उह अजिहा समां सी लोको,
हर पासे सी कालख छाई।
जबर ज़ुलम दा सी पसारा,
हक्क दी किरन नज़र नां आई।
इक्क तहिज़ीब बड़ी पुराणी,
सिसक सिसक दम तोड़ रही सी।
शरहा दे अंनहे हहड़ दे अग्गे,
बेवस्स आपा खोर रही सी।
मरी होई तहिज़ीब दे मालक,
आपणा कोई इमान नहीं रख्खदे।
अणख, आण दे नां दे उत्ते,
कदे उनहां दे जिसम नां भखदे।
नवीं आई तहिज़ीब सी जिहड़ी,
उस दे मालिक राज सी करदे।
ताकत इक्क अजिहा नशा है,
पीवण वाले घट ही डरदे।
भुल्ल शरहा नूं भैड़े बंदे,
दूजी सभिअता खावण लग्गे।
नोच नोच लोकां दी हड्डीआं,
आपणे ढिड्ड विच्च पावण लग्गे।
डर दे मारे हिंद दे वासी,
भुल्ल रहे सी सभिअता आपणी।
दूजे ’ते जो ज़ुलम करेंदे,
खोह बहिंदे हन प्रतिभा आपणी।
इक्क सूरज ते डुब्ब रिहा सी,
दूजा चहड़दा गिआ ग्रसिआ।
हक्क पराइआ खावण वाला,
खुद आपे तों गिआ डस्सिआ।
औरत बणी पैर दी जुत्ती,
मोच आई तां पैरीं पाई।
मां आपणे जाइआं तों ही,
लुच्ची, लंडी, कंजरी अखवाई।
भरमां वहिमां जाल सी उणिआ,
जिस विच्च फाथी कुल्ल लुकाई।
टूणे, जादू आम होए सन,
हर पासे सी कालख छाई।
रब्ब दे भगत सदावण वाले,
छड्ड छडा के जग्ग दे धंदे,
रब्ब नूं लभ्भण जंगल बेले,
घुंमदे फिरदे रब्ब दे बंदे।
रब्ब, रब्ब दी होए लड़ाई
अल्लाह, राम झगड़ रहे सन।
इक्को रब्ब नूं पूजण वाले,
इक्क दूजे नूं रगड़ रहे सन।
आगू धरम दे आखण सारे,
जग है मोह माइआ दा जाल।
मुकती पाउणी चाहो जे लोको,
इस नूं देवो तुसीं तिआग।
बंदा बंदे नूं पिआ खावे,
जिउं दरिआ विच्च मछ्छीआं होवण।
माड़े सभ दी जोरू बण गए,
बैठे आपणी किसमत रोवण।
ऊच नीच दा चरचा सारे,
मनुख्ख मनुख्ख तों नफ़रत करदा।
शूदर घर जो पैदा हो जाए,
सारी उमर रहे दुख्ख जरदा।
करमां दी कदर नां कोई,
जनमां उत्ते होण नबेड़े।
नीच जात दा जो वी बंदा,
लग्गे कोई नां उस दे नेड़े।
लोकीं बणे रुख्ख अजिहे,
बिन जहड़ां तों जिहड़े जिऊंदे।
तरस दा पातर बण के सारे,
ज़हिर नमोशी हर पल पींदे।
हक्क पराइआ हर कोई खावे,
मिहनत दा मुक्किआ माण वे लालो।
‘सरम धरम दोइ छुपि खलोए,
कूड़ि फिरै प्रधान वे लालो।
रात दी पसरी कालख पिछ्छों,
नित्त है सोन सवेरा आउंदा।
बदलां दे परदे नूं लाहके,
नीला अंबर झाती पाउंदा।
ज़ुलम जबर जदों हद्दां टप्पण,
जागे कोई पुत्त धरत दा।
कोझे भार नूं लाहुण खातर,
जनम लैंदा है सुत्त धरत दा।
कदे ते कोई सूरज निकलू,
लोकीं आसां लाह बैठे सन।
वहिमां भरमां दे विच्च फस के,
हनेरिआं नूं अपणा बैठे सन।
गिआन हनेरी कोई उठ्ठे,
इस गहिर नूं लाह के सुट्टे।
लोक तरले कर रहे सन,
कदों इह साडा बंधन टुट्टे।
हनेरे पख्ख दे विच्चों आखिर,
चानण सोमा प्रगट होइआ।
सदी पंदरहवीं साल उनहत्तर,
तारे छिपे हनेर पलोआ।
हो दिआल रब्ब पुत्तर दित्ता,
महिता कालू खुशी मनाई।
तलवंडी दे सभ्भे लोकी,
देवण लग्गे आण वधाई।
मात त्रिपता खुशी विच्च झूमे,
रब्ब नें उसदी रख्ख विखाई।
जिस औरत कुख पुत्त नां जनमे।
उस नार दी होए तबाही।
तलवंडी दे लोक वेखण,
इह किहड़ी किरन है चमकी।
इत्थे घुप्प हनेरे अंदर,
कौण है जिसदी शान है दमकी?
दिल खोल्ह के माइआ वंडी,
महितिआं नें रज्ज खुशी मनाई,
पंडत, काज़ी पहड़न कतेबां,
हर पासे सी छहिबर छाई।
कुड़ी जे जनमे सोग सी हुंदा,
हर कोई करन सोग सी आउंदा।
राजे शीह मुकद्दम कुत्ते,
हर कोई आपणी पत्त बचाउंदा।
पंडत पत्तरी वेख वेख के,
खुशीआं नाल झूमदा जावे।
इह अजिहा लाल है महिता,
नाम जो तेरा जग्ग रुशनावे।
सुणके होर खुशी सी चहड़ गई,
रज्ज के घर लुटाई जांदा।
होइआ रब्ब दिआल है लोको,
महिता आख सुणाई जांदा।
नां हिंदू ते नां ही मोमन,
नाम उस दा नानक रख्खिआ।
मुल्लां, पंडतां सोच सोच के,
आखर जिहड़ा नां सी दस्सिआ।
इस तरहां पुंनिआ दी राते,
चानण विच्च इक्क चानण चहड़िआ।
निरभउ, निरवैर होइ जिस नें,
सच्च धरम दा राह सी फड़िआ।
किरत नूं उस माण बखशिआ,
किरतीआं नूं उस गले लगाइआ।
नाल उनहां दे आप खलोइआ,
नीचां दा उस माण वधाइआ।
अणख, इज़्ज़त गुआ के जीणा,
मौत तों वी भैड़ा होवे।
हक्क दी खातर लड़े बहादुर,
काइर किसमत उत्ते रोवे।
गिआन दा दीवा हत्थीं फड़ो,
कूड़ हनेरा दूर करीए।
किरत करीए नाम जपीए,
रल सारे वंड के छकीए।
* * * * *