फलैटीज़ होटल पुहंचे तां पता लग्गा पुलीस नें सुनेहा भेजिआ सी कि नियम अनुसार भारती डैलीगेटां नें पुलीस कोल आपणी हाज़री किउं नहीं लवाई। इह कंम तां पहिले दिन ही होणा चाहीदा सी पर प्रबंधकां वलों कोई निसचित आदेश जां सलाह नां मिलण कारन, ‘‘कुझ नहीं हुंदा’ कहि के सारे कानफ़रंस दे मेले-गेले विच रुझ्झ गए। हुण इकदम सिर आ बणी। भीड़ कारन सारे लोक सवेर दे परेशान सन। कदी ऐस्स.ऐस्स.पी. दे दफ़तर ते कदी थाणे दे चक्कर ला रहे सन। सतनाम माणक मैनूं कहिण लग्गा:
‘‘असीं तां यार सवेर दे एेेसे ही खलजगण विच तिंन-चार घंटे ख़राब कर बैठे आं। हुण लोक ऐस्स.ऐस्स.पी. दे दफ़तर कतारां बंनह के खलोते नें। तुसीं वी चले जाओ छेती। उंज बंदे बड़े कोआपरेटिव नें। कहिंदे सन असीं अज्ज सत्त वजे तक दफतर खुल्ल्हां रख्खांगे।’’
मैं डा. जगतार नूं किहा तां उह पहिलां वांग ही हलके-फुलके अंदाज़ विच कहिंदा, ‘‘वरिआम! कुझ नहीं हुंदा, तूं फ़िकर नां कर।’’ उस नें आपणे विशेश अंदाज़ विच मुसकराउंदिआं हत्थ खहड़ा कीता।
‘‘वेख लो फिर नां ऐवें पंगे नूं फहड़े फिरीए। ऐह, सारे लोक उधरों ही आ रहे नें।’’
मेरे वार-वार कहिण ‘ते उह फलैटीज़ होटल दी रिसैपशन वल्ल गिआ ते आ के कहिण लग्गा, ‘‘तूं बेफ़िकर रहु। मैनूं लगदै इनहां नें आए बंदिआं दी रिपोरट ही अज्ज भेजी है। आपणे होटल वालिआं तां पहिले दिन ही आपणे कोलों इस मकसद लई पासपोरट लै लए सन।’’
पर मैं फ़िकरमंद सां। जगतार कहिंदा, ‘‘चल्ल आपणे होटल वालिआं तों जा के पुछ्छीए।’’
असीं उथे गए तां होटल दे मैनेजर ते मालक नें आपणे कैबिन विच बिठा के सानूं चाह पिआई ते बेफ़िकर रहिण लई किहा।
‘‘मै तां इस नूं किहा सी पर इह बहुत चिंतत सी।’’ जगतार नें आखिआ। असीं वापस फलैटीज़ होटल पहुंच गए।
कानफ़रंस दा आख़री सैशन चल्ल रिहा सी। तकरीरां हो रहीआं सन। इक अजीब हुलास ते खेड़ा सी सभ दे मनां विच। फख़र ज़मां नें रात वाली तकरीर ही दुहराई पर बड़े ठरंहमे ते दिहड़ता नाल। रात वाली उलार उतेजना ग़ैर-हाज़र सी।
‘‘इह बहुत सख़त बोल रिहै, ज़रूर रौला पवेगा इस ‘ते।’’ जगतार नें किहा।
‘‘अजे रातीं नहीं सुणिआ तुसीं…मैनूं लगदै कुझ हलकिआं वलों कानफ़रंस दे कीते विरोध कारन उह उतेजित हो गिऐ।’’
‘‘पर इह उतेजना महिंगी पै सकदी है। विरोध होर तिख्खा हो सकदै। इस विरोध नाल आउण-जाण दा राह खुल्ल्हण दी जिहड़ी संभावना सी उह मठ्ठी पै सकदी है।’’
जगतार दे फ़िकर वी जाइज़ लग्गदे सन। रात वाली तकरीर सुण के तां मैनूं वी अचेत ख़ौफ़ जिहा महिसूस होइआ सी पर लग्गदा सी कि फख़र ज़मां आपणे अकीदे ‘ते द्रिहड़ सी ते उह निरहा किसे भावुक आवेश विच गल्ल नहीं कर रिहा सगों बेख़ौफ़ ते द्रिड़ हो के पंजाबीआं दा, पंजाब ते पंजाबी ज़बान बारे आपणा द्रिशटीकोन पेश कर रिहा सी। इस द्रिहड़ता ते प्रतीबध्धता दी पंजाबीआं दी घाट नें ही उनहां नूं एना चिर थल्ले लाई रख्खिआ सी ते हुण उह चुप्प रहि के विरोधीआं दी धौंस सहिण लई तिआर नहीं सी। उह आपणीआं तिख्खीआं गल्लां राहीं पंजाबीआं नूं जागरित करना वी चाह रिहा सी ते मुलक पध्धर ‘ते इस सबंध विच इक बहिस दी शुरूआत वी करनी चाहुंदा सी ते उस मुताबक इह शुरूआत इंज ही होणी सी। शेर वांग गरज के ; बक्करी वांग मिण-मिण करके नहीं। उह किसे किसम दी ग़लतफ़हिमी वी नहीं सी रहिण देणा चाहुंदा। उस नूं पाकिसतानी होण ‘ते माण सी ते उह इस दी आज़ादी, ख़ुदमुख़तिआरी ते प्रभूसत्ता दा किसे वी वड्डे तों वड्डे पाकिसतानी नालों वध्ध सनमान करदा सी। उस नूं आपणी कौमी ज़बान उरदू ‘ते माण सी पर उह आपणी मां-बोली नूं हुण होर रुलदिआं नहीं सी वेख सकदा। उस अनुसार हुण सुत्ते होए पंजाबी पुत्त जाग पए सन।
कानफ़रंस विच मते पास कीते जा रहे सन। भारत-पाकिसतान विच कशमीर दे मसले समेत सारे मसलिआं दा हल्ल मिल बैठ के तलाशण लई, आम लोकां सभिआचारक कामिआं ते लेखकां-बुध्धीमानां लई वीज़े दीआं शरतां ढिल्लीआं करके आउण-जाण सौखा बनाउण लई।
इंज आलमी पंजाबी कानफ़रंस आपणे अंजाम नूं पुहंची।
हुण लोक हाल विच, लाबी विच, लाअन विच इक दूजे नूं मिल रहे सन। अगला प्रोगराम पुछ्छ रहे सन। अज्ज रात तक ही कानफ़रंस दे प्रबंधकां दे असीं महिमान सां। सवेर तों, जे असीं उथे ही रहिणा चाहीए, आपणे ख़रचे ‘ते ठहिर सकदे सां, नहीं तां कोई वख्खरा प्रबंध करना पैणा सी। सतारां अठारां अपरैल दे दो दिन बाकी सन। उनी अपरैल नूं सवेरे लाहौर रेलवे सटेशन तों समझौता ऐकसप्रैस वापस पकड़नी सी।
सुलेखा मेरे कोल आई, ‘‘सानूं ननकाणा ज़रूर दिखाओ। कई लोक हो वी आए नें।’’
उस दी गल्ल ठीक सी। परसों गुरचरन सिंघ मैनूं ननकाणे जाण लई कहि रिहा सी तां मैं उस नूं ‘सिरफ लाहौर दा ही वीज़ा’ लग्गा होण बारे दस्सिआ तां उह सदा वांग मेरी इस ‘कमज़ोरी’ उते हस्सिआ, ‘‘भाजी! कोई नहीं पुछ्छदा। तुसीं जाण दी गल्ल करो।’’
उनहां नूं सच्चीं किसे नें नहीं सी पुछ्छिआ!
‘‘रूप सिंघ रूपा हुरीं बस्स राहीं रावलपिंडी, पंजा साहिब ते ननकाणा सहिब दा प्रोगराम बणा रहे नें पर रघबीर हुरीं नहीं मंनदे।’’ सुलेखा इक तरहां नाल मैनूं रघबीर सिंघ नूं मनाउण लई कहि रही सी। मैं रघबीर सिंघ नूं पु्ुछिआ, ‘‘जांदे किउं नहीं! फिर तुर आवांगे इस बहाने। मैं तां जाण नूं तिआर हां। जगतार हुरां नूं वी पुछ्छ लैंने आं।’’
रघबीर सिंघ हिचकिचा रिहा सी पर मेरे कहिण ‘ते मंन गिआ।
‘‘तुसीं कहिंदे हो तां चले चल्लदे आं। उंज…’’ उहदे मन विच शाइद उस यातरा दे आगूआं बारे दोचिती सी ते उस नें इह ज़ाहिर वी कर दित्ती। उधर जगतार एनी लंमी ते थका देण वाली यातरा ‘ते जाण लई बिलकुल ही तिआर नहीं सी। लाहौरों बिनां आगिआ बाहर जाण दा ख़तरा तां मेरे मन नूं वी सी पर मैं सोचिआ जिथे सारी बस्स दे यातरीआं नूं कोई डर नहीं तां असीं ही किउं डरदे रहीए।
रूप सिंघ रूपा होटल दी लाबी विच आपणा बैग रख्खी यातरा दा प्रोगराम जानण वालिआं नूं वेरवा वी दे रिहा सी ते फी-सवारी छे छे सौ रुपए वी उगराह रिहा सी।
‘‘सवेरे छे वजे शाहताज होटल तों बस्स चलेगी ते इथे फलैटीज़ ‘च आवेगी। इथों सत्त वजे रावलपिंडी नूं चलांगे। दुपहिर तक उथे पुज्जांगे। घंटा दो घंटे उथे ला के पंजा साहिब लई रवाना होवांगे। रात उथे रहांगे। सवेरे नाशता करके तुरांगे शाम तक लाहौर पुज्ज जावांगे। इथों रातो रात ननकाणा साहिब जावांगे। उथों दरशन करके सवेरे सिध्धा लाहौर रेलवे सटेशन ‘ते पुज्ज जावांगे। सामान सारा आपणा सवेेरे ही नाल लै जावांगे।’’
सफ़र बहुत लंमा ते थका देण वाला सी। पर निरा लाहौर विच बैठे रहिण नालों पाकिसतान दा कुझ होर हिस्सा ते दो गुरदुआरिआं दे दरशन तां कर लवांगे। मैं आपणे, रघबीर ते सुलेखा दे पैसे रूप सिंघ रूपा कोल जमहां करवा दित्ते।
‘‘लाहौरों बाहर जाण दी आगिआ लै लई है? जे किसे नें पुछ्छिआ तां’’, मैं फ़िकरमंदी ज़ाहिर कीती तां रूपा कहिण लग्गा, ‘‘कोई नहीं पुछ्छण लग्गा।’’
आपणे तौखले नूं दबा के मैं सुलेखा हुरां नूं सवेरे जाण दे प्रोगराम दी ख़ुशख़बरी सुणा दित्ती।
‘‘चलो ठीक ऐ’’, रघबीर सिंघ नें हस्सदिआं प्रवानगी दे दित्ती।
परहे खलोते राइ अज़ीज़ उल्ला मेरे कोल उचेचे आए ते पुछ्छण लग्गे, ‘‘संधू साहिब, तुसीं ऐस्स.ऐस्स.पी. दे दफतर ऐंटरी करवा आए ओ?’’
‘‘नहीं असीं तां गए नहीं। कहिंदे नें कोई गल्ल नहीं।’’
‘‘नां नां… इह गलती नां करिओ। सारे लोक उथों हो आए नें। इह ज़रूर करो। लाज़मी ही। उनहां अज्ज तक छोट दित्ती होई है।’’
उस सुहिरद इनसान दी नेक सलाह तां टाली नहीं सी जा सकदी। रघबीर सिंघ हुरां नूं पुछ्छिआ तां पता लग्गा कि उनहां नें इह कंम अज्ज करवा लिआ है। मैं जगतार नूं, जो पाकिसतानी लेखकां विचकार खलोता गप्प-गोशट विच रुझ्झा होइआ सी, आखिआ, ‘‘मैनूं राइ साहिब नें किहा है कि पुलस वाला कंम आपां नूं करवाउणा ही पैणा है। मैं नहीं उनहां आप आ के मैनूं पुछ्छिआ है ते दिन वी सिरफ अज्ज दा ही है।’’
जगतार ‘कोई नहीं’ कहि के हुण तक टालदा आ रिहा सी पर जदों उस नें ‘राइ साहिब’ दा नां सुणिआ तां तुरंत गंभीर हो गिआ, ‘‘जे राइ साहिब आखदे नें तां आपां नूं इह कंम ज़रूर करवा लैणा चाहीदा है। उतों टाईम वी किंना हो गिऐ।’’ उस नें बाहर डुब्बदे जांदे सूरज सदका हुणे ही उतर पैण वाली रात वल्ल वी इशारा कीता।
‘‘हुण की करीए!’’
उस दे मन विच छेती छेती ऐस्स.ऐस्स.पी. दफतर पहुंचण दी काहल सी। उमर गनी बाअद-दुपहिर छुट्टी लै के पाकपटन परत गिआ सी।
‘‘डाकटर साहिब, ऐधर नूं मूंह करिओ, इक तसवीर खिच्च लईए।’’ जिनहां मित्तरां कोल जगतार खलोता सी उनहां विचों इक नें उस नूं किहा। फोटोगराफर कैमरा फोकस कीती खड़ोता सी।
जगतार नें उस दा हत्थ छिणकिआ ते कहिण लग्गा, ‘‘ठहिर यार! सानूं आपणा वख़त पिऐ। इहनूं फोटो दी पई ऐ। आ वरिआम!’’
उस नें मेरा हत्थ फड़ के मैनूं बाहर वल्ल तोरिआ। असीं होटल दे बरांडे ‘चों बाहर निकले ही सां कि मि. निआज़ी नां दा इक बंदा जगतार नूं कहिण लग्गा, ‘‘हज़ूर, की गल्ल बड़े प्रेशान नज़र आंदे जे।’’
प्रोफैसर-लेखक निआज़ी आपणी लाल रंग दी छोटी जिही कार कोल खड़ोता जाण दी तिआरी विच सी। निक्की निक्की दाहड़ी, सिर उते लंमा लड़ छड्ड के बंनही पग्ग। जगतार तों प्रेशानी दा कारन जाण के उस मधुर भाशी विअकती नें किहा, ‘‘मैं किसे ज़रूरी कंम जा रिहा सां, पर कोई नहीं। मैं तुहानूं ऐस्स.ऐस्स.पी. दे दफ़तर उतार के चला जावांगा। तुसीं बैठो।’’
असीं उस दी कार विच बैठे। जदों असीं ऐस्स.ऐस्स.पी.दे दफ़तर पुहंचे तां सूरज दिखाई देणों हट गिआ सी। निआज़ी आपणी कार ‘चों साडे नाल ही उतर पिआ, ‘‘टाईम काफ़ी हो गिऐ। तुहानूं मुशकिल नां आवे। चलो! मैं तुहाडे नाल चल्लदां।’’
उस नें साडे वासते आपणा ज़रूरी कंम अग्गे पा लिआ सी। उस नें पता कीता कि विदेशीआं दी रजिसटरेशन वाला दफ़तर किहड़ा है। मन विच इह ख़दशा वी सी कि पता नहीं इस समें दफतर विच कोई विअकती होवेगा जां नहीं पर प्रो. निआज़ी दा नाल होणा हौसला दे रिहा सी।
दफ़तर विच दो तिंन बंदे बैठे गप्पां मार रहे सन। वख्खरी कुरसी उते बैठा इक नौजवान प्रो. निआज़ी नूं वेख के उठिआ ते उस दे गोडिआं नूं हत्थ ला के ख़ैर-सुख पुछ्छी।
उह उस दा शागिरद अते नेड़े दा जाणू लग्गदा सी उस नें सानूं कुरसीआं ‘ते बिठा के सारी गल्ल आराम नाल करन लई किहा। साडी गल्ल सुण के उस नौजवान नें किहा, ‘‘कोई नहीं, हुणे कंम हो जांदै। असीं अज्ज सवेर दे एसे मकसद लई बैठे आं। असीं उंज ई किसे नूं नहीं मोड़िआ। तुहाडे नाल तां साडे उसताद-ए-मुहतरिम आए नें।’’
उह अहुदे वजों इंसपैकटर सी ते उथे बैठे बंदिआं ‘चों सीनीअर।
असीं उस कोलों सारी प्रकिरिआ पुछ्छी। उह बड़े ठरंहमें नाल दस्सण लग्गा, ‘‘हकीकत इह है कि पाकिसतान पुज्जदिआं चौवही घंटे दे विच विच ही इथे पुज्ज के आपणी आमद दी रजिसटरेशन करवाउणी पैंदी है ते फिर जिहड़ा परचा मोहर ला के असीं दिंदे हां, उह उस एरीए दे थाणे विच जा के देणा हुंदा है जित्थे कोई ठहिरिआ हुंदा है ते उथे आपणी हाज़री देणी हुंदी है।’’
‘‘जाण लग्गिआं वी कुझ करना पैंदा है।’’ प्रो. निआज़ी नें पुछ्छिआ।
‘‘बिलकुल, जाण लग्गिआं, साडे वलों दित्ते फारगी दे काग़ज़ विखाउणे पैंदे हन तां ही तुहानूं वाघे तों अग्गे लंघण देणगे।’’
‘‘इस हिसाब नाल तां बहुत वड्डी कानूंनी कोताही हो चल्ली सी।’’ डा. जगतार नें किहा।
‘‘कानूंनी तौर ‘ते तां पहिले चौवही घंटे तक रजिसटरेशन नां कराउणा ही गलत है। अज्ज तां चौथा पंजवां दिन है।’’ उस नें मुसकराउंदिआं दस्सिआ, ‘‘अज्ज तुहाडे कुझ आदमी वापस इंडीआ लई गए नें। उथों वापसी तों पता लग्गा, इसे कारन उनहां नूं रोकिआ होइऐ। हो सकदै उनहां नूं वापस आउणा पवे।’’
उस नें पासपोरट ‘ते इस मकसद लई वीज़ा फारमां नाल लग्गे काग़ज़ साडे कोलों लए ते मेज़ उते बैठा आदमी रजिसटर उते अंदराज़ करन लग्गाा।
‘‘सर! आपणा शनाख़ती कारड दिओगे पलीज़’’, इंसपैकटर नें प्रो. निआज़ी नूं आखिआ।
‘‘की गल्ल?’’
‘‘तुहाडे शनाख़ती कारड दा नंबर अते होर वेरवा ज़मानती वजों इथे दरज करना पैणा एें ते तुहानूं दसतख़त करन दी ज़हिमत वी उठाउणी पवेगी।’’
ख़ुशकिसमती नूं प्रो. निआज़ी कोल उस दा शनाख़ती कारड है सी। इह वी चंगा हो गिआ, उह साडे नाल ही दफतर अंदर आ गिआ। नियम अनुसार आमद दी रजिसटरेशन करवाउंदे समें इक पाकिसतानी नागरिक वी गवाह अते ज़मानतीए वजों नाल चाहीदा हुंदा है।
कंम निपटा के उस नें कागज़-पत्तर साडे हत्थ फड़ाए ते साडे ठहिरन वाले होटल दा नां पुछ्छिआ।
‘‘शाहताज होटल किल्हा गुज्जर सिंघ थाणे विच पैंदा है। हुण तुसीं उथे जाणा है। इह कागज़ उथे देणे नें ते आपणी आमद दरज कराउणी है।’’
असीं उनहां दा धंनवाद करके उठणा चाहिआ। पर उह कहिण लग्गा, ‘‘इह किवें हो सकदा है। तुसीं साडे महिमान हो। चाह पीते तों बिनां असीं नहीं जाण देणा।’’
उस नें उसे वेले किसे नूं चाह लै के आउण लई किहा।
‘‘इनहां प्रोफैसर साहिब नूं वी असीं बहुत ज़रूरी कंम जांदिआं नूं आपणे नाल खिच्च लिआए आं। इनहां वी जाणै ते असीं तां अग्गे ही आपणे कंम विच सभ तों पिछ्छे आं, अजे थाणे वी जाणा ऐ।’’
पर उस नूं साडा सपशटीकरन प्रवान नहीं सी।
‘‘जे बहुती काहली ऐ, तां असीं पासपोरट लै के कोल रख्ख लैंदे आं ते देंदे ही नहीं।’’
उस पुरख़लूस हाास हस्सिआ, ‘‘चाह तां भाईजान पीणी ही पऊ।’’
इस मुहब्बत अग्गे साडी काहली दा की ज़ोर चलदा सी। चाह पीण तों पिछ्छों असीं उनहां दे इस ख़लूस ते मुहब्बत लई तहि दिलों शुकरीआ कीता तां उह नौजवान उठ के खड़ो गिआ, ‘‘चलो मैं हेठां तक तुहाडे नाल चलदां।’’
असीं बाकीआं नाल हत्थ मिलाइआ। इंसपैकटर बाहरले दरवाज़े तक साडे नाल आइआ ते सानूं हत्थ मिला के पिआर नाल विदा कीता।
असीं प्रो. निआज़ी नूं किहा कि उह हुण आपणे कंम चला जावे। असीं आपे किसे सवारी दा प्रबंध करके थाणे पहुंच जावांगे। उस नें आपणी घड़ी वेखी ते फिर कहिंदा, ‘‘कोई नहीं, बैठो कार विच, किथे थाणा लभ्भदे फिरोगे।’’
उस नें सानूं कार विच बिठाइआ। असीं उस मिहरबान इनसान वलों दित्ते सहियोग लई मन ही मन धंनवाद कर रहे सां। जदों उस दी कार किल्हा गुज्जर सिंघ थाणे दे बाहर रुकी तां उस समें तक रात दा गूहड़ा हनेरा उतर आइआ सी। रौशनीआं जगमग कर रहीआं सन।
प्रो. निआज़ी दा शुकरीआ अदा करके असीं थाणे अंदर दाख़ल होए। सवेर दी ही इह कारवाई चल रही सी, इस लई पुछ्छण ‘ते इक सिपाही नें सानूं थाणे दे दफ़तर दा राह दस्स दित्ता।
असीं दफतर विच वड़े। साहमणे वड्डे मेज़ उते इक हवालदार पुलीस दी वरदी विच सजिआ बैठा सी। दूजे छोटे मेज़ उथे इक होर करमचारी बैठा होइआ सी। इक होर सिपाही हत्थ विच बंदूक फड़ी दफ़तर विच खलोता सी।
हवालदार दे मेज़ दे साहमणे इक लंमा बैंच कंम लई आए बंदिआं दे बैठण वासते सी। पहिली नज़रे मैनूं इह दफ़तर पाकिसतानी टी.वी. सीरीअल ‘अंधेरा उजाला’ दे हवालदार दे दफ़तर वरगा लग्गा, जिस दा कलाकार इरफान खूसट आपणे अंदाज़ विच धौण टेढी करके आपणे तों जूनीअर लोकां ते आए-गए लोकां नूं आखदा है, ‘‘दैह जमातां पास हूं। डाइरैकट हवालदार हूं। कोई मजाख़ नहीं हूं मैं।’’ पर आपणे तों सीनीअर अफसरां अग्गे ‘‘जी जनाब! जी जनाब!’’ कहिंदिआं उहदी ज़बान नहीं थक्कदी। मैं मन ‘च हस्सिआ। किते ‘दस जमातां पास’ उस हवालदार वांगूं इह हवालदार वी मेज़ ‘ते रूल खड़का के नां आखे, ‘‘इह कोई वेला ए… तुहाडे आउण दा… लै जाओ उए इनहां नूं डराइंग रूम विच ते इनहां दी सेवा करो।’’
‘‘असलामा लेकिम! की गल्ल बड़े लेट हो गए सरदार जी।’’ बड़ी मुहब्बत नाल उस नें आखिआ। असीं आपणी सफ़ाई दित्ती तां उह कहिण लग्गा, ‘‘कोई गल्ल ई नहीं बादशाहो! असीं एथे बैठे काहदे वासते आं।’’ उस नें साडे हत्थों कागज़-पत्तर फड़ लए। एने चिर नूं इक इंसपैकटर दफ़तर विच आइआ। सानूं वेख के ‘सति स्री अकाल’ आखी ते फिर हवालदार नूं कहिण लग्गा, ‘‘मजीद! पहिलां सरदार हुरां दा कंम कर। फिर उह कंम कर जिहड़ा तैनूं आखिआ सी।’’
मजीद नें मेज़ ‘ते पिआ फुट्टा ते पैनसल चुक्के अते रजिसटर ‘ते लीकां मार के नवें खाने बणाए। फिर कागज़ तों बोल के लिखण लग्गा, ‘‘वरिआम सिंघ संधू। उए! ऐह सरदार साहिब वी संधू नें।’’
मजीद नें बंदूक फड़ी नाल खड़ोते सिपाही नूं किहा। उह सिपाही झुक के मैनूं उमहलदी ख़ुशी नाल पुछ्छण लग्गा, ‘‘तुसी संधू जे?’’
मेरे ‘हां’ कहिण उते उस नें गदगद हो के किहा, ‘‘मैं वी संधू आं।’’
असीं किंना चिर इक दूजे दा हत्थ घुट्टी रख्खिआ। मैं पिआर नाल उस दे हत्थ दी पिठ्ठ चुंम लई। उस तों वी दूणे चाअ नाल उस नें मेरा हत्थ चुंमिआ ते फिर मैनूं जफ्फी पाउण लई बैंच तों उठा लिआ।
‘‘आपणी कितिओं नां कितिओं तां जा के वडेरिआं वलों खून दी सांझ मिलदी है।’’ मेरे कंनां कोल उहदे बोलां दी फुसफुसाहट इको वेले दस्स वी ते पुछ्छ वी रही सी।
‘‘आपणे इथे लाहौर ज़िले विच ही संधूआं दे युक्क-मुशत कई पिंड नें।’’ उस नें किहा।
‘‘इहदा पिंड वी लाहौर ज़िले ‘च ही सी।’’ जगतार नें दस्सिआ।
‘‘किहड़ा पिंड सी?’’
‘‘भडाणा, पुराणी कसूर तसील विच। बाडर दे उते ऐ।’’
‘‘लाहौर ‘च संधू सभ तों वध्ध नें गिणती विच,’’ उस नें दस्सिआ। मैं अज्ज ही 1883-84 दा लाहौर गज़टीअर ख़रीदिआ ते उस विचों वेखी जाणकारी अनुसार दस्सिआ, ‘‘अज्ज तों 120 साल पहिलां दी मरदुम-शुमारी दी रिपोरट मुताबक ज़िले विच सारीआं जातां, गोतां विचों सिरफ भुल्लर, भट्टी ते सिध्धूआं दी गिणती दस हज़ार तक सी। गिल्ल अठ्ठ कु हज़ार सन पर संधूआं दी गिणती उस समें वी बताली हज़ार तों उते सी।’’
‘‘जाह उए मुंडिआ! चाह लिआ। साडे भरा आए नें’’, संधू भाई नें चाह वासते आवाज़ दित्ती।
‘‘ओ भरा! चाह दी ज़रूरत नहीं। तुसीं साडा कंम निपटाओ। चाह तों बिनां तां अग्गे तुहाडे जिहे मिहरबानां नें ऐस्स.ऐस्स.पी. दफतरों नहीं उठण दित्ता, हुण चाह दी लोड़ नहीं,’’, जगतार नें किहा।
मजीद नें लिखदिआं लिखदिआं किहा, ‘‘ते असीं तुहानूं फिर चाह पीते बिनां किवें जाण दिआंगे।’’
फिर उस नें आपणी कलम मेज़ उते रख्खी अते साडे वल्ल वेखण लग्गा, ‘‘अज्ज सवेर तों तुहाडे बंदिआं दी लाईन लग्गी रही। आपां होर सारे कंम छड्ड के सवेर दे इसे कंम लग्गे होए आं। आह वेख लो इंसपैकटर दा कंम वी पिऐ अजे। तुसीं महिमान ओ साडे।’’
उह फिर लिखण लग्ग पिआ। संधू सिपाही साडे नाल साडे आउण दे मकसद, साडे प्रापत अनुभवां बारे निक्कीआं-निक्कीआं गल्लां करन लग्गा।
एने चिर नूं फोन दी घंटी वज्जी। मजीद नें दूजे मेज़ साहमणे बैठ बंदे नूं फोन चुक्कण लई किहा। उस नें रिसीवर कंन नाल लाइआ ते, ‘‘हां जी, जी जनाब! अछ्छा जी’’ करदा रिहा। फोन सुण के रिसीवर ठाह करदा रख्खिआ ते उच्ची सारी गाल्ह कढ्ढी, ‘‘धी दे यार!.  अखे अध्धा किलो आईस करीम हुणे चाहीदी ए! इनहां नूं पुछ्छो भैण दिआं ख़समां नूं असीं ऐथे आईस करीम जमाई बैठे आं।’’
ज़ाहिर सी कि कोई अफ़सर इह वगार पा रिहा सी. उस दीआं पुलसी गाल्हां सुण के साडे नाल ही मजीद वी मुसकराइआ।
‘‘इह तां जी! आपो आपणे महिकमे दा दसतूर जे! हुण तुसीं तां साडे महिमान ओ। असीं सौ कंम छड्ड के वी तुहाडी ख़िदमत लई हाज़र आं। तुहानूं इज़्ज़त नाल कुरसी ‘ते बैठण लई किहा है, तुसीं आप ही बैंच ‘ते बैठ गए ओ। हुण साडे इथों कोई आवे तां असीं किहड़ा उहनूं फटाफट बैंच ‘ते बहिण देने आं। उहनूं आखीदा ए, ‘‘परहां नुकर ‘च औथे हो के खहड़ो उए‥ तेरे नाल वी गल्ल करने आं। आपां झूठ नहीं बोलदे…’’
‘‘हैगे तां सारे आपां पंजाबी भरा ई आं ते इक दूजे दे सुभा नूं जाणदे ही आं,’’ मेरा जुआब सुण के उह हस्से।
कागज़-पत्तर समेट के असीं जेब विच पाए ही सन कि चाह आ गई। संधू भाई चाह पिआलिआं विच पाउण लग्गा, ‘‘करो कोई इंतज़ाम राह खोल्हण दा। असीं वी ओधरला पंजाब वेखीए।’’
असीं उठदिआं उनहां दा धंनवाद कीता। मजीद हवालदार नें उठ के साडे नाल हत्थ मिलाइआ। संधू सिपाही दफ़तर दे बाहर तक साडे नाल आइआ ते साडे विदा होण तों पहिलां जफ्फी पा के मिलिआ।
थाणे तों बाहर आए तां जगतार कहिण लग्गा, ‘‘ऐह सड़क मुड़ के थोड़ा अग्गे करके ही है शाहताज होटल। आपां तुरे चलदे आं।’’
असीं सड़क किनारे तुरदे प्रो. निआज़ी, ऐस्स.ऐस्स.पी. दफ़तर ते थाणे वालिआं दे सलूक बारे गल्लां कर रहे सां।
‘‘इंज लगदै कि इनहां नूं सरकार वलों ख़ास हदाइत होई लग्गदी है कि इंडीअनज़ नाल चंगा सलूक करना ए। वेख लौ किते वी, किसे वलों वी अजिहा विहार नहीं होइआ जिस ‘ते असीं उंगल उठा सकीए।’’ मैं आखिआ। डा. जगतार कहिंदा, ‘‘तेरी गल्ल ठीक वी हो सकदी ए। किसे बाहरले मुलक दे बंदे लई किसे अदारे दा प्रभाव उस मुलक दे समुच्चे रवई्ईए दी तरजमानी वी करदै।’’
पर मेरा आपणा ही मन मेरी दित्ती दलील नूं पूरी तरहां मंन नहीं सी रिहा, ‘‘पर सिरफ आगिआ अते आदेश बंदे दे अंदरले नूं इस हद्द तक नरम, मिलणसार ते पिआर विगुत्ते नहीं बणा सकदे। जे बंदे दे मन विच कौड़ जां नफ़रत होवे तां मिठ्ठे बोलां ते नरम वतीरे विचों वी किसे नां किसे तरहां प्रगट हो जांदी है। पर इनहां विचों किसे बंदे दे विहार विचों वी उस कौड़ दी बू नहीं आई।’’