आखदे नें आपणे भावें सत्त समुंदर पार वी जा वसण पर जदों किते वेले दे झख्खड़ यादां दी अटारी दा भित्त धक्को ज़ोरी खोल्ह देण तां अपणिआं दे हसदे रसदे मुखड़े अख्खां सांहवें आण के कलोल करन लग्ग जांदे नें। अपणी जद्द नसल दी तां गल्ल ही वख्खरी ए। इक्क पिओ दादे दी अनस भावें किते वी जा वस्से, भावें किसे वी धरम दी धारन विच्च तुलदी रवेह पर मेरे मानजोग मित्तर इहसान बाजवा होरीं आखदे नें, यार धरम बदलिआं लहू दा गरुप तां नईं बदलदा, अपणिआं दा हेज नईं घटदा। ओहो ई गल्ल मेरे नाल होई जदों लाहौरों नारोवाल जांदिआं मैं इहसान बाजवा दे पिंड गख्खड़वाली तों उहनां नूं अपणे नाल गड्डी विच्च बठाइआ तां उह गड्डी विच्च बैहिंदिआं सार ही मैनूं आखण लग्गे, यार अज्ज तेरी गल्ल कैनेडा वसदे इक्क होर पंनूं नाल करवा दिआं। होर पंनूं नाल! मैं हैरानी नाल बाजवा होरां वल्ल वेखिआ। उह आखण लग्गे, आखो मैं ठीक आखणां। तेरी गल्ल अज्ज चहड़दे पंजाब दे इक्क नामी गरामी जट्ट पंनूं किरपाल सिंघ होरां नाल कराण लग्गां। बाजवा होरां दे मूंह तुं इह गल्ल सुनण दी देर सी पई मेरे मन अंदर रीझ दी चंगिआड़ी चमकां मारन लग्ग पई। मैं उहनां तुं किरपाल सिंघ पंनूं होरां दा टैलीफ़ोन लिआ ते ओके कर दित्ता। दूजे पासिउं किरपाल सिंघ पंनूं होरां दी डाढी मिठ्ठी अते मनठार ’वाज सुणदिआं ही मैनूं धुर अंदर तीकर ठंढ पै गई अते मेरे सरीर दा इक्क इक्क लूं अपणी जद्द नसल दे हेज दी पींघ झूटण लग्ग पिआ। किरपाल सिंघ पंनूं होरां दी मिठ्ठी बोली विच्च गुझ्झे पिआर भरे बोल सुणे तां इंज लग्गा जिवें कोई अंम्रित रस दे कटोरे भर भर मेरे मूंह विच्च पाई जांदा होवे। मेरा दिल कीता पई किरपाल सिंघ पंनूं होरीं मेरे साहमणे होण तां मैं उहनां नूं इंज पिआर दे कलावे विच्च लवां पई मुहब्बत दे बाग़ साडे मनां अंदर खिड़ पैण अते मैं ओनहां नूं कलावे विच्चों ओदों तीक नां छड्डां जदों तीक संताली दीआं सारीआं नफरतां मुहड़का बण के साडे सरीरां विच्चों चो नां जाण।

किरपाल सिंघ पंनूं होरां दे पंजाब, पंजाबी अते पंजाबीअत बारे कीते कंम कार अते ख़ास कर के कंपिऊटर बारे उच्च गिआनी होण दा माण हासिल करन बारे जदों मैनूं इहसान बाजवा कोलों पत्ता लग्गिआ तां फ़ख़र नाल मेरा सिर दो चप्पे उच्चा हो गिआ।

आखदे नें अपणी अनसा चिड़ीआं कावां नूं वी पिआरी हुंदी ए। अपणी रत्त किते वी होवे उहदे बारे जाण के सरीर नूं इक्क वख्खरा आनंद जिआ आ जांदा ए अते अख्खीआं अंदर उडीक दी ताणी तणी जांदी ए। इह सिक्क मेरे दिल अंदर उना तीक उडीक दा इक्क झाटला बोहड़ बण के ठंढी छां दे लोरे दिंदी रवेहगी जदों तीक मैं किरपाल सिंघ पंनूं होरां नूं सच्ची मुच्ची मिल के गल्लां दी डांझ नईं लाह लैंदा। मैनूं भरवीं आस ए पई किरपाल सिंघ पंनूं होरीं अपणे दरशन कराण लई लहिंदे पंजाब दी फ़ेरी छेती लाणगे। बंदा लख्ख विछड़िआ होवे पर भरा भरा ही होंदे नें अते सिआणे सच्च ही आखदे नें-भरा भरावां दे अते चिच्चहड़ कांवां दे।

बैरिसटर चौधरी अनवारुलहक्क पंनूं

96-Q-Sabzazar Lahore,

Pakistan

# 0092-3007768357