(पंजाब दे इतिहास दी पद-रूप विच गुरू गोबिंद सिंघ जी दे समें तों लै के गांधी जी दे देहांत तक दी कहाणी ।) पातर बाबा बोहड़-परदे पिछे इक आदमी तिंन चार मुंडे-उमर चौदां पंदरां साल । परदे उते ढाई तिंन सौ साल पुराणे बोहड़ दा इक वासतविक चित्तर । दो मझ्झां चारन वाले मुंडे । इहनां दी टोली दे दो मुंडे कुझ दूर वाली नहर विच नहा के कपड़े पांदे बोहड़ वल नूं तुरे आ रहे हन । इहनां दोहां मुंडिआं दीआं उमरां पंदरां चौदां साल दीआं हन । मुंडा 1 बाबा बोहड़ बाबा बोहड़, साडी टुटी यारी जोड़ । (दोवें आपणे आपणे हत्थां दे अंगूठे मूंह विच पा के चीचीआं जोड़दे हन ।) मुंडा 1 बाबा बोहड़, बाबा बोहड़, साडी टुटी यारी जोड़ । मुंडा 2 बाबा बोहड़, बाबा बोहड़, साडी टुट्टी यारी जोड़ । मुंडा 1 हुण नां इस नूं सक्के तोड़, मौतों उरे चीज़ कोई होर । बाबा बोहड़ सुण लओ, बीबिओ, मैं बहुत निहाल होइआं तुहानूं देख के, रांझे महीवाल तुसीं हो धरती एस दे दो बीबे बाल । तोड़ निभाइओ यारीआं, इक दूजे नाल । तुसीं हो सारे जाणदे नच्चण दी सार, जिनहां तों पै जांवदे हन मात नच्चार । (मुंडे डर जांदे हन । दूजे मुंडे वी इहनां पास आ जांदे हन ।) मुंडा 1 (आ रहे मुंडिआ नूं) आओ यारो नस्स के सभ मेरे कोल, बाबा बोहड़ जे बोलदा मरदां जिहे बोल । बोल रिहा जे आदमी नहीं घुघी कोल, नां ही जिन ते परेत दे इह सुहणे बोल ।

(दूजे मुंडे नस्स के उस दे कोल आ जांदे हन ते इक झुरमट बणांदे हन) बाबा बोहड़ सुणो बीबिओ राणिओं नहीं मैथों डरना मैं नहीं जिंन परेत भरम नां कोई करना । मैं हां बाबा बोहड़ मेरी कोई बहुती उमर नां, तिंन सौ बरसों घट्ट ते ख़बरे कल ही मरना । इस दुनीआं ते, सुहणिओ, नहीं सदा विचरना, जे सौ वरहिआं जीवणा है, फिर भी मरना । मरदां, बोहड़ां, नगरां इह किसे दी धर नां । गल्लां इक दो तुसां नाल जी चाहे करना । (मुंडे इह सुण के दिल धर आउंदे हन ।) मुंडा 1 आहो बाबा बोहड़ा, तैथों किउं डरना? तेरी छावें रोज़ बसेरा असां जे करना, तेरीआं गल्लां सुणन तों सानूं कोई उज़र नां । बाबा बोहड़ तां फिर, बीबिओ राणिओं, लओ बंनह कतार । आए तुहाडी कौम ते हन बहुत वबाल । होर वी अग्गे आउणगे सैंकड़े भुचाल । इक इक करके नच्चिओ जे बोलां नाल । आ जाए एथे, बच्चिओ उह रंग बहार, इंदर दिउता तुसां तों जावे बलिहार । (मुंडे कतार बंन के खलो जांदे हन ते हर दो चार बोलां पिछों इक जणा नच्च के दूजे पासे चला जांदा है ।) मुंडा 2 पहिलों साडा, बाबिआ, पर सुण लै हाल, नस्सांगे फिर तुध नाल असीं घुम्मर चाल । कहिंदे हन इस देश विच तीह चाली साल, पिछे मझ्झां रहिंदीआं सन खूब निहाल । मींह पैंदे सन रज्ज के कोई मोहलेधार, हुंदी सी बरसात कई दिन झंझिआ नाल । घाह पठे दी टोट नहीं सी हाहड़ सिआल, मझ्झां गाईआं चरदीआं सन सारा साल, भिशतां विच लंघांवदे सन मझ्झींवाल दिन इह उमर जवान दे जिहड़े पंज चार । पुत्तर मावां पालदीआं सन दुध्ध घिउ नाल । महीआं नूं वी जाणदे सन मावां हाल । बाबा बोहड़ सच्ची, बीबा राणिआं तुध कही उचार, बदल गए नें देस विच लोकां दे हाल । मुंडा 1 जद होए सन देस दे हाकम अंगरेज़, सुख असाडे उहनां नें दिते सन भेज खबरे किहड़े देस नूं! उहनां दा तेज अगनी वांग सुका गिआ भोइं दे रेज ।

धरती भावें अज्ज वी है सू ज़रखेज़ नहरां खूहां नाल, ते रेलां वी तेज़ कणक कपाह इस देस दी देंदीआं भेज दूर दुराडे दुनी विच जिथे है हेज, ऐपर साडे देस दी इह नवीं सटेज बाझ जवानी, खुल्ह दे जिउं सुंञी सेज । दुध दहीं दी थाउं नें हुण कुरसी मेज़, टुटे नाहीं पिछले, पए होर बंधेज । बाबा बोहड़ गल्लां बीबे राणिआं, हन तेरीआं ठीक पंजां विचों चार, पर पंजवीं तफ़रीक कीतिआं रहिंदा बहुत नां तेरे नज़दीक । सच्च झूठ हो जांवदा जे होए वधीक । मुंडा 3 ठीक होवेगी बाबिआ, तेरी वी गल्ल, असीं वी पर नहीं जोड़िआ इह लल्ल बलल्ल । सानूं जिद्दां दस्सिआ है किसे नें कल्ल दित्ता तेरे पास आ अज्ज असां उथल्ल । नाले असीं वी देखदे हां जद आपणी वल्ल, साडे विचों किहड़ा उह गभ्भरू मल्ल जिसदीआं बाहां विच है अरजन दा बल? देख जे सकदा आप तूं साडे पिंड चल, मन जांदा तूं असां नहीं कुझ किहा अवल्ल । बाबा बोहड़ पहिलों मैं वी मंनिआं इस गल्ल विचार, पंजां विचों सच्चीआं गल्लां हन चार ते पंजवीं वी सुण लओ, ते करो विचार । मुंडा 4 तेरी बाब, सुणन नूं असीं सदा तिआर । बाबा बोहड़ ठीक है तुसीं पंजाबीओ, नहीं उह बलवान, तुहाडे विच नहीं पिछले जिहे मरद जवान, तुहाडीआं बाहां विच नहीं पिछे जिहा ताण । पर कारन इस गल्ल दे तों तुसीं अजाण । मेरीआं नज़रां विच हन उह वी नादान, बापू ताए तुसां दे बाबे सदवाण! मेरे कोलों गुज़रे हन बहु मुगल पठाण, ज़र नजोर ही मुझ नूं है ठीक पछाण । मुंडा 1 दस्सीं, बाबा, एह वी जे गल्ल नहीं रास, हुण नहीं मझ्झां गाईआं लोकां दे पास, जो सन पहिलों अज्ज तों कुझ बरस पचास । हुण नहीं साडे देस विच उह विहल खुलास । बारां वरहे दी उमर विच हो जावण दास, कुड़ीआं मुंडे गरसत विच कर लैंदे वास । कईआं, नूं इस तों वी पहिलों पैंदी फास, देंदे भेज सकूल विच मुणशी दे पास पंज सालां दी उमर विच करके अरदास । समझो मुड़ पै जांवदे हां विच गरभास, उमर अञाणी फिकर इह हो जाईए पास । मुंडा 2 हुण नां साडे पिंड विच मुंडे बलवान, कोई नां फेरे मूंगली, नां मुगदर चाण । होवन वी जे दो चार, तां कोई नां जाण । दसण बुढ्ढे, अध्धखड़, ढल चुके जवान किवें कौडी खेडदे सन मुंडे आण, विच अखाड़े शाम नूं, लंमी ते ढाण । रातां होवण चानणीआं जे फिर तां, जाण, विच कबड्डी छोकरे सभ रात लंघाण । कढ्ढण डंड ते बैठकां, पिंडे मलवाण । लोहे दे सन डाउले, ते बज्जर रान । हुण नहीं भाले लभ्भदे पिंडां विच जवान । मुंडा 1 सानूं वी इह सठ्ठ दिन तद हुंदी विहल, हुंदी विच सकूल दे बरसात तातील । बाबा बोहड़ गल्लां सभ तुहाडीआं मैं सुणीआं, भाई । ठीक शकाइत तुसां दे बुल्हां ते आई । सभ नें एस जहान विच है ताण उठाई किसे वी आपणे लाभ दी नहीं गल्ल जताई । सुण लओ काका धिआन नाल, मेरी अगवाही । दुनीआं विच कसूर हमेशा दूजे दा ही । दुध्ध घिओ इस देस विच बहुतेरा भाई, पहड़न पहड़ावन विच ही तुहाडी भलिआई ।

नहिरां रेलां देस दी काइआ पलटाई । नहीं कसूर अंगरेज़ दा इस विच सारा ही, मरदां वाली रीत जे इस देस भुलाई, मुंडा 1 दस्स ओइ बाबा, दस्स तां मरदां दी रीत, तेरी बाबा, असां नूं पूरी परतीत । बाबा बोहड़ अछ्छा, मैथों सुण लओ जो देखी भाली, पहिलों सुण लओ कथा आपणे वड्डिआं वाली आपे जाओ समझ तुसीं किस गल्लों खाली । मुंडा 2 हां, बई बाबा, सच्च है साडा इतिहास ठीक पिआ है जोड़िआ तेरे ही पास । इस तों आऊ समझ किवें हो सके खुलास साडी सानूं घेरिआ है दुख गरभास । बाबा बोहड़ मेरी उमर जवान सी जिउं धुप्प कड़ाके, सरसे ते सरहंद दे जद होए साके दस्सिआ गुरू गोबिंद सिंघ नें खड़ग उठा के, मरदां दी है रीत माल, धन, बंस गुआ के, बैठ नहीं जांदे कदी उह ढेरी ढा के । मेरे पास गुर सूरमा अटकिआं सी आके, गुज्जरवालों चल्ल के जाणा सी दाखे । पाणी पिआइआ उस नूं मूंह हत्थ धुआ के, आ रहे जटां मलवई सन चहुं तरफ़ों धा के, लशकर उस नूं देण नूं इक नवां बणा के, जे इक लशकर, पिता, चार पुत्त, बीबे काके, आज़ादी दी जंग विच आइआ मरवा के । सुण के सद माही दी मझ्झीं पूछ उठा के, आउण मार दड़ंगे, पाणी घाह भुला के । मेरे हेठां लत्थां सी उह सूरा आ के । पहुंचा बीर सुनेहड़ा उह घर घर जा के । ललतों बदोवाल दे इह जट्ट लड़ाके, आ गए हल छड के ते केसीं नहा के । वीह पंझी तों हो गए हुण कई दहाके । (जट्ट दा मतलब इस वार विच सारे किसान नें, जिवें पंजाब विच राजपूत, जट्ट, अराईं, सैणी, गुजर, कंबो, सभ खेती करन वाले आपणे आप नूं जट्ट आखदे हन) मुंडा 1 साडे पिछों वी कई गए उस दे नाल, असीं वी इक शहीद दी हां बाबा आल । बाबा बोहड़ तुहाडे वडे वी कदी होए सन सूरे, गए गरू दे कोल इक दूजे दे मूहरे । कई छड्डे होणगे कोई कंम अधूरे । इस दुनीआं दे कंम कदे नहीं हुंदे पूरे । सूरे कर कुरबानीआं कदी वी नहीं झूरे । मुंडा 2 बाबा, होर वी दस्स तां कोई गल्ल गुरां दी । तूं हैा खरां सिआणा तैनूं ख़बर धुरा दी । साडीआं पोथीआं विच तां कोई नहीं आंदी गल्ल इहो जिही जंग दी, सूरे जट्टां दी । साडी तां पुसतक केवल एहो गल्ल सुणांदी, इक राजे नें दूसरे नूं कीता पांधी । बाबा बोहड़ बहुत नहीं सी अटकिआ उह सतिगुर सूरा बैठा दो तिंन घड़ी वछा के हेठां भूरा । माईआं आईआं लैण नूं चरनां दा धूड़ा । उस नें किहा ललकार के उह आगू कूड़ा, जिस दा सिख सवैमान विच रहि जाए अधूरा । नहीं घुटाए चरन ओस उह सतिगुर पूरा । मुंडा 3 किधर नूं गिआ सतिगुरू दस्स बाबा फेर । इस कथा नूं सुणदिआं जोश आवे ढेर । किवें लड़े सन मुगल नाल पंजाबी शेर! बाबा बोहड़ मैं नहीं उस दे, बीबिओ, गिआ पिछे चल्ल । एथों उह सिधारिआ सी दाखे वल्ल । ओथों लै के सिंघ होर, सेखों ते बल्ल, वध्ध गिआ जंगल वल जिउं दरिआ दी झल्ल । किसे नां पाई उस नूं आ अग्गों ठल्ल, विच बराड़ां जा रिहा, जोधे परबल । खिदराणे ते आ मिले उह सिंघ मझिआल, जिनहां आनंदपुर खोई सी भल्ल । पर की वधाणी, काका, नां जो देखी गल्ल ।

मुंडा 4 सच्ची हुंदी गल्ल वी है सुणी सुणाई, तेरे वरगे सिआणिआं दी कंनी पाई । जच जांदी है गल्ल विच जे होइं सचाई । बाबा बोहड़ जिथों ताईं देखी ओथे गल्ल मुकाई, सोची ते विचारी मेरी समझ जो आई । झगड़े छड्ड के मज़हबी जे देखो भाई, राजिआं ते रिसानां दी सी इच लड़ाई । मुंडा 1 एदूं पिछली, बाबिआ, कोई होर सुणा । तूं तां देखे बहुत हन उतराअ चहड़ा । साडा ज़िल्हा है मुढ्ढ तों फ़ौज़ां दा राह, जावण जदों लाहौर तों दिल्ली नूं धा, आउंदी साडे नग्गरां ते तदों बला । हुण जे होवे इस तरहां जाईए घबरा । मझ्झां जिहा वड्डिआं दा है सी जिगरा । बाबा बोहड़ ठीक है, भाई, ठीक है, बहु घलूघारे एस देस विच होए हन, इस देस सहारे । जित आसण हम बैठे, कई बैठ पधारे । कहिंदे पहिला आरीआ सतलुज किनारे । आ टिके सन चैन दे कुझ दिवस गुजारे । एस देस विच ब्रहमरिशीआं नें वेद उचारे । कहिंदे हन असकंदर जिस नें राजे सारे, देस अते परदेस दे सन, मार बिडारे, उस दी फौज दी हौसले इथे आ हार । मेरीआं अख्खां डिठे होए पर जो कारे, उही सुणावां तुसां नूं जो आप निहारे । मुंडा 1 हां, बाबा ओहो ही असीं वी सुणने चांहदे हाल जो तेरे साहमणे बीते वड्डिआं दे । किवें साडे पितर सन रण भूम 'च जांदे, मरदे दस दस मार खा के, हस्स हस्स घाउ खांदे, वैरी वी मंन जांवदे उह हत्थ दिखांदे । दस्स सानूं हाल कुझ होर सूरमिआं दे । बाबा बोहड़ एदूं बाद हुण बाज सिंघ दी सुणो कहाणी । अंमि੍तसर दे जिल्हे 'च नगरी बहुत पुराणी, आखण पट्टी मीरापुर, बल्लां दी खाणी । जणिआं जिस नें सूरमा उह धंन सवाणी । पहिला जट्ट पंजाबी जिस नें शाही माणी । उमर सताई साल दी उह सिखर जवानी, पिंडों लै के टुर पिआ वीरां दी ढाणी, शाही आलमगीर दी उलटण दी ठाणी ।

बच्चे गोबिंद सिंघ दे जो उमर अञाणी, चिणे गए दीवार विच रख्ख सिदक रुहानी । बदला लैणा, कर देणी सरहिंद निमानी । मुंडा 2 साडे पिंड पमाल दी ओहो ही आण, बाज सिंघ दी जो सी, सभ बल्ल सदाण । दस्सण साडे पिंड दे सिआणे गुणवान, किवें बाज सिंघ सूरमा लत्थां सी आन साडे वड्डे खूह 'ते कोई दो सौ जवान नाल आइआ सी माझिउं, जोधा बलवान । बाबा बोहड़ खूह तुहाडे तों उठ के उस डेरा लाइआ आ के मेरी छाउं हेठ, मैनूं वडिआइआ । इहनां वीहां पिंडां विच होका फिरवाइआ, आओ जिस नें चल्लणा, है गुरां बुलाइआ, दख्खण विचों चल के इक सूरा आइआ सतिगुरू दा भेजिआ, दे वर वरसाइआ । बंदा गोबिंद सिंघ दा, उस बीड़ा चाइआ, चुक देणा है देस तों ज़ालम दा साइआ, वडे वडे सिंघां दे नाउं हुकम लिआइआ मड़ी मसाणी ढाह के कर दिउ सफ़ाइआ । मुंडा 3 तेरे हेठां आण के बैठां सी उह शेर? तूं तां डाढी किसमत वाला, बाबा फेर । असां नां कोई देखिआ इस देस दलेर, जिहड़ा किसमत बद दा मूंह देवे फेर । बाबा बोहड़ सतिगुरू गोबिंद सिंघ दा रख्खिआ सी बाज़, सुणिआ होऊ, काकिओ,बाज़ां सिरताज । मैनूं जापे इह सी ओहो ही बाज़, पतला जिहा सरीर सी, भारी आवाज़, पुतर सी किरसाण दा, जापे युवराज, हर गल्ल विच सी उस दा इक अजब अंदाज़, कर लै, आख ज़ालमां, चल्लण दा साज़ । मुंडा 4 साडे पिंडां अंदरों किंने कुझ जवान मिल गए उसदे नाल सन कर ससती जान? वडिआं दे सन हौसले चहड़दे असमान । हुण तां साडे पिंड नूं जे मारो छाण, नहीं लभ्भेगा सूरमा जिस दे विच ताण ख़ातिर देस अते कौम दी कढ्ढे किरपान । मुंडा 1 विच साडे देस दे नां दिस्सण सूरे, किउं नां देस बीतिआं समिआं नूं फेर झूरे? बाबा बोहड़ तुहाडे वडे नहीं सन कोई काइर कीर, ज़ुलम अगे सन जाणदे पकड़न शमशीर । चल्ल पए सन बाज़ नाल उह बंन वहीर । वीह आए सन मोहीउं, वीह रुड़किउं बीर । एथों ओथों आ गए जिउं मींह दा नीर । लग गई पिछे बाज़ दे इक फ़ौज कसीर । होईआं तुहाडीआं माईआं सन कुझ दिलगीर, पर लैंदीआं सन बंनह उह छेती ही धीर । तुर पिआ दल सरहिंद वल्ल मंज़िलां नूं चीर । आली माली सिंघ वी दो बाके वीर, लिआए फ़ौज पुआध चों, आ पई सीर । आए राम, तिलोक सिंघ, सिध्धूआं दे मीर । लंघ गए सरहिंद नूं घुट दिल दी पीड़, मिल गए बंदे नाल जा दिली दी नेड़ । मुंडा 1 बंदे दी वी, बाबिआ, कोई गल्ल सुणा, दित्ती जिउं सरहिंद इट्ट नाल इट्ट वजा, लुटिआ किवें सहारनपुर ते साढौरा । नाउं बाबे बंदे दा देंदा जोश चहड़ा । बाबा बोहड़ मैनूं बीबा, पता नहीं किस लुटे शहिर । मैनूं इहनां गल्लां विच नां आउंदी लहर । ज़हर नूं मारन लई वरतणी पैंदी ज़हर, कहर दा बदला लैण नूं आ जांदा कहर । एहों गीत निभांवदा बंदिआं दा दहर, पर बिरछां दे कावि दी कुझ होर है बहर । मुंडा 1 अछ्छा, तूं ही दस्स, जिस तरहां तैनूं भावें । असीं अंञाणे, बहुत वार गलती हो जावे । असां नादानां कोलों, ऐपर तुध जिहे बावे कर देंदे हन मुआफ़ बिठा के ठंढी छावें ।

बाबा बोहड़ हां, जे मैथों सुणनी है तां सुण लओ, लाल औरंगज़ेब नूं गुज़रिआं होए सन साल तिंन चार कुल, किसे दे विच ख़ाब ख़िआल, कदी नहीं सी आई जापे गल्ल मुहाल, चहुं बरसां विच दिल्ली ते लाहौर विचाल वसदे जट्ट इह मूड़ जिहे जिनहां नूं सार की हो सकदी है शकती केडी विकराल हुंदी लोकां विच जे टुट जावे जाल भरम अते अगिआन दा है जिस दे नाल फाथा राजिआं राणिआं, पाखंड पलाल जिस ते पंडित मौलवी पा देंदे पाल धरम अते ईमान दा, लुट्टण दी चाल, इहनां जट्टां आपणे पिंडां तों बाहर पता नहीं सी जग्ग दा, जो हाहड़ सिआल हल वांहदे, खूह जोड़दे ते मझींवाल, इहनां जट्टां उठ के दिल्ली दे नाल लगदा सूबा खोह लिआ, सरहिंद विशाल । है लोकां विच, बच्चिओ, शकती विकराल जे तोड़न अगिआन ते भरमां दे जाल! मुंडा 2 जेकर, बाबा देखिआ तुध बंदा जवान, सानूं उसदा रंग ढंग कुझ करी बिआन । बाबा बोहड़ अठ्ठ दस वरहिआं, बीबिआ इस देस मझार फिरिआ बंदा धाड़दा शेरां दे हाल । अंमि੍तसर तों उत्तरों दख्खण करनाल हाकम होए देस दे सिंघ सांझीवाल । हिंदू मुसलमान जट्ट मिल गए सन नाल । जट्ट जट्टां दे हो जाण कर टालम टाल, हिंदू मुसलमान दा छड्ड देण ख़िआल । मुगलां राजिआं नाल की उहनां दी भिआल । बंदा छोहला जिसम दा, गोरे ते लाल चिहरे उतो टपकदा सी जाह जलाल, मेरी छावें आण के बैठा कई वार । लोड़ पई तां लै गिआ जट्टां दी धाड़, माझे अते मालवे विच पा भुचाल । दो टुक कीता उस नें मुगलां दा माल, दिते दिल्ली ते लाहौर खखड़ी जिउं पाड़ । जिस करके कुझ ख़ालसा हो गिआ बेताल । बाज सिंघ पर फेर वी लग्गा रहिआ नाल । मुगलां दा जद पै गिआ फिर ज़ोर अपार, मर गए शेरां वाकरां नहीं मंनी हार । मुंडा 1 समझे बाबा, असीं वी हुण तेरी गल्ल । विच किरसाणां वसदा, किरसाणा वल्ल । तेरी बहुती है रुची हुण तेरी भल्ल सानूं दिसदी पहिलां दे नालों वी वल्ल । छां ही नहीं देवदां तूं इह ठंढी ठल्ल, दिल विच साडा दरद है तेरे हर पल्ल ।

बाबा बोहड़ सुण लओ एदूं पिछलीआं दुख्खां दीआं सारां । पिछो नादर शाह दीआं जद आईआं धाड़ां, फारस काबल वालीआं भुख्खीआं तलवारां किवें देस ते बरसीआं, गहड़ीआं दीआं मारां जिवें गाउण पैलीआं, कणकां ते जुआरां, तिउं गिलज़ईआं आण विछाईआं सफ़ां कतारां, राजपूत ते मुगल मार के लख्ख हज़ारां । एसे देस दे भगतां नें मुड़ दित्तीआं हारां । मुंडा 2 नादर शाह दी गल्ल वी है बड़ी सुआदी, विच किताबां पड़ी है कुझ अध्ध पचाधी । किवें ओस नूं आदमी मारन दी वादी लै आई सी हिंद विच, एडा अपराधी! बाबा बोहड़ जाणां नादर शाह नूं मैं तैथों वध्ध । की है तेरी उमर? नहीं तीहां दा अध्ध । कीता तेरी सोच नूं इतिहासां रद्द । नादर शाह कोई नहीं सी बेसमझ बद । लोकीं होवण दुखी राज बंसां तों जद, राजे अते अमीर करन जद परजा बध, खावण वाड़ां खेत नूं जद जांदीआं लग्ग, राजे ही जद आपणा खो बैठण तग्ग, छोटे बड़े अमीर फेर नहीं रखदे हद । ओदों लोकीं चाहुंदे कोई दे उलद्द ऐसे राज समाज नूं, नेक होवे बद । नादर शाह वी इस तरहां उठिआ सी तद, कीती इस ईरान विच उलद्द पुलद्द । काबल दे वी लोक मिले उस ताईं वध्ध । पाई हिंदुसतान नें फिर इस नूं सद्द । मुंडा 1 हिंदुसतान 'ते उस नें किउं करी चहड़ाई कीता दुखी जहान नूं, दुनीआं कुरलाई । फौजां दी तां गल्ल नहीं, कतलाम मचाई, दिल्ली दे विच इक रोज़ लख्ख जिंद मुकाई । लुट्ट मार के मुगल दी उह दफ़ा उठाई, हुण तक्क जग नूं याद है उस दी बुरिआई । बाबा बोहड़ मैनूं तां पता है, सुन, बीबा राणा, मारिआ उस जद आण के सी लुदहाणा । कीता सी दो तिंन दिन उस शहिर ठकाणा । चड़िहआ सुबह शिकार नूं संग कुझ जवानां । दाखे ईसेवाल दा जो ढक्क पुराणा, ओथों ताई लै गिआ इक रोज़ सिआणा । मुड़िआ सिखर दुपहरिउं हो के जी-भिआणा । बद्दोवाल दी सड़क 'ते सी उस दा खाणा । मेरी छावें बैठ के लहि गईआं थकाणां । मुंडा 2 पीता तेरे खूह चों होउ उस पाणी । धंन, बाबा तूं, धंन है तेरी ज़िंदगानी । बाबा बोहड़ ओदों उस नूं देखिआ, मैं दित्ती छांव । धुप्पां पाले झल्ल के, रंग है सी शाम । जट्ट सी पहिले तोड़ दा, जोधा वरिआम, जट्टी पेटों जंमिआं, पलिआ विच गाम । भेडां उस नें चारीआं कहिंदे हन आम भेडां वाकर कर लए सन उस नें राम, काबल अते ईरान दे सरदार तमाम । किहड़ा अग्गे उसदे पल करे मुकाम? झब झब मंज़िलां मारीआं सुबह ते शाम । तेग़ मुहंमद शाह दी रही विच मिआन ।

मैं सुणिआ उस शहिर विच कीती कतलाम, ते इस करके हो गिआ हिंद विच बदनाम । खातिउं डर के पशू जिउं विच खूह धड़ाम, डिग्ग पवे इह हाल है लोकां दा आम । लोकां विचों ऊठ के कई नर वरिआम करदे ज़ालिम हाकमां दा कंम तमाम, पर सक्कण नां आपणी वी खिच्च लगाम, वग टुरदे हन उसे ही जो राह हराम । नवां समाज बनाण दी शकती नहीं आम । मुंडा 1 एदूं, बाबा, पिछली वी दस्स कोई बात, तेरी अकल अथाह है, नहीं इस दी हाथ । तेरे कोलों सुणनी अज्ज सारी गाथ, भावें सानूं एथे ही पै जावे रात । मुंडा 2 अजे तां दोपहर ही, धुप्प पैंदी ज़ोर, मझ्झां नावण नहिर विच इह साऊ ढोर । बाबा बोहड़ अग्गों करा बिआन मैं उह घल्लूघारा, मेरीआं अख्खां साहमणे जो होइआ सारा । चहड़दा काबा अज्ज वी कर याद उह कारा । अहिमद शाह अबदाली आइआ मरद करारा चौदां वारी देस 'ते कर मारो मारा । दोही अहिमद शाह दी फिर गई सी यारा, सारे देस पंजाब बदलिआ वरतारा । दिल्ली अते कंधार दा इह चौड़ा पाड़ा, लंघिआं अहिमद शाह मुड़ मुड़ कई वारां दिल्ली पती सी ओस तों कंब रिहा विचारा सूबेदार लाहौर दा बण गिआ मुज़ारा । खा पी लईए जिहड़ा है सोई असाड़ा, रहिंदा अहिमद शाह दा जग आखे सारा । दिल्ली अते लाहौर नूं दंड लाइआ भारा । मरहट्टिआं दा पेशवा जिस मुगल विचारा कीता काबू आपणे, बणिआ रखवारा समझो सारे देस दा लै लशकर भारा आइआ लैण अबदालीए दा वारा सारा । लख्खों ज़िआदा मरहट्टा ते राज दुलारा, सभनां दा जरनैल बणाइआ भा पिआरा, पाणीपत दा मल्लिआ आ उही अखाड़ा, जिथे बाबर मारिआ लोधी नाकारा, जिथे अकबर वड्डिआ हेमूं वणजारा । पर अबदाली साहमणे नां बणिआ चारा । राजपूत ते मरहटे, कर जी करारा, लड़े बहादर सूरमे, कट मरे हज़ारां । हथ रिहा मैदान पर अहिमद दे यारा । सोना रुप्पा देस दा लुट्ट लै गिआ सारा लै गिआ फड़ के सुंदरीआं डारां दीआं डारां, गज़नी हिंदू विक गए फिर विच बाज़ारां । कोई नां सकिआ डक्क उस सिंधू दी धारा, सिंघां सिंझिआं उस नाल कुझ थोड़ा बाहला । काबल नूं जद मुड़ रिहा सी लदिआ भारा, मारन उस दी फौज 'ते शबखून करारां, लुटिआ उस दी फौज दा कई सौ वणजारा, बहुत छुडाईआं उस दी बंदी 'चों नारां । उह वी है सी सूरमा जोधा सचिआरा, बड़ी बहादर कौम है, कहिआ सूबेदारा, आवे इहनां पासों मुशक हकूमत वाला । दूजे साल लाहौर तों फिर गिआ बुलारा, सिंघां नें इस देस दा कर दित्ता उजाड़ा, आ के विच पंजाब दे कोई कर लै चारा । सिंघ सोधण नूं आ गिआ उह अंतिम वारां । सिंघां दीआं पंजाब विच फिरदीआं सन धाड़ां, कठ्ठे हो के खिसकण लग्गे वल पहाड़ां । घेरे विच आ गिआ पर दल ऐथे सारा । बस्स, फिर की मच्चिआ उह घल्लूघारा, भुल्लेगा नहीं खालसा जो बरस हज़ारां । एथे सिंघां सूरिआं वाहीआं तलवारां कट कट सुट्टीआं गिलज़िआं दीआं शफ़ां कतारां । ताकत नहीं सी इतनी पर उहनां विच हालां, नाले हैसन नाल वी निआणे ते नारां । इस लई खाधीआं खूब पठाणां कोलों मारां, दितीआं बहुत शहीदीआं वध वध सरदारां, दस हज़ार कु हो गईआं सन विधवा नारां ।

आला सिंघ सरदार सी बरनाले वाला, दीपक तुहाडी कौम दा उह सद उजिआरा, लड़िआ अग्गे वध्ध के जिउं वग रखवाला, पर घेरे विच आ गिआ नहीं चल्लिआ चारा । मुंडा 1 ओही बाबा आला सिंघ जिस दा पटिआला? फत्तो माई शेरनी दा जो घर वाला? बाबा बोहड़ हां, ओहो ही कैद सी हो गिआ बहादर । फत्तो नारी उस दी लोहे दी चादर । उस दा सारे पंथ विच सी वड्डा आदर । नाले सभ नूं याद सी कलगीधर दा वर । घर तिलोक सिंघ राम सिंघ दा सतिगुर दा घर । लख्ख रुपईआ फत्तो नें झट कठ्ठा लिआ कर, दित्ता शाह नूं तोल के उस कंत बराबर । अहमद शाह वी जाणिआ इह मरद दिलावर, दिल्ली अते लाहौर दा इस नूं काहदा डर! मंन लिआ सरहंद दा भुपिंद उजागर । मुंडा 1 तां ही बुल्ले आखिआ, धन तूं हैं ख़ालक, भूरिआं वाले देश दे कर दिते मालिक । बाबा बोहड़ राजे हो गए देस दे हुण भूरिआं वाले, मुगलां पीते ज़हिर दे भर भर के पिआले । मालिक होए ज़िमी दे हल वाहुण वाले, विच दुआबे मालवे अते माझे सारे, तां ही वडे ज़िमीदार नहीं मिलदे बाहले, इहनां सत्तां अठ्ठां जिलिआं विचकारे । फिर जदों पर सिंघ वी बण गए रजवाड़े, इक इक करके झफ लए उस मरद करारे महां सिंघ सरदार दे रणजीत दुलारे । मुंडा 2 हुण आइआ रणजीत सिंघ सूरे दा वेला । विच पंजाबे गज्जिआ वरिआम इकेला । हुण तक्क याद है देस नूं उह मरद दा चेला । बाबा साडे देस दे अज्ज समां दुहेला, उस जेहा हुण चाहीए कोई मरद सुहेला । बाबा बोहड़ हुण नहीं, काका चाहीए कोई राजा राणा आगू चाहीए देस नूं जोधा अते सिआणा, जिस विच होवे ताण अते बुधी निरबाणा, होइ जाणदा देस लई तलवार उठाणा, ढा के एस समाज नूं इक नवां बणाणा ।

मुंडा 1 अग्गे, बाबा दस्स दे उह दुख कहाणी, किवें देस खो लिआ इक कमला राणी, किवें उस दी अकल ते इक काइर ढाणी, छा गई सी जिनहां नें सी गल इह ठाणी, माण भरी पंजाब नूं कर दईए नमाणी । बाबा बोहड़ मेरे विच नहीं काकिओ, दस्सण दा ताण, दित्ती किवें पंजाब नूं किसमत नें हाण । पहड़नी चाहों ठीक जे, सिआणे नादान, लिख गिआ सोहणे बहर विच इक मरद सुजान, शाह मुहंमद मरद मोमन मुसलमान । ते हन कुझ अंगरेज़ वी तारीख़दान, जिवें कनिंघम लड़े सन जो विच मैदान, उहनां वी कीता है काफ़ी सच्च बिआन, इहनां अख्खां साहमणे मच्चे घमसान, मैं दस्सांगा सोई, सुण लओ नाल धिआन । मुंडा 2 तेरीआं अख्खां साहमणे जो होए जंग, उह वी किहड़ा असां नूं घट्ट करसण दंग । मुंडा 1 लड़िआ जिवें अजीत सिंघ उह शेर निहंग, दस्सीं बाबा खोहल के भावें अफ़रंग हो जाण तुध ते खफ़ा ही तैनूं की संग? बाबा बोहड़ छाउणी सी अंगरेज़ दी विच लुदेहाणे । सतलुज दे इस पार सन जो राजे राणे, करदे गोरे उनां ते सन ज़र सिंगाणे । चुप चुपीते ज़र गए जो घर नूं सिआणे । कई अणखीले शेर सन पर कुझ सवमाणे, अख्खां विच अंगरेज़ दे जिउं रड़कण दाणे । जिउंदा जद रणजीत सी तां रहे ठिकाणे, मोइआ तां फिर घड़ लए सू कई बहाने । ओधर विच लाहौर दे वग गए सन भाणे । संधांवालीए, डोगरे, बेईमान नम्माणे, लग्ग गए रणजीत दे लहू विच निहाणे । नौनिहाल ते शेर सिंघ नूं ला टिकाणे, आपूं किहड़ा बुरछिआं सुख दे दिन माणे? रहि गए विच पंजाब दे नारां ते निआणे । आप मुहारी फ़ौज किसे नूं कुझ नां जाणे । तेज, लाल ते डोगरे दे खोटे ढाणे मथ लए भाग पंजाब दे दरिआ रुहड़ाणे । मुंडा 2 हां, कहिंदे हन दुशमण दे सन नाल उह रल्ले, दस्सण साडी फौज नूं उह ढंग कुवल्ले, तोड़े थां बारूद दी शरिहों दे घल्ले, भाजां पईआं जाण के हो गए दुगल्ले ।

बाबा बोहड़ विच लुधिआणे गोरिआ दा सिपह सालार हैरी साहिब समित्थ सी, वडा जबार । कर लए उसने कैद सन कई बिसवेदार, पा रिहा सी लाडूए वाले ते भार । आ के तद रणजोध सिंघ नें लीती सार । लाए उस नूं हत्थ सन आ के सरदार । एथे होई जंग सी, विच बदोवाल, नस्स गिआ अफरंगड़ा हो बहुत खुआर ओधर पर सी वग गई किसमत दी मार, बेई मानां जित्त तों कर दित्ती हार । मुदक, फेरू शहिर विच बाझों सरकार । रहि गिआ सिंघ अजीत कल्ला बद्दोवाल । घेर लिआ मुड़ आण के गोरिआ दी धाड़ । लड़िआ हो के साहमणा उह बहुतिआं नाल । फ़ौज विचारे कोल सी दो तिंन हज़ार सूरे इहनहां पिंडां दे जिंनहां नूं सार है सी देस अते कौम दी जिंनहां विचकार धड़कण है सी अणख दी अते देस पिआर, वग रिहा सी नाड़ीआं विच छल्लां मार । गिल्ल, धांदरा, राएपुर ते गुज्जरवाल, ललतों, बद्दोवाल ते मनसूर, पमाल, दाखा रुड़का मोही रकबा अते सधार, सिधू, सेखों, गिल्ल, बल्ल ते गरेवाल, लड़े तोड़ के जानां सभ वैरी दे नाल, दिता धरम निभा पर किसमत नें हार, लिख दिती सी देस नूं ताहीं गदार कर दित्ते सन ख़ालसे दे जथेदार । आ गिआ सिंघ अजीत जद घेरे विचकार, लाई वांग कमाण दे तोपां दी वाड़, केसीं नहा के आ गिआ, ते लए खिलार, मोढिआं उते ओस नें, चंडी दी वार पहड़े ते फिरदा दागदा तोपां जिउं, यार, आतिशबाज़ विआह विच गोले अनार । दारू सिक्का दे गिआ जद आख़िर हार, फड़िआ गिआ अजीत देस दा सुच्चा लाल । मुंडा 1 एहो जिहे जोधिआं दी असीं उलाद । सुण के, बाबा, कथा इह आ गिआ सुआद । आवे जोश सरीर नूं, है सानूं साध लीता डर ते काइरता, साडी जाइदाद । रहि गए हल, पंजालीआं, ईरखावाद । बाबा बोहड़ कर रहे तेरे देस नूं, काका, बरबाद, फोका आतमवाद अते अहिंसावाद ।

दुनीआं उते हो रहे जो घोर अपराध, इहनां ताई तदे ही सकोगे साध, वड्डिआं वाली रीत जे रख्खोगे याद । वेखो, बीबा, तुसां दे आबाअजदाद लड़ मरना सन जाणदे छड्ड सुख्ख सुआद । पर जो होई देस विच अठताली बाद, रोणा मैनूं आउंदा है करके याद । किस तरहां पंजाब नूं पै गिआ सुआद तोते वांगू पिंजरे दा काइरवाद किवें रच गिआ इनहां दे विच दिल दिमाग । किधरे वी कमज़ोर नूं नहीं मिलदी दाद, करदा फिरे जहान विच सारे फ़रिआद । मुंडा 1 किवें सथापत हो गिआ अंगरेज़ी राज देस उते फिर हो गिआ इह किवें मुताज, किवें गुलामी हो गई लोकां दा भाग, किवें ग़रीबी वध्ध गई, हो गए अकाज कारीगर किरसाण ते विगड़े सभ साज़ ऐशवरज ते मान दे, नां रहि गई लाज, कर वरनण तूं बाबिआं कर उच्ची 'वाज । बाबा बोहड़ बैठ गए अंगरेज़ जद आ विच लाहौर, विगड़न लग्गे झब ही राणी वल तौर, आई उस नूं होश हुण, कर सभ कुझ चौड़, टुट गिआ जद देश दा अभिआन बलौर! रहि गई लाश पंजाब दी ते उड गिआ भौर । मुंडा 2 असरचज दी, बाबा, नहीं गल्ल इस विच काई, नाल मूरखां इवें ही है हुंदी आई । बाबा बोहड़ चेत सिंघ सरदार दे घर विच कुड़माई सी दलीप सिंघ महाराज, दी भाई । विआह रचाण दी उनहां दे जद मन विच आई, तां विच आ अंगरेज़ नें सी लत्त अड़ाई, महाराज दी उमर है छोटी अधिकाई, नाले असां करवाणी है अजे पहड़ाई । असल विच जो उनहां नें सी बणत बणाई । राणी दी वी समझ विच आई कुझ राई करनी मेरे पुत्त दी की इनहां भलाई, चाहुंदे हन महाराज नूं करना इसाई । मुंडा 3 अछ्छा, मन विच उनहां दे सी इह चतुराई? बाबा बोहड़ इस लई कीता उनहां नें राणी तों वख्ख महाराज नूं रोदिआं राणी दी अख्ख वी डुब्बी विच हंझूआं, हो गई परतख्ख भावी उसदे साहमणे, कीते उस लख्ख रोस, नहोरे, कौण सी पर उस दे पख्ख? कीती नां परवाह किसे नें उस दी कख्ख । मुंडा 1 जिस नें आप गुआइआ, की उस दी रख्ख? बाबा बोहड़ विच हज़ारे चेत सिंघ दा नां इब इक, ऐडवरड अंगरेज़ सी उस डाढा दिक कर दिता सी चेत सिंघ ते उस दे सिख हेठ पठाणां छेड़िआ झगड़ा अणटिक्क । मुंडा 1 एसे करके शेर सिंघ रल गिआ सी नाल मूल राज दे? बाबा बोहड़ जाणदा तूं सारे हाल सोझी वाला जापदा तूं बीबा बाल, मूल राज ते शेर सिंघ पूरा इक साल, लड़े विरुध्ध अंगरेज़ दे सूरमगत नाल पर, बीबा सी, समें दी कुझ ऐसी चाल, नां सके उह देस दी भावीं नूं टाल । मुंडा 2 होइआ सी ग़दर फिर विच उत्तर खंड ओस समें पंजाब नें किउं दिती कंड? बाबा बोहड़ इस विच नहीं बीबिआ, जनता दा दोश, इह सरदार पंजाब दे जिनहां नूं रोस है सी कुझ अंगरेज़ नाल उस लए पलोस ।

राणी सी नैपाल विच, सैंकड़िआं कोस, ते दलीप सिंघ बण गिआ सी टोपी पोश । जनता विच तां बहुत सी उदो वी जोश, पर मरहट्टिआ इध्धर दी नां कीती होश । मुंडा 1 एदूं पिछों किस तरहां हंढिआ पंजाब, कीती इस दी सामराज नें कैसी बाब, इस दा वी तूं दस्स दे कोई ला हिसाब । बाबा बोहड़ हां, पै गिआ पंजाब सी सुण पुठे राहीं, चंगी लग्गी दासता सी इस नूं फाही । जरनैल्लां दे पुत्त हुण बण गए सिपाही, समझ लिआ चपड़ास नूं इहनां नें शाही, आपणे हत्थीं मूरखां आपणी पत लाही । मुंडा 1 नाम धारीआं, बाबिआं, कुझ सूरमगत नहीं सी कीती? खोल के कुझ सानूं दस्स । बाबा बोहड़ नामधारीआं ठीक सी कुझ धोणा धोइआ, पर उहनां नूं अजे नहीं सी चानण होइआ सामराज दा किस तरहां है पुट्टणा टोइआ । मुंडा 3 घट्ट नहीं सी उनहां दी तां वी कुरबानी, भावें है इतिहास नें कुझ घट बिआनी । बाबा बोहड़ ज़ुलम उनहां ते बहुत सी अंगरेज़ां ढाइआ, तोपां अग्गे रख्ख के सी गिआ उडाइआ, गुरू उनहां दा पकड़ के रंगून पहुंचाइआ । जिस दा मुड़ के सूह पता कुझ नहीं आइआ उहनां दीआं शहीदीआं दा चाहीए पाइआ मुल्ल योग, पर अजे नहीं सी वेला आइआ: सामराज दा किस तरहां कट्ट जांदा फाहिआ? मुंडा 2 किहड़े सालां विच सी इह होए साके? बाबा दस्स, हिसाब तूं इह वी कुझ लाके । बाबा बोहड़ सत्तर अस्सी विचलीआं इह हैसण गल्लां, आज़ादी दे शहु दीआं इह पहिलीआं छल्लां । मुंडा 1 बाबा, हाल दलीप दा कुझ होर बिआन किवें खुहा के राज उस कीती गुज़रान । बाबा बोहड़ करुणामई दलीप दी है बहुत कहाणी डरदा हां मैंतों नहीं उह दस्सी जाणी । पहिली इक मेरी गल्ल तुसां धिआनी? मुंडा 3 किहड़ी है सी गल्ल उह दस्स फेर सुणा के, होर वधेरे अरथ तूं उसदे विच पा के । बाबा बोहड़ किधरे वी कमज़ोर नूं नहीं मिलदी दाद, करदा फिरे ज़हान विच सारे फ़रिआद! सी दलीप कमज़ोर अजेहा इक अभाग । कीती घिरणा वतन नूं ला दित्ता दाग़ कुल आपणी नूं सिर मुना पै गिआ सुआद पछ्छम दे जीवन दा खुल्ला अते आज़ाद, जिस नूं उस नें समझिआ, पर नां मुराद सभ कासे तों रहि गिआ खुस्सा सी राज, पर नां मिली अभाग नूं कोई परी नयाद उचे राजा बंस दी कर, वड उदमाद । मुंडा 4 किद्दां होइआ उस दा बाबा निरबाह विच बिगाने देस दे, जिथों दी वाउ नाल वी नहीं सी ओस दा कोई रिशता राह? बाबा बोहड़ राणी जिंदां जा रही सी विच नैपाल, जिउं तिउं कट्टे उस नें उथे कुझ साल है सी उस दा बहुत ही पर मंदा हाल । आइआ फिर दलीप सिंघ जद विच बंगाल चित्ते, हाथी, शेर आदि दा करन शिकार- कलकत्ते विच आण के हो गिआ निहाल- सिंघ सिपाही उस नूं सति स्री आकाल आखण आ परभात ते दोपहर, तरकाल । होइआ फिकर अंगरेज़ नूं तक्क के इह हाल । कीता हुकम दलीप नूं लै मां नूं नाल मुड़ जा इंगलिसतान नूं, नां आप दिखाल सिंघ, पंजाबी किसे नूं नहीं होग खुचाल । लै गिआ दुखीआ मां दुखिआरी नूं वी नाल ओथे जा के जीवी पर उह थोड़े साल । मुंडा 1 बाबा, राणी ओस दे वी मंदे भाग, चाहीए सानूं समझणे सी चशम चिराग़ जिहड़ी शेर पंजाब दी अज्ज बण गई काग । बाबा बोहड़ देखिआ सी रणजीत दा उहने परताप राज भाग दे जाण दा सी पशचाताप उस दे मन विच बहुत ही, करुणा परलाप करदी रहिंदी सदा ही, हो गिआ दिक ताप, झलिआ नां गिआ ओस तों मन दा संताप, लद्द गई रणजीत दे पिछ्छे हुण आप । मुंडा 2 उस नूं, बाबा खा गिआ जनता दा स्राप । बाबा बोहड़ आइआ हिंदुसतान विच हो के मुशताक, जल दी भेटा करन नूं माता दी राख ।

मन विच सी पंजाब नूं देखण दी झाक । पर सी उस तों सामराज वध्ध चतुर चलाक: नदी नरबदा घट्ट नहीं गंगा तों पाक, मुड़ जा एथों, सुहणिआं, नां हो ग़मनाक । मुंडा 3 सुट गिआ उह नरबदा विच मां दी राख? मुंडा 4 सामराज है, बाबिआ, डाढा सफ़्फ़ाक । बाबा बोहड़ मुड़ के इंगसितान वल उस चाले पाए, मिसर देस दे राह विच उस देखण चाहे राज मुनारे फ़रनौलां नें कदे बणाए । पर देखों की उथे भावीं खेल रचाए, मन दलीप दा इक कुड़ी उते आ जाए, जिस दा पिता इतालवी अते मिसरी माए । झट उस नाल दलीप नें आनंद पहड़ाए । ते इक वारी फिर बदकिसमत खुंझा हाए! हुंदी जे उस मत्त तां पैग़ाम पुचाए, है कोई सिख सरदार जो मैनूं कुड़माए? मुंडा 1 हो जांदी जे ओस दी एधर कुड़माई, पीहड़ी तां रणजीत दी चल पैणी साई । बाबा बोहड़ ते नां चुकिआ जांवदा देसों अधिकार, महाराज दे खुन दा तुहाड विचकार हिंदू मुसलिम सिख दी नां पैंदी कार, ते नां रहिंदे सौा तुसीं पूरा सौा साल दिती सी जद बाबिआ नें आण वंगार हो जांदे आज़ादी दे जुध लई तिआर, ते शाइद जित जांवदे भावें दुशवार । है सी ओदों जितणा, पर नहीं मुहाल । नां हुंदी फिर देस दी शाइद दो फाड़ हुण होई है जिस तरहां मैं करां विचार । मुंडा 2 एनी तां असीं बाबिआ नां करीए सोच, सानूं कथा दलीप दी सुणने दी लोच बाबा बोहड़ हुण दलीप नूं हो गई बीते दी सार कीता उस नें वतन दा रुख तीजी वार, मन विच छल्लां मारदा सी देस पिआर । छोटे हुंदे लए सन जो केस उतार, सतिगुरू गोबिंद सिंघ दा लिआ बाणा धार, पछ्छम वाला भेस हुण दित्ता सु उतार । लंघिआं नहिर सवेज़ नूं ख़ुशीआं विच पार, आइआ बंदर अदन दी ते, चाउ अपार । ओथे पलटण सिंघां दी सी कीती ठाहर, मिले आण महाराज नूं कर जै जै कार मुंडा 1 अग्गों दी मैं बुझ लई तीजी वी वार, पहुंच नां सकिआ देस विच साडा सरदार । बाबा बोहड़ मुड़ के एथों जा रहिआ उह इंगलिसतान । औखी हो गई उस नूं करनी गुज़रान । लग्गा पछ्छोताउ मन उसदे नूं खाण । कुत्ता धोबी दा जिवें उस दा नां थान घर विच ते नां घाट विच । वडे अरकान सामराज दे उस नूं तां नां अपणाण, खो बैठा सी देस दा आतम अभिमान, हुण लग्गा उह पिआर फिर वतनां दा पाण, लग्गा एधर चिठ्ठीआं घल्लण घलवाण । रूस देस दे ज़ार नाल कुझ जाण पछाण कीती एसे आस विच कि उस दे ताण शाइद मैं कुझ कर सकां दुशमण दा हाण लग्गा दिल विच कलपना उह बहुत वधाण, लिखिआं खत्त पंजाब दे सरदारां काण चाचे ताए ओस दे, जो वीर सदाण, लग्गा हां मैं रूस 'चों इक फ़ौज लिआण, तुसीं वी शेरो सूत लओ आपणी किरपान । मुंडा 2 ज़ार रूस नें कीता सी कोई इकरार, फ़ौजां उस नूं देण दा? बाबा बोहड़ नहीं बरख़ुरदार ।

दाता एडा किधरला हैगा सी ज़ार! पर की उतर भेजदे साडे सरदार, इह वी सुण लओ, बीबिओ, ते करो विचार । सुण, दलीप सिंघ सुहणिआ, वड्डी सरकार दा तूं पुत्तर खास हैा, ते सानूं पिआर तेरा जग्ग जहान तों है वध्ध अपार । पर हुण हन अंगरेज़ वी साडी सरकार, ते मलका विकटोरीआ साडी मातार, दिल ते जान असाडड़े उस दे वफ़ादार, दिहुं, रातीं हां असीं उस दे जान निसार, देईए उस दे बोल तों असीं जानां वार उस दा रती विरोध वी असीं नहीं सहार सकदे, हो जा, सुहणिआं, तूं ख़बरदार, साथों, उस नाल विगड़ के, तूं कुझ नां भाल, मुड़ जा इंगिलसतान नूं तूं मलिका दे दुआर, जा के मुआफ़ी मंग लै नां ढिल्ल गुज़ार ।' मुंडा 2 सच्चीं, बाबा, आखदे लोकी, सरदार राजे अते नवाब नहीं किसे दे यार । बाबा बोहड़ जाइदाद दे नाल है इहनां दी यारी, वध है मातर भूम तों धन भूमि पिआरी, कर जांदे हन दस नाल इह झट्ट ग़द्दारी, बचदी होवे इस तरहां जेकर सरदारी । आज़ादी दी जंग नां जनता नें हारी किसे देस विच कदे वी, लोकीं, नर नारी, कर दिंदे हन देस तों सभ कुझ बलिहारी, पर उहनां दी अणख दे इह हैन वपारी, राजे ते सरदार, वड्डे राज अधिकारी । चिठी जा के मिली जद उस नूं फिटकारी । वग गई उस दे, बीबिओ, सीने विच आरी । पैरिस शहिर फ़रांस दे विच तेज़ कटारी, मायूसी दी कट्ट गई जिंद उस दी सारी । चिठ्ठी अंतिम गिले दी उस लिख गुज़ारी वल मलका विकटोरीआ है धोखा भारी होइआ मेरे नाल इह, तूं सुण हतिआरी । मैं तां कीती मौत दी दुनीआं दी तिआरी, पर जे कोई सूरमा पंजाब मतारी जंमेगी तां लै लउ मेरी वी वारी । मुंडा 1 सुत्ता साडा देस सी ग़लफ़त दी नींदे, ओड़क पैंदे जाग हन, पर इक दिन जींदे । बाबा बोहड़ इस तों पंझी साल दी हुण ला के छाल, आ जा वीहवीं सदी विच, कई बीबे लाल, भुखे देस पंजाब दे सौ जफ़्फ़र जाल, अमरीका केनैडा पहुंचे मंदे हाल । पर जो उथे जा के होई उहनां नाल, अग्गा पिछ्छा उस नें दित्ता सभ दिखाल । भारत देस ग़ुलाम है, दूजे दा माल, सोझी हो गई उनहां नूं हो गिआ मुहाल उहनां लई भुल जावणा हुण इक ख़िआल! मुंडा 1 हां, ग़ुलाम दा हुंदा है मंदा ही हाल! बाबा बोहड़ तां बीबा, सी उनहां नें कुझ बणत बणाई, सामराज तों देस नूं किउं मिले रहाई, विच अमरीका उनहां नें उह लहिर चलाई जिस दीआं गूंजां देस विच दे गईआं सुणाई । जुआला सिंघ जिहे सूरमे, परमानंद जिहे भाई, हरदिआल जिहे बुध्धी मानां करी कमाई, सुत्ती जनता देस दी इक वार जगाई । मुंडा 4 ग़दर पारटी उहनां सी इस लई बणाई, बाबा तेरी गल्ल समझ मेरी विच आई ।

बाबा बोहड़ उहनां दे विच होर वी सन अणखां वाले, सुण के गल्लां देस दी हेठी दीआं छाले पै गए सीने उनहां दे, उहनां नूं नाले, देख नहीं सन भाउंदे अमरीका वाले, कढ देण दे हो रहे सन पल पल चाले, नवें वहड़न नहीं देवणे इस देस 'च काले, लोक, इह साडे अरथ नूं पा देण खुचाले लै के घट्ट मज़दूरीआं, ते टालम टाले होर वी उहनां लए सन घड़ कई निराले, आपणे आओ जहाज़ विच चहड़ जे ऐडे काहले! मुंडा 2 गुरदित्त सिंघ नें तां ही कौमा गाटा मारू लै लिआ सी जापान तों दे कीमत भारू? बाबा बोहड़ हां, ते ओस जहाज़ विच चहड़ हिंदुसतानी ते पंजाबी गए सन, कैनेडा थाणी उतरन दित्ती नां उनहां पर कोई ढाणी, होई बहुत विचारिआं दी ओथे हानी । मुंडा 1 ग़दर पारटी दा बाबा कर कुझ बिआन । सानूं उहनां जोधिआ दा कुझ चाहीए गिआन । बाबा बोहड़ मेरे छोटे वीर सन उह ग़दरी बाबे, देस आज़ादी लई जिहनां नें बेहिसाबे कीते वड्डे वारने, ते विच पंजाबे सुतिआ नूं दिता जगा, करतार सराभे । फांसी नूं गल्ल पा लिआ जिउं हार गुलाबे, भविआं सूरा किस तरहां सतलुजों चनाबे, माझे ते मालवे ते विच दुआबे! धरती अते असमान दे मिल जाण कुलाबे । जेकर देस पंजाब नां पिआ रहिंदा ख़ाबे । मुंडा 2 गूहड़ी नींदर विच पर सुत्ता सी देस इस नूं नहीं पछाण सी विच दुशमण ख़ेश । बाबा बोहड़ वीहवीं सदी दा चौधवां चहड़िआ सी साल, यूरप दे विच छिड़ पिआ सी युध विकराल, लड़ पई जरमन कौम सी अंगरेज़ां नाल, वंडण उतों आपस विच मंडीआं दा माल । जाणिआं ग़दरी बाबिआं हुण मुआफ़क हाल मुड़ चलीए विच देस दे कढ देईए बाहर सामराज दे भूत नूं, हो जाए सुखाल । चोरी इक ज़हाज़ विच माई दे लाल लै के कुझ हथिआर वी उह आपणे नाल, चल पए हिंदुसतान वल शेरां दी चाल । आ के विच पंजाब दे पा देण भुचाल, पर सरदारां साडिआं नें उहनां नाल ओवें कीती जिस तरहां पंझी तीह साल पहिलां नाल दलीप दे पाखंड पलाल नाल कढाइआ हुकम इह चहड़ तख़त अकाल इह नहीं सन दसमेश दे, इह पतत पराल, जिनहां दे मन इस तरहां दा देस पिआर, सच्चे सिंघ नूं चाहीहे अंगरेज़ां नाल घिउ खिचड़ी हो के रहे बण के हिक्क दा वाल । मुंडा 3 चहड़िआ फ़ांसी किस तरहां करतार सराभा, दस्स ज़रा कु खोल्ह के तूं सानूं बाबा । बाबा बोहड़ बहुत कहाणी ओस दी है नहीं उजागर, मैं वी उस नूं सकिआ नहीं हुण तक्क कठ्ठा कर, पर तूं एनी समझ लै उस वीर बहादर, शाहपुर ते फ़ीरोज़पुर, लाहौर, पेशावर ताईं फ़ौज़ां गठ्ठीआं कर देण निछावर आपा आपणे वतन तों ते कढण बाहर सामराज अंगरेज़ नूं जिस नूं आपणा घर संभलना सी हो रिहा औखा, पर कायर जिउंदे हैसन वतन विच, उहनां दिता कर ख़बरदार अंगरेज़ नूं, करतार दिलावर फड़िआ गिआ फ़िरोज़पुर मेरा मन आइआ भर! मुंडा 1 अग्गों, बाबा, जाणदे हां असीं अञाणे, फ़ांसी उस नूं ला दिता पापी जरवाणे । बाबा बोहड़ मेरे हेठां खेडिआं कई वारी आके उह कबड्डी मझ्झीआं नूं छाउं बिठा के ।

मेरा सी पड़पोतरा, टाहणां ते चा के बहुत खिडाइआ उस नूं मैं चाउ मना के । शैशन जज्ज नूं सूरमा वंगारे, आखे झबदे हुकम सुणा तूं, घर जा सुणा के, असीं वी जाईए किसे कोल गल फ़ाही पा के ते मुड़ आ के जंमीए, लड़ झगड़ा पा के, ते फिर आ वरताईए संगरामी साके, जिहड़े नहीं वरता सके, रहे धोखा खा के । मुंडा 2 बाबा इथे बस कर नां नैण डुबा एस तरहां विच हंझूआं, कोई होर सुणा । बाबा बोहड़ होर वी किहड़ी बीबा, है हासे दी हीर! मैं तां समझा उस दा ही सी छोटा वीर, जिस दे फुल्ल अते असतीआं सतलुज दा नीर, रोंदा रोंदा लै गिआ सागर दे तीर । मुंडा 3 उह सी कौण जो जापदा उतना ही पिआरा, तैनूं जितना इह सी तेरा करतारा? बाबा बोहड़ उस दी वी तूं सुण लवीं जद मौका आवे, हुण सुण जिहड़े भाणे देस उते वरतावे सामराज जरवाणा जद युध जित के आवे । पोते ते पड़पोतरे मेरे ही बावे, तुरकी अते फ़रास विच गए नाल बुलावे, कुझ जिउं रीत वडेरिआं, कुझ भुख दे हावे । अग्गे मेरे पुत्त दे नां पैर टिकावे, जरमन, तुरक जां दूसरा, उह जिध्धर जावे, दुशमण दीआं पालां कची कंध जिउं ढावे । मुंडा 4 ठीक है, बाबा, युध दे विच सूरमताई सदा ही साडे वड्डिआं है बहुत दिखाई । बाबा बोहड़ पर नां कदर अंगरेज़ नें उहनां दी पाई । युध पिछ्छों जद देस नें आ मंग जताई, आज़ादी दी जिस लई सी होई लड़ाई, कहिण मुताबक उनहां दे, जिस विच लुकाई, दा होइआ सी नास, बंदिआं लख्खां दा ही, तां फिर झट जरवाणिआं नें अख्ख बदलाई । अग्गों फिर पंजाब वी सी नहीं हलवाई दा कुत्ता जो खा खा के हुंदा मोटा ही । सारे देस पंजाब विच मच गई दुहाई, किधरे किधरे हो गई कुझ हिंसा भाई । इस उते अंगरेज़ नें उह अत सी चाई, लोकां उते कर दित्ती हर थां कड़काई अंम्रितसर विच पापीआं इह धौंस जमाई पत्थर दा बुत्त खड़ी जो विकटोरीआ माई, उसदे अग्गों लंघदे दी शामत आई, पहिलां करे डंडौत ते फिर अग्गे जाई । इहनां ही वारां दे विच विसाखी आई । जल्लिआं वाले बाग विच सी जुड़ी लुकाई, हत्थ नहीं सी किसे दे कैंची वी काई । आ के डाइर नें मशीन वड्डी लगवाई, तहड़ तहड़ वरखा गोलीआं दी ओस वरहाई । चारे पासे कंध सी, नां रसता काई जिधर कोई जाइ के लए जाण बचाई । कई हज़ार पापी नें परलै वरताई । की दस्सां, काका, मेरे विच शकती नाहीं । मुंडा 1 मच गिआ होऊ देस विच सारे कुहराम, बाबा, एडे ज़ुलम दा की हुंदा नाम? बाबा बोहड़ सामराज दे, काकिआ, इह लछ्छण जाण । पर उठिआ सी इस समें इक पुरख सुजान, गांधी जी गुजरात दा इक बुधीमान रोदें उस पंजाब दी अख्ख पूंझी आण, ते फिर सारे देस नूं करवाइआ गिआन, होए नां किरपान जे चुक्कण दा ताण, तां वी छड्ड नां बैठीए आतम-अभिमान नां मिलवरतण सामराज दा करसी घाण, उस नाल वणज घटा दिओ, लओ पक्की ठाण, औखा होऊ उस लई जद नफ़ा कमाण तां फिर साडे नाल कुझ समझण समझाण आपे करसी, इह सी उस दा विखिआन । मुंडा 2 एवें ही होई है, बाबा, पिछों बात, गांधी जी दी अकल दी की पाईए हाथ! बाबा बोहड़ पर इह सौदे जोधिआं नूं कदी नां भांदे । लाभ इहनां दे उतले ही हन लोक उठांदे । अग्गों नफ़ा कमाण नूं दोवें रल जांदे, पूंजी पति परदेस दे, नाले देसां दे । भगत सिंघ जिहे सूरिआं नूं नहीं सुखांदे, चाले इह वणजारिआं पुतरां चतरां दे । मुंडा 1 अछ्छा हुण मैं समझिआ किउं अख्ख विच नीर आइआ सी ते हो गिआ सी तूं दिलगीर, सूरे सिंघ करतार दा इह छोटा वीर, भगत सिंघ सरदार सी जोधिआं दा मीर ।

बाबा बोहड़ भगत सिंघ पड़पोता सी पिआरा मेरा ही, कला ओस नें देस विच डाढी वरताई, दिल्ली विच कानूंन दी संमती विच जाई, बंम सुट्टिआ उस नें नां मारन ताईं, जरवाणे नां झोली चुक्क किसे नूं, भाई । उस नें तां चेतावनी सी इउं करवाई सामराज नूं समें नें करवट बदलाई, हुण वी जाओ समझ जे नहीं शामत आई । मुंडा 4 पर कहिंदे हन, बाबिआ, उस मार मुकाइआ, अफ़सर इक अंगरेज़ सांडरस नाम सदाइआ, जिस लई उस नूं पकड़ के सी फाहे लाइआ सामराज दे निआइ नें, साका वरताइआ । बाबा बोहड़ इह है सच जां झूठ मैनूं ख़बर नां काई पर आज़ादी देस पिआर दी जिनहां लड़ाई लड़ी है उहनां नूं इह कीमत देणी आई, चाहे दोसी होवे चाहे निरदोसा ही, इस दी अग्ग विच जिंद दी अहूती पाई बिनां नहीं छुटकारा भगत सिंघ दी भाई, सांडरस जिहे इतिहास विच नां होण गवाही । सांडरस अते भगत सिंघ विच की समताई? मुंडा 1 ठीक आंखे तूं बाबिआ, बंदे दा मुल्ल, उस दी करनी नाल है किउं जाईए भुल्ल? मुंडा 2 मैं सुणिआ गांधी जी नें लाइआ सी ताण, फांसी तों बच जाए भगत सिंघ दी जान । पर अरविन नां मिंनआ विच राज अभिमान । बाबा बोहड़ सामराज दा मुढ्ढ तों है इह वरतारा, देस भगत नूं आखदे डाकू हतिआरा । तेग बहादर नाल की होइआ सी कारा? गोबिंद सिंघ दे लाल वी चिण विच दीवारां समझिआ सी जरवाणिआ, जितिआ जग सारा । इसे तरहां अंगरेज़ नूं कद लगे पिआरा, भगत सिंघ जिहा सूरा मेरा बीर दुलारा? मुंडा 1 होइआ सफ़ला किस तरहां कौमी संगराम, एदूं अग्गे चल, बाबा दस्स तमाम । बाबा बोहड़ मेरी, बीबा, कथा हुण हो गई तमाम, सफल वी होइआ है कि नां कौमी संगराम हाले नहीं मैं जाणदा, इह आखण आम, तेल अते इस दी धार नूं देखो फिर दाम देवो इस दा सोच के । जोधे वरिआम जिहड़े इस संगराम विच गए अगले धाम, उहनां नूं मैं लै लवां विच आपणी साम, पर जो हाली विचरदे हन एस मकाम, उहनां दा मैं परखदा नां रूप नां नाम । जाओ, बीबा, हो रही है हुण तां शाम, मैं वी करना चाहुंदा हुण कुझ आराम । मुंडा 1 मझां, मितरो, कढ लओ हुण नहिरों बाहर, लै चलीए हुण घरां नूं इह डंगर डार, बाबा, मत्था टेकदे असीं नाल पिआर, कल फिर हाज़र होवांगे तेरे दरबार ।