बाअद दुपहिर दा सैशन शुरू होण वाला सी। सतिनाम माणक खिच्च के मैनूं फिर अगलीआं कुरसीआं ‘ते लै गिआ। इस सैशन दी कारवाई इलिआस घुंमण नें चलाउणी सी। उस नें मैनूं किहा :
‘‘मैं सदारत लई सटेज उत्ते बैठण वाले बंदिआं ‘चों सभ तों पहिलां तुहानूं आवाज़ मारनी है। ऐथे ही रिहो। हुण किधरे जाइओ नां।’’
हुणे ही कीते फ़ैसले मुताबक गल्ल दोहां मुलकां दे पंजाबी अदब बारे होणी सी। भारती पंजाबी अदब बारे निरणेजनक ढंग नाल गल्ल करन लई उस नें मैनूं किसे होर वी पंजाबी विदवान बारे पुछ्छिआ तां मैं डा. रघबीर सिंघ सिरजणा दा नां लिआ। इलिआस घुंमण नें मेरी जाण-पछाण कराई ते मैनूं पहिलां प्रधानगी मंडल विच बैठण लई आखिआ। डा. रघबीर सिंघ, डा. सुतिंदर सिंघ नूर ते अमीन मलिक वी मंच उत्ते सुशोभित होए।
गल्ल दोहां मुलकां दे पंजाबी साहित बारे करन दी थां भारत-पाकि संबंधां, वंड  दे दरद दे भावुक प्रगटावे तक्क ही सीमत हो के रहि गई। डा. रघबीर सिंघ ते  डा. नूर नें ही संतुलित ढंग नाल सबंधित मुद्दे बारे चरचा कीती, नहीं तां चहड़दे पंजाब दे बुलारिआं विचों बहुतिआं दी गल्ल भावुक उलार नाल ओतपोत सी। उह वाघे दी लकीर नूं निंददे। पईआं वंडीआं नूं कोसदे। इह लीकां ते वंडीआं मेट के इक होण लई हाअ दा नाअहरा मारदे। मैनूं उनहां दी भावुकता समझ पैंदी सी पर उनहां दी इस भावुकता दी पाकिसतान विच ग़लत विआखिआ हो सकदी सी। लीकां ते वंडीआं पै गईआं सन। इस दा दोहां मुलकां नूं बहुत नुकसान होइआ सी। पर हुण इह लीकां ते वंडीआं ख़तम नहीं सन हो सकदीआं। वाघे दी लकीर इक हकीकत बण चुक्की सी। जदों साडे लोक अजिहीआं गल्लां करदे हन ते ‘लकीरां मेट के इक होण दी’ गल्ल करदे हन तां पाकिसतान दे लोक, विशेश तौर ‘ते ‘नज़रीआ पाकिसतान’ दे कट्टड़ हमाइती इस नूं वी इक साज़िश ही गिणदे हन जो उनहां नूं प्रवान नहीं। उह इह समझदे अते परचारदे हन कि वंडीआं मेटण दी गल्ल असल विच फिर भारत वलों पाकिसतान नूं आपणे विच विलीन करन ते खा जाण दा ही इक पैंतड़ा है। उह साडे लोकां दे दिल दे सच्चे दरद नूं वी शक्क दी नज़र नाल वेखदे हन। इस लई सानूं वी सुचेत हो के आपणे विचार अजिहे संतुलित ढंग नाल प्रगटाउणे चाहीदे हन तां कि दूजी धिर इस दे ग़लत अरथ नां लै सके। पर साडे बहुते बुलारिआं दी पेशकारी अमोड़ जज़बिआं दे वेग विच वहि जांदी सी।
जदों अंतले बुलारिआं विचों इलिआस नें मैनूं मंच उत्ते आउण दा सद्दा दित्ता ते पंजाबी कहाणी बारे बोलण लई किहा तां मैं निमरता सहित सरोतिआं कोलों ख़िमा मंगदिआं किहा कि पंजाबी कहाणी दा नेड़िओं जाणकार होण दे बावजूद मैं पंजाबी कहाणी बारे गल्ल नहीं करांगा। मेरे साहमणे कुझ होर मुद्दे हन जिनहां बारे मैं आपणा ते आपणे साथीआं दा द्रिशटीकोण पेश करना चाहुंदा हां। असीं संताली दे दरद नूं बड़ा रो लिआ है ते रोंदे वी रहिणा है पर सानूं अत्थरूआं तों पार जा के हकीकत नूं वेखण ते तसलीम करन दी जाच सिख्खणी चाहीदी है। जे असीं दोहां पंजाबां ते दोहां मुलकां विच साहितक, सभिआचारक ते राजसी सबंधां नूं नवीं नुहार देणी है तां सभ तों पहिलां दोहां मुलकां दी अड्डो अड्डरी सुतंतर होंद अते हसती नूं मंनणा ते मानता देणी पएगी। दुनीआ दे नकशे उत्ते भारत ते पाकिसतान दो अलग्ग मुलक हन। सानूं इक दूजे मुलक दी आज़ादी ते ख़ुदमुख़तिआरी दा माण करना होवेगा। इह गल्ल चित्तों भुल्ल जाणी चाहीदी है कि वाघे दी लकीर ख़तम हो जावेगी। नां ही साडा इस लकीर नूं ख़तम करन करवाउण दा कोई मनशा है। जदों साडे चहड़दे पंजाब दे कुझ दोसत अजिहीआं तरल गल्लां करदे हन तां इधरले पंजाब विच उनहां दे गलत अरथ लए जांदे हन। इस नाल साडे उनहां भरावां दे काज़ अते लहिर नूं वी सट्ट वज्जदी है जो लहिंदे पंजाब विच बैठे पंजाबी ज़बान ते साहित लई कंम करन दे नाल दोहां मुलकां विच सांझ ते पिआर दी तंद जोड़न लई उपराले करदे  पए हन। असीं बड़े सपशट हो के इह गल्ल मंनदे अते कहिंदे हां कि वाघे तों एधर तुसीं सुखी रहो, वस्सो, रस्सो, ख़ुशीआं माणो ते उधर असीं तुहाडीआं दुआवां सदका सुखी रहीए। असीं तुहाडी आज़ादी दा सतिकार करदे हां तुसीं साडी दा करो। पर इंज वाघे दी लकीर दे रहिंदिआं वी, अड्डो अड्डो हो के वी, बहुत सारे अजिहे सांझे सूतर हन ; साडी ज़बान दे, साडी सांझी रहितल दे, जिनहां नूं आधार बणा के असीं वाघे दीआं कंडेदार तारां दे उपरों मुहब्बत दा सतरंगा पुल उसार सकदे हां। इस पुल तों जदों गुज़रांगे, वार-वार मिलांगे तां इक दूजे बारे पए भरम भुलेखे वी दूर होणगे ते दूर गए दिल इक दूजे दे नेड़े वी होणगे। विशेश तौर ‘ते नवीआं पीहड़ीआं नूं इनहां सांझे सूतरां तों आगाह कराउण। इह दस्सण दी बहुत ज़रूरत है कि कई वखरेविआं दे बावजूद साडा ‘तल्हा-मूल’ इको ही है।
मैं किउंकि कहाणीकार हां ते मैनूं कहाणी बारे बोलण लई हुकम होइआ सी, इस हुकम दी पालणा तां मैं किसे होर सैशन विच करांगा पर आपणी गल्ल नूं पुशट करन लई मैं तुहानूं इक सच्ची कहाणी सुणाउणी चाहवांगा।
मैं वैनकूवर तों सांनफरांसिसको जा रिहा सां। वैनकूवर तों पहिलां मैं सिआटल तक्क जाणा सी ते उथों सानफरांसिसको लई होर जहाज़ बदलणा सी। हवाई अड्डे दी सारी प्रकिरिआ पार करन उपरंत मैं गेट नंबर ई-6 दे साहमणे पहुंच के कुरसी उत्ते बैठा आपणी फलाईट दी उडीक विच सां। हौली-हौली इक्का दुक्का मुसाफिर आउंदे गए अते कुरसीआं उपर बैठदे गए। शाम साढे कु अठ्ठ दा वकत होवेगा जदों दरमिआने कद्द दा 22-24 साल दा छीटका जिहा नौजवान मेरे नेड़े आ के बैठ गिआ। आपणा बैग मोढे तों उतारदिआं उस नें मैनूं अंगरेज़ी विच पुछ्छिआ, ‘‘नौं वजे फलाईट है पर अजे तक्क एथे एअरलाईन दा कोई आदमी किउं नहीं आइआ?’’ मैं भला की दस्सदा! मुसकरा के सिर हिला छड्डिआ। उस नें दुबारा पुछ्छिआ। ‘तुसीं वी इसे फलाईट ‘ते जा रहे हो?’
मेरी उस नाल गल्लबात करन विच कोई दिलचसपी नहीं सी। मैं ‘हां’ विच सिर हिला के चुप्प कर गिआ।
‘‘रहिंदे कित्थे हो तुसीं सरदार जी’’, ऐतकी उस नें बड़ी ठेठ अते मिठ्ठी पंजाबी विच पुछ्छिआ तां मेरे आपे ते जिवें बंद मुसाम खुल्ल्ह गए। इह तां कोई आपणा ही पंजाबी भरा सी। मैं ख़ुशी भरी हैरानी नाल उहदे वल्ल झाकण लग्गा।
मैं उस नूं आपणे बारे दस्सण लग्गा।
‘जलंधर’ दा नां सुण के उस दीआं अख्खां विच लिशक आई। उस नें दुहरा के पुछ्छिआ, ‘‘अछ्छा! जलंधर रहिंदे ओ तुसीं?’’
साडे दोहां विचकार पिआ आपणा बैग उस नें चुक्क के दूजे पासे रख्ख लिआ ते मेरे होर नेड़े हो गिआ।
‘‘मैं पाकिसतान तों आं। साडे वडेरे वी पिछ्छों जलंधर दे नें। उथे साडा लुहारे दा कंम हुंदा सी। मेरा दादा उह बणाउंदा हुंदा सी जिस नाल असीं फसल कट्टदे आं…’’ उस नें फसल कट्टण वांग हत्थ हिलाउंदिआं किहा, ‘‘उह…हां…दातरीआं ते खुरपे वी’’ उहनूं वडेरिआं दे वतन ते कित्ते दा माण सी।
‘‘तुहाडा इसम शरीफ?’’ मैं पुछ्छिआ तां उहदीआं ख़ुशी विच वाछां खिल गईआं।
‘‘तुसीं उरदू जाणदे हो?’’
‘‘थोहड़ा-थोहड़ा…साडी आपणी…बड़ी अमीर ज़बान है…उरदू।’’
उस दा नां राशिद सी अते उह पिछले चार सालां तों फलोरिडा विच पहड़ाई कर रिहा सी। मापे उस दे पाकिसतान विच ही सन।
मैं पुछ्छिआ, ‘‘अज्ज कल्ल्ह तुसीं कित्थे रहिंदे हो?’’
इक सांझ जुड़ जाण दे बावजूद उस नूं अंदरों लग्गदा सी कि मैं पाकिसतान, इक अजनबी देश बारे की जाणदा हो सकदा हां। इस लई उह थोहड़ा विसथार नाल समझाउण लग्गा।
‘‘साडे उधरले पंजाब विच इक ज़िला है सिआलकोट।’’
‘‘हां‥हां डा. इकबाल वाला सिआलकोट।’’
मैं गुरबखश सिंघ प्रीतलड़ी दा सिआलकोट वी कहिणा चाहुंदा सां पर उस नूं की पता होणा सी।
‘‘तुसीं डाकटर इकबाल नूं वी जाणदे ओ।’’
‘‘किउं नहीं, उह इस बरे-सगीर दा अज़ीम शाइर होइआ है। साडा आपणा शाइर-ए-मशरिक, पूरब दा शाइर।’’
उह ख़ुशी ‘च चहिकिआ, ‘‘हां…हां उसे सिआलकोट ज़िले दा इक निक्का जिहा शहिर है गुजरात।’’
‘‘इह होर होणै। उंज इक तां आपणी सोहणी वाला गुजरात वी है पर उह तां झनां दे कंढे ‘ते है।’’ मैं हस्सिआ।
‘‘कमाल है सरदार जी।’’ उस नें मेरा हत्थ घुट्ट लिआ। जापिआ असीं जिवें इक्को ख़ानदान दे विछड़े चिराग़ उमरां बाअद मिल पए होईए।
जहाज़ विच सवार होण लई आवाज़ पई। निक्का जिहा जहाज़ सी। साडीआं मिंनी बस्सां जिड्डा। मैं गिणीआं। सारीआं बाई सवारीआं सन। एअर होसटैस्स नें किहा, ‘सीट नंबर दा फिकर नां करो, जिथे दिल करदा है बैठ जाओ।’
राशिद इस जहाज़ ‘ते सिआटल तक जा रिहा सी। मसां अध्धे घंटे दा सफ़र। असीं इस थोहड़े समें नूं लेखे लाउणा चाहुंदे सां। नेड़े-नेड़े बैठ गए।
मैं उस नूं दस्सिआ कि मैं पंजाबी दा लेखक वी हां ते पंजाबी दा अधिआपक वी। इह वी दस्सिआ कि असीं इधरले पंजाब विच बाबा फरीद, शाह हुसैन, बुल्ल्हे शाह ते वारिस नूं वी पहड़ाउंदे हां।
इक-इक गल्ल उस लई रहस्स वांग खुल्ल्ह रही सी। उहदे मूंहों अचनचेत निकलिआ, ‘‘सरदार जी! इक हिसाब नाल आपणा तल्हा-मूल तां इक ही होइआ फिर?’’
मैं कुझ पाकिसतानी लेखकां दे नां गिणाउणे शुरू कीते। अहिमद नदीम कासमी, फ़ख़र ज़मां, अशफ़ाक अहिमद, इलिआस घुंमण। उस नूं जापिआ जिवें साडा रिशता परत-दर-परत खुल्ल्हदा ते निख्खरदा आ रिहा है।
‘‘मेरे इक अंकल वी लिखदे नें पंजाबी ‘च, शरीफ कुंजाही।’’
‘‘मैं सुणिआ वी होइआ ते पहड़िआ वी।’’
उस नें चाअ नाल इक होर रिशते दे अंकल दा नां लिआ। ‘‘अनवर मसऊद, तनज़ीआ लिखण वाला।’’
मैं उस नूं लाहौर टी.वी. तों सुणिआ होइआ सी। जदों मैं उस नूं अनवर मसऊद दी उस नज़म बारे दस्सिआ जिस विच इक चौधरी आपणे नौकर नूं सबज़ी चाहड़न लई आखदा है अते नौकर चौधरी दी इछ्छा मुताबक कदी भिंडी ते कदी बैंगण दी तारीफ़ करदा है ते चौधरी दी राए बदली जाण के उनहां ही सबज़ीआं दे विरुध्ध बोलदा है।
‘‘तुसीं तां पोतड़िआं दे जाणू लग्गदे हो।’’
उह मेरे हत्थ ‘ते हत्थ मार के हस्सिआ। फिर बड़ी गंभीर मुदरा विच बोलिआ।
‘‘साडी दादी दी इक सहेली हुंदी सी, जलंधर विच ; कुलवंत कौर। जदों बैठेगी, उहदीआं गल्लां छुह लवेगी। असीं कहिंदे हां ‘अंमा! बड़ी वार सुणी है इह कहाणी, पर उस लई सदा नवीं हुंदी है। सानूं पता हुंदा है। उस नें अग्गों की बोलणा है, किहड़ी तरतीब विच बोलणा है। उह आखेगी, ‘‘कुलवंत ते मैं…बच्चे उहदे मूंहों बोल खोह लैणगे, ‘धरम दीआं भैणां सां।’’ उह फिर आखेगी, ‘साडी इक दूजे दी’…असीं आखांगे, ‘जान विच जान सी’ दादी दीआं अख्खां चमक उठणगीआं ‘‘हां! जान विच जान सी, साह विच साह सन, जदों मेरा निकाह होइआ,…ते फिर अंमां चल्ल सो चल्ल।’’
गल्लां करदा-करदा राशिद इक पल लई रुकिआ ते मैनूं पुछ्छण लग्गा जिवें मैं जाणी-जाण होवां।
‘‘भला कुलवंत कौर जिऊंदी होवेगी?’’
मैं किहा ‘‘हां जिऊंदी है।’’
इस तों पहिलां कि उह होर ज़िआदा हैरान होवे मैं आखिआ, ‘‘कुलवंत कौर उह मुहब्बत है जो दोहां मुलकां दे आम लोकां दे मनां विच हेठां करके इक दूजे लई महिकदी पई है भावें उस दे उत्ते बरूद दी बोअ दी लंमी तहि विछी पई है।’’
सिआटल आइआ तां मेरे तों विछड़न लग्गा लंमा साह लै के राशिद बोलिआ, ‘‘अछ्छा, संधू साहिब।’’
मैं उस दा हत्थ मोह नाल घुट्टिआ।
‘‘अछ्छा! राशिद मीआं।’’
जहाज़ बदल के जदों मैं सांनफरांसिसको लई रवाना होइआ तां राशिद मेरे अंग संग विचर रिहा लग्गा।
विछड़न लग्गिआं मैनूं लग्गा जिवें असीं दोवें मां-जाए इक दूजे तों विछड़न लग्गे होईए। राशिद दे कहिण मुताबक इहो सी साडा तल्हा-मूल। इह मूल आधार है, साडी सांझी ज़बान, साडा सांझा साहित, साडी सांझी तहिज़ीब। इस सांझ नूं असीं मरन नहीं देणा। जे इह अधमोई हो गई है तां असीं मुहब्बत दा पाणी पा के इस नूं टहिकाउणा अते महिकाउणा है अते मोई होई कुलवंत कौर विच मुड़ साह प्राण फूक देणे नें जो साडी सांझी पंजाबीअत दी प्रतीक है। इह तां ही संभव हो सकदा है जेकर असीं मिलीए। मुड़-मुड़ मिलीए ते मिलदे ही रहीए।
जदों मैं सटेज तों उतरिआ तां अगले सोफिआ ‘ते बैठा फ़ख़र ज़मां उतशाह नाल उठिआ ते मैनूं घुट्ट के गल्ल नाल ला लिआ। हस्सदिआं कहिण लग्गा, ‘‘बहुत ख़ूब…आपणी गल्ल वी कहि लई अते आपणी कहाणी वी सुणा लई।’’
असल विच सारे पाकिसतानी मित्तरां नूं बेबाक ते सपशट हो के भावुक उलार तों मुकत होण लई दित्ती मेरी सलाह चंगी लग्गी सी। इंज कट्टड़पंथीआं वलों उनहां नूं भारत दे एजंट आखे जाण वाले मिहणे दा दाग धुपदा सी। उनहां नूं इख़लाकी मदद मिलदी सी। आपणे तुर रिहां दे कदम मज़बूत हुंदे सन।
आपस विच मिलणा ते मुड़-मुड़ मिलणा अते इनहां मिलणीआं दे सबब्ब बणाउणे इस लई तां ज़रूरी सन ही कि सदीआं दी गुंम हो रही सांझी पछाण दी शनाखत कर सकीए ते सांझीआं तंदां लभ्भ के दूर होए दिलां नूं जोड़ीए सगों इस लई वी ज़रूरी सी कि नवीआं बणीआं निज्जी पछाणां वी बेपछाण हो जांदीआं नें जे मिलण दे मौके नसीब नां होण तां। मैं दिल्ली विच दो तिंन वार फ़ख़र ज़मां नूं मिलिआ होइआ सां पर अज्ज सवेरे उह मेरे कोलों बिन बुलाए लंघ गिआ सी। शाइद उस नूं मेरी पछाण भुल्ल गई सी। मैं उस दे चेते विचों विसर गिआ सां पर सटेज तों उतरदिआं उहदी गलवक्कड़ी दा निघ्घ दिल दीआं धुर डूंघाणां ‘चों उमड आई मुहब्बत दा भर-प्रगटावा सी।
इंज ही सवेरे होइआ जदों उदघाटनी समागम शुरू होण समें मैं पहिली कतार विच बैठे जाणूआं नाल हत्थ मिलाउंदा अग्गे वध रिहा सां तां अफ़ज़ल अहिसन रंधावा बैठा नज़र आइआ। मैं उस नूं उतशाह विच भिज्ज के सलाम आखी किउंकि मैनूं बारां-तेरहां साल पहिलां उहदी दिल्ली विच होई मिलणी याद सी। पंजाबी अकादमी दिल्ली वलों करवाए कहाणी दरबार दे पहिले सैशन विच असीं दोहां नें ही आपणीआं कहाणीआं पहड़ीआं सन। दूजे सैशन तों पहिलां चाह-पाणी दे वकफ़े लई असीं सभ लेखक दोसत हाल ‘चों बाहर आ के गप्प-गोशटीआं विच लग्गे सां। मैथों वी गिठ्ठ उच्चा रंधावा मेरे वल्ल वधिआ आ रिहा सी। असीं दोवें इक दूजे नूं सटेज ‘ते सुण चुक्के सां। जाण-चुक्के सां। सानूं किसे दी विचोलगी दी लोड़ नहीं सी। रंधावे नें आउंदिआं ही शेर वांग गरजवीं आवाज़ विच आखिआ।
‘‘आ! हाल दी घड़ी हिंदुसतान ते पाकिसतान नूं पासे कर देईए। रंधावे नूं संधू नाल मिल लैण दे। भरा नूं भरा दे गल नाल लग्ग लैण दे।’’
ते उहने मैनूं आपणी पीचवीं जफ्फी विच घुट्ट लिआ सी।
हुण जदों मैं उस नूं सलाम आखी तां उस दा जवाब बड़ा रसमी सी। शाइद उह वी मेरी शकल भुल्ल चुक्का सी। मैं हौली जिही उहदे कंन विच आपणा नां दस्सिआ तां उहदे जिसम ते विहार विच अचानक तबदीली आई। बरफ़ इकदम पिघल गई। उह मैनूं जफ्फी ‘च घुट्ट के मेरी पिठ्ठ थापड़ी जा रिहा सी ते मेरे कंनां कोल फुसफुसा रिहा सी। ‘‘ओए संधू, तूं तां मेरी जान एं….जान…। मेरी आपणी जान…।’’
साडा मिलणा ते मिलदे रहिणा बहुत ज़रूरी सी तां कि असीं ‘आपणी ही जान’ नूं भुल्ल नां जाईए। उस तों बेपछाण नां हो जाईए।