सुणिआ तां उनहां बारे बहुत सी, पर जदों पहिली वारी मैनूं मिलण आए तां स: किरपाल सिंघ पंनूं बारे जो कुझ मैं आपणे मन विच्च चितरिआ होइआ सी, इह उस ढांचे विच्च फिट्ट जिहे नां आए। मैनूं तां इह दस्सिआ गिआ सी कि बड़ी वड्डी शखसीअत है, पर उह सादा जिहे, जां आपणे मन दी गल्ल कहां तां असलों सिध्ध पध्धरे जिहे, जापदे सन। गल्लां करन वेले कोई पहड़े-लिखिआं वाली विउंतबंदी नहीं सी कर रहे, सगों जिवें पिंड दी सत्थ विच्च बैठ के जो मन विच्च आवे, कहि देण दा सुभाअ हुंदा है, ऐन ओसे तरहां करी जा रहे सन। किउंकि मैं आप वी सिध्ध पध्धरे सुभाअ वाला आदमी हां, बाहले नाप-तोल के गल्ल करन वालिआं नाल सुखावां महिसूस नहीं कर सकदा, इस कर के उनहां नाल छेती ही रच-मिच गिआ ते अगली वारी सिध्धे घर आउण लई बेनती कर दित्ती। जदों दूजी वारी उह घर आए, ओदों वी नां तां पहिली वारी किसे दे घर आउण दा कोई संकोच, नां किसे गल्ल विच्च कोई रसमी किसम दी ‘थैंक यू-थैंक यू’ करन दी आदत, वरना वलैतीए मित्तरां दा पछ्छमी सभ्भिअता वाला इह रवाइतीपुणा मैनूं चिड़ा देंदा है। कुझ समें बाअद जदों मैं उनहां दी धरम-पतनी बीबी पतवंत कौर पंनूं नं मिलिआ, ओदों होर वी ज़िआदा आनंद आइआ ते जो निघ्घ दोवां कोलों महिसूस कीता, उस नं दस्स सकणा मेरे लई औखा है।
इह गल्ल मैनूं पता लग्ग चुक्की सी कि उह कंपिऊटर दे साफटवेअर दे मामले विच्च काफी गुणी गिआनी हन, पर जदों उह मेरे घर कंपिऊटर अग्गे बैठे, बिनां मेरे कहे तों कई कुझ उहदे विच्च लोढ करी गए ते नाल दी नाल कई गल्लां मेरे सिर विच्च लोढ कर छड्डीआं। मैं कंपिऊटर बारे बहुता शाइद हुण वी नहीं जाणदा, पर ओदों तां असलों कच्च-घरड़ सी। मेरा कच्च-घरड़पुणा तां इस हद्द तक्क सी कि मेरे इक्क सांझ वाले नें कंपिऊटर लैणा सी ते मैं उस नं नवां लैण तों रोक के किसे तों चल्लदा लैण वासते इस लई कहि दित्ता कि साडे पिंडां विच्च कहिंदे हुंदे सन कि टरैकटर वी लैणा होवे तां चल्लदा लैणा ही ठीक हुंदा है, नुकस-नकस दा पता लग्ग जांदा है। किरपाल सिंघ पंनूं हुरीं मेरे कोल जिंनी देर बैठे, ओनी देर विच्च मेरा एना सारा कंम नाल दी नाल कर गए कि जे उह किसे होर तों कराउणा हुंदा तां पैसे वी चोखे लग्गणे सन ते फिर करन वाले नें वी सिरफ कंम करना सी, उस दा गुर नहीं सी दस्सणा। ओधर तों विहले हो के मैं तां इह सोचां कि चाह ठंढी नां हो जावे ते उह इक्क पिछ्छों दूजी कंम दी गल्ल छोही जाण। जदों मैं ज़रा ज़िआदा ज़ोर नाल चाह लई किहा तां घुट्ट भर के कहिण लग्गे कि ‘चाह तां आपां सारे रोज़ पींदे हां, आह जिहड़ीआं कंम दीआं गल्लां हन, जे इनहां विच्चों कोई रहि गई तां रहि ही जाणी है।’
समां पा के असीं इक्क दूजे दे नेड़े तों नेड़े आउंदे गए, वाहवा नेड़े, अते रिशतेदारां वरगी सांझ वी बण गई। मेरा दामाद उनहां दा पुत्तरां वरगा शागिरद निकलिआ। उस कोलों वी मैनूं किरपाल सिंघ पंनूं हुरां दी शखसीअत दे कई पख्ख पता लग्गे। इह वी पता लग्गा कि उह आपणे पल्लिओं खरच कर के वी कई मित्तरां दा डंग सार देंदे हन ते फिर कदी किसे नं इह गल्ल जताउंदे वी नहीं।
किरपाल सिंघ पंनूं हुरीं लेखक वी बहुत सुलझे होए हन। भारत दी पारलीमैंट विच्च इह गल्ल चिरां तक्क कही जांदी रही है कि लाल क्रिशन अडवानी जदों बोलदा है तां उस दे भाशण विच्च विआकरण दे पख्ख तों कौमा जां बिंदी दा नुकस कढ्ढणा औखा हुंदा है। हुण अडवानी बुढ्ढा हो गिआ है, उस दे नुकस सौ गिणाए जा सकदे हन, पर जिहड़े लेख किरपाल सिंघ पंनूं हुरां दे वख्ख-वख्ख थांईं मैं पहड़े हन, उनहां नं पहड़न वेले हर वार मेरे अंदरला अखबार दी संपादकी ज़िमेवारी निभाउण वाला बंदा इहो सोची जांदा रिहा कि जे इस लेख नं किसे पासे तों कुतर के छोटा करन दी लोड़ पै जावे, कुझ कट्टिआ नहीं जाणा। इह गुण थोहड़े जिहे बंदिआं विच्च हुंदा है कि उह आपणी गल्ल वी कही जाण, रवानगी वी एदां दी होवे कि पाठक नं गुट्टों फड़ के नाल तोरी लिजाण अते लफज़ वी एने गुंदवें वरतण कि कोई इह कहिण दी हिंमत नां कर सके कि ऐवें भरती ही भरी पई है। इह वी गल्ल उनहां दी खास वेखी है कि जिस दा कोई नुकस दिस्स पवे, ऐवें दिल-रख्खणीआं गल्लां नहीं करदे, लिख रहे होण जां आपसी गल्लबात चल्लदी होवे, सिध्धी ‘पंजाबी’ विच्च कहि देणगे कि आह गल्ल तेरी गलत है, मैं इस नाल सहिमत नहीं हो सकदा। इह गल्ल उहो कहि सकदा है, जिहड़ा आप वी अग्गों कही गल्ल सहिण दी शकती रख्खदा होवे।
साडी पंजाबीआं दी बदकिसमती है कि जदों कदे गुणी बंदिआं नूं ठिब्बी लाउण दा मौका मिल जावे तां असीं उस मौके आपणा-पराइआ वी कदे नहीं बखशदे। इहो कुझ किरपाल सिंघ पंनूं हुरां नाल होइआ है। उनहां नें पंजाबी मां-बोली दी सेवा लई इक्क साफटवेअर तिआर कीता, जिहड़ा गुरमुखी दे इक्क फौंट नं दूजे विच्च पलटण दे कंम विच्च सहाई हो सकदा सी। इह प्रोगराम पंजाबी यूनीवरसिटी दे इक्क तनखाहदार कारिंदे नं दे बैठे। चंगा इह होइआ कि उस नं सी डी जां फलापी वगैरा देण दी थां इंटरनैट्ट दा ई-मेल वाला वसीला वरतिआ सी। जिवें आम हुंदा है, यूनीवरसिटीआं विच्च बैठे आपणे आप नं विदवान साबत करन दे शौकीन, किरदार वल्लों जिहड़े निरे लिलीपुट दी नगरी दे नागरिक हुंदे हन, जिहड़े होरनां दीआं किरतां चोरी कर के आपणा नांअ लिख लैंदे हन। पंनूं जी दे साफटवेअर नं वी उस बंदे नें आपणे नांअ नाल जोड़ के दुनीआ भर विच्च वेचिआ ते जेबां भर लईआं। जदों उस नें इक्क सैमीनार विच्च इस दी पेशकारी करनी सी, पंनूं हुरीं बिनां किसे नं दस्सिआं यूनीवरसिटी विच्च आण पुज्जे। घाबर गए उस बंदे नें इक्कदम ‘पेट विच्च गड़बड़’ दा बहाना ला के आपणे सहाइक नं आपणा पेपर फड़ाइआ ते आप पिछले दरवाज़िओं खिसक गिआ। सहाइक वल्लों पेपर पहड़े जाण मगरों पंनूं हुरां नें जदों इस दी हकीकत दा खुलासा कीता तां उह सहाइक इह कहि के चुप्प हो गिआ कि मैं तां पेपर पहड़न वाला हां, मैनूं इस दा कुझ पता नहीं, लिखण वाला जाणे ते तुसीं जाणदे रहो। कमाल दी गल्ल है कि पंजाबी बोली दी सेवा लई बणी होई उस यूनीवरसिटी विच्च पंजाबी बोली दे इक्क एडे वड्डे सेवादार नाल एडा वड्डा धक्का हो गिआ, अखबारां विच्च तां रौला वी बथेरा पैंदा रिहा, पर यूनीवरसिटी विच्च बोरीआं भर के तनखाहां लैण वाले अधिकारीआं नूं कोई फरक ही नहीं पिआ।
जदों इह मामला अग्गे वधिआ, इक्क पड़ाअ उत्ते किरपाल सिंघ पंनूं हुरां नं उस यूनीवरसिटी दे इक्क वाईस चांसलर तों मैं वी वकत लै के दित्ता। वाईस चांसलर नें किहा कि दूजा बंदा आपणा पख्ख ठीक आखदा है। मैं दस्सिआ कि इस मामले विच्च साईबर कराईम बरांच तों पड़ताल करवा लवो, सारा कुझ निख्खर के साहमणे आ जावेगा, ते जे किरपाल सिंघ पंनूं हुरीं दोशी निकले तां इनहां दे खिलाफ गवाह मैं बणांगा। इस दे बाअद एना तां होइआ कि पंनूं हुरां नं आपणी गल्ल दस्स सकण दा मुनासब मौका दे दित्ता गिआ, पर गड्डी जिहड़े चिक्कड़ विच्च पहिलां फसी खड़ोती सी, ओथे ही फसी रही।
किरपाल सिंघ पंनूं सिरफ साफटवेअर दे माहर ही नहीं, इक्क पंजाबी लेखक ही नहीं, निज्जी जीवन विच्च इक्क खुद-दार इनसान वी हन। उनहां दी इसे खुद-दारी नें उनहां नं उस आपे बणे होए विदवान विरुध्ध मुकद्दमेबाज़ी दे राहे नहीं पैण दित्ता। पुछ्छण उत्ते इह आख छड्डिआ कि ‘बेशरम बंदे नं आपे किसे दिन ज़मीर लाहनतां पाऊगी, इहो जिहे चक्कर विच्च पै के मैं कचहिरीआं दे बैंचां उत्ते जा के बैठा तां लोकां नं जापेगा कि किरपाल सिंघ पंनूं हरजाने दे चार छिल्लड़ लैण नं भज्जा फिरदा है। सारी उमर पैसे पिछ्छे भज्जा नहीं, हुण वी इह गल्ल आखण दा मौका किसे नं काहनूं देणा है।’
इहो जिहे इनसान नाल नेड़ दा जिंना वध्ध तों वध्ध माण कोई महिसूस कर सकदा है, ओना कु माण करन दा हक्क मेरा वी है। मेरी कामना है कि उह ते उनहां दी जीवन-साथण इक्क लंमी ते सुखावीं ज़िंदगी जिऊण। इह कहिण पिछ्छे इक्क मेरी होर सिक्क वी है। पंनूं हुरीं बुढापे दा असर कबूलण वाले नहीं हन, इस लई जिंना वध्ध लंमा जिऊणगे, पंजाबीअत दी होर वध्ध तों वध्ध सेवा करदे रहिणगे।