बीतिआ तीह अगसत दा दिन अकाली राजनीती विच्च वी अते सिख्ख धारमिक खेतर विच्च सिखर छोंहदी हलचल नूं मुकाउण दी आस वाला समझिआ गिआ सी, पर इह हलचल मुकाउण दी थां सिर चुक्कदे मुद्दिआं दी भरमार अते उठ्ठदे सवालां दी लड़ी लंमी तों लंमी करन वाला कंम कर गिआ है। सिख्खां विच्च धरम अते राजनीती दी सांझ बारे मूल जहड़ां दे असल प्रतीक मंने जांदे स्री अकाल तखत तों पंज सिंघ साहिबान दा जो आदेश सुखबीर सिंघ बादल दे मामले विच्च जारी कीता गिआ है, उस आदेश नें कई होरनां नूं इसदे नाल लपेटण दा मुढ्ढ बंनह दित्ता अते कईआं नूं इस तों लांभे रख्खण बारे नवीं चरचा वी छेड़ दित्ती है।

जित्थों तक अकाली दल दे प्रधान अते साबका डिपटी मुख्ख मंतरी सुखबीर सिंघ दा संबंध है, जिद्दां दी हैंकड़ दा प्रगटावा उह बीते समें विच्च करदा ते बहुत सारे पुआड़िआं दा कारन बणदा रिहा सी, उनहां तों बचण दा इक्क यतन उस नें उनत्ती अगसत नूं कीता सी, पर सफल नहीं होइआ। सलाह भावें किसे नें दित्ती होवे, स्री अकाल तखत विखे पंज सिंघ साहिबान दी मीटिंग तों इक्क दिन पहिलां पारटी दी प्रधानगी छड्डण दा ऐलान करन दी बजाए उस नें पारटी विचले सभ तों बज़ुरग आगू बलविंदर सिंघ भूंदड़ नूं कारजकारी प्रधान बणा दित्ता सी। आखिआ इह सी कि उह खुद निमाणा सिख्ख बण के सिंघ साहिबान दे हुकम दा पालण करन नूं तिआर है, पर भूंदड़ नूं इह ज़िंमेवारी देण लई पारटी दी कोर कमेटी जां ऐगज़ैकटिव दी बैठक कोई नहीं सद्दी गई, सुखबीर सिंघ नें आपणे आप ऐलान कर के फिर इह जता दित्ता कि उह जो चाहे अते जदों चाहे कर सकदा है, पारटी कमेटीआं बेलोड़ीआं हन। उहदे वल्लों जिस साबका मंतरी नें ऐलान करन ’ते सोशल मीडीआ उत्ते टिप्पणीआं वाला मोरचा मल्ल रख्खिआ है, उह खुद कई तरहां दे विवादां विच्च फसदा जांदा जापदा है। सच्चा सौदा सिरसा दे मुखी राम रहीम नूं अण-मंगी मुआफी वाली हदाइत देण लई उस वेले दे पंज सिंघ साहिबान नूं मुख्ख मंतरी प्रकाश सिंघ बादल दी सरकारी कोठी तीकर लिजाण वाला कंम वी इसे साबका मंतरी नें कीता दस्सिआ जांदा है, जिस कर के कई तिकड़मां बारे सवालां दा जवाब सिख्ख संगत अग्गे अते स्री अकाल तखत साहिब मोहरे खड़ो के उस साबका मंतरी नूं वी देणा पै सकदा है।

पंज सिंघ साहिबान नें आपणे कोल पेश होए अत्त दे गंभीर मुद्दिआं नूं इंनी कु गंभीरता नाल लिआ है कि कुझ ही मिंटां विच्च विचार वी कर लई ते पास कीता गुरमता वी बाहर आ के सुणा दित्ता। पर शाम पैण तक पत्तरकार उस मते दी कापी लभ्भ रहे सन, किसे नूं मिली नहीं सी। फैसले विच्च सुखबीर सिंघ बादल नूं तनखाहीआ करार दित्ता गिआ अते उस नाल दस साल अकाली-भाजपा सरकार विच्च मंतरी रहि चुक्के बहुत सारे सिख्ख आगूआं दा सपशटीकरन वी नाल मंग लिआ अते अगले कई दिन सपशटीकरन देण ’ते उनहां दे दित्ते सपशटीकरनां दी गली-गली चरचा दा मुढ्ढ वी बंनह दित्ता है। उनहां विच्चों बहुते मंतरीआं दा कहिणा है कि गलतीआं अते गुनाह बहुत होए सन, पर उनहां दा कसूर नहीं, पारटी डिसिपलिन दे बध्धे उह तां अमल करदे सन, फैसले सिरफ पिउ-पुत्तर करदे सन। इत्थों तक कि सच्चा सौदा डेरे विच्च वोटां मंगण जाण बारे वी उह कहिंदे हन कि मीटिंग कर के सुखबीर सिंघ बादल नें किहा सी कि सारिआं नूं सिरसे जाणा पवेगा। इह इक्क किसम दा हुकम सी, जिस नूं उनहां सभ नें मंनिआ सी, आपणी किसे दी मरज़ी नहीं सी। इद्दां दी दलील जिंने वी साबका मंतरीआं नें देणी है, उह सुखबीर सिंघ बादल दी बेड़ी विच्च होर वट्टे पाउणगे।

इक्क बहुत गंभीर मुद्दा होर उठ्ठ पिआ है कि 2012 दीआं विधान सभा चोणां तों पहिलां डेरा सिरसा नाल समझौता जां सौदा मारन पिछ्छों उनहां दे मुखी खिलाफ केस रद्द कराउण वासते अदालत विच्च झूठ बोलिआ गिआ सी। सरकार वल्लों इक्क पुलिस अफसर नें ऐफीडेविट पेश कीता कि जिस दिन दसवें गुरू साहिब वाला सांग रचण दी शिकाइत दरज होई है, उस दिन डेरा मुखी राम रहीम पंजाब विच्च ही नहीं सी। दूसरे पासे पुलिस दी जांच टीम कोल डेरा मुखी दे आपणे बिआन अते बिआनां हेठ दसखत मौजूद हन कि उस दिन उस डेरे विच्च होए समागम विच्च राम रहीम मौजूद सी अते इह सभ कुझ उत्थे होइआ सी। जिहड़े जज्ज कोलों उह केस रद्द कराइआ सी ते उस जज्ज नें केस बारे लिखण दी थां सिरसा डेरे वल्लों लोक सेवा दे प्रोगरामां दी कहाणी लिख के मामला मुका दित्ता सी, उस दी पतनी नूं बिनां मैरिट तों पंजाब सरकार दे इक्क कमिशन दी मैंबरी दे दित्ती गई सी। इस नियुकती लई तिंन मैंबरां दी सहिमती चाहीदी सी, जिनहां विच्च मुख्ख मंतरी ते इक्क मंतरी होर होणा चाहीदा सी ते नाल विरोधी धिर दा आगू बैठणा चाहीदा सी, पर नियुकती पत्तर उत्ते कुल्ल दो दसखत हन, इक्क प्रकाश सिंघ बादल दे अते दूसरे सुखबीर सिंघ बादल दे। तीसरा मैंबर कांगरस वल्लों चरनजीत सिंघ चंनी होणा चाहीदा सी, उह सद्दिआ नहीं जां गिआ नहीं, दरज नहीं सी कीता। उस जज्ज दी पतनी नूं इह नियुकती देण लई बादल बाप-बेटे नें जिहड़ा दाअ वरतिआ अते अकाल तखत दी अवग्गिआ अते सिख्ख संगत नूं झकानी दित्ती सी, उह मुद्दा वी चरचा तों लांभे नहीं रख्खिआ जा सकदा।

जिहड़े साबका मंतरी कहिंदे हन कि उनहां दी मरज़ी नहीं सी, उह सिरफ हुकम दे बध्धे सिरसा डेरे वल्ल जांदे रहे सन, उनहां नूं इह जवाब देणा पवेगा कि उनहां दी वफादारी पारटी नाल सी, पंजाब नाल सी, सिख्खी असूलां नाल सी जां इक्क सरदार, सरकार ते परिवार तक सीमत सी! सारा कुझ पता होण दे बावजूद उह अगली चोण जित्तण दी झाक विच्च आपणे मुख्ख मंतरी अते मुख्ख मंतरी वल्लों आपणी थां पारटी प्रधान थापे उस दे पुत्तर दे उह हुकम किउं मंनदे रहे, जिनहां कारन पंजाब दा वी, उनहां दी राजनीती दे आधार सिख्ख भाईचारे दे धारमिक अकीदिआं दा वी अते कई होरनां दा वी नुकसान हो सकदा सी। इसदा अरथ सिरफ इह निकलदा है कि उनहां लई कुरसी अहिम सी, उस लई कोई पाप वी करना पवे तां करन नूं तिआर हो सकदे सन। इद्दां दे लोकां नूं इतिहास दे कूड़ेदान विच्च किउं नहीं सुट्ट देणा चाहीदा?

अगला अते इनहां तों वी गंभीर मुद्दा सिख्ख धरम दीआं ‘सरब स्रेशठ’ कहीआं जांदीआं सिख्ख धारमिक हसतीआं दे किरदार अते विहार दा है। इक्क पासे उस डेरे नाल कोई संबंध नां रख्खण लई सिख्ख संगत नूं हदाइतां जारी कीतीआं गईआं अते दूसरे पासे दो कतलां अते बलातकार दे कुझ केसां दा दोशी गरदाने जा रहे उस डेरा मुखी नाल इह धारमिक हसतीआं इक्क अफसर दी सरकारी कोठी विच्च सारा दिन बैठ के कुझ दलाल-टाईप विचोलिआं राहीं संपरक करदीआं रहीआं सन। डेरा मुखी वल्लों आई सपशटीकरन दी चिठ्ठी उस वेले उनहां नें मंनी नहीं सी अते कुझ साल पिछ्छों अकाली दल दी सिआसी लोड़ खातर उसे सपशटीकरन वाली चिठ्ठी विच्च खिमां दा शबद खुद जोड़ के उस नूं मुआफी देण दा हुकमनामा जारी कर दित्ता गिआ। जिंना वड्डा बखेड़ा पहिलां पिआ फिरदा सी, मुआफी देण दी नौटंकी नें उस तों वड्डा अते इंना वड्डा बखेड़ा खहड़ा कर दित्ता कि उदों दे सिंघ साहिबान किसे नूं मूंह विखाउण जोगे नहीं सन रहि गए। स्री अकाल तखत दे जिहड़े जथेदार नूं संसार भर दे सिख्ख जगत दी सरब उच्च धारमिक हसती किहा जांदा सी, उस दे पुतले बणा के सिख्ख संगतां ही घसीटण ते स्री हरमंदर साहिब दे साहमणे साड़न लग्ग पईआं तां राम रहीम नूं मुआफी दा उह फैसला वापस लैणा पै गिआ, पर सिख्खां विच्च फैल चुक्का रोस फिर वी शांत नहीं सी होइआ। उस वेले दा जथेदार ते उस दे साथी सिंघ साहिबान कहिंदे हन कि मुख्ख मंतरी प्रकाश सिंघ बादल दे सरकारी घर विच्च सद्दिआ गिआ अते उत्थे मुख्ख मंतरी दी हाज़री विच्च उस दे पुत्तर डिपटी मुख्ख मंतरी सुखबीर सिंघ नें हुकम दागण वांग किहा सी कि आह रुक्का चुक्क लवो अते जारी कर के डेरा मुखी नूं मुआफी दे दिउ। सारे जणे इह गल्ल जाणदे हन कि इद्दां ही होइआ सी, पर सवाल इह है कि धारमिक खेतर विच्च आपणे सिरमौर होण दा दाअवा करन अते सतिकार हासल करन वाले सिंघ साहिबान इंने निताणे किवें हो गए कि उदों दी सरकार दे मुखी अते उस मुखी दे पुत्तर दी जी-हज़ूरी करन उनहां दी सरकारी कोठी जा पहुंचे सन! उनहां नूं आपणी पदवी अते इस नाल जुड़े होए सतिकार दा चेता नहीं सी रिहा तां इसे कारन उनहां नूं इह दिन वेखणे पए कि उह किसे नूं मूंह विखाउण जोगे नहीं सन रहि गए अते अज्ज तक संगत तों ओहला रख्खदे हन।

हैरानी दी गल्ल है कि तीह अगसत नूं सुखबीर सिंघ बादल विरुध्ध अवग्गिआ ते गुनाहां दी शिकाइत बारे फैसला लैण वेले पंज सिंघ साहिबान नें इह ज़िकर ही नहीं कीता कि उस वकत दे जथेदारां नें किहड़े गुनाह नूं धारमिक प्रवानगी देण दे गुनाह विच्च भाईवाली कीती सी! किहा जा सकदा है कि सरकारी दबाअ हेठ आ गए सन ते इह ठीक वी है, पर इहो गल्ल इस दबाअ दे हालात दी शुरूआत दी घोख अते इद्दां दे हालात पैदा करन दे दोशीआं दी निशानदेही तक जाणी चाहीदी है। सारे जाणदे हन कि संसार भर दे सिख्ख जदों 1999 विच्च खालसे दी साजना दे तिंन सौ साला समागमां वल्ल वेख रहे सन, उदों अकाली सफां विच्च दो वड्डे लीडरां प्रकाश सिंघ बादल अते गुरचरन सिंघ टौहड़ा विचाले इक्क खिच्चोताण चलदी पई सी अते उदों दा स्री अकाल तखत दा जथेदार मुख्ख मंतरी बादल दे विरोधीआं नाल खहड़ा सी। इस दौरान पहिली वार इह वापरिआ कि अकाल तखत दा जथेदार बदलण दी मीटिंग श्रोमणी गुरदुआरा प्रबंधक कमेटी दे दफतर विच्च करन दी थां अंम्रितसर वाले सरकट हाऊस विच्च अध्धी रात कीती गई सी। सिख्खां दीआं धारमिक हसतीआं नूं बेइज़्ज़त कर के अहुदे तों लाहुण ते सरकारी सरकट हाऊस विच्च कीती बैठक विच्च नवें जथेदारां दीआं नियुकतीआं करन दा इहो अमल समां पा के पंज सिंघ साहिबान नूं किसे मुख्ख मंतरी दे सरकारी घर विच्च सद्दे जाण अते रुक्का फड़ा के हुकमनामा बणवाउण तक लै गिआ सी। जदों इह सभ कुझ वापरदा पिआ सी, कुरसीआं दे पाविआं नाल बझ्झे अकाली आगूआं विच्चों किसे दी ज़मीर किउं नहीं सी जागी?

अज्ज हालात इंने बदल चुक्के हन, जिंने किसे वी वड्डे तों वड्डे चिंतक नें कदी नहीं सन सोचे। सिख्खां दी प्रतीनिधता करन दा दाअवा करदे अकाली दल लई आपणे बाप वल्लों थापे होए प्रधान नूं सिख्ख धरम दे सभ तों उच्चे तखत तों पंज सिंघ साहिबान नें तनखाहीआ करार दे दित्ता है। इतिहास विच्च पहिलां कदे वी इद्दां नहीं होइआ कि सिख्खां दी प्रतीनिधता दी सभ तों वड्डी दाअवेदार पारटी दा मुखी सिख्ख सिधांतां अते सिख्खां दे सभ तों उच्चे तखत दे फैसलिआं दी अवग्गिआ समेत कई गुनाहां दा दोशी ऐलानण दी नौबत आई होवे ते उस नाल दस साल शाही कुरसीआं दा निघ्घ माण चुक्के सारे आगू दोशी बणे खड़ोते होण। इसदे बाअद वी आम सिख्खां दी तसल्ली होण दा प्रभाव नहीं मिलदा, लोक कहिंदे हन कि निमाणा बण के अकाल तखत साहिब मोहरे खड़ोण अते लग्गी सेवा चार दिन निभा के उह फिर उसे तरहां दी सिआसत करन दा राह लभ्भदे जापदे हन। आम लोकां नूं इस प्रधान दे निमाणेपण उत्ते यकीन नहीं रिहा, सगों इस नूं वेला टालण लई असलों मासूम बण के पेश होण वरगा थरड रेट नाटक मंन रहे जापदे हन। स्री अकाल तखत दे जथेदार अते दूसरे सिंघ साहिबान नूं इह धिआन रख्खणा पैणा है कि अकाली दल दा तां जो प्रभाव है सो है, सरब उच्च कहे अते मंने जांदे सतिकार योग तखत साहिब नूं पिछले समिआं वाले प्रभाव तों किसे वी तरहां बचा लिआ जावे।