दसंबर दा महीना सी। मैं अपणी डिटैचमैंट दीआं पोसटां दा दौरा कर रिहा सां। इह पोसटां टरांटो दे 'कनेडीअन फोरसज़ बेस' याअनी छाउणी 'च सथित हन। बेस नाळ साडी सकिउरटी कंपनी 'कमिशनेअरज़' दा कांटरैकट है। कनेडा दे साबका-फौजीआं दी इस कंपनी विच थोहड़ी कु नफ़री कामनवैलथ मुलकां तों आए साबका-फौजी इंमीगरांटां दी वी है। कंपनी दा ढांचा फौजी पलटणां वाळा है। मैनेजमैंट दे रैंक करनल, मेजर, कैपटन वग़ैरा हन ते सुपरवाइज़रां दे मासटर वारंट अफ़सर, वारंट अफ़सर, सटाफ सरजैंट, सरजैंट वग़ैरा। इसदे करमचारीआं नूं सकिउरटी गारड नहीं, कमिशनेअर किहा जांदा है।

दौरे तों परत के मैं अपणे कमिशनेअरज़ दीआं पेअ-रोल मुकंमल कीतीआं ते वारंट अफ़सर नैनसी बरटन दे दफ़तर नूं चल्ल पिआ। नैनसी बेस दी असिसटैंट ऐडमिन अफ़सर है। साडे कंम-काज दा सारा कंटरोल बेस-कमांडर नें असिसटैंट ऐडमिन अफ़सर नूं सौंपिआ होइआ है। डिटैचमैंट कमांडर होण दे नाते मेरा इस नाळ हर वेले दा वाह ए।

"हाइ डेव! हाओ यू डूइंग?" अपणे कंम 'च रुझी नैनसी नें मेरा हाल पुछ्छिआ। बोलचाल विच सारे मैनूं डेव सद्ददे हन। रैंक अते पूरा नां मासटर वारंट अफ़सर सुखदेव सिंघ कंग सिरफ़ लिखण वेले ही वरतों 'च आउंदा है।

"आइ'म फाइन, हाओ अबाऊट यू?" नैनसी साहमणे बहिंदिआं, अपणा हाल दस्स के, मैं उसदा पुछ्छिआ।

"नौट टूअ बैड।"

बाहर पै रही कड़ाकेदार ठंढ दी निताणी धुप्प वांग नैनसी थक्की-हारी दिस रही सी। गुलाबी फुल्ल वरगा चिहरा खिड़िआ नहीं सी होइआ, कुमळाइआ होइआ सी। उह 'कल्ली-'कल्ली पोसट दी पेअ-रोल 'ते दसतख़त करन लग्ग पई।

"बच्चिआं दा की हाल ए।" मैं बोझल हो रही चुप्प नूं तोड़िआ।

नैनसी दी निगहा उसदे मेज़ 'ते पई दोनां पुत्तां दी तसवीर वल्ल उठ्ठ गई। चमकदीआं नीलीआं अख्खां विच चिंता छा गई। उसने नज़र नूं मुड़ शीटां 'ते लिआंदा अते ज़रा सावीं हो के बोली, "छोटा जिंमी तां ठीक है पर टिंम उसे तरहां है, समटाइमज़ ईवन गैटिंग वरसट। बड़े अजीब तरहां दे सवाल पुछ्छदा है।"

"किस तरहां दे।"

अखे- डैड ऐफगैनिसतैन किउं गिआ? मैं दस्सदी हां कि 'उत्तों आरडर होइआ सी। आखदै डैड नांह कर दिंदा। मैं समझाउंदी हां कि सैनिक नांह नहीं कर सकदा। अग्गों सवाल कर दिंदै कि जिस जौब 'च बंदे दी अपणी कोई इंडिवियुऐलिटी ही है नहीं, उस जौब विच डैड ते तूं किउं आए? फिर जंग दे कारनां बारे … अतिवाद बारे पुछ्छण लग्ग जांदै। उसदा चिहरा तमतमा उठ्ठदा है ते अख्खां जिवें बळ रहीआं होण। जदों चुप्प हुंदै तां उसदीआं अख्खां विच सुंन छा जांदी है ते चिहरा जिवें गुआचिआ होइआ होवे … ।

"साइकैटरिसट की आखदै?" मैं पुछ्छिआ।

"मनोरोग दी शुरूआत है … खैर उह इलाज कर रिहै। कांऊंसलिंग वी चल्ल रही है। की करां? बड़ी गुंझलदार परौबलम है।"

"नैनसी! तुं एनी चिंता नां कर। प्रमातमा सभ ठीक कर दएगा," हौसला देंदिआं मैं उसदी टुर रही ज़िंदगी दी गल्ल छेड़ लई, "वीक ऐंड 'ते मैं तैनूं 'करिसमस-टरी' खरीददिआं देखिआ सी।"

"ओह अछ्छा, मैं तैनूं नहीं देखिआ।"

"फिकस कर दित्तै?"

"याअ, उसे दिन। जदों मैं घर पहुंची तां टरी देख के दोनों बच्चे खुश हो गए। मैं पहिलीआं करिसमसां वांग ही, बच्चिआं दी इह करिसमस वी खुशीआं भरी बणाउणा चाहुंदी हां। सो मैं रुख्ख नूं सटैंड 'ते टिकाइआ अते टाहणीआं नाळ करिसमस गहिणे टंग दित्ते। फिर पता नहीं मेरे मन 'च की आइआ कि मैं पुराणीआं विशेश चीज़ां दे डब्बे कढ्ढ लिआई। उनहां डब्बिआं विच उह गिफट वी सन, जिहड़े मैं ते सटीव नें इक-दूजे नूं खास-खास मौकिआं जिवें जनम-दिनां अते विआह दीआं वरहेगंढां समें दित्ते होए सन। कुझ चीज़ां असीं दोनां नें हौलीडेअज़ दौरान, दूरों-पारों खरीदीआं होईआं सन। जदों मैं उनहां विशेश चीज़ां नाळ करिसमस-टरी नूं शिंगार रही सां तां मेरे अंदर यादां दीआं छल्लां उभ्भर पईआं। सोचां विच मैं सटीव नूं अपणे अंग-संग महिसूस कीता- मैनूं चुंमदा, गलवकड़ी पाउंदा... हस्स-खेड रहे पुत्तां नाळ निआणा बण के खेडदा। उनहां लई नवीआं चीज़ां खरीदण लई सलाहां करदा… । पर कुझ्झ पलां बाअद उही छल्लां मैनूं गोते देण लग्ग पईआं। दिल 'च विलकणी जिही उठ्ठ पई कि मेरे पल्ले हुण सटीव दीआं यादां ही रहि गईआं सन। मैं कदी वी उस नूं हाक नहीं मार सकणी। अख्खां 'च उमडदे पिआर नें उसनूं कदी वी देख नहीं सकणा ... मेरा दिल भर आइआ। पर मैं अपणे-आप 'ते काबू पा लिआ। निआणिआं साहमणे मुसकराउंदी रही, हस्सदी रही। जदों उह खा-पी के सौं गए तां मैं मुड़ करिसमस-टरी कोळ आ बैठी। सटीव तों बिनां मैनूं अपणा आपा 'करिसमस-टरी' वरगा लग्ग रिहा सी, जहड़ां विहूणा, सटैंड 'ते टिकिआ डांवांडोल रुख्ख। मन ही मन विरलाप करदिआं मैं फुट्ट-फुट्ट रोण लग्गी। रोंदी रही।" गल्ल करदी नैनसी दीआं अख्खां छलक पईआं। मैं मेज़ 'ते पिआ टिशू-बकस उस वल्ल वधाइआ। अत्थरू पूंझदिआं उस नें "थैंक यू डेव" किहा ते लंमा साह भरदी होई बोली, "सटीव नाळ ज़िंदगी 'च रौणकां सन, फंन सन। घर दे कंमां विच्च उह मेरे बराबर हुंदा सी। ख़ैर कंमां नाळ सिझ्झण दी आदत तां पै गई है पर विहल दे पल बड़े औखे गुज़रदे हन। उनहां पलां विच मैं सटीव नूं बहुत मिस करदी हां... सटीव ते मैं कोळ-कोळ बैठे हुंदे सां। मनां अंदर ठहिराअ हुंदा सी। बड़े रूह-सुखावें हुंदे सन उह पल, साथी जु कोळ हुंदा सी।"

"फ़ौजी परिवारां लई अजिहे पलां दा रूह-सुखावें बण जाण दा कारन इह है कि उनहां नें लंमे विछोड़े झागे हुंदे हन। उनहां दे तां तिउहार वी दूरीआं 'च ही लंघ जांदे हन।" मैं आखिआ सी।

"हां, साडे वी कई तिउहार एदां ही लंघे। पहिली वार जदों मैं करिसमस इकल्लिआं मनाई उदों सटीव बोसनीआं 'च ताइनात सी। टिंम उदों दो कु साल दा सी। जिंमी दा जनम बाअद दा है। टिंम तों सत्त साल छोटा है उह। ओस करिसमस 'ते मैं टिंम लई किंने ही खिडाउणे ते लीड़े-कप्पड़े खरीदे। दोसतां रिशतेदारां विच्च उमाह नाळ कारड ते गिफट वंडे। सटीव दी मौम साडे कोळ आ गई सी। करिसमस दी शाम बोसनीआं तों सटीव दा फोन आ गिआ। उसने बड़े मोह नाळ साडे नाळ गल्लां कीतीआं। बहुत चंगा लग्गा। उडीकां विच्च इक्क वख्खरा ही सरूर हुंदा है। पर हुण तां उडीकां 'च वस्सण वाळा ही नां रिहा। हज़ारां मील दूर, ऐफगैनिसतैन दी चंदरी जंग निगळ गई उसनूं ... नां उह जंग दी भेट चहड़दा, नां मेरा टिंम इस तरहां मैंटली डिसटरब ... ।"

नैनसी दा फोन वज्ज पिआ। उसने रिसीवर उठा के गल्ल कीती। टिशू-पेपर नाळ नम अख्खां पूंझीआं ते कुरसी तों उठ्ठदिआं बोली, "ऐडमिन अफ़सर नें बुलाइऐ। तूं बैठ, मैं कुझ मिंटां 'च आई।"

"ओ.के।" उदासी 'च डुब्बी मेरी आवाज़ जिवें संघ विच ही डिग्ग पई होवे। धिआन कमरे तों बाहर लिजाण लई मैं खिड़की वल्ल तक्किआ। बरफ़ नाळ धुंदळाए शीशिआं विच्चीं कुझ वी नज़र नां आइआ। मेरी उदास सोच अतीत 'च उत्तर गई... अपणी चंगी ज़िंदगी गुज़ार रहे सन नैनसी ते इसदा पती सटीव। मेरी इनहां नाळ वाहवा सांझ ए। मेरे दोसत डमिटरी राहीं शुरू होई इह सांझ, नैनसी दे ऐडमिन अफ़सर बणन तों बाअद होर गूहड़ी हो गई सी। डमिटरी थिओडोर ते सटीव बरटन गूहड़े दोसत सन। दोवें बेस तों बाहर डिकसन आरमुरी विच सथित 'राइल कैनेडीअन रजमैंट' दी नंबर 3 बटालीअन विच सटाफ-सरजैंट सन।

डमिटरी थिओडोर गरीकी मूल दा कनेडीअन है। उह चहड़दी जवानी विच अपणे मापिआं नाळ कनेडा आइआ सी। उसदा डैड गरीस दा साबका फ़ौजी सी। फ़ौजी जीवन बारे पिउ दीआं दिलचसप गल्लां अते उसदे युध्ध-मैडलां तों परेरित हो के डमिटरी कनेडीअन फ़ौज विच भरती हो गिआ सी। मैनूं सुकरात, पलैटो, अरिसटोटल वरगे विदवानां ते सिकंदर वरगे जोधिआं दे देश गरीस बारे जानण दी चाहत सी। इवें ही डमिटरी वी अनेकां जातां-ज़ुबानां ते अकीदिआ वाळे, पोरस दे देश अते अजोकी दुनीआं दे सभ तों वड्डे लोकतंतर भारत बारे जानणा चाहुंदा सी। दोनां देशां दे चंगे-मंदे पख्खां-पहिलूआं तों शुरू होईआं साडीआं गल्लां दा सिलसिला हुण गलोबली मसलिआं तक्क पहुंच चुक्का सी ते इसे अमल विच्चीं असी इक्क-दूजे नूं चंगी तरहां जाण गए सां।

सटीव बरटन दे रुज़गार दी शुरूआत इक फरनीचर फैकटरी तों होई सी। उत्थे उह सुपरवाईज़र हुंदा सी। सारा दिन चल्ल सो चल्ल। कुरसीआं ते सोफ़े बणाउण लई कामिआं नूं मैटीरिअल अते संद-बेट मुहई्ईआ करने, प्रौडकशन टीचिआं दी पूरती हित्त, हर वेले पब्बां भार होए रहिणा, मैनेजमैंट दे हुकमां ते कामिआं दीआं तकलीफां दा दिमागी बोझ- कुझ ही सालां विच अक्क-थक्क गिआ सी उह। अपणे नाळ कंम करदे इक रिज़रविसट फ़ौजी दीआं गल्लां दा असर होइआ ते उह फ़ौज 'च आ गिआ सी। फ़ौज 'च नां कोई प्रौडकशन दा चक्कर सी ते नां कोई मगज़खपाई। जो आरडर मिळिआ, उह कर दिउ ते बस्स।

उदों नैनसी किसे कंपनी दी अमला-शाखा विच जौब करदी सी। शुरू-शुरू विच जदों सटीव कई-कई दिनां लई फ़ौजी मशकां करन गिआ हुंदा तां नैनसी बोर हो जांदी। पर समां पा के उह इसदी आदी हो गई सी। बाहरों परत के सटीव उसनूं उड्ड के मिळदा। उसदे जोश भरे चुंमण उनहां दे पिआर विच नवां सरूर भर देंदे। घर दे कंमां-काजां, ख़ास करके बच्चिआं दी देख भाल दीआं अपणे हिस्से दीआ ज़िंमेवारीआ उह मुड़ चुक्क लैंदा।

सटीव चाहुंदा सी कि उह ते नैनसी इक्को महिकमे विच होण पर नैनसी दा मन नां मंनिआं। फ़ौज 'च उसदी तनखाह घट्ट जाणी सी। पर जदों भरती-नियमां 'च कुझ तबदीलीआं होईआं तां नैनसी दा मन बण गिआ। ऐडमनिसट्रेशन दे डिपलोमे अते प्रबंधकी कंमां दे कई सालां दे तज़रबे दे आधार 'ते उह सिध्धी सरजैंट भरती हो गई। तनख़ाह वी बाहर जिंनी बण जांदी सी ते कंम वी उही दफ़तरी। फ़ौजी मशकां जां जंग 'च भेजे जाण दे चानसज़ घट्ट सन।

सटीव ते डमिट्टरी नाळ मेरा कदी-कदी बीअर-विसकी पीण दा प्रोगराम बण जांदा। जदों कदी उह मसती दे मूड विच हुंदे तां बेस दीआं फ़ौजणां विचों सैकसी फ़ौजणां दे जिसमां दीआं गल्लां करन लग्ग पैंदे। उनहां दी यूनिट दी इक रिज़रविसट मेरी डिटैचमैंट 'च सकिउरटी दी पारट-टाईम जौब करदी सी। उह शुगल जिहे विच मेरा उस हुसीना नाळ सबंध जोड़ के, मैनूं उसदी फिग्गर बारे पुछ्छदे। तलाकशुदा डमिट्टरी हैलीफैकस बेस दी उस जोबनवंती नूं याद करन लग्ग जांदा, जिस नाळ उसदा, पहिली टरम दौरान अफगानिसतान विच यराना पिआ सी।

डमिटरी ते सटीव नाळ शुगलमेला करदिआं, मैनूं भारती फ़ौजीआं दी करड़े नियमां वाळी नौकरी याद आ जांदी। इत्थे बेस विच मैं वेखदा सां- घड़ी मुड़ी सैलिऊट करन अते 'सर, सर' करन दा कोई चक्कर नहीं सी। जूनीअर अपणे सीनीअर नूं उसदे पहिले नां नाळ संबोधन करदा सी। मैनूं बेस दीआं सारीआं मैसां विच कुझ कु वार खाणा खाण दे मौके मिळे सन। 'आफिसरज़ मैस्स' विच चोज़ ही वाधू सन, खाणा हेठले रैंकां वरगा ही सी।

पर कनेडीअन सैनिकां दी भारती सैनिकां दे मुकाबले टरेनिंग बड़ी थोहड़ी सी। इस बाबत इक वार सटीव नाळ गल्ल चल्ली तां उस आखिआ सी, "डेव! असीं किहड़ा किसे मुलक नाळ सिध्धीआं लड़ाईआं लड़नीआं हन। किसे दो मुलकां दे सरहद्दी रट्टिआं नूं सुलझाउण जां अंदरूनी गड़बड़ी वाळे मुलकां 'च शांती सथापत करन लई यू.ऐन.ओ अते नैटो दे जो मिशन हुंदे हन, असीं उनहां 'च अपणा पीस-कीपरज़ दा रोल निभाउंदे हां ते नाळ दी नाळ, तबाह होए इलाकिआं नूं रीबिलड करदे हां। तहिज़ीब पख्खों पछड़े होए लोकां नूं आधुनिक जीवन-जाच सिखाउंदे हां।"

"सटीव! गड़बड़ी नाळ सिझणा है तां अहिम कारज पर पहिलां इह पता करना चाहीदै कि गड़बड़ी फैलाउंदा कौण है? ते जिहड़ी गल्ल तूं जीवन-जाच सिखाउण दी कहि रिहां, मेरे ख़िआल 'च हर देश-कौम दे आपो-अपणे जीवन-मुल्ल हुंदे हन। समें अनुसार उनहां 'च तबदीलीआं होणीआं ज़रूरी नें पर तबदीलीआं डाइलाग राहीं समझाईआं जाणीआं चाहीदीआं नें, नां कि हथिआरां राहीं।"

सटीव मेरे वल्ल कुनख्खा जिहा झाकिआ सी। मैं समझ गिआ सां। सैनिकां अते सैनिकां नाळ कंम करदे सकिउरटी करमचारीआं नूं इहो जिहे किंतूआं वाळीआं गल्लां नहीं सन करनीआं चाहीदीआं। मैं गल्ल उत्थे ही छड्ड दित्ती सी।

पर हुण सोल्हां-सतारां वरहिआं दा टिंम गल्ल नूं छड्ड नहीं सी रिहा। उह आपणे डैड दी मौत दा कारन बणी जंग दी उचित्तता अते बाहरले फ़ौजीआं वल्लों अफ़ग़ानीआं नूं जीवन-जाच सिखाउण दे तरीकिआं बारे सवाल पुछ्छ रिहा सी। विधवा मां वल्लों मिळ रहे जवाबां नाळ उसदी तसल्ली नहीं सी हो रही... नैनसी नूं ऐडमिन अफ़सर मेजर गौरडन दे दफ़तर 'चों बाहर आउंदिआं देख, मेरी सोच टुट्ट गई। नैनसी नें रहिंदीआं पेअ-रोल साईन कीतीआं। मैं चुक्कीआं ते "बाइ नाओ" आख बाहर आ गिआ।

अपणे दफ़तर 'च आ के मैं अगले चार हफ़तिआं दीआं शकैजुअल बणाउण लग्ग पिआ पर मन कंम 'च खुभ्भ नहीं सी रिहा। नैनसी दे बोल "हुण तां उडीकां 'च वसण वाळा ही नां रिहा... चंदरी जंग निगळ गई उसनूं'' मेरे कंनां विच गूंजी जा रहे सन... ते पता नहीं किवें, इनहां शबदां वरगे ही मनजीत कौर दे दरद भरे बोल वी मेरी सोच विच गूंजण लग्ग पए "नवतेज! मैं तैनूं उडीक रही हां... तेरे राहां 'च खहड़ी हां।" नैनसी अते मनजीत नाळ वापरे दुखांतां नें इक-दूजे 'च रळगड्ड हो के मेरे अंदर संघणा दरद छेड़ दित्ता... मेरीआं छलकदीआं अख्खां साहवें मनजीत दे पती, मेरे मित्तर नवतेज दी लहू 'च डुब्बी लाश घुंम गई... राजसथान विच हिंद-पाकि बारडर दे नज़दीक पैंदे उत्तरलाए एअर फोरस सटेशन 'च इह भाणा वरतिआ सी, बंगलादेश दी जंग समें। साडा सुकआडरन उदों जोधपुर 'च सी। जंग छिड़न 'ते सुकआडरन नूं उत्तरलाए तों ओपरेट करन दे हुकम होए सन। उत्तरलाए विच असीं अपणा इक-इक जहाज़, मोटी-संघणी कंकरीट दे बणे होए पक्के ते मज़बूत शैडां 'च सुरख्खिअत कीता होइआ सी।

उस दिन दुपहिर वेले, असीं तकनीकी टरेडां दे सैनिक शैड्ड अंदर, अपणे जहाज़ नूं हमले 'ते भेजण लई तिआर कर रहे सां। खाणे वाळी गड्डी बाहर आ खलोई सी। मग्ग-पलेटां उठा असीं खाणा लैण लग्ग पए। अचानक ही दो पाकिसतानी जहाज़ साडे सिरां 'ते आ धमके। उह बहुत ही नीवें आए सन जिस करके रेडार 'च पता नहीं सी लग्गा ते वारनिंग वजों साइरन नहीं सी वज्जिआ। जहाज़ां दीआं गंनां विच्चों 'तड़-तड़' करदीआं गोळीआं वरहन लग्गीआं। असीं इकदम उत्थे ही धरती 'ते विछ गए। पर नवतेज खाणे वाळी पलेट चुक्की शैड्ड दे अंदर नूं दौड़ पिआ ते गोळीआं नाळ विंनहिआ गिआ। हमलावर जहाज़ सारे हवाई अड्डे 'ते छा गए सन। साडे लागले शैड्ड विच्चों बाहर आ चुक्के इक जहाज़, परांह पारक कीते दो फौजी टरक्कां अते इक टोअ-टरैकटर नूं साड़ के उह औह गए, औह गए।

पिआरे मित्तर दी मौत दे झटके नें मैनूं सुंन कर दित्ता। मौत बंदे दे इंनी नेड़े हुंदी है, यकीन नहीं सी आ रिहा... ते फिर मेरे मन विच अज़ीब जिही खुशी दा अहिसास उभ्भर पिआ, वरहदी अग्ग विच्चों बच निकलण दा अहिसास। गोळीआं दी वाछड़ साथों दो फुट्ट दे फासले 'ते होई सी। जे हमलावर पाइलट नें गंन दी सव्विच अध्धा कु सकिंड पहिलां दब्ब दित्ती हुंदी तां गोळीआं दा मींह खाणे वाळी गड्डी अते साडे उत्ते वी वरहना सी। गड्डी नूं अग्ग लग्गणी ही सी ते असीं सत्तां दे सत्तां सैनिकां नें मारे जाणा सी।

नवतेज दी पतनी पिछ्छे जोधपुर 'च सी। असीं चाहुंदे सां कि नवतेज दा ससकार जोधपुर 'च मनजीत दी हाज़री 'च कीता जाए पर इह संभव नां हो सकिआ। लागली सरहद्द 'ते, अग्गे वध रही पाकिसतानी फ़ौज नूं हवाई हमलिआं नाळ ठल्ल्ह पाउण लई, साडे सुकआडरन दी सिर-धड़ दी बाज़ी लग्गी होई सी। सो नवतेज दा ससकार, साडे शैड्ड दे कोळ ही फ़ौजी रसमां नाळ कर दित्ता गिआ। उसदीआं असथीआं, जोधपुर उसदी पतनी नूं सौंपण वासते मेरी डिऊटी लगाई गई।

सुकआडरन दी जीप 'च उत्तरलाए तों असथीआं लई आउंदिआं मेरी सोच विच नवतेज घुंमी जा रिहा सी... चार दिनां दी उसदी ज़िंदगी ते उह वी संघरश विच ही चली गई। पिओ दी अचानक मौत होण 'ते परिवार दी ज़िंमेवारी उसदे मोढिआं 'ते आ पई सी। उदों उह बी.ऐशसी भाग पहिला 'च पहड़दा सी। लाइक विदिआरथी होण दे नाळ-नाळ उह कालज दी 'सटूडैंट यूनीअन' 'च वी सरगरम सी। पिओ दी मौत नें उस दी पहड़ाई छुडा दित्ती। उह नौकरी लभ्भण लग्गा पर कोई नां मिळी। हार के एअर फोरस विच आ गिआ सी। उह हवाई जहाज़ां दे इंजणां दा मकैनिक सी ते मैं जहाज़ां दे हथिआरां दा मकैनिक। साडा दोनां दा रैंक कारपोरल सी। उंज उह मैथों चार साल सीनीअर सी।

नवतेज औखीआं डिउटीआं दे नाळ-नाळ प्राईवेटली पहड़ाई वी कर रिहा सी। उसने मैनूं वी पहड़ाई लई प्रेरिआ सी पर मैं तां दसवीं ही मसां पास कीती सी। मेरे वांग आम हवाई सैनिक दस जमातू ही सन। साडे लई तां एअर फोरस दी नौकरी ही इक वड्डी छाळ सी। पिंडां दीआं धूड़ां फक्कदे असीं हवा 'च उड्डण वाळीआं मशीनां दे मकैनिक बण गए सां। नवतेज राहीं मैं अकादमिक किताबां नाळ तां नां जुड़िआ, गिआन दीआं किताबां फरोलण लग्ग पिआ। उह सिलेबस दीआं किताबां तों बिनां होर पुसतकां वी पहड़दा रहिंदा सी। उनहां विच्चों मैं अपणी पसंद दीआं चुक्क लिआउंदा। नवतेज 'च काबलीअत दे नाळ जुरअत वी सी। फूकी ते कट्टड़ अफ़सरां मूहरे अड़न कारन उह तिंन वार अठाई-अठाई दिनां लई सीखां पिछ्छे जा चुक्का सी। इसे कारन उसनूं कारपोरल दी तरक्की लेट मिळी सी। हवाई सैना 'च परेडां-पीटीआं घट्ट ही हुंदीआं सन पर जदों कदी 'उप्परों' वड्डे-वड्डे अफ़सरां नें इंसपकैशन करन आउणा तां कई-कई दिन प्रैकटिसां हुंदीआं रहिणीआं। नवतेज नें किसे नां किसे बहाने पतरा वाच जाणा अते ठोक के बंनही पग्ग नूं सुआरदिआं आखणा, "इह वी कोई कंम ऐं- सावधान, खब्बे मुड़ो, सज्जे मुड़ो, तेज चल्लो, हौळी चल्लो, सलामी दिउ। बंदे नूं शरेआम कठपुतली बणा दिंदे आ।"

नवतेज चाहुंदा सी कि उसदा छोटा भरा रेशम दब्ब के पहड़े। पर रेशम अठ्ठवीं विच्चों फेल्ह हो के खेती करन लग्ग पिआ सी। भैण नें दस करके सिलाई-कढाई दा डिपलोमा कर लिआ सी। नवतेज नें पहिलां उसदा विआह कीता ते फिर अपणा।

नवतेज नें नौं साल पूरे करके एअर फोरस छड्ड देणी सी। उह पुलिटीकल साइंस दी ऐम.ए फसट डवीज़न 'च कर चुक्का सी। किसे कालज 'च प्रोफैसर बणन दा सुपना सी उसदा। मनजीत नें बी.ए कीती होई सी। उसदी पलान बी.ऐड्ड करन दी सी। उसनूं मिऊज़िक दा शौक सी। मैं जदों कदी उनहां दे कुआटर विच जाणा तां जीतां भाबी नूं सितार वजाउण लई सिफारिश करनी। संवेदनी सुरां 'चों झरदे सुहज नाळ रूहां सरशार हो जाणीआं।

जिस दिन नवतेज दे डिसचारज दी चिठ्ठी, एअर-हैड्डकुआटर तों सुकआडरन दे आरडरली-रूम 'च पहुंची, उस दिन उह खुशी 'च खिड़िआ पिआ सी, "बस्स तिंन महीने होर नें। डेढ महीने बाअद कलीअरैंस शुरू कर देणी आं ते फिर आपां उडंतर हो जाणै। सिवल 'च मैं लैकचरार ते जीतां मासटरनी। नवीं ज़िंदगी शुरू करांगे।" नवतेज दी इक कालज विच सिलैकशन हो चुक्की सी।

पर अगले दिनां 'च जंग लई 'तिआर बर तिआर' दीआं तारां खड़क गईआं। छुट्टीआं ते डिसचारज रोक दित्ते गए। बेबसी ते निराशता 'च डुब्बे नवतेज नें आखिआ सी, "अखीर 'ते आ के फस गिआ।"

"लड़ाई किते सदा तां नहीं लग्गी रहिणी।" मैं दिलासा दित्ता सी।

"मुक्कण 'ते इनहां नें किहड़ा इकदम छड्ड देणै। उन्नी सौ पैंहट दी लड़ाई तों बाअद डिसचारज 'ते जाण वाळे डेढ-डेढ साल रिड़क हुंदे रहे सी। मैं तां इक दिन वी वाधू नहीं अटक सकदा।"

3 दसंबर 1971 नूं जंग दे बिगल वज्ज गए। ओदण नवतेज दी नौकरी नौं साल तों इक महीना उप्पर हो चुक्की सी। उह अपणे टरेड दा कंम तां करदा पर बुझिआ-बुझिआ रहिंदा। वार-वार इही आखी जांदा, "अखीर 'ते आ के फस गिआ।"

"ओए सज्जणां की हो गिआ तैनूं? जिगरा रख्ख।" मैं खिझ के आखिआ सी।

"की गल्लां करदैं यार? मेरा सारा कीता-कराइआ खूह 'च पै गिआ। इह हौसला दिखउण दी गल्ल मेरे 'ते ही नहीं होरनां 'ते वी लागू हुंदी ए। तूं दिखा तां हौसला, लिख चिठ्ठी प्रधान मंतरी 'ते उहदे वज़ीरां नूं कि भेजण आपणे पुत्तां नूं मुहाज 'ते साडे वांग लड़न ते मरन वासते।"

"तेज! मुंह बंद रख्ख। हैदां दीआं गल्लां करके तूं अपणा तां कोरट-मारशल करवाउणा ई ऐं, नाळ सानूं वी पलेथण लुआएंगा।" मैं उसनूं चौकस कीता।

"ओए! ऐवें किउं मोक मारी जानै, जाह हो लैण दे मेरा कोरट-मारशल।"

मैं देख रिहा सां, नवतेज दी निराशता ते बेबसी विदरोह 'च बदल गई सी। दो दिन पहिलां जदों हवाई हमले दा साइरन होइआ तां उह साडे नाळ मोरचे विच नहीं सी लुकिआ। पुछ्छण 'ते कहिण लग्गा, "मेरे उत्ते तां पहिलां ही बंब डिग्गिआ पिऐ।"

ते फिर सचमुच्च ही बंबां दी ठिगणी शकल वाळीआं, जहाज़ां दीआं गोळीआं नवतेज 'ते वरह गईआं सन... उसदी लाश दे दुआळे खून दा छप्पड़ लग्गा होइआ सी। खून 'च डुब्बी उसदी रोटी वेख के मैनूं; उसदी हेठले रैंका अते अफ़सरां विचाळे पाड़े बारे आखी गल्ल याद आ गई सी, "किंना फ़रक ऐ साडी अते अफ़सरां दी रोटी, वरदी ते तनखाह विच। नौं साल पूरे होणगे तां सिवल 'च जा के चंगा खावांगे, चंगा पहिनांगे।"

पर चंगी रोटी तां की, जंग नें तां उसदी पलेट 'च पई रुख्खी-सुक्की वी उसनूं खाण नहीं सी दित्ती। इसतों पहिलां कि उह रोटी खांदा, गोळीआं उसनूं खा गईआं सन। रोटी नें अपणी कीमत वसूल लई सी। 'फ़ौजी दी रोटी एनी महिंगी किउं ए? ' मेरे अंदरों गुबार उठ्ठिआ सी।

उसदे ससकार समें जदों असीं 'शोक शसतर' दी मुदरा विच राईफलां उलटीआं कीतीआं अते बिगल दी 'लासट पोसट' दी मातमी धुंन उभ्भरी तां सारे हवाई अड्डे 'च सोग छा गिआ सी।

डूंघे सोग 'च डुब्बिआ होइआ सी नवतेज दा कुआटर, जदों मैं नवतेज दीआं असथीआं लै के पहुंचा। कुआटर अंदर वड़दिआं मेरीआं लत्तां फुल्लण लग्ग पईआं। मैनूं वेख के, कमरिआं विच दरीआं 'ते बैठे सारे जणे वरांडे 'च आ खलोए। सदमे नाळ मिध्धी होई जीतां भाबी, डिगूं-डिगूं कर रही सी। गोरा चिहरा पीळा ज़रद पै चुक्का सी। चिट्टी चुंनी दी चिटिआई उसदीआं मोटीआं-मोटीआं अख्खां विच वी उत्तर आई सी, सुपनिआं विहूणी चिटिआई। पंजाब तों पहुंचे नवतेज दी मां ते भरा हालों बेहाल होए पए सन। जीतां संग खड़ीआं औरतां, लागले कुआटरां दे सैनिकां दीआं पतनीआं, मावां अते भैणां सन। पंजाब, बंगाल, तामिलनाडू, महांराशटर, राजसथान, उत्तर प्रदेश आदि सूबिआं दीआं उनहां औरतां दे रंग अते नैण-नकश तां भिंन-भिंन सन पर उनहां दे चिहरिआं 'ते छाए फ़िकरां दे चिंनह इक्को जिहे सन। उत्तरलाए तों दो सौ किलोमीटर दूर, सुरख्खिअत थां 'ते होण दे बावजूद वी उह जंग दा ओना ही सेक हंढा रहीआं सन, जिंना उनहां दे पती, पुत्त अते वीर।

मैं कंबदे हत्थां नाळ असथीआं वाळा कलस जीतां भाबी वल्ल वधाइआ। उह डौर-Øभौर होई कुझ पल उसनूं तक्कदी रही ते फिर छाती नाळ लाउंदिआं उसदी लेर निकळ गई, "नहीं... नवतेज़.. नहीं... इह तूं नहीं। तेरी सोच विच मौत नहीं, ज़िंदगी सी। आपां बिहतर ज़िंदगी दे सुपने लए सन... तूं मैनूं छड्ड के किते नहीं जा सकदा... देख! मैं तैनूं उडीक रही हां... तेरे राहां 'च खहड़ी आं।" धाहां मारदिआं उह बेसुरत हो गई। नाळ खलोतीआं औरतां नें उसनूं संभाळ लिआ।

ढिड्ड 'च मुक्कीआं दे रही नवतेज दी मां दीआं वी लेरां निकळ गईआं। कलस नूं पळोसदिआं उह कुरलाई, "हाए वे रब्बा! इह तूं की कीता? मेरा कड़ी वरगा जुआन पुत्त खोह लिआ... अजे तां मैनूं इहदे पिउ दी मौत ही नहीं भुल्ली, हुण तूं ऐडा वड्डा कहिर होर ढाह दित्तै। इह तूं मैनूं किहड़े जनमां दी सजा दे रिहां... ।"

मेरीआं अख्खां आप मुहारे वहि तुरीआं सन।

मां अते जीतां दीआं धाहां-सिसकीआं मसां ही बंद होईआं। डूंघे सदमे 'च होण कारन जीतां तों कोई गल्ल नहीं सी हो रही। मां अते रेशम नाळ दुख्ख-दरद सांझा करके मैं उठ्ठ पिआ सां, उतरलाए 'च हाज़र होण लई। बैरकां कोळ आ के मेरी जीप हौळी हो गई। अनींदरे कारन सरीर टुट्टिआ पिआ सी। दिल कीता कि बैरक 'च जा के चंगी तरहां नहावां ते रज्ज के सौवां। पर सुकआडरन कमांडर दी छेती तों छेती मुड़न दी हदाइत चेते आ गई। मैं जीप मुड़ तेज़ कर लई... सोचां ही सोचां विच मैनूं सुकआरडन कमांडर दा नवतेज दी मौत तों बाअद दित्ता भाशण सुणाई देण लग्गा, "देश लई मर मिटणा ज़िंदगी दा उत्तम कारज है। सिर 'ते कफ्फण बंनहणां ते मौत नाळ गल्लां करनीआं सिरफ़ सैनिकां दे हिस्से ही आइआ है... नवतेज दा रणभूमी 'च डुल्ल्हिआ खून, सानूं भारत मां दी रख्खिआ लई होर द्रिड़ करदा है।"

मेरी नज़र बेमलूमे ढंग नाळ सज्जे-खब्बे घुंमी सी। सुकआडरन कमांडर दीआं गल्लां सुण रहे सैनिकां दे चिहरिआं 'ते सूरमगती दी शेड विच इक शेड होर वी सी, अधीनगी दी। अपणे अंदर दी अधीनगी वी, मैं महिसूस कर रिहा सां। सुकआडरन कमांडर दे चिहरे 'ते लाली सी। शाइद वड्डे रैंक अते मोटी तनख़ाह दी लाली कारन उस अंदरली अधीनगी ज़ाहर नहीं सी हो रही। उह जोश नाळ बोल रिहा सी, "मैनूं अपणे सुकआडरन दे वधीआ पाइलटां अते टैकनीशअनां 'ते माण है, फख़र है।"

इहो जिहीआं ही माण, फख़र वाळीआं गल्लां कनेडीअन फोरसज़ बेस टरांटो दे कमांडिंग अफ़सर नें वी सटीव दे ससकार तों पहिलां आखीआं सन... सटीव दी लाश अफगानिसतान तों हवाई जहाज़ राहीं पहुंची सी। उसदी लाश वाळी लंमी गड्डी जदों एअरपोरट तों बेस नूं आ रही सी तां कुझ लोक, मारच महीने दी ठंढ दी परवाह नां करदे होए 'हाईवे आफ़ हीरोज़' दे पुळ 'ते हाज़र सन। उनहां नें 'पिआरे सटीव बरटन! तेरी बहादरी 'ते कैनेडा नूं माण है' दे परचमां नाळ सटीव दा सतिकार कीता सी।

सटीव दे अंतिम दरशनां लई कैसकिट, 'कलारक फिऊनरल होम' विच रख्खी गई सी। सटीव दी मौम, नैनसी दे मौम-डैड, होर रिशतेदार, दोसत-मित्तर अते काफ़ी सैनिक कुरसीआं 'ते बैठे सन। 'कमिशनेअरज़' वल्लों मैं हाज़र सां। सैनिकां दे चिहरिआं 'ते बहादरी दे हाव-भावां हेठ पर-वस्स दे चिंनह वी रूपमान हो रहे सन।

सटीव दे वरदी पाई होई सी। उसदा नुच्चड़िआ होइआ चिहरा कैमीकलां दे प्रभाव हेठ लालगी 'च सी। अंदरों सफैद मखमली कप्पड़िआं नाळ सजाई अरथी दे हवाले होइआ उह जिवें कहि रिहा होवे, 'बथेरी मार-मराई हो गई। हुण आराम कर लैण दिउ।'

फ़ौजी पादरी नें बाईबल विच्चों सरमन पहड़े ते सटीव दी कुरबानी नूं बाईबल दे प्रसंगां नाळ जोड़ के उसनूं नाइक वजों पेश कीता।

उस तों बाअद टरांटो दे मेअर नें, दुनीआ भर 'च धरमां दे नां 'ते हो रहे खून-खराबे दी गल्ल छेड़ के, कनेडीअन सैनिकां दी दलेरी नूं सलाहिआ, जिहड़े अति कठ्ठिन हालतां विच तालिबानां नाळ लोहा लै रहे सन। उसने सटीव दी कुरबानी नूं टरांटो-निवासीआं वल्लों प्रणाम कीता।

बेस दे कमांडिंग अफ़सर नें विशव अमन लई कनेडीअन पलटणां दे रोल दी प्रशंशा कीती। बोसनीआं ते सोमालीआ विच अपणे बेस दीआं यूनिटां दी वधीआ कारगुज़ारी दा माण नाळ ज़िकर कीता। बोसनीआं मिशन 'ते तां उसनूं बाहला ही फख़र सी, जिस विच सटीव अते तिंन होर सैनिकां नूं बहादरी-सनमान मिळे सन। सटीव बारे उसने भावुक अंदाज़ विच किहा सी, "उह इक सूरमा सैनिक सी, कमाल दा निशानची। उसदी मौत मेरे बेस लई ही नहीं, समुच्ची कनेडीअन फोरसज़ लई बहुत वड्डा घाटा ए पर असीं उसदी कुरबानी 'ते फख़र वी महिसूस करदे हां... मैं सटीव दी विधवा नैनसी बरटन दी हर संभव सहाइता करांगा।"

सटीव दे अते नैनसी दे मापिआं ते दोसतां नें, उस नाळ बिताए समें दीआं यादां सांझीआं कीतीआं ते फिर पोडीअम 'ते नैनसी आई सी। उसने काळा सूट पहिनिआ होइआ सी। भूरे वाळ सादा ढंग नाळ सजाए होए सन। मैं सुण चुक्का सां कि पती दी मौत दी ख़बर टैलीफोन राहीं कंनां 'च पैण 'ते उह सुंन हो के थां ही डिग्ग पई सी... अधमोई दे मूंहों 'नो, नो... नो' दी चीख निकळी सी। हुण चार दिनां बाअद सी तां उह अजे वी डूंघे सदमे 'च पर अपणे आप नूं किसे हद्द तक्क सांभिआ होइआ सी। उसने खिड़की विच्चीं बाहर खलोते रुंड-मुंड दरख्खतां वल्ल तक्किआ। अख्खां विच दफ़न होईआं हसरतां जिवें दरख्खतां नूं कहि रहीआं होण, 'तुहाडी पत्तझड़ महीने-डेढ महीने तक्क मुक्क जाएगी पर साडी नहीं मुक्कणी, उमरां जेडी लंमी पत्तझड़।' धीरज धार के उसने कहिणा शुरू कीता, "मेरा ते सटीव दा साथ बाई साल दा है... पहिलां दोसती, फिर विआह। अपणे साधनां मुताबिक असीं ज़िंदगी नूं पूरी तरहां माणिआं। औकड़ां-कठिनाईआं वी आईआं पर इक्कसुरता साडी ऊरजा बणदी रही। इक वार साडे 'च दूरी वी पई पर रूहां 'च खुणे पिआर नें सानूं टुट्टण नां दित्ता... हुण इस सदा-सदा दी दूरी मूहरे मेरी कोई वाह-पेश नहीं जा रही," मूंह पासे करके उसने अख्खां पूंझीआं ते बोली, "मैं सटीव दीआं यादां नूं जीवन-शकती बणाउण दी कोशिश करांगी ते उस शकती नाळ दोनां बच्चिआं दी संभाल करांगी।"

पादरी दे आदेश 'ते हाल 'च हाज़र हर विअकती नें वारी सिर, कैसकिट कोळ जा के सटीव दे आखरी दरशन कीते। नैनसी नें सटीव दी बांह पलोसी अते गूहड़े पिआर नाळ मत्थे 'ते हत्थ फेरिआ। उसदे नाळ ही, डौर-भौर होए टिंम दा हत्थ वी डैड दे चिहरे 'ते घुंमिआं। नंनहे जिहे जिंमी नें डैड दी गल्ह नूं छुहिआ ते भोळी अदा 'च आखिआ, "डैड! आई लव यू।" नैनसी दे चिहरे 'ते मुसकराहट दी कातर उभ्भर आई। पुत्त नूं मोह नाळ चुंमदिआं उस दीआं अख्खां भर आईआं।

कबरिसतान नूं टुरन दा समां हो गिआ सी। कैसकिट बंद करदिआं नैनसी दा चिहरा इकदम ही बुझ गिआ। चिहरे दी रौशनी जिवें कैसकिट नें निगळ लई होवे। उह लड़खड़ा गई। कोळ खलोते उसदे मौम-डैड नें, "नैनसी बेटी! हौसला रख्खो'' आखदिआं उसदी पिठ्ठ पलोसी। दरद-डुब्बिआ हउका नैनसी अंदरों निकळ गिआ।

कबरिसतान विच गहिरी चुप्प छाई होई सी। नां कोई अलारम, नां हौरन ते नां ही कोई साइरन... । कबरिसतान दे वासी, दुध्ध-चिट्टी बरफ़ दे कंबळ ताणी शांती नाळ सुत्ते पए सन। पर कबरां विच उह नहीं सन, उनहां दी मिट्टी सी। उह सारे आपो अपणी जीवन-जंग लड़दे ते उसनूं उचित साबत करदे-करदे मुक्क गए सन, खाक हो गए सन। सटीव नूं वी, फ़ौजी रसमां नाळ सपुरद-ए-ख़ाक कर दित्ता गिआ। मैं नैनसी कोळ खलो के अफसोस कीता, "नैनसी! बहुत माड़ा होइआ। अजे तां सटीव नें ज़िंदगी दीआं बहुत रुत्तां मानणीआं सन... ।"

"डेव! सटीव नें अप्रैल दे शुरू 'च वापस आ जाणा सी। ईसटर असीं इकठ्ठिआं मनाउणा सी। पर की पता सी कि उसदे हिस्से दे तिउहार सदा लई ख़तम... ।" गल्ल उसदे दरदीले हउके 'च डुब्ब गई। उसदे इस हउके नें मैनूं चाली साल पहिलां दे जीतां भाबी दे हउके याद करवा दित्ते... उह हउके-हटकोरे, पहिलां मैं उदों सुणे सन जदों नवतेज दीआं असथीआं लै के गिआ सी ते फिर विसाखी तों बाअद आई उसदी चिठ्ठी विच्चों। उस विसाखी नूं मेरा अपणा मूड बड़ा खराब रिहा सी... पिछली विसाखी 'ते मैं, नवतेज ते जीतां भाबी इकठ्ठे सां। हवाई अड्डे 'च होए रंगारंग प्रोगराम नूं देखण तों बाअद उह मैनूं अपणे कुआटर 'च लै गए सन। असीं इकठ्ठिआं रोटी खाधी सी। जीतां भाबी दी बणाई माहां दी दाळ मीट नाळों वी सुआद सी। "एअर फोरस दी साडी इह आखरी विसाखी ए।" नवतेज नें खुशी दे रउं 'च इह गल्ल दो-तिंन वार आखी सी। पर उसनूं की पता सी कि उह विसाखी उसदी ज़िंदगी दी ही आखरी विसाखी सी... जीतां भाबी दे सुपनिआं दी भरी-भराई फसल तबाह हो गई सी। हुण उह किहड़े हालीं सी, कुझ नहीं सी पता। जोधपुरों जा के महीने कु बाअद उसदी दो-सतरी चिठ्ठी आई सी। अपणी विधवा पैनशन सबंधी उसनूं कोई कागज़ चाहीदा सी। मैं सुकआडरन दे दफ़तरों लै के भेज दित्ता सी। ते फिर विसाखी तों दो कु हफते बाअद उसदी दूजी चिठ्ठी आई सी। लिखिआ सी, 'मेरा ते नवतेज दा रूहां दा नाता सी। तुसीं देखदे ही रहे आं कि साडी साधारन जिही ज़िंदगी विच वी बहारां वरगी टहिक ते महिक सी। उह सभ नवतेज दे साथ दीआं बरकतां सन। असीं इक-दूजे दे माण विच उड्डे फिरदे सां। पर रब्ब नें अजिहा पटका के मारिआ कि ज़िंदगी ज़हिर बण गई ए... हंझू केरदिआं मैं कदी-कदी नवतेज नूं आवाज़ां मारन लग्ग जांदी हां कि आ के देख, तेरी जीतां नाळ किवें बेइनसाफीआं हो रहीआं नें, बिगानिआं वल्लों नहीं; आपणिआं वल्लों। नवतेज हुरां नूं 'भा जी, भा जी' करन वाळा रेशम मेरे नाळ रोहब नाळ गल्ल करदै। सस्स दे दिल 'च हमदरदी हैगी ए पर उसदी पुछ्छ-प्रतीत है नहीं। दराणी घर दे कंमां तों पासा वट्ट जांदी ए। मैं तां आप ही कंमां 'च रुझ्झे रहिणा चाहुंदी हां पर इह कदर तां करन। जिहड़ी माड़ी-मोटी कदर हैगी ए, उह पैनशन करके ऐ। मन दी चैन लई जदों मैं सितार वजाउण लई बैठदी हां तां सारे सड़-बल जांदे हन। किंनी गमगीन सी ऐतकीं दी विसाखी … । '

चिठ्ठी पहड़ के मैं बड़ा प्रेशान होइआ। पर नाळ ही मन 'च माण जिहा वी उभ्भरिआ... जीतां भाबी नें मैनूं अपणा समझ के मेरे नाळ दुख्ख-दरद सांझे कीते सन। चिठ्ठी दे अखीर 'च उसने अपणे बापू दा ऐडरैस लिखिआ होइआ सी।

जवाब विच मैं अपणत्त भिज्जे शबदां राहीं जीतां नाळ हमदरदी प्रगटाई। अपणी सहाइता दी पेशकश कीती। दुख्खां नाळ जूझण दा हौसला वी दित्ता।

ते फिर तकरीबन हर दो-तिंन महीने बाअद, दुख्ख-दरद बिआनदी उसदी चिठ्ठी आ जांदी। आखर विच किसमत नूं कोसिआ हुंदा। उस साल दी दीवाली नूं उसने कलमूंहीं दीवाली लिखिआ सी। मैं उसनूं दिलासा दिंदा रहिंदा। होर कर वी की सकदा सां। किसमत मूहरे नां उसदा ज़ोर सी ते नां मेरा।

पर हुण नैनसी दे केस नूं वेखदिआं मैं महिसूस कर रिहा सां कि जीतां दीआं नवतेज दी मौत तों बाअद दीआं समस्सिआवां उसदी माड़ी किसमत करके नहीं सन... उसदीआं दीवालीआं ते विसाखीआं एनीआं काळीआं नहीं सन होणीआं जे नवतेज कनेडा दा फ़ौजी हुंदा... जीतां कोळ आपणी जौब वी होणी सी ते सरकार वल्लों चंगी पैनशन वी मिळ जाणी सी। की लोड़ सी उसनूं रिशतेदारां ते होर लोकां वल्ल झाकण दी।

नैनसी नूं अजिही कोई लोड़ नहीं सी पई। लोकां वल्लों मिळी भावनातमक मद्दद लई वी उसनूं किसे दे तरस दी पातर नहीं सी बणना पिआ।

पर दुख्ख तां हर थाईं हुंदे नें, आपो-अपणी किसम दे... नैनसी अपणे पुत्तर दी समस्सिआ विच उलझी पई सी। इक दिन जदों मैं नैनसी नाळ अपणी डिटैचमैंट दा बज्जट डिसकस करन गिआ तां पुछ्छ लिआ, "टिंम किवें है? कोई फ़रक पिआ?"

"फ़रक उहदे 'च नहीं, मेरे विच पैणा शुरू हो गिऐ।"

"की मतलब?" मैं हैरान हो के पुछ्छिआ।

"पहिलां मैं उसनूं अपणे ही हिसाब नाळ समझदी सी पर हुण उस नूं उसदी सोच अनुसार समझण दी कोशिश कर रही हां। कल्ल्ह उह कंपिऊटर 'ते बैठा सी। मैं पुछ्छिआ की कर रिहां। कहिण लग्गा 'वार' लफज़ नूं 'ऐकसपलोर' कर रिहां। मैं पुछ्छिआ काहदे वासते। कहिंदा सकूलों ऐसाईनमैंट मिळी है। मैं पुछ्छिआ कि ऐसाईनमैंट 'जंग' बारे है। कहिंदा किसे वी 'इंपौरटैंट इशू' 'ते लेख लिखणै। तिंन घंटे बीत गए। मैं जा के देखिआ तां दंग रहि गई। मौनीटर 'ते 'वार आफ़ थौटस' दे सिरलेख हेठ कुझ लाईनां लिखीआं होईआं सन। मैं मंनदी हां कि अज्ज-कल्ल्ह दे बच्चे बहुत सूखम हन पर मेरा टिंम तां... ।"

'टणन-टणन' नैनसी नें गल्ल विच्चे छड्ड, फोन उठा लिआ। सुणन उपरंत उह मैनूं संबोधित होई, "बेस-हैडकुआटर दी काल सी। सारीआं यूनिटां 'च 'हाई ऐलरट' जारी हो चुक्कै। सूहीआ एजंसीआं नूं शक्क है कि इनहां दिनां विच कनेडा दी किसे एअरपोरट जां फ़ौजी टिकाणे 'ते अत्तवादी हमला हो सकदै। तूं अपणे कमिशनेअरज़ नूं हदाइतां दे आ, कि उह सैनिकां ते सिवलीअनां दे पछाण-पत्तर बारीकी नाळ चैक्क करन अते गेटां-बिलडिंगां दी आवाजाई 'ते घोखवीं नज़र रख्खण … शक्की नकलो-हरकत अते शक्की बंदे बारे 'ओपरेशन कंटरोल' नूं तुरंत काल करन।"

"ओ के।" आख मैं उठ्ठ पिआ। कार वल्ल नूं जांदिआं मैं टिंम दी 'विचारां दी जंग' वाळी गल्ल 'ते हैरान होई जा रिहा सां। अज्ज-कल्ल्ह दे बच्चे वाकई बहुत शारप हन... कुझ दिन होए मैं अपणे दस कु साल दे दोहते नाळ अपणी एअर फोरस दी नौकरी दीआं गल्लां कर रिहा सां। उस नें मेरे 'ते सवाल कर दित्ता, "नानूं! जहाज़ां विच तां पैसैंजर बैठदे आ। तुसीं जहाज़ां 'ते बंब, मिज़ाईलां जां होर वैपन किउं लोड करदे सी?" मैं की जवाब दिंदा! सोचीं पै गिआ सां कि असीं दाअवे तां इह कर रहे हां कि साइंस ते तकनालोजी नें दूरीआं घटा दित्तीआं हन। दुनीआ दे सारे मुलक इक-दूजे दे नेड़े हो गए हन। पर इस नेड़ता विच्चों निकळिआ की है? जंग! हर पासे जंग दे ख़तरे दीआं घंटीआं वज्ज रहीआं हन... 'ऐलरट'... 'हाई ऐलरट'।

बेस अंदरलीआं पोसटां दे कमिशनेअरां नूं चौकसी हदाइतां दस्सण-समझाउण बाअद मैं डिकसन आरमुरी जा पहुंचिआ। उत्थों दे कमिशनेअर नाळ गुफ़तगू करके जदों मैं गारड-रूम 'चों बाहर निकळिआ तां डमिटरी टक्कर पिआ। उह दो कु दिन पहिलां ही अफगानिसतान तों परतिआ सी, अपणी दूजी टरम पूरी करके। मैं उहनूं "वैलकम बैक'' किहा। उसने धंनवाद कीता। साडी 'हाई ऐलरट' तों शुरू होई गल्ल अफगानिसतान जंग 'ते पहुंच गई।

"डमिटरी! ओथे लोकां नाळ संवाद वी रचाउंदे हो?" मैं पुछ्छिआ।

"डेव! साडे अते अफगानीआं विचाळे अजे आपसी विशवास नहीं बणिआं। अमरीका, इंगलैंड, कैनेडा अते होर देशां दे फौजीआं प्रती अफगानीआं दा रवई्ईआ रळमिळा जिहा ए। कुझ सानूं सहियोग देंदे हन ते कुझ साडी मौजूदगी नूं आपणे देश विच दखल-अंदाज़ी समझदे हन। इस करके सानूं लोकां विच जाणा अजे सुरख्खिअत नहीं लगदा। फिर वी जदों कदी ढुक्कवां मौका मिलदै असीं उनहां नुं समझाउण दी कोशिश करदे हां कि- तालिबान धरम दे नां 'ते तुहाडी अकल नूं जंदरे मार रहे हन। साइंस ते तकनालोजी नूं रद्द करके तुहानूं अगिआनता दे हनहेरे विच डक्क रहे हन, तुहानूं गरीबी वल्ल धकेल रहे हन... ।" गल्लां करदा डमिटरी मेरे नाळ ही बिलडिंग तों बाहर आ गिआ ते आरमुरी दे विहड़े 'च लग्गे टैंट विच जा वड़िआ। किसे दी विदाइगी-पारटी दी तिआरी हो रही सी। मैं टैंट वल्ल तक्कदा कार वल्ल नूं तुर पिआ। पारकिंग-लौट 'चों कार कढद्दिआं मेरी निगहा मुड़ टैंट 'ते जा टिकी... ते मेरी सोच विच उस टैंट दी थां, वड्डे-वड्डे टैंट साकार हो गए... उनहां टैंटां विच, पिछले हफ़ते, सटीव हुरां दी यूनिट दा वरहेगंढ समागम होइआ सी। समागम मौके हथिआरां दी प्रदरशनी वी लाई गई सी। शहिर दे लोक टिकट खरीद के हथिआर देख सकदे सन।

बेस तों असीं कई जणे समागम विच शामल होए सां। यूनिट दी वधीआ कारगुज़ारी बारे बोलदिआं, ओपरेशन कमांडर नें कुझ सिरलत्थ सैनिकां दा माण नाळ ज़िकर कीता सी। सटीव नूं विशेश तौर 'ते याद करदिआं नैनसी नूं सनमानित कीता गिआ सी। नैनसी नाळ टिंम वी सी।

फंकशन दी समापती 'ते मैं वी उनहां नाळ टुर पिआ। हथिआरां दी प्रदरशनी कोळों लंघदिआं टिंम रुक गिआ। मैं ते नैनसी वी खहड़ गए। वड्डे-वड्डे मेज़ां उप्पर पिसटल, सटेनां, ऐळऐम.जीआं, ऐम.ऐम.जीआं, राकट लांचर, गरनेड लांचर अते होर कई हथिआर सजाए पए सन। दरशकां नाळ वारतालाप कर रहे सैनिक, उनहां हथिआरां नूं नवीन तकनालोजी दे वधीआ हथिआर करार दे रहे सन।

"मौम! जद साडे सैनिकां कोळ एने वधीआ हथिआर हन तां उह ऐफगैनिसतैन 'च सफ़ल किउं नहीं हो रहे।" टिंम नें मत्था सुकेड़दिआं पुछ्छिआ।

"उनहां कोळ वी वधीआ हथिआर हैगे नें।" नैनसी नें उत्तर दित्ता।

"उह बणाउंदे नें?"

"देसी किसम दे तां उह बणा लैंदे हन पर वधीआ नवीन हथिआर उह इध्धरों-उध्धरों खरीददे हन।"

"कित्थों?"

"कुझ देश हथिआरां दा बिज़निस करदे नें।"

"वहट्ट! वैपन बिज़निस!" टिंम नूं जिवें करंट वज्जा होवे। उसदा हैरानगी 'च झुंजलाइआ चिहरा, पलां विच ही अंगिआरां वांग भख उठ्ठिआ। खरहवी आवाज़ विच उह बोलिआ, "इसदा मतलब डैड नूं मारन वाळे 'कल्ले तालिबान नहीं, हथिआरां दे वपारी वी हन... आई डोंट अंडरसटैंड दिस बुलशिट।"

"लिसन माई परैशिअस चाइलड! आपां नूं उनहां मसलिआं बारे ही सिर खपाउणा चाहीदै, जिहड़े साडे वस्स विच हन। यू टेक इट इज़ी... टेक इट इज़ी माई सन।" हत्थ विचला बैग मैनूं फड़ा के, नैनसी दोनां हत्थां नाळ पुत्त दे मोढे घुट्टण लग्ग पई ते उसनूं किसे होर गल्ल 'च पा के कार विच लिजा बिठाइआ।

उनहां नूं तोर के जदों मैं अपणी कार 'च बैठा तां मेरे कंनां विच नवतेज दी जंग दे दिनां विच कही गल्ल गूंज गई, "इक्क वड्डा देश पाकिसतान नूं हथिआर वेची जांदै, दूजा वड्डा देश भारत नूं। पाकिसतान नाळ साडी इह तीजी लड़ाई आ। दोनां देशां दे हज़ारां फ़ौजी मर चुक्के आ। मसला ओथे दा ओथे ही ऐ। होर पता नहीं अजे किंनीआ लड़ाईआं होणीआं नें ते किंने फ़ौजी मरने हन।"

नवतेज नूं की पता सी कि उसदी वारी वी आई खहड़ी सी ते मगरों उसदी पतनी दा की हाल होणा सी।

मैं छुट्टी गिआ तां नवतेज दे पिंड वी गेड़ा लग्गा। साडा आउण-जाण बणिआ होइआ सी। जीतां भाबी दीआं चिठ्ठीआं 'च पहड़े दुख्खां-कशटां दी झलक अख्खीं वेखी। शादी-शुदा, अनपहड़ जिहे रेशम दी, भरजाई अते भरजाई दी पैनशन 'ते कबज़ा करन दी नीअत नें मेरे अंदर विदरोह खहड़ा कर दित्ता। जीतां दी सुचज्जता अते पहड़ाई दा प्रभाव तां मेरे 'ते पहिलां ही सी। हुण उसदी सुंदरता दी खिच्च वी पैण लग्ग पई। अजिहे पलां विच मैनूं अपणा आपा झूठा जिहा लग्गण लग्ग पैंदा, जिवें मैं नवतेज नाळ दगा कमा रिहा होवां। मन अंदर कशमक्कश शुरू हो जांदी।

पर मैं छेती ही दुबिधा 'चों निकळ आइआ सां। मेरे दोसत दी विधवा संकट 'च सी। उस नाळ बेइनसाफ़ी हो रही सी। बेइनसाफ़ीआं, ख़ुदगरज़ीआं नें उसनूं रोळ देणा सी। उसदी मारूथली वाट विच दूर तक्क हनहेरा ही हनहेरा सी। जीतां नूं चिठ्ठी राहीं टोह लैण बाअद मैं उस नूं अपनाउण दा फ़ैसला कर लिआ। पर मेरे घरदिआं नें अड़िक्का डाह दित्ता। मां ते बापू चिठ्ठीआं विच वासते जिहे पाउण लग्ग पए, 'सौ सुख्खां दा तूं साडा इक्को-इक पुत्त एं। अपणे मनां विच असीं तां पता नहीं कदों दे तेरे विआह दीआं रीझां बुण रहे हां। तैनूं चंगे घरां दे रिशते आ रहे आ। विधवा नाळ तैनूं किस तरहां विआह दईए … ।'

मैथों वड्डीआं तिंन भैणां नें वी इहो जिहीआं ही चिठ्ठीआं पाईआं सन, 'सानूं मसां-मसां दे अपणे राजे वीर लई नवीं-नवेली दुलहन चाहीदी ए... ।'

मापिआं दीआं रीझां-सध्धरां मेरे पैरां दीआं बेड़ीआं बण गईआं। जीतां अंदर आस दी किरन जगा के, उसनूं हनहेरे विच ही छड्ड देण दी नमोशी मेरे मन विच ज़िंदगी भर खुभ्भी रही।

मेरा विआह हो गिआ। कुदरती सुघ्घड़-सिआणी पतनी मिळ गई। उसदे संग, जीवन-सफ़र दे सालां दे साल कदों बीत गए, पता ही नां लग्गा।

जीतां भाबी बारे आसिओं-पासिओं ख़बर मिळदी रही। रेशम दी खोटी नीअत तों सत के उह पेकीं चली गई सी। लागे पैंदे शामचुरासी कसबे दे नामवर उसताद कोलों संगीत दी लंमी सिख्खिआ लई ते इक सकूल 'च संगीत-अधिआपका लग्ग गई। उसदे बुढ्ढे मां-पिउ नूं उस नाळ पूरा हित सी पर उसदे भरावां-भरजाईआं दा हित उसदी पैनशन ते तनख़ाह नाळ ही सी।

कुझ सालां बाअद जीतां नें जलंधर विच संगीत अकैडमी खोल्ह लई सी। अकैडमी दा वाहवा नां बण गिआ सी पर जीतां दे किसे संगीतकार नाळ सबंधां बारे पए लोक-रौळे नें अकैडमी दा नां मध्धम पा दित्ता सी।

नवतेज नूं मारन वाळी जंग तां सिरफ़ दो कु हफ़ते ही चल्ली सी पर उसदी विधवा जीतां दी जंग सारी उमर ही चल्लदी रही। ते इस जंग विच उसनूं पता नहीं किंनी वार मरना पिआ सी।

मैं जंगां वाळी नौकरी दे आसरे टब्बर पाळदा रिहा। इक्की साल बाअद रिटाइर होइआ। 'कल्ली पैनशन नाळ गुज़ारा नां चल्लिआ। अपणी थोहड़ी कु जमीन 'च खेती करन लग्ग पिआ।

साडी वड्डी लड़की कनेडा विआही गई। उसने सानूं वी कनेडा सद्द लिआ।

ते इत्थे जदों 'कमिशनेअरज़' दी फ़ौजी रैंकां वाळी सकिउरटी वरदी पा के बेस विच फ़ौजीआं नाळ कंम करन लग्गा तां इक तरहां नाळ मुड़ फ़ौजी बण गिआ। पिछली फ़ौजी नौकरी दौरान मिळे रिबन सानूं अपणीआं वरदीआं 'ते लाउणे पैंदे सन। कंपनी दी सलाना-पारटी अते होर विशेश मौकिआं 'ते मैडल वी लाईदे सन।

पिछली सलाना पारटी 'च कंपनी दे कलाइटां दे प्रतीनिधां वजों सटीव वी आइआ सी। विसकी दे घुट्ट भरदे असीं गल्लां कर रहे सां। उसदा धिआन मेरे मैडलां वल्ल चला गिआ। सुनहिरी भाह मारदे, किंगरिआं वाळे इक मैडल नूं निहारदिआं उस पुछ्छिआ, "इह किहड़ी जंग दा है?"

"1971 दी भारत-पाकि जंग दा।"

"भरावां नाळ लड़ीआं लड़ाईआं दे काहदे मैडल?"

मैनूं पता सी, सटीव ऐवें नहीं सी कहि रिहा। अफगानिसतान जंग दी रणनीती दे सबंध 'च, उह अमरीका-कनेडा दे विशेश सैनिकां दी टीम नाळ पाकिसतान जा आइआ सी। उस टीम नूं पाकिसतान दे इतिहास बारे वी मोटी-मोटी जाणकारी दित्ती गई सी। उसदे किंतू दे उत्तर 'च मैं किहा, "भरा होवे जां कोई होर, जे उह ज़िआदतीआं तों बाज नहीं आउंदा तां उसनूं सबक तां सिखाउणा ही पैंदा ए।"

"पर डेव! उस जंग दी कोई जसटीफिकेशन नहीं बणदी। उह तुहाडी उस वेले दी प्रधान मंतरी दी सिआसी खेड सी।"

"सटीव! जे आपां सारी दुनीआं दीआं हुण तक्क होईआं जंगां दी पुण-छाण करीए तां उच्चितता तां शाइद कुझ कु जंगां दी ही बणेगी... इह ऐफगैनिसतैन जंग वी तां आपां अपणे गुआंढी देश नूं खुश करन लई लड़ रहे हां किउंकि उह साडे वणज-वपार दा वड्डा भाईवाल है।"

सटीव मेरे नाळ सहिमत नहीं सी होइआ। दरअसल पिछले कुझ समें तों उह अपणे आप नूं ज़िआदा ही समझण लग्ग पिआ सी। इक मुठ्ठभेड़ 'च उस वल्लों इक उघ्घे तालिबान नूं निशाना बणाउण अते कुझ दिनां बाअद उसदी फ़ौजी टुकड़ी वल्लों तालिबानां नूं मूहरे नसा लैण दीआं घटनावां अते इनहां बदले सटीव नूं मिळे बहादरी इनाम नें उसदे पैर चक्क दित्ते सन। मैनूं डमिटरी तों इह वी पता लग्गा सी कि सटीव सटाफ़-सरजैंट तों सिध्धा लैफटीनैंट बणन दे सुपने लै रिहा सी।

सटीव दी बहड़क इक वेरां मैं आप वी सुणी सी, "इडीअट तालिबान साडे साहमणे चीज़ की नें। साळे बारबेरीअन, हनहेरा ढोण वाले। इनहां नूं सबक सिखा के ही हटांगे।"

उसदी मौत वाळे दिन, जदों उनहां दे सैकटर दीआं पहाड़ीआं विच कुझ खुंखार तालिबानां दी नकलो-हरकत दी सूह मिळी तां सटीव मैस्स 'च सी। उसने तसल्ली नाळ ढुक्कवीं पलान नहीं सी बणाई, रोटी खांदा-खांदा; गरूर विच ही अपणी फ़ौजी टुकड़ी लै के जा वज्जा सी... ते जदों उह उल्लर-उल्लर अपणे सैनिकां नूं उकसाउंदा होइआ "समैश दैम्म, समैश दैम्म'' आख रिहा सी, अगलिआं नें गरनेड वरहा दित्ता।

सटीव मुक्क गिआ सी। जंग नहीं सी मुक्की... । नैनसी दी ज़िंदगी, जिहड़ी सटीव दे साथ विच माणन-हंढाउण वाली चीज़ हुंदी सी, हुण जंग बण चुक्की सी... अति कठोर जंग।

जदों मैं नैनसी ते डमिटरी दी नेड़ता बारे सुणिआं तां चंगा लग्गा। आसे-पासे दीआं आम गल्लां वांग, इस गल्ल नाळ नां तां कोई हैरानी जुड़ी होई सी ते नां ही कोई इसनूं उछाल रिहा सी। मेरे लई इह सकून वाळी गल्ल सी। डमिटरी, नैनसी लई उह कुझ कर रिहा सी, जिहड़ा मैं जीतां वासते नहीं सां कर सकिआ।

डमिटरी नाळ गल्ल होई तां उस आखिआ, "डेव! मैनूं खुशी है कि मैं अपणे दोसत दी विधवा दी मदद कर रिहां। नैनसी वी चाहुंदी ए। उह खूबसूरत है। उसने अपणे आप नूं मेनटेन कीता होइऐ। असीं इक-दूजे नूं चंगी तरहां जाणदे हां। हुण साथी बणना चंगा लग्ग रिहै।"

"कदों बण रहे हो?"

"बस्स टिंम ठीक हो जाए। अज्ज-कल्ल्ह मैं उसनूं अपणे नेड़े लिआ रिहां। उस नाळ मूवीआं देखदां, उसनूं सटोरां, रैसटोरैंटां 'च लै के जाना। मैं उसनूं समझा रिहां कि ज़िंदगी नूं एनी सीरीअस नां बणा। हस्स-खेड ते अपणा फंन कर।"

कुझ दिनां बाअद मैं डिकसन आरमुरी गिआ तां डमिटरी मिळ पिआ। टिंम वी उहदे नाळ सी। कितिओं खा-पी के आए सन। "डेव! इत्थों तूं बेस नूं जाणै?" डमिटरी नें मैनूं पुछ्छिआ।

"याअ!" मैं उत्तर दित्ता।

"की तूं टिंम नूं नैनसी कोळ छड्ड देवेंगा। मैं अपणा कंम निबेड़ लैना।"

"हां, छड्ड देवांगा।" मैं टिंम दा हत्थ फहड़दिआं आखिआ।

कार 'च बैठदिआं टिंम दी निगहा पिछली सीट 'ते पई 'गलोब ऐंड मेल' अखबार वल्ल चली गई। उठा के उह फरोलण लग्ग पिआ... ते फिर बोलिआ, "डेव अंकल! तूं इह ख़बर पहड़ी है?"

"किहड़ी?" बिज़ी हाईवेअ 'च खुभ्भी मेरी नज़र टिंम वल्ल घुंम गई। मैं सुरखी देखी... ख़बर दो अमरीकी सैनिकां बारे सी। उनहां नूं इराक दी जंग उचित नहीं सी लग्गदी... जदों उनहां दे इराक जाण दे आरडर होए तां उनहां नें कनेडा आ के शरन मंग लई सी।

"हां पहड़ी है। इनहां दे केस रिजैकट हो गए नें। फैसले 'च किहा गिऐ कि सैनिक नूं जंग तों भाजू नहीं होणा चाहीदै, हौसले नाळ लड़ना चाहीदै।" मैं दस्सिआ।

टिंम दा गोरा चिहरा भख पिआ। अख्खां 'चों अंगिआर जिहे फुट्टण लग्गे। अखबार 'कठ्ठी करके पट्ट 'ते मारदा होइआ बोलिआ, "उनहां सैनिकां दा जवाब वी देखो। उनहां किहै-तुसीं सिरफ जिसमानी हौसले दी गल्ल करदे हो, नैतिक हौसले दी नहीं। उनहां दा रफिऊजी बोरड दी कोरट अग्गे इह सवाल सी कि नैतिकता दे आधार 'ते जिस जंग दी कोई उच्चितता ही नहीं बणदी, उसनूं जिसमानी हौसले नाळ लड़न दी जो तुक है, उह सानूं समझाई जावे ... ।" टिंम बोली जा रिहा सी।

"डीअर टिंम! इस वेले मेरा धिआन टरैफिक 'च है। आपां फिर किसे वेले गल्ल करांगे।" मैं मिठास नाळ किहा।

"हुंअ... केसां दी डिटेलड रिपोरट मैं कंपिउटर 'ते पहड़ांगा। '' आखदा उह चुप्प हो गिआ।

दूजे दिन बेस दी करिसमस पारटी सी। मैनूं ते होरनां नूं आस सी कि नैनसी अते डमिटरी इकठ्ठे आउणगे। पर 'कल्ला डमिटरी ही आइआ सी।

अगली सवेर मैं पेअ-रोल लै के नैनसी कोळ गिआ तां पुछ्छ लिआ, "नैनसी कल्ल्ह तुसीं पारटी 'च नहीं आए?"

"डेव की दस्सां! अमरीकी सैनिकां दे केस नूं लै के टिंम बहुत ज़िआदा अप्पसैट हो गिआ ए। कहिंदै उनहां नाळ इनसाफ़ नहीं होइआ। उनहां दी नैतिक हौसले वाळी गल्ल बड़ी वज़नदार है... डैड नूं वी नैतिक हौसला दिखाउणा चाहीदा सी," नैनसी ज़रा कु रुकी ते फिर बोली, "जे मैं डमिटरी नूं साथी बणाउंदी हां तां कल्ल्ह नूं जदों उसनूं ऐफगैनिसतैन जां किसे होर जंग 'च जाणा पिआ तां इह उसनूं वी नैतिक हौसला दिखाउण लई आखेगा।"

"इलाज नाळ वी कोई ख़ास फ़रक नहीं पै रिहा लगदा।" मैं आखिआ।

"फ़रक तां पैंदा है पर जदों एदां दी कोई गल्ल पहड़-सुण लैंदै तां फिर उवें ही हो जांदै। हालात दीआं बेतुकीआं दा प्रैशर उस 'ते वध्धदा ही जा रिहै। जदों मैं उसदीआं कदी सुंनीआं ते कदी बळदीआं अख्खां 'च अख्खां पा के उसदे गुआचे जां तमतमाए चिहरे नूं तक्कदी हां तां धुर अंदर तक्क कंब जांदी हां... पती दी मौत मेरे वासते बहुत वड्डी सट्ट सी। मैं सहि लई। उसे घटनावी चक्कर 'च जे हुण मेरे पुत्त नूं कुझ हो गिआ तां मेरी दुनीआं उज्जड़ जाएगी... मैं फौज तों डिसचारज लैण दा फैसला कर लिआ है।"

(राहीं: मुहंमद आसिफ़ रज़ा 'मां बोली रीसरच सैंटर लाहौर')