साडी उमर दे यार बेली सिरां ’ते बसते, फट्टीआं रख्ख सकूल जांदे हुंदे सन। सकूल दूर-दूर हुंदे। किसे करमां वाले दे पिंड ही सकूल हुंदा। सकूल जांदे-आउंदे मौसमी फलां नूं भालदे, तोड़दे, खांदे, खेडदे तुरे जांदे। दुआबा अंबीआं वाला इलाका है। मुंडे खट्टीआं-मिठ्ठीआं अंबीआं दा आनंद माणदे। एदां हौली-हौली पहड़दे गए। इनहां विच्चों कोई फौज विच्च चला गिआ, कोई मासटर बण गिआ, कोई पुलिस विच्च, कोई ... अते कई सरकारी नौकरीआं विच्च लग्ग गए। समें दे फेर नाल नब्बविआं विच्च विदेशां विच्च जाण दा रुझान बहुता ही वध गिआ। फिर पिछ्छे ही उनहां दे बज़ुरग वी आई गए। ‘अक्क कक्कड़ीआं दे फंबिआं’ वांग उड्डिआ कोई पछ्छम वल्ल, कोई यूरोप वल्ल, कोई असटरेलीआ पहुंच गिआ। जिहड़े अमरीका/कैनेडा आ डिग्गे उनहां दी संगत दा मौका बहुता मिलिआ है। 1947 दी हिंद-पाकि वंड वेले मैं छेवीं विच्च पहड़दा सी। साडी आरज़ी अलाटमैंट खंना/अमलोह नेड़े पिंड शाहपुर विखे होई सी। इत्थे सैटल हुंदे सार ही बापू नें होर कुझ करन तों पहिलां सानूं नेड़े मिडल सकूल सलाणे दाखल करवा दित्ता। सकूलों मुड़दिआं असीं पहे तों थोहड़े हटवें खेतां दुआले बेरीआं तों बेर झाड़दे, बसते ते जेबां भर पिंड वल्ल तुरे आउंदे। बेर खांदे, खेडदे पिंड लेट जिहे ही पहुंचदे। बचे होए बेर वेख घरदे पुछ्छदे तुसीं पहड़न गए सी जां बेर झाड़न? कैनेडा रहिंदिआं इक्क नविकले जिहे रूप विच्च गारडीअन वेअर हाऊस विच्च कंम करदिआं हर हफते जदों चैक्क मिलदा तां बेर झाड़ जेबां, बसते भरन दा समां चेते आ जांदा। इत्थे कंम करदे पंजाबी यारां दोसतां नाल हस्सदिआं खेडदिआं कंम दा कोई बोझ महिसूस नां हुंदा। माड़े मोटे विहल विच्च जां बरेक विच्च खूब खुंड चरचे छिड़दे ते रौणकी महिफलां सजदीआं।

इत्थे कंम करदे 80% ठेठ पेंडू पंजाबी सन। इनहां विच्चों बहुते बाबे सन। पर कंम नूं सारे ही तकड़े ते छोहले। कंम दा कोई बोझ महिसूस नां करदा। इनहां दी बोल-बाणी विच्चों पेंडू लहिज़ा ते मुहावरा डुल्ल्ह-डुल्ल्ह पैंदा। गल्लां करदे इह खुंडां ’ते बैठे बुहड़िआं वरगे ही लग्गदे। उसे तरहां दीआं टिच्चरां, घतित्तां, कहाणीआं ते टोटके सुणींदे। कंम करदिआं, बैठिआं-खलोतिआं, चाह पाणी पींदिआं निज्जी सुभाअ अनुसार हर कोई गल्लांबातां दी पटारी खोल्ही रख्खदा। इस महौल विच्चों पेंडू मजलसां दीआं झलकां पैंदीआं। निक्के-निक्के हासे मज़ाक दी शुरलीआं कोई नां कोई एधरों-ओधरों छड्डदा ही रहिंदा।

कारड पंच करदे इक्क दूजे नूं सति स्री अकाल, गुड्ड मारनिंग कहि सभ आपो आपणे कंम संभाल लैंदे। रुटीन दे ही छोटे-छोटे कंम हुंदे। कंम करदे फिरदे दोसत इक्क दूजे नाल चिहरिआं दे हाव-भाव बहुती वारी हाल-चाल पुछ्छ दस्स जांदे। कंम दौरान गल्लां दी पूरी मनाही सी। बिनां कंम दा हरज कीतिआं बाई इक्क दूजे दे कंनां विच्च कुझ नां कुझ कहिंदे सुणदे ही रहिंदे। फलाइर मिकस करदीआं बीबीआं इक्क दूजी कोलों परिवार दा हाल-चाल पुछ्छिआं बिनां रहि नहीं सन सकदीआं। हत्थां दी फुरती विच्च कोई ढिल्ल नां आउण देंदीआं। ‘कंन गल्ल वल्ल, हत्थ कंम वल्ल’ ’ते चल्लदिआं कंम ते गल्लां होई जांदीआं, अते कंम दा भार महिसूस नां हुंदा। सगों कंम विच रौचिकता आ जांदी। अकेवां-थकेवां नेड़े-तेड़े वी नहीं सी फटकदा। कई बीबीआं जिंनी सपीड नाल गल्लां करदीआं हन उदूं दूणी गती नाल फलाइर मिकस करी जांदीआं। उहनां नाल जे डबलिंग करन लग्गीए तां पूरी हिंमत नाल पूरा उत्तरी दा सी।

बिरकां वाला बाई मघ्घर सिंघ, छोटी रेहड़ी नीवीं पाई खिच्ची जांदा कंनीं पा गिआ, ‘प्रिंसीपल साहिब दिन कट्टदे आं, वैसे मौजां बड़ीआं जे। नाले बाईआं नूं मिल जाईदै ते नाले डालर कुट्ट खड़दे आं।’ ‘मघ्घर सिआं! मौजां तां होणीआं ई नें, फिर तुर जाईदै, घर बईठे असीं किहड़े वड्डे हुंदे आं। इक्क पंथ दो काज। कंम ही जीवन है। विहला बैठा बंदा, ऐवें मौत ही उडीकदा रहिंदै।’ इह सुण ज़रा कु पैर मलदा, मिंना जिहा हस्सदा कहि दऊ - इस विच्च जमां ई कोई शक्क नईं। उस दी झाकणी ते गल्ल दा अंदाज़ ही कुझ इस तरहां दा हुंदा है कि बंदा उसदीआं गल्लां वल्ल खिच्चिआ जांदा। मौजी जिहा बंदा किते किते उस दी टीरी जिही घतित्त, दोहरे अरथां वाली, पुआड़े वी पा देंदी। जे कोई उस दी किसे गल्ल दा बुरा मनाए तां निव जांदा। वेअर हाऊस विच्च पुराणा वरकर सी। सुपरवाईज़र उस दी कदर करदे। वैसे गल्लां दा बाहला ई शौंकी ए। कई वारी कंम दा तिकड़म जिहा करदा, नीवीं पाई जांदा बीबीआं ते भैणां नाल थोहड़ा बहुता दुख-सुख सांझा कर जांदा। जे किते सुपरवाईज़र इस तरहां हुंदा वेख टोकदा तां ‘आ जी ज़रा फलाइर लभ्भ रिहा सी, गल्लां काहनूं करदा सी।’ फलाइर चुक्क तिख्खे कदमीं वग जांदा।

होशिआरपुरीआ तारा सिंघ पूरी चुसती-फुरती नाल कंम करदा फिरदा। हौली जिहे कंन विच्च कहि जाऊ, ‘आ कोई कंम आ, आ लै जमां ई विहले आं।’ तारा सिंघ डाइरैकटर खेती विभाग विच्चों सेवा मुकत हो के इत्थे आइआ है। उमर दे सठ्ठवें दहाके नूं हंढाउंदा मुंडिआं वांग ही लग्गदा है। फलाइरां नूं जफ्फे पाउंदा, कौडीआं पाउंदा लग्गदा। इस कंम विच्च इंना माहर सी कि तुरिआ जांदा फलाइर पैक दी गिणती कर ठाह देके टेबल ’ते सुट्टू ते आखू, “लै चक्क पूरे बीह नीं।” जवानी वेले उह चंगा कबड्डी खिडारी हुंदा सी। छोटे कद्द वाला माहलपुरीआ कालजीएट पंजाब यूनीवरसटी दा चोटी दा ऐथलीट ते फुट्टबालर वी रिहा सी। इक्क दिन पुछ्छिआ, ‘उए किहड़ा कुशता मारके तेरी सिंघणी तैंनूं खुआउंदी आ, जमां ई धौलिआं वाला गभ्भरू लग्गदैं।” “कोई कुशता-कशता नईं बाई खांदा। रात नूं रज्जके पीई दी ए, ते रज्जके ई मीट खाईदै। सवेरे लस्सी ते फरूट चाट दे डब्बे झोले विच्च ई रख्खी दे आ। औह बैग वेख लै। चाह दी सुलाह मारन वाला विहु लग्गदै।” कहि फलाइरां दी वड्डी ढेरी नूं इउं जा पिआ जिवें जाफी रेडर नूं पैंदा है।

फेरूंरांई वाला मेजर सिंघ कोलों दी लंघदा सुणा गिआ, ‘वेखीं किते इहो जिहे मंतरां नाल प्रिंसीपल नूं पुठ्ठी पट्टी नां पड़ा दईं।’ मेजर सिंघ फौज विच्चों सूबेदारी सटार लवाके कैनेडा आइआ है। गोरा चिट्टा नरोआ छैल-छबीला छेवें दहाके दे अध्ध विच्च है। डैंटिंग पैंटिंग करके रख्खदै। वेखण नूं पंजाहां दा ही लग्गदै। पूरा मख़ौलीआ, गल्लां विच्चों गल्ल कढ्ढदा सभ नूं हसाउंदा रहिंदा। गल्लांबातां ते ढुच्चरां दी सथरी उहदी मासटर लछमण सिंघ, तारा सिंघ ते मघ्घर सिंघ नाल वाहवा पैंदी। छुट्टी वेले जां बरेक विच्च चाह पींदिआं उहनां नूं उह गल्लां दे ढुड्ड मार मार बोक वांग घेरी ही रख्खदा। चैक्क डेअ ’ते इक्क वारी छुट्टी वेले कहिंदा, ‘लछमणा, ऐवें लंमीआं पलांघां मारदा भज्जा जानै, आ तैंनूं रंगां दी दुनीआं विच्च गेड़ा कढा लिआवां, घर जाके तूं झिड़कां ई खाणीआं नें।’ लछमण तुरिआ जांदा कही जावे, ‘नां भरावा इह कंम तेरे ’ते ई छड्डे, तूं ई मौजां करिआ कर।’ मासटर लछमण सिंघ, बी.ऐस्स.सी, बी.ऐड्ड. बहुता ही साऊ ते मिहनती बंदा सी। खुल्ल्ही छोटी-छोटी दाहड़ी, लंमा उच्चा छे फुट्टा, तुरदा हौली पर पुलांघ नगौरी बौलद वांग वलाके चंगी मारदा। हौली तोर दा फरक फलाइरां दे वड्डे जफ्फे नाल कढ्ढ जांदा। इक्क दिन घरेलू गिले शिकवे करदा मेरे नाल झुरन लग्ग पिआ। गुरबाणी दी तुक ‘जिस नूं करता करे खुआर खस लए चंगिआई’ दा मैं हवाला दित्ता तां बहुत ही संतुशट होइआ। कुझ दिनां पिछ्छों कहिंदा इह गल्ल मैं आपणी घर वाली नूं वी दस्सी सी, उुह वी बड़ी प्रभावत होई। गल्ल है वी बाई चाली सेरी। हुण असीं पूरे खुश रहिंदे आं। इक्क दिन कहिंदा अग्गे वी तुसीं इक होर अखाण जिहा सुणाइआ सी, उह की सी ‘डांग डूंग’ वाला सी। मैं भुल ई गिआं सौरहा। उह सी ‘रब्ब नां डांगीं मारदा मत्त कुवल्ली दे।’ बहुत वधीआ, हुण नईं मैं भुल्लदा। हुण जदों वी मिलदा ए तां सहिजे ही मैंनूं इह तुक जां मुहावरा कदी-कदी सुणा, थोहड़ा जिहा मुसकराउंदा, मसत चाले कोलों दी लंघ जांदै।

बरेक दी काल ’ते सारे आपणे लंच बैग लै इकठ्ठे बैठ जांदे। पंजाब दे भख़दे मसलिआं, औड़ दी मार विच्च आइआ पंजाब, मुख्ख मंतरी पंजाब, महाराजा अमरिंदर सिंघ वल्लों कुरप्पशन खिलाफ विढ्ढी मुहिंम, कैनेडा दी बुढापा पैनशन अदि मसलिआं ’ते खूब चरचे छिड़दे। जिहड़े पैंहठ साल तों उप्पर हन उह दस सालां नूं पोटिआं ’ते गिण-गिण दस्सदे। बाकी पैंहठ साल दी उमर दा इंतज़ार कर रहे हुंदे। बैठिआं बैठिआं ही हलकीआं फुलकीआं इक्क दूजे ’ते टकोरां चल्ल पैंदीआं: ‘मघ्घर सिआं, तूं मैंनूं विरक नईं लग्गदा।’ ‘संतोख सिआं, हैं बई, हां तां असीं बिरक ई, तूं भावें नां मंन। लुधिआणे ज़िल्हे विचले मालवे दा प्रसिध्ध पिंड ए बिरक बरसाल। असीं बिरकां दे जद्दी पुशती बिरक आं।’ विच्चों ही महिताब सिंघ विरक आपणी सिआणप ते सूझ दा प्रगटावा करदा सपशट करदा है कि उध्धर बार विच्च वी विरक एधरों गए सन। हरिआणे विच्च वी एधरले विरक वसनीकां दे कुझ पिंड हन। महिताब सिंघ विरक हरिआणा पुलीस विच्च डीऐस्सपी रिहा है। उस दी दिख्ख ही प्रभावी अफसरां वाली है। उच्चा लंमा कद्द, पूरा बण-ठण के रहिंदा। बहुत धीमी सुर विच्च गंभीर गल्लां करदा। नित-नेमी बंदा। गल्लबात विच्च गुरबाणी दीआं तुकां दा आम ही हवाला देंदा रहिंदा। इक्क दिन चुगलीआं ते निंदिआ ते गल्ल चल्ल रही सी। कहिंदा आप चंगे बणो जग्ग आपे ही चंगा बण जांदै। बाणी विच्च दरज है: 'हम नां चंगे, कोई नां मंदा।’ इहदा पक्का साथी सिगनल दा साबका कैपटन भुपिंदर सिंघ वड़ैच वी सुभाअ वल्लों इहनां नाल पूरा मेल खांदा। दोहां दी जोड़ी नूं मैं हंसां दी जोड़ी कहिंदा। इकठ्ठे ही कंम ’ते आउंदे जांदे। छोटा साडा भाअ संतोख सिंघ विरक खुल्ल्हे-डुल्ल्हे सुभाअ वाला निरोल जट्ट। दूजिआं नूं खुआ-पिआके बड़ा खुश हुंदा। जूहां, नहिरां, खुल्ल्हीआं पैलीआं, मुरब्बिआं, मंजिआं ’ते जुड़ीआं परहे पंचाइतां, मझ्झां, टरैकटरां,नौकरां, दुध्ध जां दारू नाल भरे जग्गां ते दोहणीआं दीआं गल्लां करदा। उह पेंडू जीवन तों ओदरिआ जिहा महिसूस हुंदा। पिंड दा कई साल सरपंच वी रिहा। पिंड दा हेरवा उस नूं बहुता ही सताउंदा लग्गदा।

इक्क दिन गल्ल चल्ल पई कि चंगीआं गोतां हुंदीआं नें कि आदमी? की ज़मीनां मिलख़ां ते कोठीआं दा रोअब पाउणा जाइज़ है? सारिआं नें आपो आपणे विचार दित्ते। सीनीअर साथी बलंद सिंघ कहिंदा, ‘भरावो जाइदादां दे रोहब पाउणा इक्क हओमै हुंदी जे। इह इक्क दीरघ रोग हुंदै। इस तों जिहड़ा बच गिआ, समझो चंगा बंदा जे। कोई किसे नूं कदी कुझ देंदा नईं जे ते नां ही कदी कोई किसे कोलों कुझ लैंदा जे। साडा विहार ही साडा सभ कुझ हुंदै। तुसीं किसे नाल किस तरहां मिलदे वरतदे ओ, इह ही साडी तुहाडी वडिआई हुंदी है।’ मघ्घर सिंघ पिआरा सिंघ वल्ल इशारा कर कहिंदा, ‘इंसपैकटर साहिब तुसीं दस्सो तुहाडा की विचार है?’‘प्रिंसीपल नूं पुछ्छो’ कहि के गल्ल मेरे वल्ल रेहड़ दित्ती। ‘कहिंदे कोई जट्ट आपणीआं पैलीआं बारे उच्ची बांह कर-कर दूर-दूर दे खेतां वल्ल इशारे कर कर दस्से, औह वी साडी मक्की जे, औह कमाद, औह खेत ... औह ते आह मोटरां, इंजन ते बाई लारस टरैकटर …।’उस दी जाइदाद दी लंमी लिसट सुण अक्किआं मघ्घर सिंघ वरगा इक्क प्राहुणा विच्चों ही टोकदा बोलिआ, ‘असीं तां बाई थाली विच्च परोसी सेवा पाणी तों तेरी सरदारी जाचांगे’ दा हवाला दे मैं गल्ल नूं पेंडू मुहावरे नाल सपशट कर दित्ता। इस ’ते सभ सहिमत हो गए। मेरे नाल बैठा पिआरा सिंघ बहुत खुश होइआ। उह पिछ्छें कोआपरेटव सोसाईटीआं दे बैंकां दा इनसपैकटर सी। बैंक सकत्तरां दीआं हेरा-फेरीआं अते गबन दीआं कई कहाणीआं सुणाउंदा रहिंदा। बहुता चुप्प-चाप आपणे विच्च ही मसत रहिण वाला बहुत ही साऊ बंदा सी।

गिणती टेबल ’ते किते बाहले ही ढेर इकठ्ठे हो जाण तां मघ्घर सिंघ नीवीं पाई कहू, ‘हटो परे, गल्ल ही कुझ नहीं, हुणे ही गिणती दा कंम खिच्च दिआंगे, संजे भाई (सुपरवाईज़र) फिकर नां कर।’ सकिड्डां ’ते फलाइर सैट करन विच्च बाई गुरदेव सिंघ बड़ा माहर है। फौज विच्च सूबेदार मेजर रैंक तों रीटाइर होइआ बहुत घट्ट गल्ल करदा। पैकिंग, सैटिंग ते गिणती दा बड़ा पारखू है। फलाइरां नूं सुआरहे करदिआं ही दस देंदा, फलाइर पैक विच्च वध्ध जां घट्ट हन।

पहिले दिन कंम दी जोड़ी मेरी हुशिआरपुरीए सत्तपाल सिंघ नाल बणी। इह बहुत धीरा ते मसत आदमी सी। गल्ल तां बहुत संखेप जिही लोड़ पैण ’ते ही करदा। तीजे घंटे कहिंदा तुसीं इह कंम कट्ट जाउगे। बस पहिले हफते थकावट होवेगी। कंम इंना ई जे। हौली हौली सभ सैट्ट हो जाएगा। साडे दूजे साथी गुलज़ार सिंघ बाजवा, बलबीर सिंघ बराड़, सटेशन मासटर सुरजीत सिंघ, गुलाब राए ते जसवंत सिंघ सरोते बहुते ई वधीआ नें, गल्ल साई दित्तिआं ई करदे। कंम विच्च पूरे मगन वगे तुरे रहिंदे। पर महिफ़ल विच्च बैठे टिप्पणीआं ते घतितां सुणदे बड़े खुश हुंदे। हफते पिछ्छों मेजर सिंघ पुछदा, ‘प्रिंसीपल साहिब, किवें जे, कंम औखा तां नहीं।’ ‘हुण तां भरावा इउं लगदै जिवें ऊठ नूं खोपे पक्क गए होण। अख्खां मीट के तुरे फिरदे आं।’ ‘लै सुण लै मासटरा इउं बंदा नवें कंमी वगना सिख्ख जांदै’, तुरिआ जांदा लछमण सिंघ हुंगारा भरदा कहि गिआ। ‘जदों कंम फड़ ही लिआ, आ ही गए आं, तां साडे लई कंम कोई वी औखा नईं। पहड़ाउणा किते सौखै, अज्ज-कल्ल्ह तां इह कंम नागां दी पटारी बणिआ पिआ'। इक्क दिन मासटर लछमण गल्लीं पिआ कहिंदा ‘मैं सोचदा आं हिसाब दीआं टिऊशनां पहड़ाउणीआं शुरू कर दईए।’ उह मोगे वी मैथ ही पहड़ाउंदा हुंदा सी। ‘नां बाई, मैं इह वी कर वेखिआ ई। इत्थे नां तां बच्चे पहड़ना चाहुंदे नी, ते नां ही मापे इस पासे सोचदे नी। साडे आपणे पोते तां साडे कोलों पहड़के राजी नईं। होर किहड़ा भड़ूवा तैंनूं डालरां दा मत्था टेकू। इत्थे तां बस्स, भज्ज लै, भज्ज लै होई जा रही आ। लोकाई डालर कमाओ, खाओ पीओ, सरीर घसाओ ते हंढाओ दी नीती ते चल्ल रही आ।’ ‘अछ्छा! मैं तां ऐवें ई शेख चिल्ली वांग आंडे ते चूचे गिण गिण कोठे तों डिग्गण वाला होई जा रिहा सी।’

इक्क दिन बरेक विच्च चाह पीण काहनूं लस्सी पीणा तारा सिंघ तुरिआ आवे। नाल ही सभ पासिआं तों बेधिआना तिरछा जिहा किसे सोहणी जिही गोरी बीबी वल्ले वेखी जाए। मेजर नें छेड़दिआं किहा, ‘आ जा, आ जा, तारा सिआं, पुठ्ठे पासे झाकदा, किते सकिड्ड नाल अहड़क के डिग्ग पएं ते गोडे भना लएं।’ ‘उए काहनूं, मैं तां वेख रिहा सी किंनी बच्चत जिही कीती होई ए, किंने थोहड़े जिहे कतपड़िआं नाल ही बुत्ता सारिआ होइआ आ, साडे तां साढे पंज मीटर तों घट्ट ऊं ई नईं सरदा।’ सारे हस्स पए ते चाह पाणी विच्च लग्ग गए।

‘चल्ल इह तां होइआ, लिआ खोल्ह लस्सी वाली बोतल, रातीं तूं बहुती गलासीआं मारीआं, मैं वेख रिहा सी। तारा सिंघ अज्ज करू कोई कारा किते चक्क के ई नां लिजाणा पए।’ ‘लै फड़ पी लस्सी, आ वेख तेरे साहमणे ऐं साबत-सबूते बैठे आं। रती भर वी कोई भाण भूण सौरही नईउं लग्गी।’

‘अज्ज बई, मघ्घर सिंआं पूरा निख़्ख़रिआ पिआं। अज्ज पट्टू किसे नूं’, मेजर सिंघ उहदे चिट्टे कुड़ते ते नवीं पग्ग वल्ल शरारती जिहा झाकदा नवीं गल्ल रेहड़ गिआ। ‘ओए काहनूं, झग्गा तां पुराणा ई आ, पग्ग ज़रूर धोती बंनही ए।’ 'कुझ वी होवे, अज्ज तेरी दिख्ख विच्च पूरा निख़ार ई। इउं लग्गदै जिवें सबूते दा सबूता ई डराई कलीन होके आइआ एं।’ इह गल्ल सुण सारे हस्स पए।

इक्क शुक्करवार नूं चैक्कां दे आउण विच्च देरी हो गई। छुट्टी दा वी समां हो चुक्किआ होइआ सी। सारे ही दफतर दे गेट वल्ल सिर चक्क चक्क झाक रहे सन। ‘मेजर सिआं, इउं लग्ग रिहा, जिवें अज्ज सारे ही इउं झाक रहे नें जिवें हळ वाहुंदा भुख्खा-पिआसा जट्ट पिंडों निकलदी पही वल्ले छाह वेला लिआउंदी जट्टी नूं वेख रिहा होवे।’ ‘आ सुण लछमणा प्रिंसीपल की कहि रिहा।’ ‘आहो, इस विच्च की शक्क ए, चैक्क मिलदिआं ही सभ थकेवें छू मंतर हो जांदे नें, रात नूं गूहड़ी नींद आउंदी ए।’

एधर-ओधर जांदा आउंदा हौली जिही मघ्घर सिंघ मैंनूं सुणा जाऊ, ‘प्रिंसीपल साहिब जी …’ मैं वी कहि देंदा ‘सरदार मघ्घर सिंघ जी।’ पर मैं उस दे उचारन विच्च तिख्खी जिही चोभ भांप जांदा। जिवें कहि रिहा होवे, ‘सुणा हुण, किवें आ, उत्थे कुरसी ’ते बैठा घंटी मार सेवादारां नूं बुलाउंदा हुंदा सी। इत्थे आप घंटी वज्जी ’ते भज्जा फिरदैं।’ मैं इस दा उस नूं कोई मोड़ नां देंदा। इंना ज़रूर कहिंदा, ‘मघ्घर सिआं समें-समें दीआं बातां नें, समां बड़ा समरत्थ ई।’ उस दा सुभाअ ई कुझ इस तरहां दा है। बरसालां वाले प्रो. जगतार सिंघ ढिल्लों ओरफ़ ढाहू ते उस दे सारे परिवार बारे सारा कुझ दस्सदा है। बरसालां तों ही बीबी मुकंद कौर अते उस दे पती प्रो. दरशन सिंघ पंनूं अते इस तरहां सारे इलाके दे किस्से कहाणीआं गल्लींबातीं दस्सदा रहिंदा। इक्क वारी पुछ्छिआ, पिछ्छे पिंड की शुगल सी। ‘सच्च दसां प्रिंसीपल, बिरकां नेड़े संगतपुरे प्राइमरी सकूल विच्च मासटर सी। मेरे घरों वी टीचर सी। झूठ नईं बोलदा, जमां ई। दोवां जीआं नूं दस हज़ार पैनशन मिलदी ए। उत्थे राजे सी, इत्थे रंक बण गए आं। सभ कुझ कोल सी।’ ‘मैनूं लग्गदै पहड़ाउंदा तां वधीआ होएंग।’ फहड़ मारन दी आदत नईं, बुत्ता वधीआ सारी जाईदा सीगा।’

साफ सपशट ते साऊ लछमण सिंघ मेजर दे ढहे आइआ ही रहिंदा। बरेक विच्च उह दस्से, ‘इह तुरदा-फिरदा मैंनूं पुछ्छ आउंदा अज्ज किंने घंटे लग्गणे नें। उत्तर सुण हिसाब मासटर हफते दे घंटिआं नूं मूंह ज़बानी जोड़दा, तीहां नाल गुणा करदा पूरी चहड़दी कला विच्च होइआ, दूजे गेड़े पूरा हस्सदा कूहणी मारके लंघू।’ कोल बैठा गरैजूएट बुलंद सिंघ बोल पिआ, ‘इउं तां असीं सारे ई करदे रहिंदे आं।’ दाना बीना बुलंद सिंघ जीवन नूं बड़े गहु नाल जाणन वाली शखसीअत ए। मैंनूं बड़ा गंभीर हो सवाल करदा है, “तुसीं ऐम्म.ए. अरथ शासतर हो। भारत दे लोकां दी गरीबी किवें दूर हो सकदी है? वधदी आबादी किवें रुक सकदी है? कैनेडीअन बच्चे धरम तों किउं दूर हो रहे हन?” आदि। विच्चे ही जमातां दी गल्ल चल्ल पैंदी है। बलंद सिंघ, 'पड़ि पड़ि गडी लद्दिआ … नानक लेखे इक गल होर सभै झखणा झाख’ दा हवाला देके निचोड़ कढ्ढ देंदा, कि जमातां तां लेबल ही हुंदे हन, असल विच्च बंदे दी कदर उस दा विहार, आचार ते आहार ही बणाउंदे नें।

जिस दिन मज़दूरी दा पहिला चैक्क मिलिआ तां कैनेडीअन कमाई दी मैनूं इक्क विशेश जिही खुशी महिसूस हो रही सी। छुट्टी वेले कारड पंच करदिआं मैं किहा, “इस चैक्क दी मैनूं ओनी खुशी है जिंनी पलेठी दे जनमे पुत्त दी मां नूं हुंदी है। कोल खहड़ीआं कुझ बीबीआं हस्स पईआं अते कहिंदीआं, “फेर तां बीर जी लोहड़ी वंडोंगे।” “ज़रूर भैण जी, लोहड़ी ’ते ख़रच कर दिआंगे, इह किहड़ी गल्ल ए।” तारा सिंघ, मेजर सिंघ ते मघ्घर सिंघ कोल खहड़े कहिंदे, “फिर तां साडी वी पारटी ख़री हो गई।” ”दस्सो बाई! इस तरहां, इहो जिहे महौल विच्च जे असीं कंम करदे डालर लै जाने आं तां की इह डालर बेरीआं तों झाड़न वाली गल्ल नहीं?”

शाला! सदा वस्सदी-रसदी रहे गारडीअन अते इस दा वेअरहाऊस, जिहड़ी साडी सभ दी ओट, आसरा ते थां है। इह दिन दुग्गणी रात चौगणी वधे फुल्ले!!