गल्ल तां इक्को मसले बारे वी कीती जा सकदी है अते पंजाब दीआं चार विधान सभा सीटां दीआं उप चोणां दी चीर-पाड़ दा कंम कोई छोटा नहीं अते गौतम अडानी दे अमरीकी अदालत वाले केस विच्च फसण वाला किस्सा फोलण दा कंम वी पिछ्छे नहीं पाइआ जा सकदा। इस लई असीं इस लिखत विच्च इकठ्ठे दोवां मुद्दिआं दी चरचा समुच्ची नां सही, कुझ नां कुझ बहुत ज़रूरी नुकतिआं दी ज़रूर कर लैणा चाहुंदे हां।
फिर वी इनहां दोवां मुद्दिआं नालों पहिल असीं अपराधां बारे संसार अदालत दे उस फैसले लई देणा चाहुंदे हां, जित्थों इसराईल दे प्रधान मंतरी बैंजामिन नेतनयाहू दा ग्रिफतारी वारंट जारी होण पिछ्छों इक्क पासे अमरीका इह हुकम मंनण नूं तिआर नहीं अते दूसरे पासे उस दे साथी देश मंनण दा ऐलान करदे पए हन। इस केस तों पहिलां इसे अदालत नें इह मंन के कि यूकरेन विच्च हमलावरी बहुत ज़िआदा होई है, रूस दे राशटरपती वलादीमीर पूतिन दे ग्रिफतारी वारंट वी जारी कर दित्ते सन। पूतिन नें उदों वारंटां दी प्रवाह नहीं सी कीती अते उस नाल नेड़ वाले देशां नें जदों आखिआ कि उह किसे वी हालत विच्च रूस दे राशटरपती नूं ग्रिफतार नहीं करनगे तां अमरीका नें इत्थों तक कहि दित्ता सी कि जिहड़े देशां नें पूतिन दी ग्रिफतारी दे वारंट उत्ते अमल करन तों इनकार कीता, उनहां खिलाफ संसार भर विच्च पाबंदीआं लाईआं जाणगीआं। जिहड़ा अमरीका पूतिन दे वारंटां उत्ते अमल लई इंना काहला सी, मित्तर देश इसराईल दे प्रधान मंतरी नेतानयाहू दे खिलाफ वारंट जारी हुंदे सार उह वारंट जारी करन वाली अदालत नूं वी अख्खां विखाउण अते इह कहिण लग्ग पिआ है कि असीं उस अदालत दे मैंबर ही नहीं, इनहां वारंटां दा सानूं कोई फरक नहीं पैंदा। इहो जिहे मौके उस दे पक्के साथी देशां विच्चों कुझ नें उस नाल खड़ोण दी थां इह पैंतड़ा लै लिआ कि उह अपराधां बारे संसार अदालत दा हुकम मंनणगे अते जे नेतानयाहू कदी उध्धर आ गिआ तां नियमां मुताबक उस नूं ग्रिफतार करन तों झिजकणगे नहीं। अमरीका लई बहुत लंमे समें तों कदी इद्दां दी सथिती बणदी नहीं दिसी कि उस दे साथी देश वी किसे संसार मुद्दे उत्ते उस नाल खहड़े होण तों इनकार करन लग्ग जाण, पर इस समें इह वी हुंदा पिआ है। अगले दिन पता नहीं किद्दां दे होणगे।
दूसरा मुद्दा अमरीका दी अदालत तों गौतम अडानी दे वारंट जारी होण दा है। सभ नूं इस गल्ल बारे पता है कि गौतम अडानी इस वकत दुनीआ दे सभ तों वड्डे लोकतंतरी देश दी कमान संभालण वाले नरिंदर मोदी दा खास मित्तर है अते जिस केस विच्च इह वारंट जारी होइआ है, उस दा सारा अपराध वी भारत दे अंदर होइआ है, पर वारंट अमरीका विच्च जारी कीता गिआ है। कुझ लोक कहिंदे हन कि अपराध जदों उस देश विच्च नहीं, भारत विच्च होइआ है तां अमरीकी अदालत वारंट किवें कढ्ढ सकदी है, पर उह इह नहीं जाणदे कि अमरीकी कानूंन है कि जिस कंपनी विच्च अमरीकी लोकां नें पैसा लाइआ होवे, जे उह कंपनी कोई अपराध संसार विच्च किते वी करदी है तां अमरीका विच्च उस विरुध्ध कानूंनी कारवाई हो सकदी है। गौतम अडानी दी कंपनी नें अमरीकी ऐकसचेंज विच्च प्रचार कर के कि भारत विच्च सोलर प्राजैकट लाउणा है, जिस तों मोटा लाभ होवेगा, उनहां लोकां नूं शेअर खरीदण वासते बेवकूफ बणाइआ सी। बाअद विच्च खबर निकली कि इस कंपनी नें भारती अधिकारीआं नूं साढे छब्बी करोड़ डालर जां बाई सौ करोड़ रुपए नालों वध्ध रकम रिशवत वजों दित्ती है ते आपणे प्राजैकट दा राह कढ्ढण लई गलत ढंग वरते हन। केस अमरीकन अदालत विच्च गिआ तां इसदी मुढली कारवाई विच्च ही सारा कुझ सपशट होण पिछ्छों गौतम अडानी दा वारंट जारी कर दित्ता गिआ है। भारत दी मौजूदा सरकार दुनीआ भर विच्च प्रसिध्ध इस चालबाज़ पूंजीपती दे पिछ्छे सदा खहड़ी हुंदी रही है, इस वार वी आ खड़ोती है, इस लई अडानी नूं बचा लैण दा प्रभाव बणना शुरू हो गिआ है। नरिंदर मोदी सरकार नें इद्दां दे बहुत सारे लोकां दी ढाल बण के उनहां नूं बचाइआ ते फिर वी आपणी इमानदारी दा ढंडोरा पिट्टदी रही है, भविख्ख विच्च वी इही खेड खेडी जांदी रहेगी।
असीं आ जाईए तीसरे उस मुद्दे दी चरचा वल्ल, जिसदा संबंध साडे पंजाब दे आम लोकां दे मौजूदा समें तों वध्ध भविख्ख दीआं पीहड़ीआं नाल है अते दूरगामी असर पा सकदा है।
इसे साल होईआं लोक सभा चोणां विच्च पंजाब दे चार विधाइक जित्त गए तां उनहां चहुंआं दे विधान सभा हलकिआं दी उप चोण कराउणी पैणी सी। उह चोण हो गई अते नतीजे आउण नाल बहुत कुझ बदल गिआ है। पहिलां इनहां चार सीटां विच्चों तिंन कांगरस दीआं सन, पर लोक सभा चोणां होण तों पहिलां चब्बेवाल दा कांगरसी विधाइक राज कुमार आम आदमी विच्च शामल हो गिआ अते उह चोण उस पारटी दी टिकट उत्ते लड़ी अते जित्ती सी। इस तरहां वेखिआ जावे तां कांगरस वाले इह गल्ल कहि सकदे हन कि विधान सभा विच्च इक्क सीट उनहां दी लोक सभा चोणां होण तों पहिलां ही घट गई सी, उनहां दीआं दो गिद्दड़ाबाहा ते डेरा बाबा नानक वालीआं सीटां दाअ उत्ते लग्गीआं सन, पर उप चोणां विच्च उह पारटी दो जित्त सकण जोगी वी नहीं हो सकी, चार विच्चों मसां इक्क सीट जित्ती, उह वी आपणी नहीं, आम आदमी पारटी तों खोही है। दूसरे पासे आम आदमी पारटी कहि सकदी है कि उस दी उनहां चोणां दौरान इक्को सीट बरनाला खाली होई ते उप चोणां विच्च उस नें तिंन सीटां होर जित्तीआं जां कांगरस दीआं तिंन सीटां खोह लईआं हन। कहिण लई दलीलां हर किसे कोल लोड़ जोगीआं हुंदीआं हन, पर हकीकतां किसे दा वी भेद लुकिआ नहीं रहिण दिंदीआं।
अकाली दल बादल नें इह चोणां लड़ीआं नहीं सन, किउंकि उनहां दा प्रधान सुखबीर सिंघ बादल उस वकत अकाल तखत साहिब तों तनखाहीआ करार दित्ते जाण कारन चोण नहीं सी लड़ सकदा अते बाकी सारे आगू बहाना बणा के इनहां चोणां दे नतीजे दी नमोशी झल्लण तों कंनी खिसका गए। उनहां नूं पता सी कि पंजाब दे लोक उनहां नाल चोखे नाराज़ हन अते इक्क वार होर ज़मानतां ज़बत कराउण विच्च कोई लाभ नहीं। नतीजे मगरों उह इह कहिण दा हक्क वरतणगे कि जे उह चोण लड़दे तां नतीजे होर हो सकदे सन। भाजपा दी धिर नें इनहां उप चोणां विच्च अकालीआं दी गैर-हाज़री दा लाहा खट्टण दा यतन कीता, पर नतीजआं नाल साबत हो गिआ कि पंजाब दे लोक अजे वी उनहां नूं मूंह नहीं लाउंदे। चार सीटां दीआं उप चोणां होईआं अते चारे सीटां उत्ते उस दे उमीदवार तीसरी थां रहे। अकालीआं विच्चों आए रवीकिरन सिंघ काहलों नूं डेरा बाबा नानक हलके विच्च साढे छे हज़ार वोटां मसां पईआं अते दूसरे सोहण सिंघ ठंडल नूं पौणे नौं हज़ार वोटां वी नहीं मिल सकीआं। कांगरस विच्चों आइआं विच्चों केवल सिंघ ढिल्लों अठारां हज़ार लागे पुज्जण विच्च कामयाब हो गिआ, इक्क वार जित्त जाण दी आस वी नज़र आउण लग्ग पई सी, पर दल-बदलीआं दी कमाल करन वाला पंजाब दा खज़ाना मंतरी रहि चुक्का मनप्रीत सिंघ बादल सवा बारां हज़ार तक वी नां जा सकिआ। उस बारे इह किहा जांदा सी कि ताए दे पुत्तर सुखबीर सिंघ बादल नाल अंदरखाते गल्ल मुकाई पई है अते अकाली दल भावें चोण नहीं लड़ रिहा, बादल परिवार दे एके दे हुलारे नाल उस परिवार दे पक्के समरथक इस वारी मनप्रीत सिंघ बादल नूं जिताउण लई वाह ला देणगे। इद्दां दा कुझ वी नहीं वापर सकिआ अते मनप्रीत सिंघ थां-थां आपणे ताए दे अशीरवाद दीआं कहाणीआं पाउण दे बावजूद इस हलके दे लोकां दा भरोसा नहीं जित्त सकिआ। इक्क तरहां भाजपा अते अकालीआं ही नहीं, कांगरसीआं वासते वी इह उप चोणां इक्क होर सट्ट साबत होईआं हन अते भविख्ख दी आस बंनहाउण वाली गल्ल कोई नहीं बण सकी।
जित्थों तक इनहां चोणां विच्च आम आदमी पारटी दी कारकरदगी दा सवाल है, उह खुश होण लई इह कहि सकदे हन कि उनहां नें इक्क सीट गवाई अते तिंन कांगरस दीआं खोह के विधान सभा विच्च दो होर सीटां आपणे खाते विच्च वधाईआं हन, पर बरनाला सीट आपणे हत्थों गुआउण दी चरचा वध्ध होवेगी। पंजाब दे मुख्ख मंतरी भगवंत मान दा उह आपणा इलाका है। इसदे इरद-गिरद लगभग हर थां इह पारटी हर पख्खों मज़बूत समझी जांदी है, फिर वी बरनाला हलका गुआ लैण नें कांगरस वालीआं तिंन सीटां खोह लैण दी खुशी वाली खीर विच्च कोकड़ू लिआ सुट्टिआ है। इस तों पहिलां इद्दां दी सट्ट इस पारटी नूं भगवंत मान दी अगवाई विच्च सरकार बणदे सार उस वल्लों छड्डी होई संगरूर लोक सभा सीट खुस्स जाण नाल पई सी। उह सीट सिमरनजीत सिंघ मान नें जित्त लई तां दिल नूं तसल्ली देण लई इह किहा जाण लग्ग पिआ सी कि इस नाल बहुता फरक नहीं पैंदा, नवीं उठ्ठदी आम आदमी पारटी दे रिवाइती विरोधी अकाली दल ते भाजपा वाले बुरी तरहां हारन नाल ओदों वड्डी सट्ट खा गए हन। इस वार वी दलीलां बहुत होणगीआं ते इह दलील वी छोटी नहीं कि बरनाले दी इक्क सीट जे कांगरस नें खोह लई तां कांगरस तों आम आदमी पारटी नें तिंन खोह लईआं हन, पर बाहर जो मरज़ी कहिण, आपणे अंदर झाती मारन दी उनहां नूं लोड़ है। उनहां लई इह गल्ल सोचण दा सही मौका है कि इद्दां दी सट्ट लोकां नें मारी किउं अते उह किहड़ीआं कमीआं सन, जिहड़ीआं मुख्ख मंतरी दी आपणी जूह विच्च वी इस पारटी अग्गे अड़िक्के डाहुण दा कंम करदीआं रहीआं हन।
महाराशटर विच्च भाजपा गठजोड़ नें फिर विधान सभा चोण जित्त लई अते खुद भाजपा इंनी तकड़ी हो गई है कि एकनाथ शिंदे वरगे उस दे पिछलग्ग बणे रहिणगे, पर झारखंड विच्च जिहड़ी सट्ट लोकां नें इस पारटी नूं मारी है, उह इसदी लीडरशिप्प नूं वी सोचण लई मजबूर करेगी। उनहां दे नाल कांगरस वालिआं लई वी इह सोचण दी घड़ी है कि उह प्रिअंका गांधी दी वड्डी जित्त दी खुशी विच्च नां नच्ची जाण, बाकी थाईं जिहड़ी मार हर पासे पैंदी पई है, उस दे कारन लभ्भण दी लोड़ है। राहुल गांधी जिंना चाहे वड्डा आगू बणाई फिरन, उह नरिंदर मोदी वरगी मज़बूत लीडरशिप्प नाल भेड़ विच्च उस नूं हराउण जोगा साबत नहीं हो रिहा ते मलिकाजुन खड़गे वरगे आगू नूं पारटी ठीक तरहां चल्लण नहीं दे रही। इस पारटी दी अगवाई करदे परिवार दी सूई जदों तक इस गल्ल उत्ते अड़ी रहेगी कि राहुल गांधी वड्डा नेता तद रहेगा, जे बाकी सारे आगू बौणे होणगे जां बौणे बणा के रख्खे जाणगे, उदों तक पारटी किसे तण-पत्तण लग्ग सकण दा सुपना नहीं वेख सकदी। उनहां नें इस धारना तों खहिड़ा छुडाउणा है जां नहीं, मरज़ी उनहां दी है।