शूं....ऊं....... ऊं.... ऊं असमानों सुरमई बद्दलां तों छुटीआं कणीआं विच्चों इक्क कणी शरारतां करदी नाल दीआं कणीआं नाल अठखेलीआं करदी शूकदी धरती वल्ल वध रही सी।

" तूं वी उत्थे ई डिग्गणै.. जित्थे असीं डिग्गणै...हमेशा दी तरहां धरती दी हिक्क ते... फिर तैनूं काहदा वख्खरा चाअ चहड़िआ पिआ।" नाल दीआं कणीआं नें उस दीआं झल्लवलल्लीआं शरारतां तों बचदिआं किहा।

" नहीं.....ईं.... ईं।" उस नें होर चांभल के आखिआ।

" असीं तां चल्लीआं धरती 'ते बनसपती नूं हरी भरी करन। इस तों वध्ध सारथक वरतों की हो सकदी ऐ।" कुझ्झ कणीआं नें किहा।

" बथेरी वार धरती 'ते आई अते भाफ़ बण के उडी पर हुण मेरा वख्खरा लख़श ऐ।"

" ए... एे....अहु गई तूं वी....। नाल दीआं हस्सीआं। उह सच्ची डिग्ग चल्ली सी। थोहड़ा संभली।

पपीते दे पत्तिआं नें किणमिण किणमिण करदीआं कुझ्झ कणीआं आपणीआं तळीआं 'ते बोच लईआं। जिहनां विच्च शरारती कणी वी सी। कणीआं तों बणीआं पाणी दीआं इह सारीआं बूंदां मोती बणीआं हलकी जिही रुमकदी हवा दे हुलारिआं नाल इधर उधर झूटे लैण लग्गीआं ।

हवा थोहड़ी तेज़ होई तां इहनां विच्चों कुझ्झ बूंदां पत्तिआं तों हेठां डिग्ग पईआं। चांदी रंगी शरारती बूंद पत्ते तों डिग्गण लग्गी तां उस नें पत्ते दे नुकीले हिस्से नूं घुट्ट के फड़ लिआ जिवें कंम धंदे लग्गी मां दे कुछ्छड़ चुक्किआ बाल डिग्गण दे डरों मां दे गले नूं घुट्ट के फड़ लैंदा है। हवा वी कुझ्झ देर लई थंमह गई उस दे अनंद विच्च भिंगणा नहीं सी पाउणा चाहुंदी।

हार शिंगार दे तां बहुत सारे पत्तिआं नाल बूंदां चिंबड़ीआं पईआं सन। हवा नें फेर हुलारा जिहा मारिआ तां बहुत सारीआं बूंदां जहड़ां विच्च समा गईआं। पर पपीते दे पत्ते वाली बूंद नें तां जिवें हेठ नां डिग्गण दी सहुं खा रख्खी होवे। इक्क पिदकू जिही चिड़ी कनेर दे पीले पीले फुल्लां दा रस चूसदी फुदकदी फिर रही सी। निक्की बूंद नें किहा, " हे पिआरी सुंदर चिड़ी! मैनूं आपणे खंभां ते बिठा लै मैं हेठां नहीं डिग्गणा चाहुंदी।"

" मैनूं बहुत सारे कंम नें मेरे कोल विहल नहीं तेरा भार झल्लण दी।" चिड़ी उसे तरहां टहिणीओ टहिणी टपूसीआं मारदी फिर रही सी।

" अछ्छा.... मेरी गल्ल तां सुण जा... मेरे कोल आ के।" उस नें फिर तरला लिआ।

" नां... मैनूं पतै तूं बहुत चलाक एं... जदों मैं तेरे कोल नूं होई, तूं छाल मार के मेरे खंभां ते सवार हो जाणै।"

" नहीं हुंदी.... वाअदा रिहा।"

हार शिंगार, पपीता, अशोक दे रुख्ख, कनेर, गुलमोहर, गुलाब दे बूटे, मोतीआ, गुलदाऊदी सभ उहनां दीआं गल्लां ते मुसकरा रहे सन। जदों हवा रुमकदी निक्की बूंद डिगूं डिगूं करदी मसां संभलदी। हवा दा तेज़ बुल्ला आइआ उह आपणे आप नूं संभाल नां सकी। गुलाब दीआं पंखड़ीआं नें उस नूं बुक्कल विच्च लै लिआ। कुझ्झ समां बूंद चुप्प रही। चिड़ी दे मन विच्च पता नहीं की आइआ उह फुल्ल कोल आई। बूंद नें उस दे कंन विच्च कुझ्झ किहा। उस नें बूंद नूं आपणे खंभां विच्च संभालिआ अते दूर लै उडी। नाल दीआं कणीआं ते फुल्ल बूटे सारे हैरान सन कि इहो जिहा की आखिआ बूंद नें इक्क सकिंट विच्च पिदकू चिड़ी उस नूं लै उडी। उच्चे लंमे रुख्खां दे उप्पर दी, उच्चीआं उच्चीआं असमान छूंहदीआं इमारतां दे उप्पर दी चिड़ी बूंद नूं संभाल के लै जा रही सी। मंदर, मसीतां, गिरजे, गुरदुआरिआं दे उप्पर दी लंघदिआं किहा, " इहनां दरां तों पवित्तर थां नहीं लभ्भणी तैनूं। आपणा धरती 'ते आउणा सफ़ल कर लै।" चिड़ी नें उस नूं समझाउंदिआं किहा। उह कुझ्झ नां बोली। चिड़ी सोच रही सी ' पता नहीं कित्थे जा के डिग्गू... ऐनीआं पूजनीक थावां नूं छड्ड के.... की पतै मैनूं ऊईं झूठा लालच दे दित्ता होवे कि रहिंदी दुनीआं तक्क तैनूं याद कीता जाऊ। ऐने वड्डे वड्डे महांपुरखां दीआं थावां छड्ड के पता नहीं कित्थे जा के मरू ।' चिड़ी अंदरों अंदरी औखी होई पई सी।

" मैनूं लग्गदै तूं मेरे खंभां दे विच्चों ई भाफ़ बण के उड जाणै।" चिड़ी नें उस नूं सुचेत करन दी कोशिश कीती।

" नहीं.... इस तरहां नहीं मैं मुक्कणा।"

" मैं तैनूं इक्क गल्ल सुणाउण लग्गी आं।"

" नां..... मैं नहीं सुणनी। तूं उडदी जाह बस।" बूंद नें सरूर नाल आखिआ।

" मैं आपणे खंभ झटकण लग्गी आं फेर।"

" नहीं..... नहीं चल सुणा फेर।" बूंद नें मजबूर हुंदिआं आखिआ।

" मैनूं पतै तूं औखी हो के सुणेंगी। पर बाअद विच्च तैनूं वधीआ लग्गू। तैनूं पतै कि कहिण दे नाल सुणना किंना ज़रूरी ऐ। जिहड़ा वी प्राणी दूजे नूं सुणदा नहीं जिंना मरज़ी वड्डा विदवान होवे उस लई अध्धी दुनीआं दे दिल दे दरवाज़े नहीं खुल्ल्हदे। उस कोल पूरन गिआन नहीं हुंदा। बस ओना कु हुंदै जिंना उस दा दिमाग सोचदै...।" " चल सुणा वी हुण....।" बूंद नें काहली पैंदिआं किहा।

चिड़ी मुसकराई अते बोली, " कहिंदे नें इक्क वार किसे रब्ब दे पिआरे कोल इक्क दुखी बंदा आपणे दुख्खां दा कारन पुछ्छण गिआ। रब्ब दे पिआरे नें उस नूं किहा, ' साहमणे बगीचे विच्च फुल्ल खिड़े होए नें, उत्थों सुहणा फुल्ल लै के आवीं पर इक्क शरत ऐ कि जित्थों इक्क वार लंघ गिआ वापस उधर दी नहीं आउणा दुखी बंदा चलिआ गिआ सुहणे सुहणे फुल्लां कोल दी लंघदा गिआ कि होर अग्गे इस तों वी सुहणे फुल्ल होणगे। " चिड़ी थोहड़ी देर लई चुप्प होई।

" अग्गे की होइआ? " बूंद नें पुछ्छिआ।

" उह लंघदा गिआ अग्गे गिआ तां मुरझाए फुल्ल सन पिछ्छे मुड़ना नहीं सी। "

" फेर? "

" फेर की ......मुरझाइआ फुल्ल लै के आ गिआ। महांपुरश नें किहा ' इही तेरे दुख्खां दा कारन है। तूं वधीआ तों वधीआ मौके छड्ड रिहा एं होर वधीआ मौकिआं दे लालच विच्च.... पर ज़िंदगी वार वार मौके नहीं दिंदी हुंदी।"

" वधीआ कहाणी सुणाई।" कणी नें किहा।

" तैनूं इस लई सुणाई ऐ कि तेरे नाल वी दुखी राम वांग ई होणै। ऐनीआं पूजनीक थावां छड्डी जानी ऐं। "

" तूं फ़िकर नां कर... बस मैं तां इही आखणै कि मेरे लख़श ते तैनूं वी फख़र होऊ।" इह सुण के चिड़ी नें मूंह जिहा बणाइआ अते बोली, " चल देख लवांगे।" चिड़ी नूं पिछ्छों थोहड़े शोर दी आवाज़ सुणाई दित्ती। किणमिण विच्चों कुझ्झ कु कणीआं हवा दे बुल्लिआं दा सहारा लैंदिआं उहनां दे पिछ्छे पिछ्छे आ रहीआं सन।

" ओ.... तुसीं किध्धर नूं चल्लीआं? " शरारती कणी नें पुछ्छिआ।

" जित्थे तूं चल्ली एं, असीं वी उत्थे ही जाणै।" उहनां आखिआ।

" तुहानूं की पतै ... मैं कित्थे जाणै?"

" पक्का पता तां नहीं.... पर अंदाज़ा ज़रूर ऐ।"

" चलो आ जो तुसीं वी..... मैं 'कल्ली तां कुझ नहीं सी कर सकदी।"

" पर तूं उत्थे किउं जा रही एं? उहनां पुछ्छिआ।

" इह मौके वार वार नहीं मिलदे हुंदे... सदीआं बाअद इहो जिहे मौके आउंदे नें... मैं छड्डणा नहीं चाहुंदी इस मौके नूं।" उह दस्सण लग्गिआं वी अनंदित हो रही सी।

" मैनूं वी दस्स दिओ ....बुझारतां जिहीआं किउं पा रहीआं ओ। " चिड़ी नूं उहनां दीआं गल्लां पूरी तरहां समझ नहीं सन आ रहीआं। थोहड़ी देर बाअद बहुत सारे जोशीले बोल उहनां दे कंनी पए।जिवें किधरे खुशीआं मनाईआं जांदीआं होण। जिवें मनां दे चाअ झूंमदे होण, जिवें विआह शादीआं होण, जिवें किसे बुढ्ढे बापू दा माण वधिआ होवे, जिवें सभ दे वडेरे खुशी दे सोहले गाउंदे होण, जिवें तपदे हिरदिआं 'ते कोई ठंढीआं बुछारां पईआं होण। इह सारा कुझ्झ सिरफ़ महिसूस कीता जा सकदा सी। बिआन करना बड़ा औखा सी। कदे लग्गदा इह बच्चिआं नूं खुश करन लई कोई खेड रची होवे, किते लग्गदा... नहीं नहीं इह तां जवानां दे सिरड़, सिदक, जोश, होश, साऊपुणे दा इमतिहान होइआ होवे जिस विच्च उहनां नें माणमत्ते अंक प्रापत कीते होणगे । फिर लग्गदा... नहीं.... नहीं..... इह तां बज़ुरगां दी शानदार जित्त दा जशन होवे। इह तां 'सरबत्त दे भले' वांग 'सरबत्त दी जित्त' जापदी है। बच्चीआं बच्चे, नौजवान बीबीआं ते वीर, बज़ुरग मातावां..... इस तरहां लग्गदा सी जिवें सभ दे सिरां 'ते छतर झूलदे होण उहनां दा माण इस दुनीआं तों वी पार खंडां ब्रहिमंडां तक्क फैल गिआ होवे। जिवें मां भगाउती नें हंकारी दानवां नूं हराइआ होवे। ऊच नीच दे भेद भाव तों दूर, धरम खित्तिआं दे वखरेविआं तों दूर सारे इक्को ही नूरानी चिहरिआं वाले जापदे सन। कुझ्झ समझ नहीं सी आ रिहा इह हो की रिहा?

" तेरा बहुत बहुत धंनवाद पिआरी चिड़ी ! हुण मैं चल्ली।" बूंद नें आखिआ।

" मैनूं कुझ दस्स तां जाओ.... कित्थे चल्लीआं ओ? " चिड़ी नें हैरानी प्रगट करदिआं पुछ्छिआ।

" जग्ग विच्च हिस्सा पाउण। " एना आख के कणीआं तेज़ी नाल धरती वल्ल वधीआं। जित्त दा जशन मनाउंदे बीरां नें इस लड़ाई विच्च शहीद होए योधिआं दीआं तसवीरां चुक्कीआं होईआं सन। बच्चे, जवान, बज़ुरग झूम रहे सन। कणीआं नें उहनां दे राह 'ते आपा निछावर कीता।

उस तों बाअद उहनां दे चरनां दी धूड़ विच्च समा गईआं।

" इह सारे कौण नें? " चिड़ी नें उत्थे चहिचहाउंदे पंछीआं तों पुछ्छिआ।

" बाबे नानक दे किरती इक्क लंबी लड़ाई जित्त के घरीं परत रहे नें।" चिड़ी नूं बूंद दी गल्ल याद आई उस नूं सच्चीं आपणे आप 'ते अते चिड़ी दे लख़श 'ते फ़खर महिसूस हो रिहा सी।