सत्त दसंबर दी सवेर दा तड़के दा समां है, तिंन वज्जण वाले हन, जदों इह लिखत लिखण लई इस कारन नहीं बैठा कि बाअद विच्च रुझेवें ज़िआदा होण कारन लिखण लई समां नहीं मिल सकणा, सगों आपणी सरीरक लोड़ लई इक्क वारी उठ्ठ बैठा तां खबरां दे खिलारे नें नींद नहीं रहिण दित्ती। भावें कदे अध्धी रात वी अचानक अख्ख खुल्ल्ह गई होवे, असीं लोक आम कर के उठ्ठदे सार खबरां वेख लैंदे हां ते होर कुझ बेशक नां वी वेखीए, फोन दे वटसऐप उत्ते साडे सुत्तिआं तों आए सुनेहे ज़रूर चैक्क करदे हां। इह ही मैं करन लग्गा सां कि पहिले सुनेहे नें झटापट कंपिऊटर चालू करन अते खबरां फोलण लई उकसाइआ ते फिर इंना खिलारा साहमणे खुल्ल्ह गिआ कि सौण वासते मन नहीं सी रिहा। खबरां पंजाब दीआं वी सन, उस भारत देश दीआं वी, जिस नूं साडे कुझ पंजाबी आपणा देश मंनण तों वी इनकार करन लई होरनां नूं उकसाउंदे हन, पर खुद इस देश दा पासपोरट रख्खदे हन, नां होवे तां नागरिकां वरगे हक्क माणन लई ओ सी आई (विदेश वसण वाला भारती नागरिक) वाला कारड बाकीआं तों पहिलां जारी करवा चुक्के सन। संसार दीआं खबरां वी सन ते पंजाब जां भारत वालीआं तों वख्खरी वंनगी वालीआं हुंदीआं होईआं वी सवारथ दी जहड़ कारन इक्को जिहीआं सन, उह ही जहड़ जिहड़ी प्रमुख्ख देशां दे लोकां नूं वी आराम नाल वसण नहीं दिंदी। भविख्ख भारत दा अते भारती लोकां दी अगली पीहड़ी दा वी सुखावां नहीं अते वकत आ गिआ है, जदों इस गल्ल नाल ‘जापदा’ लाउण दी लोड़ नहीं, सपशट दिसण लग्ग पिआ है कि भविख्ख सुखावां नहीं अते हालात गवांढ वाले देशां तों दूर दुनीआ दे दूसरे सिरे वसण वालिआं लई वी सुखावें रहिण दी कोई गरंटी नहीं रही।
पंजाब विच्च पिछले हफते स्री अकाल तखत साहिब मोहरे अकाली आगूआं दी पेशी अते उस पिछ्छों दी खबरां दी सुर ते सेध वी चिंता वधाउण वाली है अते इस सथिती बारे होरनां धिरां दे आगू जिस किसम दी राजनीती करदे दिखाई दित्ते हन, घट्ट चिंता वाली उह वी नहीं। इह वी कहिण विच्च किसे नूं किसे तरहां दी झिजक नहीं होवेगी कि नवां चल्लिआ इह वहिण चोखा लंमा चल्लण वाला ते पंजाब दी भविख्ख दी राजनीती दा नवां नकशा डौलण वाला हो सकदा है। अकाली पारटी दे पैर फिर लोकां विच्च लग्गणगे जां नहीं, इस तों वड्डी सोच दी गल्ल इह है कि जिहड़ा पंजाब राज लंमा समां इक्क खेतरी पारटी दी होंद नूं चोण सिआसत दा हिस्सा मंन चुक्का होवे, उह इस पारटी दे नां होण दा खिआल वी प्रवान नहीं करन लग्गा। लोकां दी सोच विच्च खेतरी पारटी दा विचार इंनी डूंघी जहड़ जमा चुक्का है कि अकाली दल अज्ज वाले रंग दी पारटी रहे जां कोई नवां रूप धार के अग्गे आ जावे, नां इह राजसी नकशे तों हटेगा ते नां लोक-मानकिसता तों। कुझ बुध्धीजीवी इह कहिण तक चले जांदे हन कि महाराशटर विच्च शिव सैना अते हरिआणे विचली सूबाई धिर दा भोग पाउण दा तजरबा जे सफल रिहा तां इहो फारमूला पंजाब विच्च वरतिआ जा सकदा है, पर उह पंजाब दे वख्खरे हालात समझदे नहीं जापदे। इत्थे राजनीती विच्च सिख्खां दी चार सदीआं तों वध्ध ‘दिल्ली दरबार नाल टक्कर’ दी इक्क खास मानसिकता नें उहो जिहे फारमूले इत्थे लागू नहीं होण देणे ते होर धरमां उत्ते इक्क खास धरम दी अगेत वाली अण-ऐलानी पहुंच वाली राजनीती वासते पंजाब दा मैदान मिलणा सौखा नहीं।
दूसरा पख्ख संसार विच्च फैलदे अण-ऐलाने नसलवाद ते उनहां देशां विच्च अज्ज तक दे लोकतंतरी रूप उत्ते साफ दिस रहे भारती सिआसत दे कुढब्बे रंग चहड़न नें वी चिंता पैदा करन दा माहौल बणन दे संकेत देणे शुरू कर दित्ते हन। उनहां देशां विच्च जिनहां गल्लां नूं कदी सिआसत दे मिआरां दी उलंघणा मंनिआ जांदा सी ते भेद खुल्ल्हण उत्ते लीडरां नूं असतीफे देणे पै जाइआ करदे सन, उत्थों दे आगू अज्जकल्ल्ह भारती लीडरां वाली बेशरमी दे राह पैंदे दिखाई देण लग्ग पए हन। वोटां लैण लई किसे खास धरम अते किसे खास मूल जां खास रंग दे लोकां नूं पतिआइआ जांदा वी दिसदा है ते होरनां लोकां खिलाफ उकसाइआ जांदा वी असीं साफ देख सकदे हां। आपणे आप नूं सुपर-पावर वजों पेश करदे अमरीका दी राशटरपती चोण दा इह पख्ख होर किसे वी समें तों इस वारी वध्ध भारू रिहा अते जिहड़े देश उस दी संसार विआपी कूटनीती जां जंगां-युध्धां दी रणनीती लई उस दे पिछलग्ग बण के चल्लण तों वध्ध हसती नहीं रख्खदे, उनहां देशां अंदर वी इद्दां दी राजनीती दे प्रछावें पैणे लाज़मी हन। पहिलां भारत दी राजनीती विच्च चोणां दे दिनां विच्च वोटरां नूं जां वोटरां नूं प्रभावत कर सकण वालिआं नूं जिद्दां चोगा पाइआ जांदा सी, खाण ते पीण दीआं महिफलां चोणां दे दिनां विच्च लाईआं जाणा किसे नूं चुभदा नहीं सी, उनहां विकसित देशां दी राजनीती विच्च वी अज्जकल्ल्ह इद्दां भाड़ा पा के मझ्झां चोण वाली चाल चल्ल तुरी है। जिहड़े देश विच्च सिरफ सत्ता प्रापती मुख्ख टीचा हो जावे, उस दी अगली पीहड़ी दा भविख्ख सुखावां कदे वी नहीं हो सकणा। जदों विकसित ते दुनीआ दी अगवाई करदे देशां तक इहो गल्ल पहुंच गई होवे तां इसदा नतीजा इक्क दूसरे देश दे लोकां नूं इक्क दूसरे देश दे लोकां दे खिलाफ उकसाउण अते फिर आपो विच्च भिड़ाउण तक वी किसे दिन जा सकदा है।
तीसरा पख्ख भारत दे आपणे अंदर अते इसदे आंढ-गवांढ दे देशां विचाले हालात दा है। इस वेले भारत दे गवांढ दा इक्क वी देश इहो जिहा नहीं, जिस नाल संबंध सुखावें कहे जा सकदे होण। बेशक पूरन सुखावें संबंध पहिलां वी शाइद कदे नहीं सन रहे, पर जिंनी कुड़त्तण लगभग सारे गवांढी देशां नाल इस वेले दिसण लग्गी है, इस पध्धर तक दी कदे महिसूस नहीं सी कीती गई। इक्क देश नाल कुझ कुड़त्तण वध रही महिसूस हुंदी सी तां बाकी दे गवांढी देशां विच्चों दो-चार उस दौर विच्च भारत नाल खहड़े हुंदे सन, पर इस वकत भारत नाल खुल्ल्ह के खड़ोण वाला कोई नहीं रिहा ते उलटा उनहां विच्च भारत वल्ल वैर-भावी रुख वध रिहा साफ दिसदा है। उनहां देशां दे अंदरूनी कारन वी होणगे, जिद्दां बंगला देश विच्च वापरिआ सी अते फिर भूतरीआं भीड़ां नें घट्ट-गिणती भाईचारे दे खिलाफ मुहिंम विढ्ढ रख्खी है। नेपाल नूं चीन दी चुक्कणा होण दी गल्ल पुराणी है, पर अजोकी सरकार दा रुख भारत दे विरुध्ध पिछले सारे समिआं नालों अग्गे लंघ गिआ जापदा है। पिछले वकतां विच्च जदों कदी इस देश नाल कुड़त्तण दा माहौल बणना शुरू हुंदा सी तां सथिती नूं संभालण लई वकत सिर पहिल कीती जांदी ते इसदे सिट्टे वी छेती साहमणे आ जांदे सन। इस वारी इद्दां नहीं होइआ अते उस सरकार नें आपणे करंसी नोटां नूं वी भारत विरोध लई वरतण दा उह पैंतड़ा धारन कर लिआ है, जिहड़ा फिर कदे सुधारना होइआ तां इह करंसी नोट अड़िक्का बणे रहिणगे। इहो जिहे हालात कई होर देशां नाल बणे, फिर कुझ सुधरे अते फिर विगड़दे वेखे जाण लग्ग पए हन। पाकिसतान दे आपणे अंदरूनी हालात बंगला देश वरगी भारत विरोधी राजसी सरगरमी वाले बहुत चिरां तों चल्लदे आ रहे सन, पर इस वकत उनहां विच्च वी कुड़त्तण पहिलां तों कई गुणा होर वध्ध मंनी जा रही है।
सभ तों माड़ा अते होर वध्ध चिंता पैदा करन वाला पख्ख भारत दे अंदर इक्क खास धरम दी टेक रख्खण वाली राजनीती दी चहड़त अते इस चहड़त दे नाल दूसरे धरमां अते इक्क धारमिक घट्ट-गिणती वल्ल विशेश विरोध दी भावना दिनो-दिन वधदी जाणा है। पिछले पंदरां दिनां विच्च दो घटनावां इद्दां दीआं इस देश विच्च वापरीआं हन, जिहड़ीआं देश दा भला भविख्ख लोचदे लोकां दीआं अख्खां खोल्ह रहीआं हन। इक्क घटना सुपरीम कोरट दा इह फैसला सी कि देश दे संविधान दी भूमिका विच्च दरज ‘धरम निरपख्ख’ होण दा शबद कट्टिआ नहीं जा सकदा। इह ठीक फैसला इक्क वारी तां सुपरीम कोरट नें दे दित्ता है, पर इह टिकिआ वी रहेगा, इसदी गरंटी कोई नहीं, भलक नूं जज्ज साहिबान दा कोई नवां बैंच इस तरहां दे केस दी सुणवाई करन लग्ग पिआ तां इहो फैसला पलट के राजनीती दी भारू धिर दी सोच दा राह कढ्ढ सकदा है। इस पिछ्छों दूसरी अहिम अते सोचण वाली खबर इह है कि धारमिक सथानां बारे कानूंन, जिहड़ा नरसिमहा राओ दी सरकार वेले बणाइआ गिआ ते जिहड़ा भारत-पाकि वंड दे वकत जिस थां किसे वी धरम दा कोई धरम असथान है, उस नूं काइम रख्खण लई कहिंदा है, उस कानूंन नूं तोड़न दी मंग आ गई है। मुढ्ढ विच्च इहो जिही मंग नूं कुझ खास संसथावां जां उनहां नाल जुड़े होए कुझ खास जनूंनी बिरती वाले लोकां दी मंग कहि के टालिआ जा सकदा है, फिर हौली-हौली इहो धारना उस धरम दे आधार उत्ते राजनीतक अगेत हासल करन वालिआं दा चोण-मंतर बणन तक पहुंच जावेगी। इस चलित्तर दे संकेत मिलण वी लग्गे हन।
जदों इह कानूंन बणाइआ गिआ सी, उदों इक्क खास धिर बाबरी मसजिद नूं ढाहुण अते उस दी थां राम मंदर बणाउण दे नाअरे नाल अग्गे वध रही सी अते मौके दा प्रधान मंतरी भ्रिशटाचार दीआं आपणीआं कमज़ोरीआं दे दबाअ कारन उस धिर मोहरे झुकदा जांदा सी। उस दी अगवाई हेठ इह कानूंन बणाइआ नहीं सी गिआ, धरम निरपख्ख धिरां उस वकत हाले चोखीआं मज़बूत होण कारन बणाउणा पै गिआ सी। फिर जदों बाबरी मसजिद ही नां रही, उस नूं ढाहुण वाले हालात दी जांच लई बणाइआ गिआ कमिशन वी इद्दां लमकवीं तोर चल्लिआ सी कि समां पा के इस केस दा होणा जां नां होणा कोई असर रख्खण जोगा नां रहि जावे, इसे लई धरम असथान तोड़न दा अपराधक केस वी राजसी दाबे हेठ रुल गिआ अते इस तों अगला कोई निशाना लभ्भण दा कंम छोह दित्ता गिआ। भारत दी सभ तों वड्डी धारमिक घट्ट-गिणती दे धारमिक सथानां दा सरवेखण करन दे बहाने नवींआं खबरां बणन लग्ग पईआं। फिर हर थां हिंदू धारमिक बहु-गिणती वालिआं दा कई सदीआं पहिलां दा खोहिआ ते ढाहिआ असथान ऐलाने जाण दी मुहिंम देश दे प्रधान मंतरी नरिंदर मोदी दे चोण हलके वाराणसी तों चल्ली ते मथरा वल्लों हुंदी उसे राज विच्च इक्क शहिर संभल अते फिर दूसरे बदायूं दीआं मसजिदां तक जा पहुंची। इस पिछ्छों अजमेर वी पुज्जी ते फिर देश दी राजधानी दिल्ली विच्च उस धरम दे प्रमुख्ख असथान जामा मसजिद दे सरवेखण दी मंग तक चली गई। इस अग्गे कोई रोक वरगी गल्ल कहिण दी सधारन रसम वी भारत सरकार दी अगवाई करन वालिआं नें नहीं सी निभाई।
इही समां सी जदों इह वी मंग चुक्क दित्ती गई कि नरसिमहा राओ दी सरकार वेले बणाइआ गिआ देश दी वंड वेले दे धारमिक असथानां दी सलामती दी गरंटी दा कानूंन समेट देणा चाहीदा है। जदों इस मंग बारे चरचा अग्गे वधी तां किहा जावेगा कि इह मंग कुझ लोकां दी सोच है, सरकार दी नीती इद्दां करन दी नहीं, पर उत्तर प्रदेश, मध्ध प्रदेश, आसाम अते होर राजां विच्च जिंने कदम बहु-गिणती धरम दे लोकां दीआं वोटां उत्ते अख्ख रख्खदे होए चुक्के गए हन, उह किसे तों लुकाए नहीं जाणे। इनहां सारे राजां विच्च जिस पारटी दीआं सरकारां हन अते उत्थे इक्क खास धरम दी बाकी धरमां उत्ते सरदारी दे हरबे वरते जाण लग्ग पए हन, उह बाकी राजां विच्च वी पुज्जणे हन अते उस पहुंच दे हुंदिआं धारमिक असथानां दी गरंटी करन वाला इह कानूंन खतम कर देण दी मंग कुझ कु लोकां दी मंग नहीं रहि जाणी। इह कुझ कु लोक मंग चुक्कण ते इस नूं जनतक मुहिंम दे मुढले संकेत देण वाले हो सकदे हन, पर आपणे आप इह कुझ उह कदी नहीं कर सकदे, उनहां नूं इद्दां करन लई पिछ्छों उकसाइआ जाण दी पैड़ पछाणी जा सकदी है।
इनहां हालात विच्च कोई बंदा सभ कुझ महिसूस करदा होइआ वी महिसूस नां करन दा विखावा करी जावे तां उस दी मरज़ी, उंज इह खबरां किसे वी जागदी चेतना वाले इनसान दी नींद उडाउण लई काफी हो सकदीआं हन, पर बदकिसमती नाल इस चेतना वाले लोकां दी गिणती लगातार घटी जांदी है। भारत दा वी ते विशव दा भविख्ख वी मंग करदा है कि इह गल्लां सोचीआं जाण, पर सोचण वाले बहुते नहीं।