तुसीं अलादीन दे चिराग दी कहाणी ज़रूर सुणी होवेगी। इसे तरहां अलफ़लैला अते अलीबाबा चाली चोर बारे वी जाणिआ होवेगा। इनहां कहाणीआं दी सिरजणा इराक दी राजधानी बगदाद विखे होई। बगदाद नूं दुनीआं दे उनहां कुझ केंदरां विच्चों जाणिआ जांदा है, जित्थे सभ्भिआचार विकसित होइआ। बगदाद नूं गिआन दा महान केंदर मंनिआ जांदा सी, इसे करके गुरू नानक साहिब वी इत्थे गए सन। इनहां कहाणीआं विच्च मनुख्खी सिआणप झलक मारदी है। इह सिध्ध करन दा यतन कीता गिआ है कि मनुख्ख नूं कुदरत नें असीमत सिआणप दी बखशिश कीती है जिसदी वरतों करके उह वड्डी प्रापती कर सकदा है। जेकर मनुख्खी दिमाग दी शकती दा अंकड़ा 100 मंन लिआ जावे तां आम आदमी मसां 20% तों वी घट्ट इस शकती दी वरतों करदा है। साडे देश विच्च इस नूं 16 कलां आखिआ जांदा है। इह वी मंनिआ जांदा है कि सोलां कलां केवल प्रमातमा कोल ही हन। इह शकती रूपी चिराग सारिआं कोल है। असीं इस चिराग तों जो चाहुंदे हां उह ही प्रापत हो जांदा है। मिसाल दे तौर ’ते जदों असीं सोचदे हां, बहुत थक्क गए हां, हुण सौ जाणा चाहीदा है, नींद आउणी शुरू हो जावेगी। तुसीं कोई प्रोगराम देखदे हो तां जेकर तुहानूं पसंद होवेगा तां तुसीं बिलकुल अकेवां जां सुसती महिसूस नहीं करोगे। जेकर तुसीं द्रिहड़ इरादा बण लिआ है कि मैं सारा कंम खतम करके ही सौवांगा तां नींद तुहाडे नेड़े नहीं ढुक्केगी। तुसीं सवेरे सैर करके थक्क के किसे बैंच उत्ते आराम करन लई बैठे हो अचानक तुहानूं उत्थे तुहाडे वल आउंदे इक्क सप्प नज़र आ गिआ तां तुसीं इह आख, चलो भज्जो, भज्जणा शुरू कर दिंदे हो। तुसीं तां थक्के होए सी फिर इंनी शकती कित्थों आ गई। इह शकती तुहाडे ग़ुलाम जिंन नें दित्ती है। जिहड़े लोक छेती ही ढेरी ढाह बैठदे हन, उह आपणी शकती दी गलत वरतों करदे हन। जदों तुसीं इह आखदे हो, चलो छड्डो, इह मेरे वस्स दा कंम नहीं, तां तुहाडा जिंन हुकम मंनदे होए तुहानूं निढाल कर दिंदा है। इस शकती दा चमतकार उह विअकती ही देखदे हन, जिनहां दे इरादे द्रिहड़ हुंदे हन अते हमेशा चहड़दी कला विच्च रहिंदे हन।

आपणे अंदर दी शकती तों बहुत वार असीं अणजाण हुंदे हां पर कई वार साडे मापे जां अधिआपक इस तों जाणू करवा के सफ़लता दे राहे तोर दिंदे हन। मेरे इक्क जाणू दे बेटे दे इमतिहान विच्च 60% अंक आए। पिता नें उस नूं झिड़क दी थां उसदी प्रशंसा कीती ते आखिआ शाबाश बहुत वधीआ, इसे तरहां थोहड़ी होर मिहनत कर तेरे 80% नंबर आ जाणे हन, फिर आपणी मरज़ी दे किसे वी कालिज विच्च दाखला हो जावेगा। सच्चमुच्च उह अगली वार 80% अंक लै गिआ ते आपणी मरज़ी दे कालिज अते विशे विच्च दाखल हो गिआ। उसदा इक्क मित्तर सी जिहड़ा हमेशा उस तों अग्गे रहिंदा सी, उसदे 65% अंक आए सन। उसदे पिता नें अंक देख के झिड़कणा शुरू कर दित्ता, “असीं तेरे उत्ते इंने पैसे खरच कीते ते तूं केवल 65% नंबर लै के आइआ। पहड़ाई तेरे बस्स दी नहीं, इह तैथों नहीं होणी, असीं तां पैसे बरबाद कर रहे हां।” उस बच्चे दे मन उत्ते अजिहा असर होइआ कि अगली वार उह तीजे दरजे विच्च पास होइआ।

मैं आपणे इक्क अधिआपक दी कहाणी तुहाडे नाल सांझी करनी चाहुंदा हां। उदों बहुत घट्ट सकूल हुंदे सन। सकूल वी सरकारी ही हन। मेरे अधिआपक नूं लागले पिंड पहड़न जाणा पैंदा सी। पंजवीं तक ठीक रिहा जदों हाई सकूल विच्च गिआ तां बुरी संगत विच्च पै गिआ। कई वार सकूल पहुंचदा ही नहीं सी। राह विच्च ही खेलदे रहिणा, सकूल दा कंम करना ही नहीं। उदों अधिआपकां कोल सोटी हुंदी सी। जिहड़ा कंम नां कर के आवे तां हत्थां उत्ते ज़ोर नाल सोटी मारदे सन। उह सोटीआं खाण दा इंना आदी हो गिआ कि जदों वी मासटर नें खहड़ा करके कंम बारे पुछ्छणा तां उस सोटी खाण लई हत्थ अग्गे कर देणे। उह सत्तवीं विच्चों फेल हो गिआ ते उसने आपणे बापू नूं आखिआ, मैं होर नहीं पहड़ना, तुहाडे नाल खेती करांगा। बापू आप अनपहड़ सी, उनहां दा इक्को इक्क पुत्तर सी ते उह चाहुंदे सन कि घट्टो घट्ट अठ्ठ जमातां तां पास कर लवे। उदों अठ्ठवीं पास नूं वड्डा समझिआ जांदा सी। तुसीं इह लोक कहाणी तां ज़रूर सुणी होवेगी, “उस नाल की बोलणा जिस मिडल पास नां कीता।” बापू दे ज़ोर देण उत्ते उह सकूल जाण लई राज़ी हो गिआ पर शरत रख्ख दित्ती, मैं उस सकूल विच्च नहीं जावांगा। कुदरती उनहां दे पिंड दे लागे इक्क होर मिडल सकूल सी। उस नूं उत्थे दाखल करवा दित्ता।

उदों सकूलां विच्च उरदू अते फारसी पहड़ाई जांदी सी। फारसी दे अधिआपक नें सबक पहड़ाइआ ते अगले दिन याद करके आउण नूं आखिआ। साडे इह अधिआपक सरीरक तौर उत्ते दरशनी सन। दूजे दिन मौलवी साहिब नें उस नूं आखिआ चल्ल बई सबक सुणा। इसने दोवें हत्थ अग्गे करदे होइआं उत्तर दित्ता जी, “आउंदा नहीं।” अधिआपक नें सोटी मारन दी थां आखिआ, “गल्ल सुण, सारी जमात विच्चों तूं सभ तों उच्चा अते तकड़ा मुंडा हैं, तेरे लई इह सबक याद करना की मुशकिल है? चल्ल बैठ, कल्ल्ह नूं याद कर के आवीं।” ते अधिआपक नें अगला सबक पहड़ा दित्ता। अधिआपक दे इनहां शबदां नें अंदर बैठे जिंन नूं सुचेत कर दित्ता। घर जा के रटा मारिआ अते सबक याद कर लिआ। दूजे दिन अधिआपक नें उस नूं सबक सुणाउण लई आखिआ ते साडे नाइक नें फटाफ़ट सारा सबक सुणा दित्ता। अधिआपक नें इह नहीं आखिआ कि कल्ल्ह वाला सबक याद करना सी सगों आखण लग्गे, “शाबाश, जेकर इसे तरहां मिहनत करेंगा तां तैनूं अठ्ठवीं विच्चों वज़ीफ़ा मिल जावेगा।” ते सच्चमुच्च उस नूं अठ्ठवीं विच्चों वज़ीफा मिल गिआ। उह देश अते विदेश विच्च बहुत उच्चे अहुदिआं ’ते रहे। उनहां दा शुमार देश विच्च ही नहीं सगों संसार दे चोटी दे खेती अरथशासतरीआं विच्च कीता जांदा है।

तुसीं ऐडीसन दा नाम तां सुणिआ ही होवेगा, जिसने बलब बणा के हनेरे विच्च रौशनी कीती। उसने सभ तों वध्ध विगिआनक खोजां कीतीआं हन। इह उसदे द्रिहड़ इरादे अते सफलता दे यकीन कारन ही हो सकिआ है। आखिआ जांदा है कि बलब बणाउण समें उह कोई इक्क हज़ार वार फेल होइआ पर उसने इस नूं सफ़लता वल पुटिआ इक्क होर कदम आखिआ। इनहां प्रापतीआं लई उसदी मां दी अहिम भूमिका सी। इक्क दिन जदों सकूल तों छुट्टी होई तां उसदी टीचर नें इक्क चिठ्ठी दित्ती कि आपणी मां नूं दे देवीं। मां नें जदों चिठ्ठी पहड़ी तां पहिलां उह कुझ घबरा गई पर छेती संभल गई। चिठ्ठी विच्च लिखिआ सी कि तुहाडा बच्चा मंदबुध्धी है। इह साडे सकूल विच्च पहड़न दे काबल नहीं है। ऐडीसन नें जदों पुछ्छिआ कि चिठ्ठी विच्च की लिखिआ है तां मां आखण लग्गी, “तुहाडा बच्चा आम बच्चिआं नालों वध्ध हुशिआर है, इत्थे कलास विच्च तां उसदा समां बरबाद ही होवेगा, उस नूं घर आपणे आप पहड़न दित्ता जावे।” मां दे इनहां बोलां नें बच्चे अंदर सुत्ते पए जिंन नूं जगा दित्ता ते बच्चे नें पूरी लगन नाल पहड़ाई शुरू कर दित्ती अते दुनीआं दा सभ तों प्रसिध्ध विगिआनी बणिआ।

कुझ अजिहे वी हुंदे हन, जिनहां नूं आपणी ताकत उत्ते भरोसा नहीं हुंदा जां उह अणजाण हुंदे हन। उह हमेशा शिकाइत करदे हन ते दूजिआं दी सफ़लता देख के झूरदे हन। उनहां दे अंदरला जिंन इनहां खाहिशां नूं पूरीआं करन विच्च सहाइता करदा है ते उह सारी ज़िंदगी दुखी ही रहिंदे हन।

जेकर तुहानूं आपणे आप उत्ते भरोसा होवे अते द्रिहड़ इरादा होवे तां वड्डी तों वड्डी जंग वी जित्ती जा सकदी है। तुसीं पोरस अते सिकंदर दी कहाणी ज़रूर पहड़ी होवेगी। उस अनुसार सिकंदर नूं महान अते पोरस नूं हारिआ होइआ दस्सिआ गिआ है। सिकंदर नें पोरस उत्ते हमला कीता, कुझ बुक्कल दे सप्प सिकंदर नाल जा रले अते पोरस फड़िआ गिआ। सिकंदर नें जदों पोरस नूं पुछ्छिआ, दस्स तेरे नाल की सलूक कीता जावे तां उस सिर उच्चा कर के आखिआ कि मेरे नााल उह ही सलूक करो जो इक्क बादशाह दूजे बादशाह नाल करदा है। इह सुण सिकंदर नूं गुस्सा आ गिआ ते पोरस नूं कैद कर लिआ। पोरस नूं भरोसा सी कि उसदे वफ़ादार साथी ज़रूर कैद विच्चों कढ्ढ लैणगे। इंझ ही होइआ। उसदे वफ़ादारां नें आपणीआं जानां दी प्रवाह नां करदे होए रात दे हनेरे विच्च पोरस नूं कैद विच्चों कढ्ढ लिआ। पोरस नें मुड़ आपणी फौज इकठ्ठी कीती अते सिकंदर दी फौज उत्ते गोरीले हमले शुरू कर दित्ते। सिकंदर दे सिपाही जदों बिआस दरिआ नूं पार करन दा यतन करदे तां उनहां नूं डोब दित्ता जांदा। बरसात शुरू हो गई। पोरस दी फौज अते मछ्छरां नें सिकंदर दे फौजीआं नूं इंना परेशान कर दित्ता कि उनहां नें वापस जाण दा फैसला कर लिआ। सिकंदर नें बहुत समझाइआ पर फौज अग्गे नां वधी ते वापस मुड़ पई। सारी दुनीआं नूं फ़तिह करन लई तुरे सिकंदर तों इह नमोशी झल्ली नां गई ते राह विच्च ही रब्ब नूं पिआरा हो गिआ।

महाराजा रणजीत सिंघ केवल 12 साल दा सी जदों उह आपणी मिसल दा सरदार बणिआ। इह मिसल सभ तों छोटी सी। अबदाली दे पोतरे नें सोचिआ कि हुण मुड़ हिंदोसतान नूं लुट्टण दा सुनहिरी मौका है, इह इक्क अख्ख वाला 12 साल दा लड़का मेरा की मुकाबला करेगा। रणजीत सिंघ नूं आपणे आप ’ते भरोसा सी। चहड़दी कला वाले लीडर दी अगवाई विच्च ही फौजां जित्तदीआं हन। अबदाली दे पोतरे नूं अजिही हार होई कि मुड़ इस पासिउं भारत उत्ते किसे दा वी हमला करन दा हौसला नहीं पिआ।

कुझ साल पहिलां आई ए ऐस्स विच्च पहिले नंबर उत्ते केरला दी इक्क कुड़ी आई सी। आपणी कहाणी सणाउंदिआं उसने दस्सिआ कि मैं बैंक विच्च नौकरी करदी सी ते मेरी इछ्छा आई ए ऐस्स अफसर बणन दी सी। तिआरी करके इमतिहान दित्ता पर फेल हो गई। दूजे साल फिर इमतिहान दित्ता पर इंटरविऊ विच्च रहि गई ते मैं मुड़ कोशिश नां करन दा फैसला कर लिआ। इक्क दिन मैं दफतर तों घर आके बाहर बैठी चाह पी रही सी कि मैथों खंड दे कुझ किणके हेठां डिग पए। उत्थे इक्क कीड़ी आई। उस खंड दा इक्क किणका चुक्किआ ते तुर पई। थोहड़ी दूर जाण ’ते किणका हेठां डिगिआ पर कीड़ी नें मुड़ चुक्किआ। किणका कई वार हेठां डिगिआ पर कीड़ी नें हिंमत नहीं हारी, आखर आपणी खुड्ड विच्च लै गई। मेरे अंदरों आवाज़ आई, “मैं ऐवें हौसला छड्ड बैठी हां, इक्क वार होर कोशिश करांगी। मैं पूरी लगन अते द्रिहड़ इरादे नाल तिआरी कीती ते नतीजा तुहाडे साहमणे है।”

साडे सभनां कोल अलादीन वाला चिराग है। इसदे जिंन तों जो असीं मंगदे हां, उह उहीओ सानूं देण दा यतन करदा है। जे असीं आपणी असीम शकती उत्ते भरोसा रख्खके द्रिहड़ इरादे नाल यतन करीए, मंज़िल हमेशा प्रापत हुंदी है।

* * * * *