कुझ समां पहिलां मैं ज़िल्हा लुधिआणा दे पिंड चकर बारे लेख लिखिआ सी, ‘किआ बातां पिंड चकर दीआं’। मैं उस पिंड दे दरशन कर के चक्रित रहि गिआ सां। पंजाब जां भारत सरकार दे सहियोग बिना ही इंना विकास! पुछ्छ दस्स पिछ्छों पता लग्गा पई पिंड चकर पुठ्ठे चक्कर विच्चों निकल के सिध्धे चक्कर ’ते ऐसा तुरिआ कि अनोखा माडल पिंड बण गिआ है। पिंड दे परवासी भरावां अजमेर सिंघ ते बलदेव सिंघ सिध्धू दे उद्दम नाल दस करोड़ रुपइआ विदेशां विच्चों इकठ्ठा कीता ते दस करोड़ दी ही पिंड वालिआं नें कार सेवा कीती। केवन मौरगन नां दे इक गोरे नें पिंड दे विकास अते खेड अकैडमी तों ख़ुश हो के करोड़ रुपए दा दान दित्ता। चकरीआं नें इक झील दा नां ही ‘मौरगन लेक’ रख्ख दित्ता जिस विच सैर सपाटे लई किशतीआं चलदीआं हन।
पिंड दे सीवरेज प्राजैकट दा उदघाटन वातावरण प्रेमी संत बाबा सीचेवाल नें पहिला टक्क ला के कीता। तिंनां छप्पड़ां नूं झीलां ते पारकां दा रूप दे दित्ता गिआ। फुल्लां बूटिआं नाल महिकदे सुंदर पारक बणाए गए अते पिंड विच थां पर थां पक्के बैंच डाहे गए। बस्स अड्डे नविआए गए। गलीआं खुल्ल्हीआं अते पक्कीआं कीतीआं गईआं। सीवरेज दा पाणी टरीट कर के फसलां लई वरतिआ जाण लग्गा। पिंड दीआं नौं सत्थां नविआईआं गईआं। गलीआं विच, फिरनी उत्ते ते राहां पहिआं उत्ते हज़ारां रुख्ख लाए गए। तिंनां चहुं सालां विच ही पिंड चकर इक्क चानण मुनारा बण गिआ, जिस नूं दूरों नेड़िओं लोक वेखण आउण लग्गे। चकर बारे इक पुसतक ‘चानण मुनारा चकर’ प्रकाशित कीती गई जिस तों जाणकारी हासल कर के सौ तों वध्ध पिंड चकर दे पंध उत्ते तुरे। चकर दी शेरे पंजाब सपोरटस अकैडमी दे खिडारीआं नें नैशनल अते इंटरनैशनल पध्धर ’ते मैडल जित्तणे शुरू कीते। सतारां साल दी इक लड़की मनदीप कौर संधू मुक्केबाज़ी दी जूनीअर वरलड चैंपीअन बणी। उस नूं एशीआ दी सरवोतम जूनीअर मुक्केबाज़ होण दा खिताब मिलिआ। इस पिंड दा सरबपख्खी विकास पिंड वासीआं नें आपणे हत्थीं आप कीता। चकर इक हज़ार तों वध्ध घरां वाला वड्डा पिंड है पर गुरदवारा इक्क ही है। सिवे वी सभ जातीआं दे सांझे हन। जात पात दा पिंड विच कोई भेद भाव नहीं। नां पत्ती अगवाड़ दा भेद भाव। होइआ नां सांझीवालता दा इक मिसाली नमूना! इक्को गुरदवारा होण करके स्री अकाल तखत साहिब वल्लों पिंड नूं सनमानित वी कीता गिआ।
हुणे हुणे इसे गुरदुवारे विच प्रधानगी तों दो कतल होण दी ख़बर पहड़ी। इक्क झटका लग्गा। एधरों ओधरों पता कीता। कई पासिआं तों फोन वी आए। मिली जाणकारी तों ज़ाहर होइआ कि श्रोमणी गुरदुवारा प्रबंधक कमेटी दे रोल करके इह घटना वापरी लगदी है। कौण नहीं जाणदा कि राज करदे अकाली दल दे श्रोमणी कमेटी ’ते पूरे हुकम हासल हन। पंचाइत चोणां वेले पिंड विकास कमेटी नें सरब संमती नाल पंचाइत बणाउणी चाही पर राज करदी पारटी नें किहा कि पंचाइत साडी पारटी दी होवेगी। सरकार दी शहि नाल चोण लड़न लई विकास कमेटी दे विरुध्ध बंदे खहड़े कर दित्ते गए जो सारे ही बुरी तरहां हारे। विकास कमेटी दा हरेक उमीदवार वारड मैंबर वजों दो सौ तों वध्ध वोटां दे फरक नाल ते सरपंच दो हज़ार तों वध्ध वोटां दे फरक नाल चोण जित्ते। पर सरकारी पारटी पिंड दे विकास विच भरवां सहियोग देण दी थां फिर वी चक्क थल्ल करदी रही ते पिंड दे भाईचारे विच पाड़ पाउंदी रही।
जदों तक उस गुरदवारे दा प्रबंध करन वाली प्रबंधक कमेटी पिंड दी संगत चुणदी सी तां गुरदवारे दा प्रबंध ठीक चलदा सी। गुरदवारा छेवीं अते दसवीं पातशाही नाल संबंधित होण कर के इतिहासक है इस लई श्रोमणी गुरदवारा कमेटी इस दा प्रबंध आप चलाउणा आपणा हक्क समझण लग्गी। ऐतकीं श्रोमणी कमेटी वल्लों जिहड़े पंज मैंबर नामज़द कीते उह उनहां विच्चों ही हन जिहड़े पंचाइत चोणां वेले सरकारी धिर दे सन। पिंड दी चुणी होई पंचाइत नें श्रोमणी कमेटी दे प्रधान मक्कड़ साहिब नूं बेनती कीती कि गुरदवारा कमेटी चकर पिंड दी संमती नाल बणाओ पर परनाला उत्थे दा उत्थे रिहा। होइआ इह कि नामज़द कीते मैंबरां विच प्रधानगी लई रफ्फड़ पै गिआ। नतीजा इह निकलिआ कि इक माडल पिंड दे इतिहासक गुरदुवारे दी प्रबंधक कमेटी दे प्रधान अते उस दे भरा नूं, प्रधान बणन दे इछ्छक मैंबर नें गुरदवारे दे निशान साहिब कोल गोलीआं मार दित्तीआं। उस वेले गुरदवारे अंदर अखंड पाठ चल्ल रिहा सी, जिस दी किसे नें परवाह नां कीती। दो बंदे मर गए, दो ज़खमी हो गए। दो घर तां मुकंमल तौर ’ते बरबाद हो गए ते सेक होर वी कई घरां नूं लग्ग गिआ। पिंड दे विकास विच लग्गे भाईचारे विच दुशमणी दा बीज, बीज दित्ता गिआ। कतल केस विच इक धिर नें गिआरां बंदे लिखाए ते दूजी नें छे बंदे। आह कहाणी है पंजाब दे चानण मुनारे पिंड चकर नूं राज करदी पारटी वल्लों विकास वल्लों रोकण ते विनास वल्ल धक्कण दी।
कातल नूं फड़न विच देरी इस लई कीती गई कि बंदे आपणे ही शिंगारे होए सन! फड़े ओदों जाणगे जदों उप्परों तारां हिल्लणगीआं।
अपराधी गऊ रख्खिअक अते आर ऐस्स ऐस्स आगू गगनेजा दे कातल शक्कीआं नूं झट्ट ही फड़ लिआ गिआ जदों प्रधान मंतरी मोदी जी दा बिआन आ गिआ कि धरम दे नां ’ते किसे नूं बख़शिआ नहीं जावेगा। एदां ही इत्थे होणै। हाली तक्क तां नामधारी डेरे दी माता चंद कौर दे कातल अते संत ढड्डरीआं वाले ’ते हमले दे साज़िशकार नहीं फड़े गए। इस लई पिंड चकर दे कतलां दी कीहनूं चिंता होवेगी? सरकारी सोच दी सूई इत्थे ही घुंमी जा रही है कि पिंड नूं फिर पुराणे चक्करां विच पा दित्ता जावे। पिंडां दे लोक सवाली बण के सरकारे दरबारे गेड़े मारदे रहिण। सुनेहा है कि आपणे हत्थीं आपणा विकास करना सरकार दी नीती मुताबिक नहीं। सरकारी सरप्रसती बिनां विकास करना अपराध है! सरकार दी फिर की हैसीअत रहि गई? सरकार नूं सलामां किउं नहीं कीतीआं जा रहीआं? इक्क परिवार दे दो नौजवान बली चहड़ा दित्ते हन ते बाकीआं नूं वोटां दी लोड़ अनुसार बली चहड़ा दित्ता जावेगा। इहनूं कहिंदे हन पंजाब दा सरकारी विकास जीहदे सिर ’ते वोटां बटोरीआं जांदीआं हन!
मेरी राइ अनुसार पिंड दे लोकां नूं इक्क-मुठ्ठ रहि के अग्गे वधदे रहिणा चाहीदा है। उनहां साहमणे इहो जिहीआं कोझीआं चालां, चुणौतीआं टिक नहीं सकणगीआं। इस वेले लोकां दे भाईचारक एके विच्च भावें तरेड़ पा दित्ती गई है पर जाग्रित लोक-शकती अग्गे कूड़ दा पसारा टिक नहीं सकेगा। कैसी विडंबणा है कि जिनहां दे ज़िंमे पिंडां दे विकास करन दी ज़िंमेवारी है, उही सिआसी हत्थकंडे वरत के पिंडां दा विनास करन ’ते तुले होए हन!