साडे मन दे वलवले अरशों रहिण बुलंद।
वाट असां नूं भासदी मंज़िलों वध्ध पसंद।
कंडिआं दे ते फुल्लां दे कुझ्झ इस तरहां संबंध,
ख़ार बचाए फ़ुल्ल नूं वंडे फ़ुल्ल सुगंध।
नां हुंदे वी होंवदी अख्खीआं अग्गे कंध,
दीदार दा शौक जे कर लै अख्खां बंद।
रख्खिआ हर इक्क फुल्ल दी हो जाणी सी मंद,
कंडिआं विच्च जे होंवदी फ़ुल्लां जिही सुगंध।
अपणी पिआरी कलपना दे वी हुंदे दंद।
जिनहां नाळ है टुट्टदी हर इक्क रेशम तंद।
नंगे पैरीं तुरदिआं छेती मुकदा पंध,
घुंगरू वांगूं छणकदे जद कविता दे छंद।