14 अपरैल नूं कानफ़रंस दा शाम वाला सैशन खतम होण वाला सी। सटेज नेड़लीआं कुरसीआं उते मैं, रघबीर सिंघ, सुलेखा, सरवण सिंघ ते उस दा मित्तर शिंगारा सिंघ किंगरा बैठे होए सां। साडे नाल ही बैठे सन राइ अज़ीज़ उल्ला खान जिनहां दे खानदान नूं गुरू गोबिंद सिंघ जी नें ‘गंगा सागर’ आपणी याद-निशानी वजों दित्ता सी। मैं राइ साहिब नूं कुझ साल होए उनहां दी भारत फेरी उते जलंधर दे सरकट हाऊस विच उनहां दे सनमान विच होए समागम विच मिलिआ सां। उनहां दी गुरू घर नाल सांझ-सतिकार दी भरवीं प्रसंसा करना साडा सभ दा फरज़ बणदा है अते मैं इह फरज़ कुझ शबद बोल के वी अदा कीता सी। राइ साहिब नूं मेरी उह मिलणी चेते सी। सरवण सिंघ नें उनहां नाल ‘इतिहासक सांझ’ कढ्ढ लई। उस नें सानूं दस्सिआ।
‘‘राइ साहिब दे वडेरिआं दा पिछोकड़ मेरे पिंड नाल मिलदा ए। असीं तां राइ साहिब दे गराईं हां। राइ साहिब जाणदे ही नें कि राएकोट दे राए परिवार दा सबंध राजसथान दे राजपूतां नाल जा जुड़दा है। जैसलमेर विच वस्सदे इनहां लोकां दा इक वडेरा, जिस दा नां मोकल सी, कई सौ साल पहिलां पिंड ‘चक्कर’ विच आ वसिआ सी।’’
सरवण सिंघ दा पिंड वी चक्कर है। उस नें गल्ल अग्गे तोरी, ‘‘मोकल दी चौथी पीहड़ी ‘चों तुलसी राम नें इसलाम कबूल कर लिआ ते उह तुलसी राम ‘शेख़ चक्कू’ बण गिआ। अलाउदीन खिलजी नाल उहदे चंगे सबंधां कारन उस नूं रोपड़ तों लै के ज़ीरे तक 1300 पिंड जागीर वजों दित्ते गए। इसे खानदान विचों राए अहिमद होइआ जिस नें 1648 ई. नूं राएकोट वसाइआ।’’
राइ अज़ीज़ उल्ला राएकोट दे उसे ‘राए-ख़ानदान’ दे चशमो-चिराग हन। सरवण सिंघ दा उस नाल भाईचारा बणदा ही सी। पर साडा वी तां उनहां नाल बराबर दा भाईचारा सी। गुरू गोबिंद सिंघ जी नें उनहां दे ख़ानदान दे वडेरे राइ कल्ल्हा नूं आपणे गल नाल ला के समुच्चे सिख्ख पंथ दे सीने नाल ला दित्ता सी। राइ ख़ानदान जैसलमेर, चकर ते राइकोट दा तां सी ही पर उस उते साडा सारिआं दा वी ओना ही हक्क ते माण बणदा सी।
बैठे बैठे राइ साहिब दे मन विच फुरना फुरिआ। कहिण लग्गे, ‘‘संधू साअहब! अज्ज रात दा खाणा मेरे नाल खाओ तुसीं सारे जणे।’’
इस नेक रूह दा सद्दा तां साडे सभ लई बड़े ही माण भरी गल्ल सी। सारिआं नें तुरत ‘हां’ कर दित्ती। सभ उनहां दे अंग-संग विचर के उनहां दी मुहब्बत दा निघ्घ मानण लई उतावले सन पर मेरे लई चाहुंदिआं वी मुशकल बण गई। मैनूं कुझ चिर पहिलां ही डा. जगतार नें दस्सिआ सी कि असीं दोवें शाम नूं उस दे किसे दोसत वल्ल रात दे खाणे लई आमंत्रित सां। मैं राइ साहिब नूं दस्सिआ, ‘‘शाइद मैनूं ते जगतार हुरां नूं अज्ज किधरे होर जाणा पवे। मैं जगतार नूं पुछदां कि ओधर किसे होर दिन चले जावांगे।’’
असल विच मैं राइ साहिब दे संग-साथ नूं पहिल देणा चाहुंदा सां। राइ साहिब नें किहा, ‘‘कोई गल्ल नहीं। मैं जगतार जी नूं आप जा के गुज़ारश करनां।’’
उह उठ के डा. जगतार कोल गए ते आ के दस्सिआ कि जगतार हुरां मुताबक तुहाडा तां अज्ज दा प्रोगराम निशचित है। उनहां आपणे घर जाण लई कोई अगला दिन, साडी मरज़ी अनुसार तैअ करन दी सानूं छोट दे दित्ती।
सिरफ अगली शाम उह किसे विआह दे सिलसिले विच विहले नहीं सन। मेरेे साथी वी चुप्प कर गए। मेरी आपणी तांघ वी सी ते मैं उनहां नूं निराश वी नहीं सां करना चाहुंदा। मैं रसता लभ्भ लिआ। जगतार नूं किहा कि उह मित्तर वलों हो आवे ते मैं राइ साहिब हुरां वलों हो आउंदा हां। उह मंन गिआ।
समागम उपरंत राइ साहिब नें आपणी वड्डी कार विच सानूं बिठाइआ ते माडल टाऊन विच बणी आपणी विशाल कोठी विच जा उतारिआ।
राइ अज़ीज़-उल्ला साहमणे बैठणा इक इतिहास अग्गे बैठणा सी। पंजाब दी सांझी विरासत ते तहिज़ीब दे अंग-संग विचरना सी। उनहां दे खुल्ल्हे ख़ूबसूरत डराइंग रूम विच बैठे असीं इतिहास दे नाल नाल तुर रहे सां।
चमकौर विच दो वड्डे पुत्तरां दी कुरबानी पिछ्छों गुरू गोबिंद सिंघ आपणे ‘मित्तर पिआरे’ अग्गे ‘मुरीदां दा हाल’ बिआन करदे होए माछीवाड़े दे जंगलां ‘चों गनी खां ते नबी खां दे मोढिआं ‘ते ‘उच्च दा पीर’ बण के मुग़ल फौज़ां तों नज़र बचा के निकल गए। आपणे कुझ संगीआं साथीआं नाल तुरदे-तुरदे उह राएकोट पु्ुजे। राइ कल्ल्हा नूं गुरू जी दे आउण दी ख़बर मिली तां उह तुरत पूरी शरधा नाल गुरू जी दे हज़ूर पुज्जा ते हरेक किसम दी ख़िदमत करन लई अरज़ गुज़ारी। गुरू जी नें किहा कि सरहंद तों छोटे साहिबज़ादिआं ते माता जी दी ख़बर लिआंदी जावे। राइ कल्ल्हा नें आपणे विशवास पातर नूरे माही नूं तुरंत सरहंद वल्ल भेजिआ। नूरे माही नें आ के दोहां साहिबज़ादिआं दी शहीदी ते माता गुजरी दे चलाणे दी दुख्खदाई कथा सुणाई तां गुरू जी नें तीर दी नोक नाल दभ्भ दी जहड़ पुट्ट के किहा ‘‘मुग़लां दे ज़ालम राज दी जहड़ पुट्टी गई।’’
इथे ही सतिगुरां नें सारे पंथ नूं आपणा पुत्तर आखिआ।
मुग़ल फौजां गुरू जी दी पैड़ सुंघदीआं फिर रहीआं सन। अजिहे समें गुरू दी मदद करना आपणी ते आपणे पूरे ख़ानदान दी तबाही नूं सद्दा देणा सी। इह सभ कुझ जाणदिआं, समझदिआं होइआं वी राइ कल्ल्हा गुरू जी दे हज़ूर नतमसतक सी। दिल खोल्ह के उनहां दी सेवा विच हाज़र सी।
हैरानी हुंदी है जदों साडे कुझ बुलारे गुरू जी दी लड़ाई नूं मुसलमानां नाल लड़ाई तक्क सीमत करन दी बहुत वड्डी इतिहासक भुल्ल करदे हन। इह तां मुसलमान ही सन जिनहां नें अति दे संकट समें गुरू जी दा साथ दित्ता सी। भंगाणी दे युध्ध विच पीर बुध्धू शाह वलों आपणे पुत्तरां दी कुरबानी तों लै के माछीवाड़े तों गुरू जी नूं सुरख्खिअत जगहा पुचाउण वाले गनी ख़ां नबी ख़ां दी कहाणी गुरू जी दी इस भाईचारे नाल अटुट्ट सांझ दी ही तां प्रतीक है। इसे वासते राइ कल्ल्हा आपणे सिर ‘ते डिग्गण वाले हरेक पहाड़ दा भार सहिण लई तिआर सी। उह जाणदा सी कि गुरू जी दी लड़ाई ज़ालम ते मज़लूम दी सी किसे हिंदू जां मुसलमान दी नहीं। गुरू जी मज़लूमां दी धिर सन ते ज़ुलम दे ख़िलाफ़।
इस सबंध विच ही राइ साहिब नें ‘कलगीधर चमतकार’ दा इक हवाला साडे नाल सांझा कीता। गुरू जी वलों ‘मुग़ल राज दी जहड़ पुट्टी गई’ सुण के ‘राइ कंबिआ, डरिआ, मैं वी हुण मुसलमानां विच शुमार हां, की मेरा राज वी गिआ?’ इह सोच के बोलिआ, ‘‘पातशाह! मैनूं रख्ख लिआ जे?’’
गुरू जी नें किहा, ‘‘देख कल्ल्हा! तूं सानूं पिआर कीता है, तैनूं रख्ख लिआ है।’’
राइ साहिब नें दस्सिआ छोटी उमर विच ही मेरे मां-बाप गुज़र गए सन अते घर विच मेरी बिरध दादी मां ही इकल्ली रहि गई। दसम पातशाह जी दी अदुत्ती दात ‘गंगा सागर’ सबंधी जाणकारी देण दे नाल नाल आपणे परिवारक इतिहास अते राजपूती रसम रिवाज बारे मैनूं दस्सदे होए मेरे दादी जी आखदे हुंदे सन कि मुग़ल बादशाह अकबर नें उस वेले दे राएकोट रिआसत दे मालक नूं इस लई मरवा दित्ता सी कि उस नें बादशाह नूं आपणी लड़की दा डोला देण तों इनकार कर दित्ता सी।’’
राइ अज़ीज़ उल्ला नें गल्ल अग्गे तोरदिआं दस्सिआ, ‘‘राए कल्ल्हा जी सच्चे ते सुच्चे मुसलमान सन। मुग़लां दे टाकरे विच दसम पातशाह दा साथ देण दा फ़ैसला करना इह सपशट करदा है कि राए कल्ल्हा जी नें जाण लिआ सी कि इस वेले सच्चा कौण है, ज़ालम कौण है ते मज़लूम कौण है। राएकोट रिआसत की, पूरे राए परिवार दीआं जानां ख़तरे विच पा के पूरे सतिकार नाल दसम पातशाह दी सेवा करन दा राए कल्ल्हा जी नें जो फैसला कीता सी, उस उते राइ परिवार दीआं पीहड़ीआं वी हमेशा माण करदीआं रहिणगीआं।’’
गुरू जी बारे राइ अज़ीज़ उल्ला दी इह अकीदत वेख के साडे मन उस लई सनेह अते आदर नाल भर गए।
राए ख़ानदान कोलों इनहां इहिहासक वसतूआं नूं बड़े बड़े लालच दे के वड्डे वड्डे लोकां नें प्रापत करना चाहिआ पर गुरू जी दीआं इह निशानीआं इस ख़ानदान नें आपणे कलेजे नाल लाई रख्खीआं। महाराजा रणजीत सिंघ ते महाराजा पटिआला नूं वी उनहां नें इह इतिहासक निशानीआं देण तों साफ़ इनकार कर दित्ता सी।
राइ साहिब दी शरधा अते माण बोल रिहा सी, ‘‘मैनूं बज़ुरगां दे इनहां विचारां ‘ते बहुत माण है। इसे करके ही परिवार नूं काफ़ी नुकसान वी उठाउणा पिआ। राएकोट दी 1300 पिंडां वाली रिआसत वी खुस्स गई। सिरफ़ राए परिवार कोल पंज पिंड ही रहिण दित्ते गए। बाअद विच वी अनेकां वार गुरू साहिब दीआं बख़शीआं निशानीआं लई परिवार दे मोहरीआं नूं भारी रकमां दी पेशकश हुंदी रही, जिस नूं कबूलण तों उह इनकार करदे रहे।’’
राइ साहिब नें अग्गे दस्सिआ, ‘‘मेरे परिवारक रिकारड अनुसार 1854 विच अंगरेज़ हाकम आपणी सरकार दे ज़ोर नाल साडे वडेरे राए इमाम बख़श तों गुरू जी दी बख़शी तलवार लैण विच सफल हो गए पर राए परिवार गुरू साहिब दे बख़शे ‘गंगा सागर’ नूं उस दौर विच वी आपणे कोल सुरख्खिअत रख्खण विच कामयाब रिहा सी जो कि हुण तक इसे परिवार विच ही है।’’
‘‘1947 तक गुरू साहिब दी इह पवित्तर निशानी मेरे दादा जी दे कोल राएकोट विच सुरख्खिअत सी। उह साल विच इक वार शरधा ते प्रेम नाल आईआं संगतां नूं ‘गंगा सागर’ दे दरशन कराउंदे हुंदे सन।’’
असीं पोथी रख्खण वाली रीहल बारे पुछ्छिआ तां उनहां किहा कि लक्कड़ दी होण करके घुण वगैरा लग्गण करके इह बाकाइदा सांभी नहीं जा सकी।
इह किहा जांदा है कि गंगा-सागर इक अजिहा बरतन है जिस विच छेक सन, पर उस विच पाइआ पाणी डुल्हदा नहीं। निसचै ही इह किसे विगिआनक विधी नाल बणाइआ बरतन होवेगा। राइ साहिब नें इस बारे दस्सिआ, ‘‘इह ठीक है कि बरतन विच रेता पाओ तां किर जांदा है पर पाणी आदि तरल चीज़ पाओ तां उह इस विच टिकी रहिंदी है। भरन वेले कुझ कतरे डिगदे हन। इस दी मुनासब सुरख्खिआ रख्खण दे खिआल नाल मैं ‘गंगा-सागर’ नूं इंगलैंड विच बैंक दे लाकर विच बड़े ही सतिकार नाल रखवाइआ होइआ है अते इस नूं सिरफ़ उस वेले ही बाहर लिआइआ जांदा है जद कदे संगतां नूं इस दे दरशन कराउणे होण। मैं हुण तक बरतानीआ, अमरीका, सिंघापुर, मलेशीआ, आसटरेलीआ ते निऊज़ीलैंड विच संगतां नूं इस दे दरशन करवा के आपणे परिवार दी इस पुराणी रीत  चला रिहा हां।’’
‘‘गंगा सागर बड़े ही पिआर ते कमाल मुहारत नाल बणाइआ होइआ इक धाती बरतन है पर मेरे लई इस दी सभ तों वड्डी महत्तता इही है कि इस नूं दसम पातशाह दी पावन छूह प्रापत हुंदी रही है। इस दी थां जे गुरू साहिब इक मिट्टी दा पिआला वी बख़श दिंदे तां उस दा वी मेरे दिल विच एना ही माण अते सतिकार हुंदा। मेरी इह इछ्छा है कि जिवें कुदरत नें मेरे बज़ुरगां वांग मैनूं वी गुरू महाराज दी इस अदुत्ती दात दी सेवा संभाल करन दा माण बखशिआ है, उवें ही मेरीआं आउण वालीआं पीहड़ीआं वी इह सुभाग प्रापत करदीआं रहिण।’’
इस बहुमुल्ली जाणकारी दे नाल नाल ही राइ अज़ीज़ उल्ला दे पवित्तर मन दे दीदार हुंदे गए।
राइ साहिब दा सारा परिवार ही साडे कोल बैठा होइआ सी। उनहां दी सतिकारयोग भूआ मुशर्रफ बेगम, राइ साहिब दी पतनी तबस्सम अज़ीज़, बेटा राइ मुहंमद अली ख़ान ते चारे बेटीआं आमिना, राबिआ, फातमा ते माहम। असीं आपणे परिवार विच बैठे होए सां। बहुत ही आदरयोग बज़ुरग भूआ जी नूं जदों उनहां दी राइकोट विचली हवेली बारे पुछ्छिआ कि उनहां नूं उह सभ कुझ याद है तां उनहां नें किहा, ‘‘याद तद हुंदा है जे कुझ भुल्ला होवे। उह सभ कुझ मैनूं भुल्ला ही कदों है।’’
चाह-ठंढा ते नाल कई तरहां दे फल-मेवे। कई तरहां दे पकौड़े ते पकवान। सरीर दा रज्ज वी हो रिहा सी ते रूह दा रज्ज वी।
‘‘खाणा आपां तुहानूं गवाल मंडी दी फूड सटरीट ‘ते खवाउंदे हां। उह साडी लाहौर दी वेखण वाली खास जगहा है।’’
असीं गवाल मंडी दी फूड सटरीट बारे सुण चुक्के सां अते वेखणा वी चाहुंदे सां। उथे खाणा खाण जाण नाल ‘इक पंथ दो काज’ वाली गल्ल सी। इक राइ साहिब दे परिवार दा मुतबर्रक साथ ते दूजा गवाल मंडी दी सैर।