21

पंछीआं दी बैरक वल्ल जांदे मीते नूं लग्ग रिहा सी, जिवें उह नरकां ‘चों छुट्ट के आइआ होवे।

इक साल रहि के वी सिंघां दी बैरक उस नूं आपणी नहीं सी लग्गी।

पहिले कुझ महीने उस नें लंबे-चौड़े सुपने लए सन। सिंघ सजण दा भूत उस दे सिर ’ते सवार रिहा सी। जथेबंदी दे मुढ्ढले नियमां दी पालणा करदे होए उस नें दाहड़ी केस वधा लए सन। नित्तनेम करना शुरू कर दित्ता सी। पिछलिआं नालों नातातोड़ लिआ सी। संमती वालिआं नाल मजबूरी वस्स गिणती दीआं मुलाकातां कीतीआं सन। भरावां वरगा पाला किस खूह खाते विच रुल रिहा है, इस दी प्रवाह नहीं सी कीती।

जिंना उह सिंघां दे नेड़े जांदा रिहा, ओना उस दा मन खट्टा हुंदा रिहा।

उस नूं पता लग्गा कि सिंघ घड़े विच परचीआं पाउंदे हन, जिस दा नां निकल आवे, उस नूं पार बुलाउण दा हुकमनामा जारी करदे हन। डाकटरां, वकीलां अते सनअतकारां नूं अगवा करदे हन। भारी फिरौतीआं वसूलदे हन। उह रकम नाल गुआंढी देशां कोलों घातक हथिआर ख़रीददे हन। उहनां हथिआरां नाल भोले-भाले लोकां नूं दाणिआं वांग भुंनदे हन।

फेर उस नूं पता लग्गा, सुरंग दा कंम मुकंमल होण वाला है। किसे वी समें उह जेल्ह तों ग़ाइब हो सकदे हन।

मीते दा जेल्हों भज्जण दा कोई इरादा नहीं सी। पता सी दसां-वीहां दिनां विच उस नें फड़े जाणा है। नां सिंघां दा मीते नूं नाल लिजाण दा इरादा सी।

सिंघां दे जेल्हों भज्ज जाण बाअद मीते नाल की बीतेगी, इस दा उस नूं चंगी तरहां पता सी।

घबराइआ मीता सिंघां कोलों खहिड़ा छुडाउण दी ताक विच सी, पर उस दे बुध्धू दिमाग़ नूं कोई तरकीब नहीं सी सुझ्झ रही।

मीते दी इह समस्सिआ ख़ुद सरकार नें हल्ल कर दित्ती।

आपणे गुपत सूतरां राहीं सिंघां नूं पता लग्गा कि जेल्हां विच बंद सिंघां नाल निबड़न लई सरकार नें नवीं नीती घड़ी है।

अदालतां दे कंम-काज दी मठ्ठी रफ़तार कारन सरकार काफ़ी समें तों परेशान सी। सिंघां ’ते चल्ल रहे मुकद्दमिआं दी गिणती धड़ा-धड़ वध रही सी, पर निपटारे नां बराबर सन। फ़ैसला हुंदे मुकद्दमिआं दे सिट्टे तसल्ली-बख़श नहीं सन।

पेशी भुगतण लई सिंघां नूं दूर-दुराडे दीआं अदालतां विच लिजाणा पैंदा सी। इक अत्तवादी लई घट्टो-घट्ट इक बुलट परूफ़ गड्डी अते चार पुलिस मुलाज़मां दी गैंग चाहीदी सी। सूबे दी अध्धी पुलिस इसे कंम ’च लग्गी होई सी।

पेशी भुगतण जा रहे सिंघां नूं छुडाउण दीआं वारदातां विच तेज़ी नाल वाधा हो रिहा सी। लोक उस मुकाबले नूं सही समझदे सन, जिस विच कोई पुलिस मुलाज़म मारिआ जां फट्टड़ होइआ होवे। नहीं तां उह सोचदे सन कि सरकार झूठ बोल रही है। पुलिस हिरासत विचों भज्जण दे बहाने उस नूं गड्डी चहड़ा दित्ता गिआ है।

ख़रचिआं अते बदनामी तों डरदी सरकार नें नवीं नीती घड़ लई सी।

नाभे दी जेल्ह नूं ‘अती सुरख्खिअत’ घोशित कर दित्ता गिआ। उस दे आले-दुआले सुरख्खिआ-प्रबंध सख़त कर दित्ते गए। कानूंन विच सोध कर के इक विशेश अदालत दा गठन कीता गिआ। उस जज्ज दी कुरसी नूं जेल्ह विच डाहिआ गिआ। वख्ख-वख्ख अदालतां विच चल्लदे मुकद्दमिआं नूं बदलाइआ गिआ। सूबे दीआं बाकी जेल्हां विच बंद सारे सिंघां नूं नाभा जेल्ह बदलण दा हुकम सुणाइआ गिआ।

इसे नीती तहित इस जेल्ह विच बंद सिंघां नूं तिआर रहिण लई आखिआ जाण वाला सी।

इस नीती दी भिणक मिलदिआं ही जथेदार नें बैठक बुलाई। पुट्टी जा रही सुरंग दा जाइज़ा लिआ। जदों किसे वी ढंग नाल इह समें सिर मुकंमल हुंदी नज़र नां आई तां भरे मन नाल फ़ैसला लिआ गिआ कि सरकार नूं सिंघां दे जेल्हों फ़रार होण दी योजना दी सूह नां मिले, इस लई पुट्टी सुरंग नूं पूर दित्ता जावे।

साल भर दी मिहनत नूं मिट्टी हेठ दबा के सिंघ हुकमां दी उडीक करन लग्गे।

मीता इक साल सिंघां नाल रिहा सी। उहनां दी सुहबत कारन उह सिंघ सज चुक्का सी। अदालत पहिलां ही उस नूं अत्तवादी घोशित कर चुक्की सी। इस लई जथेदार उस नूं आपणे नाल नाभे लिजाणा चाहुंदे सन।

जेल्ह सुपरडैंट नें सिंघां दी इस मंग नाल असहिमती प्रगटाई। उस नूं अत्तवादी कारवाईआं वाले केस विच सज़ा ज़रूर होई सी, पर उह अत्तवादी नहीं सी। उस दा नां सिंघां दी सूची विचों कटाउण लई उसने सरकार नूं भेजी आपणी रिपोरट विच टिप्पणी कीती, “मीता सिंघां दा प्रभाव कबूलदा जा रिहा है। जे उस नूं नाभे भेज दित्ता गिआ तां उस नें पक्का अत्तवादी बण जाणा है।”

सरकार तों आपे बणे अत्तवादी काबू नहीं सन आ रहे। उह इक साधारन कैदीनूं अत्तवादी बणन दा मौका देण दा ख़तरा नहीं सी सहेड़ सकदी। जेल्ह सुपरडैंट दी टिप्पणी नाल सहिमती प्रगटा के सरकार नें मीते दा नां सिंघां वाली सूची विचों कट्ट दित्ता।

अज्ज सिंघां नूं नाभे अते मीते नूं पंछीआं दी बैरक विच भेजिआ गिआ सी।

सिंघ कैदीआं वाली वरदी नहीं सन पाउंदे। उंझ उहनां नें आपणी पुशाक तहि कीती होई सी। तेड़ कुड़ता-पजामा पहिनदे सन। सिर ’ते काली पग्ग बंनहदे सन। सरदीआं विच काली लोई लैंदे सन।

उहनां दी रीसीं मीता वी उहो वरदी पहिनदा सी। पहिलां-पहिल इह पुशाकपा के उह आकड़-आकड़ तुरदा सी। हुण कुझ समें तों उह इस वरदी तोंउकताइआहोइआ सी। उह काहला सी, कदों उह बैरक पुज्जे अते कदों इस पुशाक तों खहिड़ा छुडावे।

मीता सिंघां बारे कुझ वी सोचदा होवे। सिंघां नें उस बारे चंगा ही सोचिआ सी। विछड़न तों पहिलां उहनां नें उस नूं कुझ तोहफ़े दित्ते सन।

उहनां विचों इक गुट्ट ’ते बंनहण वाली सुनहिरी घड़ी सी अते इक जेब विच पाउण वाला टरांज़िसटर।

इक तणीआं वाला वड्डा खद्दर दा झोला। झोले विच दो नवें कुड़ते-पजामे सन। इक लोई, सफ़ैद चादर, नवीं दरी अते खेस। कुझ सटील दे भांडे। उस दे इक हत्थ विच चार किल्लो वाली पीपी सी। पीपी विच खोए दीआं पिंनीआं अते पंजीरी सी।

सिंघां दा मुशक्कती होण कारन मीते तों कैदीआं दे नाल-नाल जेल्ह करमचारी वी त्रबकदे सन। मीते दा ख़िआल सी कि उस रोहब-दाअब कारन उस नूं बिनां तलाशीउं अते बिनां लुट्ट-खोह तों बैरक अंदर जाण दित्ता जावेगा।

मीते नें सुण रख्खिआ सी कि थाणेदार दी मां दे भोग ’ते हज़ारां चमचे जुड़दे हन। थाणेदार दे भोग ’ते दस नहीं आउंदे। उसे तरहां जापदा सी, सिंघां दा रोहब वी उहनां दे नाल ही चलिआ गिआ सी।

पंछीआं दी बैरक दे मुनशी नें मीते नाल साधारन कैदीआं वरगा विवहार करना शुरू कीता।

मीते नें पहिलां ही धारी होई सी कि जे मुनशी नें टंग अड़ाई तां उह खोए दीआं पिंनीआं वाली पीपी उस दे हवाले कर देवेगा। मलक भागो दी इस कड़ाह पूरी विचों मीते नूं लहू दी बूअ आउंदी सी।

मुनशी बहुता अड़िआ तां उह कप्पड़िआं वाला झोला उस दे हवाले कर देवेगा। उस लई इह हुण बेकार सन।

उस नूं बस्स घड़ी अते टरांज़िसटर नाल मोह सी।

मुनशी जिवें सत्तां पत्तणां दा तारू सी। उस नें उहो चीज़ां झपटीआं जो मीते नूं पिआरीआं सन।

सबर दा घुट्ट भर के मीता बैरक अंदर जा वड़िआ।

 

 

22

रोटी-टुक्क तों विहले होए कैदी टोलीआं बणाई बैठे सन। कोई ताश कुट्ट रिहासी,कोई गा-वजा रिहा सी। कोई भंग रगड़ रिहा सी अते कोई सुलफ़ा पी रिहासी।

मीते नूं उहनां दिनां दी याद आई, जदों उह आपणे धंदे विच पूरी तरहां ख्भिआ होइआ सी। उदों साल विचों अठ्ठ महीने उह जेल्ह विच रहिंदा सी। जेल्ह मेले वांग लग्गदी हुंदी सी। बहुते कैदी हम-उमर, हम-पेशा अते हम-ख़िआल हुंदे सन। सारा दिन हासे-मज़ाक अते खेड-कुद्द विच लंघदा सी।

उस समें मीते दे वाकफ़ां दा घेरा बहुत विशाल सी। इट्ट चुक्के तों मित्तर निकल आउंदा सी। इक वार उस नूं दिल्ली दी अते इक वार कुल्लू दी जेल्ह दी हवा खाणी पई सी। उथे वी उस नूं जाणकार मिल गए सन।

मीते नूं धंदा छड्डिआं कई साल हो गए सन। धंदा छड्डदे समें उस नें पक्का फ़ैसला कीता सी कि कुझ वी होवे, मुड़ इस रसते ’ते नहीं चल्लेगा। इसे लई उस नें पुराणे साथीआं नालों नाता तोड़ लिआ सी। नां कदे उस नें किसे नूं थां टिकाणा दस्सिआ सी, नां किसे तों पुछ्छिआ सी।

आपणे उस फ़ैसले ’ते हुण उस नूं पछतावा हो रिहा सी। की पता सी कदे मुसीबत दा पहाड़ सिर ’ते आ डिग्गेगा। की पता सी, उमर भर लई जेल्ह विच रहिणा पै जाएगा।

फेर वी मीते नें पूरी तरहां आस नहीं सी छड्डी। जापदा सी दिन कट्टी लई इथे वी कोई वाकफ़ मिल जाएगा।

आम बैरकां वांग इह बैरक वी खचा-खच भरी होई सी। किधरे दरी विछाउण लई थां मिलू जां नहीं? इह जाइज़ा लैण लई उह बैरक नूं इक सिरे तों दूजे सिरे तक घोखण लग्गा।

इंने विच ताश खेड रही इक टोली विचों इक हट्टा-कट्टा नौजवान उठिआ।उसने मीते दे पैरीं हत्थ लाए अते ‘मीता उसताद’ आखदा उह उस नाल लिपट गिआ।

“भोले तूं)” जफ्फी ढिल्ली हुंदे ही मीते नें जफ्फी पाउण वाले नूं पहिचाण लिआ।

भोला उस दा सभ तों चहेता शागिरद सी। उस नूं उस नें पुत्तां वांग पालिआसी।

टी.बी. दी बीमारी कारन जदों भोले दी मां मरी सी, उस समें उस दी उमर छे-सत्त साल सी। मतरेई मां नें भोले ’ते उह सभ ज़ुलम कीते, जिनहां दा ज़िकर पुराणे किस्से कहाणीआं विच हुंदा है। रोज़ दे टंटे तों तंग आइआ भोला इक दिन गड्डी चहड़ गिआ। किसे आसमी दा पिछ्छा करदा मीता उसे गड्डी विच सवार सी। गड्डी दी दौड़ अंबाले जा के मुक्क गई। सवारीआं उतर के घरां नूं चलीआं गईआं। भवंतरिआ भोला चिंघाड़ां मारन लग्गा। मीते नें सवारी दा खहिड़ा छड्ड के भोले नूं संभाल लिआ। बांदरी वांग उस नूं हिक्क नाल ला लिआ। भोले नूं देण लई मीते कोल सोना चांदी तां है नहीं सी। धंदे दे जिंने गुर उस नें सिख्खे सन, उह सारे उस दी झोलीपा दित्ते। दिनां विच ही भोला उडार हो गिआ अते आपणा शिकार आप मारन लग्गा।

धंदे दा तिआग करदे समें मीते नें पहिलां भोले नूं आपणा वारिस घोशित कीता अते फेर जेब-कतरा बरादरी कोलों आपणा इलाका उस नूं दिवाइआ।

“उसताद, तूं धंदा छड्ड गिआ सी। फेर इथे किस तरहां?”

मीते कोलों पीपी अते झोला फड़ के उस नूं आपणे खड्डे वल्ल लिजांदे भोले नें पुछ्छिआ। मीते नें संखेप शबदां विच आपणी विथिआ सुणा दित्ती।

“इह मेरा उसताद मीता है। जिस दीआं सारा दिन मैं गल्लां करदा हुंनां।”

मीते दी आपणे टोलीदारां नाल जाण-पहिचाण भोले नें बड़े माण नाल कराई।

आपणे उसताद दे उसताद लई सतिकार प्रगट करन लई भोले दे टोलीदार उठ्ठ के खड़े होए अते इक-इक कर के गोडीं हत्थ लाउण लग्गे।

भोले दे चेलिआं नें इक कंबल दूहरा कर के दरी उपर विछाइआ होइआ सी। उस नूं उह गद्दी कहिंदे सन। इस उपर केवल उसताद बैठ सकदा सी।

सतिकार वजों भोले नें उह गद्दी आपणे उसताद नूं बख़शी। आप उह आपणे चेलिआं कोल बैठ गिआ।

मीते दा चेलिआं विच रलण दा कोई इरादा नहीं सी। इस लई कंबल इकठ्ठा कर के इक पासे रख्ख दित्ता अते साधारन कैदी वांग दरी उपर बैठ गिआ।

भोला उसताद दा इरादा समझ गिआ। उह उसताद नूं जुरम दी दुनीआं विच मुड़ शामल करन लई काहला नहीं सी।

“उसताद, तूं सिंघ सज गिऐं?” मीते दे पहिरावे तों अंदाज़ा ला के भोले नें पुछ्छिआ।

“नहीं, ख़रबूज़िआं ’च रहि के ख़रबूज़ा रंग फड़न लग्ग पिआ सी।” फेर मीते नें सिंघां दी बैरक अंदरले तजरबे उहनां नाल सांझे कीते।

“लै पहिलां इह भुलेखा पाऊ बाणा बदलीए।”

आखदे मीते नें आपणा झोला चुक्किआ, उस विचों लाभ सिंघ कोलों पहिले दिन तोहफ़े विच मिलिआ नवां कुड़ता-पजामा कढ्ढिआ अते पहिन लिआ।

उसताद दी मनशा समझ के भोले नें पहिलां जरदा पेश कीता अते फिर उस दी मनभाउंदी ‘फोर सुकेअर’ दी सिगरट।

मीते नूं बीड़ी सिगरट छड्डिआं कई साल हो गए सन। तमाकू नाल उस नूं मनों नफ़रत हो गई सी। हुण नां उस दा दिल जरदा लाउण नूं करदा सी, नां सिगरट पीण नूं।

पर आपणे आप नूं अते साथी कैदीआं नूं इह यकीन दिवाउण लई कि उह सिंघ नहीं है, उस नें जरदा लाइआ अते सिगरट पीती।

“उसताद) हुण समैक दा दौर चल्लणा चाहीदा है।”

नंदू नूं जरदा, सिगरट ’ते तसल्ली नहीं सी होई। उह दादा उसताद दी भरपूर सेवा करनी चाहुंदा सी।

“तूं उसताद बण गिऐं भोले?”

मीते नूं भोले दे उसताद बणन ’ते ख़ुशी दी थां अफ़सोस होइआ।

“साध बण के तूं नज़ारा देख तां लिआ उसताद। रंडी रंडेपा कट्ट लए पर मुशटंडे कट्टण नहीं दिंदे। आपां इथे ठीक हां। इह मेरे चेले हन। मैं इहनां बारे तैनूं दस्सदाहां।”

आखदे भोले नें पहिलां नंदू दे मोढे ’ते हत्थ रख्खिआ। नंदू दा बाप भठ्ठे ’ते इट्टां पत्थदा सी। भठ्ठे तों सौ ग़ज़ दी दूरी ’ते सकूल सी। नंदू दा बाप चाहुंदा सी, उह पहड़-लिख के इस ज़िल्लत विचों निकले। सरकारी नौकर नहीं बण सकदा तां घट्टो-घट्ट भठ्ठे दा मुनशी तां बणे। बड़े अरमानां नाल उस नें नंदू नूं सकूल पाइआ पर उह सकूल सरकारी सी। अधिआपकावां दी सारी दिहाड़ी सवैटर बुणदिआं अते चुग़लीआं करदिआं लंघ जांदी सी। नंदू दे घर सकूल दा कंम कराउण वाला कोई नहीं सी। कंम नां कर के लिआउण कारन सकूल विच अधिआपकावां कुट्टदीआं सन। पहड़ाई विच नालाइक होण कारन घरे बापू कुट्टदा सी। मार तों डरदा उह सकूलों टल के कदे सटेशन ’ते जा बैठदा, कदे बस्स सटैंड ‘ते। भोले अते नंदू दी मुलाकात बस्स सटैंड ’ते होई सी। आपणा परिवार छड्ड के उह हुण पक्के तौर ’ते भोले नाल आ रलिआ सी।

दूसरा चेला राजू पहाड़ीआ सी। उस दा बाप पिछ्छे पहाड़ विच कतूरिआं वांग बच्चे पैदा करदा सी। मुंडे नूं छे-सत्त साल दा हुंदे ही इधर हलवाई दी दुकान ’ते छड्ड जांदा सी। खाण-पीण दा इंतज़ाम हलवाई दे ज़िंमे हुंदा सी। तनख़ाह उह साल भर पहिलां फड़ के लै जांदा सी। बारहां-तेरां साल दा होण ’ते विआह दिंदा सी। नूंह नूं घर रख्ख लैंदा सी। दोहां जीआं दी कमाई ’ते उह गुलशरे उडाउंदा सी।

दीवाली दे नेड़े हलवाई दी दुकान ’ते कंम वध जांदा सी। नीला हलवाई नौकरां नूं दिन रात जोड़ी रख्खदा सी। मुंडे थक्क नां जाण इस लई कदे भुक्की उबाल के दे दिंदा सी। कदे अफ़ीम खुआ दिंदा सी। होर नौकरां वांग राजू नूं भुक्की खाण दी  लत्त लग्ग गई सी। दीवाली बाअद नां उहनां नूं भुक्की मिलदी, नां अफ़ीम। तनख़ाह विचों पैसा लैण दा हुकम नहीं सी। भुक्की ख़रीदन दा वल्ल उस नूं भुक्की वेचण वालिआं नें सिखाइआ। कहिंदे, “हलवाई नूं बथेरी वट्टत है। दिन विच पंज-चार रुपए खिसका लैण नाल उस नूं कोई पता नहीं लग्गणा।” कमाई घटदी वेख के हलवाई नूं शक्क होण लग्गा। कड़िक्की ला के उस नें राजू नूं चूहे वांग मूंह मारदे रंगे हत्थीं फड़ लिआ। नाले कुट्टिआ, नाले नौकरीउं कढ्ढ दित्ता। बाप दी छितरौल तों डरदा राजू शहिर छड्डण दीआं तरकीबां सोचण लग्गा।

हलवाई दी दुकान सटेशन दे बाहर सी। भोला आपणा विहला समां उथे गुज़ारदा सी। दोहां दी पहिलां तों जाण-पहिचाण सी। औखे वेले भोले नें राजू दी बांह फड़ी। हुण परछावें वांग उह हमेशा भोले दे नाल रहिंदा है।

भोले दे चेलिआं नें मीते दी ख़ूब सेवा कीती। हुण वारी उस दी सी।

आपणा फ़रज़ निभाउण लई मीते नें झोले विचों सटील दीआं पलेटां कढ्ढीआं अते उहनां विच सारी पंजीरी अते पिंनीआं उलटा दित्तीआं।

“लओ, मूंह मिठ्ठा करो।”

आखदे मीते नें पलेटां भोले वल्ल खिसका दित्तीआं।

ख़ुशी विच खीवे होए भोले नें महां भोज विच शामल होण लई आपणे मित्तरां नूं आवाज़ मार लई।

भोला नाले दोसतां विच पिंनीआं वंडदा रिहा, नाले आपणे अते उसताद दी हड्ड-बीती सुणाउंदा रिहा।

आने-बहाने भोला उसताद नूं दस्सण लग्गा। हुण उह इकल्ला रहि जाण ’ते बड़ाउण वाला भोला नहीं है। हुण उस दा नां सुण के लोक डरदे हन। हुण उह पंज-पंज सौ दी जेब नहीं कट्टदा। सुपारीआं लैंदा है। उह भांडा-ठीकर चोरी करन दे जुरम विच जेल्ह नहीं आइआ। मीते उसताद वांग उस उपर वी कतल दा केस है।

भोला जेल्ह ’च कुझ दिनां दा प्राहुणा है। उस दे जेल्हों बाहरले दोसतां नें सभ इंतज़ाम कर रख्खिआ है। मुकद्दमे दी सुणवाई शुरू हुंदे ही उस नें बरी हो जाणा है।

“भोले, मेरे ज़िंमे कोई सेवा ला। हुकम होवे तां उसताद विरुध्ध झूठी गवाही देण वाले गवाहां विरुध्ध हुकमनामा जारी कर देवां।”

बिल्लू उसताद नूं मीते दे झूठे मुकद्दमे विच सज़ा होण ’ते दुख्ख सी। इस सज़ा लई गवाह ज़िंमेवार सन। बिल्लू नें गवाहां नूं सबक सिखाउण लई आपणे सहियोग दी पेशकश कीती।

बिल्लू फहड़ां नहीं सी मार रिहा। उह जो कहिंदा सी, कर दिखाउंदा सी।

लोक बिल्लू नूं ‘सटेशन दा बादशाह’ आखदे सन। इस लई नहीं कि उह सटेशन दे पुल ’ते बैठ के मंगदी मंगती दे पेटों जंमिआ सी, बलकि इस लई किउंकि सटेशन ’ते हुंदा हर जुरम उस दी सहिमती नाल हुंदा सी।

बिल्लू दा गरोह मुसाफ़िरां नाल घुलण-मिलण, उहनां दा दिल जित्तण अते फेर खाण-पीण सांझा करन दा माहिर सी। उह खाण-पीण वाले सामान विच नशीला पदारथ मिला के सवारी नूं खवा दिंदे सन। सवारी जदों बेहोश हो जांदी, उह सामान लै के पत्तरा वाच जांदे। सटेशन छोटा सी। दिन विच दो शिकार मार हुंदे सन। पिछले कुझ महीनिआं तों उहनां दे दिन गरदश विच सन। उहनां वरगे कंम करन वाली इक होर टोली सटेशन ’ते उतरी सी। तिंन-चार दिनां विच उहनां नें अठारां-वीह चेनीआं झपट लईआं। रेलवे विभाग दे नाल-नाल रेलवे पुलिस दी बदनामी होण लग्गी।  मामला दिल्ली तक पुज्ज गिआ। रेल विभाग नें मुसाफ़रां नूं चौकस करन लई सटेशन उपर वड्डे-वड्डे बोरड लगवा दित्ते। नाल हर पंदरां-मिंटां बाअद लाऊड सपीकर ते चितावनी देणी शुरू कर दित्ती। सुचेत होए मुसाफ़रां नें अणजाण बंदिआं नाल खाणा-पीणा तां दूर, गल्ल तक करनी वी छड्ड दित्ती।

मामले दे ठंढा होण तक बिल्लू होरां नूं वारदात दा तरीका बदलणा पिआ।

उहनां नें इक पुराणा थरी-वहीलर ख़रीद लिआ। सवारीआं चहड़ाउण लई थरी-वहीलर नूं सटेशन अग्गे खहड़ाउण लग्गे। टोली दे दो-तिंन मैंबर पहिलां ही सवारीआं बण के थरी-वहीलर विच बैठ जांदे। जदों कोई मालदार सवारी थरी-वहीलर विच बैठदी, उह थरी-वहीलर लै के तुर पैंदे। सुंनसान जगहा ’ते लिजा के सवारी नूं लुट्ट लैंदे। कुझ मुसाफ़र नंग-मलंग ह के घर नूं मुड़ जांदे। कुझ थाणे पुज्ज जांदे। पुलिस वाले थोहड़ी-बहुत भज्ज-नठ्ठ कर के मामला ठप्प दिंदे।

इक फ़ुरतीली सवारी नें बेड़ी विच वट्टे पा दित्ते। सवारी कदे टैंपू यूनीअन दी प्रधान रही सी। उह सभ टैंपू वालिआं नूं जाणदी सी। बिल्लू होरां दे हुलीए दस्स के उस नें पुलिस कंटरोल रूम तों सभ नाकिआं ’ते फ़ोन करवा दित्ते। चौकस होई पुलिस नें गिरोह दे खिंडण तों पहिलां उहनां नूं दबोच लिआ।

जेल्ह बिल्लू लई सहुरे घर वांग सी। आउणा-जाणा लग्गा रहिंदा सी। इंस वार जेल्ह आउण ’ते उस नूं ख़ुशी होई सी। जेल्ह विच उस दा भोले उसताद नाल वाह पिआ सी। भोले नें वख्ख-वख्ख गिरोहां दे उसतादां नूं इकठ्ठे कर के यूनीअन बणा रख्खी सी। बिल्लू नूं इस यूनीअन विच शामिल होण दा सद्दा मिलिआ सी। धंदे दे गुर बिल्लू नूं पहिलां बथेरे आउंदे सन। यूनीअन नें उस नूं मुकद्दमे विचों बरी होण दे गुर दस्से। उहनां विचों इक गुर डरा-धमका के गवाहां नूं गवाही तों मुकराउणा सी। बिल्लू होरी सभ जेल्ह दे अंदर सन। गवाहां नूं डराए तां कौण? यूनीअन दे मैंबर बणदे ही इह समस्सिआ हल्ल हो गई। झट्ट बाहरले मैंबरां नें गवाहां नूं समझाइआ, ‘जे अदालत विच जा के गवाही दित्ती, बाहर निकलदे ही उसताद नूं मिली सज़ा नालों दुग्गणी सज़ा मिलेगी।” डरदे गवाहां नूं कंबणी छिड़ गई। बिल्लू दे मुकद्दमे दे सारे गवाह मुक्कर चुक्के सन। उह बरी होण वाला सी।

“कमलिआ, मेरे मुकद्दमे दा फ़ैसला हो चुक्किआ है। हुण किहड़े गवाहां नूं मुरकाएंगा?”

मीते नें बिल्लू दा धंनवाद कीता अते आपणे मुकद्दमे दी सथिती समझाई।

“फेर हाई कोरट लई वधीआ वकील कर दिंदे हां। पहिलां उह ज़मानत कराएगा, फेर बरी, पैसा यूनीअन देवेगी।”

मीते दी मदद विच उसताद नीले ख़ां पिछ्छे नहीं सी रहिणा चाहंदा। यूनीअन दा मैंबर बण के उस नूं जिस गल्ल दा सभ तों वध्ध फ़ाइदा होइआ सी, उह उहो सुझाअ पेश करन लग्गा।

“एके विच बरकत हुंदी है,” इस टोटके दी समझ नीले ख़ां नूं यूनीअन दा मैंबर बण के आई सी।

उस दे गिरोह विच सत्त मैंबर सन। उह सत्ते हुण उस दे नाल सन। अज्ज कल्ल्ह ‘काले कछ्छिआं वाले’ गिरोह दे नां नाल मशहूर सन।

पहिलां उह इस तरहां दे नहीं सन। बिहारों रुज़गार दी भाल विच इधर आए सन। आउंदे ही इक फ़ैकटरी विच कंम वी मिल गिआ। जलदी ही हत्थ सुखाला हो गिआ। उसे सौख नें उहनां दे मुजरम बणन दी नींह रख्खी। होली वाले दिन दारू पी के उहनां हल्लड़बाज़ी कीती। शाम नूं हुल्लड़बाज़ी लड़ाई विच बदल गई। रात नूं इह लड़ाई उहनां नूं हवालात लै गई।

उहनां नूं छड्डण लई पुलिस नें जिंने पैसे उहनां कोलों मंगे, ओने नां उहनां कोल सन नां उहनां देणे सन। उहनां सोचिआ असीं किहड़ा किसे दा सिर पाड़िआ है। आपस विच ‘तूं-तूं मैं-मैं’ होए हां। साडा राज़ीनामा हो गिआ। आपे दो-चार दिनां बाअद छड्ड देणगे।

पर मामला होर ही रूप धार गिआ।

उस थाणे दे थाणेदारां नें पहिले महीने ‘डकैती दी तिआरी ’च रुझ्झे’ चार गिरोह फड़े सन। इस वार महीने दे अख़ीर विच इक गिरोह वी हत्थ नहीं सी लग्गा। अफ़सरां दीआं झिड़कां तों डरदी अते मंगे पैसे नां देण दे हठ्ठ तों खिझी पुलिस नें झट्ट इहनां ’ते इस धारा तहित मुकद्दमा दरज कर दित्ता। मुकद्दमा मज़बूत करन लई पुलिस नें किसे कोलों देसी पिसतौल अते किसे कोलों चाकू फड़िआ दिखा दित्ता।

उहनीं दिनीं ‘काले कछ्छिआं वाला’ गिरोह सच्चमुच्च सरगरम सी। आए दिन लुट्ट-खसुट्ट अते मार-कुटाई हुंदी सी। हालात नूं धिआन विच रख्खदिआं जज्ज नें पहिलां उहनां नूं ज़मानत ’ते छड्डणों नांह कर दित्ती, फेर तेज़ी नाल सुणवाई मुकंमल कर के तिंन-तिंन साल दी सज़ा सुणा दित्ती।

पिछ्छों बौरीआ बरादरी नाल संबंधित काले कछ्छिआं वालिआं दा असली गिरोह फड़िआ गिआ। उह वी नीले ख़ां वाली बैरक विच पुज्ज गए।

आपणा भाईचारा मंन के बौरीआं नें उहनां नूं आपणे गिरोह विच शामल कर लिआ अते कंम-कार दे ढंग सिखा दित्ते।

तिंन साल बाअद नां उह हत्थीं कंम करन दे योग रहे, नां उहनां नें इस दी ज़रूरत समझी। मिहनत मज़दूरी नालों इस धंदे विच दिहाड़ी सौखी अते वध्ध मिलदीसी।

हुण कदे उह फड़े जांदे सन, कदे छुट्ट जांदे सन।

नीले ख़ां दे उसताद सारे सूबे विच मार करदे सन। उहनां नें हर थां आपणे पक्के वकील कीते होए सन। हर महीने उहनां नूं बझ्झवीं फ़ीस दिंदे सन। जदों गिरोह दा कोई मैंबर फड़िआ जांदा, वकील आपे पैरवी शुरू कर दिंदा। वकील हाईकोरट तक तारां खड़का दिंदा, “पुलिस नें मेरे साइल नूं सटेशन तों चुक्क लिआ है। झूठे मुकद्दमे विच फसाए जाण दा डर है।” फड़े मैंबर ’ते किहड़ा केस बणाइआ जावे? इह सोचदी-सोचदी पुलिस कई दिन लंघा दिंदी सी। तार दे आधार ’ते उहनां दी ग्रिफ़तारी पुलिस वल्लों दिखाई ग्रिफ़तारी तों पहिलां ही सिध्ध हो जांदी सी। शक्क दे आधार ’ते उह बरी हो जांदे सन।

बौरीआं वल्लों वरतिआ जांदा इह गुर नीले ख़ां नें यूनीअन वालिआं नूं दस्सिआ। यूनीअन वालिआं नें झट्ट इस नूं अपणा लिआ। यूनीअन नें हाई कोरट तक पक्के वकील कर लए, उह वी उच्च कोटी दे। बझ्झवीं फ़ीस मिलण दे लालच विच चंगे वकील ससते भाअ मिल गए। दोहां धिरां नूं फ़ाइदा होइआ। हर मैंबर नूं दो-तिंन सौ रुपए महीना देणा पैंदा सी। वकीलां दा बूंद-बूंद नाल घड़ा भर जांदा सी।

यूनीअन दे इस उद्दम दे सिट्टे चंगे निकल रहे सन। पहिलां पुलिस फड़े दोशी नूं कई-कई दिन थाणे बिठाई रख्खदी। यूनीअन दे वकील हुण झट्ट हाई कोरट दा रेड करवा दिंदे हन। डरदी पुलिस फड़न सार मुकद्दमा दरज करदी है। पहिलां बिनां कारन मैजिसट्रेट दस-दस दिनां दा पुलिस रिमांड दे दिंदा सी। हुण इक-दो दिनां तों वध्ध नहीं दिंदा। हड्ड टुट्टणों बच जांदे हन। अग्गे पुलिस फड़दी कुझ सी, पाउंदी कुझ सी। हुण हेराफेरी दी संभावना घट गई है। अग्गे वकीलां दीआं फ़ीसां तों डरदे छोटे-मोटे मुजरम अपील नहीं सन करदे। कई वार झूठे मुकद्दमे विच सज़ा कट्टणी पै जांदी सी। हुण हर फ़ैसले विरुध्ध अपील हुंदी सी। बहुतीआं अपीलां मनज़ूर हुंदीआं सन।

इसे लई नीले ख़ां चाहुंदा सी कि उसताद नूं वकील यूनीअन वल्लों कर के दित्ता जावे।

“नहीं भाई) मेरा केस संमती लड़ रही है। मैनूं उहनां ’ते पूरी तसल्ली है। उह मेरी अपील मनज़ूर करवा के छड्डणगे।”

मीते नूं आपणे समरथकां ’ते भरोसा सी।

“बाबिओ) संमती वालिआं दा खहिड़ा छड्डो। उहनां बाबूआं तों कुझ नहीं होणा। लोहे नूं कट्टण लई लोहा चाहीदै। इह केस साडे हवाले करो। फेर देखो साडे हत्थ। दिनां विच बरी करवा देवांगे।”

पट्ट ’ते थापी मार के बंते फ़ौजी नें फहड़ मारी।

 

 

 

 

“पहिलां मैं तुहाडे वांग सोचिआ करदा सी, पर मित्तरो, वधीआ ज़िंदगी जिऊण दा इह तरीका नहीं। औखा रहां, सौखा रहां, हुण मैं पहिले राह नहीं पैणा।”

मीते नें गल्ल मुकाई।

“उसताद) इक गल्ल दस्स। नवें राह पै के खट्टिआ की? उमर कैद। है नां। पंछीआं वरगी पहिली बेफ़िकर ज़िंदगी विच की घाट सी? जे तूं पहिलां वाला मीता उसताद हुंदा, नां तैनूं पुलिस इस मुकद्दमे विच घड़ीसदी, नां गवाह झूठी गवाही देण दी हिंमत करदे। सानूं तेरा इह राह चंगा नहीं लग्गदा।”

मीते नाल होए धक्के कारन भोला तलख़ होण लग्गा।

“कोई नी, संमती वालिआं नूं आ लैण दे, सोनूं उहनां नाल मिलावांगा। फेर सोनूं पता लग्गू असली राह किहड़ा है।”

मीते नूं आपणी गल्ल मुकाउण लई बहुते तरक नहीं सन देणे आउंदे। इस लई बाकी दी गल्ल उस नें संमती ’ते छड्ड दित्ती।

“कौण सिध्धे राह ’ते है अते कौण पुठ्ठे, इह गल्ल छड्डो। आओ, हुण उसताद दे मिलण ’ते जशन मनाईए।” पंजीरी ख़तम कर के हत्थ झाड़दे नीले ख़ां नें तरक-बतरक नूं बंद करन दी घोशणा कीती। फेर ख़ुशी-ख़ुशी उह रात नूं मनाए जाण वाले जशन दी तिआरी विच रुझ्झ गए।

 

 

23

संघरश संमती दे कंम दीआं ख़बरां दूर-दूर तक फैलण लग्गीआं। पुलिस वल्लों धक्के विरुध्ध लोक फ़रिआद लै-लै आउण लग्गे। झूठे केसां विच फसे अते जेल्हां विच सड़दे बेकसूर कैदीआं दीआं दरख़ासतां आउण लग्गीआं।

हलके विच कंम करदीआं छोटीआं-छोटीआं संसथावां नें संमती वल्ल रुख़ कीता। इह संसथावां आपणे तौर ’ते सरकार, पुलिस जां अदालत नाल नजिठ्ठण दे योग नहीं सन। बूंद-बूंद रल के समुंदर दा रूप धार सकदी है। आपणे आप नूं समुंदर विच समाउण लई इह संसथावां आपणे सहियोग दी पेशकश करन लग्गीआं अते आपणीआं समस्सिआवां वी लै के आउण लग्गीआं।

संघरश संमती दा उतशाह वधण लग्गा। कारकुंनां नूं महिसूस होण लग्गा कि “इकल्ले पाले मीते नूं बरी कराउण नाल मसला हल्ल नहीं होणा, उहनां वरगिआं दी गिणती दिनो-दिन वध रही है। इस बारे सोचणा चाहीदा है।”

संमती नूं इह वी महिसूस होण लग्गा, “संघरश नूं थाणे कचहिरी तक सीमत रख्ख के असल मंज़िल प्रापत होण वाली नहीं। लड़ाई दा घेरा वसीह करना पएगा। संघरश नूं सड़कां तक लिजाणा पएगा। जन-साधारन नूं नाल जोड़ना पएगा।”

सोच-विचार बाअद संमती नें ऐलान कीता, “संमती हर उस विअकती लई कानूंनी संघरश करेगी, जिस नाल थाणे जां कचहिरी विच धक्का होइआ है।”

इह ऐलान हुंदिआं ही सभ तों पहिलां इसतरी सभा नें संमती वल्ल हत्थ वधाइआ। सभा नूं अजिहे कई मामलिआं विच संमती दी सहाइता दी ज़रूरत सी। जिनहां विच औरतां नाल सरासर धक्का होइआ सी। आपणे सीमत साधनां अते कानूंन दी जाणकारी दी घाट कारन इसतरी सभा चाहुंदी होई वी पीड़त औरतां दी मदद नहीं सी कर सकी।

प्रधान इंदरजीत कौर दी पुरज़ोर सिफ़ारश सी कि नौजवान कुड़ीआं नूं वरगला के उहनां कोलों धंदा कराउण दे दोश विच बंद नीलम नूं तुरंत कानूंनी सहाइता दित्ती जावे।

एडज़ वरगी भिआनक बीमारी नाल पीड़त नीलम जे हफ़ते दे अंदर-अंदर बाहर नां आई तां उस दी लाश बाहर आएगी अते जे इंझ होइआ तां इस दी ज़िंमेवार इसतरी सभा होएगी।

नीलम दी इह दुरदशा सभा दी अणगहिली अते लाप्रवाही कारन होई सी।

उहनीं दिनीं अख़बारां विच पुलिस दे सोहले गाए जा रहे सन। पुलिस नें नौजवान कुड़ीआं कोलों धंदा कराउण वाले इक बहुत वड्डे गिरोह दा भंडा फोड़ दित्ता सी। छापे दौरान गिरोह दी सरगना नीलम दे घरों इक सोल्हां साल दी कुड़ी बरामद होई सी। नीलम किस तरहां उस कुड़ी नूं इस धंदे विच लिआई अते किस-किस तरहां उस नूं ज़लील कीता, इस दे किस्से लूण-मिरच लग्ग-लग्ग अख़बारां विच छप रहे सन।

पुलिस कोल दरज कराए आपणे बिआन विच कुड़ी नें दस्सिआ कि उह अनाथ सी। उस दे मां-बाप दी मौत बचपन विच ही हो गई सी। नीलम उस दी मासी सी।। राजी नूं उस दी चाची कोलों उह इह कहि के लै आई सी कि मासी उस नूं दिल दा टुकड़ा बणा के रख्खेगी, पर कुड़ी दे जवानी विच पैर धरदिआं ही मासी नें उस दी जवानी दा मुल्ल वट्टणा शुरू कर दित्ता। पैसे दी हवस कारन नीलम राजी नूं इको रात विच पंज-पंज, सत्त-सत्त बंदिआं अग्गे पेश करदी सी। पेंडू शराबी गाहकां नूं कुड़ी मसां मिलदी सी। उह उसनूं हाबड़ के पैंदे सन। कुड़ी दी हड्डी-हड्डी नोच दिंदे सन। उस दा कई वार गरभपात हो चुक्का सी। इलाज दी घाट कारन उस दे अंदर ज़ख़म हो गए सन अते ज़ख़मां विच पीक पै गई सी। पुलिस दे छापिआं तों डरदी नीलम हर महीने घर अते हर छिमाही पिंड बदल लिआ करदी सी। ग्रिफ़तारी समें राजी दा जो हाल सी उस तों नीलम दे जंगली सुभाअ दी औरत होण दा सबूत मिलदा सी। कुड़ी दे सरीर विचों बूअ मारदी सी। इक हफ़ते तों उह नहाती नहीं सी। उस दे कप्पड़े मैले-कुचैले ही नहीं, टाकीआं लग्गे वी सन। हत्थां-पैरां उपर मैल जंमी होई सी। छोटी उमर विच ही उह कई बीमारीआं सहेड़ बैठी सी। पता नहीं मरद किस तरहां उस दे नेड़े जांदे होणगे।

पुलिस नें इक होर बिआन दाग़िआ सी। नीलम नें राजी वरगीआं कई कुड़ीआं नूं वस्स विच कीता होइआ सी। लुक-छिप के पहिलां उह नंगीआं कुड़ीआं दीआं तसवीरां खिच्च लैंदी सी अते फेर तसवीरां दिखा-दिखा उहनां नूं डराउंदी सी। बदनामी तों डरदीआं कुड़ीआं उहो करदीआं सन, जो नीलम आखदी सी।

ख़बरां पहड़ के इसतरी सभा हरकत विच आ गई। सभा नें नीलम विरुध्ध जलूस कढ्ढिआ अते सख़त कारवाई दी मंग कीती। अदालत वल्लों दरख़ासत दे के राजी नूं नारी निकेतन भेजण दी थां आपणे कोल ठहिराउण दी इजाज़त लै लई सी।

इसतरी सभा दी सेवा ’ते धिज्जण अते सभा दे आपणी हमदरद होण दे यकीन बाअद राजी नें जो राम कहाणी सुणाई, उस नें कहाणी दा रुख मोड़ दित्ता।

असलीअत इह सी कि नीलम राजी दी मां सी। बदनामी तों डरदी उह उस नूं आपणी भाणजी आखदी सी। राजी दा बाप टरक्क डराईवर सी। बहुती देर घरों बाहर रहिंदा सी। बाहरों एडज़ दी बीमारी सहेड़ लई। पता लग्गदिआं ही मालक नें छुट्टी कर दित्ती। घर विचला सारा पैसा-धेला वी उस नूं बचा नां सकिआ। मरन तों पहिलां उह नीलम नूं एडज़ दा तोहफ़ा दे गिआ। नीलम तों नां आपणे सरीर दी संभाल हो रही सी नां धी दी इज़्ज़त दी। ‘माड़े दी रंन सभ दी भरजाई’ वांग हर लंडा चिड़ा राजी ’ते अख्ख रख्खण लग्गा। इकल्ली अते बेवस्स समझ के कईआं नें उस नूं घेरिआ वी। इक नां इक दिन कुड़ी दी इज़्ज़त दाअ ’ते लग्गणी सी। सोच के नीलम नें राजी नूं ख़ुद इस धंदे विच पा लिआ। सोचिआ जिंनें दिन सुख दी रोटी मिलू, उने दिन सही।

सरीर वेच के वी सुख दी रोटी नसीब नां होई। किसे गाहक दा दिल करदा, दो पैसे दे जांदा। नां दिल करदा धक्का कर के तुरदा बणदा। तीवीआं निमाणीआं नां बराबरी कर सकदीआं सन, नां रौला पा सकदीआं सन। इसे कारन राजी दी इह हालत होई सी।

नां नीलम नें किसे होर कुड़ी दी फ़ोटो खिच्ची सी, नां किसे कोलों धंदा कराउंदीसी।

पुलिस दे झूठ नूं नंगा करन लई इसतरी सभा नें फेर रोस मुज़ाहरा कीता सी।

पाज खुल्ल्हण तों डरदी पुलिस नें झट्ट चलान तिआर कर के अदालत विच पेश कर दित्ता।

याद-पत्तर लै के गए इसतरी सभा दे नुमाइंदिआं नूं पुलिस कपतान नें मिठ्ठीआं-मिठ्ठीआं गल्लां मार के मोड़ दित्ता।

“मुकद्दमा अदालत दे विचार अधीन है। हुण जो कुझ करेगी, अदालत करेगी। पुलिस कुझ नहीं कर सकदी। तुहानूं आपणा पख्ख अदालत विच पेश करना चाहीदाहै।”

अदालत दे कंम विच दख़ल देण तों डरदी सभा जलसे-जलूस बंद कर के घर बैठ गई सी।

इसतरी सभा नूं हुण समझ आई सी। संघरश संमती वांग चल्लदे मुकद्दमे दौरान लोक-राए तिआर कर के संघरश कीता जा सकदा सी।

नीलम दी बीमारी दिनो-दिन वध रही सी। जेल्ह डाकटर जाण-बुझ के उस दी बीमारी छुपा रिहा सी। उस दी बीमारी दा इलाज नां जेल्ह हसपताल विच सी ते नां सिवल हसपताल विच। ज़मानत उपर रिहाअ होण बाअद उसदा इलाज संभव हो सकदा सी। संमती उस दी ज़मानत कराए। सभा उस दा इलाज कराएगी।

संमती नें झट्ट नीलम दे मुकद्दमे दी पैरवाई आपणे ज़िंमे लै लई।

 

 

 

 

24

बेसहारा अते ग़रीब बच्चिआं दी सहाइता लई पहड़े-लिखे नौजवानां वल्लों  बणाई संसथा हैलपलाईन आपणे कंम दा घेरा वसीह करना चाहुंदी सी। संसथा नें आपणे कंम दी शुरूआत सकूली बच्चिआं नूं वरदीआं, पुसतकां अते लिखण समग्गरी वंड के कीती सी।

चंगे सिट्टे निकलदे देख के शहिर दे पतवंते सज्जण सहाइता लई हत्थ वधाउण लग्गे।

उतशाहत होए नौजवानां नें पहड़ाई दे नाल-नाल कमज़ोर अते बीमार बच्चिआं नूं डाकटरी सहाइता देण दा बीड़ा चुक्क लिआ। दो डाकटरां नें महीने विच इक-इक दिन बच्चिआं दे मुफ़त डाकटरी मुआइने लई राखवां कर दित्ता। दवाई अते होर लोड़ींदी समग्गरी उपलबध कराउण दी ज़िंमेवारी ऐन.आर.आई. (नान रैज़ीडैंट इंडीअन) सभा नें संभाल लई।

जिहड़े पेंडू बच्चिआं नें कदे शहिर दा रेलवे सटेशन नहीं सी देखिआ, उहनां नूं पहाड़ां दी सैर कराउण लई गरीन टरांसपोरट कंपनी नें आए महीने इक बस्स भेजण दी ज़िंमेवारी लै लई। लंगर दा प्रबंध टरक्क यूनीअन दे ज़िंमे सी।

पिछले कुझ समें तों हैलपलाईन वालिआं नूं इक नवीं समस्सिआ नें घेरिआ होइआ सी। शहिरीआं वल्लों हैलपलाईन कोलों जेल्ह विच बंद कुझ बच्चिआं वल्ल धिआन देण दी मंग कीती जा रही सी। संसथा मुसीबत विच फसे बच्चिआं दी सहाइता करना चाहुंदी सी, पर सहाइता किस तरहां कीती जावे, इह समझ नहीं सी आ रही।

हैलपलाईन दा डाइरैकटर, तरसेम, जेल्ह अधिकारीआं नाल कई मीटिंगां कर चुक्का सी। जेल्ह विच बंद बच्चिआं दा पिछोकड़ जाण चुक्का सी। उहनां नूं रिहाअ कराउण दे ढंग-तरीके समझ चुक्का सी।

जेल्ह विच बंद चौदां विचों दो बच्चे उमर कैद कट्ट रहे कैदीआं दे सन। उहनां विचों इक कैदी इसतरी सी, इक पुरश। इसतरी कैदण जदों ग्रिफ़तार होई तां उह गरभवती सी। उस उपर आपणी सस्स नूं गला घुट्ट के मारन दा दोश सी। कैदण दे सहुरिआं नें तां उस दा विरोध करना ही सी, मापिआं नें वी इक वार आ के धी कोलों इह नहीं सी पुछ्छिआ कि उस नें आपणी सस्स दा गला किउं घुट्टिआ सी? शीला दे पेकिआं नें सहुरिआं दे इस दोश नूं सही मंन लिआ सी कि उस दे पेट विच पलदा बच्चा नाजाइज़ सी।

अठ्ठ साल दी उमर तक बच्चा ज़नाना वारड विच मां नाल रहिंदा रिहा। जिउं ही बच्चे नें नौवें साल विच पैर धरिआ, तिउं ही जेल्ह नियमां दी पालणा करदे होए उस नूं ज़नाना वारड विचों कढ्ढ के बच्चा वारड विच भेज दित्ता गिआ। हुण उह दो साल तों इथे बंद सी। जेल्ह अधिकारीआं नें शीला दे पेकिआं अते सहुरिआं दोहां धिरां नाल संपरक कीता। कोई धिर बच्चे नूं लैणा चाहे तां लै सकदी है। कोई वी धिर नाजाइज़ बच्चे नूं आपणे चौंके चहड़ाउण लई तिआर नहीं सी।

छे साल दा दूसरा बच्चा इक मंगते कैदी दा सी। मंगते दी जेल्ह अंदर मौत हो गई सी। मंगते दे अग्गे-पिछ्छे दा किसे नूं कुझ पता नहीं सी। कुझ मंगते बच्चे नूं लैण आए सन। ज़िल्हा प्रशासन नें बच्चे नूं मंगतिआं हवाले करना उचित नहीं समझिआ। मंगतिआं नें बच्चे नूं मंगता बणाउणा सी। तिंन साल तों इह बच्चा बिनां मतलब जेल्ह विच बंद सी। पहिलां-पहिलां कुझ जोड़े इस बच्चे नूं गोद लैण आए, पर बच्चा नां देखण विच दिलकश सी, नां बहुता चुसत चलाक। नौं साल दा हो के वी उस नूं किताब सिध्धी फड़नी नहीं सी आउंदी। उपरों मंगतिआं वाला पिछोकड़ होण कारन जोड़े मुड़दे रहे।

 

बाकी कैदी बच्चिआं दे पिछोकड़ मुजरमाना सन। कोई चोरी करदा फड़िआ गिआ सी अते कोई जेबां कट्टदा। किसे नूं जूआ खेडण दी लत सी अते किसे नूं चरस पीण दी। किसे दा बाप चाकूमार सी अते किसे दी मां धंदा करदी सी।

हैलपलाईन नूं पहिले दो बच्चिआं दा फ़िकर सी। वध्ध चिंता इस गल्ल दी वी सी कि उहनां नूं पेशेवर मुजरमां नाल रख्खिआ जा रिहा सी। ख़रबूज़े नूं वेख के ख़रबूज़ा रंग फड़ रिहा सी। बीड़ी सिगरट पीणी उहनां नें पहिलां ही शुरू कर दित्ती सी। जे उहनां नूं जलदी रिहाअ नां कराइआ गिआ तां उहनां वी मुजरम बिरती दा बण जाणा सी। जिनहां नूं गुहड़ती विच जुरम दा पाठ मिलिआ होवे, उहनां नें वड्डे हो के की बणना है, इस दा अंदाज़ा लाउणा मुशकिल नहीं सी।

जेल्ह अधिकारी दोहां बच्चिआं नूं ज़मानत उपर रिहाअ करन लई तिआर सन। उहनां दी चंगी परवरशि दी ज़िंमेवारी कौण लए अते रिहाअ कराउण बाअद किथे रख्खिआ जावे? हैलपलाईन वालिआं नें उड्डदी-उड्डदी ख़बर सुणी सी। लोक संघरश संमती नें ग़रीब पीड़त लोकां नूं मुफ़त कानूंनी सहाइता देण दा ऐलान कीता सी।

इस ख़बर दी पुशटी इसतरी सभा दी प्रधान कोलों हो गई। जो कंम सभा तों छे महीने विच नहीं सी होइआ, उह संघरश संमती नें छे दिनां विच कर दित्ता।

इसतरी सभा चाहंदी सी, नीलम नूं ज़मानत ’ते रिहाअ कराइआ जावे। संमती चाहुंदी तां नीलम नूं इक घंटे दे अंदर-अंदर ज़मानत ’ते रिहाअ करवा दिंदी, पर ज़मानत ’ते बाहर आउणा नीलम दे हित्त विच नहीं सी। उह ख़तरनाक बीमारी दी शिकार सी। इलाज बहुत महिंगा सी। नां इस दा बोझ इसतरी सभा तों झल्ल होणा सी, नां संघरश संमती तों। उस दा इलाज सरकारी ख़रचे ’ते होणा चाहीदा सी।

संघरश संमती नें नीलम दा डाकटरी मुआइना माहिर डाकटरां कोलों कराउण दी अदालत विच दरख़ासत लाई। अरज़ मनज़ूर होई। डाकटरी होई। उचित इलाज लई नीलम नूं सूबे दे उच्च कोटी दे हसपताल विच दाख़ल कराउण दी हदाइत होई।

नीलम दे अदालत दी हिरासत विच होण कारन अते हर पंदरां दिनां बाअद सिहत संबंधी मंगी जांदी रिपोरट कारन डाकटरां नूं उस दा इलाज धिआन नाल करना पै रिहा सी।

उस दी हालत सुधर गई सी। किसे वी समें उस नूं हसपतालों छुट्टी हो सकदीसी।

छुट्टी होण ’ते संमती नें उस दी ज़मानत करवा लैणी सी।

 

इसतरी सभा दी प्रधान नें हैलपलाईन वालिआं नूं सलाह दित्ती।

“तुसीं संघरश संमती वालिआं कोल जाओ। उहनां कोलों सहाइता लओ। लोड़ पैण ’ते उहनां नूं सहाइता दिओ। सांझे संघरश नाल मसले हल्ल होणे हन।”

प्रधान दी करोड़ां रुपए दे मल्ल दी राए ’ते झट्ट फुल्ल चहड़ाए गए।

संमती वालिआं झट्ट विचार-वटांदरे लई दी मीटिंग बुला लई।

 

“बच्चिआं नूं रिहाअ कराउण दी कोई दिक्कत नहीं है। जिनहां बच्चिआं नूं असीं रिहाअ कराउणा चाहुंदे हां, उह अपराधी नहीं, बेसहारा हन। उचित देख-भाल दा यकीन दिवा के कोई वी संसथा उहनां नूं छुडा सकदी है। इस उद्दम दी कानूंन इजाज़त ही नहीं, उस नूं उतशाहित वी करदा है। समस्सिआ इह है कि बच्चे रहिणगे कित्थे? इहनां दी परवरिश कौण करेगा?

गुरमीत नूं बच्चिआं दे वरतमान दे नाल-नाल भविख्ख दी चिंता सी। इह चिंता उस नें हैलपलाईन वालिआं नाल सांझी कीती।

“हाल दी घड़ी इस सम्सिआ दा हल्ल साडे कोल नहीं है। सानूं बच्चिआं नाल नजिठ्ठण दा तजरबा नहीं है। सहाइता लई किसे वड्डी संसथा नाल संपरक कीता जा सकदा है।”

तरसेम नें आपणी संसथा दीआं सीमावां दा बिनां झिजक ज़िकर कीता।

“इक हल्ल हो सकदा है। आपां अदालत दा दरवाज़ा खड़काईए। बेकसूर बच्चिआं नूं अपराधीआं नालों वख्ख रख्खण दा हुकम कराईए। उहनां नूं होर विगड़न तों बचाईए। जिनहां-जिनहां सहूलतां दा कानूंन वाअदा करदा है, उह बच्चिआं नूं उपलबध कराईए।”

बदलवें प्रबंध होण तक गुरमीत समस्सिआ नूं कानूंनी ढंग नाल नजिठ्ठणा चाहुंदा सी।

“जे बेसहारा बच्चे अपराधीआं नालों वख्ख हो जाण, उहनां नूं खाण-पीण चंगा मिलण लग्ग जाए अते पहड़ाई-लिखाई दा प्रबंध हो जाए तां हाल दी घड़ी इहो बथेराहै।”

गल्लबात बाअद निकले सिट्टे ’ते तरसेम नें तसल्ली प्रगटाई।

फ़ैसले नूं तुरंत अमली रुप देण अते आपणे-आपणे कंमां विच जुट्ट जाण लई दोवें धिरां उठ्ठ खड़ोतीआं।

 

 

25

आपणे संदेश नूं आम लोकां तक पहुंचाउण दे मकसद नाल संघरश संमती सोची-समझी नीती तहित कंम करन लग्गी।

इस वार संमती नें प्रीतो दी ज़मानत कराउण बाअद आपणीआं गतीविधीआं नूं कचहिरी तक सीमत नहीं सी रख्खिआ। घर अते ज़मीन तों कबज़ा छुडाउण लई वी पहिल कीती सी।

इसतरी सभा नाल मिल के जलसे जलूस शहिरां दी थां पिंडां विच कीते सन।

पहिलां घबराई पुलिस नें धंने दा साथ छड्डिआ। फेर घबराए धंने नें कबज़ा छड्ड दित्ता।

इहनां सांझे संघरशां बाअद इसतरी सभा अते संमती दा घिओ-खिचड़ी वाला रिशता बण गिआ। इक संसथा जे संघरश विढ्ढदी तां दूजी बिनां पुछ्छे पुज्ज जांदी है।

हैलपलाईन वालिआं दा मसला कानूंनी सी। अदालत विच दरख़ासत दिंदिआं ही समस्सिआ सुलझ गई। बेसहारा बच्चिआं नूं किशोर अपराधीआं नालों वख्ख कर दित्ता गिआ। नाल ही वध्ध तों वध्ध सहूलतां देण दा हुकम हो गिआ।

नौजवान तबका संमती दा अहिसानमंद हो गिआ।

चौथा दरजा करमचारीआं दी जथेबंदी नूं जदों कानूंनी सहाइता दी ज़रूरत पई तां हैलपलाईन वालिआं नें उहनां दी बांह संमती वालिआं नूं फड़ा दित्ती।

जथेबंदी दा इक मैंबर सिवल हसपताल विच सेवादार सी।

पिछले महीने हसपताल दे मुखी डाकटर नें फूड इंसपैकटर नूं नाल लै के खाण- पीण दीआं चीज़ां दे नमूने भरन दी मुहिंम छेड़ी सी।

बहुतीआं थावां तों पहिलां ही बझ्झवां महीना आउंदा सी। उहनां दुकानदारां नूं फूड इंसपैकटर नें आपणे आउण दी सूचना पहिलां दे दित्ती। आने-बहाने दुकानां बंद कर के उह टीम दे दफ़तरों निकलण तों पहिलां खिसक गए। कुझ नाल मौके ’ते लैण-देण हो गिआ। जिनहां नूं अफ़सरां नाल गल्ल करन दी जाच नहीं सी, उहनां दीआं चीज़ां दे नमूने भरे गए।

नमूने भरन निकली टीम दा मकसद सिहत लई हानीकारक चीज़ां विकणीआं बंद कराउणा नहीं सी सगों अफ़सरां दा मुख्ख उदेश लोकां नूं डराउणा-धमकाउणा, जिहड़े महीना नहीं दिंदे उहनां नूं सबक सिखाउणा अते आपणीआं जेबां भरना सी। नाले महिकमे वल्लों निशचित कोटे दे नमूने भर के ख़ाना-पूरती करना सी।

टीम दे सारे मैंबर आपणा इह फ़रज़ बा-ख़ूबी निभा रहे सन।

अणजाणपुणे विच जिहड़े दुकानदारां नें नमूने भरा लए, उहनां नूं खज्जल-ख़ुआरी विचों निकलण दे ढंग-तरीके टीम दे मैंबर ही समझाउण लग्गे।

“फ़ीस दे दे। नमूने जांदे होए नाले विच सुट्ट जावांगे।” किसे दुकानदार नूं इह गुर दस्सिआ गिआ।

“पहिलां आपणी चीज़ प्राईवेट लैबारटरी विचों टैसट करा लै। जदों पास हो जावे लै आईं। माल बदल देवांगे। नमूने आपे पास हो के आउणगे।” किसे दुकानदार नूं इह तरीका दस्सिआ गिआ।

डाकटर नें दुकानदारां नूं रिआइतां वी निहंगां वालीआं दित्तीआं।हरदुकानदार तों पंज हज़ार मंगिआ गिआ। जांदे चोर दी लंगोटी समझ के लै दो सौ वी लिआ।

नीना आचार फ़ैकटरी विच गल्लबात कुझ ज़िआदा लटक गई।

नीना इस फ़ैकटरी दी मालक दा नां सी। उस दा पती पापड़-वड़ीआं दा कंम करदा सी। शहिर विच उस दी चंगी पड़त सी। पिछले साल इक ऐकसीडैंट विच उस दी मौत हो गई। छे महीने घर बैठी नीना रोंदी कुरलांदी रही। जदों चुल्ल्हा मघदा रख्खण विच दिक्कत आउण लग्गी तां भैण-भरावां अते पती दे दोसतां नें समझाइआ, “कुझ करना पएगा।”

नीना दे जीजे दी पंचकूले आचार दी फ़ैकटरी सी। आपणे मिसतरी भेज के उस नें आचार दी फ़ैकटरी चालू करवा दित्ती। पुराणे दुकानदारां नें मुलाहज़ा निभाइआ। बाकी दे आचार मंगवाउणे बंद कर के उहनां नें नीना फ़ैकटरी दा आचार वेचणा शुरू कर दित्ता। नाल सलाह दित्ती।

“कुड़ीए, जे सही अरथां विच कामयाब होणा है तां माल दी कुआलिटी बणाई रख्खीं।”

नीना नें गल्ल लड़ बंनह लई।

नीना नूं यकीन सी कि इंसपैकटर चाहे सारे आचारां दे नमूने भर लए, सभ पास होणगे।

पर इंसपैकटर नूं माल दी कुआलिटी नाल मतलब नहीं सी। उस नूं महीना चाहीदा सी। उह हैरान सी। छे महीनिआं तों फ़ैकटरी चल्ल रही सी।  उस नूं पता तक्क नहीं सी लग्गा।

नीना नूं सबक सिखाउण लई उस नें चार नमूने भर लए।

नाल नीना दे भोलेपण ’ते तरस आइआ। नीना दा भरम दूर करन लई उस नें समझाइआ।

“कुड़ीए, माल ’ते हंकार नां करीं। नमूने टैसट करन वाले राजा हरीश चंदर नहीं हन। उहनां दे वी पेट लग्गे होए नें। नमूने उहो पास होणगे, जिहड़े असीं करवावांगे। बाकी फ़ेल्ह हो के आउणगे। अड़ी छड्ड ते गल्ल कर।”

गल्ल नीना दी समझ आ गई। उस नें गल्ला फरोलिआ। गल्ले विच सत्त-अठ्ठ सौ रुपिआ सी। सारी रकम फूड इंसपैकटर दे हवाले कर दित्ती।

“इस नाल की बणना है? हज़ार रुपए महीना दे हिसाब नाल छे हज़ार पिछला, अगली तिमाही दा तिंन हज़ार पेशगी। इह नमूने सुट्टण दे अलग्ग। घट्टो-घट्ट दस हज़ार चाहीदा है।

नीना नें तरला कीता। हज़ार रुपिआ महीना उस नूं ख़ुद नहीं बणदा।

इंसपैकटर अड़िआ रिहा।

“तिंन सौ रुपिआ महीना चाह दी रेहड़ी लाउण वाले भईए तों लईदा है। पंज सौ रुपिआ झुग्गीआं-झौंपड़ीआं विचलीआं करिआने दीआं दुकानां वालिआं तों। तेरी फ़ैकटरी तों घट्टो-घट्ट हज़ार रुपिआ महीना चाहीदा है।”

घबराई नीना इंसपैकटर दी गल्ल मंन गई।

दोहां धिरां विच तहि होइआ। हफ़ते दे अंदर-अंदर नीना उहनां नूं बाकी दी रकम देवेगी। पैसे पूरे होण ’ते टीम भरे नमूने उस नूं वापस कर देवेगी। अग्गों तों टीम फ़ैकटरी वल्ल मूंह नहीं करेगी।

तीजे दिन सेवादार आ अप्पड़िआ।

डरदी नीना नें हज़ार होर दे दित्ता।

शाम नूं दिओरां-जेठां नाल सलाह कीती। इंने पैसे दे नालों तां कंम बंद कीता चंगा।

दिओर-जेठ भड़क गए। उहनां संघ वालिआं नाल गल्ल कीती। संघ वाले नीना नूं नाल लै के चौकसी विभाग वालिआं कोल पुज्ज गए।

विजीलैंस वालिआं नूं अजिही शिकाइत दी पहिलां ही उडीक सी। फ़ूड इंसपैकटर ख़ुद महीना इकठ्ठा कर रिहा सी, पर विजीलैंस वालिआं नूं महीना पुज्जदा करन विच आनाकानी कर रिहा सी। सबक सिखाउण दा वधीआ मौका सी।

झट्ट उहनां टीम दे मैंबरां नूं रंगे हत्थीं फड़न दी योजना घड़ लई।

“टीम नूं अगले दिन फ़ैकटरी बुलाओ। पैसे दे के रंगे हत्थीं फड़ाओ।”

नीना दे आखण दे बावजूद नां डाकटर पैसे लैण आइआ, नां फूड इंसपैकटर। आइआ तां सेवादार।

नीना नें विजीलैंस वालिआं नूं बथेरा समझाइआ, सेवादार नूं नां फड़ो, पर उहनां नें इक नां मंनी।

चौकसी विभाग दी इक टीम नें इधर सेवादार फड़िआ, उधर दूजी टीम नें डाकटर दी कोठी ’ते छापा मार दित्ता।

डाकटर हसपताल सी। उथों उह फ़रार हो गिआ।

डाकटर काबू नां आइआ, पर ख़ाना-तलाशी तों ढेर सारी नकदी, विकास-पत्तर, बैंक दीआं कापीआं ते कोठीआं ते ज़मीनां दीआं रजिसटरीआं हत्थ लग्ग गईआं।

अगले दिन अख़बारां विच डाकटर दा पिछोकड़ छपिआ। उह इक साधारन बैंक कलरक दा मुंडा सी। डिगरी दी पहड़ाई करन लई उस नें बैंक तों करज़ा लिआ सी। पहड़न विच हुशिआर सी। कालजों निकलदे ही नौकरी मिल गई। फड़ी गई सारी जाइदाद उस नें हेराफेरी नाल बणाई सी।

डाकटर नें तिंन दिन दे अंदर-अंदर सभ दे मूंह बंद कर दित्ते। पहिलां अदालत विचों पेशगी ज़मानत कराई। फेर झूठे-सच्चे हिसाब-किताब पेश कर के सारे दसतावेज़ अते नकदी वापस करवा लई।

फूड इंसपैकटर उस तों वी तेज़ सी। उस नें पहिले दिन ही उपरों चौकसी विभाग वालिआं नूं फ़ोन करवा दित्ता सी। उस नूं पेशगी ज़मानत कराउण दी वी ज़रूरत नहीं सी पई। पहिले हल्ले ही उस नूं बेकसूर ठहिरा दित्ता गिआ।

हफ़ते बाअद डाकटर नौकरी ’ते हाज़र होइआ। दरख़ासत दे के उच्च पध्धरी जांच कराई। आपणे आप नूं बेकसूर साबत करवा के सेवादार विरुध्ध चलान पेश करवा दित्ता।

सेवादार जथेबंदी नूं अफ़सरां ’ते गिला सी। उहनां नें आपणी जान तां बचा लई, पर ग़रीब सेवादार नूं फसा दित्ता। उह पुछ्छ रहे सन। सेवादार दी फ़ीस पंज हज़ार रुपए हुंदी है। सेवादार नें इंनी वड्डी रकम लै के नीना दा की फ़ाइदा करना सी? जो करना सी, उह अफ़सरां नें करना सी, पर उहनां दी पुकार कोई नहीं सी सुण रिहा। चौकसी विभाग वाले वी नहीं।

उह नीना दा हलफ़ीआ बिआन चुक्की फिरदे सन। सेवादार नें नां रिशवत मंगी सी, नां उस नें उस नूं रिशवत दित्ती सी। इह पैसे अफ़सरां लई सन, पर कोई नीना दे हलफ़ीआ बिआन नूं पहड़न तक लई तिआर नहीं सी।

जथेबंदी नें अधिकारीआं विरुध्ध धरना मारन दी योजना बणाई। डाकटर झट्ट उहनां दे अफ़सरां दे दफ़तर पुज्ज गिआ। हर अफ़सर नें आपणे-आपणे सेवादार नूं धमकाइआ। “जे जलसा कीता, तेरा जलूस पहिलां निकलू” इह समझाइआ।

डरदे सेवादार धरना मारन तों मुक्कर गए।

जथेबंदी दे अहुदेदार इनसाफ़ चाहुंदे सन।

इसे आस नाल उह संमती दे दर ’ते आए सन।

इसे मकसद लई संमती बणी सी।

संमती दे कारकुंनां नें झट्ट तफ़तीश शुरू कर दित्ती।

नीना दे बिआन उपर चौकसी विभाग नें जो रपट दरज कीती, उस विच साफ़ लिखिआ सी, रिशवत डाकटर अते फूड इंसपैकटर नें मंगी सी। उह हुण वी इसे बिआन ’ते अड़ी होई सी।

संमती नें पहिलां उस रपट दी नकल हासल कीती।

डाकटर दी कोठी दी तलाशी समें जिहड़े दसतावेज़ मिले सन, उहनां दी इक फ़रद तिआर होई सी। फ़रद उपर नीना दे दसतख़त होए सन। फ़रद दी इक नकल अदालत विच पेश हो के चलान नाल लग्गी होई सी। उस दी नकल हासल कीती गई।

फेर डाकटर दे बैंक अकाऊंट दीआं नकलां हासल कीतीआं गईआं। डाकटर वल्लों खातिआं विच जमहां करवाए गए पैसिआं दा वेरवा प्रापत कीता गिआ। फेर ज़मीनां, कोठीआं दीआं रजिसटरीआं दीआं नकलां हासल कीतीआं गईआं। इहनां दा मुल्ल पवाइआ गिआ।

डाकटर दे पिछोकड़ दी जांच चौकसी विभाग पहिलां ही कर चुक्का सी।

फेर डाकटर कोल करोड़ां दी संपत्ती किथों आई?

सेवादारां दी जथेबंदी नाल मिल के जलसे-जलूसां राहीं संमती चौकसी विभाग कोलों पुछ्छण लग्गी।

नीना दा हलफ़ीआ बिआन अदालत विच पेश कीता गिआ। अदालत पहिलां ही इस पख्खपाती तफ़तीश ’ते ख़फ़ा सी। हलफ़ीआ बिआन दे आधार ’ते झट्ट सेवादार नूं बेकसूर करार दित्ता गिआ।

नाल चौकसी विभाग नूं हदाइत होई। डाकटर अते फूड इंसपैकटर दीआं जाइदादां अते नकदी दे वेरवे महीने दे अंदर-अंदर अदालत विच पेश कीते जाण।

मुकद्दमे विचों बरी होण बाअद जित्त दी ख़ुशी मनाउंदी जथेबंदी सेवादार नूं जलूस दी शकल विच दफ़तर लै गई।

सारे राह उहनां नें आपणी जथेबंदी दी थां संमती दे हक्क विच नाअरे लाएसन।

 

 

26

पटना यूनीवरसिटी दे कानूंन विभाग दे विदिआरथी ‘कानूंन दी बराबरता दा सिधांत अते निमन वरग’ विशे उपर खोज कर रहे सन। तत्थ इकठ्ठे करन लई विदिआरथीआं दी इक टीम नें जदों जेल्हां दा दौरा कीता तां इस सिधांत दा पहिले हल्ले ही पोल खल्ल्ह गिआ।

जेल्ह विच बंद अस्सी फ़ीसदी कैदी निमन वरग नाल संबंध रख्खदे सन। इहनां विचों तिंन-चौथाई हवालाती अजिहे सन, जिनहां दे मुकद्दमे तफ़तीश अधीन जां सुणवाई अधीन सन अते उह कानूंन वल्लों निशचित कीती वध्ध तों वध्ध सज़ा नालों कई गुणा वध्ध सज़ा कट्ट च्के सन। हाले वी लंबे समें तक उहनां दे रिहाअ होण दे आसार नहीं सन। कारन हवालातीआं दी ग़रीबी, सरकार दी बेरुख़ी अते अदालतां दी लाप्रवाही सी।

रिपोरट दे अख़बारां विच छपदे ही सुपरीम कोरट वल्लों इस गंभीर मसले दा नोटिस लिआ गिआ। बिहार सरकार दे मुख्ख सकत्तर नूं हुकम होइआ कि महीने दे अंदर-अंदर उह तत्थां बारे सपश्शटी करन देवे। नाले हाई कोरट दे कंन खिच्चे गए। उह कुंभकरनी नींद तों उठ्ठे।

बिहार विच आए भुचाल दे झटके इस सूबे विच वी महिसूस कीते गए। मुख्ख मंतरी नें अहिलकारां नूं सलाह दित्ती, “तुफ़ान दे इधर रुख़ करन तों पहिलां घर नूं संभाल लैण विच सिआणप है।”

जेल्ह मंतरी वल्लों जेल्ह विभाग नूं हुकम होइआ, “महिकमे दा सकत्तर इस मसले वल्ल ख़ुद धिआन देवे। सारे तत्थ इकठ्ठे कर के रिपोरट इक महीने दे अंदर-अंदर मंतरी कोल पुज्जदी कीती जावे।”

जेल्ह विभाग दे मुखी नें जेल्हां दे दरोग़िआं नूं ताड़िआ, “अजिहा इक वी हवालाती जेल्ह विच बंद नहीं रहिणा चाहीदा। जे कोई है तां उस नूं तुरंत रिहाअ कराइआ जावे। फेर ‘सभ ठीक ठाक है’ दी रिपोरट मुख्ख दफ़तर नूं भेजी जावे।”

जेल्ह प्रशासन दा विचार सी कि उहनां दा सूबा बिहार नहीं है, जिथे भुख्खमरी दा राज है। उहनां दा सूबा देश दे ख़ुशहाल सूबिआं विचों इक है। इथों दे वासी कोई हूला फक्कण, बीमारी समें दवाई बूटी अते मुकद्दमे समें वकील दा इंतज़ाम ज़रूर करदे हन। शाइद ही कोई अजिहा मुलज़म होवे, जिहड़ा कानूंनी चाराज़ोई दी कमी कारन जेल्ह विच सड़ रिहा होवे।

फेर वी सरकार दा हुकम तां वजाउणा सी। मन दी तसल्ली लई छाणबीण शुरू होई।

जिउं ही कीड़िआं दे भौण नूं छेड़िआ गिआ, अंदरों निकलण वाले कीड़िआं दी गिणती वधदी गई।

जेल्ह विच सटाफ़ दी पहिलां ही कमी सी। उपरों इह कंम पेचीदा सी। इक दोशी  उपर दस-दस जुरम लग्गे होए सन। किस दोशी नूं किस दोश विच किंनी सज़ा देणी है? किस मुलज़म दी किंनी देर बाअद ज़मानत होणी चाहीदी है? मग़ज़-खपाई करन बाअद वी जेल्ह प्रशासन तों गुत्थी सुलझ नहीं सी रही।

इह समस्सिआ कानूंनी माहिर ही हल्ल कर सकदे हन।

जेल्ह अधिकारीआं नें रहिनुमाई लई सरकारी वकीलां नाल संपरक कीता। उहनां कोल सिर खुरकण दी विहल नहीं सी। कचहिरी छड्ड के उह पंदरां सौ कैदीआं दे केसां दी घोख नहीं सन कर सकदे। उहनां नें कानूंन दी मुढ्ढली जाणकारी दे के नाले सलाह दित्ती, “बाकी दा कंम प्राईवेट वकीलां तों लओ।”

वकीलां दे प्रधान नें गल्ल कीती। उह नवें वकीलां दी इक टीम जेल्ह भेजण लई सहिमत होइआ, पर इक शरत ‘ते। “उतशाह वधाउण लई नौजवानां नूं कुझ मिहनताना दित्ता जावे।”

महिकमे दा बजट पहिलां ही घाटे विच सी। जेल्ह विभाग वाधू बोझ सहारन दी सथिती विच नहीं सी। जेल्ह विभाग नें सुझाअ दित्ता, “हवालातीआं नूं आखो। उह आपणे केस ख़ुद आपणे वकीलां कोलों तिआर करवाउण।”

अखे डुब्बी तां जे साह नां आइआ। जिहड़े हवालाती वकीलां दीआं फ़ीसां उतारन दी सथिती विच सन, उह कदों दे रिहाअ हो चुक्के सन। लोड़ों वध्ध कैद उहो कट्ट रहे सन जिनहां दा अग्गे-पिछ्छे कोई नहीं सी। जेल्ह आ के केस तिआर करन दी वकील दुग्गणी फ़ीस मंगण लग्गे।

फेर किसे नें दस्स पाई, “माइआ नगर विच इक विकटम वैलफ़ेअर सोसाइटी बणी होई है। उह लोकां नूं मुफ़त कानूंनी सहाइता दिंदे हन। उह इहनां कैदीआं दी मदद करन लई राज़ी हो सकदे हन।”

सोसाइटी दे प्रधान नें कोरा जवाब दे दित्ता। कहिंदा, “साडी संसथा मुलज़मां वल्लों सताए पीड़तां दा पख्ख पूरदी है, मुलज़मां दा नहीं। असीं मुलज़मां नूं बिनां मतलब दित्तीआं जा रहीआं सहूलतां दे विरुध्ध हां। असीं आपणे नियमां दी उलंघणा नहीं कर सकदे।”

जदों सुभाश जैन नूं जेल्ह प्रशासन नूं पेश आ रही इस समस्सिआ बारे पता लग्गा तां उह ठहाका मार के हस्सिआ। कहिंदा, “कंनहे कुड़ी गराउं होका। इक समझदार वकील जेल्ह विच बंद है। फ़ैकटरी दे हिसाब-किताब दा कंम मेरे कोलों लिआ जा सकदा है। वकील तों वकालत कराओ।”

जैन दी गल्ल सुण के सुपरडैंट नूं आपणी अकल ’ते पए परदे ’ते हैरानी होई। उस दे घर अग्गों दी गंगा वहि रही सी अते उह बूंद-बूंद लई तरस रिहा सी।

झट्ट हाकम नूं फ़ैकटरीउं बुलाइआ गिआ। लीगल सैल्ल बणा के उस दा मुखीआ बणाइआ गिआ। सहाइता लई अधिआपक कैदी उस लाल लाइआ गिआ।

लीगल सैल्ल वालिआं नूं कंम समझाइआ गिआ, “तुसीं बैरक-बैरक जाणा है। हर हवालाती दे केस दा मुआइना करना है। जिहड़ी रिआइत किसे नूं दित्ती जा सकदी होवे, उस दी सिफ़ारश करनी है।”

हाकम सिंघ नूं इक बचन दित्ता गिआ, “तं मन ला के कंम कर। बदले विच तैनूं रज्जवीं मुआफ़ी दित्ती जाएगी।”

हाकम इस कंम दी पहिलां ही तिआरी कर के आइआ सी। इक वार उस नें जेल्ह प्रशासन कोल आपणी मंग रख्खी सी।

“जेल्ह मैनूअल कहिंदा है, कैदी नूं काबलीअत अनुसार कंम दित्ता जावे। मैं वकील हां, ग़रीब कैदीआं नूं कानूंनी सहाइता दी सख़त ज़रूरत है। मैनूं इह सेवा बख़शी जावे।

पर उस समें जेल्ह अधिकारीआं दा विचार सी कि कैदीआं नूं कानूंन पहड़ाउणा सप्पां नूं दुध्ध पिआउण वांग है। अफ़सर आपणीआं दाहड़ीआं नूं हत्थ पाउण वाले आप तिआर नहीं कर सकदे।

हुण मजबूरी वस्स उहनां नूं हाकम दी सहाइता लैणी पई सी।

मौका मिलदिआं ही हाकम पूरे तन-मन नाल आपणे कंम विच जुट्ट गिआ।

 

 

27

हाकम सिंघ लोड़वंद कैदीआं दी सहाइता दा मन पहिलां बणा के आइआ सी। कैदी-पख्खी कुझ ख़ास फ़ैसलिआं दीआं नकलां नाल लिआइआ सी, पर हुण तक लाभ सिंघ नें उस दे पैर नहीं सन लग्गण दित्ते।

बदलीआं हां-पख्खी प्रसथितीआं विच हाकम सिंघ नें सारे कानूंन नूं मुड़ घोखिआ। उस नूं साधनहीन कैदीआं नूं रिहाअ कराउण लई किस तरहां वरतणा है, उहनां बारीकीआं नूं समझिआ। जदों कामयाबी दा भरोसा हो गिआ तां उस नें जेल्ह अधिकारीआं नूं हिक्क थापड़ के आखिआ, “तुसीं मैनूं बस्स सहियोग देवो। मैं तिंन महीने दे अंदर-अंदर अध्धी जेल्ह ख़ाली करवा देवांगा।”

जेल्ह विभाग नें गरम-जोशी नाल हत्थ वधाइआ। उस दी मंग ’ते तारा चंद उस दा सहाइक बणिआ। उह पहड़िआ-लिखिआ तां सी ही, नाले ईमानदार अते वफ़ादार वी सी।

जेल्ह आउण तों पहिलां तारा चंद सरकारी सकूल विच समाज शासतर दा अधिआपक सी। कदे-कदे कविता वी लिखदा सी। अधिआपक यूनीअन विच सरगरम सी। इह सरगरमी ही उस दे जेल्ह आउण दा सबब्ब बणी सी।

उस दा वड्डा भरा मंडीकरन बोरड विच सहाइक इंजीनीअर सी। उस दी भरजाई अमीर घर दी तां सी, पर बहुती पहड़ी-लिखी नहीं सी। उस नूं गल्लबात करनदीतामीज़ नहीं सी। इसे गल्ल ’ते मीआं-बीवी विचकार तकरार रहिंदा सी। हर रोज़ दी किड़-किड़ तों तंग आई भरजाई नें इक दिन सलफ़ास दीआं गोलीआं खा लईआं। भरजाई दे तकड़े पेकिआं नें साधारन ख़ुदकुशी नूं ‘दाज दी बली’ विच बदल दित्ता।

“जे इह लीडर बाहर रिहा तां मुकद्दमे दी पैरवी करू। इस नूं पहिलां टंगो।”

भरजाई दे पेकिआं दे हमाइतीआं नें राए दित्ती।

ते आटे नाल पलेथण वी सेकिआ गिआ।

भरा दे नाल-नाल तारा चंद नूं वी उमर कैद हो गई। भज्ज-नठ्ठ बाअद वी यूनीअन वाले तारा चंद नूं बरी नां करवा सके, पर जेल्ह आउंदे-जांदे रहिण कारन उहनां दी जेल्ह अधिकारीआं नाल चंगी जाण-पहिचाण सी। आपणा असर-रसूख़ वरत के उहनां नें तारा चंद नूं मुशक्कत तों बचा लिआ अते लिखा-पहड़ी दे आसान कंम ’ते लगवा लिआ। अग्गों आपणी मिहनत नाल तारा चंद नें आणा राह आप पध्धरा कर लिआ। वारडरां नाल दोसती गठ्ठ लई। अनपहड़ कैदीआं दीआं अरज़ीआं पत्तर लिख-लिख नाले कैदी ख़ुश कर लए, नाले आपणा हत्थ सुखाला कर लिआ।

तारा चंद कैदीआं दीआं अरज़ीआं लिखण दा माहिर सी। उस नूं लीगल सैल्ल दा मैंबर बणाए जाण दा इक कारन इह सी। जदों किसे पहड़े-लिखे विअकती ’ते मुकद्दमा बणदा है तां आपणे बचाअ दा रसता तलाशदा उह कानूंन दीआं किताबां नाल घुलण लग्गदा है। इह भूत तारा चंद नूं वी सवार होइआ सी। परचा दरज होण वाले दिन तों लै के फ़ैसले वाले दिन तक उह दहेज अते दहेज कारन हुंदे झगड़िआं नाल संबंधित हज़ारां फ़ैसले पहड़ चुक्का सी। उस दा गिआन उस दे आपणे कंम नां आइआ, पर जेल्ह विच मजमे ला-ला उह दूजे कैदीआं दी रहिनुमाई ज़रूर करदा सी।

“‘मैनूं इक आम वकील जिंना कानूंन आउंदा है।” इसे भरम तहित तारा चंद नें आपणीआं सेवावां लीगल सैल्ल नूं अरपित कीतीआं सन।

कंम शुरू करन तों पहिलां हाकम सिंघ नें हर मुकद्दमे नूं विगिआनक ढंग नाल घोखिआ। फेर सिट्टा कढ्ढिआ। शुरू विच लीगल सैल्ल नूं तिंन मुढ्ढले कानूंनी नुकतिआं ’ते कंम करना चाहीदा है। तारा चंद नूं कंम करन विच आसानी रहे, इस लई पहिलां उस नें उह नुकते उस नूं समझाए।

“पुलिस नूं पहिलां दोशी विरुध्ध सबूत इकठ्ठे करने चाहीदे हन। फेर उस नूं ग्रिफ़तार करना चाहीदा है। साडी पुलिस उलट चल्लदी है। पहिलां मुलज़म नूं फड़दी है, फेर सबूत इकठ्ठे करन लग्गदी है। कई वार पहाड़ खोदण बाअद हेठों चूहा वी नहीं निकलदा। चूहे दी तलाश विच पुलिस सालां बध्धी तफ़तीश लटकाई रख्खदी है। जेल्ह विच बैठा दोशी बिनां मतलब जेल्ह विच सड़दा रहिंदा है। इस दा दूजा पख्ख वी है। कई वार मामले गुंझलदार हुंदे हन। पुलिस नूं सबूत इकठ्ठे करदिआं सालां दे साल लग्ग जांदे हन। इस दा इह मतलब नहीं कि दोशी दोश-पत्तर दाइर होण दा इंतज़ार करदा रहे। कानूंन नें गुंझल विच फसे अजिहे दोशी दा धिआन रख्खिआ है। पुलिस नूं हदाइत कीती गई है कि उह निशचित समें दे अंदर तफ़तीश मुकंमल करे, दोश-पत्तर तिआर कर के अदालत विच देवे। जे उह इंज नहीं कर सकदी तां अदालत दोशी नूं मुकद्दमे दे फ़ैसले तक ज़मानत ’ते रिहाअ करे। संगीन तों संगीन जुरम विच इह समां-सीमा नब्बे दिन है। बाकी जुरमां विच सठ्ठ दिन। बहुते कैदीआं नूं इस नियम दी जाणकारी नहीं। उह कई-कई साल जेल्ह विच सड़दे रहिंदे हन। आपां अजिहे हवालातीआं दी मदद करनी है। दोशी दा जेल्ह वारंट लै के पहिलां आपां इह देखांगे कि दोशी नूं किस तारीख़ नूं फड़िआ गिआ है। फेर देखांगे, उस उपर किहड़ा दोश लग्गा है? दोश-पत्तर सठ्ठ दिनां विच दाइर होणा चाहीदा सी जां नब्बे दिनां विच? जे इक दिन वी उपर लंघदा है तां आपां झट्ट दरख़ासत लावांगे। इक गल्ल चंगी तरहां समझ लै। मिआद लंघण बाअद मैजिसट्रेट दोशी नूं इक घंटा वी जेल्ह विच नहीं रख्ख सकदा।

इसे नुकते दी तारा चंद नूं पहिलां समझ सी। कुझ शक्क सन। उह उस नें दूर कर लए। “दूजे नुकते तहित असीं उहनां हवालातीआं नूं रिहाअ करवाउणा है, जिनहां दे मुकद्दमिआं दी सुणवाई सालां तों लटकी होई है। कानूंन नें हर जुरम लई वध्ध तों वध्ध सज़ा निसचित कीती होई है। नाल इह वी नियम बणा रख्खिआ है कि दोशी नूं निशचित सज़ा नालों वध्ध समां जेल्ह विच नहीं रख्खिआ जा सकदा।  इह देखणा है कि अदालत नें किहड़े जुरम लाए हन। दोशी नूं वध्ध तों वध्ध किंनी सज़ा हो सकदी है, इस दा हिसाब अदालत वल्लों लग्गे दोशां अनुसार लाउणा है। जे दोशी नें इक दिन वी वध्ध सज़ा कट्ट लई है तां असीं उस नूं रिहाअ कराउणाहै।”

 

“हुण सुण उहनां अभागिआं लई नुकता जिनहां दे अग्गे पिछ्छे कोई नहीं है। माड़े-धीड़े ख़ास करके परवासीआं नूं ज़मानत ’ते रिहाअ करदे समें अदालत नूं धुड़कू लग्गा रहिंदा है। जेल्हों छुट्टदे ही उह आपणे देश वल्ल शूट वट्ट देवेगा। पिछ्छों उस नूं कौण फड़ के लिआएगा। बहुती वार ज़मानत दी अरज़ी मनज़ूर नहीं हुंदी। कदे हो जावे तां वीह शरतां लग्ग जांदीआं हन। ज़मानती सथानक होण अते रज्जे-पुज्जे वी। परवासीआं कोलों इह शरतां पूरीआं नहीं हुंदीआं। ज़मानतीआं दी घाट कारन उह जेल्ह विच सड़दे रहिंदे हन। अजिहे ग़रीब-ग़ुरबिआं दे कुझ हमाइती उच्चीआं अदालतां विच बैठे हन। कुझ फ़ैसलिआं विच रहिम दिल जज्जां नें हेठलीआं अदालतां नूं दिशा-निरदेश दित्ते हन। “जे दोशी दी हिरासत लंबी हो जावे तां उस नूं ज़ामन पेश करन दी छोट दित्ती जावे। उस नूं निज्जी ज़मानत दे आधार ’ते छड्ड दित्ताजावे।”इहनां फ़ैसलिआं दा नां जज्ज नूं पता है, नां बहुते वकीलां नूं। मैं इह लभ्भ लए हन। आपां इहनां फ़ैसलिआं नूं लागू कराउण दा सिरतोड़ यतन करनाहै।”

हाकम दीआं गल्लां सुणन बाअद तारा चंद नूं महिसूस होइआ कि उस नूं ऐवें वहिम दा ढिड्ड होइआ सी। हुण तक खुंडां वाले वकीलां वांग उह कैदीआं नूं गुंमराह करदा रिहा सी। असल नुकते इह हन।

 

उतशाहित होइआ तारा चंद आपणे कंम विच रुझ्झ गिआ।

रिहाअ होण वाले कैदीआं दी इक वढिउं सूची बणा रहे तारा चंद दे मन विच प्रशन उठ्ठण लग्गा।

“इंज पेशेवर अते ख़ूंख़ार मुजरम वी रिहाअ हो जाणगे। की उहनां नूं रिहाअ कराउणा लीगल सैल्ल दा उदेश है? हाकम किधरे कोई हदाइत देणी भुल्ल तां नहीं गिआ?”

शक्क दूर करन लई उस नें हाकम तों सपश्शटीकरन मंगिआ।

“मैं आपणे देश दे कानूंन नूं कानूंन नहीं मंनदा। इह जन-साधारन दे कलिआण लई नहीं बणिआ। इक विशेश वरग नें आपणे हित्तां दी राखी अते आम लोकां नूं ग़ुलाम बणाई रख्खण लई इस नूं घड़िआ है। कानूंन मत्था देख के टिक्का कढ्ढदा है। रिकशे वालिआं दा पंज-पंज रुपए दा जूआ खेडणा जुरम है, कलब्बां विच लख्खां दा जूआ खेडणा जाइज़ है। ढिड्ड धाफड़न लई झौंपड़ी विच सरीर वेचणा जुरम है, पंज तारा होटलां विच हम-बिसतर होणा जाइज़ है। दस्स, जिस जुरम विच तैनूं सज़ा होई है, की उह तूं कीता है? जिस जुरम विच मैनूं सज़ा होई है, की मैं उह कीता है? कोई विअकती मुजरम आपणी मरज़ी नाल नहीं बणदा। प्रसथितीआं उस नूं मुजरम बणाउंदीआं हन। सरकार दा मुढ्ढला फ़रज़ भैड़ीआं प्रसथितीआं नूं बणन तों रोकणा है। जदों सरकार आपणे फ़रज़ां तों भटकी होई है तां प्रसथितीआं विच घिरे लोकां नें कुराहे पैणा ही है। मैं उहनां नूं उने कसूरवार नहीं मंनदा, जिंना साडा कानूंन मंनदा है। इस समें मैं कानूंन बदलण दी मंग नहीं कर रिहा। चंगा-माड़ा जो कानूंन है, उसे नूं लागू कराउण दा यतन कर रिहा हां। आपणे माड़े कंम दी इह सज़ा भुगत चुक्के हन। लोड़ों वध्ध इहनां नूं जेल्ह विच डक्की रख्खण दा किसे नूं अधिकार नहीं है। इहनां नूं इहनां दे हक्क मिलणे चाहीदे हन।”

शक्क दूर होण बाअद गद-गद होइआ तारा चंद होर मिहनत करन लग्गा।

 

 

28

माड़े-धीड़िआं दी बैरक विच रिहाअ होण वालिआं दी गिणती सभ तों वध्ध सी। इसे लई लीगल सैल्ल वालिआं नें आपणे कंम दी शुरूआत इसे बैरक तों कीती सी। पिछले हफ़ते छे दरख़ासतां लिखीआं गईआं सन। पंज विच कामयाबी मिल चुक्की सी। छेवीं दा की बणिआ, हुण पता लग्गणा सी। दूजी वार माड़े-धीड़िआं दी बैरक वल्ल जांदे लीगल सैल्ल वाले पूरे उतशाह विच सन।

पिछली वार सभ तों पहिलां दरख़ासत नन्ने वल्लों लिखी गई सी। उह चाकू-मार सी। नाज़ सिनमे वालिआं नें कुड़ीआं-कतरीआं नाल छेड़-छाड़ करन वालिआं नूं सबक सिखाउण लई उस नूं आपणे कोल रख्खिआ होइआ सी। इवज़ विच उह उस नूं टिकटां बलैक विच वेचण दी खुल्ल्ह दिंदे सन। कदे फ़िलम माड़ी लग्गी होवे अते गाहक घट्ट पैंदा होवे तां नशा-पत्ता पूरा करन लई उह इक-अध्ध जेब साफ़ कर लिआ करदा सी। इस वार उस नें फ़िलम देखण आए इक मुंडे दी जेब विच हत्थ पाइआ सी। मुंडे नूं भिणक पै गई। उस नें नन्ने नूं रंगे हत्थीं फड़ लिआ। बचाअ लई नन्ने नें मुंडे दे ढिड्ड वल्ल चाकू दा वार कीता। मुंडे नें वार हत्थां ’ते रोक लिआ। पुलिस नें इरादा कतल दा मुकद्दमा दरज कर के उस नूं ग्रिफ़तार कर लिआ।

मालक नन्ने नाल ग़्से सन। उस नें गाहक ’ते चाकू दा वार कर के सिनेमा मालकां दी बदनामी करवाई सी। इस तरहां गाहकी ’ते असर पैंदा सी। आपणा असर-रसूख़ वरत के उहनां नें इरादा कतल दी दफ़ा तुड़वा दित्ती। फेर वी पुलिस नें जेब कट्टण दा यतन करन अते बिनां मतलब सट्टां मारन दे जुरम विच उस विरुध्ध दोश-पत्तर दाख़ल कर दित्ता।

अजिही किसम दा नन्ने ’ते इह अठ्ठवां मुकद्दमा सी। चार विच सज़ा भुगत चुक्का सी। चार विच पेशीआं भुगतदा सी। अदालत अते कानूंन दा जिवें उस नूं कोई डर नहीं सी। ज़मानत ’ते रिहाअ हुंदे ही नवीं वारदात कर दिंदा सी। खिझे जज्ज नें उस नूं ज़मानत देणों नांह कर दित्ती। खिझे मालकां नें उस दी पैरवाई करनी छड्ड दित्ती।

दो साल मुदई्ई गवाही देण नां आइआ। फेर थाणेदार बाहरले मुलक चला गिआ। जेल्ह दीआं रोटीआं भंनदा नन्ना साढे तिंन साल तों फ़ैसला उडीक रिहा सी।

नन्ने उपर भावें पंज मुकद्दमे चल्लदे सन, पर किसे जुरम विच वी सज़ा तिंन साल तों वध्ध नहीं सी। रिहाअ होणा उस दा कानूंनी हक्क सी।

फ़ौजदारी ज़ाबते दीआं धारवां अते सुपरीम कोरट दे फ़ैसलिआं नूं आधार बणा के जदों दरख़ासत लिखी गई तां तारा चंद झट्ट समझ गिआ कि कोई माई दा लाल इस दरख़ासत नूं रद्द नहीं कर सकदा।

नन्ने वल्लों इक दरख़ासत महीना पहिलां वी लिखी गई सी। उह दरख़ासत तारा चंद नें चीफ़ वारडर दे कहिण ’ते लिखी सी। उहो घिसे-पिटे बहाने लाए सन, “मैं घर विच इकल्ला कमाऊ-पत्त हां। मेरे मां-बाप बुढ्ढे हन। मैं बीमार रहिंदा हां।” आदि। हुण तारा चंद नूं समझ आई। इह दरख़ासत चीफ़ नें नन्ने लई नहीं, आपणे फ़ाइदे लई लिखाई सी। नन्ने कोलों उस नें पंजाह रुपए बटोरे सन। चाली आप रख्खे सन, दस तारा चंद नूं दित्ते सन।

ताहीउं पिछली वार नन्ना तारा चंद दे हत्थ विच काग़ज़ां वाला लिफ़ाफ़ा फड़िआ देख के भड़क उठिआ सी, “तुसीं इस मासटर नूं फेर फड़ लिआंदा। मेरे कोल पंजाह रुपए नहीं हन। तुसीं सारे चोर हो। मैं इक-इक करके मसां पंजाह रुपए जोड़दा हां। बहाने नाल तुसीं झट्ट रुपए ठग्ग लैंदे हो। मैनूं पता है, मेरी रिहाई नहीं होणी। मैनूं रिहाई दी ज़रूरत नहीं।”

नन्ने दी खब्बी अख्ख पत्थर दी सी। उस पत्थर उपर नन्ने दे ग़ुस्से दा कोई असर नां होइआ। सबूती अख्ख अग्ग बरसाउण लग्गी। किसे लड़ाई विच नन्ने दा मत्था ज़ख़मी हो गिआ सी। थां-थां टांकिआं नें सथाई तिऊड़ीआं दा रूप धार रख्खिआ सी। ख़ून दे वधे दौरे कारन उह तिऊड़ीआं आकड़ गईआं। टुट्टे जबाड़े दी कंपन नें उस दी शकल नूं होर डराउणा बणा दिता।

“मेरी ख़ैर नहीं।” सोचदे तारा चंद दीआं लत्तां कंबण लग्गीआं।

“भैण दिआ यारा, इह लीगल सैल्ल वाले हन। कोई पैसा नहीं लैणगे। जदों मैं कल्ल्ह भकाई कीती सी, उदों तूं कित्थे सी?”

नन्ने दे विवहार ’ते खिझिआ सहाइक दरोग़ा झई लै के पिआ।

“कोई नहीं। इस विच इस दा कोई कसूर नहीं। दरख़ासतां दे वार-वार रद्द होण कारन इस दा विशवास उठिआ होइआ है। मैं आपे संभाल लवांगा।”

आखदे हाकम नें सहाइक दरोग़े दे नन्ने दे मौरां वल्ल वधदे डंडे नूं रोक लिआसी।

पहिलां तारा चंद नूं आपणी तीह-तीह रुपए रोज़ दी कमाई ’ते ख़ुशी हुंदी सी। उस दिन तों उस नूं अजिही कमाई तों गलिआनी होण लग्गी सी।

अज्ज माड़े-धीड़िआं दी बैरक वल्ल जांदा तारा चंद डर रिहा सी। किधरे किसे होर नन्ने नाल वाह नां पै जावे। उंझ अज्ज उह जेब विच कुझ रुपए पा के लिआइआ सी। नवें नन्ने नाल वाह पैण ’ते पैसे वापस करन दा मन बणा के आइआ सी।

दूजी दरख़ासत झोटिआं दे भेड़ विच आए रामू चाह वाले अते लंबू रिकशे वाले दी सी।

इक साल पहिलां रामा नंद हसपताल दे पैरा-मैडीकल सटाफ़ नें हड़ताल कीती सी। सटाफ़ दा कहिणा सी कि हसपताल दी तरक्की विच उहनां दा योगदान वी ओना ही है जिंना डाकटरां दा। डाकटरां वांग उहनां तों कुआरटरां दे किराए नां लए जाण, बिजली पाणी मुफ़त दित्ती जावे। सटाफ़ दे परिवार दे मैंबरां नूं डाकटरी सहाइता मुफ़त दित्ती जावे। डाकटरां वांग उहनां नूं हसपताल विच हुंदे टैसटां विचों कमिशन दित्ता जावे।

मैनेजमैंट कहिंदी सी कि सटाफ़ आपणी औकात नूं पहिचाणे। कुत्ता जे गड्डे हेठ वड़ जावे तां इस दा मतलब इह नहीं हुंदा कि गड्डा उसे दे सहारे चल्ल रिहा है। जे दिल्ली दख्खण तों मरीज़ इस हसपताल विच इलाज कराउण आउंदे हन तां इस दा कारन सटाफ़ दी काबलीअत नहीं, डाकटरां दी मुहारत है। सटाफ़ वाले दूजे प्राईवेट हसपताल दे सटाफ़ नूं मिलदीआं सहूलतां ’ते नज़र मारन। उहनां दीआं तनख़ाहां अध्धीआं हन, कंम करन दे घंटे डिउड़े। जे सिर दुखदे दी गोली खाणी पवे तां उहनां नूं पूरी कीमत चुकाउणी पैंदी है। सटाफ़ चुप्प कर के मौजां माणदा रहे।

तकरार वधदा-वधदा हड़ताल तक पुज्ज गिआ। हड़ताल दा असर हसपताल दी आमदन अते मशहूरी उप्पर होण लग्गा। नवें मरीज़ आउणों हट गए। पुराणे होर हसपतालां विच जाण दी सोचण लग्गे। मौका संभालण दे इरादे नाल मैनेजमैंट झुकण लग्गी। कुझ मंगां मंनण लई सहिमत होण लग्गी। यूनीअन दे अनाड़ी नेता चांभल गए। कहिंदे पूरीआं मंगां मंनवा के हड़ातल वापस लवांगे।

मैनेजमैंट नूं सहे नालों पहे दा फ़िकर होण लग्गा। इंझ यूनीअन तकड़ी हो जावेगी। आए दिन धमकीआं दिआ करेगी। सूलां दे जंमदीआं दे मूंह मोड़ देणे चाहीदे हन। सोच के मैनेजमैंट नें उच्च पुलिस अधिकारीआं नाल गल्ल कीती, “असीं तुहाडे कुत्ते-बिल्लीआं तक दा मुफ़त इलाज करदे हां। हुण सानूं लोड़ पई है। साडी मदद करो।”

खाधे नमक दा बदला चुकाउण लई पुलिस हरकत विच आ गई। धरने ’ते बैठे नेतावां नूं जबरी चुक्कण अते जेल्हां विच सुट्टण दी योजना बण गई। पुलिस दे इस मनसूबे दी भिणक यूनीअन वालिआं नूं पै गई। उहनां नें पुलिस दा डट के मुकाबला करन दा मन बणा लिआ।

पुलिस नूं इंनी उमीद नहीं सी। डिपटी दी कमांड हेठ इक छोटी जिही पुलिस टुकड़ी धरना उठाउण गई सी। नेतावां नाल खिच्च-धूह करदी पुलिस नूं लुक के बैठे वरकर पै निकले। हत्थो-पाई विच कुझ पुलिस वालिआं दीआं पग्गां लहि गईआं, कुझ नूं झरीटां वज्जीआं। डिपटी दरी विच फस के ज़मीन ’ते डिग्ग पिआ। सरीर भारा होण कारन खड़ा होण नूं देर लग्ग गई। इंने विच पत्तरकारां नें उस दी डिग्गे होए दी फ़ोटो खिच्च लई। इक नरस नें इक लेडी कांसटेबल दी गुत्त फड़ लई। इक चुसत कैमरामैन नें उह द्रिश वी कैमरे विच कैद कर लिआ।

वध्ध ग़ुस्सा पुलिस नूं ख़ाली हत्थ मुड़न ’ते चहड़िआ।

उच्च अधिकारीआं नें फेर मीटिंग कीती। “बेइज़्ज़ती दा तुरंत बदला लिआ जावे। पुलिस नूं हत्थ पाउण वाले वरकरां दे नाल-नाल पत्तरकारां नूं सबक सिखाइआ जावे।” इह फ़ैसला लिआ गिआ।

सारे ज़िल्हे दी पुलिस इकठ्ठी कीती गई। हसपताल नूं चारे पासिआं तों घेरिआ गिआ। फेर हसपताल ’ते इउं हमला होइआ जिवें दुशमण दे किल्हे ’ते हुंदा है। रसते विच राहगीर, विदिआरथी, मरीज़ जां रिकशे रेहड़ी वाला जो मिलिआ, उस नूं कुटापा चाहड़िआ गिआ। रेहड़ीआं, रिकशिआं, कारां अते सकूटरां दी भंन-तोड़ कीती गई।

टिड्डी दल वांग चहड़ी आउंदी पुलिस नूं देख के वरकरां विच भगदड़ मच्च गई। जान बचाउण लई कोई फ़लश्श विच वड़ गिआ, कोई काऊंटर हेठ छुप गिआ। पुलिस नें दरवाज़े खिड़कीआं तोड़ के सभ नूं बाहर कढ्ढ लिआ। मार-कुटाई तों बचण लई कुझ वरकर छत्त ’ते जा चहड़े अते कुझ दरख़्ख़तां ‘ते। पुलिस नूं छत्त ’ते चहड़दी देख के कुझ नें छत्तां तों छालां मार दित्तीआं। कोई बिजली दीआं तारां विच फस गिआ, कोई रौशनदान विच। पत्तरकारां नें फेर पहिल कीती। छत्तां तों छालां मारदे, तारां ’च फसे अते पुलिस दे डंडे खांदे लोकां दीआं तसवीरां खिच्च लईआं।

हत्थ आए लोकां नूं पहिलां पुलिस नें हसपताल विच कुट्टिआ। फेर उहनां वरकरां दी शनाख़त कीती गई, जिनहां नें पुलिस दी दाहड़ी पुट्टी सी। थाणे उहनां नूं मुड़ बेइज़्ज़त कीता गिआ। फेर पुलिस नूं आपणी डिऊटी करन तों रोकण अते सरकारी करमचारीआं उपर जानलेवा हमला करन दे दोश विच ग्रिफ़तार कर के उहनां नूं जेल्ह भेजिआ गिआ।

फट्टड़ होण कारन कुझ वरकरां नूं हसपतालां विच दाख़ल होणा पिआ। कुझ जेल्ह पुज्ज गए। दहिशत कारन बाकी भूमीगत हो गए। हड़ताल असफ़ल हो गई। आरज़ी वरकर कंम ’ते मुड़न लग्गे।

अगले ही दिन मैनेजमैंट दी ख़ुशी ग़म विच बदल गई। अख़बारां वालिआं नें बणी-बणाई खेड विगाड़ दित्ती। पुलिस वल्लों वरकरां उपर होए अत्तिआचार दीआं तसवीरां अख़बारां विच छप गईआं। सारे देश विच हाहाकार मच्च गई। किसे तसवीर विच किसे औरत वरकर नूं नंगा कीता जा रिहा सी, किसे विच बूटां हेठ लताड़िआ जा रिहा सी। पत्तरकारां नें उहनां फट्टड़ लोकां दे नां-पते वी छापे, जिनहां दा नां सटाफ़ नाल कोई संबंध सी, नां मैनेजमैंट नाल।

मनुख्खी अधिकार संसथावां नें जदों इह मामला उठाइआ तां मैनेजमैंट दे नाल पुलिस वी मोम वांग नरम हो गई। सरकार दी हदाइत ’ते ज़िल्हा प्रशासन अते शहिर दे पतवंतिआं नें दख़ल दित्ता। दो मीटिंगां विच समझौता हो गिआ। ‘जो मिलिआ उहो ग़नीमत’ समझ के वरकर कंम ’ते आउण लई राज़ी हो गए।

हड़ताल कारन हसपताल छड्ड के गए मरीज़ां दे मुड़न दी रफ़तार तेज़ हो गई, पर वरकरां दे कंम ’ते मुड़न दी रफ़तार मठ्ठी रही। मैनेजमैंट नूं फ़िकर होइआ, पूरे सटाफ़ बिनां हसपताल किस तरहां चल्लेगा? भूमीगत नेतावां नूं फ़िकर होइआ कि आपणे नेतावां नूं जेल्हां विच सड़दे छड्ड के किहड़े मूंह उह कंम ’ते मुड़नगे।

मैनेजमैंट अते वरकरां विचकार इक वार फेर मीटिंग होई। मैनेजमैंट नें वाअदा कीता कि उह तुरंत जेल्ह बैठे वरकरां नूं छुडाएगी।

पुलिस अधिकारीआं दा ग़स्सा हाले ठंढा नहीं सी होइआ। वरकरां हत्थों कुट्ट खांदी पुलिस दीआं तसवीरां लगभग हर अख़बार नें वड्डे-वड्डे हाशीए ला के छापीआं सन। लोकां दी यादाशत हाले मठ्ठी नहीं सी पई। वरकरां दी झटपट रिहाई करवा के पुलिस आपणे मुलाज़मां दा मनोबल डेगण लई तिआर नहीं सी।

पुलिस केस वापस लैण तों आना-कानी करन लग्गी।

खिझी मैनेजमैंट नें मुख्ख मंतरी नाल गल्ल कीती।

मुख्ख मंतरी दी हदाइत ’ते पुलिस अते मैनेजमैंट विचकार इक वार फेर मीटिंग होई। मैनेजमैंट नें पुलिस नूं यकीन दिवाइआ, “शरारती अनसर साडीआं अख्खां विच वी रड़कदे हन। असीं मौका संभालणा है। हालात ठीक हुंदिआं ही सभ नाल नजिठ्ठणा है। तुसीं कुझ महीने लई मिसल नूं ठंढे बसते विच पा देवो। फेर भावें दोश-पत्तर तिआर कर के अदालत विच दे देणा। मैनेजमैंट कोई गिला करन दी थां तुहाडा साथ देवेगी।”

सोच विचार बाअद इक राह लभ्भिआ गिआ। ग़लती नाल पुलिस नें कुझ आम लोकां नूं फड़ रख्खिआ सी। आपणा वक्कार रख्खण लई पुलिस उहनां विरुध्ध आपणा सकंजा कस्सी रख्खेगी। वरकर रिहाअ होण, इस लई गवाहां दे बिआनां विच रद्दो-बदल करेगी।

मैनेजमैंट नें गवाहां नाल संपरक कीता। उहनां तों हलफ़ीआ बिआन लए, “वारदात समें उह मौके ’ते हाज़र नहीं सन।”

मैनेजमैंट नें वकील नूं हदाइत कीती, “तुसीं यूनीअन दे वकीलां दी मदद करो। वध्ध तों वध्ध वरकर रिहाअ कराओ।”

योजना सिरे चहड़न लग्गी। इक-इक कर के वरकर रिहाअ होण लग्गे।

पहिलां यूनीअन वालिआं नें आम लोकां नूं यकीन दिवाइआ सी कि  उहनां दा मुकद्दमा मुफ़त विच लड़िआ जावेगा।

बदले हालातां विच यूनीअन नूं उहनां दा ख़िआल भुल्ल गिआ।

रिकशे रेहड़ीआं वाले यूनीअन दे मैंबर नहीं सन। मुकद्दमे दी पैरवाई लई वकील उहनां कोलों फ़ीसां मंगण लग्गे।

जिनहां दा हत्थ सुखाला सी, उहनां नें आपणे वकील खड़े कीते, ज़मानतां भरीआं अते रिहाअ हो गए।

पिछ्छे रहि गए लंबू अते रामू वरगे मलंग।

रामू रिकशा चलाउंदा सी। सवारी दी उडीक हसपताल दे बाहर खहड़ के करदा सी। उस अभागे दिन उह मरीज़ दा सामान लैण हसपताल अंदर चलिआ गिआ सी। रसते विच ही मांजिआ गिआ।

लंबू हसपताल दे बाहर इक दरख़्ख़त हेठ चाह दी रेहड़ी लाउंदा सी। दरिआ दे तेज़ वहाअ वांग आई पुलिस दी लपेट विच उस दी रेहड़ी आ गई सी। पुलिस नें उस दी रेहड़ी दा वी कबाड़ बणा दित्ता अते उस दे सरीर दा वी।

दो दिन करफ़िऊ वरगे हालात बणे रहे। जिथे जिस दी पग्ग पई सी, पई रही। जिथे किसे दी जुत्ती लटकी सी, लटकी रही। लंबू दी टुट्टी रेहड़ी अते रामू दे रिकशेदीआं तसवीरां अख़बारां विच छपीआं सन। उहलां दी ढारस बझ्झी कि सामान सुरख्खिअतहै।

कुझ दिनां बाअद कारपोरेशन वाले आए अते लावारस सामान चुक्क के लै गए। रामू नें रिकशा किराए ’ते लिआ होइआ सी। मालक कमेटी गिआ, जुरमाना भरिआ अते रिकशा छुडा लिआइआ। फेर उह मुलाकात लई जेल्ह आइआ। रामू दे पंज सौ रुपए बतौर ज़मानत जमहां सन। उह कट्ट के रामू वल्ल पंज सौ होर कढ्ढिआ। परनोट ’ते दसतख़त कराए अते चला गिआ।

लंबू उस नालों ख़ुशकिसमत सी। रेहड़ी उस दी आपणी सी। अठ्ठ सालां दी मिहनत बाअद मसां बणाई सी। सटोव, पतीला अते होर निक्क-सुक्क उस नें किशतां ’ते लिआ होइआ सी। लंबू दे साथी रेहड़ी छुडाउण कमेटी गए। जुरमाने दी रकम रेहड़ी दे कबाड़ नालों वध्ध बणदी सी। बाकी दा सामान उथे जमहां नहीं सी। सबर दा घुट्ट भर के उह वापस आ गए।

पेशी भुगतण गए लंबू दा मालक कचहिरी मिलण आइआ। हिसाब-किताब कर के दो हज़ार उस वल्ल कढ्ढ गिआ।

रामू अते लंबू वरगे उहनां दे साथी सन। दस-दस, वीह-वीह फड़ के पहिलां दो-तिंन सौ रुपए इकठ्ठे करदे, फिर मित्तरां नूं रिहाअ कराउण दी आस नाल कचहिरी जांदे। टाऊट उहनां नूं रसते विच ही घेर लैंदे। उहनां दी बच्चत कदे किसे मुनशी दे ढिड्ड विच समा जांदी अते कदे किसे टाईपिसट दे। दरख़ासत जज्ज तक पुज्जण तों पहिलां उह मलंग हो जांदे।

इसे खिच्च-धूह विच साल लंघ गिआ।

पिछले हफ़ते जेल्ह अधिकारीआं वल्लों ऐलान होइआ सी। लोड़वंद कैदीआं नूं सरकार वल्लों मुफ़त कानूंनी सहाइता दित्ती जाएगी।

इह ऐलान सुण के रामू होरां दीआं अख्खां विच आस दी जोत जगी सी, पर जिउं ही उहनां नूं पता लग्गा कि उहनां दे हत्थ विच फड़ाई दरख़ासत विच उहनांनूं ज़मानत ’ते रिहाअ करन दी अरज़ी दरज है तां झट्ट उहनां दी आस दी जोत बुझगई।

इह हुकम इक भलेमाणस जज्ज नें छे महीने पहिलां कर दित्ता सी।

इस मुकद्दमे विच पुलिस नें अठाई बंदे फड़े सन। कोई नां कोई हीला कर के छब्बी रिहाअ हो चुक्के सन। मैजसिट्रेट नूं इहनां ’ते तरस आइआ। बिनां किसे अरज़ी-पत्तर दे उस नें उहनां नूं ज़मानत ’ते छड्डण दा हुकम दे दित्ता।

रामू होरां दे साथी भज्जे-भज्जे कचहिरी गए। जदों पता लग्गा कि परवासी दोशीआं दे जामनां दा सथानक होणा वी ज़रूरी है अते मोटीआं ज़मीनां जाइदादां वाला वी तां उहनां दे रंग विच भंग पै गिआ। घर-बार छड्डी उह पहिलां ही प्रदेसां विच बैठे होए सन। उहनां दे साथी संगी फुट्टपाथां अते रिकशे-रेहड़ीआं ’ते सौण वाले सन। उहनां नें कदे दस हज़ार दा मालक बणन दा सुपना नहीं लिआ। उह वड्डीआं जाइदादां नूं ख़तरे विच नहीं सन पा सकदे। कई महीने दर-दर दीआं ठोकरां खाण बाअद वी उह कोई ज़मानतीआ खड़ा नहीं सन कर सके।

फेर किसे नें सलाह दित्ती। कचहिरी विच अजिहे कई खोखे हन, जिनहां विच ज़मानतीआं दी डार बैठदी है। उहनां कोल कोठीआं दीआं रजिसटरीआं वी हुंदीआं हन अते ज़मीनां दीआं जमहांबंदीआं वी। गवाही पाउण लई नंबरदार वी अते मैंबर पंचाइत वी। लंबू होरां दे साथी खोखिआं विच गए। किसे नें दस हज़ार फ़ी बंदा मंगिआ, किसे नें अठ्ठ हज़ार। हज़ार-पंदरां सौ दी पेशकश सुण के ज़ामन इउं छाल मार के दौड़ जांदे, जिवें सप्प नें डसिआ होवे। हुण तक हार के सभ घर बैठ चुक्के सन। रामू होरां नूं हुकम नहीं, ज़ामन चाहीदा सी।

“हुकम साडे कोल है। जे दे सकदे हो तां ज़ामन दिउ।” दरख़ासत फड़न तों बाअद आना-कानी करदे रामू नें आखिआ।

“दिल किउं छड्डदा हैं। इह अरज़ी पहड़न बाअद मैजसिट्रेट तेरे कोलों ज़ामन नहीं मंगेगा। तैनूं तेरी निज्जी ज़मानत उपर छड्ड देवेगा।”

हाकम नें रामू दी पिठ्ठ थापड़ के आखिआ सी ते सच्चमुच्च पेशी भुगतण आए रामू होरां दी थां उहनां दी रिहाई दे हुकम आए सन।

 

 

लीगल सैल्ल आपणे कंम ’ते नज़र रख्ख रिहा सी। नतीजे उतशाह जनक आ रहे सन। अदालत दे पूरन सहियोग कारन सारीआं दरख़ासतां मनज़ूर हो रहीआं सन।

बैरक वल्ल जांदे तारा चंद नूं शीबू बारे जानण दी उबलचित्ती लग्गी होई सी।

अज्ज उह पेशी भुगतण गिआ सी। शीबू इस बैरक विच सभ तों पुराणा बशिंदा सी। उस उपर आपणे साथीआं नाल मिल के इक रेल मुसाफ़र दा सूटकेस चोरी करन दा दोश सी। पुलिस नें इह दोश वी लाइआ सी कि सूटकेस विचों निकलिआ सामान सभ नें बराबर वंडिआ सी। शीबू दे हिस्से पंज सौ रुपिआ अते इक कुड़ता-पजामा आइआ सी। उस दे साथीआं कोलों नकदी अते होर सामान बरामद होइआ सी।

शीबू हवालाती सी। उसनूं कैदीआं वाली वरदी नहीं सी मिलदी। जिनहां कप्पड़िआं विच उह फड़िआ गिआ सी, उह कदों दे घस गए सन। उस नूं नंगेज ढक्कणा मुशकिल होइआ पिआ सी। उस दी बैरक विच उसे वरगे नंग-मलंग बंदे सन। किसे दी मुठ्ठीचापी कर के, किसे दे हिस्से दी मुशक्कत कर के पैसे कमाउण दा सबब्ब नहीं सी बणदा।

ग़ुरबत तों तंग आए शीबू नूं देख के इक कैदी नें नाले उस नूं कुझ रुपए दित्ते, नाले सलाह।

“हर पेशी ’ते गिआ, जज्ज नूं इक दरख़ासत दिआ कर। रिहाई अते केस दे जलदी निपटारे दी दुहाई पाइआ कर।”

जेल्ह विचों अरज़ी लिखाउण दी शीबू दी हिंमत नहीं सी, पर उह हिंमत हारन वाला वी नहीं सी। कचहिरी जा के कदे उह किसे पहड़े-लिखे कैदी दी मिंनत करदा, कदे किसे मुनशी दे हाड़े कढ्ढदा। कितों नां कितों दरख़ासत लिखवा के उह जज्ज अग्गे ज़रूर रख्खदा।

कदे जज्ज भज्ज के पैंदा, “मेरे कोल चार हज़ार केस नें। तेरे लई मैं विहला हां।”

कदे मूड ठीक हंदा तां “अगली वारी नबेड़ देवांगे।” दा लारा लाउंदा।

शीबू दरख़ासतां दे-दे हंभ चुक्का सी।

उस नूं लग्गा लीगल सैल्ल वाली दरख़ासत दा वी इहो हशर होणा है।

शीबू नें दरख़ासत फड़ी, फाड़ी अते टोटे हवा विच खिलारदा आपणे खड्डे वल्ल तुर पिआ।

हाकम शीबू कोल जा के उस नूं पिआर नाल समझाउण लग्गा, “तेरे जुरम दी सज़ा तिंन साल है। तूं इक साल वध्ध सज़ा कट्टी बैठा हैं। बिनां सिर-पैर वाली अरज़ी देण दा कोई लाभ नहीं हंदा। तैनूं जेल्ह ’च डक्की रख्खणा ग़ैर-कानूंनी है। मेरी मंन इक वारा दरख़ासत दे के देख।”

“मैं ग़रीब हां, मेरी कोई नहीं सुणदा।” आख के भुब्बां मारदा शीबू, नन्ना फड़ के बैठ गिआ।

नन्ना, रामू ते लंबू सभ रिहाअ हो चुक्के सन। बाग़ी शीबू दा की बणिआ? तारा चंद इह जाणन लई काहला सी।

बैरक विच वड़दिआं ही तारा चंद नें सहाइक दरोग़े कोलों इहो प्छिआ।

“उह हराम दा बड़ा चुसत निकलिआ। नन्ने होरां दे रिहाअ होण बाअद उस नूं आपणी ग़लती दा अहिसास होइआ। दो दिन उह साडीआं मिंनतां करदा रिहा। मैनूं नवीं दरख़ासत लिखवा के दिउ। मैं पैरां ’ते पाणी नहीं पैण दित्ता। पेशी भुगतण गए नें पता नहीं की जादू मारिआ। किसे कोलों दरख़ासत लिखवा के जज्ज दे पेश कर दित्ती। जज्ज नें झट्ट मनज़ूर कर दित्ती। साला सामान लैण बैरक विच वी नहीं आइआ। डिउढी विचों ही पत्तरा वाच गिआ।”

“सामान विच किहड़ा लूलां पईआं सन।” सोचदे अते ख़ुशी विच झूमदे तारा चंद नें कुरसी ’ते बैठे हाकम वल्ल तक्किआ।

काग़ज़ां दी घोख विच खुभे हाकम नूं देख के उस पंज सौ साल पहिलां जेल्ह ’च चक्की पीसदे बाबा नानक दी याद आई।

“धंन हैं तूं बाबा। तूं माड़े बंदिआं नूं हक्क दिवा ही नहीं रिहा, उहनां नूं हक्क खोहण योग वी बणा रिहैं।”

फेर मन ही मन तारा चंद नें हाकम अग्गे सिर झुकाइआ।

 

 

29

बाकी बैरकां विच छत्ती प्रकार दे भोजन आउंदे रहिंदे सन। नंगां दी बैरक विच लड्डूआं दी पंसेरी पहिली वारी आई सी।

ख़ुशीआं दी इह पंड बैंक विचों पैसे कढाउण गिआ नंद फ़ौजी लै के आइआसी।

बैरक दा दो-तिहाई हिस्सा लीगल सैल्ल वालिआं दी हिंमत कारन ख़ाली हो चुक्का सी। जो बाकी बचदे सन, उहनां दे चिहरे खिले होए सन। रिहाई भावें नहीं सी हो रही पर इनसाफ़ मिलण लग्गा सी।

अज्ज सैल्ल वालिआं दी इस बैरक विच आउण दी वारी सी। कुझ कैदीआं नें  उहनां कोल आपणे दख्खड़े रोणे सन। कुझ नें ख़ुशीआं सांझीआं करनीआं शन।

ख़ुशीआं सांझीआं करन वालिआं विचों फ़ौजी इक सी।

फ़ौजी सरकारी रैसट हाऊस दा चौकीदार सी। उस उपर अफ़सर नाल आई इक जवान नौकराणी नाल बलातकार करन दा दोश सी। दोश सच्चा जी जां झूठा, हाल दी घड़ी इह मसला नहीं सी। उह नवीं किसम दी समस्सिआ नाल घिरिआ होइआ सी। चौकीदार लग्गण तों दो महीने पहिलां ही उह फ़ौज विचों रिटाइर होइआ सी। उस दी पैनशन बैंक विच जमहां हंदी सी। ख़रचे लई उस नूं पैसा चाहीदा सी। पिछली वार चैक्क उस नें आपणे वकील नूं दित्ता सी। फ़ीस दा बकाइआ आख के विचों पंदरां सौ उस नें रख्ख लिआ सी। पंज सौ उस दे पल्ले पिआ सी। भरजाई वकील नालों वध्ध लालची सी। पैनशन दे बैंक विच जमहां होण दी भिणक पैंदिआं ही उह जेल्ह दे चक्कर कट्टण लग्गदी सी। कदे उस नूं पैसे भतीजे दी फ़ीस भरन लई चाहीदे हुंदे सन, कदे भतीजी दी जुत्ती ख़रीदण लई। छड़ा होण कारन भरजाई नाल फ़ौजी नूं तिहु सी। कदे उस नूं ख़ाली हत्थ नहीं सी मोड़िआ, पर इक गिला ज़रूर सी। फ़ौजी पंज सौ मंगवाउंदा, उह सौ भेजदी।

आपणी नौकरी दौरान फ़ौजी बहुता समां बरफ़ीलीआं पहाड़ीआं उपर ताइनात रिहा सी। उस नूं रम्म पीण दी लत पई होई सी। कदे-कदे मावा वी ला लैंदा सी। इह चीज़ां जेल्ह विच मिलदीआं सन, पर बहुत महिंगीआं। पैसे दी तोट कारन फ़ौजी औखा सी।

अक्के फ़ौजी नें फ़ैसला कीता सी कि अग्गों तों उह किसे नूं दुआनी नहीं देवेगा। सारी पैनशन जेल्ह विच मंगवाएगा। फेर गुलशरे उडाएगा। सही सलामत सारी रकम जेल्ह किस तरहां पुज्जे, उह इस समस्सिआ नाल घिरिआ होइआ सी।

हल्ल सुलझाउण तों पहिलां हाकम नें फ़ौजी कोलों इह बचन लिआ सी अध्धी रकम उह भतीजे-भतीजीआं लई छड्डेगा, अध्धी जेल्ह मंगवाएगा।

फ़ौजी वल्लों इक दरख़ासत लिखी गई, “मैनूं बैंक जा के पैसे कढवाउण दी इजाज़त दित्ती जावे।” दरख़ासत मनज़ूर हो गई।

फ़ौजी नूं पहिली वार आपणे पैसे आपणी मरज़ी नाल ख़रचण दी खुल्ल्ह मिली सी। आपणी इह ख़ुशी उह हाकम अते साथी कैदीआं नाल सांझी करना चाहुंदा सी।

लड्डूआं दी ख़ुशबू नें बैरक दे माहौल नूं ख़ुशबूदार बणा रख्खिआ सी। हर इक नूं मूंह मिठ्ठा करन दी आस सी। कैदीआं तों मूंह विच आइआ पाणी काबू नहीं सी हो रिहा। आने-बहाने उह लड्डूआं वाले लिफ़ाफ़े दुआले भिणकण लग्गदे।

पर फ़ौजी दा सख़त हुकम सी कि इह लड़ाई उस नें आपणे कपतान हाकम सिंघ दी किरपा नाल जित्ती सी। जशन दा आरंभ हाकम दे मूंह मिठ्ठा करन बाअद होणा सी।

दुखू भईए कोल लड्डू लिआउण जोगे पैसे नहीं सन। उंझ उह फ़ौजी नालों वध्ध ख़ुश सी अते आपणी ख़ुशी दा प्रगटावा ज़ोर-शोर नाल करना चाहुंदा सी।

दुखू दी अपील मनज़ूर हो चुक्की सी। कल्ल्ह नूं उस नें बरी हो जाणा सी। उस नूं वीह बोतलां नाजाइज़ शराब रख्खण दे दोश विच इक साल दी कैद अते पंज हज़ार रुपए जुरमाना होइआ सी।

रोज़ी-रोटी दी तलाश विच उत्तर प्रदेश दे ज़िल्हा जौनपुर तों आइआ दुखू सरदारां दे फ़ारम ’ते कंम करदा सी। पोते दी सालगिराह मनाउण लई वड्डे सरदार नें मित्तरां नूं मोटर ’ते बुलाइआ सी। इक भईए नूं मीट रिंनहण ला के दुखू नूं गुआंढी पिंड भजाइआ सी।

राह विच छापा पै गिआ। मोटर दी थां सणे केनी उह थाणे पुज्ज गिआ।

पुलिस नें जे आपणे तौर ’ते फड़िआ हुंदा तां हेठ-उतांह कर के छड्ड दिंदे,परमुख़बरी सरदारां दे दुशमणां नें कीती सी। उह रंग विच भंग पाउणा चाहुंदेसन।

सरदार दे दुखू नूं छुडाउण दे यतन असफ़ल हो गए। पुलिस नें दाअवा कीता, “महीने दे अंदर-अंदर भईए नूं छुडा दिआंगे। हाले इस नूं अंदर रहिण दिओ। फेर इकबाल करवा दिआंगे। कट्टी सज़ा जिंनी सज़ा करवा के घर लै आवांगे।”

महीने बाअद पेशी भुगतण गए दुखू नूं हौलदार नें समझाइआ, “जे जज्ज पुछ्छे तां आख देईं, शराब मेरे कोलों फड़ी गई है। बाकी कंम सरकारी वकील दा है।”

सरकारी वकील नें मौका संभालण दी थां विगाड़ दित्ता। हौलदार कहिंदा सी, ‘इक बोतल अते मुरगे नाल सर जाएगा।” सरकारी वकील पेटी तों हेठां नहीं सी उतर रिहा। कहिंदा सी, उस नूं उपरों वगार पई है।

एना ख़रचा करन तों सरदार टल गए। भईए तों साल भर मज़दूरी कर के वी पेटी दा ख़रच नहीं जुड़ना। इह वी नहीं पता कि बाहर निकल के देश नूं भज्ज जावे जां रौला पा के बैठ जावे। शराब सरदार नें मंगवाई सी, ‘ख़रचा उहो करन’ दी मंग रख्ख देवे।

जदों सौदा सिरे नां चहड़िआ तां सरकारी वकील मूंह मोटा कर के जज्ज दे रिटाइरिंग रूम विच जा वड़िआ। पता नहीं उस दे कंन विच की फूक मारी कि जज्ज नें उस नूं कैद अते जुरमाने दी सज़ा सुणा दित्ती।

सरदारां नें अपील करन दी कोशिश कीती। “वकील कहिंदा कि पहिलां जुरमाना भरना पएगा।” पंज हज़ार खूह-खाते पैंदा देख सरदारां नें अपील करन दा ख़िआल तिआग दित्ता। फेर भईआ वी विसार दिता।

जो कानूंनी लड़ाई सरदार नहीं सी लड़ सके, उह दुखू किस तरहां लड़ सकदा सी। उह थक्क-हार के बैठ गिआ।

दुखू अठ्ठ महीने सज़ा कट्ट चुक्का सी। ढाई-तिंन महीने दी मुआफ़ी कमा चुक्का सी। उस नूं जापदा सी कि उस दे संकट दे दिन कट्टण वाले हन, पर इक दिन जदों उस नें सहाइक दरोग़े तों हिसाब करवाइआ तां पता लग्गा कि रिहाई तों पहिलां पंज हज़ार रुपए जुरमाना भरना पैणा सी, नहीं तां छे महीने होर सज़ा कट्टणी पैणीसी।

उस दिन तों दुखू दुखी सी।

हाकम दा हत्थ पिठ्ठ ’ते टिकदिआं ही उस दी उदासी हरी गई। हाकम नें उसदेबचाअ दे कई राह लभ्भे। दोशी कोलों आपणे जुरम दा इकबाल कराउण दीकाहल विच पुलिस कुझ अहिम उपचारकतावां निभाउणा भुल्ल गई सी। उहनांनूंफड़ी शराब विचों नमूना कढ्ढणा चाहीदा सी। नमूने नूं टैसट लई माहिरां कोल भेजणा चाहीदा सी। फेर ही दुखू कोलों फड़ी चीज़ नूं नाजाइज़ शराब आखिआ जा सकदा सी।

उस दे बचाअ दा दूजा कारन उस वल्लों आपणे जुरम दा इकबाल करना सी। जुरम दे इकबाल करन दा मतलब रहिम दी झाक हुंदा है, पर जापदा सी मैजसिट्रेट सरकारी वकील दा पिछलग्ग सी। जज्ज अते सरकारी वकील दे लालची होण दी बूअ फ़ैसले विचों आउंदी सी। बस्स सैशन जज्ज नूं धिआन देण दी ज़रूरत सी।

पहिली पेशी ही सुणवाई हो गई। जज्ज नें उस नूं बरी करन दा ऐलान कर दित्ता, पर अज्ज महीने दा आख़री दिन सी। जिंनें फ़ैसले जज्ज नूं करने चाहीदे सन, उह कर चुक्का सी। नवां महीना चहड़दे ही जज्ज नें आपणे फ़ैसलिआं दा स्री गनेश दुखू नूं बरी कर के करना सी।

दख्खू आपणा बोरीआ बिसतरा बंनही बैठा सी। बस्स हाकम सिंघ दे पैरीं हत्थ लाउणा बाकी सी।

दुख्खू दीआं गल्लां सुण-सुण उहनां कैदीआं दे मूंह विच पाणी आ रिहा सी, जिनहां नें अगले हफ़ते पेशी भुगतण कचहिरी जाणा सी। उहनां दे मुकद्दमिआं नूं घोखण ही सैल्ल वालिआं नें इधर आउणा सी।

नंगां दी बैरक विच बंद सारे हवालातीआं नूं उबल-चित्ती लग्गी होई सी। कदों हाकम होरीं बैरक विच आउण, कदों भंगड़े पा के उह उहनां दा सवागत करन।

 

 

30

“लीगल सैल्ल वाले हर रोज़ चार-पंज मरद कैदी रिहाअ करवा दिंदे हन,” जदों इह ख़बर ज़नाना जेल्ह पुज्जी तां उथों मंग उठ्ठण लग्गी, “तुरंत वकील नूं साडे कोल भेजिआ जावे। साडी हालत मरद कैदीआं नालों भैड़ी है। सानूं नां सहुरे सहारदे हन नां पेके।”

ज़नाना वारड विच शीबूआं, दुखूआं दी कमी नहीं सी। उथों वी रिहाईआं होण लग्गीआं।

फेर ख़बर बरोसटल जेल्ह पुज्ज गई। बच्चिआं नूं कानूंनी सहाइता दी सभ तों वध्ध ज़रूरत सी। उह जेल्ह विच केवल इस लई बंद सन, किउंकि उहनां दा कोई वाली-वारस नहीं सी।

बच्चिआं नूं वी राहत मिलण लग्गी।

जेल्ह प्रशासन दी पहिल ’ते रिहाअ हो रहे कैदीआं दे किस्से अख़बारां विच छपण लग्गे। बिहार वांग जेल्ह अधिकारीआं ’ते चिक्कड़ सुट्टण दी थां सूबे दे अख़बार उहनां दी तारीफ़ करन लग्गे।

जेल्ह प्रशासन दी हुंदी तारीफ़ ’ते सैशन जज्ज नूं शरम आई। कैदीआं दे हक्कां दी राखी करना अदालतां दा कंम है। लोड़ नालों वध्ध समां हवालातीआं नूं जेल्ह ’च बिठा के उह इनसाफ़ दी थां बेइनसाफ़ी कर रहीआं हदूजे कतल दा पिछोकड़ वी पहिले वरगा सी। उथे झगड़ा मालक अते किराएदार दा सन। ग़लती सुधारन लई सैशन जज्ज नें अदालतां दे पुराणे बसते खुल्हाए। अजिहे कैदीआं दी बिनां दरख़ासत रिहाई होण लग्गी।

सैशन जज्ज नूं आपणी निज्जी कोताही दा अहिसास होइआ। उह हर महीने जेल्ह दा दौरा करदा सी। ‘सभ अछ्छा है’ आख के मुड़ आउंदा सी। अध्धी जेल्ह नाजाइज़ कैदीआं नाल भरी पई सी, इस तत्थ दी उस नें कदी घोख नहीं सी कीती।

इस तों पहिलां कि हाई कोरट उस दी खिचाई करे, उस नें जेल्ह अंदर लोक-अदालत लाउण दा ऐलान कर दित्ता। सारे मैजिसट्रेटां नूं हुकम होइआ। अगले तिंन दिन सुणवाई जेल्ह विच होवे। छोटे-छोटे जुरमां विच फसे दोशीआं दी मौके उपर सुणवाई अते झट्टपट्ट रिहाई होवे।

वगदी गंगा विच हत्थ धोण लई वकीलां नें मुफ़त कानूंनी सहाइता देण दा ऐलान कर दित्ता। तिंन दिनां अंदर अध्धी जेल्ह ख़ाली हो गई। सारे देश विच सूबा सरकार दी प्रसंसा होण लग्गी। होई प्रसंसा दा मुल्ल उतारन लई सूबा सरकार वल्लों इक विशेश समागम कीता गिआ। मिहनती जेल्ह अधिकारीआं नूं विशेश तरक्कीआं दे के सनमानित कीता गिआ। हाई कोरट वी पिछ्छे नहीं रही। उस वल्लों वी सैशन जज्ज नूं प्रसंसा पत्तर भेजिआ गिआ। शहिर दे पतवंतिआं नें वकीलां दी खुल्ल्ह-दिली दे सोहलेगाए।

पर इस लहिर दे बानी, इक कैदी दा नां किसे नूं वी याद नां आइआ।