अज्ज उसदा पंजवां लैसन है।उह कार विच्च आंउदा थोड़ा त्रबकदा,ते फेर घबराहट नाल भरिआ डराईविंग सीट ते आ बैठदा है।मैं मुशकराउण दी कोसिश करदा हां,पर मेरे अंदरला डर मैनूं फेर संज़ीदा कर दिंदा है।मैं उस नूं समझाउंदा आखदा हां,

मिसटर संगतार अज्ज लापरवाही नहीं वरतणी।कार धिआन नाल चलाउणी है।नहीं तां कल्ल वांग साडा दोनां दा जीवन खतरे विच्च पै जावेगा"।

कल्ल जदों इक्क तेज आंउदे भरे होए टरक्क अग्गे करके उसने जोरदार बरेक मारी सी तां मेरा त्राह निक्कल गिआ सी।इह तां चंगा होइआ सी कि नाल दी लेन खाली होण करके टरक्क वाले नें फुरती नाल टरक्क उधर कर लिआ सी,नहीं तां बस्स...।

कल्ल वाली घटना याद करके मैनूं इक्क वार फेर कंबणी छिड़ी ते मैं हदाइतां शुरू कर दित्तीआं।संगतार हमेशां दी तरहां कक्की दाड़ी नूं खुरकदा 'अछ्छा कोई नां जी,चंगा जी,चंगा जी करदा रिहा।कार सटारट करके सटेरिंग पकड़न तों पहिलां उसने रोज़ वांगूं आपणा मूंह शीसे विच्च तक्किआ,पग्ग दे लड़ ठीक कीते।दाड़ी दीआं जहड़ां विच्च कलफ चंगी तरहां नां लग्गी होण करके धौळे झातीआं मार रहे सन।मारदे वी किवें उमर वी तां छपंजा नूं टप्प चुक्की सी ते उप्परों इह फिकर।जदों 'वाहिगुरू सच्चे पातशा' कहि के उह कार तोरन लग्गिआ तां मेरा सज्जा पैर आप मुहारे सुरख्खिआ लई लग्गी वाधू बरेक ते चला गिआ।

कार अजे थोड़ी दूर ही गई सी कि संगतार नें दोनों हत्थ सटेरिंग तों ढिल्ले करके मुठ्ठीआं घुट्टणीआं शुरू कर दित्तीआं।मैं उस अजिहा नां करन लई किहा ते सटेरिंग चंगी तरहां पकड़न दा आदेश दित्ता।उह जिवें नींद तों जागिआ होवे ‘सौरी’ कहि के फेर सटेरिंग फड़िआ।कार दा सतुंलन थोड़ा जिहा विगड़िआ पिछ्छों किसे नें हारन मारिआ।बराबर आके शीशा खोहल के उह चीकिआ, "वह्हट काईंड आफ डराईविंग सकूल..."।कई तां रूफ-साईन तों सैल्ल फोन नंबर पहड़ के गाळां वी कढ्ढ दिंदे।मैं संगतार नूं फेर जोरदार चितावनी दित्ती।

जदों कार टौरब्रहम रोड ते सठ्ठ किलोमीटर प्रती घंटा ज़ोन विच्च जा रही सी तां उह कार कदी सत्तर ते कदी चाळीआं ते चलाउण लग्गदा।लोक उस नूं हारन मार के लंघदे मैं झिड़कदा,पर उह अजिहा ही करदा रिहा।उसदा वध्ध रिहा मानसिक तनाअ देखदे होए मैं उस नूं कार किसे पारकिंग लौट विच्च लाउण लई किहा।उस नें मंनिआ कि अज्ज उसदा बलड्ड प्रैश्शर ते शूगर दोनों बहुत वधे होए हन।मैं उस नूं किहा कि उह इस हालत विच्च लैसन नहीं लै सकदा।तां उह बोलिआ,

"की करदे उं बाऊ जी धाडे वीह डालर मारे जाणगे"।

मैं किहा डालरां नालों जीवन जरूरी है की फरक पैणा है"।तां उस नें अख्खां भर लईआं,

"बाऊ जी किहड़ा किसे दे वस हुंदा है,बस्स करमां दा लिखिआ भोगदे हां"।

उह मैनूं हमेशां बाऊ जी कहिंदा।ते अज्ज आपणे मन दी दशां मेरे तों लुका नां सकिआ।मैं काइदे अनुसार हमेशां उसदा वीह वरे वड्डा होण ते वी नां लैंदा।उह आपणे मन दी हालत मेरे नाल सांझी करनी चाहुंदा सी ते उसदे अंदरली पीड़ समझदा होइआ मैं उस नूं कौफी-टाईम लै तुरिआ।

कौफी दी घुट्ट भरदा उह बोलिआ,

"बाऊ जी एदां दी गंदी ‘लाद तों तां बंदा ऊंई चंगै"।

बाऊ जी उसदा तकीआ कलाम बण गिआ सी।उह थोड़ा रुक के फेर बोलिआ,

"मै तां बथेरा सोचदा हां बई गड्डी सही चलावां।पर घबराहट होण लग्ग पैंदी ए...।मन विच्च पुठ्ठीआं सिध्धीआं गल्लां जिहीआं आउण लग्ग पैंदीआं नें।हुण तां गल्ल ही एडी हो गई..."।

मैं उस नाल हमदरदी जताउंदे होए उस नूं मुशकल सांझी करन लई किहा तां उह मैनूं आपणा समझदे होए गलोटे वांग उधड़ना शुरू हो गिआ।

"जिस वरे मेरा विआह होइआ उसे वरे मैनूं नाल दे ही पिंड सकूल मासटर दी नौकरी मिल गई।उनहां दिनां विच्च प्राइमरी सकूल टीचर दी तनखाह थोड़ी सी ते मैं घर दी दशा नूं सुधारन दे सुपने लैंदा होर पैसा कमाउण दी लालसा लै के विआह तों पंजां सालां बाअद ही दुबई आ गिआ।मेरी पतनी इकल्ली ही मेरे बच्चिआं नूं पालदी रही।बाऊ जी मैं पूरे बारां साल डट के कंम कीता।...ते उसदा इह सिट्टा निक्कलिआ ए"।

उसदीआं अख्खां विच्च हंझू तैरन लग्गे।

"बच्चे पले,वड्डे होए,मैं उनहां लई खरचा ते कप्पड़े लीड़े भेजदा रिहा।पहड़ाई वी करवाई नां ही आपणी पतनी हरपाल नूं ते नां ही बच्चिआं नूं किसे गल्लों तंग रहिण दित्ता"।

"संगतार जी तुहाडे किंने बच्चे हन?"मैं पुछ्छिआ।

"जी तिंन कुड़ीआं ते इक्क मुंडा।...ते इह सभ तों छोटी ए"।

उसन मूंह कुझ्झ एस तरहां बणाइआ जिवें कौफी दी थां मूंह विच्च ज़हिर दा घुट्ट आ गिआ होवे।उह फेर बोलिआ,

"उधर घरदिआं नें वीौ मेरे नाल चंगी नहीं कीती।जदों मैं बारां साल पिछ्छों दुबई तों आ के छोटे भरा तों ज़मीन दा हिस्सा मंगिआ तां मेरा पिउ ही कहिण लग्गिआ ‘कि तूं तां दुबई जा के बथेरीआं बैंकां भर लईआं नें जे हिसाब ही करना एं तां उसदा वी हिस्सा देअ ते जे हुण बारां साल तों घर दा तोरा इह ही तोरदा रिहा ए तां अग्गों वासते वी ज़मीन एसे दी है’।मैं पिउ दे बथेरे तरले पाए तां अग्गों कहिण लग्गिआ ‘तैनूं पहड़ाइआ लिखाइआ,मासटर लुआइआ ते बाहर भेजिआ,उदों कंम करन वेले तां तैनूं ज़मीन दिसी नहीं।तूं तां बाहर बैठा सी तेरे टब्बर दी देख रेख कौण करदा सी?असीं रिशते नाते निभाए,नानक शक्कां पूरीआं,मरगां विआहां ते जांदे रहे।तूं भेजिआ सी कदी खरचा...?आपणे टब्बर नूं ही लोचदा रिहा एं।हिसाब करना है तां पाई पाई दा कर...। फेर तेरा जो बणदा है लै लईं।तूं ऐना शुकर कर के तैनूं छत्तिआ छताइआ घर मिल गिआ’।मैं बथेरा कलपिआ,कोरट कचहिरीआं गिआ पर लंबड़दार,पटवारी,कानूगो,तहिसीलदार सारे उनहां दे ही बंदे सन।मैं जो पैसे वी भेजदा रिहा उह उस तों वी मुक्कर गए कि ,'अखे तेरे ही टब्बर ते ला दिंदे सी'।बाऊ जी सारी कमाई खूह खाते पा के ते आपणा जद्दी हिस्सा गुआ के।फिकर दे मारिआं नें आह शूगर ते बलड्ड प्रैशर वरगीआं बिमारीआं सहेड़ लईआं"।

उस नूं खुल्लदा वेख के मैं जानणा चाहिआ ‘कि आखर होइआ की ए?’

"होणा की ए जी,वड्डी कुड़ी तां निरी गऊ ए,साडा करदी वी बहुत ए।उस नें ही सद्दे सी एथे।प्राहुणा वी पहिलां पहिलां बहुत करदा सी पर...."।

उह रता कु झेंपिआ।मैं किहा "पर की?"

"मेरी छोटी लड़की दा नां है अम्रित जो अज्ज कल्ल आपणे आप नूं ऐमी अखवाउंदी ए।कल्ला नां ही नहीं बदलिआ आप वी बहुत बदल गई है"।

कक्की दाड़ी विच्च हत्थ फेरदा उस शकती समेटण लग्गा।"तुसी अग्गे किसे कोल गल्ल नां करिउ आपणा समझ के दस्स रिहा हां।कि अग्गे तां जो सी-सी पर रात जो होई उह बहुत माड़ी होई आ।किते मूंह दिखाउण जोगे वी नहीं रहे।मेरे अते आपणे छोटे भरा ते पुलीस बुलाई उस गंदी ‘लाद नें।मैं तां जींदा ही मर गिआ"।उस दीआं अख्खां विच्चों अथरू फेर छलक पए।

"किउं की गल्ल होई?" मैं पुछ्छिआ।

"बस्स जी होणा की ए।आपणा ई कसूर ए,ऐनी सिर जो चहड़ा ली।जदों मैं दुबई विच्च सी चंगे पैसे भेजदा सी कि बच्चिआं दा कोई शौंक पूरा होणो रहि नां जावे।इनहां जो चाहिआ लै के दित्ता।मैं तां मुंडे कुड़ीआं विच्च कोई फरक ही नहीं सी समझिआं।मेरी एसे खुल्ल दा सगों एनहां नज़ाइज़ फैदा उठाइआ"।उह कौफी दे कप्प ते लग्गी चिप्परी जिही नूं इउं तोड़ रिहा सी जिवें मन अंदरों होर बड़ा कुझ्झ टुट्ट रिहा होवे।

"इह आपणी मां नूं कहिंदी पैंटा पा के कालज जाणा है।इहदी उह वी गल्ल प्रवान कर लई।इह कहिंदी वाळ कटाउणे नें असीं किहा कोई गल्ल नहीं।पर बाऊ जी हर चीज़ दी इक्क हद्द हुंदी है।हुण तां उह हद्द वी पार हो गई"।

संगतार कुझ्झ देर रुकिआ ते उस नें फेर बोलणा शुरू कर दित्ता।"बाऊ जी इह हर समें आपणे आप नूं दूजिआं तों बेहतर ते अग्गे समझदी रही ए।दूजीआं कुड़ीआं नें जदों कनेडा अके पैंटा पाउणीआं शुरू कीतीआं ते वाल वी कटा लए तां इस नें सोचिआ कि मैं तां पिछ्छे रहि गई ते इह उसे दिन आपणी किसे सहेली नाळ जा के भूरे वाळ रंगा लिआई।फेर उस दीआं कंम ते सहेलीआं वी बण गईआं।उनहां दे हर रोज़ घर फोन आउंण लग्गे।कुझ्झ देर तां आथण सवेर आंउदे रहे पर जदों अध्धी अध्धी रात नूं कदे तड़के वेले आंउदे,जदों सारे सुत्ते पए हुंदे तां गुस्सा आउण लग्गिआ।कि ऐस वेले ऐना किहड़ा जरूरी कंम है।बस्स बाऊ जी जदों रोकदे तां ग़ल नूं पैंदी"।

मैं देखिआ संगतार दा चिहरा तणदा जा रिहा सी।उह बेवसी दे डूंघे सागर विच्च उतरदा प्रतीत हो रिहा सी।कौफी दी घुट्ट नूं कुड़त्तण समझ के अंदर लंघाउंदा उह बोलिआ।

"जी तुहाडे तों हुण काहदा लुका ए धानूं उसताद जो मंन लिआ,है तां मेरी धी पर मेरे समझ तों बाहर ए।कदी कदी तां शक्क जिहा हुंदा ए..."।फेर उह गल्ल नूं विच्चे ही पी गिआ।

"घर विच्च उसदे बेवकत आउण वाले फोनां नें कलेश खड़ा कर दित्ता।प्राहुणा एस गल्लों बहुत खिझ्झण लग्ग पिआ।इक्क दो वार उसने फोन सुणन दी वी कोसिश कीती ते इस नूं रोकिआ वी पर अग्गों इह टुट्ट के पई।ते फेर इह कलेश एनां वध गिआ कि प्राहुणा कहे मेरा घर है,जो मैं चाहांगा उह ही होवेगा ते इह कहे कि मेरी ज़िंदगी है जिवें मैं चाहां उसे तरहां जीवांगी।जदों मेरे रोकण ते इही गल्ल उस नें मैनूं वी आखी तां मेरा गुस्सा काबू तों बाहर हो गिआ ते अजे उस ते हत्थ चुक्किआ ही सी तां वड्डी कुड़ी मेरा हत्थ फड़ के कहिण लग्गी।'अजिही गलती नां करिउ इह कनेडा है।एथे हर किसे नूं आपणे ढंग नाल जीण दी आज़ादी है'।ते मैं फेर इस आज़ादी नूं हज़ारां गाळां कढ्ढीआं।पर मेरे गाळा कढ्ढण नाल की फरक पैंदा है?"मैं उसदीआं गल्लां सुणदा रिहा ते हुंगारा भरदा रिहा।

"फेर बाऊ जी इह नें आपणा सैलूलर फोन लै लिआ।ते प्राहुणे नें वी कहिणा बंद कर दित्ता फोन दा खरचा वी आप ही करदी सी।सारा दिन फोन परस विच्च रख्खदी ते उह फोन उसे तरहां आंउदे रहे।इक्क दिन इसने कप्पड़े वी बेढवे जिहे पाउणे शुरू कर दित्ते।इक्क दिन आपणे प्राहुणे मलकीत नें देखिआ इस नूं डराईवेअ विच्च खड़ी नूं कुझ्झ मनचले जिहे मुंडे हारन मार के लंघे।बस्स उस नें तां उसे दिन कहि दित्ता कि मैं नहीं इस नूं आपणे घर रख्ख सकदा।तुसी आपणी किते बेसमैंट देख लउ।बाऊ जी इह इक्क पिउ लई मरन वाळी गल्ल हुंदी है।पर इह उथे वी नां रुकी"।गल्ल करदिआं संगतार दीआं अख्खां विच्चों अथरू छलक पए।

साहस इकठ्ठा कर के उह फेर बोलिआ,

"बस्स जित्थे वी जांदी फोन पैंट नाल टंगिआ हुंदा।फेर टीं टीं करन वाली इक्क होर डब्बी जिही लै लई।बेड़ा गरक हो गिआ।सारे टब्बर नें इस नूं बुलाउणा छड्ड दित्ता पर इस नें आपणीआं कुझ्झ सहेलीआं नां छड्डीआं।इसदी वजां करके वड्डी लड़की ते प्रहाउणे दी लड़ाई रहिण लग्गी।बस्स असीं नमोशी दे मारे दब्ब घुट्टके दिन कट्टदे रहे"।

"आखर ब्रदाशत करन दी वी कोई हद्द हुंदी है।जो अज्ज सानूं बेवकूफ ते अनपहड़ दस्सदी है इह इंडीआ विच्च अंगरेजी ‘चों मसां ही पास हुंदी सी।अम्रित तों बदल के आपणा नां ऐमी रख्ख लिआ।हुण बाहरों फोन आउंदे हन कि 'असीं ऐमी नाल गल्ल करनी है'।कई वारी तां इह नां सुण के इसदे भूरे वाळ ते बेढवा पहिरावा देख के लग्गदा है बई इह साडी धी ही नहीं।पर फेर मोह दीआं तंदां मार जांदीआं नें।कित्थे छड्ड के भज्ज जावां"।उह रोणहाका होइआ पिआ सी।

"बस्स जी मुक्कदी गल्ल तां इह है कि इहदी सहेली ही सारे पुआड़े दी जड़ है।इह वी पता लग्गा है कि उह विआही होई सी ते उस नें आपणे घरवाला छड्ड दित्ता सी।हुण इकल्ली बेसमैंट लै के रहिंदी है।कुझ्झ होर मुंडे वी उस कोल आंउदे रहिंदे नें जिनहां नूं उह आपणे फरैंड दस्सदी है।ऐमी वी उसदा खहिड़ा नहीं छड्डदी।इह सारा गरप्प देर रात तक्क कारां विच्च घुंमदा रहिंदा है।परसों मैं बैड्डरूम दी खिड़की विच्चों खड़के आप देखिआ सी कि दो मुंडे अगली कार विच्च सन ते तिंन मुंडे ते दो कुड़ीआं पिछली कार विच्च।जद देखों सैल्ल फोन ते लग्गे होए।घरों कंम ते नूं कहि के जाऊ पर दो चार वारी तां पता लग्गिआ है कि कंम ते पहुंची ही नहीं"।उस नें सिर सुट्ट लिआ।

इक्क दिन इसदी मां नें इह सुण के हिक्क विच्च दुहत्थड़ मारी कि 'निज्ज जंमणी सी एहो जिही लाद'...।बाऊ जी कई वारी तां उह मन नूं ढारस देण लई पाठ ही करी जाऊ...।होर बेवस होइआ बंदा करे वी की?" उह वार वार आपणे सिर ते टकाई पग्ग नूं सूत करदा ते दाड़ी नूं खुरकदा।जिवें उसदी पग्ग उछ्छलदी जा रही होवे ते दाड़ी नूं कोई हत्थ पाउण लग्गिआ होवे।मैं उस नूं कहिणा तां चाहुंदा सी कि 'इह इक्क सो्ोभआचारक बदलाअ है।कोई वी बच्चा एस वल्ल आकरशत हो सकदा है।पर असीं पुराणे सभ्भिआचार नाल जुड़े समाज दे डरों उस नूं गळत तरीके नाल रोकण दी कोसिश करदे हां।कई कुट्ट मार करदे हन ते कई तानाशाह बणके विआह ठोसदे हन।पर इनहां मुलकां दा कानूंन इस गल्ल दी आगिआ नहीं दिंदा।कानूंन जो मापिआं तों वध्ध ताकतवर हुंदा है उनहां दी राखी करदा है।नाले एथे हर बंदा निज्ज-प्रसत है समाज दी तां होंद ही कोई नहीं।जदों असीं इस मुलक नूं रहिण वासते चुणिआ सी उदों ही सानूं इह गल्लां समझ लैणीआं चाहीदीआं सन'।पर इह गल्लां कहिण लई मैनूं समां ठीक नां जापिआ।ते संगतार लगातार कनेडा नूं गाळां कढ्ढी जा रिहा सी।

एसे कनेडा पहुंचण लई कदी उह तरलो मछ्छी हुंदा रिहा सी।एसे करके मौका मिलदिआं ही उस नें आपणी ऐम्म ए पास वड्डी कुड़ी कनेडा तों गए दसवीं पास मुंडे नाल विआह दित्ती सी ते बेहद्द पैसा वी खरचिआ सी।चंगी किसमत नूं प्राहुणा चंगा निक्कलिआ उनहां केस सपौंसर कीता वकीलां ते पैसे खरचे ते कनेडा लिआ वाड़े।कुड़ी दा अहिसान बहुत वड्डा सी।पर हुण उह दो पुड़ां विचकार पिस रही सी।तंग हो के ही प्राहुणे नें किहा सी कि 'मेरे घर तों चले जाउ मैं होर ब्रदाशत नहीं कर सकदा'।पर इह हालात पैदा कीहने कीते सी? खुद उसदी आपणी बेटी नें।उह चुप्प चाप बैठा सोचदा रिहा ते अख्खीआं विच्च हंझू तैरदे रहे।मैं वार वार उसदा मोढा थपथपा के उस नूं दिलासे दिंदा रिहा।

फेर आपणा सारा ताण समेट के उह बोलआि "बस्स जी हुण तां जिऊंदे ही मर गए।जीण दा की हज्ज है?जे कोई इज्जत ही नां होवे।परसों अम्रित घर आई... उह ही बेढवे जिहे कप्पड़े पैंट दी जेब दे बाहर लटकदा सैल्ल फोन ते रंगे होए सुनिहरी वाळ...।घरों कुझ्झ चुक्क के जदों वापिस जाण लग्गी तां उसदी मां नें पुछ्छिआ 'कित्थे चल्ली एं'?'तां कहिंदी तैनूं की जित्थे मरजी जावां।बाऊ जी बाहर उह ही कुड़ी कार विच्च बैठी सी।नाल दो बेढवे जिहे पहिरावे वाले मुंडे इह वी उनां नाल ही बैठ के चली गई।फेर रात दे बारां बजे तक्क नां आई।इहदी मां उडीक उडीक के रोण लग्ग पई।प्राहुणे नाल गल्ल कीती तां उह सारे टब्बर नूं कंजर दस्सण लग्गिआ।रात दे दो बजे मुड़के आई।चंगी तरां बोलिआ वी नहीं सी जा रिहा पता नहीं की खाधा पीता होइआ सी।उदों तां पै गई,जदों सवेरे उठ्ठी तां सारा टब्बर दुआळे होगिआ।जदों पुछ्छण लग्गे तां कहिंदी मेरा प्रसनल मामला है।मैनूं गुस्सा आइआ ते मैं चपेड़ कढ्ढ मारी।

छोटा मुंडा वी कुट्टण डहि पिआ।एहने झट्ट ही आपणे सैलूलर तों 911 घुमाइआ ते उसे पल पुलीस आ गई।मैनूं ते मेरे मुंडे नूं फड़ के लै गई।प्राहुणा ज़मानत ते छडा तां लिआइआ पर कहिंदा हुण तुसीं मेरे घर नहीं रहि सकदे मैं रोज दा इह कंजरखाना ब्रदाशत नहीं कर सकदा।जे साडे ते क्रिमीनल चारज लग्ग गिआ तां असीं की करांगे?उह सिर फेरन लग्गा।मैनूं जिंनी छेती हो सकदा है लाईसंस दुआ दो।अज्ज मैं लैसन लई आ तां गिआ,जवाब नहीं दे सकिआ पर मैं बहुत अप्पसैट्ट हां"।

कुझ्झ देर रुक के उह फेर बोलिआ, "बाऊ जी परसों दे किसे दे घर बैठे हां,पुलीस दी वारनिंग है कि तुसीं उस घर जा नहीं सकदे ते नां ही कुड़ी नूं किते जाणों रोक सकदे हों।ठीक है उह बालग है पर तुसीं आपणीआं अख्खां साहमणे आपणे धी पुत्त नूं ग़लत कंम करदा किस तरहां ब्रदाशत कर सकदे हों?कई वारी तां मैनूं लग्गदा ए बई उसदे मन ते कोई माड़ा असर पिआ होइआ ए।इक्क वार मैं पुचकार के पुछ्छिआ कि 'बेटे इस तरहां किउं करदी एं?तां कहिंदी, 'तुसीं तां घर 'च मैनूं पुछ्छिआ ही कदी नहीं सी।मैं तां आपणे आप नूं हमेशा वाधू ही समझदी रही हां।थोडे लई तां मुंडा ही सभ कुझ आ।फेर हुण मेरा फिकर किवें हो गिआ?'

फेर इक्क दिन कहिंदी मेरी सहेली ते उसदा बुआए फरैंड मेरा किंना करदे आ'।पर ठीक है बाऊ जी करदे होणगे उह किसे लालच नूं पर खून तां साडा ई आ।कई वार अजिहे लोक आपणे मतलब कढ्ढ के पासे हट जांदे नें।ते कुड़ीआं विचारीआं दा हाल डोरों टुट्टी पतंग वरगा हो जांदा है।उह किते वी कंडिआलीआं किक्करां बेरीआं विच्च जा फसदीआं हन।इस दा तां असीं अजे विआह करना है,कौण करवाएगा इस नाल विआह?

संगतार उदास हो गिआ।

उह ठीक ही तां कहि रिहा सी, कई वारी भारत तों नवें आए मुंडे कुड़ीआं नूं मिली इह नवीं आजादी उनहां दे पैर चुक्क दिंदी है।पैर ही अजिहे चुक्कदी है कि हमेशां लई उख्खड़ जांदे हन।मुंडे नशिआं विच्च गरक हो जांदे हन ते कुड़ीआं काल गरलां बणन लई मजबूर हो जांदीआं हन।इस मुलक दा कानूंन तां विभचार नूं वी बिजनस दस्सदा है।थां थां खुल्ले सटरिप्प कलब्ब,मसाज़ पारलर,निऊड साईटां,बलिऊ फिलमां,नंगेज़ भरपूर रसाले इनहां कुड़ीआं दे सिर ते ही चल्लदे हन।खुल्लेआम जिसम वेचण वालीआं कुड़ीआं दे विगिआपनां विच्च हुण भारती मूल दीआं कुड़ीआं दे वी नां आए दिन शामल हो रहे सन।

शाइद एसे गल्लों संगतार डरदा सी कि कोई गुमराह करके उसदी कुड़ी नूं वी ग़लत रसते नां पा देवे।अजिहा कुझ्झ उस नें पहिली वार कनेडा आ के सुणिआ सी।सुण के उस नूं जापदा सी जिवें किसे नें उस दे सिर विच्च बारूद भर दित्ता गिआ होवे जो किसे समें वी फट जावेगा।उह रोण हाका हो के बोलिआ

"बाऊ जी इह केहो जिही तबदीली जो सिरफ ग़लत कंमां विच्च ही आंउंदी है।घट्ट पहिरावा पाके नंगेज़ दिखा के तां कोई मौडरन नहीं हो जांदा।इस कमली कुड़ी नूं कोई किवें समझावे"।इस तरहां तां मैनूं लग्गदा है मैं साल वी होर नहीं जीणा...।मेरा बलड्ड प्रैशर ते शूगर आए दिन वधदे जा रहे हन।मेरा डाकटर कहिंदा है कि तूं कोई फिकर करदा एं।की दस्सां मैं डाकटर नूं एसे वज़ा करके तां अज्ज मेरे तों कार वी ठीक नहीं चल्लदी।

मैनूं बैठे बैठे नूं पंजाब दे दिनां दी याद आई।जदों बूटे दी नसल बदलण लई उस ते कलमीं पिओंद चड़ा दित्ती जांदी सी।उह कुझ्झ देर तां मुरझाउंदा फेर नवींआं लगरां फुट्ट पैंदीआं।फेर फळ फुल्ल सारा कुझ्झ ही बदल जांदा।संगतार खुद अपणे टब्बर नूं नवें सभ्भिआचार दी पिओंद चहड़ा के हुण इह तबदीलीआं लई तिआर नहीं सी।उस दा कनेडा तां सिरफ आधुनिक सहूलतां ते चंगी आरथिकता तक्क ही महिदूद सी।बहुते भारतीआं दा एहो हाल सी जो नवें सभ्भिआचार दे फळ फुल्ल अपणी झोली पाउण लई तिआर नहीं सन।

मैं उस नूं किहा," संगतार जी हुण तां आपां नूं सुख्ख सहूलतां दे नाल नाल इह्ह गल्लां वी ब्रदाशत करनीआं ही पैणीआं नें।चंगे दे नाल नाल माड़ा पख्ख वी होणा है।आपे सारा कुझ्झ ठीक हो जावेगा।जदों तुसीं कर ही कुझ्झ नहीं सकदे फेर ऐना सोच के की करोंगे?तुसीं आपणा धिआन आपणे कंमां ते केंदरत करना सिख्खों।दूजिआं दे जीवन विच्च अगर उह बालग हन एथों दा कानूंन दखल अंदाज़ी ब्रदाशत नहीं करदा।इस वकत डराईविंग लाईसंस लैणा तुहाडे लई बहुत जरूरी है।इस मुलक विच्च इह ही तुहाडीआं लत्तां हन।नां कि धी पुत्त।इनहां दा मोह तिआग के अपणी सिहत दा धिआन रख्खणा सिख्खो।मैं उस दा मोढा थपथपाइआ।जिवें मैं पुराणे रुख्ख नूं कट्ट के कोई नवीं कलम चड़ाउण दी कोशिस कर रिहा होवां।उह चुप्प चाप मैनूं सुणदा रिहा।

कौफी हाऊस दे साहमणे वगदी सड़क ते अणगिणत कारां तेज सपीड ते दौड़ रहीआं सन। जिनां नूं चलाउण वाले किसे वी मुलक तों आए हो सकदे नें।असीं वी बाहर निक्कल के आपणी कार वल नूं तुर पए इक्क नवीं दिशा वल जाण लई...।