" पता नहीं एह मुंडे नूं की हो गिआ.... ऐना दिमाग खांदै छड्ड दिओ गल्लां।" निक्कू दी मां नें उस दी बांह फड़ी ते उस दे दादा जी कोल लिआ खहड़ा कीता।
" कोई नां पुत्त निआणा अजे.... मेरे कोल बिठा दिआ करो। " दादा जी नें निक्कू नूं कोल बिठाउंदिआं किहा।
" तुसीं वी तां बापू जी आराम करना हुंदै। सकूल वी पता नीं कदों लग्गणगे।"
करोना महांमारी कारन सकूल बंद सन। निक्कू सारा दिन आपणे दादा जी नाल गल्लां करदा रहिंदा। निक्के निक्के सवाल पुछ्छदा। उस दे दादा जी उस नूं हर गल्ल दा जवाब बड़े पिआर नाल समझाउंदे। पर जदों हुण दादा जी सरकार वल्लों बणाए किसान विरोधी कानूंनां दे खिलाफ़ धरनिआं विच्च चले जांदे तां उह आपणी मां ते दादी दे दुआले होइआ रहिंदा। मां घर दा सारा कंम वी करदी इस लई उस ते खिझ जांदी सी। निक्कू दा गुआंढ विच्च रहिंदा दोसत काफ़ी बिमार हो गिआ सी इस लई उह खेडण वी नां जांदा। निक्कू नूं दादा जी कोल बिठा के उस दी मां उस दीआं किताबां कापीआं ठीक करके रख्खण लग्गी । बसते दी जेब विच्चों कई तहि कीते कागज़ निकले जो निक्कू दे लिखे होए सन। इक्क कागज़ उस नें चुक्क के खोल्हिआ उस 'ते लिखिआ सी ।
मिले-
मिलावट खोरां नूं ,
लिखाई निक्कू दी सी..... जदों उह खोल्ह के पहड़न लग्गी इक्क वार तां सुंन जिही हो गई। लिखिआ सी -
मैनूं समझ नहीं आउंदी मैं तुहानूं की कहां। तुसीं इनसान तां नहीं हो सकदे कदे कदे लग्गदै कि तुसीं वड्डे वड्डे दंदां वाले दैंत हो जिहड़े आपणे दंद खुभो के बंदे दा पूरा खून चूस लैंदे नें। फेर लग्गदा कि तुसीं राखश हो.. रकतबीज वरगे । इक्क जणा फड़ हुंदा उस दे पिछ्छे किंने सारे होर उग्ग आउंदे नें। पर राखश तां देखण नूं भिआनक लग्गदे नें। उहनां दीआं शकलां डराउणीआं हुंदीआं नें। उहनां तों तां बंदा शकलां वेख के ही बचण दी कोशिश कर सकदा ए। तुहानूं रब्ब नें शकलां तां बंदिआं वरगीआं दित्तीआं नें पर कंम तुहाडे राखशां तों वी भैड़े नें।
मैं इही सोचदा रहिंदा हां..... तुसीं की खांदे होवोगे? की पींदे होवोगे? जे तुसीं आम रोटी खांदे ओ, फेर तुहानूं ऐने पाप करन दी की लोड़ ऐ। मैनूं लग्गदा हुंदै... तुसीं सोने दी रोटी खांदे होवोगे... नहीं नहीं... मैं वी भुल्ल जाना... तुसीं तां लहू पींदे ओ, रब्ब दे बणाए बंदिआं दा। बहुत सारे लोक तुहाडीआं मिलावटी चीज़ां खा के बिमार हो जांदे नें ते मर वी जांदे नें ....फिर तां तुसीं कातल होए नां।
तुहानूं पता ए नां..... जदों कोई बिमार हो जांदै तां डाकटर उस नूं दुध्ध पीण लई आख दिंदे नें । कदी सोचिआ तुसीं कि मिलावटी दुध्ध पी के तां सगों बंदा वध्ध बिमार होऊ । तुसीं सारे जिहड़े वी दुध्ध विच्च मिलावट करदे ओ... सारे ई पाप करदे ओ.... कहिंदे नें जिहड़ा पाप करदा ए... रब्ब जी उस नूं बेदखल कर दिंदे नें आपणे मिहर तों। इह तां फेर गलत गल्ल होई नां। तुहानूं रब्ब कोलों डर नी लग्गदा। तुहाडे परिवार वी होणगे.. जद उहनां विच्चों कोई बिमार हो जांदै। तुहानूं किंना दुख्ख लग्गदा होऊ। इसे तरहां सभ नूं आपणे आपणे परिवार पिआरे हुंदे नें। फिर तुसीं लोकां नूं किउं मौत दे मूंह विच्च धक्कदे ओ। पर तुसीं तां राखश होए नां, राखशां नूं थोहड़ी तरस आउंदा किसे ते। उह तां दूजिआं नूं दुख्ख दे के हस्सदे हुंदे नें।
सारे दैंतां नें अड्डो अड्ड महिकमे सांभे होए नें । कोई फळां सबज़ीआं ते ज़हिर दीआं परतां चहड़ाउंदा, कोई छेती पकाउण लई ज़हिरीले रसाइणां दी वरतों करदा ए । इहनां नाल वी लोकां नूं बथेरीआं बिमारीआं लग्गदीआं नें। जिहड़े फळ सबज़ीआं खा के बंदा तंदरुसत हुंदा उहनां नूं खा के सगों बंदा बिमार हो जांदै ।
मठिआईआं वी तुसीं नकली मिलावटी बणाउंदे ओ। जदों कोई खुशी दा मौका हुंदै उदों मठिआईआं खरीददे नें सारे। लोक विचारे जाणदे नहीं हुंदे कि आपणे पिआरे पिआरे दोसतां अते रिशतेदारां नूं मठिआईआं नहीं बिमारीआं वंड रहे नें। ऊं इक्क गल्ल ऐ जे तुहाडीआं शकलां भिआनक हुंदीआं, तुहाडे सिर 'ते सिंग उग्गे हुंदे, फिर लोक तुहाडे तों बच के रहिण दी कोशिश करदे। रब्ब तों वी गलती हो गई। तुहाडी कोई तां पछाण रख्खणी सी।
मैं सुणिआ तुसीं किसे तों नहीं डरदे। जे सरकार तुहानूं फड़ लवे तां पैसे दे के छुट्ट जांदे ओ। फेर होर वध्ध पाप करदे ओ।
दादा जी दस्सदे हुंदे नें जिहड़ा बंदा खुशीआं वंडदै उह सभ नूं पिआरा हुंदै। रब्ब नूं वी ते बंदिआं नूं वी। बुरिआं नूं सारे गाळां कढ्ढदे नें ,तुसीं गाळां किउं खांदे ओ। मिलावट करनो हट जो....। तुसीं वी चंगे बण जो । देखण नूं तां तुहाडी कोई पछाण नहीं । तुसीं पैसे दे सिर ते माण नाल घुंमदे होवोगे पिंडां ते शहिरां विच्च। दादी जी कहिंदे हुंदे नें.. बंदे दी ज़मीर गलत कंम करन वालिआं नूं लाहनतां पाउंदी ऐ। तुहाडे कोल ज़मीर हुंदी ऐ भलां जी। जे हुंदी ऐ फिर उह बोलदी कोई नी। पर तुसीं तां मिलावटखोर ओ नां......मार दित्ती होऊ ज़हिरां खवा खवा के।
मेरे दादा जी कहिंदे हुंदे नें कि जिहड़ा पैसा लोकां नूं दुखी कर के कमाइआ हुंदा ए नां उहदे विच्च बेवस्स लोकां दा ख़ून हुंदा उह हमेशा दुख्ख दिंदै। फिर तुसीं गलत कंम करके किउं दुख सहेड़दे ओ। तुहानूं पतै ....... मैनूं नां कदे कदे तुहाडे ते बहु...त तरस आउंदै। तुसीं लोकां तों बद-दुआवां लैंदे ओ। दुख्खां दे बीज बीजदे ओ फेर दुख्ख ई उग्गणगे नां। कदे सोचणा जे दुख्ख उग्ग पए तां तुसीं इहनां नूं किवें झल्लोगे। तुसीं जे बीजणीआं नें तां खुशीआं बीज लवो फिर खुशीआं ही खुशीआं उग्गणगीआं.... सारे पासे खुशीआं ही खुशीआं होणगीआं। किंना चंगा लग्गू सभ नूं। मैनूं वी वधीआ लग्गू।
मैं इक्क गल्ल दस्सां तुहानूं...... जे तुसीं पुलस तों नहीं डरदे..... नां डरो, पर रब्ब तों ज़रूर डरना। दादा जी आखदे हुंदे नें कि रब्ब सारिआं तों वड्डा हुंदै। उह किसे तों नहीं डरदा, जे उहनूं गुस्सा आ गिआ फेर नी तुसीं बच सकदे... जित्थे वी मरज़ी भज्ज लैणा। तां ही तां मैं तुहानूं चिठ्ठी लिखी ऐ मैनूं तरस आउंदा तुहाडे ते। तुसीं वी आपणी ज़मीर दी आवाज़ सुण लिआ करो। फिर तुसीं कदे वी गलत कंम नहीं कर सकोगे........। बस इही आखणा सी मैं तुहानूं।
निक्कू दी मां हैरान सी आपणे बच्चे दी समझ ते उस दीआं अख्खां सिल्ल्हीआं हो गईआं। उस नूं सभ गल्लां समझ आ गईआं कि उस दा पुत्तर एने सवाल किउं पुछ्छदा सी। निक्कू दा दोसत रमन वी तां मठिआई खा के बिमार होइआ सी ते उस नूं हसपताल दाखल वी रख्खणा पिआ सी । जदों उस दे दादा जी उच्ची उच्ची अख़बार दी कोई ख़बर पहड़ के सुणाउंदे हन तां निक्कू ढेर सारे सवाल पुछ्छदा रहिंदै। हुण तिउहारां दे दिनां विच्च खाण पीण दीआं वसतां विच्च मिलावट वध्ध जांदी है। इस लई अख़बारां विच्च वी ख़बरां वध्ध छपदीआं नें ते निक्कू सारा दिन दादा दादी दे दुआले होइआ रहिंदा... भांत भांत दीआं गल्लां पुछ्छण लई। उह सारीआं गल्लां नूं ऐनी गंभीरता नाल लैंदा होवेगा उस नें तां कदे सोचिआ वी नहीं सी। निक्कू दी मां नें इह कागज़ निक्कू दे दादा जी दे हत्थ फड़ाइआ। उस नें पहड़िआ तां निक्कू नूं पुछ्छिआ,
" हुण इस दा की करीए ?
" इही तां पता नहीं मैनूं, पता नहीं उह कित्थे रहिंदे नें। " उस नें उदासिआ जिहा मूंह बणा के किहा।
" बापू जी अख़बार वालिआं नूं भेज देईए... हो सकदै छाप देण.... आपे पहड़ लैणगे मिलावटखोर वी।" सुण के निक्कू दीआं अख्खां विच्च चमक आ गई।
" मेरी चिठ्ठी पहड़ के सारे मिलावट करनो हट जाणगे..... हना दादा जी। "
" हां पुत्त ज़रूर हट जाणगे।" दादा जी नें निक्कू दे सिर 'ते हत्थ फेरदिआं आखिआ।