इक्क सिपाही दा गाइआ गीत हद्दां दे आर-पार मानवी तरबां छेड़ रिहा है। केवल दोहां पंजाबां विच ही नहीं, गलोब ’ते जित्थे किते वी पंजाबी है, उह इस गीत नूं मुड़-मुड़ सुणदा है अते हिंदू-सिख्ख-मुसलमान भाईआं विच्च पईआं दराड़ां नूं मेटदा तुरिआ जा रिहा। सोशल मीडीए ’ते पिआ इह गीत हर पंजाबी नूं टुंबदा, झंजोड़दा अते सोचण लई मजबूर करदा है। इहदे दिल हूलवें पैगामां दे छट्टे आलम दे कोणे कोणे विच्च पै रहे हन। इह गीत ठंढे मते बैठ सोचण लई मजबूर करदा है: आखर इह किउं वापर रिहा है’ कौण इस नूं करा रिहा? इह राजनीतीवानां, नेतावां अते दोवें पासिआं दे फौजी दलां नूं सिर तों पैरां तक्क हलूणदा अते सोचण `ते मजबूर करदा है। इह गीत गूंजिआ वी ओदों है जदों हद्दां ’ते तणाअ विसफोटक रूप धार

रिहा है। गीत दे बोल ‘पंजाब वालिओ, पाक वालिओ, अड़िओ लड़िओ नां, उध्धर मेरी नानी रोऊ, एधर मेरी मां ...’ पैंदी सट्टे तरला मारइ गीत मरीआं रूहां नूं जगाउंदा है। दोवें पंजाब हमेशा ही बळदी दे बूथे विच आउंदे रहे नें। इस दी सथिती, बहादरी अते खुशहाली ही इस दी जान दा खौओ बणदी है। हर हिंद-पाक जंग दे इह अखाड़े बणे। इक्क मुठ्ठ, इक्क जुट्ट हो खैर मंगो ओए पंजाबीओ! आपणे मादरे वतन पंजाब दी अते इहदे वासीआं दी! गीत दा मुख्ख सुनेहा है।

पिछ्छे जिहे जदों बारडर दे पिंडां विच गुरदुवारे दे सपीकरां ’ते इह ऐलान होए: वाहिगुरू जी का खालसा वाहिगुरू जी की फ़तिह। समूह नग्गर निवासीआं नूं भाई बेनती कीती जांदी है कि सानूं शाम तक्क पिंड खाली करना है ...। एदां दा पैगाम सानूं 70 साल पहिलां पिंड छड्डण वेले घरो घरी पहुंचिआ सी। सपीकर नहीं सन हुंदे। इह ऐलान तां लोकां नूं नेड़े तेड़े कुझ दिन गुज़ारन लई सी पर सानूं पक्के तौर ’ते घर-बार छड्डण लई मिले सन। इहो जिहे हुकम नाल मनां विच की बीतदी है, उह ही जाण सकदे हन, जिनहां नें इह लमहे भोगे होण। उनहां घरां, थांवां, जूहां दे हेरवे सानूं पौणी सदी तों तड़पा रहे हन। उस पिंड विच रहिंदे मेरे इक्क यार दा पोता, इमतिआज़ अहिमद बाजवा, साडे घरां, गळीआं दी फोटो भेजदा रहिंदा है। उनहां नूं वेख-वेख मन रज्जदा ई नहीं, मुड़-मुड़ वेखी जाईदीआं।

इस गीत दे रचनहारे अते गाइक दा मौका मेल वी कमाल दा है। गीत दा लेखक रणजीत मट्ट शेरों वाला है, जिहड़ा खुद भारती फौज विच्च है। बारडर ’ते वरदीआं गोळीआं वाले भिआनक लमहे हंढा रिहै। जिहड़ी गल्ल हंढाए पलां दी तड़प विच्चों निकलदी है, उह हिरदे वेदक हुंदी है, दिलां नूं टुंबदी है। आपणे आप नूं तुहाडे अते गीत विचालिओं लांभे करके तुहानूं सिध्धा उस गीत दी रूह विच्चों निकलीआं भावनावां नाल जोड़ना उचित्त समझदा हां:

चहड़दे विच्च हरमंदर वस्सदै, लहिंदे विच्च ननकाणा, दुआ करो अरदास करो ओए कोई वरत जाए नां भाणा।

आपणा कोई कुमार मरूगा, ओए नाले सिंघ जां खान; हिंद वालिओ पाक वालिओ हां बई लड़िओ नां; हाहड़ा लड़िओ नां;

ओधर मेरी नानी रोऊ, एधर मेरी मां; हिंद वालिओ पाक वालिओ वीरो लड़िओ नां; हाड़ा लड़िओ नां।

ओधरों भावें एधरों ओए जिस पासिओं वी चल्ले गोली, आपणिआं नें आपणिआं दे ओए करने सीने छल्लणी;

सोचो समझो चक्क बिगानी ’ते ओए चहड़िओ नां, हिंद वालिओ पाक वालिओ वीरो लड़िओ नां, हाड़ा लड़िओ नां।

कौण लड़ाउंदै किउं लड़दे ओं जावे गल्ल विचारी, इक्क दूजे नूं मारन वाली ओए कदे नईं मुक्कणी वारी।

आ उड्ड मिलीए दोवें ओए गळ नूं नां फड़िओ बई; हिंद वालिओ पाक वालिओ हां बई लड़िओ नां, हाड़ा लड़िओ नां।

इक्क मरे यार इक्क रहि जांदा कल्ला, इह ख़ून ख़राबा कदे नईं चाहुंदा राम वाहिगुरू अल्ल्हा।

छेड़ो दिल वालीआं गल्लां ओए ज़हिरां भरिओ नां; ओधर मेरी नानी रोऊ एधर मेरी मां।

हिंद वालिओ पाक वालिओ ओ बई लड़िओ नां, हाड़ा लड़िओ नां।

जित्थे गीत दरद नाल लबरेज़ है, उत्थे इहदे गाइक, पुलीस दे सिपाही कुलदीप सिंघ, नें पुरजोश उच्ची सुर विच खुभ्भ के गाइआ है। इस नाल गीत होर वी प्रभावी बण गिआ है। इउं जापदै जिवें उह बारडर दे किसे उच्चे बुरज ’ते खलो के दोहां पंजाबां नूं दलीलां भरिआ भावनातमक होका दे रिहा है। गीत दा अरंभ पिंड छड्डण लई सपीकर तों हो रहे उप्परले ऐलान नाल जोड़दै: ... हां जी दोसतो! सारिआं नूं सभ तों पहिलां मेरे अते मट्ट शेरों वल्लों सति स्री अकाल, राम राम, अदाब, अते सलामा अलैकम। दोसतो! सत्थर एधर विछण जां ओधर विछे, सत्थर आपणे घर ही विछिआ जापदै।

गीत ऐटमी भाणे दे वरत जाण वल्ल इशारा करदा है। हाईडरोजन बंबां दे भाणे जापान दे शहिर हीरोशीमा अते नागासाकी ’ते दूजी जंग विच्च लोक भुगत अते वेख चुक्के होए हन। इह बंब सुट्टे वी ओदों गए सन जदों जापानी फौजां हार मंन हथिआर सुट्टण लग्ग पईआं सन। फिर किउं सुट्टे गए? केवल इस लई कि अमरीकी पैंटागन आपणे इनहां शकतीशाली हथिआरां दी शकती तां परख़ लवे। कहिंदे हन कि होए नुकसान नूं महिसूस कर बंब सुट्टण वाले जहाज़ दा पाइलाट पिछली उमरे गहिरे दिमागी सदमे नाल पागल हो गिआ सी।

हुण जदों हिंद-पाक दोवें ही ऐटमी शकतीआं हन, सोचण विचारन दी बड़ी लोड़ है। रब्ब नां करे जे किते कोई भाणा वरत गिआ तां बचणा कुझ नहीं। निऊकलीअर विसफोट (धमाका) थरमल रेडीएशन (तेज़ प्रकाश/गरमी) दे रूप विच्च लहिरां छड्डदा है। इह ऊरजा/शकती/ज़ोर बंब दी उपजन शकती ’ते निरभर करदा है। निऊकलीअर हथिआरां विच्च किलोटन दाइरे वासते ऊरजा नूं वख्ख वख्ख रूपां विच्च वंडिआ जांदा है। मोटे तौर ते 50%, 35%, 15% थरमल धमाका निऊकलीअर रेडीएशन विच्च वंडिआ जांदा है। हर इक्क किसम उस सकेल ’ते निरभर करदी है जिस दी कलपना करनी वी मुशकल है। दूसरी वड्डी जंग विच्च जापान दे शहिर हीरोशीमा विच्च इक्क 15 किलोटन बंब वरतिआ गिआ सी। इंडीआ, पाकिसतान, उत्तरी कोरीआ कोल इह शकती मौजूद है। जे किते अत्तवादीआं हत्थ इस साईज़ दा हथिआर आ जावे तां की बणेगा? आओ ज़रा निहारीए अते आपणी होणी ’ते झात मारीए। इस साईज़ दे किसे निऊकलीअर दे फटण नाल इक्क रवाइती आम विसफोट वल्लों छड्डी गरमी दे कुझ कु हज़ार डिगरी दे मुकाबले बिलकुल नेड़े दे खेतर विच्च कई करोड़ दरजे सैंटीगरेड तापमान उतपंन हो जावेगा। सूरज दे धुर अंदर दे तापमान जिंना। इनहां तापमानां विच्च सौ मीटर तों लैके इक्क किलोमीटर तों वधेरे तक्क दे खेतर विच्च हर इक्क चीज़ भाफ़ बण जांदी है। बंब दीआं बाकी गैसां आले दुआले दी हवा अते दूसरे पदारथ इक्क अग्ग दे गोळे दा रूप धार लैंदे हन। इह अग्ग दा गोळा तेज़ी नाल वड्डा होई जांदै अते इक्क गुबारे वांग उप्पर वल्ल उठ्ठ खलोंदै। इह उठ्ठिआ गोळा जिवें जिवें ठंढा हुंदा है इह इक्क आम खुंब दा वड्डा रूप धार लैंदा है। भाफ़ बणिआ सारा कूड़ा, रेडीओ ऐकटिविटी नाल प्रदूशत होइआ इक्क बहुत विशाल खेतर ’ते डिग्ग पैंदा है। विसफोट दे वापरन बाअद इह इक्क लंबे समें लई भिउकर असर छड्डदा रहिंदा है।

किलोमीटर तक्क दा खेतर ‘घातक खेतर’ बण जांदै। जित्थे हर इक्क चीज़ पूरी तरहां तहिस-नहिस हो जांदी है। 2.5 किलोमीटर तों अग्गे हौली हौली हवा दा दबाअ घट जांदा है। इस खेतर विच्च वड्डी पध्धर ’ते लोक ज़ख़मी हो जांदे हन जां मर वी जांदे हन। इस ज़ोन तों अग्गे हवा दे दबाअ दे घटण नाल बूहे बारीआं भज्ज-टुट्ट के खिंड-पुंड जांदीआं हन अते जीव ज़ख़मी हो जांदे हन। बहुत सारीआं मशीनां नुकसानीआं जांदीआं हन। इस हवा दे दबाअ नूं झल्लण दे लोक आदी नहीं हुंदे। सख़त चीज़ां नाल टकरा जां उनहां विच्च वज्जण जां इमारतां उनहां ’ते डिग्गण करके मौतां अते ज़ख़मीआं दी गिणती वध सकदी है। बहुत सारे हमेशां लई अपाहज हो जांदे हन। इह वी संभावना हो सकदी है कि पिछ्छों वातावरणक किआमत, परलो, आफ़त नाल विसफोट दे तुरंत पिछ्छों होईआं मौतां नालों होर वी वधेरे मौतां होई जाण।

अग्गे गीत ममता मोह भरे वरलाप ‘ओधर मेरी नानी रोऊ, एधर मेरी मां’दीआं तरबां टुणकाउंदा है। मेरे बचपन दा यार सदीक बाजवा दा पोता इमतिआज़ बाजवा मैनूं बापू जी कहिंदै। उहदी दादी अंमी नूं मैं भैण (हमशीरा) कहि संबोधत हुंदा हां। जे मेरा कोई भाणजा/पोता फौज विच्च बारडर ’ते लड़दिआं शहीद हो गिआ तां की ओधर एधर इक्को वेले सत्थर नहीं विछणगे? अवश्श विछणगे! नानी/दादी वी रोएगी ते मावां/भैणां वी रोणगीआं। इस वेले पाकिसतानी फौज दा मेजर जनरल मिलटरी ओपरेशन (डीजीऐम्मओ) असीम बाजवा है। जे बाजवे कुनबे विच्च कोई मौत हो गई, वैण एधर ओधर दे बाजवे परवारां विच्च पैणगे। पाकिसतान बणन तों तुरंत पिछ्छों साडा इक्क बाजवा जमाती भरा ख़त लिखदै: ... बज़ुरग सावन सिंघ साहब (मेरे पिता) को मेरी तरफ़ से अदाब अरज़ - अंमां जान को सलाम - और हमशीरा साहिबा को अदाब और सलाम और दोसत बलकार सिंघ (लेखक) और बलबीर सिंघ व बच्चों को असलामा अलैकम कबूल हो - और मेरे वालद साहिब खालू साहिब व चच्चू साहिबान की तरफ़ से आपके वालद साहिब और दीगर बरादरान की तरफ़ से आपके वालिद सहिब दीगर आदमीउं व बच्चों को असलामा अलैकम कबूल हो - चच्चा साहिब सूफी मुहंमद रमज़ान बंबई में गए हूए हैं - बाकी हालात दूसरी चिठ्ठी में लिख्खूंगा - तालीम जारी रख्खणा (तालिब हुसैन बाजवा) - नीज़ मुझे आपकी याद सताती है - बचपन के गुज़रे अफसाने याद दलाती है।

मेरे मित्तर बरैंपटनी प्रो. साधा सिंघ वड़ैच दी कहाणी विछड़े भैण-भरा रिशते दीआं अभुल्ल तंदां जोड़दी है। ज़िल्हा गुजरांवाला दा वासी वड़ैच वंड वेले तिंनां कु सालां दा सी। उह आपणी वड्डी भैण तों विछड़ गिआ जो पाकिसतान रहि गई। उत्थे ही विआही गई। ममता मोह हेरविआं नें किसे हीले-वसीले इक्क दूजे नूं लभ्भ लिआ। इह ओदों तक्क सुनाम नेड़े किसे पिंड विच्च आ वसे होए सन। भैण आपणे पती अते बच्चिआं समेत मिलण सुनाम आई। इक्क परिवार दे अभागे विछड़े इक्क दूजे दे गळे लग्ग रोए अते पुराणीआं यादां ते दुख्ख-सुख सांझे कीते। वीज़े दी मिआद अनुसार भैण-भणूजा मुड़ मिलण दे वाअदिआं नाल आपणे देश मुड़ गए। कुझ अरसे पिछ्छों प्रो. साधा सिंघ वड़ैच वी आपणी भैण-भाईए ते भणेवें-भणेवींआं नूं मिलण पाकिसतान गिआ। उस फेरी दा पूरा हाल उस नें आपणी किताब 'जग्ग जिउंदा-मिट्टी दा मोह' विच्च तड़पावें विसथार नाल दरज कर इक्क इतिहास सिरज दित्ता है। पेश है पटिआला नेड़ले पिंड तरैं दी इनहां नूं मिलण आई इक्क औरत दीआं गल्लां: ... कल्ल्ह वालीआं औरतां `चों इक्क सिआणी उमर दी औरत अगले दिन सवेरे असाडे कोल आ गई ... लग्ग पई गल्लां करन। उह नाल दे पिंड नोंईंकिआं तों सी अते एधरों पटिआले नेड़ले पिंड तरैं तों परिवार समेत उध्धर चली गई सी। उह साडे नाल बड़े मोह अते दरद नाल गल्लां कर रही सी ... मैं 12 वरहिआं दी सां जदों पाकिसतान बणिआ ... साल्ही साहिब उसनूं कहिण लग्गे - दफा हो जा तूं इत्थों, तेरा इत्थे बंदिआं विच्च की कंम ... निडर हो जवाब दित्ता, इह मेरे भरा नें, मेरे वतनों आए नें मैनूं इहनां नूं मिल के तसकीन ते सकून आइऐ ... अखीर उह बाबे साल्ही दी नाराज़गी नां झल्लदी होई छेती ही चली गई ...।

1965 दी जंग वेले भारती फौजां छंभ जौड़ीआं फरंट ’ते चविंडे तों अग्गे अल्हड़ तक्क पहुंच गईआं सन। साडा पिंड गुंनां कलां उत्थों मसीं तिंन कु मील है। मेरे ताए दा पुत्त भरा चविंडे सिध्धू परिवार विच्च विआहिआ होइआ सी। उस दा इक्को इक्क साला केसर सिंघ उध्धर ही रहि गिआ सी। उत्थे उह नमाज़ मुहंमद बण गिआ। उहदा मुंडा मनज़ूर हुसैन डाकटर है अते चविंडे ही प्रैकटिस कर रिहा। उह सारे भाअ नूं बड़े मोह नाल मिले सन। चिरीं विछुंनिआं दे मेल यादगारी हुंदे हन। चंदरी देश वंड नें भैण-भरावां नूं वी वंड दित्ता होइआ। उहदा सौहरे चविंडे नेड़े पिंड खानहरी है। इक्क दिन अचानक बरैंपटन विखे इक्क कलीनक विच सलवार ते लंमे कुड़ते वाला लंमा उच्चा मुसलमान भाई मिल पिआ। सहिवन साहिब सलाम होई। मां बोली नें चुंबकी खिच्च मारी। पुछ्छदै: सरदार जी कित्थों ओं। जदों दस्सिआ कि मैं सिआलकोट दे पिंड गुंनां कलां तों आं, सुणदिआं ही जफ्फी आ पाई। लागे कुरसीआं ’ते बैठे बहु सभिआचारी लोक हैरान होए वेख रहे सन। उह की जाणन साडी भरावां दी पिछोकड़ी सांझ जुड़ चुक्की सी। उह चविंडे तों सी। गुंने उह बाजविआं दे विआहिआ होइआ सी। बेगम नूं कहिंदा: आह मिल, गुंने वाले आपणे बाजवे भरा नूं! बड़ीआं यादां असीं सांझीआं कीतीआं अते मैं किहा - भैणे जदों गुंने गई तां साडी जनमभूमी अते करमभूमी दी मिट्टी दी मुठ्ठी ते पाणी दी इक्क शीशी लई आईं। उनहां बिनां शाइद सवास सरीर विच्चों रुख़सत नां हो सकण! किते सहिकदा ही नां तुर जावां!

वीरनो! गल्ल इत्थे ही मुक्कदी ए। सिध्धू, बाजवे, वड़ैच, संधू, ढिल्लों, विरक, हंजरा, चीमे, चठ्ठे, बराड़, हुंदल, भंडाल, बल्ल, बाठ, बुट्टर, बराड़, भिंडर, औजले, औलख्ख, अटवाल, चाहल, छीने ... सूची बड़ी लंमी है, इनहां सिख्ख, मुसलमान गोतां दी नानी इक्को ही जा निकलदी है। पुराणी कहावत ‘जट्टां दी नानी इक्को’ सच्ची साबत हो जांदी है। इनहां विच्चों जदों वी कोई सरहद्द दे आर-पार मरदै सत्थर विछणगे, वैण पैणगे, जिस नूं गीत बोलदै: ‘ओधर मेरी नानी रोऊ, एधर मेरी मां।’ ओधरों जां एधरों आपणिआं नें आपणिआं दे ई सीने छल्लणे, विंनहणे नें। भरा ही भरा नूं मारेगा। मौजूदा संकट दा इह इक्क बहुता ही वड्डा दुखांत है।

गीत अगली नाज़ुक तरब नूं अग्गे तोरदै: सोचो समझो चक्क बिगानी ’ते ओए चहड़िओ नां ... कौण लड़ाउंदै, किउं लड़दे ओं, जावे गल्ल विचारी। पर लोको! सरहद्द ’ते ताइनात फौजी आपणे आप कदी नहीं लड़दे। उह तां अनुशासत सिपाही हुंदे हन। लड़ाउंदे तां उप्परले कमांडरां दे हुकम हन। उनहां विचारिआं नूं गोली चलाउण दे हुकम मंनणे पैंदे हन। छोटे कमांडरां नूं उप्परले वड्डे कमांडर हुकम चाहड़दे हन। उनहां नूं देश दे प्रधान मंतरी अते सबंधत मंतराला हुकम दिंदै। इह हुकम देश दी रख्खिआ अते लोकां दे जान-माल दी सुरख्खिआ लई दित्ते जांदे हन। आख़र बाहरी हमलिआं तों देश वासीआं नूं सुरख्खिअत रख्खण लई ही हथिआरबंद फौजां नूं सदा तिआर-बर-तिआर रख्खिआ जांदै। कुमार, सिंघ ते खान विचारिआं नूं कौण पुछ्छदै! उह तां अनुशासनबध्धे सिपाही हुंदे हन। उनहां दे वड्डे वडेरे बसरा बगदाद दी पहिले विशव युध्ध विच्च भेजे, लड़दे मर-मिट गए। घरेलू आरथक मंदहाली विच्च रोज़ी-रोटी ख़ातर फौज विच भरती होए सन। मेरा ताइआ बसरे दी लाम विच्च शहीद होइआ सी। अज्ज वी जदों सरकारां शांती वारतालापां अरंभदीआं हन, सरहद्दां ’ते खहड़े कुमार, सिंघ ते खान इक्क दूजे नाल शुभकामनावां वाले इशारे ते संदेशे सांझे करदे हन। जदों गल्ल टुट्ट जांदी है तां नहोरा मारदे हन: जे किते सानूं गल्लबात लई किहा जावे, तां मिंटां विच गल्ल मुका दिंदे।

दूजे पासे, याद रहे वीरनों! अजोकीआं सरकारां राज करन दीआं वधेरे चाहवान हुंदीआं हन, सेवा घट्ट। सेवा दे तां जुमले अते शोशे दागे जांदे हन। कशमीर मसला तां पौणी सदी तों अनेक वारी विचारिआ गिऐ, पर मसला ‘फस गई जान शिकंजे विच्च जिउं कुलाहड़ी गंना’बणिआ पिआ। मसला बहुता ही उलझिआ पिआ। इतहासक तौर ’ते इक्क दे दो कशमीर बणे पए नें। इह मसला कौमांतरी पध्धर दीआं महां शकतीआं दे हितां विच्च वी अड़िआ पिऐ। तां ही हल्ल नहीं हो रिहा। नेड़े दी गल्ल करीए। अहिम सवाल जंगबंदी रेखा दी उलंघण कौण करदा है? दूजे देश विच्च आतमघाती दहिशतगरद कौण भेजदा है? इह दहिशतगरद किस दी चक्क विच मरन मारन लई आउंदे हन। केवल मूलवादी, कटड़वाद, फाशीवादी, फिरकूवादी अंसर ही जंगी महौल बणाई रख्खणा चाहुंदे हन। उनहां दे ढहे चहड़िआ मसले करके ही बरूद दागिआ जा रिहै। इह हल्ल ओदों होणै जदों दोवें देशां दे रहिबर सुहिरद हो इस नूं नजिठ्ठण दा अहिद कर लैणगे। पर इस वेले तां वरदे गोळिआं नें लोकां नूं बळदी दे बूथे दित्ता होइआ।

सच्चाई इह है कि अहिम अड़िके पाकिसतान दी सरकार वल्लों ही डाहे जांदे हन। उहदी जान कई कुलाहड़ीआं विच फसी पई है। प्रधान मंतरी नवाज़ शरीफ़ कई दबावां हेठ है। दुनीआं दीआं वड्डीआं ताकतां दे दबावां तों इलावा, इक्क पासे लोकां वल्लों चुणी होई सरकार, अते लोक हितू परैस्स, लोक अते विरोधी पारटीआं जो सुख्खी-सांदी जिऊणा लोचदे हन। दूजे पासे राज पलटे पिछोकड़ वाली शकतीशाली पाकिसतानी फौज। तीजे पासे आईऐस्सआई अते चौथे नानसटेट ऐकटर मसूद अज़हर, हाफिज़ सयद, सलाहुदीन अते उनहां दे पाले होए दहिशतगरद टोले, जिहड़े भारत विच्च अतिवादी मुजाहदीन भेजण दे मनसूबे तिआर करी ही रख्खदे हन अते भड़काऊ बिआनां नाल बलदी ’ते तेल पाई रख्खदे हन। इस नाल ही उनहां दी चौधर अते होंद काइम रहिंदी है।

ओड़ी हमले वाले फौजी कैंप ’ते हमले पिछ्छों भारती फौज वल्लों कंटरोल रेखा टप्प के कीती गई कारवाई तक्क हर कारवाई देश दी सुरख्खिआ दी है। इस विच्च पंजाब वी शामल है। पंजाब पहिलां वी सरहद्द पार दे दहिशतगरदां दा निशाना बण चुक्का है। दीना नगर थाणे अते पठानकोट एअर बेस वालीआं घटनावां इस दीआं सुलगदीआं, धुख़दीआं घटनावां हन। इस पिछ्छों किसे किसम दी अणगहिली दी गुंजाइश नहीं है, सगों वध्ध चौकसी दी लोड़ है। किउंकि सरहद्द पार तों कंटरोल रेखा ’ते गोली चल्लदी ही रहिंदी है। फिर जवाबी फाइरिंग हुंदी है। हर रोज़ दोहां पासिआं दे सिपाही ते आम लोक मर रहे हन। आम जनता नूं दिन-रात वरहदे गोलिआं, धमाकिआं दी साहड़सती भोगणी पै रही है। जिस करके तनाअ घटदा नज़र नहीं आउंदा अते भारत नूं मजबूरी विच्च बारडरां दी मज़बूती अते अंदरूनी चौकसी होर वधाउणी पैंदी है। बहुती वार मोड़वीं कारवाई वी करन पैंदी है। मजबूरी वस्स इस वेले भारत ‘रख्खिआतमक हमलावरी रौं’ विच आइआ होइआ है।

असलीअत इह है कि पाकिसतान विचले गैरसटेट अंसरां वल्लों पूरे आलम विच्च ख़तरनाक विसफोटक सथिती पैदा कीती होई है। इस संदरभ विच्च पिछले हफते अमरीका दे इक्क प्रतीनिध नें पाकिसतान नूं पहिली वारी दबका मारिआ कि उह आपणे देश विचले दहिशतगरदां दे ख़िलाफ कारवाई करे। जे उस नें कोई ठोस कारवाई नां कीती तां अमरीका दे कमांडो फिर उसे तरहां सिध्धी कारवाई करनगे, जिद्दां उनहां नें ओसामा बिन लादेन दे मामले विच्च कीती सी अते उस दी लाश वी चुक्क के लै गए सन। पाकिसतान नूं इस नाल इक्क कंबणी छिड़ गई। उत्तों भावें पाकिसतान दी फौज अते उस देश दी सरकार इस दबके नूं अणगौलिआ करन दा यतन करे, पर विच्चों उनहां दी घबराहट कई गल्लां तों साफ़ ज़ाहर हो रही है। सच्च इह है कि पाकिसतान लई इक्क गंभीर संकट पैदा हो गिआ है। प्रधान मंतरी नवाज़ शरीफ इस संकट नूं चीन दे हुंगारे नाल जारी रख्खणा चाहुंदा है। इस दबके ’ते तहिरीक-ए-इनसाफ़ पारटी दे इमरान ख़ान नें इक्क वड्डा प्रतीकरम दित्ता है कि जे किसे तीसरी ताकत वल्लों दख़ल दित्ता गिआ तां प्रधान मंतरी नवाज़ शरीफ़ ज़िंमेवार होवेगा। इस अमरीकी दबके दे 24 घंटिआं विच्च उत्थों दी सरकार नें बैंकां नूं हुकम करके दहिशतगरदां नाल सबंधत पंज हज़ार तों वध्ध उनहां खातिआं नूं सील कर दित्ता, जिनहां बारे हुण तक्क उह टालदी आ रही सी। इनहां विच्च मसूद अज़हर दा खाता वी है, जिस नूं भारत नें यूऐन्नओ तों दहिशतगरद करार दिवाउण दा कूटनीतक यतन कीता सी। पर पाकिसतान नें चीन दी मदद नाल रोकिआ सी। पाकिसतान सरकार दे इस हुकम नाल उस नूं मंनणा पै गिआ है कि मसूद अज़हर दहिशतगरद है, जिस नूं बचाउण लई उह हुण तक्क कूटनीतक चालां चल्लदी आ रही सी।

दूजे पासे सरकार वल्लों कीती इस सख़ती करके दहिशतगरदां नें इक्क वड्डा उलट वार कर दित्ता है। पाकिसतान दे सूबे बलोचिसतान दी राजधानी कोइटा विखे इक्क पुलिस अकैडमी ’ते हमला कर दित्ता। इस विच्च 60 तों वध कैडटां नूं मार दित्ता अते 100 तों वध्ध ज़ख़मी कर दित्ते। इस तरहां दी घटना बड़े चिर पिछ्छों वापरी है। पाकिसतान दे दहिशतगरद टोले भारत विच्च ही नहीं सगों पूरे पाकिसतान विच्च मिलटरी केंदरां, सकूलां, मसजिदां विच्च वी कतलोगारत करन तों बाज़ नहीं आउंदे। दहिशतगरदी दी सिखलाई, बरेन वाशिंग वासते बाकाइदा सिखलाई कैंप चलाए जा रहे हन। उत्थे ही नौजवानां नूं जंनत दे सुपने विखा मरन अते मारन लई तिआर कीता जांदा है अते कशमीर अते भारत विच्च भेजिआ जांदा है। सरहद्द पार तों घुस्सपैठ ही असल पुआड़े दी जहड़ है। जे लाईन आफ़ कंटरोल दी उलंघणा दी समेत सबूतां शिकाइत कीती जांदी है तां पाकिसतान मुनकर हो जांदा है। मिसाल वज्जों ओड़ी हमले विच्च भारत दे 19 सैनिकां शहीद करन पिछ्छों जिहड़ी सफ़ल सरजीकल सटराईक भारत नें कीती है, उहनूं वी पाकिसतान सरकार, फौज मुखी मंनण नूं तिआर ही नहीं। भावें पुख़ता सबूत पेश वी कीते गए सन। जिनहां दी अंतरराशटरी मीडीआ नें सैट्टलाईट तों जाणकारी लै के मंन लिआ है। हुणे ही ओदों प्रधान मंतरी नवाज़ शरीफ दी शराफत जग्ग ज़ाहर हो गई जदों आप ही ओड़ी हमले विच्च मारे गए मुजाहदीन दे नावां दे पोसटर शहिर गुजरांवाला विच्च लगा लए।

कोइटा विच्च पुलस अकैडमी ’ते हमला करन वाले दहिशतगरद टोले वरगे पाकिसतान विच्च कई किसम दे टोले फिरदे हन। कुझ टोलिआं नूं पाकिसतान सरकार आपणे मंन के मदद करदी है ते कुझ टोले इहो जिही मदद बंद हो जाण पिछ्छों पाकिसतान सरकार अते पुलस नूं निशाना बणा के कतलां दी झड़ी ला दिंदे हन। हुण उह फिर भड़के होए हन। पाकिसतान दे फौजी कमांडर नें जदों दहिशतगरदीआं विरुध्ध बिआन दित्ता तां सुणन वाले लोक फौज दी भरोसेयोगता तों हैरान हो रहे हन। हुण तां उध्धरे दे शहिरां विच्च जनरल रहील शरीफ़ नूं देश दी वागडोर संभाल लैण दे इशतिहार वी लग्ग गए हन। ... रब्ब भली करे!

इस विच्च वी कोई शक्क नहीं कि पाकिसतान खुद वी आपणे सकूलां, बाज़ारां, मसजदां, अदि ’ते अकसर दहिशतगरदां दे वहिशी हमलिआं दा शिकार हुंदा रहिंदा है। इहो जिही हिंसा दे सनमुख्ख, पाकिसतान इक्क तरीके नाल तरक्की पख्खों पिछ्छे धक्किआ जा रिहा है। की आपणीआं दहिशतगरदी गतीविधीआं करके ही गुआंढी देशां दे सारक संमलेन समें अते पिछ्छों ब्रिकस (BRICS: Brazil,Russia,India,China andSouth Africa) संगठन विच्च उह अलग्ग-थलग्ग नहीं पै गिआ सी। इस दा पाकिसतान दे मीडीए नें बड़े सख़त शबदां विच्च नोटिस लिआ सी। हुण पाकिसतान दी सुपरीम कोरट वी सरकार अते पुलिस शासन नूं चुणौती दे रही है। इह सच्च है कि आईऐस्सआई दे दहिशतगरद गुरप्पां नूं हाली समरथण जारी है। दहिशतगरद गरुप्पां नूं माड़े चंगे वरगां विच्च वंडणा आपणे आप नूं धोखा देणा है। किसे अतिवादी नूं चंगा कहिणा मूरखां दी दुनीआं विच्च रहिण वाली गल्ल है।

गवांढी देश नाल साडे मतभेद हो सकदे हन। उहदी फौज नाल वी हन, पर उस देश विच्च वस्सदे लोकां नाल भारत दी कोई दुशमणी नहीं। समुच्चा भारत हर वेले उनहां दी सुख्ख मंगदा है अते मंगदा रहेगा। मौजूदा हालातां विच्च चोण घमसान विच फसे प्रशासन अते पुलिस नूं सरहद्दां ’ते होर वी विशेश धिआन देण दी लोड़ है किउंकि पाकिसतान दे सरकार पख्खी टोले आपणे देश विच्च वापरे रहे दुखांतां तों संसार दा धिआन हटाउण लई भारत वाले पासे कोई वड्डी घिणाउणी कारवाई कर सकदे हन। उनहां दी मार हेठ आउण वाले ख़ेतरां विच्चों पंजाब सभ तों उप्पर है। इस लई राजसी प्रकिरिआ वल्ल लोड़ींदा धिआन देण दे नाल ही पंजाब दी अमन-कनूंन दी सथिती बारे वी लगातार चौकस रहिणा चाहीदी है।

‘तंग आमद बजंग आमद’ वांग पाकिसतान दे लोक अते पाकिसतान दे कबज़े हेठले कशमीर दे वासी इस जंगजू नीती विरुध्ध विदरोह भरे मुज़ाहरे वी कर रहे हन। भावें गीत हिंद वालिआं नूं इक्क पासे अते दूजे पासे पाकिसतान वालिआं नूं तरला मारदा है पर बारडर ’ते ताइनात फौजीआं विचारिआं नूं कौण पुछ्छदा है। जे दोहां पासिआं दे सिपाहीआं नूं पुछ्छिआ जावे तां उह तां इक्कदम हथिआर सुट्ट जफ्फीआं पाउण नूं तिआर हन। जे किते दोहां देशां दे नेतावां नूं इस बलदी दे बूथे विच्च समां कट्टणा पवे तां शाइद मसला मिंटां विच ही हल्ल हो जाए। मामला इंना सरल नहीं जिंना लग्गदा है। देश दी प्रभूसता दा मामला है, जिस करके किसे वी कीमत ’ते कशमीर बारे कोई सौदेबाज़ी संभव नहीं। दुनीआं दीआं महां शकतीआं दे ‘बैलंस आफ़ पावर’ दुआले सूई घुंमी जा रही है। जे दूजे देश विच्च आपणी फौजी दख़ल दा मामला छिड़दा है तां अमरीका तेअ चीन दे सिंग फस जांदे हन। सिपाहीआं दी हूक है:

इक्क दूजे नूं मारन वाली ओए कदे नईं मुक्कणी वारी;

सोचो समझो चक्क बिगानी ’ते ओए चहड़िओ नां; हिंद वालिओ पाक वालिओ वीरो लड़िओ नां, हाहड़ा लड़िओ नां।

कौण लड़ाउंदै किउं लड़दे ओं जावे गल्ल विचारी; इक्क दूजे नूं मारन वाली ओए कदे नईं मुक्कणी वारी;

आ उड्ड मिलीए दोवें ओए गळ नूं नां फड़िओ बई; हिंद वालिओ पाक वालिओ हां बई लड़िओ नां, हाड़ा लड़िओ नां।

इस लई दोहां पासिआं दा हाड़ा है। ऐटमी शकती दीआं बातां पाउण वालिओ, घर विच्च रोटी-रोज़ी दे मसले हल्ल नहीं हो रहे। याद आ जांदै तेरा सिंघ चंन दे गीत दे बोल ‘तरिआं दे देश ओडण वालिओ, धरती ’ते फुल्ल कोई खिड़दा नहीं, की करोगे चंन ’ते पा आल्हणे, आदमी ’चों आदमी मिलदा नहीं'। इस लई दोहां पासिआं यार तरला मारदे नें:

यारा इक्क मरे यार इक्क रहि जांदा कल्ला; इह ख़ून ख़राबा कदे नईं चाहुंदा राम वाहिगुरू अल्ल्हा।

छेड़ो दिल वालीआं गल्लां ओए ज़हिरां भरिओ नां; ओधर मेरी नानी रोऊ एधर मेरी मां।

हिंद वालिओ पाक वालिओ ओ बई लड़िओ नां, हाहड़ा लड़िओ नां।

दोहीं पासीं, राम वाहिगुरू अल्ल्हा ख़ून ख़राबा कदे नहीं चाहुंदे। हिंद-पाक सरहद्दी झगड़ा असलीअत विच्च दोहां देशां दे लीडर आपणीआं गद्दीआं काइम रख्खण अते लोकां दा जनतक मुद्दिआं तों धिआन लांभे करन लई साधारन लोकां दा घाण करवा रहे हन। उहनां नूं बलदी दे बूथे विच्च दे रहे हन। हिंदू, सिख्ख जां मुसलमानां नें जंगे आज़ादी विच्च इकठ्ठिआं योगदान पाइआ सी। अज्ज असीं उस आज़ादी दा अनंद माणदिआं आपणीआं गद्दीआं काइम रख्खण खातर आम लोकां नूं ज़ात-पात, धरम अते खित्तिआं दे नां ते वंड रहे हन। गदर पारटी दे मैंबरां नूं आपणी मरज़ी मुताबक खाण पीण दी खुल्ल्ह सी पर अज्ज शरेआम कोई की खावे ते की पहिने, दे सवाल उत्ते मनुख्खी जानां लईआं जा रहीआं हन। लोकां नूं भड़का के इक्क दूजे नाल लड़ाइआ जा रिहा है। हिंद-पाकि सरहद्दां उत्ते छाए जंग दे बद्दलां दा विरोध अते इस दे असली कारनां बारे जागरूक होण दा सुनेहा सभ तों अहिम है। किसे कवी दीआं इह सतरां वी इहो हामी भरदीआं हन:

उजड़ने तां बस उजड़णे, कशमीरी अते पंजाबी।

सीमावरती रकबे दे विच्च, खज्जल अते खुआरी।

वारिस शाह ते पूरन सिंघ दा, देश पंजाब बचाईए।

पंजे आबां दी सहुं लग्गे, नहीं लड़ना इस वारी।

आओ! ‘मानस की जात सभै इोको पहिचानवे’ दे होके नाल आपसी भाईचारे ते समुच्ची मानवता वासते अमन, आस अते साहस दा सुनेहा दिंदिआं इह लड़ी समापत करीए।