शूक रहे जंगल नूं कीकण चुप्प करावां मैं
'कल्ले 'कल्ले रुख्ख नूं जा के की समझावां मैं
जंगल जिहड़ा हर मौसम दे कहिर नाल लड़दा सी
जंगल जिहड़ा हर आफ़त दे राह विच अड़दा सी
जंगल जिस 'चों हर कोई अपणी पौड़ी घड़दा सी
जंगल जिहड़ा बालण बण के घर घर सड़दा सी
उस विच फ़ैली अग्ग तां किस दे ज़िंमे लावां मैं
उह जंगल जो ख़ुशबोआं दा ढोआ वंडदा सी
उह जंगल जो फुल्लां दे संग हर रुत्त रंगदा सी
उह जंगल जो सिर 'ते कलगी कोंपल टंगदा सी
मंगदा सी तां केवल अपणा पाणी मंगदा सी
अग्ग दी वाछड़ नूं पाणी किंज बणावां मैं
जद जंगल नें शहिर तेरे दीआं जेल्हां भरीआं सन
तद जंगल तों महिल तेरे दीआं कंधां डरीआं सन
तूं जंगल नूं कोल बिठा फिर गल्लां करीआं सन
कौण सी जिसदीआं गल्लां कसवट्टी तों डरीआं सन
जो कसवट्टीओं डरीआं ख़रीआं किउं मंन जावां मैं
मंनिआं मैं जंगल हां वसदा विच जहालत दे
तैनूं माण बहुत नें तरक दलील वकालत दे
मैं जिस दे काबल हां मैनूं ओही ज़लालत दे
जंगल कहिंदा मसला लै चल विच अदालत दे
इह वी नां-मनज़ूर तां किहड़ा दर खड़कावां मैं
तेरी चुप्प नें जंगलां नूं उह तलख़ फिज़ा दित्ती
जंगल विचों कंडिआं दी इक झिड़ी उगा दित्ती
कंडे कंडे कहि के तूं फिर रौली पा दित्ती
कुझ कंडिआं विच कुल जंगल दी गल्ल उलझा दित्ती
जे तूं खुद उलझाउणी चाहवें किंज सुलझावां मैं
तैनूं तां जंगल दी गल्ल उलझाउण 'च फाइदा सी
जंगल दे विच कंडे होर उगाउण 'च फाइदा सी
इस जंगल नूं जंगल होर बणाउण 'च फाइदा सी
ते फिर उचे चहड़ के रौला पाउण 'च फाइदा सी
देखो ! देखो !! इक भिआनक वण दिखलावां मैं
होर कोई जद राह जंगल नूं रास नां आइआ सी
कुझ रुख्खां नें जिस दहिशत दा राह अपणाइआ सी
ते जिसदा जंगल नूं मिहणा मुड़ मुड़ आइआ सी
इउं तूं आपे ही उस राह नूं पीर बणाइआ सी
तूं किउं गुस्से हुण जद ओही पीर धिआवां मैं
उह जो इस जंगल दे पहिरेदार कहाउंदे सन
उह शाइद इस रसते नूं बदलाउणा चाहुंदे सन
डरदे सन बेचारे डरदे हत्थ नां पाउंदे सन
उह गल्ल वख्खरी निरभइता दे शबद सिखाउंदे सन
सबक उनहां दे उनहां अग्गे की दुहरावां मैं
इस मन चाही सिखर ते जद तूं खेल्ह पुचा दित्ता
दहिशत ताईं सारे जंगल दे सिर पा दित्ता
अध्धे जंगल नूं अध्धे दे नाल लड़ा दित्ता
फिर तोपां दा मूंह जंगल दे वल्ल भुआ दित्ता
तोपां अग्गे किंज अमन दा गीत सुणावां मैं
वड्डा जंगल इस छोटे नूं वेखण आइआ ए
इस धुख़दे नूं धूणी वांगूं सेकण आइआ ए
"खौफ़नाक" दा इस नूं देण विशेशण आइआ ए
तेरी वडिआई नूं मत्था टेकण आइआ ए
जंगल नूं जंग दा महिरम किंज बणावां मैं
बूटा बूटा इस जंगल विच रल वी सकदा है
इह जंगल जो धुख़दा है इह बल वी सकदा है
बलदा बलदा महिलां वल्ल नूं चल वी सकदा है
हां शाइद इह सभ कुझ होणों टल वी सकदा है
ऐपर कित्थों लै आवां घनघोर घटावां मैं
शूक रहे जंगल नूं कीकण चुप्प करावां मैं
'कल्ले 'कल्ले रुख्ख नूं जा के की समझावां मैं