भखदी पई फिरकाप्रसती दे उबालिआं दौरान जे किसे नें वकत दी अख्ख विच्च अख्ख पाई ते इस देश दे लोकां विच्च आपणे वकत हद्दों वध्ध हरमन पिआरे होए टी वी सीरीअल महाभारत दे डाइलाग लिखण दा ज़िंमा चुणौती समझ के चुक्किआ ते निभाइआ सी, उस विअकती दा नांअ सी राही मासूम रज़ा। उस नें भारत दे किस-किस खेतर विच्च की की योगदान दित्ता, किहड़ी फिलम ते किहड़े टी वी सीरीअल वासते किद्दां दी मदद कीती, इह कहाणी बहुत लंमी है ते इसदा इक्क खास सच्च इह वी है कि उस नें कदी किसे तों पैसिआं दी मंग नहीं सी कीती, जो कुझ किसे नें दे दित्ता, लै लिआ करदा सी। टी वी सीरीअल महाभारत लई डाइलाग लिखण वासते उस नूं किहा गिआ तां उस नें वकत दी कमी कारन इनकार कर दित्ता, पर इस मगरों जदों हज़ारां चिठ्ठीआं सीरीअल दे प्रोडिऊसर कोल गईआं कि की सारे हिंदू मर गए, तुसीं इक्क मुसलिम तों इसदे डाइलाग लिखाउणा चाहुंदे हो तां राही नें खुद जा के इह कंम करन दी पेशकश कर दित्ती। उह खुद नूं गंगा मईआ दा पुत्तर मंनदा सी ते इस कंम विच्च उस दे मुसलमान होण दी नुकताचीनी करन वालिआं नूं जवाब देण लई मोरचा मल्लिआ सी अते अज्ज तक उस सीरीअल दे नाल राही मासूम रज़ा दा नांअ हर मोड़ उत्ते चरचा दा केंदर बाकाइदा बणदा आ रिहा है। उस प्रसिध्ध लेखक नें ही इक्क वार भारत विच्च वधी जा रही फिरकाप्रसती बारे उस वकत दे प्रसिध्ध लेखक ते आपणे मित्तर कमलेशवर नूं चिठ्ठी विच्च लिखिआ सी: ‘यार कमलेशवर ये मौसम खतम होने का नाम ही नहीं ले रहा।’ उस खास दौर विच्च हर पासे चरचा दा केंदर बणी उह चिठ्ठी अज्ज दे हालात विच्च वी संवेदनशील भारती लोकां दी नींद उडा सकदी है, उनहां सारे भले लोकां दी, जिहड़े भारत नालों वध्ध भारत दी एकता विच्च अनेकता नूं पिआर करदे हन।
जदों भारत दे आम लोक इंने कीले गए कि विआह वाला लाड़ा वी महाभारत दी उस दिन दी किशत वेख के घोड़ी चहड़न दी ज़िद करदा हुंदा सी अते इस कारन लोक महूरत लंघ जाण दी प्रवाह वी नहीं सन करदे, उदों इसे देश विच्च फिरकाप्रसती दा इक्क नवां उबाला उठ्ठण लग्ग पिआ। इक्क खास धरम दे नांअ उत्ते राजनीती कर के पारलीमैंट अते लाल किल्हे तक पहुंचण दी खेड शुरू कर दित्ती गई अते इस कंम लई इक्क नेता राम-रत्थ लै के देश दी यातरा करन निकल तुरिआ सी। उह रत्थ-यातरा जिस वी पासे तों लंघदी गई, माहौल विच्च इक्क खास तरहां दा वंड-पाऊ माहौल बणदा गिआ सी ते इस माहौल दे असर हेठ उह पारटी पिछली वारी दीआं सिरफ दो सीटां तों इक्को छड़प्पे विच्च वध के देश दी पारलीमैंट अंदर राज-सत्ता दा निबेड़ा करन वाली लोक सभा दीआं छिआसी सीटां जित्तण विच्च सफल हो गई। भारत दी जिस राजसी धिर नें इह फारमूला इक्क वारी अज़माइआ अते आपणे हक्क विच्च इहो जिहे नतीजे निकले वेख लए, उह अग्गों भविख्ख दी राजनीती लई इस नूं लुकमान हकीम दा नुसखा मंन तुरी सी। मुढला निशाना बेशक बाबरी मसजिद ढाहुण अते उस दी थां भगवान राम दा मंदर बणाउण दा सी, फिर इह निशाना सीमत नां रहि के सारे देश दी इक्क खास धारमिक घट्ट-गिणती नूं खूंजे लाउण तक पहुंच गिआ सी। अज्ज भारत दी हर नुक्कर अते हर राज विच्च जिद्दां दा माहौल बणदा वेख रहे हां, इसदी शुरूआत उदों होई सी।
पत्तरकारी खेतर नाल जुड़े असीं लोक उदों इह बहिसां हुंदीआं अते इह किहा जांदा बड़ी वार सुणदे रहे सां कि इह इक्क वकती उबाला है अते भारत दे लोकां नें इद्दां दी राजनीती नूं सथाई जहड़ां जमाउण दी खुल्ल्ह कदे नहीं देणी। इद्दां कहिण वाले गलत साबत होए अते राजसी सत्ता दी प्रापती लई धारमिक मुद्दिआं नूं वरतण दी उह खेड फिर बंद नहीं हो सकी। पहिलां कांगरस आपणा राज काइम रख्खण लई फिरकाप्रसती नूं वरतण लग्गी रही तां कुझ लोक कहिंदे सन कि खेड खतरनाक है, पर कांगरसी राजनीती इंनी चुसत है कि फिरकाप्रसती दा उबाला सीमत रख्ख सकदी है। चुसती दी इस राजनीती नाल असीं लोक कदे सहिमत नहीं सां होए अते बड़ी वार खुल्ल्ह के किहा सी कि अग्ग नूं हद्दां विच्च रख्खण दे यतन सदा कामयाब नहीं हो सकदे, किसे दिन हद्दों वध के काबू तों बाहर हो गई तां जिहड़े आगू अज्ज इस नाल खेडण नूं राजनीतक चुसती समझदे हन, किसे दिन उही आगू अख्खां विच्च घसुंन दे के रोइआ करनगे। चुसती दी इहो राजनीती आखर नूं आम लोकां दे नाल उदों दी कांगरस लीडरशिप्प दे मोहरी परिवार नूं भुगतणी पई सी।
आपणे आप नूं धरम-निरपख्ख कहिणा अते फिरकू मुद्दिआं दी चोभ ला के वोटां बटोरन दी चालाकी वी करना फिर भारत दी राजनीती विच्च इक्क इहो जिही धिर दी उठाण लई सबब्ब बणिआ सी, जिसदे आगूआं नें अग्ग नूं सीमत हद्दां विच्च रख्खण दी लोड़ बारे सोचणा छड्ड दित्ता सी। उनहां दी अणकही राजनीतक चालाकी दा धुरा इहो सी कि जिंनी ज़िआदा फिरकाप्रसती भड़केगी, ओनी ज़िआदा उनहां दी राजनीती चमकेगी ते देश दी सत्ता उत्ते कबज़ा करन अते फिर कबज़ा काइम रख्खण वासते मददगार होवेगी। इसे कारन उस राजसी धिर नें अग्ग उगलछ्छण वाले उह लोक अग्गे चुक्क लिआंदे, जिहड़े उदों तक आशरमां ते डेरिआं अंदर आपणे मन दीआं भावनावां दा छट्टा दे के मानसिक तसल्ली करदे रहे सन। लोक सभा विच्च इक्क खास रंग दे चोलिआं वाले लोकां दे भाशण इंने भारू होण लग्ग पए कि बाकीआं विच्चों जे कोई उनहां दी काट करन लई कुझ बोलदा वी तां अज्जकल्ल्ह हूटिंग कही जांदी बेहूदा खप्प नाल नुक्करे लाउण लई देश दी पारलीमैंट विच्च वी ते नाल गलीआं-बाज़ारां विच्च वी हंगामे होण लग्ग पैंदे सन। नतीजा इह निकलिआ कि अज्ज इक्क जां दूसरे धरम दे नांअ उत्ते जो मरज़ी ते जिंना मरज़ी भड़काऊ ऊट-पटांग कही जाउ, पर इसदा विरोध करन लई किसे नें ज़बान वी खोल्ही तां होश दी गल्ल करन वाले बंदे नूं सिट्टे भुगतणे पै जांदे हन। धरम-निरपख्ख होण दे दाअवे करदीआं हसतीआं नूं महाराशटर ते होरनां थावां उत्ते कतल वी कीता गिआ ते इनहां कतलां लई जनूंन दी जहड़ आपणे सिरां विच्च संभाली बैठे गैंगसटरां दी वरतों वी धरम दे नांअ उत्ते कीती जांदी रही है।
अफसोसनाक गल्ल इह है कि जदों इनहां उबालिआं दी अजे शुरूआत हुंदी पई सी, जिहड़ीआं धिरां नूं इसदी समझ सी ते रोक सकण वाली लामबंदी वी कर सकदीआं सन, उनहां नें आपसी मत्तभेदां कारन नां तां इकठ्ठे होण दा कोई सारथिक यतन कीता अते नां वकत वल्लों सिर पाई ज़िमेंवारी निभाई सी। कदे इस देश विच्च धरम-निरपख्खता नूं समाज दा गहिणा किहा जांदा सी ते इसदे खिलाफ बोलण लई कदी कोई सोच तक नहीं सी सकदा, अज्ज इह हालत हो गई है कि धरम-निरपख्खता नूं गैर-ज़रूरी शबद किहा जांदा अते इस देश दी सरब उच्च अदालत, सुपरीम कोरट विच्च चुणौती दित्ती जांदी है। बीते हफते सुपरीम कोरट नें इस मुद्दे दा निबेड़ा इक्क वारी ठीक तरहां कर दित्ता है कि भावें ऐमरजैंसी दीआं ज़िआदतीआं दे दौर दौरान ही संविधान दी भूमिका विच्च इह शबद शामल कीता गिआ सी, धरम-निरपख्खता दा संकलप इस देश दी नींह दी इट्ट मंनणा चाहीदा है, इह संविधान विच्चों कट्टिआ नहीं जा सकदा। सुपरीम कोरट दे जिनहां जज्जां नें इह फैसला दित्ता है, उनहां नें बहुत वड्डी दलेरी विखाई ते शुकर है कि इह फैसला इहो जिहे जज्जां वाले बैंच कोल सी, जिनहां नूं भारत दे भविख्ख अग्गे टोए पुट्टे जांदे दिस पए होणगे। जज्ज कोई वी होवे, फैसला इस देश दे संविधान ते संतुलित सोचणी नाल लवे तां उस विच्च कोई विंग नहीं लभ्भ सकदा, पर हालात जिध्धर जा रहे हन, इहो जिहे मामले निबेड़न लई इहो जिहे जज्ज मिल सकणे औखे हुंदे जांदे हन। पता नहीं अगले समिआं विच्च संविधान दी इहो जिहे पहिरेदारी करन वाले जज्ज सानूं मिल वी सकणगे जां नहीं।
असीं लोकां नें भारत दे पिछले चीफ जसटिस डी वाई चंदरचूड़ दा तजरबा वेखिआ होइआ है। उस दे निआं करन दी बड़ी शोभा हुंदी रही, पर इस पदवी तों आपणी सेवा मुकती तों पहिलां उह बहुत सारे विवादां विच्च घिर गए सन तां अयुध्धिआ विच्च राम मंदर ते बाबरी मसजिद दे अहिम केस दे फैसले लई भगवान तों जा के प्रेरना मंगण ते उस नाल इस केस दा निबेड़ा करन वाला विवाद छेड़ लिआ सी। इह सवाल चरचा दा विशा बणन तों नहीं सी रहि सकिआ कि जे जसटिस चंदरचूड़ दी जगहा कोई किसे होर सोच ते अकीदे वाला जज्ज उसे केस दे मारग-दरशन लई भगवान दे आपणी पसंद वाले रूप अग्गे इहो बेनती लै के चला जांदा तां उस दा भगवान कोई होर फैसला वी करवा सकदा सी। सवाल इह पुछ्छिआ जाण लग्गा सी कि अदालत दे फैसले संविधान पहड़ के होइआ करनगे जां इक्क खास धरम वाले भगवान वल्लों दित्ती-अणदित्ती, पर बहुत प्रचारी गई सेध मुताबक होइआ करनगे! जिहड़ी धिर नें चाली कु साल पहिलां इक्क रत्थ चलाइआ अते फिर उस रत्थ दी कमाई नाल देश दी सत्ता हासल करन दा फारमूला परख लिआ सी, उनहां नें आपणी सोच अयुध्धिआ दी बाबरी मसजिद ढाहुण तक सीमत नहीं रख्खी। मसजिद नूं ढाहुण दे वकत ही दो साधवीआं नें ‘तीन नहीं, अब तीस हज़ार’ दा नाअरा दे के भारत विच्च दूसरी वड्डी धारमिक घट्ट-गिणती दे खिलाफ संघरश दी लगातारता दा ऐलान कर दित्ता सी। जदों जसटिस चंदरचूड़ दे बैंच वल्लों अयुध्धिआ वाले केस दा फैसला आइआ, उस नूं आपणी इक्क होर जित्त मंन के इस राजनीती वाली धिर नें मथुरा, वाराणसी ते उस तों बाअद कई होर थावां उत्ते इद्दां दे विवाद छेड़ने अते हर विवाद नूं अदालत विच्च सरवेखण दी मंग नाल नवें निशाने मिथणे आरंभ कर दित्ते ते कोई रोकण वाला नहीं दिसदा।
इहो जिहे हालात विच्च पिछले हफते धरम-निरपख्खता बारे सुपरीम कोरट दे जज्जां वल्लों दित्ता गिआ ताज़ा फैसला भारत दे भविख्ख दा भला सोचण वालीआं धिरां दा हौसला बंनहाउण वाला किहा जा सकदा है, पर देश दे माहौल विच्च जिहड़ा विगाड़ पै चुक्का है, उस अग्गे इह इक्क छोटा जिहा फैसला है। जिड्डा वड्डा विगाड़ पै चुक्का है, उस दे हुंदिआं राही मासूम रज़ा वल्लों कमलेशवर नूं लिखे शबद याद फिर आउंदे हन, “यार कमलेशवर, ये मौसम खतम होने का नाम ही नहीं ले रहा।” भारत उस दिन दी उडीक कर सकदा है, पर सिरफ उडीक नाल मौसम नहीं बदल जाणा। मौसम बदलण दा दिन लिआउण लई यतन वी आखर किसे नां किसे नूं करने पैणगे। कहि तां दिंदे हां कि किसे नां किसे नूं इह कुझ करना पऊगा, पर करन वाला कौण हो सकदा है, उस दे नाल कौण-कौण खड़ो सकदे हन, इसदा हाले झौला नहीं पैंदा। आपणी तसल्ली लई वार-वार कही जांदी गल्ल इक्क वार फिर दुहरा सकदे हां कि उह दिन आऊगा ज़रूर, इक्क वार होर कहि देण तों सानूं कोई हरज़ नहीं, पर इहो जिही कोई धिर पहिल तां करे। कौण करेगा इह पहिल!