21. भाणा

किंना चंगा हुंदा

बिमार होणा

बिसतर 'ते पैणा

तपदिआं हफदिआं दे

छावें साह लैण वांग

पिछ्छे उडदी धूड़ नूं

ते अगले राह नूं निहारना

रातीं सुत्ते पए घर दे जीआं दे सहिज ते मासूम चिहरे

नशिआ दिंदे रात नूं

साहां हूंगिआं हटकोरिआ 'चों

छलकदी ए पारदरशी कविता

उपर तणी रिशतिआं दी चादर दीआं

रंगीन डब्बीआं

ते टांवीआं टांवीआं मोरीआं नूं

हुंदा ए गिणन मिणन दा समां

ढोअ हुंदा ए

आपणे आप नूं लागे हो मिलण दा

आपणे मन दी नगनता नूं मानण दा

बिमार होणा

बिसतर ते पैणा

किंना चंगा हुंदा

22. पंछी

पंछी उड लैंदा जद चाहुंदा

सानूं पैण जहाज़ी कजीए

सुहणा घर आप बणाउंदा

असीं सौ सौ मिसतरी सद्दीए

उह सभ करदा ढिड्ड भाउंदा

असीं संगल समाजी बझ्झीए

- - - - - - - - - -

उह - - - - - - - -

असीं - - - - - - - -

- - - - - - - - - -

उह रोम रोम मटकाउंदा

असीं कुहज आपणा कज्जीए

फिर किउं परिंदे दी

आदम तों उते ज़ात नां

एस लई कि ओस कोल

'शबद' वाली दात नां

सौगात नां

23. ज़ीरो

असीं ज़ीरो दा अंक ईजाद करन वाली

प्राचीन सभ्भिअता दे वरतमान हां

सारे पासिआं तों बंद ज़ीरो

साडा मूल मंतर बणके

साडे खून विच ऊंघदी फिरदी है

जां साडे मत्थे अंदर फसी होई है

ज़ीरो किसे वी आकार दी होवे

छोटी जां वड्डी जां बहुत वड्डी

ज़ीरो ही रहिंदी

आपणा मुल्ल कुझ नहीं हुंदा

जिसदे मगर लगदी

उह दस गुणा हो जांदा

चौके मगर लग्ग के

चौके नूं चाली बणाओंदी

साते मगर लग्गके सत्तर बणाओंदी

ज़ीरो दूसरिआं दे मगर लग्गण ‘च ही

आपणी टौहर समझदी

ज़ीरो दा किसे दे मूहरे लग्गण दा

कोई अर੍थ नहीं हुंदा

आपणे ज़ीरो होण दा अहिसास

सुरख्खिअत रख्खण वाले असीं

ज़ीरो वांग

दूजिआं दे मगर लग्गण गिझ्झ गए हां

असीं कदे सोचिआ

कि खब्बे पासे वाले

इक्क चमतकारी हिंदसे दे मगर लग्ग के

वड्डी रकम बणावांगे

खब्बे पासे वाला खुद ही नां रिहा

तां असीं रहि गए इकल्ले छटपटाओंदे ज़ीरो दे ज़ीरो

लंमीआं उदासीआं वाले आपणे बाबे तों

उदासीआं दा वर नहीं मंग सकदे

किओंकि असीं

ज़ीरो वरगीआं गोल प्रकरमा तां कर सकदे हां

उदासीआं ते नहीं चड़ सकदे

आकाश विच अलमसत नहीं उड्ड सकदे

परवाज़ नहीं भर सकदे

उप्प ग्रहि वांग

निशचित गोल धारे विच्च ही घुंम सकदे हां

साडा मार੍ग तां हो सकदा ज़ीरो वरगा

गोल जां इलैपटीकल

जो भूत ओही भविख्ख

पैराबौलिक पाथ बारे नहीं सोच सकदे

सानूं अनंत भविख तों डर लगदा है

24. शहीद ऊधम सिंघ

मैं अकसर विसार दिंदा

सौण वेले कीता

सवेरे जलदी जागण दा

सैर करन दा

प्रण

ते होर किंना कुझ

इक रात दी नींद काफी हुंदी

बंदे नूं कसम तोड़न लई

सहुं सुगंध भुल्लण लई

पर इक्की सालां दीआं

साढे सत्त हज़ार तों वध्ध

रातां दी नींद वी

भुला नां सकी

तैनूं

तेरा

प्रण

समां भर दिंदा जणे खणे दे ज़खम

पर तैं आपणे

ज़खमी दिल अते रूह दे दरद नूं

चाळी करोड़ नाल अजिही जरभ दित्ती

कि ज़खम दे भरन लई

चाली करोड़ दिन-रातां दा समां चाहीदा सी

पर तूं दिनां-रातां नूं

वकत नूं

आपणे ज़खम नूं छूहण दी आगिआ नां दित्ती

आपणे दरद दा इलाज

आपणे हत्थीं

प्रण पूरती नाल कीता

ते तेरे वलों विहले होए

करोड़ां दिनां-रातां दे जोड़िआं कोल

तेरी अमरता नूं गाउण तों बिनां

कोई चारा नां रिहा

25. टीसीआं नूं छुहणा

दुनीआं दी टीसी ते होण दा अहिसास हो सकदा

नीवाणां 'च उतरना

कुदरत दी गोद विच वलीन होणा लग्ग सकदा

पर लग्गणा होणा नहीं हुंदा।

26. भांडा कहे घुमार

मां

तूं काइआनात तों

हवा पाणी मिट्टी दा कण कण लै के

मैनूं जोड़िआ

आपणी देह दे चक्क ते अकारिआ

ते अंदरले सेक नाल पकाइआ

मैं तेरे करके पूरी काइनात दा 'होण' हां

सच्च दस्सां

इक सच्च मोन हो पथरा गिआ मेरे अंदर

पथरी बण चुप्प चाप बैठा है

जिस दे बोलण नाल

जवालामुखी फट सकदे

आ सकदे भुचाल तूफान सुनामी

इस खौफ़ करके

मेरा स्रिशटी नाल रिशता झूठा हो गिआ है

काइनात नालों टुट्ट रिहा हां

जिस तों कण कण लै के

तूं जोड़िआ मैनूं

तूं नहीं चाहेंगी

कि मैनूं मारे

खौफ़-रोग दा सोकड़ा

तैनूं आपणी सच्च-पथरी सच्च सौंप रिहां

दिल करे आपणे कोल सांभ रख्खीं

दिल करे तां

आपणे तरीके नाल

आपणे सलीके नाल

इस दा कण कण

नशर कर देईं सारी काइनात नूं

जिस तों कण कण लै के

तूं जोड़िआ मैनूं

तेरी मरज़ी है

तेरे करके मैं सारी स्रिशटी दा होण हां

27. मामी मरी ते

जिउंदे जीअ मामी तरसेम कोर भुल्ली तां नहीं सी होई

पर उह दा किंना कुछ भुल्लिआ होइआ सी

अज्ज मरी ते याद आइआ

याद आइआ उहदा मां नूं बीबी पाशी कहिणा

उहदा आए प्राहुणे तों

निआणे निक्किआं दा हाल पुछ्छण दा सलीका

याद आए उहदे लंमे पतले हत्थ

घर दे कंम जां सिर दा लीड़ा सुआरदे

उहदा कंनां तों अग्गे तक्क लीड़ा रख्खणा याद आइआ

इह वी याद आइआ कि मामी दीआं बाहवां

कदे वख्खीआं बरोबर सिध्धीआं लमकदीआं नहीं सी देखीआं

खहड़ी गल्लां करदी मामी दे हत्थ वी

इक दूए नूं छूंहदे हुंदे

जां अध्ध जुड़े हुंदे

याद आइआ उहदा नां-घूरना, नां-डांटणा

नां-उच्चा बोलणा, नां-बहिसणा

याद आइआ उहदा तिऊड़ी रहित मत्था

याद आई

उहदे चों नणद जां जिठाणी वाले

लछ्छणां दी गैर हाज़री

मामी अंदरों सस्स कदे नां दिसी सी

मामी कुछ ज़िआदा ही मामी सी

याद आई उहदी निरलेपता सभ रौलिआं तों

उहदी अणजाणता कई आम गल्लां तों

अज्ज मामे नें किहा-

कबीलदारी दे हक्क नूं बड़ी सिआणी सी

तां याद आइआ

आए गए ते मामे दा मामी नूं भोलो कहि के

टिच्चर करन दा दिखावा करना

इह सभ मैनूं किउं भुल्लिआ होइआ सी

जो याद कराउण लई मामी नूं मरना पिआ

28. मुकते

कहिण नूं तां उह वी सिंघ सन

जो बेदावा लिखण बैठे सन

अंम्रित तां उहनां वी पीता सी

पर मुफत पीता सी

कुझ अरपन नहीं कीता सी

जो बिजली कड़की तों कहिण लग्गे-

असीं खुल्हे मैदान तों

असमान तों की लैणा है

वापस पिंजरिआं नूं परतदे हां

कहिण नं तां उह वी सिरदार सन

पर उहनां धड़ां ते सिर नज़र नां आए

लुके होए गुरू दे करज़ दीआं पंडां हेठ

पहिनण नूं ककार तां उहनां वी पहिने सन

जो कहि आए-

असीं तेरे सिख्ख नहीं

पर उहनां कड़िआं नूं

चूड़ीआं नक्क बुल्ल्ह कढ्ढे सन

उहनां कंघिआं ते

कैंचीआं खचरा हस्सीआं हन

चुल्ल्हिआं मुढ्ढ पए चिमटिआं नूं

उहनां किरपानां दे लोहे दी किसमत 'ते

बड़ा तरस आइआ सी

मासूम बालां दे नंगेज़ नूं

उह कछहिरे बड़े अशलील लग्गे सन

ककार तां उहनां वी पहिने सन

गुरू तों बेमुख होए जो

घिर गए

टिच्चरां तरसां शरमसारीआं खचरे हासिआं इलज़ामा विचाले

सिरां ते करज़ दीआं पंडां सन

ऐसा बोझ तां गुरू दे हज़ूर लहिंदा है

सीस भेट करना पैंदा है

ढाब ते गुरू दरबार सजिआ

टिब्बी ते गुरू सशोभत सी

इथे सिरां दी भेट होई

सिरां दे नाल ही लत्था

सिरीं जो करज़ चहड़िआ सी

पर लहिणेदार

कदी करज़े दा कागज़ नहीं गुआउंदे

करज़े दा कागज़ पाटा करज़ मुकत होए नें

तां मुकते होए नें

गुरू गोद दा निघ्घ मिलिआ है

ककार गुरू दा पिआर होए नें

ते चाली उहनां पंजां नाल खलोए नें

जिहनां अंम्रित लई

सीस भेट कीता सी

कहिण नूं तां इह ओदों वी सिरदार सन

जद अंम्रित मुफ़त पीता सी

कहिण नूं तां ओदों वी सिंघ सन

जद पिंजरिआं नूं परते सन

पहिनण नूं ओदों वी ककार पहिने सन

पर गल्ल कहिण दी नहीं हुंदी

गल्ल निरी पहिनण दी नहीं हुंदी

29. जैता जीवन सिंघ

सिख्ख सी जैता

गुरू दे धड़ों लत्थे सोच-सरोत

सीस नूं

किसे राजधानी विच रुळण नां दित्ता।

मोह पुगाइआ

गुरूधानी वल्ल धाइआ।

नेरही नेरह ते हकूमती पहिरे चीर के दस्सिआ

जेतू होणा की हुंदा।

सिंघ बण के जैता

जीवन सिंघ होइआ

गुरू दा लाडला

गुरू दे लाडलिआं संग नित्तरिआ।

कहिंदा गुरू दा आदेश है

बेदिली कूड़ जबर अनिआं नूं

मारन लई लड़ांगा

इह रहिणगे जां मैं रहांगा।

मौत दी बांह 'च बांह पा नच्चिआ

अख्खां 'च अख्खां पा तक्किआ

ओसनूं दस्सिआ

कि सिंघ लई जीवन दा अरथ की हुंदा।

शरम दी मारी

कहे मौत विचारी-

जे तैनूं पसंद नहीं तां

मैं आपणा नां

बदल के शहीदी रख्खां ?

पर मैं

नां जैता नां जीवन सिंघ

नां प्रेमी नां जेतू

नां लाडला नां लड़ाकू

चहड़दी कला तों दूर नाखुश

नांमातर खुश

जां बनाउटी खुश हां

सोचदा कुछ कहिंदा कुछ

ते करदा कुछ हां

बस्स पींदा खांदा

तक्कदा रहिंदा

सहिण करी जांदा

नां की ए ?

नां नाल सिंघ लिखिआ कि नहीं

की फरक पैंदा?

30. झंडा सिंघ अणखी

बाहरले मुलक दा गुरदवारा

झंडा सिंघ अणखी दा भोग

वैराग सोग

रागी गा रहे-

अब की बार बखसि बंदे कउ

अंतम अरदास होएगी-

विछड़ी आतमा नूं चरनां विच निवास बख़शणा जी

उपरंत

शरधांजलीआं भेट होणगीआं

संगतां लेट होणगीआं

झंडा सिंघ दे संगरामीए जीवन ते

चानणे पैणगे

पुराणे साथी अते आगू कहिणगे-

पहिलां हालत होर सी

नसलवाद दा ज़ोर सी

जद एधर आए

रंग नसल भेद बड़े सताए

अणखी 'साब दी अणख जागी

अणखी अखवाए

आपणे लोकां नूं जथेबंद कीता

जलसे जलूसां मुज़ाहरिआ दा प्रबंध कीता

नसलवादीआं विरुध्ध डटे

अड़े लड़े खहड़े

पिछ्छे नहीं हटे

पतवंते बिआनणगे

अणखी 'साब दी सख़शीअत दी बुलंदी नूं

कुझ जाणूं दिलां 'च कोसणगे

माड़ी किसमत औलाद गंदी नूं

मुंडे नें गोरी विआही

दिल दा दौरा पिआ

ऐंबूलैंस आई

मसीं बचाइआ

झंडा सिंघ नूं यारां जचाइआ-

तेरी जान किउं जांदी ऐ

पल्लिओं की गिआ

गोरिआं दी कुड़ी लिआंदी ऐ

मन समझाउण लग्गा

गोरी नूंह दीआं

'सट सरी अकालां' नाल

ज़खम ते अंगूर आउंण लग्गा

इह सदमा जिवें किवें झल्लिआ

पर हफता पहिलां उहदे दिमाग दे

ऐनह विचाले बंब चल्लिआ

बंब दे पलीते नूं

लफ़ज़ां दी तीली डंगिआ

झंडा सिंघ नें पाणी नहीं मंगिआ

लफ़ज़ बेटी दे-

डैडी जा रही हां

आज़ादी नाल आपणी खुशी लई

काळे नाल विआह करा रही हां

अचिंते बाज पए

रागी गा रह