किरपाल सिंघ पंनूं मेरे शहिर विच नहीं रहिंदा अते नां ही मेरे सूबे विच रहिंदा है। सरी अते टोरांटो विचकार फासला तकरीबन चार हज़ार किलोमीटर दा है। इस करके मैनूं कदे वी उस नाल लंमा समां बिताउण दा मौका नहीं मिलिआ। तिंन कु वारी दीआं संखेप मिलणीआं अते पच्ची तीह वारी दी फोन ’ते गल्लबात दे सीमत संपरक दे बावजूद उह इक निघ्घा दोसत, पिउआं वांग मत्तां देण वाला वडेरा, उसताद वांग चंढ के रख्खण वाला अते हमेशां नेक सलाह देण वाला इनसान है।

पंनूं नाल मेरा संपरक मेरी निज्जी लोड़ विच्चों निकलिआ सी। अज्ज तों पंदरां कु साल पहिलां अनुवाद दे आपणे कंम विच ‘मैक’ कंपिऊटर उत्ते कंम करदा सां। कंम देण वालिआं नें अचानक ‘पी सी’ ’ते कंम करन दी मंग शुरू कर दित्ती। उस वेले ‘मैक’ अते ‘पी सी’ विच पंजाबी दे फौंट वख्खरे सन। मसीं इक कीअ बोरड नूं ही चज्ज नाल वरतणा शुरू कीता सी कि उत्तों बिलकुल ही वख्खरीआं कीआं नूं किवें दिमाग विच पाउंदा? किसे नें दस्स पाई कि पंनूं होरीं इस विच मदद कर सकदे हन। राबता करन ’ते जिहड़ी कमाल उस नें कर दिखाई (‘मैक’ दे साडे पंजाबी दे फौंट ‘बाबा फरीद’ नूं ‘पी सी’ लई चल्लदा कर दित्ता) उह उस वेले आपणे आप विच इक विलख्खण गल्ल सी। इह गल्ल वख्खरी है कि उनहां दिनां विच ही ‘समतोल’ फौंट पंनूं दी मदद नाल ही ‘मैक’ अते ‘पी सी’ दे सिसटम लई तिआर हो चुक्का सी। जिहड़ी मिहनत उस नें मेरे फौंट नूं ‘पी सी’ विच तबदील करन लई कीती, उह सिर नूं चकराउण वाली सी। कंपिऊटरां नाल मत्था मारना जणे खणे दा कंम नहीं पर उस नें आप सभ कुझ पहड़ के, खोज कर के फौंटां बारे इक नवां राह खोल्ह दित्ता सी। भावें कि हुण बहुत सारे लोक इह सिहरा आपणे सिर बंनहण दी कोशिश विच हन पर पंजाबी फौंटां नाल संबंधित बहुत सारे कंमां दा आगाज़ उस नें ही कीता है। इस तरहां ही पंजाबी नूं शाहमुखी विच तबदील करन दा सिसटम वी उस नें बहुत समां पहिलां तिआर कर लिआ सी। पंजाबी दे फौंटां नूं यूनीकोड विच तबदील करन दा सिसटम वी उस कोल बहुत कमाल दा है। इक कलिक्क नाल ही अख्खर पुतली-नाच करदे-करदे यूनीकोड विच तबदील हो जांदे हन। कंपिऊटर दे मामले विच उस नें होर कंम वी कीते होणगे पर मैनूं सिरफ उनहां चीज़ां दा ही गिआन है जिहड़ीआं नाल मेरा वाह पिआ है।

इनहां चीज़ां दे सबंध विच ही आपणी लोड़ पूरी करन लई मैं जद वी उस नूं फोन कीता है तां बहुत डरदे-डरदे नें कीता है। इस करके नहीं कि उस नूं कोई वगार पवेगी जां उह कोई बुरा मनाएगा। इस करके कि उस दे सच्चे-सुच्चे अते ठाह करदे शबदां दा साहमणा करना खाला जी दा वाड़ा नहीं। वाधू गल्ल कीती नहीं कि झंड कराई नहीं। “सासरी काल पंनूं साहिब।” सासरी काल दा जवाब मिलण दी थां अग्गों सुआल हुंदै, “हां दस्स बई?” “आह जी यूनीकोड वाला सिसटम मुड़ के चलाउणा सी।” “अछ्छा, मैं आपणा कंपिऊटर खोल्हदां, तैनूं मुड़ के फोन करदां पंजां मिंटां विच”।

दो कु मिंटां विच ही फोन आ जावेगा। जिहड़ीआं हिदाइतां उस नें देणीआं हन, उनहां दी पालणा फौज दे अनुसाशन वांग करनी बहुत ज़रूरी है। रता कु इधर उधर होए नहीं कि शामत आई नहीं। “चल्ल वरड दी फाईल खोल्ह।” “अछ्छा, चल बई मैकरोज़, मैकरोज़, विऊ मैकरोज़ ’ते।” “हां जी चला गिआ जी।” “चल्ल औरगेनाईज़र ’ते।” इस समें जे पल भर लई वी तुसीं पछड़ गए जां अग्गे लंघ गए तां बंबारडमैंट होई कि होई। “तूं यार अग्गे ही भज्जी जानां, तूं उह कर जो तैनूं किहा।” घबराइआ बंदा फिर होर गलत थां ’ते कलिक्क करी जांदा। जद पंनूं नूं पता लग्ग जांदा कि इह तां उखड़ गिआ तां फिर उस दी आवाज़ अपणत्त नाल भर जावेगी, “अछ्छा, अछ्छा मैनूं लग्गदा तेरे पो्रगराम विच इह नहीं।” कई वार तां लग्गदा है कि उह सिरफ तुहानूं माफ़ करन लई इह गल्ल कहि रिहा है। तुहाडा कंम चलाउण नूं भावें उस नूं सारी दिहाड़ी लग्ग जावे उस नें कंम चल्लदा करके ही हटणा है। हुण तां लौंग डिसटैंस मुफ़त दे भाअ हो गिआ है। उह आपणे वल्लों उदों वी फोन कर के घंटा-घंटा ला दिंदा सी जदों लोकीं पंज सत्त मिंटां दी काल तों बाअद ही खहिड़ा छुडाउण लग्ग पैंदे सन। कदी-कदी आखेगा, “यार कदी कंम तों बिनां वी फोन कर लिआ कर”। इक वार मैथों कहि हो गिआ, “तुसीं कहिणा ‘कंम दस्स’ फिर मैं की कंम दस्सांगा?” इस गल्ल दे जवाब विच वी उस नें कुझ नां किहा, सिरफ हलकी जिही मुसकराहट ही सुणाई दित्ती। जे कंम छेती निबड़ जावे तां पुछ्छेगा कि अज्ज कल्ल्ह शराब किंनी कु पीनैं। आपणा आप लुकाउण लई कहि छड्डदां कि नहीं जी हुण तां बड़े ही हिसाब नाल पीईदी आ। शाइद उस नूं इस गल्ल दा कदे वी यकीन नहीं आइआ। उह पिउ वांग सदा ही फिकरमंद रहिंदा है, “जे पिउ समझदां तां मेरी गल्ल ’ते असर वी करिआ कर। अछ्छा तेरी घरवाली नूं कहांगा तेरे कंन खिच्च के रख्खे”। शराब पीण दा ज़बत मैं उस दा देखिआ है। जे सारे पंजाबी पंनूं वांग पीण लग्ग पैण तां शाइद पंजाबीआं विच शराब दी कोई समस्सिआ ही नां रहे।

कंपिऊटरां ’ते पंजाबी दे पैर लवाउण तों बिनां उह लेखक वी बहुत वधीआ है। आपणी हर रचना लिख के यारां दोसतां नूं फोन, ई-मेलां कर के आपणी रचना पहड़ण लई नां कहिण दे उस दे सुभाअ करके मैनूं नहीं पता कि उह किंना कु लिखदा है। पर कदे-कदे जदों वी उस दी कोई रचना पहड़ण नूं मिल जांदी है तां उह पाठक ’ते आपणा असर छड्ड जांदी है। कई साल पहिलां उस दा 1984 दे कतलेआम बारे लिखणा रूह नूं हलूण देण वाला सी जदों उह बी ऐस्स ऐफ्फ दे इक अफसर वजों छुट्टी ’ते जाण करके भारत दे किसे रेलवे सटेशन ’ते फस गिआ सी। इस तरहां ही दो कु साल पहिलां उस नें भारत दी आपणी फेरी समें पंजाबीआं दे हवाई सफर दी दासतान जिस अंदाज़ विच लिखी सी उह वी कमाल दी सी। जहाज़ दी फलाईट कैंसल होण तों लै के (जिस विच उस नें ससतीआं टिकटां खरीदण लई आपणे आप नूं ही दोशी ठहिराइआ सी) दिल्ली दे हवाई अड्डे ’ते जहाज़ खहड़ण तों पहिलां ही कैनेडा दे पंजाबीआं वल्लों आपणे पंजाबी रंग विच आ जाण दा जिहड़ा द्रिश उस नें बंनहिआ सी उह भारत जाण वाले हर कैनेडीअन नें देखिआ होइआ है। लफज़ां दा जामा शाइद उह ही पहिना सकिआ है। जिवें कि मैं पहिलां दस्सिआ है, मैं उस नूं बहुता नहीं पहड़िआ पर जो पहड़िआ है उह उस दी सादगी अते सिध्धी गल्ल कहिण दे अंदाज़ कारन पाठकां नूं टुंब जांदा है।

इह बहुत खुशी दी गल्ल है कि उस दे 75वें जनम ’ते उस दे कंम नूं पछाणिआ जा रिहा है। प्रिंसीपल सरवण सिंघ वल्लों इस कंम दा बीड़ा चुक्कणा ही पंनूं दे कंम दे ठीक अते उच्च पाए दे होण दी गवाही भरदा है। मेरी दिली इछ्छा है कि बापू वरगा मेरा दोसत पंनूं पंजाबी लई अजे होर बहुत कुझ करदा जावे। उह इक सिरड़ी इनसान है। भविख्ख विच उस वल्लों बहुत कुझ कीते जाण दी मैनूं आस है। उस दी ऐनरजी अते लगन कारन उस दे जनम दे 75 दे अंकां नूं पुठ्ठा कर के 57 पहड़िआ जाणा चाहीदा है। उह अजे पझंतरां दा नहीं होइआ।

गुरमेल राए

सरी, बी सी

604-512-5672

gurmailrai@yahoo.ca