दोसतो! लेख शुरू करन तों पहिलां इस दे सिरलेख उत्ते तुहाडी हैरानी दा जवाब दे देवां। तुसीं हैरान होवोगे कि ठग्ग नूं एना सतिकार किउं? कोई ख़ास वजहा नहीं, ठग्ग नूं 'ठग्ग जी' कहि के बस्स दुनीआंदारी जही निभा रिहा हां। किउंकि अज्ज दी दुनीआं धन वाले धनवान दा सतिकार करदी है। मैनूं अज्ज तक्क कोई ठग्ग ग़ुरबत विच लबरेज़ नहीं मिलिआ। धनवान बंदे नूं जी जी करना ही अज्ज कल्ल्ह दुनीआंदारी है। सो मित्तरो, इस दुनीआं 'च रहिंदिआं होइआं दुनीआंदारी नां निभा के मैं आपणे सिर 'ते जिहड़े चार वाल बचे नें, उह तां नहीं झड़वाउणे!

सभ तों पहिलां अज्ज दे मुद्दे दी गल्ल करदिआं ठग्ग शबद बारे विचार करदे हां। "ठग्ग" शबद दे माइणे दस्सण दी तां लोड़ नहीं, बस्स इंना कु कहि सकदे हां कि इह हिंदी पंजाबी दा शबद अंगरेज़ी भाशा नाल 1810 दे करीब ठग्गी मार के घुसपैठ कर गिआ सी ते 1839 आउंदे आउंदे अंगरेज़ां तों वी मानता लै गिआ सी। सो, जिवें अज्ज साडे बहुत सारे पंजाबी वीर पंजाबी भाशा 'च अंगरेज़ी दी घुसपैठ तों दुखी हन, उनहां दी जाणकारी लई इह वी दस्स देवां कि तकरीबन पच्ची सौ दे करीब हिंदी पंजाबी भाशा दे शबद अंगरेज़ी विच आपणी मानता करवा चुक्के हन। इह इक वख्खरा विशा है, किसे होर वकत विसतार करांगे। हुण 'ठग्ग जी' दे पिछोकड़ ते झात मारदे हां।

जदों तों इह दुनीआं होंद 'च आई है ठग्गां दा इतिहास वी उनहां ही पुराणा है। मुढ्ढ कदीमों मनुख्ख नूं "ईज़ी मनी" बणाउणा भाउंदा रिहा है। सौखा धन ठग्गी मारन तों बिनां कमाउणा नां-मुमकिन जिहा लग्गदा है। इस लई भावें मिथिहास ते झात मार लवो जां इतिहास 'ते, कोई वी युग्ग फरोल लवो, ठग्ग जी बड़ी आसानी नाल नज़रीं पै जाणगे। हां! इक फ़रक ज़रूर रिहा, उह इह कि सतयुग्ग 'च ज़िआदातर ठग्गीआं लोकाई दे भले लई वज्जदीआं सन ते अज्ज कल्ल्ह इह कारज आपणे भले लई हुंदा है। पुरातन ग्रंथ दस्सदे हन कि किवें वामन नें बौणा बण के असुरां नाल ठग्गी मार के सारी धरती ढाई कदमां 'च ही माप लई सी। क्रिशन भगवान नें तां गिणती 'च नां आउण वालीआं ठग्गीआं मारीआं। याद रहे कि इह ठग्गीआं मारन दा मकसद लोकाई दा भला सी। आपां हुण मिथिहास 'च नां उलझीए किउंकि इहनां मिथिहासिक ठग्गीआं तों हर कोई वाकफ़ है। गल्ल अग्गे तोरदे हां…

चोरी, डाका अते ठग्गी तिंनां 'च काफ़ी नेड़े दा रिशता है । जेकर इनहां तिंनां 'चों कोई इक्क किसे नाल वापर जावे, हमेशा उसदा माली नुकसान हुंदा है पर ठग्गी पहिले दोनें वरतारिआं नालों वख्खरी चीज़ है। चोरी हमेशा तुहाडी पिठ्ठ पिछ्छे हुंदी है अते डाका ज़ोरावर बंदा हिक्क दे ज़ोर ते मारदा है। ठग्गी इक्क इहो जिहा कौतक है, जिस विच ठग्गी मारन वाले दे नाल-नाल ठग्गी खाण वाला वी बराबर दा भाईवाल हुंदा है। किउंकि ठग्ग जदों किसे नाल ठग्गी मारदा है तां उह मूहरले दी सहिमती नाल ही मारदा है। बस्स ! फ़रक एना कु हुंदा है कि ठग्गिआ जाण वाला इनसान थोहड़ी देर बाअद "ठग्गिआ ठग्गिआ" जिहा महिसूस करदा है । हुण गल्ल आउंदी है कि ठग्गिआ जाण वाला ठग्ग नाल सहिमत किउं हो जांदा है, तां इस पिछ्छे कोई बाहळे कारन नज़र नहीं आउंदे। इस पिछ्छे तां सिरफ़ ते सिरफ़ लालच जां विशवासघात ही दिखाई दिंदा है। कहिंदे हन कि जित्थे लालच आ जाए उत्थे अकल नहीं खहड़दी अते जदों अकल निकल जावे उदों ठग्गी वज्जणी सुभाविक ही है ।

हुण गल्ल आउंदी है ज़माने दे नाल नाल ठग्गीआं 'च वी आए बदलाअ दी। जदों युग्ग ऊठां ते गड्डिआं दा सी, उदों ठग्गीआं वी उसे तरहां दीआं सी। हुण जदों युग्ग लगज़री हो गिआ है तां ठग्गीआं वी लगज़री हो गईआं हन। पर इक होर गल्ल ज़िकरयोग है कि इक वार जदों किसे नाल ठग्गी हो जांदी है तां उह गल्ल जग्ग ज़ाहिर हो जांदी है। पर फेर वी ठग्ग जी दा शातरपुणा देखो! उह उही ठग्गी वार वार मारदा है ते कामयाब वी हुंदा है। कारण इही है कि ठग्ग जी मूहरले नूं लालच नाल अंनहा कर दिंदा है, जिस नाल मूहरला आपणे ही किसे सके-सनेही नाल होई ठग्गी नूं भुल्ल के ठग्ग जी दे जाल 'च आ जांदा है ।

आओ ! हुण कुझ किस्से ते कुझ नेड़े तों देखीआं ठग्गीआं सांझीआं करदे हां। पहिलां तां जगत प्रसिध्ध मुल्लां नसीरूदीन दा इक किस्सा सुणो; कहिंदे नें कि इक बार मुल्लां तुरदा फिरदा किसे पिंड 'च जा के रहिण लग्गिआ। हौली-हौली आंढ-गुआंढ नाल घुल-मिल गिआ अते उस नें गुआंढ 'च रहिंदे इक कंजूस अमीर नाल वासता पा लिआ। इक दिन शाम नूं मुल्लां उस दे घर गिआ ते उस तों इक रात लई इक थाळी मंगी कि मेरे घर कोई प्राहुणा आइआ है। कंजूस चाहुंदा होइआ वी नांह नां कर सकिआ ते उस नूं थाळी दे दित्ती। दूजे दिन तड़कसार मुल्लां नें गुआंढी दा दरवाजा जा खड़काइआ अते उस नूं थाळी दे नाल-नाल इक कौली वी वापस कर दित्ती। इस ते कंजूस हैरान हुंदा होइआ बोलिआ;

"इह की? तूं तां थाळी ही मंग के लै गिआ सी पर इह कौली नाल किउं दे रिहां ?"

"सेठ जी ! रात तुहाडी थाळी सू पई ते इस नें इह कौली जंम दित्ती । जदों तुहाडी थाळी नें कौली नूं जनम दित्ता तां इह कौली तुहाडी ही अमानत होई नां।", मुल्लां दा जुआब सी ।

कंजूस हैरान वी सी ते ख़ुश वी सी। बस्स फेर की सी हर रोज़ इह सिलसिला शुरू हो गिआ। कदे मुल्लां तौड़ा लै जावे ते दूजे दिन तड़कसार इक कुज्जा होर मोड़ जावे, कदे मंजा लै जावे ते नाल पीहड़ी दे जावे। कंजूस नें सोचिआ कि आह तां बड़ा लोट आइआ। इक दिन मुल्लां कंजूस नूं कहिंदा कि मेरे घर बहुत सारे प्राहुणे आ रहे हन जे तुसीं मैनूं आपणे घर दा सारा समान दे देवो तां मेरी टौहर जिही बण जावे । कंजूस झट्ट राज़ी हो गिआ ते सारा समान दे के दिन चहड़न दी उडीक करन लग्गिआ। जदों दिन चहड़े रोज़ वांग मुल्लां नां आइआ तां कंजूस हौसला जिहा कर के उस दे घर गिआ तां देखिआ कि मुल्लां सत्थर विछाई बैठा ते रोई जावे। कंजूस हैरान हो के कहिंदा,"मुल्लां जी की हो गिआ ?"

"अनरथ हो गिआ सेठ जी, मैं तुहानूं मूंह दिखाउण जोगा नहीं रिहा", मुल्लां अख्खां पूंझदा बोलिआ ।

"किउं ?"

"रात जिहड़ा समान मैं तुहाडे घरों लिआइआ सी उह सारे दा सारा मर गिआ", नक्क सुणकदे मुल्लां दा जुआब सी ।

"तूं झूठ बोलदैं, कदे समान वी मरिआ? मैं हुणे पंचाइत करदा तेरे ख़िलाफ़"

पंचाइत बैठ गई ते उनहां जदों मुल्लां नूं पुछ्छिआ तां उह कहिंदा, "हज़ूर, जदों थाल - कौली, तौड़ा - कुज्जा अते मंजा - पीहड़ी जंम सकदा तां उह मर किउं नहीं सकदे ???"

इस किस्से दा सुनेहा दस्सण दी लोड़ नहीं तुसीं आप समझदार हो।

अगली ठग्गी सुण लवो; काफ़ी पुराणी गल्ल है कि साडी मंडी कालांवाली 'च इक सपेअर पारटस दी दुकान करदा सेठ आपणी दुकान दा समान लैण दिल्ली जांदा हुंदा सी।उस दे दस्सण मुताबिक, इक वार उह दस हज़ार जेब 'च पा के जदों दिल्ली इक सड़क 'ते तुरिआ जांदा सी तां उस दी निगहा अचानक इक सोने दे बिसकुट 'ते पई। जद उह छेती नाल उस नूं चुक्कण लग्गिआ तां इक होर हत्थ उस दे बराबर उस बिसकुट नूं आ झपटिआ। उस नें देखिआ कि इक होर अणजाण उस बिसकुट नूं पहिलां देखण दा दाअवा कर रिहा सी। नाले धमकी दे रिहा सी कि जां तां मैनूं अध्धा बिसकुट दे दिओ नहीं मैं पुलिस नूं दस्स देवांगा। इस ते सेठ नें सोचिआ कि किउं नां "सारा जांदा देखीए, अध्धा देईए वंड" वाला फ़ारमूला अपणा लिआ जावे ते उह वंडण लई राज़ी हो गिआ। उनहां दोहां नें उथे ही किसे खुंज 'च खहड़ के उस सोने दे बिसकुट नूं विचालिओं तोड़न दा यतन कीता पर कामयाब नां होए। इस कंम लई उह किसे दी मदद लैणी नहीं सन चाहुंदे। अखीर 'च इही फ़ैसला होइआ कि बिसकुट दी अंदाज़न कीमत तीह हज़ार दे करीब होणी है ते जिहड़ा बंदा इस नूं रख्खेगा, उह दूजे नूं पंदरां हज़ार रुपईआ दे देवेगा। दूजा शख़स कहिंदा कि मैं तां ग़रीब बंदा मैं इस दा की करांगा, तूं सेठ बंदा तूं रख्ख लै ते मैनूं भावें हज़ार घट्ट दे दिओ। इस ते सेठ नूं लालच आ गिआ ते उह कहिंदा, "मेरे कोल तां दस हज़ार ही हन जां फेर तुसीं मैनूं दस हज़ार दे दिओ"। सेठ समझ गिआ सी कि इस कोल पैसे नहीं हन ते इह ससता मंन जाउ। सेठ कामयाब हो गिआ इस सौदे 'च ते आपणे गीझे दा दस हज़ार उस पित्तल दे बिसकुट बदले दे के बागो बाग़ हो के घर वापस आ गिआ।

चलो ! पुराणीआं गल्लां नूं छड्डीए ते ठग्गीआं 'च आई आधुनिकता दी गल्ल करदे हां।

इंटरनैट्ट दे ज़माने 'च हर चीज़ दा दाइरा विशाल होइआ है, सो ठग्गां दा वी होणा सुभाविक सी। अग्गे साहमणे-साहमणी ठग्गी वज्जदी सी पर अज्ज कल्ल्ह तां ठग्गिआ जाण वाला बंदा ठग्ग नूं देखण तों वी वंचित रहि जांदा है । हुण जदों तड़के उठण सार ईमेल चैक्क करी दी है तां करोड़पती होए पए हुंदे हां। शाइद ही कोई इहो जिहा दिन होवे जदों दो चार इहो जिहीआं ईमेलां नां आईआं होण, जिस 'च मिलीअन डालरां जां पौडां दी लाटरी निकलण दी ख़ुशख़बरी नां आई होवे। आम तौर ते इस विच लिखिआ हुंदा है कि तुसीं किसमत वाले हो, तुहाडी ईमेल आई.डी. करोड़ां आई. डीआं. विचों चुणी गई है। जां फेर कोई जज़बाती कहाणी लिखी हुंदी है कि मैं वीह साला नौजवान कुड़ी हां ते मेरे मां-बाप फलां जहाज़ हादसे 'च मर गए सन ते मेरे लई बहुत सारा पैसा छड्ड गए हन। जदों मैं तुहाडी प्रोफाईल देखी तां मैनूं लग्गिआ कि दुनीआं 'च तुसीं ही उह सही इनसान हो जो मेरी मद्दद कर सकदे हो। सो, मैं इक धन दौलत दा बकसा तुहानूं भेज दिंदी हां, बाकी धन नाल मैं बाअद 'च तुहाडे कोल आ जावांगी। ईमेल पहड़न सार मेरे वरगे दे मन 'च लड्डू भुरन लग्ग जांदे हन कि जवान कुड़ी ते उह वी माइआ नाल! किसमत ते यकीन नहीं आउंदा। वीह कु वरहे पहिलां विआह के लिआंदी घरवाली वी सौंकण रख्खण लई राज़ी हो जांदी है।

अज्ज कल्ल्ह ठग्गी वी इक बहुत वड्डा वपार बण गिआ है ते जिवें इक वड्डे वपार लई काफ़ी वड्डा ताणा-बाणा बुणना पैंदा है, ओवें ही अज्ज कल्ल्ह ठग्ग वी टीम वरक नाल कीती जांदी है। पिछ्छे जिहे इक्क ठग्गी साडे बेरुज़गारां भरावां नाल होई सी। होइआ की कि अकसर ही साडे पहड़े लिखे बेरुज़गार नौकरी दी तलाश दी हर संभव कोशिश करदे हन। ठग्ग उनहां तक अख़बारां राहीं संपरक पैदा करदे हन। चार कु साल पहिलां कुझ अजिहा ही वापरिआ। पंजाब दे इक मशहूर अख़बार 'च इक इशतिहार छपिआ कि डिगरी होलडर कमाओ पच्ची हज़ार महीना, डिपलोमा पास वीह हज़ार, बारहवीं पास पंदरां हज़ार, दसवीं पास दस हज़ार, अठ्ठवीं पास अठ्ठ हज़ार अते इस तों वी घट्ट पहड़े कमाओ छे हज़ार रुपईआ प्रती महीना। अपलाई करन लई उनहां बड़ी इमानदारी नाल सिरफ़ सौ रुपईआं दा डिमांड डराफ़ट मंगिआ सी। हैड्ड आफ़िस दा पता चंडीगहड़ दे सतारां सैकटर दा दित्ता होइआ सी। साडे बेरुज़गार वीरां नें आओ देखिआ नां ताओ बस्स चक्क 'ते फट्टे। इक महीने दी आख़री तारीख़ रख्खी होई सी। बस्स उदों तक्क सौ-सौ कर के करोड़ां रुपईए भेज दित्ते। इक दो महीने हर इक नें जवाब उडीकिआ पर जदों नां आइआ तां किसे वी मेरे वीर भैण नें जवाब मंगण दी खेचल नहीं कीती, किउंकि उस सौ रुपईए लई पंज-चार सौ ला के चंडीगहड़ जाणा कोई सिआणप दा कंम नहीं सी। पर ठग्ग जी दी दूर अंदेशी देखो कि किंनी आसानी नाल करोड़ां लै के फुरर हो गए, पहड़े लिखे तों लै के अनपहड़ तक सारिआं दे लालच दा टीका लगा के।

हुण इक अज्ज कल्ल्ह दे जाणीजाण बाबिआं दी सुण लवो। बहुत सारे तां इस कांड तों वाकफ़ होणगे पर बाकीआं लई पेश है । इह इक सच्ची घटना है, बस्स इक दूजे मूंह तों हुंदी होण करके इस नूं थोहड़ा जिहा कहाणी दा रूप मिल गिआ। पर जिनहां लोकां नें उस वकत दे अख़बार पहड़े हन उह इस घटना तों चंगी तरहां जाणू हन।

होइआ इह कि इक डेरेदार बाबे दी दुकानादारी बहुत वधीआ चल्ल पई ते शरधालू इक दूजे तों मूहरे हो के सेवा करन लग्गे। हफ़ते-हफ़ते तों दीवान सजन लग्गे। इह सारी महिमा दी भिणक ठग्ग जी कोल वी पहुंच गई। लओ जी ठग्ग जी हर दीवान 'च हाज़री भरन लग्गिआ ते चुप्प कर के इक खूंजे 'च अख्खां मीच के बहि जाइआ करे ते सभ तों मगरों उथों जाइआ करे। पंज-सत्त चौंकीआं भरीआं तां इक दिन जाणीजाण बाबा जी नें उस सेवक नूं आपणे कोल बुला लिआ ते पुछ्छिआ;

"भाई तुसीं किथों दे रहिण वाले हो ?"

"जी रहिंदा तां मैं बाहरले मुलक हां पर वपार 'च घाटा पै गिआ । सो हुण तां नां घर दा नां घाट दा जिहा होइआ पिआ हां, मिहर करो बाबा जी ।"

बाबा जी नूं सेवक दे पल्ले तां कुझ दिसिआ नहीं बस्स लोक लज्जों कहि दित्ता, "भगता अज्ज तों सभ ठीक हो जाऊ साडा अशीरवाद है ।"

उस दिन तों बाअद कदे उह भगत डेरे नां आइआ। तिंन कु महीनिआं बाअद भगत काले रंग दी वड्डी कार ते ढेरां सारे तोहफ़े लै के बाबा जी दे चरनीं ढैअ पिआ। शरधालूआं दा इकठ्ठ हो गिआ। विदेशी सेवक कहिंदा, "बाबा जी तुहाडे अशीरवाद नाल लहिरां बहिरां हो गईआं। आह कार दी तुछ्छ भेंट सवीकार करो"।

बाबा जी दा हासा कछ्छां थांणी बाहर नूं निकले अते डेरे 'च सेवकां दा इकठ्ठ वी दिनां 'च ही दूणा-तीणा हो गिआ। विदेशी सेवक नें दस-वीह दिन बाबे दी सेवा कीती । गल्लां बातां 'च ठग्ग जी कहिंदे कि सानूं सौ बंदा बाहरले मुलक 'च चल्लदीआं फ़ैकटरीआं लई चाहीदा है, जिस दी मनज़ूरी सानूं मिल गई है। उसे कंम लई इथे आइआं हां। जदों बाबा जी नें पुछ्छिआ कि भाई उथे जाण ते किंना ख़रचा होवेगा। सेवक कहिंदा कि जे पक्का वीज़ा लैणा तां पंज लख्ख रुपईआ इक जणे दा ख़रच होवेगा। बाबा जी नें हुकम ला दित्ता कि कुझ साडे शरधालूआं नूं लै जा भाई। सेवक कहिंदा बाबा जी सभ तुहाडा दिता तां खांदे हां फेर तुहानूं किवें नांह कर सकदे हां। पर पैसिआं दे मामले 'च मैं कुझ नहीं कर सकदा किउंकि उह तां सरकारी ख़रचा लग्गेगा । शाम दे दीवान 'च बाबा जी नें सेवकां नूं दस्स दित्ता कि जे किसे नें विदेश जाणा तां साडे कोल नां लिखवा दिओ, असीं तुहाडी मद्दद करांगे। बस्स फेर की सी… लाईन लग गई । जा सकण वाले बंदे सौ पर उथे दरख़ासतां डेढ सौ आ गईआं। फ़ैसला होइआ कि बाबा जी इहनां 'चों किसमत वाले सौ बंदे चुण देणगे। पंजाह कु बंदे जिहड़े नां चुणे जा सके, उह विचारे आपणे आप नूं बे भागे समझ के चुप्प कर के बहि गए।

मुक्कदी गल्ल सारे पैसे ते चुणे गए सारे सेवकां नाल जाणीजाण बाबा जी सेवक वल्लों भेंट कीती कार ते सवार हो बस्सां भर के दिल्ली जा पहुंचे। सारिआं नूं इक वड्डी सरां 'च बैठा के सेवक सारे पैसे ते बाबा जी नूं दित्ती कार लै के चला गिआ, इह कहि के कि मैं अंबैसी जा के काग़ज़ पत्तर लै आवां । कदे अज्ज तक्क गंगा गए फुल्ल वी मुड़े हन! हुण करमां वाले सौ शरधालू पिछ्छे रहि गए पंजाह बे-भागिआं नूं "करमां वाले" कहिण लई मजबूर सन अते जो जाणीजाण बाबा जी नाल बीती उह इथे लिखण दी लोड़ नहीं, कबीर जी दी बाणी विचों इह शबद सभ कुझ बिआन कर रिहा;

गज साढे तै तै धोतीआ तिहरे पाइनि तग ॥

गली जिन@ा जपमालीआ लोटे हथि निबग ॥

ओइ हरि के संत न आखीअहि बानारसि के ठग॥1॥ (476, आसा, कबीर जीउ)

दोसतो! कुझ हलकीआं फुलकीआं गल्लां राहीं इही कोशिश कीती है कि असीं सभ जाणदे होए वी फेर वार वार किउं ठग्गे जांदे हां। ठग्गे जाण वालिआं दे वड्डे हिस्से दा कारन लालच ही दिखाई दिंदा है पर कुझ इक हिस्सा विशवासघात दा शिकार हो के वी ठग्गिआ जांदा है। इस गल्ल नूं साबत करन लई जे असीं उपरोकत बाबा जी दी गल्ल दा विशलेशण करीए तां इही साहमणे आउंदा है कि पहिला ठग्ग, बाबा दिखाई दिंदा है जो सेवकां नाल विशवासघात कर रिहा है। पर अग्गे जा के शरधालू लालची हो जांदे हन ते बाबे नाल इक सेवक विशवासघात कर जांदा है। सो इह कहाणी दो गल्लां दुआले ही घुंमदी है। इक होर पख्ख, जो इस लेख 'च छोहण दी कोशिश कीती है उह इह है कि ठग्गी तों कोई वी वरग नहीं बच सकिआ।

जांदे जांदे दस देणा चाहुंदा हां कि मैं वी ठग्ग जी दी मार तों बच नहीं सकिआ। बस्स फ़रक एना कु रिहा कि मैं लालच 'च आ के नहीं ठग्गिआ गिआ बलकि विशवासघात दा शिकार ज़रूर होइआ। मैं यकीनन ही माली नुकसान तों तां बच गिआ पर ठग्गी 'च जो कुझ मैं गुआइआ उह माली नुकसान नालों किते वड्डा सी। किसे नाल कोई गिला वी नहीं किउंकि मैं वी तां आपणी सहिमती नाल ही ठग्गिआ गिआ सां।