21 किलोमीटर दौड़ना हुंदा है अते इह तिंने कंम 8 घंटे दे अंदर-अंदर पूरे करने हुंदे हन। इस तों वी वध्ध उतशाहजनक गल्ल इह है कि मि. लोचम फुल्ल आइरनमैन दी तिआरी कर रहे हन, जिस विच्च उनहां नूं हर इवैंट दुग्गणी करनी पैणी है।

इह गल्लां लिखणीआं ते पहड़नीआं सौखीआं हन, पर करन वालिआं दी ज़िंदगी लग्ग जांदी है। इह कंम किसे होर कौम दे बंदे करन तां उनहां तों इनाम सांभे नहीं जांदे, पर साडे किसे दे चित्त-चेते वी नहीं कि साडे भाईबंद वी इह मल्लां मार रहे हन। इह बहुत तसल्लीबख़स गल्ल है कि कलब्ब तों बाहर वी बहुत होणहार पंजाबी दौड़ाक हन जो डाकटरी, वकालत अते होर वड्डे कित्तिआं नाल जुड़े होए हन। उह साडे सभ दे सतिकार दे पातर हन। असीं इह नहीं जाणदे कि इस तरहां दे सूरवीर सरीरक अते मानसिक घालणा तां घालदे ही हन, नाल परिवार दे जीआं नूं वी वकत पाई रख्खदे हन अते हज़ारां डालर आपणीआं जेबां विच्चों खरच वी करदे हन।

कलब्ब दे हर मैंबर दीआं प्रापतीआं दी लिसट दी इक्क पूरी किताब बण सकदी है, जो अजे संभव नहीं। सारे कनेडा विच्च निरोल पंजाबीआं दा इंनीआं वसीह मुहारतां दे माहिर अथलीटां दा कोई होर कलब्ब अजे तक नहीं सुणिआ। सतिकार वजों हेठ लिखे मैंबरां दे नांवां दा खास तौर ’ते वरणन कीता जांदा है:

सोढी कंग, धिआन सिंघ सोहल, मनजीत सिंघ नौटा, जै पाल सिध्धू, जस्सी धाळीवाळ, बलकार सिंघ हेअर अते उनहां दी धरम-पतनी नरिंदर कौर हेअर, धरम सिंघ रंधावा, कुलदीप सिंघ गरेवाळ, हरजीत सिंघ लोचम, करमजीत सिंघ, डा. सुखदेव सिंघ झंड, जागीर सिंघ सैंहबी, गुरजीत लोटे, महिंदर घुंमण, कुलवंत धाळीवाळ, सुखदेव सिधवां, सुरिंदर नागरा, तेजिंदर गरेवाळ, अमरजीत सिंघ, निरमल गिल्ल, सिमरतपाल भुल्लर, कुलदीप गिल्ल, जसवीर पासी अते उनहां दी पतनी परदीप पासी।

कलब्ब दे प्रबंधां अते होर हर किसम दी सेवा लई पाल बैंस, अवतार सिध्धू, जगतार गरेवाळ, जंगीर सिंघ, जसवीरपाल सिंघ, रकेश शरमा मोहरी हन।

कलब्ब जित्थे आपणे मैंबरां नूं आपणिआं आदरशां ’ते तोरन लई पूरी तरहां वचनबध्ध है, उत्थे इस नें पूरी पंजाबी कमिऊनिटी नूं इनहां दे बारे जागरूक करन दा वी बीड़ा चुक्किआ होइआ है। इस लई इह आपणे मैंबरां दीआं प्रापतीआं बारे दस्सण तों किते वध्ध अख़बारां विच्च वख्ख-वख्ख आरटीकल लिखण, पंजाबी रेडीओ ते टी.वी. चैनलां उप्पर सिहत संबंधी वख्ख-वख्ख विशिआं ’ते गल्लबात करन अते लोकां नूं इत्थे उपलबध सहूलतां बारे जाणकारी देण दे भरपूर यतन करदा रहिंदा है। कलब्ब नें इस औखे अते दूर-रस मंतव दी प्रापती दा बीड़ा चक्किआ है इस कर के आपणे वीरां-भैणां अग्गे इस तरहां दीआं अपीलां करना आपणा फ़रज़ वी समझदा है अते आपणा हक्क वी।

पर साडे पंजाबीआं दी इस पख्ख तों उदासीनता निराशाजनक है। असीं आपणीआं प्राथमिकतावां नूं बहुत विगाड़ रख्खिआ है, किउंकि असीं फहड़ां बहुतीआं मारदे हां अते सारथिक मिहनत घट्ट करदे हां, हालांकि सरीरक मिहनत-मुशक्कत साडे पंजाबी विरसे दा मुख्ख हिस्सा है। असीं खेडां सणे हर सरीरक कंम नूं आपणी शान तों थल्ले समझदे हां अते नतीजे वजों खिडारीआं अते अथलीटां नूं बणदा सनमान देण दी बजाइ उनहां नूं विहले बंदे समझण दी हिमाकत कर रहे हां जदकि संसार पध्धर ’ते इह सोच बदल रही है अते इह धारना ज़ोर फड़ रही है कि सिहत-संभाळ नूं पहड़ाई-लिखाई जिंनी ही महत्तता मिलणी चाहीदी है। ‘ऐम्म आई टी’ पहड़न वाले इक्क सकालर नें मैनूं दस्सिआ कि उस दे अध्धिआं तों वध्ध जमाती मैराथन दौड़ाक हन अते कई दौड़ पूरी कर के कलास लाउण आउंदे हन अते कईआं नें कलास ला के बाअद विच्च दौड़ना हुंदा है।

अखीर विच्च आपणे भाईचारे दी मनोबिरती दी उदाहरण, हास-रस दे इक्क टोटके राहीं पेश करदा हां। इक्क वार मैं किसे दौड़ विच्च भाग लै रिहा सी अते सभ तों फाडी सी ते इकल्ला जा रिहा सी। कुछ टकोरां सुणन नूं मिलीआं:

“ओइ! देखलो इक्क आह तुरिआ आउंदै। इह नूं कोई पुछ्छे कि तेरा की गड्डा खहड़ै, ऐमें औखा होईं जानै? तूं हुण ऐस्स उमर विच्च घुलण लग्गणै?”