‘तिआरी’ शबद सरल अते आम है अते ‘तिआरी’ करना सफल जीवन लई इक्क विआपक अते निरंतर प्रकिरिआ। इक्क आम मुहावरे अनुसार तेह लग्गी तों खूह पट्टण दी बजाइ पहिलां पट्ट के रख्खण नूं ‘तिआरी’ किहा जा सकदा है। इह किसे मंतव दी प्रापती वासते ज़रूरी इंतज़ाम करन अते साधन जुटाउण दीआं समें-सिर कीतीआं कारवाईआं दा नाउं है। इह निशचित मंतव किसे अगले होर वड्डे कंम दी तिआरी दीआं कारवाईआं विच्चों इक्क हुंदा है, अते इह सिलसिला जारी रहिंदा है। इस तरहां जीवन इक्क ऐसी लड़ी है जिस विच्च पालण-पोसण, पहड़न-लिखण, विआह-शादी, कारोबारी अते परिवारक मुद्दिआं सणे जीवन दीआं सभ तिआरीआं परोईआं होईआं हन। दरअसल तिआरी दी प्रकिरिआ साडे जनम तों पहिलां ही साडे नाळ जुड़ जांदी है, सारी उमर जुड़ी रहिंदी है अते मरन तों बाअद वी जुड़ी रहिंदी है।

तिआरी किसे कंम नूं कुशल ढंग नाळ नेपरे चाहड़ सकण दा भरोसा पैदा करदी है। इह इक्क सारथक पहुंच अते वधीआ आदत है जिहड़ी साडे विच्च अग्गे होर चंगीआं आदतां दा राह खोल्ह दिंदी है। सही तिआरी करके असीं घट्ट समें विच्च वध्ध गुणवता वाळा कंम कर सकदे हां जो सानूं उतशाह अते दलेरी दिंदा है। इस तरहां हासल दलेरी अते कुशलता अते बचे वकत नाळ असीं जीवन दे होर उचेरे गुणां दे विकास वासते तिआरी कर सकदे हां। निशचित कंम नूं पूरा करन दी चिंता सभ नूं हुंदी है पर तिआरी सानूं इस चिंता तों छुटकारा दिवाउंदी है। संसार दीआं सभ तों औखीआं महां-दौड़ां विच्चों इक्क ‘सपारटैथलन’ दे बानी जौहन फौडिन नें तिआरी दी महत्तता आपणे विलख्खण अंदाज़ विच्च समझाई है। उह हिस्सा लैण वाळे अथलीटां नूं किहा करदे सन: “मैं तुहानूं शुभ-इछ्छा नहीं कहांगा किउंकि जे तुसीं पूरी तिआरी कीती है तां तुहानूं इस दी ज़रूरत नहीं, अते जे पूरी तिआरी नहीं कीती तां तुहानूं इस दा कोई फाइदा नहीं।”

सुचेत अते योजना-बध्ध तिआरी कर सकण दी बुध्ध-विवेक सिरफ मनुख्ख विच्च ही है। इस ढंग नाळ तिआरी करन दी चंगी आदत पा के असीं औखे अते असंभव लगदे कंमां नूं वी सिरे चहड़ा सकण दी समरत्था पैदा कर सकदे हां। इंना ही नहीं, ओपरी नज़र नाळ आपणी वितों-बाहरे लगदे कंम कर के बहु-पख्खी अते संतुलित सखशीअत दे मालिक बण सकदे हां। इस तरहां हर समस्सिआ नूं हल्ल करन दे सरब-प्रवानत फैसले करन दी मुहारत हासल कर के हर सथिती विच्च सफल होणा सिख्ख सकदे हां। अते साडी सभिअता दी चहड़दी कला दे प्रतीक तिआर-बर-तिआर रहिण दे आदरश, दे धारनी बण सकदे हां। इस तरहां आपणे मंतव अते इस दी प्रापती वासते वरते जाण वाळे ढंगां-तरीकिआं नूं सदाचारक अते नैतिक कदरां-कीमतां अनुसार ढाळ सकदे हां। तिआरी दी प्रकिरिआ राहीं जित्थे असीं आपणीआं मौजूदा योगतावां दा सही मुलांकण कर सकदे हां ओथे नाल ही आपणीआं तरुट्टीआं बारे ख़बरदार हो के यथारथवादी वी बण सकदे हां। इह साडे मंतव अते इस दी प्रापती लई अपणाए ढंगां-तरीकिआं दे ठीक-गलत होण दी अगाउं सूचना दिंदी है जिस नाळ असीं इनहां ’ते मुड़ विचार कर के लोड़ींदीआं सोधां कर सकदे हां।

तिआरी सानूं इह मौका वी दिंदी है कि असीं समें सिर आपणी समरत्था अते आपणे साधनां नूं परख सकीए अते हिसाब ला सकीए कि किहड़ा कंम साडे वस्स विच्च है, किहड़ा नहीं। इस परख दी घाट कर के असीं आपणे वस्स दे कंमां नूं, आपणी हैसीअत तों छोटा समझ के जां इनहां नूं आपणे डिऊटी-खेतर तों बाहर होण दा बहाना बणा के, नहीं करदे। पर आपणीआं गलत-फ़हिमीआं कर के वस्स तों बाहरे कंमां ’ते विअरथ समां अते साधन खरच करदे रहिंदे हां। नतीजे वजों होईआं असफलतावां वासते तकदीर जां होरां नूं ज़िंमेवार गरदान के नवें बखेड़े खहड़े करदे रहिंदे हां। तिआरी दी घाट कर के होई असफलता नूं आपणी योगता, समरत्था जां साधनां दी घाट समझ बैठदे हां जद कि इह ला-परवाही, सुसती अते ढिल्लड़ सुभाअ दा नतीजा है। सुहिरद तिआरी सानूं साडीआं समरत्थावां अते सीमांवां बारे सही गिआन करवा दिंदी है।

तिआरी भावें फ़ौरी मंतव दी होवे भावें अते दूर-गामी दी, हर इक्क दी प्रापती वासते आवश्शक तिआरी दी लोड़ है। इह भावें बच्चे नूं हर-रोज़ सकूल भेजण दा फ़ौरी जां छोटा कंम होवे भावें उस नूं पहड़ा-लिखा के जीवन विच्च सैट्ट करन दा दूर-गामी जां वड्डा कंम होवे। तिआरी करन समें असीं इनहां दोहां सटेजां दी पछाण कर के इनहां विच्च इक्क-सुरता बणा सकदे हां। इह इक्क-सुरता बहुत ज़रूरी है तां कि असीं सभ कुछ समाजिक सदाचार अते नैतिक कदरां-कीमतां अनुसार कर सकीए अते बच्चिआं नूं वी इह सभ सिखा सकीए। नहीं तां इनहां सटेजां विच्च विरोधा-भास पैदा हो सकदा है जिवें कि तुरत शोहरत अते धन-दौलत कमाउण दीआं तिआरीआं विच्च लग्गिआ कोई इनसान कर लैंदा है।

तिआरी दा घेरा नित-प्रती कीते जाण वाळे, जीवन दीआं बुनिआदी ज़रूरतां पूरीआं करन वाळे जां कारोबारी कंमां तक्क सीमत नहीं। इस विच्च, बदल रही तकनालोजी कर के हो रही उथळ-पुथळ दीआं उनहां समस्सिआवां नूं नजिठ्ठणा वी है जो साडे पूरवजां नूं दर-पेश नहीं सन। प्रतख्ख है कि इतिहास अते रसमी धरम सानूं इनहां समस्सिआवां वासते तिआर नहीं कर सकदे। इनहां दोवें खेतरां विच्च नवीं अते भविख्ख-मुखी विचारधारा दी लोड़ है अते धरम-ग्रंथां दे ओनहां फ़लसफ़िआं नूं आधुनिक सोच-विचार अनुसार समझण दी लोड़ है जो साडे धरमां दे मोढी महांपुरखां नें साडे वासते सांभे हन। इह तां ही संभव है जे असीं सही तिआरी करनी सिख्ख के, पहिली किसम दे कंमां दे रुझेविआं विच्चों वकत कढ्ढ सकांगे।

तिआरी दे बावजूद सफलता मिले नां मिले, कोई पक्की गल्ल नहीं पर तिआरी तों बगैर असफलता पक्की है। बैंजामिन फरैंकलिन दा कहिणा है: “तिआरी करन विच्च असफलता दरअसल असफलता दी तिआरी करना है”। इतिहास इस तरहां दीआं घटनावां नाळ भरिआ पिआ है जद ‘तिआरी’ दी घाट कर के वड्डे-वड्डे नुकसान होए हन। भारत-पाक वंड वेले उस वकत दे चोटी दे चार-पंज लीडरां वलों तिआरी दी घाट कर के बहुत वड्डा दुखांत वापरिआ। तिआरी दी अहिमीअत दरसाउंदी, अबराहम लिंकन दी इक्क प्रसिध्ध टूक है कि जे मैनूं किसे वड्डे दरख़त नूं कट्टण वासते छे घंटे दित्ते जाण तां मैं पहिले चार घंटे कुहाड़ा तिख्खा करन ’ते लावांगा।

साडीआं तिआरीआं दो प्रकार दीआं हन: पहिलीआं निज्जी कंमां नाळ सबंधित अते दूसरीआं संसथावी कंमां नाळ। संसथावां विच्च असीं काइदे-कानूंनां अनुसार, अनुशासन विच्च रहि के अते योजना-बध्ध तरीके नाळ तिआरीआं करन लई पाबंद हां। इनहां वासते लिखती मैनूअल बणे हुंदे हन, ज़िंमेवारीआं नियत कीतीआं हुंदीआं हन अते कुताहीआं लई सज़ावां दा इंतज़ाम हुंदा है। इस कर के असीं इनहां नूं भैअ, धिआन अते गंभीरता नाळ करदे हां। पर निज्जी अते परिवारक जीवन विच्च अणगहिली करदे हां किउंकि परिवार रसमी संसथा नहीं हुंदा अते इस विच्च रसमी असूल-कानूंन नहीं हुंदे। भावें परिवार वी इक्क ‘संसथा’ है पर इह गैर-रसमी संसथा हुंदी है जिस विच्च लिखती कानूंन, कंम-वंड जां सज़ावां आदि दा सिसटम नहीं बणाइआ जा सकदा। इसे करके निज्जी अते परिवारक कंमां दीआं तिआरीआं सरसरी, बे-धिआने अते मन-चाहे ढंग नाळ कीतीआं जांदीआं हन।

भावें असीं हर रोज़ निज्जी अते परिवारक कंमां दीआं तिआरीआं करदे हां पर इनहां विच्च भुल्लण जां कुताहीआं कारन ख़राब हुंदे कंम आम देखदे हां। माहिर इस दा कारन दस्सदे हन कि मनुख्खी सुभाअ कर के असीं इक्को कंम वार-वार करन नाळ उस तों उकता जांदे हां अते सुचेत ढंग नाळ उस ’ते सोच-विचार करनी छड्ड दिंदे हां। इस नूं अचेत अते सरसरी ढंग नाळ करन लग्ग जांदे हां अते गळ पिआ ढोल समझण लग्ग जांदे हां। इह मनुख्खी सुभाअ दा इक्क विशेश लछ्छण है कि असीं रोज़-मरा दीआं प्रतख्ख गल्लां नूं बहुत सरसरी समझदे हां अते सानूं इनहां ’ते गंभीरता नाळ विचार-वटांदरा करना बहुत औखा लगदा है। इह सचाई आधुनिक समें दे उदारवादी अमरीकन बुध्धीजीवी डेविड वैलिस नें इक्क विलख्खण द्रिशटांत राहीं बिआन कीती है। समुंदर विच्च दो छोटीआं मछ्छीआं कलोलां कर रहीआं सन तां कोळिओं लंघ रही इक्क वड्डी मछ्छी नें लाड नाळ किहा, ”हैलो बच्चिओ! पाणी विच्च खेड रहे हों?” दोहां छोटीआं मछ्छीआं नें इक्क-दूजे वल देखिआ अते थोहड़ी दूर जा के इक्क नें हैरानी नाळ दूसरी नूं पुछ्छिआ, “इह पाणी की बलाअ हुंदी है?” आपणी इस सुभाविक प्रविरती कर के असीं ‘तिआरी’ सणे जीवन दे होर महत्तव-पूरन विशिआं ’ते कदे विगिआनक ढंग अते गंभीरता नाळ गौर करन दी लोड़ नहीं समझी, जिवें कि सही ढंग नाळ साह लैणा, खाणा चित्थ के खाणा जां किसे दी गल्ल धिआन नाळ सुणना आदि।

आपां निज्जी अते परिवारक कंमां दी तिआरी ओने सुचेत हो के अते योजना-बध्ध ढंग नाळ नहीं करदे जिंनी कि कारोबारी संसथावां विच्च करदे हां। असीं पहड़े-लिखे होण दे बावजूद वी कागज़-पैनसिल लै के तिआरी करन तों कतराउंदे हां; नकशे देखण, हदाइतां पहड़न जां किसे जाणकार दी सलाह लैण तों झिजकदे हां। जे कोई हमदरद सलाह दिंदा वी है तां धिआन नाळ सुणदे नहीं। विशे दे माहिरां दी नसीहत है कि असरदार तिआरी वासते हर-रोज़ दे कंमां दी पूरी लिसट आपणे हत्थ नाळ लिख के बणाईए। मूंह-ज़बानी कंम याद करन दी आदत सिआणप दी गल्ल नहीं, भावें कोई किंना वी तीखण- बुध्धी दा मालिक किउं नां होवे। मि. बराक ओबामा नें आपणी मशहूर किताब ‘ए परौमिसड लैंड’ दे मुख्ख-बंध विच्च लिखिआ है कि “मैं हुण वी गल्लां नूं कंपिऊटर दी बजाइ हत्थ नाळ लिखणा वध्ध पसंद करदा हां।” उह आपणी हर सपीच दी तिआरी बहुत गंभीरता नाळ करिआ करदे सन। इस सबंध विच्च उनहां दी सपीच तिआरी दी इक्क तसवीर बहुत प्रचल्लत होई सी।

कागज ’ते बणाई लिसट नाळ दिमाग विच्च कंमां दा नकशा बण जांदा है अते इनहां नूं समें अते सथान अनुसार तरतीब देणी सौखी हो जांदी है, जिस नाळ दिमाग उत्तों भार घटदा है। साडा दिमाग इक्क सरीरक अंग है अते होर अंगां वांगूं इह वी थक्क जांदा है। असीं इस तों भावें छोटे कंम करवाईए भावें वड्डे, इह थकेवां मंनदा है जिस नूं ‘डसीज़न फटीग’ किहा जांदा है। इस नूं वड्डे कंमां वासते तरो-ताज़ा रख्खण वासते बेलोड़े कंमां दी चिंता तों मुकत रख्खणा ज़रूरी है अते इह चिंता हर कंम दी सही तिआरी कर के घट्ट कीती जा सकदी है। अंगरेज़ी दी कहावत है कि ‘सही तिआरी कर के शुरू कीता कंम अध्धा होइआ समझो’ विहारक पख्ख तों बहुत उपयोगी है। सार-तत्त इह कि असीं हर छोटे-वड्डे कंम वासते बणदी तिआरी करन दी आदत पाईए, फ़ौरी ते दूर-गामी कंमां विच्च इक्क-सुरता बणाईए अते जीवन दीआं छोटीआं समझीआं जांदीआं गल्लां वल गंभीर धिआन देईए।