11. भुस्स

मूंगफली चब्बणा

सहिज सुखाला रुझेवां

जीअ लग्गिआ रहिंदा

चंगी है जिउण दी ललक

मूंगफली चब्बण दे भुस्स वांग

मूंहों लाहिआं नां लहिंदी

हत्थों छड्डिआं नां छुट्टदी

मूंगफली दीआं गंढीआं

भांत सुभांतीआं

हलकीआं जां गूहड़ीआं भूरीआं

गोरीआं, कालीआं

कुझ साफ सोहणीआं

कुझ पोटे काळे करन वालीआं

वध्ध घट्ट गिरीआं वालीआं

किसे विच गिरी मोटी गोल

किसे विच बारीक ते झुरड़ीदार

पर मिठ्ठी ज़िआदा

कुझ सिरफ बाहरों मोटीआं

अंदरों बिलकुल खाली

कईआं अंदर भरी हुंदी किरक

पटक्क दी आवाज़ नाल गंढी भंनण दा

ते पोटिआं विच मळ के

पतला छिलका उतारन दा सुआद वी

गिरी चब्बण तों घट्ट नां

पर बुरा लगदा किसे गिरी दा

हत्थों भुड़क परहां जा डिग्गणा

जां छिलकिआं विच रळ जाणा

पहिलां जो अणगौलीआं नकारीआं गंढीआं

अखीर 'च उहनां चों वी गिरीआं भालीदीआं

सभ कुझ मुक्क मुकाउण ते वी

बचे खुचे कूड़े 'चों

जां छिलकिआं 'चों

कोई गिरी मिलण दी बणी रहिंदी झाक

चंगी है ज़िंदगी जिउण दी ललक

मूंगफली चब्बण दे भुस्स वांग

12. मोड़

सिध्धी सड़के चलदी गड्डी दा

हर पिछला टाइर

अगले टाइर दे निशान ते चलदा

मोड़ ते जा पिछला टाइर

छड्ड दिंदा अगले दा निशान

मोड़ जे होवे तिख्खा

जां मुड़ना पै जाए काहली

तां वध्ध जांदा

अगले पिछले निशानां दा फासला

सावीं नहीं रहिंदी

टाइरां ते वज़न-वंड

लाद जे होवे उच्ची

तां उलटण दा वी खतरा

ज़िंदगी जां इतिहास दे मोड़ां वांग ही हुंदे

सड़कां दे मोड़

13. बूहे

मोह मुहब्बत पिआर ममता दोसती

इहनां नाल रिशतिआं दी रिशतगी

बापू – मोह = बुहड़ा

भरा – पिआर = शरीक

पती – दोसती = मरद

पतनी – मुहब्बत = औरत

औरत – ममता = फफेकुटणी

सुक्क जांदे रिशतिआ 'चों पाणी दोसती दे जदों

बण जांदे रिशते

चाबीआं गुआचे जंगाले जिंदरे जड़े बंद बूहे

सदा सदा लई बंद बूहे तां

कंधां ते वाहीआं बूहिआं दीआं तसवीरां

वसदे घरां दे बूहे खुल्ल्हदे रहिंदे

अंदर बाहर नूं जोड़दे

बंद बूहे तां

काहदे बूहे

नां दे बूहे

निरीआं कंधां

बिन बूहे तां कबरां हुंदीआं

बूहे बगैर कोई मकान नां हुंदा

मोह मुहब्बत दोसती बिन

हरिआ भरिआ इनसान नां हुंदा

जिनहां -

दोसती पिआर दे नगमें उगाउणे हुंदे

मोह मुहब्बत दे फुल्ल खिड़ाउणे हुंदे

उह आपणे अंदर दे

आपणे हरिमंदर दे

बूहे चहुं तरफीं खोहल के रख्खदे

मोह मुहब्बत पिआर ममता दोसती

इहनां पाणीआं नूं तां

रिशतिआं दे भांडिआं दी

वी नहीं मुहताजगी

14. कुख्खां 'च कतल हुंदीआं कुड़ीआं

कवी जी,

किहड़े कतल दी गल्ल करदे हां?

पुठ्ठी वगदी हवा नाल

आपणे साह वी जुड़े हन

जे तूं कदी मां दी गाल्ह कढ्ढी है

तां इस कतल दे खिलाफ कविता लिखण दी

कोई लोड़ नहीं

जे कदी भैण दी गाल्ह कढ्ढी है

तां इस कतल दे खिलाफ कविता लिखण दा

कोई मतलब नहीं

जे कदी धी दी गाल्ह कढ्ढी है

तां इस कतल दे खिलाफ कविता लिखण दा

तैनूं कोई हक्क नहीं

कुख्खां अंदरलीआं कुड़ीआं

जद हवा 'च खिलरीआं

मावां भैणां धीआं दीआं गाल्हां सुणदीआं

तां जंमणों इनकार करदीआं

ते ममता मूरतां मावां नूं

साडीआं झूठीआं कवितावां दी बजाए

अणजंमीआं धीआं दी

सच्ची ज़िद अग्गे झुकणा पैंदा

कवी जी,किहड़े कतल दी गल्ल करदे हो?

15. भाई घनई्ईआ

ठंडे मिठ्ठे जल दीआं छबीलां लाउण वाले

जां लंगर वरताउण वाले

किसे सेवक जथे दा

मैंबर नहीं सी भाई घनई्ईआ

भाई घनई्ईआ तां इकल्ला माशकी सी

गुरू दी फौज तों वख्ख सी

पर गुरू दा पिआरा

बहुत पिआरा सिख्ख सी

ते सिख्ख हमेशा इकल्ला हुंदा

इकल्ला सिख्ख ही सवा लख्ख हुंदा

दो सिख्ख ढाई लख्ख नहीं हुंदे

तिंन सिख्ख पौणे चार लख्ख नहीं हुंदे

गुरू नें सीस मंगिआ

तां इक पासिओं इक सीस उठ्ठिआ दइआ राम

गुरू नें फेर सीस मंगिआ

दूजे पासिओं इक सीस पेश होइआ धरम चंद

सीस हमेशा इकल्ला हुंदा

सिरां दीआं तां डारां हो सकदीआं

सीस दा बहु बचन नहीं हुंदा

गुरू नें जनेऊ दे वख्खरे अरथ कीते

भाई घनई्ईआ गुरू दा उपदेश कमाउंदा

ओस आपणी किरपान दे वख्खरे अरथ जाणे

गुरू नें घनई्ईए नूं किरपान सजाउंदिआं

मुसकराउंदिआं

लाड नाल पुछ्छिआ-

की करेंगा एस किरपान नाल

तां भोले भाअ बोलिआ घनई्ईआ-

जदों कोई हतिआरा मेरी जान लैण आएगा

मैं कहांगा-

पिआरे किउं खेचल दिंनां

आपणी दुशमणी दी तलवार नूं

लै फड़ मेरे गुरू दी बख़शी पिआर निशानी

मेरी जान एस दी धार तों जावे

मेरी मौत दा रसता

गुरू दे पिआर 'चों जावे

भाई घनई्ईआ नां क्रिशन सी

नां सरदार घनई्ईआ सिंघ सी

भाई घनई्ईआ तां बस्स

भाई घनई्ईआ सी

आपणे नां नूं आपणे ककारां नूं

आपणे अरथ देण वाला घनई्ईआ

गुरू नूं तां बहुत अज़ीम सी

पर गुरू दी फौज लई तौहीन सी

इकल्ला सी पूरा सवा लख्ख सिख्ख सी

गुरू नाल रब्ब नाल

इक्क मिक्क सी

16. हवा युग्ग

पहिलो पहिल पत्थर युग्ग सी

पत्थर दे औज़ार पत्थर दे हथिआर

फिर तांबा युग्ग आइआ

तांबे दे असतर शसतर बरतन

फिर आइआ लोहा युग्ग

बंदे कोल पैसा होइआ

ते ख़ुद बंदा बड़ा ऐसा वैसा होइआ

गरीब होइआ धनवान होइआ

दसतकार होइआ किसान होइआ

चंगा होइआ मंदा होइआ

कई प्रकार दा धंदा होइआ

वपारी होइआ पुजारी होइआ

लोहे दी मशीन

बंदा बड़ा तेज़ रफ़तारी होइआ

तेज़ रफ़तारी बंदा

युग्गां नूं तेज़ी नाल बदलण लग्गा

सरमाए दा युग्ग गिआन दा युग्ग

कंपिऊटर युग्ग सूचना युग्ग

वगैरा वगैरा

की तुहानूं पतै अज्ज दे युग्ग दा नां की ए?

इह हवा युग्ग है

हवा युग्ग दा बंदा हर वेले हवा ते सवार

मारो मार

किसे दी हवा उच्ची किसे दी हवा खराब

कोई हवा करदा कोई हवा छकदा

किसे दी हवा बंनहीं जांदी

किसे दी हवा कढ्ढी जांदी

हवा नाल शखशीअतां उसरदीआं

हवा नाल अकस विगड़दे

चौंकां विच फलैकस ते छपीआं बूथीआं

हवाखोरी करदीआं

हवा बणाउण लई रत्थ यातरावां

सिखर संमेलन हवा 'च उडदे गुबारे

हवा बदलण लई जन अंदोलन

ते हवा नाल सरकारां बदलदीआं

कालम अख़बार दे

चैनल संचार दे

ते होर साधन प्रचार पासार दे

सारे दे सारे हवा यंतर

हवा नाल चलदा शेअर बाज़ार

नीतीआं मारूथल दे टिब्बे

फैसले रेता ते छपीआं लहिरां

हवा उहनां नूं सथान ते आकार बखशदी

हवा नाल बदलदे फैशन ते रिवाज़

हवा नाल चलदे वाद ते संवाद

हवा नाल कीमतां वधदीआं

ते कदरां घटदीआं

हवा युग्ग दे वासीओ

साह लैण जोगी हवा बचा के रख्खणा

हवा 'च उडणा ज़रूर

पर धरती नाल सपंरक बणा के रख्खणा

हवा नूं ही हवा देई जाओगे

तां हवा नाल सदा लई हवा हो जाओगे

ज़रा बच के

हे मेरे हवा युग्ग दे वासीओ

17. तंग दिली

किंने छोटे दिल लोकां दे

हे भगवान

मैं प्रेशान

प्रेशानी दी थाएं बच्चिआ

मंगिआ कर कि

हे रब्ब सच्चिआ

मैंनूं हिरदा दिउ विशाल

जो नां होइआ करे बेहाल

किसे होर दी तंग दिली दे

कारन

18. मरिआदा

पता नहीं गुरू जी

तुहाडी मौज सी कि मजबूरी

चार सिंघ बुला लैंदे

गैर मज़हब गनी नबी खानां नूं

काहनूं चुका तुरे मंजी

जिस ते आप दी पावन हज़ूरी

पर तुसीं तां दरबार विच्च वी

वंन सुवन्ने कवी कवीशरां नूं

चमलाई रखदे सी

एधर उधर दे गैर मजहबां नूं वी

गाउण लाई रख्खदे सी

पर साडी मरिआदा पक्की

बैठ के गुरू दे कोल

गाउण लई बाणी दे बोल

मरदाने-पुत्तर हत्थ रबाब नहीं

गातरे-किरपान ज़रूरी

असीं रहित पक्की रख्खदे

रहिती हत्थों ही छक्कदे

पूरा परहेज़ करदे हां

पर तुहाडे साहिबजादिआं दा लिहाज़ ते हेज़ करदे हां

आखदे हां कि उहनां दी सिख्खी

वजीदे दे दरबार विच्च

सरहंद दी दीवार विच्च

वी नहीं सी टुट्टी

पर सच्च पुछो उह सिख्खी तां

ठंडे बुरज विच्च ही मोती महिरे बेअम्रितीए हत्थों

दुध्ध पीण नाल गई सी भिट्टी

तुहाडे मूंह नूं अजिहा कहिण तों गुरेज करदे हां

तुसीं बड़ी घौल कीती

असीं मरिआदा अनुसार

उुचेची गौर कीती

माता गुजरी दा नां गुज्जर कौर कीता

माता सुंदरी सुंदर कौर कीती

गुस्सा नां करना

असीं वकत नूं

पुठ्ठा गेड़ चड़ाउणा है

1699 नूं धक्क के

1469 ते पहुंचाउणा है

मरदाने, राए बुलार, बाबे बुढ्ढे

मीआं मीर, भाई गुरदास नूं

गुरू वाले बणाउणा है

पहिलां 24 साला वकफा मिटावांगे

मती सती दास, दिआले नूं सिंघ सजावांगे

बुध्धू शाह, घनई्ईएे, टोडर मल्ल, नूरे माही दी वी

गल्ल सिरे ला के छड्डांगे

भाई नंद लाल सणे 52 कवीआं नूं

अंम्रित छका के छड्डांगे

देखीं, पंथ तेरे दीआं गूंजां…

19. शहीदी दिवस

अज्ज कुवेले उठ्ठिआ हां

छुट्टी है

नौवें पातशाह दे शहीदी दिन दी

उबासी नें चाह नूं 'वाज मारी है

केसी नहावांगा

पिछले ऐतवार नहीं नहा सकिआ

आपणे जंजालां झंजटां झुमेलिआं कारन

केसी नहाउंण तों आपणा सिर चेते आइआ

आपणे सिर तों गुरू दा सीस याद आइआ

जो अज्ज दे दिन उतारिआ सी

हैंकड़ दे दसते वाली हकूमत हत्थ फड़ी

अनिआं दी तलवार नें

पर कट्टिआ सीस हेठां नां डिग्गिआ

नां रुळिआ नां मिटिआ

अंबर ते जा दरशनी होइआ

इतिहास दे अंबर ते

सोचां दे असमान ते

जो राह रुशनाउंदा रहेगा मनुख्खां दा

मनुख्खता दे रहिण तक्क

हुणे मैं केसी नहावांगा

केसां नूं मलदिआं आपणे सिर नाल गल्लां करांगा पिआर नाल

कुझ इस तरहां-

यार तूं वी किसे कंम आइआ कर

दिने मोढिआं ते झूटे ही नां लैंदा रिहा कर

रात नूं सराहणा ही नां मिध्धिआ कर

अज्ज दे दिन गुरू नें सीस दित्ता सी

मैं अज्ज आपणे सिर नाल गल्लां करांगा

पिआर नाल

20. आज़ादी

चिड़ी नें आपणी आज़ादी दी

पहिली जां दूसरी लड़ाई नहीं लड़ी

नां तीसरी लड़नी है

फिर वी चिड़ी गुलाम नहीं

चिड़ी नें आपणी आज़ादी दी

वरहेगंढ जां जुबली नहीं मनाई

नां शताबदी मनाउणी है

फिर वी चिड़ी गलाम नहीं

चिड़ी नूं किसे विरुध्ध बोलण

जां

लिखण दी मजबूरी नहीं

किउंकि चिड़ी आज़ाद है

चिड़ी कदे आज़ादी बारे भाशन नहीं दिंदी

चिड़ी कदे आज़ादी बारे भाशन नहीं सुणदी

नां खोह के खांदी है

नां छुप के पिआर करदी है

गुलामी ते सभिअता दा फरक समझण लई

किसे चिंतन विच नहीं पैंदी

किउंकि चिड़ी आज़ाद है

चिड़ी किंने कासे तों मुकत है

नां कोई ताई

नां भरजाई

नां कोई खुदाअ

नां मदर इन लाअ

सोचदिआं सोचदिआं

साडा वी चिड़ी होण नूं जीअ करदा

पर चिड़ी दी ज़िंदगी तां

घट्ट नहीं दुशवार

सौ कजीए

आंडे आल्हणा बच्चे परिवार

नहेरी झख्खड़ गड़े वरखा मोहलेधार

चिड़ी तों वी पिछे जाणा पवेगा आज़ादी खातर

पिछ्छे तों पिछ्छे

अमीबे तक्क

उस तों वी पिछ्छे

आपणे कुझ वी नां होण तक्क

नां बाबा नां

पिछ्छे नहीं अग्गे ही चलदे हां

चिड़ी एनी आज़ाद नां कि

कुझ होर होण बारे सोच सके

आदमी होण दा सुपना लै सके

असीं कुझ वी होण बारे

सोच सकदे

सुपन सकदे

चलो, आज़ादी नाल

आदमी होणा सोचीए

रब्ब होणा लोची