31

संमती दा सारे इलाके विच पक्का जन-आधार बण चुक्का सी। इलाके विच कंम करदी हर छोटी-वड्डी संसथा दी किसे नां किसे समें संमती नें सहाइता कीती सी। वड्डे संघरशां समें किसे वी समें उहनां नूं हाक मारी जा सकदी सी।

चोणां सिर ’ते आ चुक्कीआं सन। आपणीआं भैड़ीआं कारगुज़ारीआं कारन सरकार पूरी तरहां बदनाम हो चक्की सी। सत्ताधारी पारटी दे नेतावां नूं लोकां नूं मूंह दिखाउण विच दिक्कत पेश आ रही सी। आपणे हक्क विच वोटां मंगण दा उहनां कोल कोई मुद्दा नहीं सी।

लोहा गरम सी। सरकार ’ते दबाअ पा के आपणी गल्ल मंनवाउण दा इहो वधीआ मौका सी।

संघरश संमती दा गठन पाले मीते नूं बेकसूर सिध्ध करन अते असल दोशीआं नूं ग्रिफ़तार कराउण लई होइआ सी। संमती असल कातलां दी शनाख़त कर चुक्कीसी।

पर हाले तक नां पाला मीता बरी होए सन, नां असल दोशीआं नूं फड़िआ गिआसी।

आपणे असल मुद्दे नूं पूरे ज़ोर-शोर नाल उठाउण लई संघरश संमती नें इक हफ़ते दा प्रोगराम उलीकिआ।

इस समें संमती कोल नां नेतावां दी कमी सी अते नां सहियोगी संसथावां दी। बाबा गुरदित्त सिंघ तों लै के नौजवान कामे शामू तक दा आपणा-आपणा प्रभाव सी। हुण गुरमीत अते पिआरे लाल वधीआ वकीलां दे नाल-नाल वधीआ बुलारे वी बण गए सन। मुकद्दमिआं अते कानूंन दीआं धारावां दे हवाले दे-दे जदों उह मौजूदा प्रबंध दीआं धज्जीआं उडाउंदे सन तां जोश लाल भरे लोक हर वाक बाअद ताड़ीआं मार-मार असमान गूंजण ला दिंदे सन।

*तीकारी फ़रंट, भगत सिंघ नौजवान सभा, धागा मिल्ल कामा संमती अते लैनिन नाटक कला केंदर वरगीआं जथेबंदीआं, लोक संघरश संमती दीआं सहियोगी संसथावां सन। हुण पूरे तन, मन अते धन नाल इसतरी सभा, हैलपलाईन, चौथा दरजा करमचारी जथेबंदी अते पल्लेदारी यूनीअन वी उहनां दे नाल सी। इहनां सभनां दे सहियोग नाल प्रभावशाली लोक लहिर उसारी जा सकदी सी।

पहिले तिंन दिन जलसे पिंडां विच होणे सन। हलके दे हर पिंड विच उहनां नें जाणा सी। किसे पिंड विच प्रबंध इसतरी सभा नें करना सी अते किसे पिंड विच हैलपलाईन वालिआं नें। किसे विच सहियोग पल्लेदार यूनीअन नें देणा सी अते किसे विच चौथा दरजा करमचारी जथेबंदी नें।

टरैकटर यूनीअन पिछ्छे रहिण वाली नहीं सी। उहनां दीआं टरैकटर-टरालीआं, समेत डराईवर हाज़र रहिणीआं सन।

अगले दो दिन जलसे बलाक पध्धर ’ते होणे सन। इहनां समागमां दे मुख्ख बुलारे बाबा गुरदित्त सिंघ, गुरमीत सिंघ अते पिआरे लाल होणे सन। वारां अते नाटक नालो-नाल चल्लणे सन।

छेवें दिन भरवां इकठ्ठ शहिर विच होणा सी।

सत्तवें दिन कूच राजधानी वल्ल होणा सी।

फेर संघरश नूं सारे सूबे विच फैलाइआ जाणा सी।

 

 

32

सूबा भांत-भांत दीआं समस्सिआवां विच घिरिआ होइआ सी। मुख्ख मंतरी दी इक टंग सूबे दी राजधानी विच हुंदी अते दूजी देश दी राजधानी विच। उह नूं आपणे हलके वल्ल धिआन देण दा मौका नहीं सी मिल रिहा।

लोकां नाल संपरक रख्खण दा कंम उस नें आपणे कुझ विशवास-पातरां उपर छड्डिआ होइआ सी। उह जो सुझाअ दिंदे सन, उहो उह मंन लैंदा सी।

कुझ समें तों इहनां सलाहकारां दी चिंता विच वाधा हो रिहा सी।

चोणां विच कुझ ही समां बाकी सी। चोणां लई मोटी रकम दे नाल-नाल शराब, भुक्की अते अफ़ीम दे टरक्क चाहीदे सन।

सत्ताधारी पारटी दी आमदन दा मुख्ख सोमा अफ़सरां वल्लों बझ्झवां मिलदा महीनासी। शराब ठेकेदारां कोलों आउंदी सी। भुक्की अते अफ़ीम आदि दा प्रबंध पुलिस करदी सी।

सलाहकार नूं जापण लग्गा कि अगलीआं चोणां विच पैसे दी तोड़ रहेगी अते नशे-पते दी वी।

जापदा सी संघरश संमती नूं विरोधी धिर नें आपदे हत्थ ’ते चाहड़ लिआ सी। उस दी चाल विच आ के संमती सत्ताधारी पारटी दे आरथिक अते जन-आधार नूं खोरा लाउण विच जुट्टी होई सी।

जदों तों पुलिस नें ख़ुराक विभाग दे अफ़सरां नूं सरकारी गोदामां विचों कणक चोरी कर के वेचण दे जुरम विच ग्रिफ़तार कीता सी, उदों तों सत्ताधारी पारटी दे फंडां विच कमी होणी शुरू हो गई सी।

सभ नूं पता सी कि ख़ुराक विभाग अते भारत ख़ुराक निगम दे अधिकारी हर साल करोड़ां दा अनाज चोरी कर के वेचदे सन। चोरी दा वड्डा हिस्सा सत्ताधारी पारटी दे कारकुंनां नूं पुज्जदा सी। बदले विच सरकार अफ़सरां दे सिर ’ते हत्थ रख्खदी है।

हलके दी पुलिस नूं मुख्ख मंतरी दे दरबार विच हाज़री लगवाउणी पैंदी है। उसनूं वी हर महीने पैसे दी ज़रूरत हुंदी सी ।

 

चोणां नेड़े होण कारन हर महिकमे दे अधिकारी उपर दबाअ वधिआ होइआ सी। हर मंतरी नूं वध्ध तों वध्ध पैसा इकठ्ठा करन दी काहल लग्गी होई सी।

मुख्ख मंतरी दा हलका होण कारन इस इलाके दे अधिकारीआं नूंदूहरीमारझल्लणी पै रही सी। मुख्ख मंतरी दे सलाहकारां नूं मिलणा पैंदा सी अते संबंधित मंतरी नूं वी।

वध्ध तों वध्ध पैसा कमाउण वाली जो वी योजना मंतरी अग्गे पेश हुंदी, उह झट्ट मनज़ूर हो जांदी सी।

ख़ुराक विभाग दे गोदामां विच हज़ारां टन अनाज पिआ सी। उस नूं बाहरले सूबिआं विच भेज के सभ हत्थ रंग सकदे सन।

मुख्ख मंतरी दे दख़ल नाल इह योजना झट्ट सिरे चहड़ गई। कणक अते चौल ढोण लई माल-गड्डीआं दी कतार माल-गोदाम ’ते आ खड़ोती।

ख़ुराक विभाग वालिआं दे नाल-नाल पुलिस वी पैसे कमाउण लई काहली पैण लग्गी।

पहिलां महीने विच चोरी दे माल दा इक-अध्ध टरक्क फड़िआ जांदा सी। लै-दे के मामला रफ़ा-दफ़ा हो जांदा सी।

जदों तों सपैशल गड्डीआं लग्गीआं सन, पुलिस दे छापे ज़िआदा वध गए सन। गुदामों निकलदे हर टरक्क पिछ्छे पुलिस लग्ग जांदी सी। बची कणक नूं खुरद-बुरद करनों नां ख़ुराक विभाग वाले हटदे सन, नां पुलिस उहनां नूं फड़नों हटदी सी।

पुलिस अते ख़ुराक विभाग वाले की करदे सन? इस नाल पल्लेदार यूनीअन नूं कोई मतलब नहीं सी। गुदाम विचों चल्लिआ टरक्क सटेशन ’ते उतरदा सी, आटा मिल्ल विच जां किसे चक्की ‘ते, इस नाल पल्लेदार नूं कोई वासता नहीं सी। उहनां नूं बझ्झवीं मज़दूरी मिलदी सी।

चोरी दा माल फड़े जाण ’ते पल्लेदार पुलिस दी पूरी सहाइता करदे सन। माल किथों चल्लिआ है, किस नें भराइआ है, किथे जाणा है, इस दी पूरी जाणकारी दिंदे सन। उस सूचना दे आधार ’ते पुलिस छापे मारदी सी। बंदे फड़दी सी। सौदे हुंदे सन। असल मुलज़म छुट्ट जांदे सन। इस नाल वी पल्लेदारां नूं कोई मतलब नहीं सी। पुलिस जिस नूं मरज़ी फड़े, जिस नूं मरज़ी छड्डे।

पल्लेदारां नूं उस समें फ़िकर होण लग्गा सी, जदों तों पुलिस नें पल्लेदारां नूं चोर गरदान के फड़ना शुरू कर दित्ता सी। बिनां मतलब चोर बणे पल्लेदारां नूं महीना-महीना थाणे अते जेल्हां विच बंद रहिणा पैंदा सी। फेर सालां-बध्धी कचहिरी विच धक्के खाणे पैंदे, सज़ा होण दे डर दी तलवार सिर ’ते लटकदी रहिंदी।

सपैशल गड्डीआं वाले महीने, ख़ुराक विभाग नाल संबंधित हर छोटे-वड्डे करमचारी दे घर दीवाली बणदी रही सी। सारा दिन हड्ड तोड़ के रोटी कमाउण वाले बीसीआं पल्लेदारां नूं जेल्ह दी हवा खाणी पई सी।

पल्लेदार यूनीअन नें इस धक्के विरुध्ध आवाज़ बुलंद करन दा यतन कीता। सूह मिलदिआं ही पुलिस अते ख़ुराक विभाग वालिआं नें उहनां नूं धमकाउणा शुरू कर दित्ता सी। उह कहिंदे सन।

“तुसीं किहड़ा लाट साहिब हो? दो दिन थाणे बैठ गए तां फेर किहड़ा लूलां लहि गईआं। पुलिस तुहानूं किहड़ा कुझ कहिंदी है। ख़रचा असीं कीता है। तुहानूं वकील कर के देवांगे, होइआ नुकसान भरांगे। कुझ वाधू पैसे वी देवांगे।”

ठीक है, महिकमे वाले ख़रच करदे  सन। खहिड़ा छुडवा दिंदे सन पर पल्लेदारां दी खज्जल-ख़ुआरी किउं होवे? असली मुलज़म किउं नां फड़े जाण? होर किधरे ढोई नां मिलदी देख के पल्लेदार यूनीअन नें संघरश संमती कोल पहुंच कीती सी।

उहनां नाल टरैकटर यूनीअन वाले वी आए सन। पल्लेदारां दे नाल-नाल उहनां दे डराईवरां नूं विचे घड़ीस लिआ जांदा सी।

टरैकटर यूनीअन वालिआं दा इक होर गिला सी। टरक्क यूनीअन उहनां नालों हर पख्खों ताकतवर सी। नां उह आपणा डराईवर फड़न दिंदे सन, नां टरक्क। टरैकटर यूनीअन दे बंदे फड़े जा रहे सन अते टरैकटर वी। महीना अंदर रहिण कारन ग़रीब टरैकटरां वालिआं दीआं किशतां टुट्ट जांदीआं सन। फ़ाइनैंसर टरैकटर खोह के लै जांदे हन। वीह होर मुसीबतां खड़ीआं हो जांदीआं हन।

उहनां दी मंग सी कि उहनां नूं इस धक्के तों बचाइआ जावे।

खिझे पल्लेदारां नें संमती नूं उहनां टरक्कां अते टरैकटरां दी सूची दित्ती, जिहड़े पिछले तिंन महीनिआं विच पुलिस नें फड़ के छड्डे सन। उहनां अफ़सरां दे नां वी दित्ते, जिनहां नें कणक दे भरे टरक्क वेचे सन। उहनां रकमां दी जाणकारी वी दित्ती, जिहड़ी इस कांड दौरान पुलिस नूं मिली सी।

असल दोशीआं नूं रंगे हत्थीं फड़न लई संमती वल्लों योजना घड़ी गई।

पल्लेदारां नूं समझाइआ गिआ। हुण जदों वी कोई टरक्क गुदामों बाहर निकले तां झट्ट संमती नूं सूचित कीता जावे। पुलिस टरक्क फड़ेगी। संमती पुलिस नूं फड़ेगी।

तीजे दिन इंज ही होइआ। पुलिस नें कणक दे भरे टरैकटर नूं फड़िआ। संमती  नें झट्ट पुलिस नूं घेर लिआ। संमती नूं पत्तरकारां नें घेर लिआ। पल्लेदारां नें झट्ट बिआन दे दित्ते। टरैकटर इथों चल्लिआ, इथे पुज्जणा है।

उलटा पुलिस नूं भाजड़ पै गई।

आपणी जाण छुडाउण लई पुलिस नूं दो इंसपैकटर अते इक सहाइक अफ़सर फड़ना पै गिआ।

संमती नें होर सिआपा पा दित्ता। अफ़सरां दीआं जाइदादां दे वेरवे पुलिस दे हवाले कर दित्ते। इह करोड़ां रुपए किथों आए? नाल इस दी पड़ताल दी मंग रख्ख दित्ती।

डरे इंसपैकटरां नें वड्डे अफ़सरां दे नां लै दित्ते। वड्डे अफ़सरां नें उंगल होर उपर वल्ल कर दित्ती। राज़ खुल्ल्हण लग्गे।

पैड़ मुख्ख मंतरी दी कोठी तक जाण लग्गी। इस कांड नाल सत्ताधारी पारटी नूं दूहरा नुकसान होण लग्गा। इक पासे बदनामी होण लग्गी, दूजे पासे अफ़सरां विच घुसर-मुसर होण लग्गी।

“वड्डीआं रकमां असीं आपणे पल्लिओं नहीं देणीआं। कमाई विचों देणीआं हन। जे सरकार सानूं बचा नहीं सकी तां असीं पुलिस कोलों छित्तर किउं खाईए?”

विचोलिआं नें उलांभे दित्ते अते ऐलान वी कीते।

“चोणां तक नाजाइज़ कंम बंद। महीना वी बंद।”

सलाहकारां नें मसला मुख्ख मंतरी दे धिआन विच लिआंदा। “ख़ुराक विभाग दे नाल-नाल होर विभागां दे अफ़सर वी डर गए हन। अफ़सरां दे गिरे मनोबल नूं चुक्कण दा इंतज़ाम करो, नहीं तां पैसे दी औड़ लई तिआर रहो।”

पर मुख्ख मंतरी नूं जिवें कोई फ़िकर ही नहीं सी। उस नें घेसल वट्टी रख्खी।

इह अग्ग बुझी वी नहीं सी कि नवीं थां तों भांबड़ निकलण लग्गे। संमती नें शराब दे ठेकेदारां नूं घेरना शुरू कर दित्ता।

पिछलीआं बोलीआं समें आबकारी विभाग दे अधिकारीआं नें सत्ताधारी पारटी नूं इक बहुमुल्ला सुझाअ दित्ता सी।&

“ठेकिआं दी बोली बहुत उच्ची हुंदी है। छोटे तों छोटे पिंड दा ठेका वी लख्खां ’ते जा चहड़दा है। ठेका इक पिंड दा नीलाम करो, चार पिंडां ’च शराब वेचण दी इजाज़त दो नंबर विच दे देवो। चार पिंडां दे ठेके दी रकम आपस विच वंड लवो।”

इस ‘सरव-हितकारी योजना’ ’ते किसे नें इतराज़ नहीं सी कीता।

ठेकेदारां अते आबकारी वालिआं तों बिनां होर किसे नूं इस योजना दा पता नहीं सी। पहिले दिन पिंड-पिंड ठेका खुल्ल्ह गिआ सी। सरकारी बोरड लग्ग गए सन, किसे नूं की पता सी कि ठेका सरकारी है जां ग़ैर-सरकारी।

पर संमती वालिआं नें पता नहीं किथों इस कांड दा खुरा खोजिआ। उहनां नें पुलस नाल जा-जा पिंड-पिंड छापे मरवा दित्ते।

पुलिस नें बथेरा टाल-मटोल कीती, पर हर पिंड विच ही उठ्ठ खड़े तुफ़ान नूं इकल्ली पुलिस किस तरां ठल्ल्हदी?

ठेकेदारां दा धंदा चौपट हो गिआ। उहनां नें वी अफ़सरां वांग सलाहकारां नूं सपश्शट कहि दित्ता।

“अगलीआं चोणां दौरान साथों इक पऊआ वी नहीं दे होणा।”

सलाहकार नें इक वार फिर मुख्ख मंतरी नूं कुंभकरनी नींद तों जगाउण दा यतन कीता।

कुझ देर जागे, थोहड़े-बहुत हत्थ-पैर मारे, फेर सौं गए।

हुण जदों पिंडां दे पिंड संमती पिछ्छे लग्गण लग्गे, मुख्ख मंतरी दे असतीफ़े दी मंग होण लग्गी, जलूस राजधानी तक पुज्जण लग्गे अते इस लहिर दे सारे सूबे विच फैलण दा डर पैदा होण लग्गा तां मुख्ख मंतरी दे कंन ’ते जूं सरकी।

तां उस नूं आपणे सलाहकारां दी याद आई।

 

 

33

आपणे बिसतरे ’ते पिआ हाकम सिंघ उसलवट्टे लै रिहा सी। कुझ दिनां तों उह डाढा परेशान सी।

कानूंनी लड़ाई लड़ के उह सैंकड़े कैदीआं नूं रिहाअ करवा चुक्का सी। बाहरलीआं धक्केशाहीआं नूं नजिठ्ठ के सैंकड़े हवालातीआं नूं राहत दिवा चुक्का सी।

हुण फेर कुझ कैदी समस्सिआवां विच घिरे होए सन। इस वार धक्का जेल्ह करमचारीआं वल्लों हो रिहा सी। कैदी चाहुंदे सन, हाकम उहनां नूं वी रब्ब बण के बहुड़े अते डुब्बदी बेड़ी बंने लावे।

हाकम उहनां नाल खहड़ना चाहुंदा सी पर उस नूं पता सी कि जेल्ह करमचारी अते अधिकारी इको थैली दे चट्टे-वट्टे हन। किसे नें किसे नूं कुझ नहीं कहिणा। उपचारकता निभाउण लई संबंधित करमचारी दी माड़ी-मोटी झाड़-झंब होएगी। कैदी नूं थोहड़ी-बहुती राहत वी मिलेगी, पर होई बेइज़्ज़ती ’ते करमचारी नें खिझ जाणा सी अते कैदी लई मुसीबतां दा वंझ गड्ड देणा सी। उतरदे-चहड़दे दी बस्स हो जाणी सी।

फेर हाकम उहनां दी फ़रिआद करे तां किस कोल?

समस्सिआवां वी गंभीर सन। थोहड़ी जिही देर नाल भिआनक सिट्टे निकल सकदे सन। हाकम कोल होर सोचण दा वकत नहीं सी।

पंदरां दिन पहिलां मिठ्ठो दीआं साथण कैदणां दा सुनेहा आइआ सी, “मिठ्ठो सारा दिन मूंह विच कुझ बुड़बुड़ाउंदी रहिंदी है। पहिलां फ़िरोज़पुर जेल्ह दे दरोग़े नूं गाल्हां कढ्ढदी हुंदी सी, हुण आपणे दिओर अते जेठ दे कीरने वी पाउंदी है। उस नें खाणा-पीणा अते साथणां नाल बोलणा छड्ड दित्ता है। जे उस दी हालत इसे तरहां निघ्घरदी रही तां जलदी ही उस नें पाग़लां वाली कोठड़ी विच पुज्ज जाणा है।” साथणां नें हाकम नूं बेनती कीती सी कि मिठ्ठो नूं कमली होण तों बचाइआ जावे।

मिठ्ठो अठ्ठ महीने पहिलां फ़िरोज़पुर जेल्ह तों इथे बदल के आई सी। उस दे हिसटरी टिकट विच दरज सी कि उस दे अतव्वादीआं नाल संबंध सन। पेशी भुगतण कचहिरी गई उह उहनां दे सुनेहे इधर-उधर करदी सी। कई अत्तवादी वारदातां नूं सिरे चाहड़न विच उस नें अहिम भूमिका निभाई सी। उह साथण कैदणां नूं वी इस कंम लई प्रेरदी सी। जेल्ह अधिकारीआं नें उस नूं कई वार सज़ावां दित्तीआं सन, पर उह आपणे भैड़े कारनामिआं तों बाज नहीं सी आउंदी। उलटा अत्तवादीआं दा रोहब दे के उह कैदणां दे नाल-नाल औरत मुलाज़मां नूं वी डराउंदी सी। मिठ्ठो दे  उथे रहिण नाल जेल्ह प्रशासन नूं प्रशासन चलाउण विच दिक्कत आ रही सी। इस लई लोक-हित नूं धिआन विच रख्खदे होए मिठ्ठो नूं दूर-दुराडे बदलण दा असुखावां फ़ैसला लिआ गिआ सी।

मिठ्ठो इस दोश नूं पूरी तरहां नकारदी सी।

उस दा कहिणा सी कि उस दा सुहप्पण उस नूं महिंगा पै रिहा सी। उस उपर लग्गे दोश नूं सुण हर मरद उस नूं वेसवा समझण लग्गदा सी। कैदी तों लै के जेल्ह दा चपड़ासी तक उस नूं टिच्चर करना, उस दी चुंनी खिच्चणा अते तुरी जांदी नूं चूंडी वढ्ढणा आपणा कानूंनी हक्क समझदा सी।

मिठ्ठो उपर उस मरद दा कतल करन दा दोश सी, जिस नाल उह आपणी मरज़ी नाल हम-बिसतर होण गई सी। मिठ्ठो इह मंनदी सी कि उह उस मरद नाल आपणी मरज़ी नाल गई सी, पर कतल उस नें मरद नूं लुट्टण लई कीता, इह ग़लत सी।

असलीअत कुझ होर सी।

उह बाज़ीगरां दी कुड़ी सी। सरीर दी खुल्ल्ही-डुल्ल्ही अते रंग वी साफ़ सी। बचपन तों ही मिहनत मज़दूरी करन कारन उस दा सरीर गठ्ठवां अते फ़ुरतीला सी। उहनां दे डेरे दे नाल नवां प्राइमरी सकूल खुल्ल्हा सी। उथे उस नें पंज जमातां पास कर लईआं सन। चार अख्खर उठाउणे आ जाण कारन उस नूं थोहड़ा-बहुत सलीका वी आ गिआसी।

 

मिठ्ठो जिस नौजवान लाल विआही गई सी, उह अठ्ठ पास सी। करड़ी मिहनत अते उसताद दे डंडे खा-खा उेह घरां विच रंग-रोगन करन दा माहिर बण गिआ सी। दूजिआं नालों उह नूं मिहनत घट्ट करनी पैंदी सी, पर कमाई वध्ध हुंदी सी।

पहिले साल मिठ्ठो नें चंन वरगी कुड़ी जंमी। दूजे साल लाल वरगा मुंडा। फेर उहनां नें अपरेशन करवा लिआ।

जदों घर विच सत्थर विछिआ, उदों मुंडा पंजवीं विच पहड़दा सी अते कुड़ी छेवीं विच।

दीवाली नेड़े उस दे घरवाले नें इक कोठी विच रंग-रोगन करन दा ठेका लिआ सी। महीना कंम चल्लदा रिहा सी। दीवाली दे दो महीने बाअद कोठी विच चोरी हो गई। चोर घर दे कोने-कोने दे भेती सन। उहनां नें गुपत थावां ’ते बणे लाकर वी खोल्ह लए सन। छाप तक बाकी नहीं सी बची।

“एने भेती तां रंग-रोगन वाले ही हो सकदे हन।” आपणा सिधांत घड़ के पुलिस झट्ट मिठ्ठो दे घरवाले नूं चुक्क के लै गई।

कोठी दा मालक ज़ोरावर सी। बिल्लू नें चोरी कीती होवे तां सामान बरामद करावे। चोर भेत दिंदा नहीं सी। मालक उस नूं कुटाउणों हटदा नहीं सी।

पुलस उस नूं ओना चिर कुट्टदी रही, जिंना चिर उस दी इक-इक हड्डी नां टुट्ट गई। जिंना चिर बिल्लू दा तुरना, फिरना, बोलणा अते खाणा-पीणा दुशवार नां हो गिआ। मिठ्ठो फेर वी पुलिस दी मिंनत करदी रही, “मैं कोई कानूंनी चाराजोई नहीं करांगी। भाणा मंन के घरवाले दी सेवा करांगी। इस दी किसमत चंगी होई तां तुरन-फिरन लग्ग जावेगा, नहीं तां घर मरद दी मरदानगी दे सहारे दिन कट्ट लवांगी।’

डरदी पुलिस नें नां उस ’ते कोई केस बणाइआ, नां रिहाअ कीता।

फेर उहो होइआ जिस दा मिठ्ठो नूं डर सी।

इक सवेर पुलिस नें उसनूं सूचित कीता, “तेरे घरवाला टरक्क हेठ आ के मर गिआ है। लाश जी.टी. रोड ’ते पई है।” मिठ्ठो दी सस्स नें रो-रो अख्खां दी जोत गवा लई।

साल भर मिठ्ठो सवेर-शाम उस नूं याद कर-कर रोंदी रही।

जदों घर विच दाणा-फक्का मुक्कण लग्गा तां मिठ्ठो नूं वधी ज़िंमेवारी दा अहिसास होइआ।

गोहा-कूड़ा कर के तिंन साल उह चुल्ल्हा मघाउंदी रही। कुड़ी मुंडे नूं दस जमातां पास कराउण दी आस रख्खदी रही।

रंडी रंडेपा कट्टण लई तिआर सी, पर मुशटंडे कट्टण नहीं सन दे रहे। कदे खेत गई दी ज़िमींदार बांह फड़न नूं पैंदा, कदे कोठी ’च पीहणा करन गई नूं सेठ कौड़-कौड़ झाकदा। कदे दिउर चादर पाउण लई अग्गे-पिछ्छे कट्टे-वछ्छे बंनहदा। कदे छड़ा जेठ लालां सुट्टदा।

जदों दसां नहुंआं दी किरत नाल ढिड्ड भरना अते शराफ़त नाल ज़िंदगी जिऊणी नज़र नां आई तां मिठ्ठो नें हथिआर सुट्ट दित्ते।

विधवा ननाण नाल मिठ्ठो नें ख़ानदानी पेशा अपणा लिआ।

ननाण भरजाई दी जोड़ी मस्सिआ अते पूरनमाशी नूं किसे गुरदुआरे जांदी। नाले मत्था टेक आउंदी, नाले जेबां भर लिआउंदी।

जदों मेलिआं विच उहनां दे चिहरे पहिचाणे जाण लग्गे तां उह बस्स अड्डिआं ’ते जाण लग्गीआं। जदों सथानक पुलिस पिछ्छा करन लग्गी तां उह दूर-दुराडे निकलण लग्गीआं।

जदों सारे सूबे विच धंदा करना औखा हो गिआ तां उहनां नें कित्ता बदल दित्ता।

बण-ठण के उह चुराहिआं ’ते खहड़न लग्गीआं। कारां विच घुंमदे नौजवानां कोलों लिफ़ट मंगण लग्गीआं। उहनां नाल कोठीआं अते मोटरां ’ते जाण लग्गीआं। शराब आउंदी, मीट आउंदा। मुंडे शराब पीण लग्गदे, उह मीट रिंनहण लग्गदीआं। जदों मीट रिझ्झ जांदा, उह विच नशीला पदारथ मिला दिंदीआं। जदों तक नौजवानां नूं मिठ्ठो होरां दी लोड़ महिसूस होण लग्गदी, उदों तक उह बेहोश हो गए हुंदे। उह कड़े, छापां लाह के पत्तरा वाच चुक्कीआं हुंदीआं।

शरम दे मारे मरद, चोरी होए सामान दी भाफ़ तक नां कढ्ढदे।

इक वार उहनां दा वाह जाबरां नाल पै गिआ। मीट दा मसाला तिआर हुंदे-हुंदे उहनां चार-चार हाड़े चाहड़ लए। बिनां मीट खाधे ही मिठ्ठो होरां ’ते चहड़न लई उतावले होण लग्गे। हत्थो-पाई हुंदी मिठ्ठो नें आख़री दाअ खेडिआ। गोडा मुंडे दे नलां ’ते मारिआ। मुंडा थाएं ढेर हो गिआ। इस तों पहिलां दूजे शराबीआं नूं सथिती दी समझ आउंदी, उह इज़्ज़त बचा के घर पुज्ज गईआं।

कतल दा मुकद्दमा जदों साथीआं ’ते दरज होण लग्गा तां उहनां नूं सच्च उगलणा पिआ।

पैड़ दब्बदी पुलिस मिठ्ठो होरां दे डेरे पुज्ज गई। होश ’च आए शराबीआं नें उस नूं पहिचाण लिआ। उसे शनाख़त दे आधार ’ते मिठ्ठो नूं उमर कैद हो गई।

बण-ठण के रहिण दी आदत उस नें फेर वी नहीं सी छड्डी। इस दे उस नूं कई फ़ाइदे हुंदे सन। जेल्ह विच जेल्ह अधिकारी अते कचहिरी विच जज्ज तों लै के सरकारी वकील तक उस ’ते लालां सुट्टदे सन। ढुक-ढुक के कोल बैठदे सन। हस्स-हस्स के गल्लां करदे सन। बदले विच दिल खोल्ह के रिआइतां दिंदे सन।

इह लालच हुण मिठ्ठो नूं महिंगा पिआ सी। ज़नाना जेल्ह दी डिपटी सुपरडैंट नें जेल्ह सुपरडैंट कोल मुख़बरी कीती सी, “इस समें मिठ्ठो सभ तों सोहणी कैदण है।”

जेल्ह सुपरडैंट ख़ुद औरतां दा शौकीन सी। उस नूं वगार वी बहुत पैंदी सी। सोहणीआं औरतां दी मंग उस तों पूरी नहीं सी हुंदी।

जेल्ह सुपरडैंट घुंमण-घेरीआं विच नहीं सी पिआ। इह कालज दे दिन नहीं सन कि इक कुड़ी नूं ख़ुश करन लई उस दे अग्गे-पिछ्छे गेड़े मारे। मिठ्ठो दा सरीर सरकार दे कबज़े विच सी। सुपरडैंट सरकार दा नुमाइंदा सी। इस तरहां मिठ्ठो दे सरीर उपर उस दा पूरा अधिकार सी। उस नें मिठ्ठो नूं कोठी हाज़र होण दा सिध्धा हुकम भेज दित्ता।

साथण कैदणां नें मिठ्ठो नूं वधाई दित्ती, “तूं भागां वाली हैं। तैनूं सुपरडैंट नें ख़ुद बुलाइआ है। मिहरबान हो के उस नें तेरी सज़ा मुआफ़ करवा देणी है अते चीज़ां नाल झोली भर देणी है। अग्गे तों तैनूं बू मारदीआं कोठड़ीआं विच सौण दी ज़रूरत नहीं है, नां रुख्खी-मिस्सी खाण दी। हुण तेरी हर रात रंगीन होएगी।”

पर पता नहीं किउं मिठ्ठो नूं सुपरडैंट दी शकल नाल चिड़ सी। उस दा ढिड्ड ढोल वरगा सी। बुल्ल्ह मोटे सन। रंग मझ्झ वरगा काला सी। सारा दिन सिगरट पींदा रहिंदा सी। पान दीआं पिचकारीआं मारदा रहिंदा सी। उस दा सरीर हर समें पसीने नाल भिज्जा रहिंदा सी। मिठ्ठो नूं इहनां सभ गल्लां तों नफ़रत सी।

मिठ्ठो आकड़ गई।

सुपरडैंट नें हफ़ते दे अंदर-अंदर उस दी आकड़ भंन दित्ती।

सवा सौ मील दूर उस नूं इस जेल्ह विच सुटवा दित्ता।

माइआ नगर दी ज़नाना जेल्ह दी डिपटी सुपरडैंट उस दी बैच मेट सी। नाल उसनूं फ़ोन खड़का दित्ता, “इस दी अड़ी भंनणी है। इस नूं झोटीआं चंघाउणीआं हन।”

मिठ्ठो नूं पहिले हफ़ते ही नानी याद आउण लग्गी।

फ़िरोज़पुर वाली जेल्ह तों उस दा पिंड पंदरां मील दूर सी। शहिरों पिंड लई जांदे टैंपू जेल्ह अग्गों लंघदे सन। आए दिन कोई नां कोई मुलाकात लई आइआ रहिंदा सी। घर दी दाल-रोटी दे नाल-नाल लीड़ा-कप्पड़ा वी धोता मिल जांदा सी। सुख-सुनेहा मिल जांदा सी। कुड़ी मुंडे नूं मिल के कालजा ठंढा हो जांदा सी। मिठ्ठो उहनां नूं समझा दिंदी सी, “दिल ला के पहड़ो, बस्स मैं आई कि आई।” दिउर नूं समझा दिंदी, “मुंडा कुड़ी तेरे ही हन। बाहर आउंदी ही मैं तेरे लड़ लग्ग जावांगी। मैं देख लिआ है आपणे मरद बिनां गुज़ारा नहीं।”

कदे-कदे सेठ वी चक्कर मार जांदा। उह मिठ्ठो दी बेनती मंन लैंदा। कुझ होर उधार देण लई हां कर दिंदा।

किसे होर कैदी नूं मिलण आइआ वकील दा मुनशी मिठ्ठो नूं मिल जांदा। हाई कोरट विच हो रही कारवाई दी सूचना दे जांदा, “ज़मानत होण वाली है। उह घर जाण वाली है।” मुनशी दीआं अजिहीआं गल्लां सुण के कई दिन उस नूं ख़ुशी चहड़ी रहिंदी।

इह जेल्ह पिंडों सवा सौ मील दूर है। पिंडों पहिलां टैंपू ’ते बैठ के शहिर आउणा पैंदा है। फेर रसते विच बस्स बदलणी पैंदी है। माइआ नगर दे अड्डे तों फेर टैंपू फड़ना पैंदा है। पिंडों सवख्खते चल्ल के मसां दुपहिर ढले जेल्ह पुज्जिआ जांदा है। अग्गों इस जेल्ह दे वारडरां दे मूंह भरने औखे हन। उथों दे वारडरां नालों इहनां दी फ़ीस तिंन गुणा है। पंज मिंट तों वध्ध मिलण नहीं दिंदे। मुलाकाती जे कोई चीज़ लै के आवे, उस नूं कैदी तक पुज्जदी करन तक सौ नख़रे करदे हन। अध्धी तों वध्ध चीज़ आप रख्ख जांदे हन। घर दा हाल-चाल वी नहीं पुछ्छिआ जांदा कि समां मुक्कण दी घंटी खड़क जांदी है। घरों आई रोटी सुक्क जांदी है, दाल मुशक हो जांदी है।

मुंडा छोटा है, कुड़ी जवान है। डरदे घर दे उहनां नूं इकल्लिआं माइआ नगर नहीं आउण दिंदे। मिठ्ठो उहनां दे मूंह देखण नूं तरस गई है।

हुण कुझ महीनिआं तों भैड़े-भैड़े सुनेहे आउण लग्गे हन। सेठ नूं पता लग्ग चुक्का है। मिठ्ठो दी जलदी रिहाई दी कोई उमीद नहीं। उस नें होर उधार देणों नांह कर दित्ती है। पिछला हिसाब करन नूं आख रिहा है। नाले जामनी मंग रिहा है।

दिउर नें मिठ्ठो नाल विआह कराउण दी आस छड्ड दित्ती है। पूरे परिवार दा भार चुक्कणा उस नूं औखा लग्गण लग्ग पिआ है। ख़रचे तों तंग आए दिउर नें मुंडे नूं सकूलों हटा लिआ है। कहिंदा, “चोरां दे मुंडे जज्ज नहीं बण सकदे। देर-सवेर ख़ानदानी धंदा अपणाउणा ही पैणा है।” मुंडे नूं उस नें उसताद कोल भेज दित्ता है।

ननाण नें मिठ्ठो दी कुड़ी नूं बस्स सटैंड ’ते लिजाणा शुरू कर दित्ता है। मिठ्ठों वांग उस ’ते वी जवानी लोहड़े दी चहड़ी है। हर कोई उस नूं नाल बिठाउण लई काहला पैण लग्गदा है। ननाण नूं जेब कट्टण दी ज़रूरत नहीं पैंदी। अगला आपे जेब ढेरी कर दिंदा है। कुड़ी कामयाबी दीआं मंज़लां तहि कर रही है। जे कारोबार इंज चल्लदा रिहा तां हाई कोरट ’च कोई चंगा वकील खड़ा कर के मिठ्ठो नूं जलदी बरी करवा लिआ जावेगा।

मिठ्ठो इहो जिहे सुनेहे सुण-सुण दुहत्थड़े मार-मार रोंदी है। उह वापसी सुनेहा घल्लदी है, “मुंडे नूं उसताद कोलों वापस बुला लओ। कुड़ी नूं शहिर भेजणा बंद करो।” पर कोई उस दी गल्ल नहीं सुणदा।

हुण दो महीने तों कोई मुलाकात लई नहीं आइआ।

मिठ्ठो कहिंदी है, सारे सिआपे दी जहड़ उस दा सरीर है। उह आपणे सरीर दी दुशमण बण गई है। उस नें खाणा-पीणा छड्ड दित्ता है। दिनां विच उस दा मास ढलकण लग्ग पिआ है। मूंह ’ते झुरड़ीआं पैण लग्ग पईआं हन। कंघी उस नें परां वगाह मारी है। वाल झथरा बण गए हन। जंआं पै चल्लीआं हन। अख्खां दे टोइआं ’ते कालख छा गई है। उह नहाउणो वी हट गई है। कप्पड़े मैल नाल भर गए हन। कुझ दिन पहिलां उसनूं मांहवारी आई सी। ख़ून दे धब्बे उसे तरहां सलवार ’ते लग्गे होए हन। दिनां विच उह बुढ्ढी लग्गण लग्ग पई है।

उह मुड़ फ़िरोज़पुर बदले जाण दी दरख़ासत लिखदी है। वारडर नूं फड़ाउंदी है। फेर उह हुकम दी उडीक विच टिकटिकी ला के गेट वल्ल तक्कदी रहिंदी है।

तिंन चार दिनां तों उह आपणी वारडर नाल झगड़ रही है। उस नूं शक्क है कि वारडर उस दीआं दरख़ासतां उपर नहीं भेजदी। पाड़ के सुट्ट दिंदी है।

कल्ल्ह उह उस वारडर नूं कुट्टण नूं पै गई सी। डरी वारडर नें उस नूं तनहाई कोठड़ी विच बंद करवा दित्ता है। नीम-बेहोशी विच पई, उह सारा दिन कुझ नां कुझ बुड़बुड़ाउंदी रहिंदी है।

कल्ल हाकम नें ज़नाना वारड दा चक्कर लाइआ सी। सच्चमुच्च उह कुझ दिनां दी प्राहुणी है।

पर हाकम की करे? उस नूं मुड़ फ़िरोज़पुर पहुंचाउण लई किस तक पहुंच करे?

हाकम नूं पता सी कि माइआ नगर दे जेल्ह अधिकारीआं नें आपणे भाईचारे दा पख्ख पूरना है, इक कैदण दा नहीं।

इक कैदी आपणे भाईचारे दा पख्ख किस तरहां पूरे? इह हाकम दी समझों बाहर सी। इस लई उह परेशान सी।

 

 

34

इहो हाल कालू बदमाश दा सी।

उह देसी चाकू तिआर करी फिरदा सी। किसे वी समें उस वल्लों चाकू डाकटर जां कंपाऊडर दे सीने ’च खोभण दी ख़बर आ सकदी सी।

हाकम नूं पता है, इक महीने तों उह सख़त बीमार है। उस नूं भुख्ख नहीं लग्गदी। पंज किल्लो भार घट्ट गिआ है। वीहां दिनां तों बुख़ार सौ डिगरी तों उपर रहिंदा है। सारा दिन खंघ छिड़ी रहिंदी है। फेफड़े धौंकणी वांग बोलदे हन। थोहड़ा जिहा कंम करन नाल साह चहड़ जांदा है। थुक्क विच आउंदे ख़ून दी मातरा वध्धदी जा रही है।

सपश्शट है कि उस नूं टी.बी. वरगी नां-मुराद बीमारी चिंबड़ गई है। इलाज दे नाल-नाल उस नूं आराम चाहीदा है। आराम तां हो सकदा है जे मुशक्कत तों छोट मिले। मुशक्कत तों छोट तां मिले जे डाकटर उस नूं सख़त बीमार घोशित करे।

कालू नूं इहो ग़ुस्सा है। कंपाऊडर बाबू उस नूं बीमार नहीं मंनदा। कहिंदा है, “मामूली बुख़ार है।” डाकटर कोल वी नहीं भेजदा। कहिंदा, “डाकटर तेरे वरगे पखंडीआं लई विहला नहीं है। उस नें दिन विच सौ मरीज़ देखणा हुंदा है। तेरे इलाज लई मैं काफ़ी हां।”

कालू नें आपणी परची ‘हवेली’ विच बंद डाकटर जैन नूं दिखाई सी। उस नें परची देख के दस्सिआ सी, “तं टी.बी. दा मरीज़ हैं। तेरी परची उपर इहो बीमारी लिखी है।” डाकटर नें कालू नूं हसपतालों मिलीआं गोलीआं घोखीआं। फेर उस नें दस्सिआ, “इह उह गोलीआं नहीं, जिहड़ीआं परची ’ते लिखीआं हन। परची ’ते लिखीआं दवाईआं वधीआ कंपनी दीआं अते महिंगीआं हन। तैनूं जो मिलीआं हन, पंज-पंज पैसिआं वालीआं गोलीआं हन। इक डिसपरिन है, इस नूं खा के पसीना आउंदा है। पसीने कारन बुख़ार उत्तर जांदा है। तैनूं लग्गदा है तूं ठीक हो रिहा हैं। दूजी विटामिन-बी दी गोली है। इह थोहड़ी-बहुत ताकत देण दा कंम करदी है। बीमारी दा सही इलाज नहीं हो रिहा।”

डाकटर जैन नें इक होर पते दी गल्ल दस्सी, “जेल्ह नियमां अनुसार टी.बी. दे रोगी नूं दुध्ध, आंडे अते बरैड्ड मिलणी चाहीदी है। अगली वारी कंपाऊडर नूं पुछ्छीं, तेरा इह राशन किधर जांदा है?”

कालू दे इस प्रशन ’ते कंपाऊडर तिलमिलाइआ सी। डरदे नें अध्धा किल्लो दुध्ध  अते इक आंडे दी परची वी दित्ती। अग्गों तों इह चीज़ां देण दा वाअदा वी कीता, पर हफ़ते बाअद फेर उहो बाहां, उहो कुहाड़ा हो गिआ।

हाकम नूं पता सीं कालू सारी रात मरे कुत्ते वांग पिआ रहिंदा है। फैकटरी जा के अध्धे घंटे विच थक्क जांदा है अते बेहोश होण वाला हो के डिग्ग पैंदा है। मुनशी  उस नूं कंम तों छोट देणा चाहुंदा है, पर छोट लई डाकटर दा सरटीफ़िकेट चाहीदाहै।

कंपाऊडर इसे सरटीफ़िकेट दे दो सौ रुपए मंग रिहा है। कालू नें कंपाऊडर नूं कई वार समझाइआ सी, “मैं तिंन साल तों जेल्ह विच बंद हां। मेरा अग्गा-पिछ्छा कोई नहीं। मेरे कोल इंने पैसे नहीं हन।”

पर कंपाऊडर नूं उस दीआं गल्लां ’ते यकीन नहीं आ रिहा। कालू नूं नहीं पता कि उस दे असली मां-बाप कौण हन? उह हराम दा है जां असल। हिंदू है जां मुसलमान। उस नूं एना याद है कि उस नें बस्स सटैंड लागे बणीआं झौंपड़ीआं विच सुरत संभाली है। उहनां दी झौंपड़ी विच इक अंनही बुढ्ढी सी, जिस नूं होरनां वांग उह दादी आखदा सी। इक हट्टा-कट्टा काला-कलोटा बंदा सी, जिस नूं घरे उह बापू अते कंम ’ते उसताद आखदा सी। उहनां नाल तिंन मुंडे इक कुड़ी होर रहिंदे सन, जिनहां नूं कालू दे भैण-भरा आखिआ जांदा सी। उहनां दे नक्क फिड्डे सन। जबाड़े टुट्टे होए सन। इस दी लत्त मारी होई सी। दूजे दी बांह कट्टी होई सी। उहनां दी भैण अंनही सी। छोटे हुंदे उह बस्स सटैंड ’ते भीख मंगिआ करदे सन। थोहड़े वड्डे होण ’ते उसताद उहनां नूं भीड़-भड़क्किआं वाली थां ’ते लै जांदा सी। जेबां कट्टण अते चैनीआं झपटण दी सिख्खिआ दिंदा सी। लोड़ पैण ’ते उह चाकू छुरे दी वरतों कर लिआ करदे सन।

कालू उसताद दा सभ तों वध्ध चहेता सी। वड्डे होण ’ते आपे उसताद नें उस नूं आज़ाद कर दित्ता सी। विरासत विच उस नूं तिंन चेले मिले सन। कालू नें दिनां विच ही आपणी गैंग खड़ी कर लई सी।

बस्स सटैंड चौकी दे थाणेदार नें कालू नाल बहुत धक्का कीता सी। कालू दा कसूर एना सी कि उह महीना समें सिर पुज्जदा नहीं सी कर सकिआ। इस विच कालू दा कसूर नहीं सी। उस महीने उह तिहाड़ जेल्ह विच बंद रिहा सी। इक तां उस नूं कमाई नहीं सी होई, दूजे जदों उस महीने उस नें धंदा नहीं सी कीता तां महीना काहदा? पर थाणेदार आपणी ज़िद्द ’ते अड़िआ रिहा। कालू अते उस वरगे होर बाग़ीआं नूं सबक सिखाउण लई थाणेदार नें कतल दी इक पुराणी मिसल खोल्ह लई।

छे महीने पहिलां उस दे उसताद दा कतल हो गिआ सी। बड़ी बेरहिमी नाल छुरे मार-मार के उस दे सरीर नूं छलणी कर दित्ता गिआ सी। अज्ज तक पुलिस नूं तां की, कालू होरां नूं वी इह सुराग नहीं सी लभ्भा कि इह भाणा किस नें वरताइआसी।

थाणेदार नें इक तीर नाल दो निशाने फुंडे।

कालू दे इक जानी दुशमण नूं शिंगार के कतल दा चशमदीद गवाह बणा लिआ। उस दे बिआन दे आधार ’ते कालू नूं उसताद दा कातल बणा दित्ता। वजहा रंजश लुट्ट-खोह दे माल दी वंड ’ते होइआ झगड़ा बणा दित्ता। कालू नूं वध्ध दुख्ख इस गल्ल दा सी कि उस नूं आपणे ही उसताद दा कातल बणा दित्ता गिआ सी।

होरां दे नाल कालू दे संगी-साथी अते चेले-बालड़े वी उस नूं उसताद दा कातल समझ बैठे। अदालत दे फ़ैसले नालों पहिलां उहनां नें कालू नूं सज़ा सुणा दित्ती। भांडा छेक दित्ता।

दो साल तों इकल्ले रहि गए कालू नें पैसे दा मूंह नहीं सी देखिआ। उह कंपाऊडर नूं दो सौ रुपिआ किथों देवे?

कालू नूं इक होर गिला सी। सरटीफ़िकेट उह सही मंग रिहा सी, फिर रिशवत किस कंम दी?

पर कालू दी फ़रिआद कोई नहीं सी सुण रिहा।

दुखी होए कालू नें इक दिन कंपाऊडर नूं गाल्हां कढ्ढ दित्तीआं। दंगा-फ़साद करन दे जुरम विच उस नूं डांगां तां पईआं पर इक राहत वी मिल गई। उस नूं बीमार घोशित कर दित्ता गिआ अते कंम तों वी छोट मिल गई।

छुट्टी दे नाल-नाल कालू नूं सही इलाज वी चाहीदा सी। इलाज लई  उस दा हसपताल विच दाख़ल होणा ज़रूरी सी।

डाकटर मिठ्ठीआं गोलीआं दे रिहा सी, “तेरे नालों गंभीर बीमारां दी गिणती वध्ध है। कोई बैड्ड ख़ाली नहीं है। बिसतरा ख़ाली हुंदे ही तैनूं भरती कर लवांगे।”

कालू दी उमर तीह साल दे लगभग सी। तीहां विचों बारां साल उस नें जेल्ह विच गुज़ारे सन। उह जेल्ह दे काइदे-कानूंन तों चंगी तरहां वाकिफ़ सी।

कालू नें डाकटर नाल बहिस कीती, “तूं झूठ बोल रिहा हैं। घट्टो-घट्ट दो अजिहे कैदीआं दा मैनूं पता है, जिहड़े बीमार नहीं हन पर हसपताल विच दाख़ल हन।”

कालू दी बैरक विच बंद शिंदा तिंन दिन पहिलां हपसताल दाख़ल होइआ सी। अगले हफ़ते उस दी लंगर ’च मुशक्कत दी वारी सी। सवेरे तिंन वजे तों लै के रात दे गिआरां वजे तक्क चुल्ल्हे मूहरे बैठ के अख्खां गालण दा उह आदी नहीं सी। इस मुसीबत नूं टालण लई उह हसपताल आ पिआ सी।

शेरू दे उसताद दी भतीजी दा अगले महीने विआह सी। शेरू नें छुट्टी जाण दा मन बणाइआ। छुट्टी जाण दा होर कोई बहाना नहीं सी। चार दिन हसपताल रहि के उस नें छुट्टी लई अदालत विच दरख़ासत देणी सी। बीमारी दे आधार ’ते उस दी छुट्टी मनज़ूर हो जाणी सी।

कालू नूं पता सी कि आपणे मकसद विच कामयाब होण लई उहनां नें मोटी रकम तारी सी। इह गल्ल ख़ुद शिंदे अते शेरू नें उस नूं दस्सी सी।

पर डाकटर पैरां ’ते पाणी नहीं सी पैण दे रिहा।

कालू तरला कर रिहा सी। जे जेल्ह हसपताल विच थां नहीं तां उस नूं सिवल हसपताल विच भेज दित्ता जावे। उथे तां बिसतरिआं दी कमी नहीं।

कालू दी इस बेनती उपर दरोग़े नें इतराज़ ला दित्ता। इक कैदी दी राखी लई प्रशासन नूं घट्टो-घट्ट दो गारडां दी ज़रूरत पैणी है। मतलब सी वीह हज़ार रुपए दा वाधू ख़रचा। इक कातल दी जान बचाउण लई सरकार एने रुपए नहीं ख़रच सकदी। उलटा उह कालू नूं मज़ाक करन लग्गा, “तेरे मरन नाल धरती ’ते भार घटेगा। समाज नूं राहत मिलेगी। जेल्ह प्रशासन दी सिरदरदी घटेगी।”

कालू नें दरोग़े नूं वी खरीआं-खरीआं सुणाईआं, नाले पुछ्छिआ, “गोलू पहिलवान नूं इक महीने दे अंदर-अंदर तीजी वार हसपताल किउं भेजिआ है? की उह बीमार है) सभ नूं पता है, उह किस बीमारी दे इलाज लई हसपताल गिआ है।”

पहिलवान दी गैंग नें माइआ नगर दे इक सनअतकार दे इकलौते पुत्तर नूं अगवा करन दी साज़िश रची होई है। गोलू दी योजना अनुसार उस दे चार साथी पहिलां ही ज़मानत ’ते रिहाअ हो चुक्के हन। गोलू दे साथीआं नें मुंडा अगवा करना है। हपसताल बैठ के पहिलवान नें मापिआं नाल गल्लबात करनी है। फिरौती दी रकम तहि करनी है। योजना दे सिरे चहड़दे ही गोलू नें जेल्ह मुड़ आउणा है। पहिली वारी मुंडा हत्थ नहीं लग्गा। इस वार कंम पक्के पैरीं होणा है।

 

कालू कहिंदा है, जे होर कुझ नहीं हो सकदा तां बीमारी दे आधार ’ते उस नूं इक महीने दी छुट्टी दे दित्ती जावे। बाहर जा के उह आपे कोई खूह पुट्टेगा अते इलाज करवा लएगा।

कालू दी इह बेनती भलाई अफ़सर नूं मनज़ूर नहीं है।

छुट्टी इंझ ही नहीं मिल जांदी। कुझ सख़त शरतां दी पालणा करनी पैंदी है। पहिलां जेल्ह डाकटर तों रिपोरट कराउणी पएगी, “कालू दी बीमारी दा इलाज जेल्ह हसपताल विच नहीं हो सकदा। उस नूं सिवल हसपताल भेजिआ जावे।” फेर उसे तरहां दी रिपोरट सिवल हसपतालों कराउणी पएगी। नाले थाणे तों रिपोरट मंगवाउणी पएगी। उह तसदीक करनगे कि “कैदी दे बाहर आ के अमन भंग करन दी संभावना नहीं है।” फेर छुट्टी दी मिसल तिआर हो के जेल्ह विभाग कोल जाएगी। हर पड़ाअ ’ते कालू नूं पापड़ वेलणे पैणगे। कालू विच एनी हिंमत नहीं। फेर छुट्टी किस तरहां मनज़ूर होएगी?

 

ठीक होण दे सारे राह बंद हो जाण बाअद कालू नें नवां राह लभ्भ लिआ है।

लंगर विचों छोटी कड़छी चोरी कर के उस दी कौली तोड़ दित्ती। टुट्टे सिरे नूं घसा के तिख्खा कर लिआ है।

उह कहिंदा फिर रिहा है, “पहिलां झूठे कतल केस विच फसिआ हां। हुण सच्चे विच फसांगा।”

कालू कई वार हाकम कोल बेनती कर चुक्का है, “मैं जिऊणा चाहुंदा हां। मेरे इलाज दा इंतज़ाम करो।”

हाकम नूं कालू दा मरना तहि लग्गदा है। जे उस नें किसे मुलाज़म दे ढिड्ड विच चाकू खोभ दित्ता तां जेल्ह वालिआं नें उस नूं कुट्ट-कुट्ट के मार देणा है। जे उह इंझ  नां कर सकिआ तां दिनो-दिन वध रही बीमारी नें उस नूं निगल लैणा है।

हाकम कालू नूं किस तरहां बचावे? कोई राह लभ्भदा नज़र नां आउण कारन हाकम प्रेशान सी ।

 

 

35

दाख़ला फ़ारम यूनीवरसिटी भेजण दी कल्ल्ह आख़री तारीख़ है।

सीतल सिंघ दे समें सिर दाख़ला भेजण दे सारे यतन असफ़ल हो च्के हन। दो साल दी अजाईं जा रही मिहनत अते उजड़दे भविख्ख ‘चों चिंतत सीतल सिंघ तिलमिला रिहा है।

अज्ज शामीं उस नें दुख्खणा रोण बाअद हाकम नूं आखिआ सी, “जे कल्ल्ह तक मेरे फ़ारम यूनीवरसिटी नां पुज्जे तां परसों नूं मेरी लाश किसे दरख़्ख़त नाल लटक रही होवेगी।”

सीतल सिंघ इरादे दा पक्का सी। धुर अंदर तक टुट्ट चुक्का सी। हाकम नूं यकीन सी कि उस नें आपणे बोल पुगा देणे सन।

इक होणहार ज़िंदगी नूं भंग दे भाड़े जाणो किस तरहां बचाइआ जावे? हाकम तों इह अड़ौणी हल्ल नहीं सी हो रही।

सीतल सिंघ नूं इह सज़ा किस कसूर बदले दित्ती जा रही सी? इस दा हाकम नूं पता सी। उह ग़रीब साथी कैदीआं दी मदद कर रिहा सी।

सीतल दी बैरक विच बंद बहुते कैदी अनपहड़ परवासी सन। पहिलां उहनां दा पहड़न लिखण दा कंम बैरक दा वारडर बैज नाथ करदा सी। इस सेवा दी उह फ़ीस लैंदा सी। चिठ्ठी लिखण दे दो अते पहड़न दा इक रुपिआ लग्गदा सी। चिठ्ठी नूं डाकख़ाने पुज्जदा करन दा इक रुपिआ होर लग्गदा सी। जिहड़ा बंदा उस दी गल्ल नहीं सी मंनदा, उस दी चिठ्ठी उह उस दे साहमणे ही पाड़ दिंदा सी। भुल्ल-भुलेखे जे किसे दा मनी-आरडर आ जांदा तां कैदी दे पल्ले अध्ध ही पैंदा सी। अध्ध उह अते डाकीआ मिल के हड़प्प जांदे सन।

इहनां कैदीआं दी मुलाकात लई साल विच इक-अध्ध बंदा ही आउंदा सी। चिठ्ठी-पत्तर ही उहनां दा सहारा सी।

सीतल सिंघ अनपहड़ परिवार नाल संबंध रख्खदा सी। उस दा बाप पिंड विच खेत-मज़दूर सी। उह दे विहड़े दे बहुते लोक हाले वी अनपहड़ सन। छोटा हुंदा उह आपणे विहड़े वालिआं दीआं चिठ्ठीआं लिखिआ          -पहड़िआ करदा सी। इस लई उस नूं पैसे दी कीमत दा पता सी अते आए सुनेहे दी तांघ दा अहिसास सी।

परवासी कैदीआं नूं बाहरों तां पैसा-धेला आउंदा नहीं सी। उह मिलदे राशन विचों कुझ बचा के साथी कैदीआं दीआं वगारां कर के दो-चार रुपए जोड़दे सन। उह किसे नां किसे बहाने वारडर कढवा लैंदा सी।

सीतल सिंघ हवालाती सी। सारा दिन विहला रहिंदा सी। आपणा समां बिताउण वाले साथी कैदीआं दे पैसे बचाउण दी नीयत नाल उस नें लिखा-पहड़ी दा कंम शुरू कर दित्ता सी।

पहिले महीने ही बैज नाथ दे नक्क विच दम आ गिआ। उस नूं घर दा ख़रचा चलाउणा मुशकल हो गिआ।

पहिलां बैज नाथ नें उसनूं आने-बहाने समझाइआ।

“असीं देखण नूं अफ़सर लग्गदे हां, पर अंदरों खोखले हां। तनख़ाह बहुत थोहड़ी है। तनख़ाह नाल दो डंग दी रोटी वी नहीं पक्क सकदी। चुल्ल्हा मघदा रख्खण लई नाल मिहनत मज़दूरी करनी पैंदी है। चिठ्ठी-पत्तर लिख के पैसा लैणा रिशवत नहीं है। मिहनत दा मुल्ल है। तूं मेरी रोज़ी विच लत्त नां मार।”

जदों सीतल सिंघ दे कंन ’ते जूं नां सरकी तां उस नें धमकी दित्ती, “मुलाज़म मिट्टी दा माण नहीं हुंदा, मैं फेर वी ख़ाकी वरदी वाला हड्ड-मास दा बणिआ बंदाहां।”

जदों फेर वी पूछ सिध्धी नां होई तां बैज नाथ नूं टेडी उंगल नाल घिओ कढ्ढणा पिआ।

सीतल सिंघ नूं आपणी पहड़ाई ’ते माण सी। बैज नाथ चूही बण के  उस दीआं डिगरीआं कुतरण लग्गा।

जिस समें सीतल सिंघ नूं ग्रिफ़तार कीता गिआ, उस समें उह बी.ऐस.सी. आख़री साल दा विदिआरथी सी। इमतिहान विच सारे दो महीने बाकी सन।

सीतल नें प्रीती नूं बथेरा समझाइआ सी, “इस समें बहादरी दिखाउणा भविख्ख  नूं दाअ ’ते लाउणा है।” पर उस दे दिमाग़ ’ते आदरशवाद दा भूत सवार सी। उह उसे समें घरों भज्ज जाणा चाहुंदी सी।

सीतल अते प्रीती दी प्रीत विच कोई रवाइती टकराअ नहीं सी। दोवें इको जात बरादरी दे सन। थोहड़ा जिहा जो फ़रक सी उह इह कि प्रीती दा बाप सीतल तों छब्बी साल पहिलां जंम पिआ सी। इसे लई इक मोची दे मुंडे नूं पहिलां नाइब तहिसीलदार अते फेर ऐस.डी.ऐम. बणन विच बहुती देर नहीं सी लग्गी।

सीतल अगली पीहड़ी विचों सी। उस नें हाले ‘दिहाड़ीदार दे मुंडे’ तों ‘कुझ’ बणना सी। सीतल नें बथेरा ऐस.डी.ऐम. नूं उस दे पिछोकड़ दी याद दिवाई। ऐस.डी.ऐम. नें बी.ए. तीसरे दरजे विच पास कीती सी। सीतल पहिले दिनों पहिले दरजे विच पास हुंदा आ रिहा सी। सीतल दा भविख्ख वी उज्जल सी।

पर ऐस.डी.ऐम. ‘मैं नां मानूं’ दी रट लाई बैठा सी। उह कहिंदा सी, “हुण पहिलां वाले दिन नहीं रहे। तूं पता नहीं कदों अफ़सर बणना है? बणना है जां नहीं, इह वी पक्का नहीं। बथेरे दलित मुंडे कुड़ीआं वड्डीआं-वड्डीआं डिगरीआं चुक्की फिरदे हन। अज्ज कल्ल्ह डिगरी दे नाल-नाल उहनां नूं वी बरीफ़ केसां दी ज़रूरत पैंदी है। तेरे कोल देण लई धेला नहीं है। मैं ज़ोख़म उठाउण नूं तिआर नहीं हां। प्रीती अफ़सर दी नूंह बण के किसे बंगले विच जाएगी। किसे बेरुज़गार पिछ्छे लग्ग के विहड़े विच नहीं।”

बाप वांग प्रीती वी ज़िद फड़ के बैठ गई, “किसे होर दे लड़ नूड़े जाण तों पहिलां मैं आपणा घर वसाउणा चाहुंदी हां। मेरा साथ दे।”

सीतल प्रीती नाल सहिमत नहीं सी। हुण पुराणे समें नहीं सन। घरों भज्ज के बिनां पैसे         -टके दे इक हफ़ता नहीं कट्टिआ जा सकदा।

“तेरा बाप वड्डा अफ़सर है। पुलिस नें सानूं पतालों वी लभ्भ लैणा है।”

पर प्रीती दी वंगार अते ज़िद्द अग्गे उस नूं झुकणा पिआ।

यूथ फ़ैसटीवल विच हिस्सा लैण गए उह कालका मेल चहड़ गए।

पुलिस इल्लां वांग सारे असमान ’ते छा गई। तीजे दिन उह हवालात पुज्ज गए।

हुण इक साल तों उह जेल्ह विच सी।

नौं महीने तों मुकद्दमा गवाहीआं ’ते लटक रिहा सी। प्रीती दी गवाही होणी सी। सीतल नूं सूचना मिली सी कि प्रीती नें सीतल विरुध्ध जो बिआन दरज कराइआ सी,   उह उस दा नहीं सी। पुलिस नें आपे लिखिआ सी। प्रीती तों दसतख़त डरा-धमका के कराए गए सन। ऐस.डी.ऐम. चाहुंदा सी, प्रीती उहो बिआन अदालत विच दुहराए। सीतल नूं उह फुसला के वरगलाउण अते जबरी बलातकार करन दा दोशी ठहिराए। प्रीती दोबारा उहो ग़लती करन नूं तिआर नहीं सी। ऐस.डी.ऐम. प्रीती दे मंन जाण तक गवाही लटका रिहा सी।

प्रीती दे वफ़ादार रहिण दी ख़बर सुण के सीतल दे नवें खंभ उग्ग आए सन। जेल्ह उस नूं जेल्ह महिसूस होणों हट गई सी।

पहिला इमतिहान भज्ज-नठ्ठ, फड़-फड़ाई, पुलिस हिरासत अते जेल्ह पुज्जण दे चक्करां विच लंघ गिआ सी। पुलिस नें कुट्ट-कुट्ट हड्डां विच राध पा दित्ती सी अते दिमाग़ सुंन कर दित्ता सी।

सीतल दा साइंस गरुप्प सी। फ़रार होण तों पहिलां उस दे लैकचर अते प्रैकटीकल संपूरन हो चुक्के सन। इस लई इस साल उस नूं प्राईवेट तौर ’ते इमतिहान विच बैठण दा अधिकार सी। सिलेबस उस नें पहिलां ही ख़तम कीता होइआ सी। थोहड़ी जिही दुहराई नाल बेड़ा पार हो जाणा सी।

छे कु महीने विच उह जेल्ह दे माहौल दा आदी हो गिआ। प्रीती दे उस नाल खड़ोन कारन उस दा मनोबल उच्चा हो गिआ अते बरी होण दी आस बझ्झ गई।

उह पूरे ज़ोर-शोर नाल इमतिहान दी तिआरी करन लग्गा।

बैज नाथ उस नूं फ़ेल्ह कराउण दी तिआरी करन लग्ग पिआ।

वारडर अते बैरक दा सहाइक दरोग़ा घिओ-खिचड़ी सन। नौकरी दे नाल-नाल दरोग़े दा कोले दा कारोबार सी। दरोग़ा कदे-कदे ही बैरक विच चक्कर मारदा सी। सारी ज़िंमेवारी उस नें बैज नाथ ’ते पाई होई सी। जिथे उह आखदा सी, दरोग़ा घुग्गी मार दिंदा सी।

वारडर नें दरोग़े दे कंन भरे, “जे छूत दी इस बीमारी नूं हुणे काबू नां कीता गिआ तां इस नें महांमारी वांग फैल जाणा है।”

दरोग़े नें बीमारी फैलण तों रोकण दी झंडी दे दित्ती।

जेल्ह ’च सटाफ़ दी बहुत कमी सी। पंजां दी थां मसां इक कलरक मिलदा सी। पड़ेह-लिखे कैदीआं दी प्रशासन नूं हमेशा लोड़ रहिंदी सी। जिहड़ा लभ्भदा सी, झट्ट उस नूं डिउड़ी विच बुला के उस दी पिठ्ठ ’ते मिसलां दी गठ्ठ लद्द दिंदे सन।

बैज नाथ दी सिफ़ारश ’ते सीतल नूं लेखा शाख़ा विच भेज दित्ता गिआ।

सीतल नें बथेरा रौला पाइआ, “मैं हवालाती हां, मैथों कंम नहीं लिआ जा सकदा। मैं विदिआरथी हां, मेरी पहड़ाई दा जे तुसीं प्रबंध नहीं कर सकदे तां नां करो। मैनूं ख़ुद तां पहड़न दिओ।”

पर लोहे दीआं सलाख़ां अते उच्चीआं पक्कीआं दीवारां वाली इस इमारत विच नां किसे नूं रौला पाउण दा हक्क है, नां कोई उस रौले नूं सुणदा है। चीक-पुकार दीवारां नाल टकरा के आपे दब्ब जांदी है।

होर कैदीआं दी आहां वांग, सीतल दा शोर वी मठ्ठा पै गिआ।

हिसाब-किताब मिलाउण दे बहाने सीतल नूं देर तक दफ़तर बिठाइआ जांदा। दिमाग़ दे सुंन होण अते अख्खां दुखण लग्ग जाण बाअद उस नूं छड्डिआ जांदा सी।

होर मग़ज़-खपाई करन दी उस दी हिंमत नहीं सी रहिंदी। कदे उह घंटा कु पहड़ लैंदा, कदे बिनां पहड़े ही सौं जांदा।

बैज नाथ नूं आपणा टीचा प्रापत हुंदा नज़र नां आइआ। उस नें सकंजा होर कस्सणा शुरू कर दित्ता। आपणे इक वफ़ादार हवालाती नूं शिंगार के उस नें सीतल दीआं किताबां चोरी करवाईआं अते गटर विच सुट्टवा दित्तीआं।

तिंन महीने नवीआं किताबां अंदर नां आउण दित्तीआं।

जे अदालत दे हुकम नाल किताबां अंदर आईआं तां उह दाख़ला फ़ारम उपर सप्प वांग कुंडली मार के बैठ गिआ।

जे सीतल इस वार इमतिहान विच नां बैठ सकिआ तां सीतल दा बहुत नुकसान होवेगा। अगले साल उस नूं दुबारा कलासां विच बैठणा पएगा। नवें लैकचर अते प्रैकटीकल लाउणे पैणगे। सिलेबस बदल जाएगा। जेल्ह विच बैठे दे नां लैकचर पूरे होणे हन, नां किसे नें नवां सिलेबस कराउणा सी।

 

सधारन फ़ीस नाल फ़ारम भरन दी तारीख़ कदों दी लंघ चुक्की सी। जदों लेट फ़ीस नाल फ़ारम भरन दी तारीख़ वी निकलदी नज़र आई तां सीतल दा पहड़ाई विच मन लग्गणों हट गिआ। उस नूं लग्गण लग्गा, उह फ़ज़ूल विच पहड़ रिहा है। उस नूं इमतिहान विच तां किसे नें बैठण नहीं देणा।

हफ़ते तों उस नूं नींद नहीं सी आ रही। कदे अख्ख लग्गदी तां भैड़े-भैड़े सुपने आउण लग्गदे हन। कदे उह जेल्हों भज्जण दा यतन कर रिहा हुंदा है पर उस तों भज्ज  नहीं हुंदा। कदे उह इमतिहान विच बैठा हुंदा है पर कोई सवाल हल्ल नहीं हुंदा। कदे उह बैज नाथ नाल खहिबड़ रिहा हुंदा है, कदे सहाइक दरोग़े नाल। कदे निधान सिंघ उस नूं घरों कढ्ढ रिहा हुंदा है, कदे प्रीती बेरुज़गार समझ के दुरकार रही हुंदीहै।

 

सीतल सिंघ भुख्ख हड़ताल करना चाहुंदा सी, धरना मारना चाहुंदा सी। पर इक वी कैदी उस दा साथ देण लई तिआर नहीं सी। उह वी नहीं जिनहां लई उस नें इह मुसीबत सहेड़ी सी।

थक्के हारे सीतल नें लिखा-पहड़ी करनी बंद कर दित्ती। बैज नाथ तों मुआफ़ी मंग लई पर परनाला उथे दा उथे रिहा।

सीतल सिंघ इकल्ला इंने लोकां नाल नहीं सी लड़ सकदा। उस नूं जापदा सी कि हुण मर के ही खहिड़ा छुट्टणा सी।

अज्ज उह हाकम नूं आख़री वारी मिलण आइआ सी, “मेरा फ़ारम भिजवा देवो जां मैनूं मरन दी इजाज़त दे देवो।” आख के उह वापस चला गिआ सी।

उस समें तों हाकम बेचैन सी।

बैज नाथ होरां दी शिकाइत करन नाल सीतल होरां नूं फ़ाइदा होएगा जां नुकसान? दोचित्ती विच फसिआ हाकम अज्ज तक किसे सिट्टे ’ते नहीं सी पुज्ज सकिआ।

सीतल दी चितावनी बाअद उस नूं अहिसास होइआ सी कि सवेर तक कोई नां कोई फ़ैसला लैणा ज़रूरी सी।

आपणी बैरक विच आउण तों पहिलां राए मशवरे लई उह आपणे साबका सहाइक तारा चंद नूं मिलिआ सी।

तारा चंद नें बहुती सोच-विचार नहीं सी कीती। झट्ट आपणा दो-टुक्क फ़ैसला सुणा दित्ता सी।

“बाबिओ, तुसीं वकील हो, अकल दी गल्ल करो। दरिआ विच रहि के मगरमछ्छ नाल वैर मुल्ल नहीं लिआ जा सकदा। फेर कैदी किसे दे मित्त नहीं हुंदे। मतलब निकलण ’ते अख्खां फेर जांदे हन। जेल्ह प्रशासन नें सानूं जवाईआं वांग रख्खिआ होइआ है। मिल रहीआं सहूलतां दा आनंद लओ।”

उस समें हाकम सिंघ नूं तारा चंद दे सवारथी सुभाअ ’ते खिझ आई सी।

गहिरी सोच-विचार बाअद हाकम नूं तारा चंद दी सोच पिछ्छे कंम करदे सिधांत दी समझ आउण लग्गी।

हाकम सोचण लग्गा। किधरे अचेत तौर ’ते उह वी तारा चंद वांग तां नहीं सोच रिहा। जे झट्टपट्ट कैदीआं दीआं समस्सिआवां दा हल्ल नां होइआ तां उहनां दा नुकसान होणा ही होणा है। घरदिआं नूं मिलण तों तरसदी मिठ्ठो नें पाग़ल हो जाणा है, इलाज दी घाट कारन कालू नें मर जाणा है, इमतिहान विच नां बैठ सकण कारन सीतल दा भविख्ख धुंदला हो जाणा है। करमचारीआं दी शिकाइत करन बाअद इस तों वध्ध कैदीआं दा होर की विगड़ेगा?

शिकाइत बाअद करमचारीआं नें हाकम नाल ग़ुस्से होणा है। ग़ुस्से हो के उहनां नें हाकम नूं तंग करना है। शाइद तंग होण तों डरदा हाकम मुलाज़मां नाल पंगा लैण तों टल रिहा है। शाइद इस लई साथी कैदीआं दीआं समस्सिआवां नूं लटका रिहा है।

इस विचार दी रौशनी विच हाकम नें आपा पड़चोल कीती।

“मैं जिस राह ’ते तुरन दा मन बणाइआ है, उह कंडिआं नाल भरिआ होइआ है। दुख्खां-सुखां दी परवाह करे बिनां मैनूं आपणी मंज़िल वल्ल वधदे रहिणा चाहीदाहै।”

इह फ़ैसला करन बाअद हाकम नें उस्सलवट्टे लैणे बंद कर दित्ते।

सवेर दी उडीक ज़िआदा लंबी नां होवे, इस लई उह गूहड़ी नींद सौं गिआ।

 

 

36

आपणे हलके विच हफ़ता भर होईआं सरकार विरोधी रैलीआं नें मुख्ख मंतरी दी नींद हराम कर दित्ती।

आम कतल दे मुलज़मां दी पैरवी लई बणी इक साधारन जिही संसथा नें इक छोटे जिहे शहिर विच जनम लै के सारे सूबे विच पैर पसारने शुरू कर दित्ते सन।

मुख्ख मंतरी नूं आपणे हलके विच पैर पाउणा मुशकल हो गिआ सी। इथों तक कि आपणे ज़िल्हे विच समागम रख्खण तों पहिलां सौ वार सोचणा पैंदा सी। इसतरी सभा तों लै के हैलपलाईन तक दे कारकुंन संमती नाल जुड़ गए। शहिरां दे नाल-नाल पिंडां विचों वी इनसाफ़ दी मंग उठ्ठण लग्ग पई सी। जे हालात इसे तरहां विगड़दे रहे तां मुख्ख मंतरी नूं आपणी सीट दे नाल-नाल आपणी पारटी नूं बचाउणा मुशकल हो सकदा है।

बंटी नूं कतल होइआं कई साल बीत चुक्के सन। उस तों पिछ्छों होर सैंकड़े वारदातां हो चुक्कीआं सन। लोक बंटी नूं भुल्ल-भुला गए सन। ख़ुद संमती नें कई होर मुकद्दमिआं विच टंग अड़ा लई सी।

किसे नां किसे बहाने पाले मीते नूं रिहाअ कीता जावे। संमती दे हेठों पौड़ी खिसका के उस नूं कोठे चहड़न तों रोकिआ जावे।

सप्प वी मर जावे अते सोटी वी नां टुट्टे। इह विचारन लई मुख्ख मंतरी नें अफ़सरां अते सलाहकारां दी मीटिंग बुलाई।

ख़ुफ़ीआ विभाग दे मुखी नें हरमनबीर होरां दे बंटी दा असल कातल होण दी पुशटी कीती। असल कातल फड़न विच कुताही किउं होई? फेर इह सपश्शट कीता। उस समें मख्ख मंतरी नें बंटी दे कातलां नूं भोग तों पहिलां फड़े जाण दा ऐलान कर दित्ता सी। पुलिस नूं असल कातलां दी सूह नां लग्गी। मुख्ख मंतरी दी पग्ग बचाउणी वी ज़रूरी सी। कुड़िक्की विच फसी पुलिस नूं झूठी कहाणी घड़नी पई। पाले मीते नूं फसाउण विच किसे पुलिस अफ़सर दी कोई बदनीअती नहीं सी।

उस दा इस पड़ाअ ’ते ग़लती सुधारन दा कोई फ़ाइदा नहीं सी। हुण असल दोशीआं नूं ग्रिफ़तार करन नाल पुलिस दी कारगुज़ारी दे नाल-नाल सरकार उप्पर वी उंगल उठ्ठणी सी। मुख्ख मंतरी दी निज्जी साख़ नूं धक्का लग्ग सकदा सी।

कुड़िक्की विचों सही-सलामत निकलण लई ऐडवोकेट जनरल नें सुझाअ पेश कीता।

“सरकार कोल कैदीआं दी सज़ा मुआफ़ करन दा अधिकार है। सरकार उस अधिकार दी वरतों करे। पाले मीते दी बाकी रहिंदी सज़ा मुआफ़ कर के उहनां नूं रिहाअ कर देवे। सरकार वल्लों दिखाई इस खुल्हदिली ’ते लोक वाह-वाह कर उठ्ठणगे।लोकां दे संमती दा खहिड़ा छड्ड जाण नाल संमती दे ग़ुबारे दी फूक आपे निकल जाएगी।

मुख्ख मंतरी नूं इह सुझाअ परवान नहीं सी।

आपणे शुभचिंतकां राहीं उह इह सुझाअ संमती कोल पहिलां ही भेज चुक्का सी। संमती इस सुझाअ नूं ठुकरा चुक्की सी। उह कहिंदी सी।

“इस तरहां पाले मीते दा कातल होणा सिध्ध होएगा। नाले इस तरहां उहनां दी रिहाई सरकार दी मिहरबानी दा सिट्टा मंनी जाएगी। संमती चाहुंदी है, सरकार पहिलां उहनां नूं बेकसूर घोशित करे। फेर बाइज़्ज़त रिहाअ करे। होई खज्जल-ख़ुआरी लई मुआवज़ा देवे। असल कातलां नूं फड़ के उहनां ’ते मुकद्दमा चलाए।”

ऐडवोकेट जनरल संमती दे इहनां विचारां नूं धिआन विच रख्ख के कोई सुझाअ देवे।

“दोहां दोशीआं नें सैशन कोरट दे फ़ैसले नूं हाई कोरट चुणौती दित्ती होई है। सरकार कोल हर पड़ाअ ’ते मुकद्दमा वापस लैण दा अधिकार है। इस अधिकार दी वरतों कर के पाले मीते नूं बरी कराइआ जा सकदा है। पर नवें दोशीआं उपर मुकद्दमा चलाउणा संभव नहीं होएगा। अदालत इक वार पाले मीते नूं बंटी दे कातल करार दे चुक्की है। पहिला फ़ैसला रद्द कर के अदालत कोल दुबारा मुकद्दमा चलाउण दा कोई अधिकार नहीं। इको समें संमती दीआं दोवें मंगां नहीं मंनीआं जा सकदीआं।”

“इह कोई कानूंन है, जिहड़ा असल कातलां नूं सज़ा नहीं करवा सकदा अते निरदोशां नूं बरी नहीं करवा सकदा।”

“कोई कानूंनदान कुझ नहीं कर सकदा। कानूंन ही अजिहा है। असल विच इह बहुत पुराणा है। समें अनुसार सोध होणी चाहीदी है पर.....”

“पर सरकार कोल इस लई वकत नहीं है। इहो आखणा है नां?”

ऐडवोकेट जनरल की कहिण जा रिहा है, मख्ख मंतरी पहिलां ही भांप गिआ। आपणे ही सलाहकार कोलों होण जा रही आलोचना तों तिलमिलाए मुख्ख मंतरी नें उस नूं पहिलां ही टोक दित्ता।

“नहीं सर) मेरा इह मतलब नहीं है।”

“कानूंन सुधारां बारे बहिस किसे दिन फेर कर लवांगे। हुण जिस मसले दे हल्ल लई बैठे हां, उस बारे सोचो।”

“सरकार सरकार है। उस नूं किसे कोलों सहिमती लैण दी ज़रूरत नहीं है। सरकार इकतरफ़ा फ़ैसला लए, पाले मीते नूं रिहाअ कर देवे।”

“तेरा मतलब है सरकार आपणे पैर ’ते आप कुहाड़ा मार लए। आप केस वापस लै के इह मंन लए कि पाला मीता बेकसूर हन। इस तरहां करन नाल संमती दे हत्थ होर मज़बूत नहीं होणगे? उस नूं आपणा संघरश तिख्खा करन दा मौका नहीं मिलेगा? कहिणगे हुण असल कातलां नूं फड़ो। उधर तूं कहिनैं दुबारा मुकद्दमा नहीं चल्ल सकदा। मरिआ सप्प सरकार आपणे गल किस तरहां पा लए?”

निरउत्तर होइआ ऐडवोकेट जनरल मूंह विच उंगल पा के सोचण लग्गा।

“कोई गल्ल नहीं। जे कोई कानूंनी हल्ल नहीं लभ्भदा, नां सही। तुसीं चल्लो। असीं कोई सिआसी हल्ल लभ्भदे हां।”

आख के मुख्ख मंतरी नें अफ़सर फ़ारग़ कीते।

समस्सिआ दा सिआसी हल्ल लभ्भण लई उह सिआसी सलाहकारां नाल मशवरा करन लग्गा।

 

 

37

हाकम सिंघ नें जेल्ह सुपरडैंट दे सिर विच पता नहीं की जादू झाड़ दित्ता सी। उह सारा दिन उस नूं कोल बिठाई रख्खदा सी। उह जिहड़ा वी हुकम लिख के उस अग्गे रख्खदा, उह बिनां पहड़े उस उपर दसतख़त कर दिंदा सी।

हाकम दे आखण ’ते पिछले कुझ दिनां तों जेल्ह मुलाज़मां दी खिचाई हो रहीसी।

इक कैदी दे पिछ्छे लग्ग के सुपरडैंट नें डाकटर नूं आपणे दफ़तर बुलाइआ। कालू दा मुआइना आपणे साहमणे करवाइआ। मजबूरी वस्स डाकटर नूं सही रिपोरट देणी पई। चोरी फड़ी जाण ’ते डाकटर नें पाणी आपणे कंपाऊडर वल्ल वहा दित्ता, “मैनूं दिन विच सैंकड़े मरीज़ां नूं देखणा पैंदा है। मरीज़ दी मुढ्ढली जांच कंपाऊडर करदा है। बीमारी गंभीर होण ’ते ही मेरे अग्गे पेश करदा है। कालू इंना बीमार है, इह मैनूं कंपाऊडर नें कदे नहीं सी दस्सिआ।”

कालू नूं तुरंत हसपताल दाख़ल कीता गिआ। अणगहिली करन कारन कंपाऊडर नूं कारन दस्सो नोटिस जारी कीता गिआ।

सुपरडैंट दी इस कारवाई उपर डाकटर अते कंपाऊडर दोवें नराज़ सन।

ज़नाना जेल्ह दी वारडर मिल्ली नाल वी अजिहा कुझ वापरिआ सी। मिठ्ठो नें उस नूं सैंकड़े दरख़ासतां फड़ाईआं सन। उस नें सभ दबा लईआं सन। मिल्ली बहुत गिड़गिड़ाई, “मिठ्ठो कुझ समें तों नीम पाग़लां वरगा विवहार करदी है। दिन विच चार-चार दरख़ासतां मैनूं फड़ा दिंदी है। पहिलीआं कुझ दरख़ासतां मैं मुनासिब हुकमां लई उपर भेजीआं। उह सभ रद्द हो गईआं। जदों फेर मैं दरख़ासत भेजी तां डिपटी वल्लों मैनूं झाड़ पई। कहिंदे कैदण तां पाग़ल है। तूं तां सिआणी हैं। डिपटी दा हुकम मंन के मैं दरख़ासतां उपर भेजणीआं बंद कीतीआं सन।”

मिल्ली दे मिंनत-तरले दा सुपरडैंट ’ते कोई असर नहीं सी होइआ। उस नूं वी सज़ा मिलण वाली सी।

उपरों सितम इह कि मिठ्ठो नूं मुड़ फ़िरोज़पुर जेल्ह भेजे जाण दी सिफ़ारश उपरों मनज़ूर हो गई सी। मिठ्ठो किसे वी समें इथों जा सकदी सी।

मिल्ली दे नाल-नाल फ़िरोज़पुर जेल्ह दा दरोग़ा वी औखा सी।

नत्थे वारडर नूं मुलाकातां वाली डिऊटी तों हटा के जेल्ह दे केंदरी टावर उपर चहड़ा दित्ता गिआ सी। किसे कैदी नें उस उपर दोश लाइआ सी, “बिनां पैसे किसे दी मुलाकात नहीं कराउंदा। मुलाकात दा समां मिले पैसिआं अनुसार तहि करदा है। जिंने पैसे वध्ध, ओना समां वध्ध। कोई वध्ध मुठ्ठी गरम कर देवे तां कैदी नूं दफ़तर बुला के मुलाकाती दे साहमणे बिठा दिंदा है। जे औरत होवे तां इकांत दा प्रबंध कर दिंदा है। शिकाइती नूं शिकाइत सी कि दूरों आइआ उस दा मुलाकती दो वार बेरंग मुड़ गिआ सी। कैदी नूं आए मुलाकाती बारे सूचित तक नहीं सी कीता गिआ। तीसरी वार मुलाकात दा समां ख़तम होण तों तिंन मिंट पहिलां बुलाइआ गिआ। कैदी नें घरदिआं दा हाल-चाल पुछ्छणा शुरू ही कीता सी कि समां ख़तम होण दा घड़िआल वज्ज गिआ। मुलाकाती नूं मूंह लटका के वापस मुड़ना पिआ। इस धक्के ’ते कैदी सख़त नराज़ सी।

अध्धे असमान विच टंगिआ नत्था दुआनी-दुआनी लई मुथाज होइआ पिआसी।

नज़ला फ़ारम दे पंजा इंचारज सुरिंदर कुमार उपर वी झड़िआ सी। शिकाइती कहिंदा सी, ‘उह मैनूं इक मिंट वी आराम नहीं लैण दिंदा। कंम वी औखे तों औखा दिंदा है। कदे पिठ्ठ सिध्धी करन लग्गां तों कोड़े मार दिंदा है। जिहड़े दारू सिक्के दा प्रबंध कर दिंदे हन, उह सारा दिन दरख़्ख़तां हेठ पए गप्पां मारदे रहिंदे हन। भुक्की पींदे रहिंदे हन।”

सुरिंदर नूं फ़ारम विचों कढ्ढ के बाहरली दीवार दी हिफ़ाज़त करदी गारद विच शामल कर दित्ता गिआ सी। नां किसे कैदी नाल वाह पएगा नां शिकाइत होएगी।

बैज नाथ जेल्ह करमचारीआं दी यूनीअन दा सरगरम मैंबर सी। बैज नाथ नूं बदलण दी थां सीतल दी बैरक बदल दित्ती गई। तरक वज़नदार दित्ता गिआ, “हवालाती अल्ल्हड़ उमर है। जुरम वी इशक-मुशक वाला कीता है। धग्गड़ां दी बैठक विच ज़िआदा मुलज़म पेशेवार किसम दे हन। उहनां विच रहि के नौजवान दे विगड़न दी वध्ध संभावना है। उह पाहड़ा है अते इमतिहान दी तिआरी कर रिहा है। धक्कड़ां दी बैरक विच शोर-शराबा अते लड़ाई-झगड़ा हुंदा रहिंदा है। पहड़न वाले नूं उह नफ़रत करदे हन। किताबां खोह के गटर विच सुट्ट दिंदे हन। सुधरन अते पहड़ाई दा मौका देण लई उस नूं बहादरां दी बैरक विच भेजिआ जांदा है।”

बैज नाथ नूं सीतल दी बैरक बदलण ’ते कोई इतराज़ नहीं सी। उस दी हिक्क ’ते सप्प उस समें लिटण लग्गा जदों बहादरां दी बैरक दे सहाइक दरोग़े राहीं सीतल दा फ़ारम मंगवाइआ गिआ अते फिर विशेश दूत राहीं यूनीवरटि भेजिआ गिआ।

बैज नाथ बेइज़्ज़ती महिसूस कर रिहा सी। उस नूं आपणी बैरक विच जांदे नूं शरम आउंदी सी। कैदी उसनूं डो-डो कर रहे सन। उस दा आपणे कैदीआं उपरों रोहब चुक्किआ गिआ सी।

कुझ करमचारीआं दे कंन खिच्चे जा चुक्के सन। बाकीआं नूं खिच्चदे नज़र आ रहेसन।

मुलाज़मां विच दिनो-दिन रोस वधदा जा रिहा सी। डरे-सहिमे करमचारी जिथे मिलदे, इसे धक्कड़शाही दे चरचे छेड़ के बैठ जांदे।

मुलाज़मां नूं हाकम नालों वध्ध गिला आपणे अफ़सर उपर सी। उह जे कलरकां जां वारडरां पिछ्छे नहीं लग्गदा, नां लग्गे। सहाइक दरोग़िआं अते डिपटीआं दी मंनदा तां मंने। मंन किस दी रिहा है? इक कैदी दी। हाकम सिंघ इक वकील है तां पिआ होवे। उस नें जेल्ह सुधारां बारे जे कुझ किताबां पहड़ीआं हन, पहड़ीआं होण। इस समें उह कैदी है। उस नाल कैदीआं वाला सलूक होणा चाहीदा है। अफ़सर बणा के मुलाज़मां दे सिरां उपर बिठाउणा उहनां नूं मनज़ूर नहीं।

हाकम सिंघ नें नेतावां दे भाशण सुणे होणगे। उहनां पिछ्छे लग्ग के उह अजीब- अजीब मंगां रख्ख रिहा है। कहिंदा है, “कैदीआं दी सिख्खिआ अते मनोरंजन दा प्रबंध करो। वधीआ सिहत सहूलतां देवो। हर कैदी नूं घर नाल संबंध रख्खण लई हर हफ़ते इक लिफ़ाफ़ा दिउ। बीड़ी-सिगरट दिओ। मालश लई सरोहं दा तेल दिउ। कप्पड़े धोण लई साबण देवो। परने, चुंनीआं अते अंडरवीअर देवो। कहिंदा है जेल्ह मैनूअल अनुसार इह सभ कुझ लैणा कैदीआं दा हक्क है।”

हाकम सिंघ नूं पता नहीं पर जेल्ह अधिकारीआं नूं तां पता है कि नेतावां नूं झूठे वाअदे करन दी आदत है। जदों भाशन देण लग्गदे हन तां बिनां सोचे-समझे वाअदे करदे जांदे हन। लोक उहनां वाअदिआं अनुसार सहूलतां दी झाक करन लग्गदे हन। जेल्ह विभाग उह सहूलतां देण लई जदों पैसे दी मंग करदा है तां ख़ाली ठूठा दिखा के कहि दिंदे हन, “बजट वाधू ख़रचे दी इजाज़त नहीं दिंदा।”

जेल्ह करमचारीआं नूं कछ्छे-परने वंडण विच की इतराज़ है? पर इह सामान सटोर विच होवे तां सही। जेल्ह मैनूअल कदे उहनां पहड़िआ ही नहीं। आपणी वीह-वीह साल दी नौकरी दे तजरबे दे आधार ’ते उह कहि सकदे हन कि इह सामान कदे सटोर विच आइआ ही नहीं। हो सकदा है काग़ज़ीं-पत्तरीं आउंदा होवे अते उपर ही खाधा-पीता जांदा होवे। बाकी समान नाल वी इंज ही वापरदा है। अध्धा सामान उपरले रख्ख लैंदे हन। डरा-धमका के रसीदां ’ते दसतख़त करवा लैंदे हन। जो अध्ध-पचध्ध आउंदा है, उह हेठले अफ़सरां दे घरीं चलिआ जांदा है। मुलाज़मां दे हिस्से ख़ाली बोरीआं आउंदीआं हन, कैदीआं हिस्से भुख्ख नंग।

पिछले साल कैदीआं दीआं फ़लश्श-टट्टीआं दी मुरंमत लई सरकार नें रो-पिट्ट के मसां दो लख्ख रुपिआ मनज़ूर कीता सी। जेल्ह सुपरडैंट कहिंदा सी, उस दी कोठी दे डराइंग रूम दी सजावट विगड़ी पई है, इह पैसा उस नें उथे वरतणा है। डिपटी कहिंदे सन कि उहनां दीआं रसोईआं दा भैड़ा हाल है। उहनां दीआं बीवीआं ख़ुश करो। मींहां विच मुलाज़मां दे कुआरटर चोण लग्गदे हन। उह कहिंदे हन, छत्तां उपर मिट्टी पुवाओ। इस खिच्चोताण विच इक महीना लंघ गिआ। उह बिल्लीआं वांग लड़दे ही रहि गए। पैसा आई.जी. साहिब नें उपर मंगवा लिआ। कहिंदे, “मंतरी जी दे बाथरूम दी मुरंमत सभ तों ज़रूरी है।”

इहनां पैसिआं वांग बीड़ीआं सिगरटां अते चुंनीआं शमीज़ां लई आउंदे पैसे किसे होर भले कंम लई वरत लए जांदे होण, इस बारे मुलाज़म कुझ नहीं जाणदे।

हाकम पहड़िआ-लिखिआ ज़रूर है, पर तजरबे दी बहुत घाट है। उह नेतावां दे भाशणां दा हवाला दे-दे कैदीआं लई सहूलतां दी मंग करदा है। उस नूं पता होणा चाहीदा है कि भाशण केवल ताड़ीआं दी मिठ्ठी गड़गड़ाहट अते अख़बारां दीआं सुरख़ीआं बणन लई दित्ते जांदे हन, लागू करन लई नहीं।

पिछले साल जेल्ह दा चक्कर कट्टण आइआ जेल्ह मंतरी छुरली छड्ड गिआ। कहिंदा सी, “अगले साल तों जेल्हां विच खेडां कराईआं जाइआ करनगीआं। इस योजना लई सरकार वीह लख्ख रुपए दा प्रबंध करेगी। खेडां दे सामान दे नाल-नाल कोच भेजे जाणगे। कैदीआं विचों हाकी, कबड्डी अते फुट्टबाल दीआ टीमां तिआर कीतीआं जाणगीआं। हर साल टूरनामैंट होइआ करेगा। जेतू टीमां दे मैंबरां नूं भारी मुआफ़ी दित्ती जाइआ करेगी।”

फेर आज़ादी दिवस ’ते झंडा लहिराउण आइआ मुख्ख मंतरी ऐलान कर गिआ, “कैदीआं नूं चंगे शहिरी बणाउण लई उहनां नूं जेल्ह विच उच्च सिख्खिआ देण दा प्रबंध कीता जाएगा। अगले अकादमिक वरहे तों जेल्हां विच सकूल खोल्हे जाणगे। कैदीआं नूं पैरां सिर खड़े करन लई कित्ता सिखलाई कोरस शुरू कीते जाणगे। किताबां कापीआं इसे महीने पुज्ज जाणगीआं। अधिआपक बदलीआं समें आ जाणगे।”

मख्ख मंतरी दी झोली चुक्कण आइआ सिहत मंतरी वी पिछ्छे नां रिहा। कहिंदा है, “जेल्ह हसपताल नूं अपगरेड कीता जाएगा। वीह दी थां पंजाह बिसतरिआं दा प्रबंध कीता जावेगा। तिंन होर माहिर डाकटर भेजे जाणगे। दवाईआं दा बजट वधाइआ जाएगा। नवें औज़ार भेजे जाणगे।”

सभ नूं पता है, राजधानी पुज्जदे ही मंतरीआं नूं इह वाअदे भुल्ल जाणगे। कुझ भोले कैदी अते कुझ सिर-फिरे समाज सेवक ही उहनां नूं याद रख्खणगे। मंतरीआं तक कैदी पहुंच नहीं सकदे। आथण-उग्गण उह जेल्ह करमचारीआं दे कंन ही खांदे सन। ‘खेडां दा प्रबंध करो। पहड़ाई दा प्रबंध करो’ दी रट लाई रख्खदे सी।

हाकम सिंघ उहनां सुपनबाज़ां विचों इक जापदा है।

उहनां दा अफ़सर वी घट्ट सुपने नहीं लैंदा। उह पत्थर-दिल, पेशेवर मुजरमां नूं दिनां विच मोम बणाउण दे सुपने देखदा रहिंदा है।

इस विच कसूर अफ़सर दा घट्ट, सरकार दा वध्ध है। इह रगड़े खा के अफ़सर नहीं बणिआ, सिध्धा सुपरडैंट भरती होइआ है। इसे लई तजरबे दी घाट है।

जेल्ह सुपरडैंट रणजोध सिंघ किसे मंतरी दा भाणजा है। भरती तहिसीलदार होण गिआ सी। उह आसामी ख़ाली नहीं सी। मंतरी नें आपणे अहिलकारां तों प्छिआ। पता लग्गा, जेल्ह सुपरडैंट भरती होइआ जा सकदा है। मंतरी दीआं बाछां खिड़ गईआं। भंन-तोड़ कर के उस नें रणजोध सिंघ नूं सुपरडैंट भरती करवा दित्ता। रणजोध सिंघ जेल्ह दी नौकरी तों डरदा सी। उह नरम तबीअत दा बंदा है। चोरां-ठग्गां नाल नहीं नजिठ्ठ सकदा। मंतरी नें इक नां सुणी। मंतरी कई वार जेल्ह जा चुक्का सी। उस नें जेल्ह सुपरडैंटां दी बादशाहत देखी सी। समझा-बुझा के उह उस नूं इथे छड्ड गिआ। जे रणजोध सिंघ कलरक जां वारडर तों तरक्की कर के अफ़सर बणिआ हुंदा तां उहनां ’ते एनी सख़ती नां करदा। पंज-दस रुपए लैण नूं रिशवत नां समझदा।

अफ़सर नूं पता है वारडर दी तनख़ाह चार साढे चार हज़ार रुपए महीना है। कुझ साल पहिलां उह चौथा दरजा करमचारी होइआ करदे सन। तनख़ाह कमिशन नें रहिम कर के उहनां दा रुतबा वधा दित्ता। महिंगाई दे इहनां दिनां विच इंनी रकम दुध्ध, करिआना, बिजली अते फ़ीसां उतारदे मुक्क जांदी है। बाकी ख़रचा जे वारडर उपरों नहीं चलाएगा तां भुख्खा नहीं मरेगा। उह रणजोध सिंघ वांग सरदारां दे काके नहीं हन। किसे मुलाज़म दा बाप सीरी है, किसे दा रिहड़ा वाहुंदा है, किसे दा जुत्तीआं गंढदा है। किसे दी भैण विधवा है, किसे दे घर विआहुण वालीआं तिंन भैणां बैठीआं हन। वारडरां नें आपणी कबीलदारी इथों ही चलाउणी है। उह वी दसी-बीसी लै के। अफ़सरां वांग उह सारा गुदाम नहीं डकार सकदे।

मुलाज़मां नूं गिला है कि हुण उसे पंजी-दसी बारे रौला पाइआ जा रिहा है। करमचारी आपणा पख्ख पेश करना चाहुंदे हन। उहनां नूं अफ़सोस है। अफ़सर कोल कैदी दीआं चुग़लीआं सुणन दा वकत तां है, आपणे मातहितां दीआं तकलीफ़ां सुणन दा नहीं।

हाकम दे जेल्ह आउण तक जेल्ह प्रबंध आपणी हाथी दी मसत चाल वांग चल्ल रिहा सी। कुझ कैदी रिहाअ कराउण बाअद जेल्ह सुपरडैंट नें उस नूं ज़िआदा ही सिर चहड़ा लिआ है।

हाकम सिंघ कैदीआं नूं भाशण देवे, इस ’ते जेल्ह करमचारीआं नूं कोई इतराज़ नहीं सी।

हुण वारडरां नूं उस दे अकाऊ भाशण सुणन लई मजबूर कीता जा रिहा है।

हाकम वारडरां नूं अजीब-अजीब नसीहतां दिंदा है। कहिंदा है, “वारडरां दे मोढिआं ’ते वकत दे मारे कैदीआं नूं चंगे शहिरी बणाउण दी अहिम ज़िंमेवारी है। हर दोशी भैड़ा नहीं हुंदा। प्रसथितीआं उस नूं भैड़ा बणाउंदीआं हन। बहुते कैदीआं विच सुधर जाण दी संभावना हुंदी है। जेल्ह मुलाज़मां नें कैदीआं नाल पिआर अते हमदरदी नाल पेश आ के उहनां संभावनावां नूं उजागर करना है। मुजरमां दीआं सरीरक, मानसिक अते समाजिक समस्सिआवां नूं समझणा है। तुहानूं मनोविगिआन, सरीर विगिआन अते तणाओ विगिआन दी जाणकारी होणी चाहीदी है। इस बारे मुढ्ढली जाणकारी तुहानूं मैं देवांगा। फेर माहिर बुलाए जाणगे। तुहानूं जेल्ह नियमां अते जेल्ह मैनूअल बारे पता होणा चाहीदा है।”

अगले भाशणां विच उह इहो जाणकारी देण नूं फिरदा है। मुलाज़म आपणे अफ़सरां नूं दस्सणा चाहुंदे हन, “नां असीं बहुते पहड़े-लिखे हां, नां बहुते दिमाग़ां वाले। दसवीं असीं मसां नकलां मार के पास कीती है। नौकरी छोले दे के जां किसे रिशतेदार दे पैरीं पै के लई है। ट्रेनिंग दौरान सानूं इक कंम सिखाइआ गिआ है, डंडा चलाउणा। इको फ़रज़ याद कराइआ जांदा है, कैदी नूं काबू रख्खणा। सख़ती नाल कैदीआं नूं काबू ’च रख्ख के असीं आपणा फ़रज़ बाख़ूबी निभा रहे हां। कैदीआं दे मनां जां कानूंन नूं समझणा साडा फ़रज़ नहीं। इस बारे अफ़सर जाणन।”

हाकम सिंघ सहूलतां नाल भरपूर बी कलास विच बैठा है। इसे लई कैदीआं दे सुधरन दी गल्ल करदा है। कदे धक्कड़ां जां पंछीआं दी बैरक विच रहि के देखे। फेर आपे आखेगा, “हर मुलज़म दे सुधरन दी संभावना नहीं हुंदी। उस नूं समझ आएगी कि बहुते कैदी डंगरां वरगे हुंदे हन। उह जुत्ती दी भाशा समझदे हन। दिन विच वारडरां दा सैंकड़े जेब-कतरिआं अते चाकू-मारां नाल वाह पैंदा है। जे करमचारी उस नाल नरमी नाल वरतण लग्गण तां उह उहनां नूं कमज़ोर अते बुज़दिल समझण लग्गणगे। उहनां नूं टिच्चरां करनगे, उहनां दीआं चिड़ां भंनाउणगे। आखा मंनणों हट जाणगे।

पेशी भुगतण गिआ इक जेब-कतरा आणे वकील दी जेब कट्ट लिआइआसी।उह वकील वी हाकम दी बरादरी दा सी। माड़े-धीड़िआं दे मुकद्दमे मुफ़त विचलड़दासी।

रहिम दे आधार ’ते नत्थे नें पहिलां-पहिल कुझ कैदीआं नूं उधार दित्ता सी। बहुते उधार खा गए सन। इक कैदी नें उधार मोड़न दी थां उस दी शिकाइत कर दित्ती अते अखे नत्था उधार दे बहाने रिशवत मंग रिहा है। अफ़सर पड़ताल करन दी तिआरी करन लग्गे। नत्थे नें होर पैसे दे के मसां खहिड़ा छुडाइआ। सप्पां नूं दुध्ध पिआउण दा कोई फ़ाइदा नहीं।

सुपरीम कोरट दे इक फ़ैसले दा हवाला दे के हाकम सिंघ आखदा है, “कैदीआं नूं बंदे समझिआ करो। उहनां नाल हमदरदी नाल पेश आइआ करो।”

एअर कंडीशन कमरिआं विच बैठे जज्जां नूं की पता है कि वारडरां नूं किहो जिहे दरिंदिआं नाल नजिठ्ठणा पैंदा है।

सुपरीम कोरट दे अजिहे इक फ़ैसले नूं लागू कर के बैज नाथ दी घीसी हो गईसी।

हुकम सी, “हवालातीआं नूं डंगरां वांग संगल पा के अदालत विच नां लिजाइआ जावे। इह ग़ुलाम प्रथा समें दी रवाइत है। इस नाल दोशीआं दे सवैमान नूं सट्ट वज्जदी है। उहनां विच हीण-भावना जागदी है।”

हुण सुपरीम कोरट नूं कौण समझाए? सारे कैदी उहनां साहमणे पेश होण वाले कैदीआं वरगे नहीं हुंदे।

बैज नाथ नूं इक वारी सुपरीम कोरट जाण दा मौका मिलिआ सी। जज्ज दा कमरा महाराजा पटिआले दे मोती महिल दे दीवानख़ाने वांग सज्जिआ होइआ सी। जज्ज चार फ़ुट्ट उच्ची कुरसी ’ते बैठा सी। उस दी कुरसी तख़ते-ताऊस वरगी सी। लंबे-लूंझे अंगरेज़ां वरगे वकील सन। कटहिरे विच मिठ्ठो बाज़ीगरनी जां कालू बदमाश नहीं सन खड़े। टैकस चोरी करन वाला कोई अरबपती कारख़ानेदार सी अते कोई करोड़ां दी रिशवत लैण वाला साबका मंतरी। उहनां नूं हत्थकड़ी लाउण दी उंझ वी ज़रूरत नहीं सी। सौ बीमारीआं दे खाधे अते कुप्पे वरगे ढिड्डां नाल उह भज्ज नहीं सकदे। वैसे वी करोड़ां दीआं जाइदादां छड्ड के उह जाणगे किथे?

अदालत दे हुकम दी तामील करदा बैज नाथ इक जेब-कतरे दा हत्थ फड़ी उस नूं अदालत विच पेश करन जा रिहा सी। हट्टे-कट्टे जेब-कतरे नें इको झटके नाल हत्थ छुडाइआ अते शूट वट्ट गिआ। बुढ्ढा बैज नाथ देखदा रहि गिआ।

 

फ़रज़ विच कुताही करन दे दोश विच पहिलां बैज नाथ नूं मुअत्तल कीता गिआ। फेर उस उपर परचा दरज कीता गिआ।

 

मुकद्दमा हाले चल्ल रिहा है। गवाह सरकारी मुलाज़म हन। बैज नाथ दे विरुध्ध भुगते हन। सज़ा वी हो सकदी है।

हाकम कहिंदा है, सुपरीम कोरट दे अजिहे होर फ़ैसले वी लागू करो।

वारडर आपणीआं नौकरीआं दी हिफ़ाज़त करन जां मुलज़मां दे मान-सनमानदी।

सुरख्खिआ करमचारी होण कारन, जेल्ह करमचारीआं नूं मानता प्रापत यूनीअन बणाउण दा अधिकार नहीं सी। फेर वी कंम चलाउण लई उहनां नें इक देसी जिही यूनीअन बणा रख्खी सी।

दुपहिर दी बंदी समें मुलाज़मां नें यूनीअन दी मीटिंग बुला लई।

उहनां नें सरब-संमती नाल फ़ैसला कीता, “हाकम दीआं ऊल-जलूल गल्लां नां असीं सुणांगे, नां असीं अफ़सरां नूं सुणन देवांगे।”

नौकरी उंझ वी ख़तरे विच है। किउं नां ख़तरा ख़ुद ही मल्ल लै लिआ जावे। मंगां नां मंने जाण दी सूरत विच हड़ताल ’ते जाण दा नोटिस दे दित्ता जावे।

मंग-पत्तर लिख के बैज नाथ नें जेब विच पा लिआ।

“मौका मिलदे ही मैं इह अफ़सरां तक पहुंचा देवांगा।”

मीटिंग बरख़ासत करन तों पहिलां बैज नाथ नें साथीआं नूं भरोसा दिवाइआ।

 

 

38

दो ज़रूरी म्दिआं ’ते विचार करन लई जेल्ह सुपरडैंट नें अधीन अफ़सरां दी मीटिंग बुलाई सी।

कीते कंम बदले हाकम सिंघ नूं जेल्ह प्रशासन अते कैदीआं वल्लों जो माण सनमान मिल रिहा सी, उस नें बी कलास विच बंद कई कैदीआं नूं सामज सेवा लई प्रभावित कीता सी।

बी कलास बैरक दा नां ‘वकीलां वाली बैरक’ पै चुक्का सी। हत्थां विच काग़ज़-पत्तर फड़ी सारा दिन कैदी इधर नूं वहीरां घत्ती रख्खदे सन। हाकम सारा दिन कंम विच इउं रुझ्झिआ रहिंदा सी जिवें मुख्ख मंतरी होवे। उह कैद कट्ट रिहा है, उस नूं भुल्ला होइआ सी।

माड़े-धीड़े कैदी उस नूं आपणा मसीहा समझण लग्ग पए सन। उस नूं हर थां सलामां हुंदीआं सन। उस दे पसीने बदले कैदी ख़ून वहाउण लई तिआर सन।

मौका मिलदे ही जेल्ह विभाग उस नूं मुआफ़ीआं दा गफ्फा दे दिंदा सी। महीने विच दो दिन दी मुआफ़ी चंगे चाल-चल्लण लई मिलदी है। इह मुआफ़ी बी कलास दे हर कैदी नूं बिनां मिहनत कीते मिल जांदी है। वकीलां दी बैरक दे बहुते कैदी हड्ड-हराम हन। आपणे हिस्से दी मुशक्कत होरां कोलों कराउंदे हन। इह मुआफ़ी दे योग नहीं हुंदे पर पैसे अते सिफ़ारश दे सिर ’ते उह इह मुआफ़ी हासल कर लैंदे हन। सुपरडैंट कोल साल विच वीह दिन मुआफ़ी देण दा विशेश अधिकार है। आई.जी. कोल सठ्ठ दिन दा। इह मुआफ़ी देण लई बहुत ज़ोर अज़माई हुंदी है। मंतरी तक तों फ़ोन कराउणे पैंदे हन। कैदीआं नें सारा साल डक्का दूहरा नहीं कीता हुंदा। उहनां दे किस कंम नूं वधीआ आखिआ जावे, इस नुकते ’ते आ के समस्सिआ खड़ी हो जांदी है। बाकीआं दी इक हफ़ते दी मुआफ़ी मनज़ूर नहीं होई। सुपरडैंट नें हाकम नूं पूरी मुआफ़ी देणी ही सी, आई.जी. नें वी खिड़े मत्थे पूरी मुआफ़ी दे दित्ती सी। कुझ होर मुआफ़ी देण दे अधिकार सरकार कोल हन। उहनां अधिकारां दी वरतों दी जेल्ह विभाग कोल सिफ़ारश कीती जा चुक्की है। अगांह रोड़ा अटकाउण वाला कोई नहीं। हाकम दा कंम ही माअरके दा सी। जेल्ह विभाग दा सारे देश विच सिर उच्चा होइआ सी।

कुल मिला के हाकम दी साल विचों छे महीने दी सज़ा मुआफ़ हो रही सी।

हाकम नूं आदरश मंन के कई प्रतिभावान विअकतीआं नें आपणीआं सेवावां पेश कीतीआं हन।

कई दिन मग़ज़ खपाई कर के डाकटर जैन नें पहिले अंकड़े इकठ्ठे कीते। उहनां अंकड़िआं दे आधार ’ते आपणा पख्ख पेश कीता। उस नें दस्सिआ, “साल विच इंने कैदी बीमार हुंदे हन, इंने इलाज दी घाट कारन मरदे हन। इंनीआं बीमारीआं फैलदीआं हन। सरकारी नियमां अनुसार इंने मरीज़ां पिछ्छे इंनें डाकटर चाहीदे हन। पर डाकटर इक सी।”

डाकटर जैन नें ऐम.डी. कीती होई सी। उस कोल दस साल दा तजरबा सी। उह माइआ नगर दा नंबर इक डाकटर सी। उस दी फ़ीस बाकी डाकटरां नालों कई गुणां वध्ध सी। फेर वी सारा दिन उस दी कलीनिक अग्गे मेला लग्गा रहिंदा सी। तिंन-तिंन घंटे उडीक के मसां वारी आउंदी सी।

 

हाकम वांग उह वी ग़रीब कैदीआं दा मुफ़त इलाज करन लई तिआर है। अज्ज कल्ल्ह उह दफ़तर दी डाक देखदा सी। इह कंम कोई दस पहड़िआ कैदी वी कर सकदा सी।

देखो-देखी दो मासटरां नें अरज़ी पा दित्ती, “साडे कोल ब्चिआं नूं पहड़ाउण दा पंदरां-पंदरां साल दा तजरबा है। असीं कैदीआं नूं पहड़ाउण नूं तिआर हां। हुण असीं फ़ैकटरी विच बतौर पंजा इंचारज कंम करदे हां। इह कंम कोई बुढ्ढा ठेरा कैदी वी कर सकदा है।”

फ़ारम विच टरैकटर चलाउंदे जरनैल सिंघ नूं वी पुराणा शौक जाग पिआ। कालज दे दिनां विच उह राशटरी पध्धर हाकी खेडदा रिहा सी। आपणे पिंड उस नें हाकी टीम बणा रख्खी सी। पेंडू खेडां विच उस दी टीम हर वरहे कोई नां कोई इनाम जित्तदी सी। मौका मिलण ’ते उह जेल्ह विच हाकी दी टीम खड़ी कर सकदा सी।

ज़नाना वारड विच कैद नीलम भैण जी वी किसे तों घट्ट नहीं सी। उह गीत-संगीत अते गिध्धे दी माहिर सी। उह बच्चा वारड विच अते साथण कैदणां लई सेवावां अरपण करन नूं तिआर सी। उस नूं वाजे तबले दी ज़रूरत नहीं सी। साज़ उस दे घर पए धूड़ चट्ट रहे सन। उहनां नाल कंम चल्ल सकदा सी।

इह अरज़ीआं साधारन किसम दीआं नहीं सन। जेल्ह विभाग दी नीती नाल संबंध रख्खदीआं सन। इस लई सुपरडैंट इकल्ला कोई फ़ैसला लैणा नहीं सी चाहंदा।

जेल्ह करमचारीआं नें वी मंग-पत्तर दे बहाने रोस-पत्तर भेजिआ सी। उहनां दीआं मंगां उपर खुल्ल्ह के विचार होणी चाहीदी सी। इसे लई मीटिंग बुलाई गई सी।

मीटिंग बुलाउंदे समें जेल्ह सुपरडैंट नें सोचिआ सी, हेठले अफ़सरां दी सहिमती लैणी इक उपचारकता है। अफ़सरां नें कैदीआं दीआं दरख़ासतां नाल सहिमत हो ही जाणा है।

पिछले महीने रणजोध सिंघ जेल्ह सुपरडैंटां दी कानफ़रंस विच हिस्सा लैण बंबई गिआ सी। सारी बहिस दौरान इको मुद्दा छाइआ रिहा सी। सरकार अंतरराशटरी पध्धर ’ते जेल्ह सुधारां बारे होए फ़ैसले इंन-बिंन लागू करना चाहुंदी सी। पर सरकार दी माड़ी माली हालत आड़े आ रही सी। घट्टो-घट्ट बजट विच वध्ध तों वध्ध सुधार किस तरहां लागू कीते जाण? इसे विशे ’ते माहिरां नें सुझाअ दित्ते सन। इक माहिर नें आखिआ सी, “जेल्ह विच हर प्रकार दी प्रतिभा मौजूद हुंदी है। जेल्ह अधिकारीआं नूं उह प्रतिभा लभ्भ के उस दा फ़ाइदा उठाउणा चाहीदा है।” रणजोध सिंघ इंज पहिलां ही कर चुक्का सी। इक वकील कैदी तों पूरी संसथा जिंना कंम लै चुक्का सी।

दरख़ासतां पहड़ के सुपरडैंट नूं अहिसास होइआ कि जेल्ह विच सच्चमुच्च हर तरहां दी प्रतिभा मौजूद है। डाकटर चिठ्ठीआं लिख रिहा है। टी.वी. मकैनिक रोटीआं थप्प रिहा है। घड़ीसाज़ भांडे मांज रिहा है। इहनां माहिरां नूं इहनां दी मरज़ी दे कंमां ’ते लाउण तों किस नें इनकार करना है। सभ नें झट्ट सहिमती प्रगटा देणी है।

मीटिंग विच सीनीअर डिपटी सुपरडैंट रणजीत सिंघ जो जेल्ह प्रशासन दा कंम देखदा सी, डिपटी सुपरडैंट धरमपाल जो फ़ैकटरी इंचारज सी, डाकटर शकती कुमार अते चारे सहाइक दरोग़े हाज़र सन।

डाकटर नूं छड्ड के बाकी सारे अफ़सर जेल्ह सुपरडैंट दे अधीन सन। उह खुल्ल्ह के आपणे विचार मीटिंग विच पेश नहीं सन कर सकदे।

हेठले अफ़सरां नें पहिलां आपणी वख्खरी मीटिंग रख्ख लई। विचार-वटांदरे तों बाअद उहनां नें सिट्टा कढ्ढिआ कि जेल्ह प्रशासन विच कैदीआं दे दख़ल नाल उहनां दे अधिकारां नूं खोरा लग्गणा है। इस लई उहनां नूं जेल्ह करमचारीआं दीआं मंगां दा समरथन ते कैदीआं दीआं दरख़ासतां दा डट के विरोध करना चाहीदा है।

बिल्ली दे गल्ल टल्ली पहिलां डाकटर नें बंनहणी है। बाकीआं नें पिछ्छों मौका संभाल लैणा है।

डाकटर नूं सुपरडैंट दा कोई रोहब नहीं सी। जेल्ह हसपताल उस दी मन-पसंद थां नहीं सी। इथे उह फसिआ-फसाइआ आइआ सी। पिछले साल उस दी तरक्की होई सी। सीनीअर मैडीकल अफ़सर दी कोई असामी माइआ नगर विच ख़ाली नहीं सी। डाकटर माइआ नगर छड्डण दी सथिती विच नहीं सी। मजबूरी वस्स उस नूं जेल्ह हसपताल आउणा पिआ सी। इथे सिवल हसपताल वरगीआं मौजां नहीं सन। मुजरमां विच रहि के उह चिड़चिड़ा हो गिआ सी। सारा दिन मरीज़ां नाल झगड़ना पैंदा सी। कमाई नां-मातर सी।

डाकटर जाणदा सी कि जैन उस नालों वध्ध काबल है। उस नें दिनां विच आपणी धांक जमा लैणी है। पिछ्छों शकती कुमार नूं किसे नें नहीं पछ्छणा। उह आपणे पैर ’ते आप कुहाड़ी नहीं सी मार सकदा।

इक होर दिक्कत खड़ी हो जाणी सी। शकती कुमार नूं डाकटर जैन वल्लों लिखीआं दवाईआं सटोर विचों देणीआं पैणीआं सन। जो थोहड़ी-बहुत कमाई दवाईआं बचा के हुंदी है, उह ख़तम हो जाणी सी।

नाले कंपाऊडर दा कारोबार प्रभावित होणा सी। उस नूं दवाईआं बाहरों अंदर लिआ के महिंगे भाअ वेचणीआं मुशकल हो जाणीआं सन। उस दे नाल-नाल उस दे कैदी भलाई बोरड दे मैंबर मामे नें प्रभावित होणा सी। उस नें आपणा ग़ुस्सा जेल्ह अधिकारीआं उपर कढ्ढणा सी।

डाकटर जैन नूं खुल्ल्ह देण नाल भरिंडां दे छत्ते नें छिड़ पैणा सी।

अजिहे तरक दे के पहिलां बणी योजना अनुसार शकती कुमार विरोधी सुर उच्ची करन लग्गा।

आपणे विचारां दी पुशटी लई उस नें इक उदाहरण दित्ती। इक वार पहिलां वी इक कैदी डाकटर नूं मरीज़ां नूं दवाई-बूटी देण दी खुल्ल्ह दित्ती गई सी। उस नें जेल्ह विच प्राईवेट प्रैकटिस करनी शुरू कर दित्ती सी। उह ठोकवीं फ़ीस लै के सरदे-पज्जदे घरां दे मरीज़ देखदा सी। बाकीआं नूं नेड़े नहीं सी लग्गण दिंदा। उस नें दवाईआं वी आपणे कोलों देणीआं शुरू कर दित्तीआं सन। उह जलदी रिहाअ हो गिआ। उस समें जेल्ह प्रशासन नें कंनां नूं हत्थ लाए सन। मुड़ अजिही ग़लती नहीं होएगी। पहिले तजरबे तों सबक सिख्ख के प्रशासन नूं ग़लती दुहराउणी नहीं चाहीदी।

 

कैदीआं लई सकूल खोल्ह के नवां सिआपा खड़ा करन ’ते रणजीत सिंघ इतराज़ करन लग्गा। उस नें साहिब नूं याद कराइआ।

“काग़ज़ीं-पत्तरीं सकूल पहिलां ही चल्ल रिहा है। किताबां, कापीआं अते होर निक्क-सुक्क मंगाउण लई सरकार कोलों तीह हज़ार रुपिआ आउंदा है। उह सारी रकम साडे बोझे पैंदी है। सच्चमुच्च सकूल खुल्ल्हण नाल उह आमदन बंद हो जाएगी। काग़ज़ीं- पत्तरी असीं पंज बंदिआं नूं मुशकत तों छोट दित्ती होई है। उस छोट बदले प्रशासन नूं मोटी फ़ीस मिलदी है। उह फ़ीस बंद हो जाएगी। अधिआपकां दा कंम करन वाले समाज सेवी कैदीआं नूं विशेश मुआफ़ी दित्ती जांदी है। उस मुआफ़ी दी रकम वख्खरी वसूली जांदी है। उह आमदन बंद हो जाएगी। कई पहड़े-लिखे कैदीआं नूं अनपहड़ दिखा के जेल्ह दे सकुल विच पहड़न जांदे दिखाइआ जांदा है। इस बहाने उहनां नूं फ़ैकटरी दे कंम तों बचाइआ जांदा है। इस रिआइत दा मुल्ल लिआ जांदा है। इमतिहान पास करन वाले ‘लाइक कैदीआं’ नूं विशेश मुआफ़ी दित्ती जांदी है। उह घाटा किवें पूरांगे? मैं किस-किस घाटे दा ज़िकर करां।”

सकूल खोल्हण दा विरोध करन लई रणजीत सिंघ नें इक विवहारिक तरक वी दित्ता।

“कैदीआं नूं पहड़ाउण दा सुझाअ उह लोक दिंदे हन जिनहां नें कदे जेल्ह दा दरवाज़ा तक नहीं देखिआ हुंदा। उह कदे जेल्ह दे अंदर आउण अते देखण कि जुरम कर-कर अते पुलिस दीआं मारां खा-खा इहनां कैदीआं दे दिमाग़ किस तरहां पत्थर वरगे बण गए हन। पत्थर ’ते बूंद पई नां पई इक बराबर है। इस जेल्ह विच इक वारी सकूल खोल्हण दा तजरबा हो चुक्का है। इक सामज सेवक अखवाउंदा अधिआपक कैदीआं नूं पहड़ाउण दा सुपना लै चुक्का है। उह हफ़ते बाअद बदली करवा के भज्ज गिआ सी। कैदी उस दीआं सांगां लाहुंदे सन, उपरों भैड़े-भैड़े सुआल पुछ्छदे सन। कलास विच कैदी पहड़न नहीं, कंमों टलण लई जांदे सन। दोबारा पंगा नां लैण विच बिहतरीहै।”

धरमपाल दे विचार डाकटर अते रणजीत सिंघ नाल मिलदे-जुलदे सन।

“फ़ैकटरी विच उतपादन दी दर पहिलां ही बहुत घट्ट है। मैनूं सरकार नूं जवाब देणा औखा होइआ पिआ है। जे हाकी, फुटबाल अते भंगड़े दीआं टीमां दी तिआरी शुरू हो गई तां कैदीआं नें कंम दी थां मैदान नूं भज्जिआ करना है। *पा करके कैदीआं नूं कंम ’ते लग्गे रहिण दिओ। उहनां नूं भैड़ीआं आदतां नां पाओ।”

मीटिंग दा रुख़ रणजोध सिंघ दी सोच दे उलट जा रिहा सी। बोरी विचों बिल्ली दी थां रिछ्छ निकल आइआ सी। लुकवीं सुर विच उस नूं जेल्ह सुधार लागू करन तों रोकिआ ही नहीं सी जा रिहा, सगों इस तरहां करन नाल निकलण वाले नतीजिआं तों जाणू करवा के डराइआ वी जा रिहा सी।

रणजोध सिंघ चुप्प-चाप मातहितां दे विचार सुणदा रिहा।

सहाइक दरोग़े नवल किशोर नें बगल विचों होर ही मूला कढ्ढ लिआ। कहिण लग्गा।

“मैं आपणे मुख़बर कैदीआं राहीं सूचनावां इकठ्ठीआं कीतीआं हन। बी कलाश कैदीआं नें इह दरख़ासता लोक-सेवा करन लई नहीं, हाकम सिंघ नूं मिल रहीआं सहूलतां विरुध्ध रोस प्रगट करन लई दित्तीआं हन।”

मीटिंग दे दूजे मुद्दे दी जहड़ हाकम सिंघ ही है।

“इस समें हाकम सिंघ जेल्ह प्रशासन लई पहिलां वाला कीमती गहिणा नहीं है, सगों इक समस्सिआ बण गिआ है। जे संकट विचों निकलणा है तां बिनां किसे जज़बाती सांझ दे उस दे विवहार अते उस नूं दित्तीआं जा रहीआं रिआइतां ’ते खुल्ल्ह के विचार होणी चाहीदी है।”

बिकरम वी उस नाल सहिमत सी।

“हाकम सिंघ आपणे आप नूं कैदीआं दा मसीहा समझण लग्ग पिआ है। उस नूं कैदीआं नूं नवें-नवें अधिकारां दी जाणकारी देण दी आदत पै गई है। अज्ज-कल्ल्ह उह कैदीआं नूं जेल्ह मैनूअल पहड़ा रिहा है। उहनां नूं सबज़-बाग़ दिखा रिहा है। नियमां अनुसार मुआफ़ीआं अते राशन-कप्पड़ा लै के देण दे वाअदे कर रिहा है। कैदी प्रशासन विरुध्ध भड़कण ही वाले हन।”

हाकम सिंघ इक होर सिआपा खड़ा करन वाला है। उह सुपरीम कोरट दे किसे फ़ैसले दा हवाला दे के जेल्ह विच थां-थां ‘शिकाइत डब्बे’ रख्खण दी मंग उठाउण वाला है। इह डब्बे आम डब्बिआं वरगे नहीं होणगे। इहनां नूं केवल ज़िल्हा मैजिसट्रेट जां सैशन जज्ज खोल्हेगा। होईआं शिकाइतां दी सुणवाई उहो करेगा। दोशी मुलाज़म नूं की सज़ा दित्ती जावे, इस दा फ़ैसला उहो करेगा। जेल्ह अधिकारीआं नूं आपणे उप्पर लग्गे दोशां दा जवाब देण लई मुलज़म बण के कटहिरे विच खहड़ना पएगा। मैं  उस फ़ैसले दी नकल हासल कर लई है। वीहां सालां तों इह फ़ैसला किताबां विच दफ़न है। जे इह फ़ैसला लागू हो गिआ तां असीं कैदीआं दे ग़ुलाम बण जावांगे। सानूं उहनां नूं जवाईआं वांग रख्खणा पैणा है।”

सभ अधिकारीआं दी इको राए सी, “हाकम नूं नत्थ पाई जावे।”

रणजोध सिंघ ज़िद्दी सुभाअ दा नहीं सी। नाले उह अफ़सरां दे विचार सुणदा रिहा, नाले सथिती दी घोख करदा रिहा।

उस नूं आपणी ग़लती दा अहिसास होइआ। सच्चमुच्च उह हाकम वल्ल उलारसी।

जेल्ह करमचारी अते अधिकारी दोवें वरग हाकम विरुध्ध इक मुठ्ठ होए खड़े सन। आपणी गल्ल मंनवाउण लई उहनां नें कुझ लूण-मिरच वी लाइआ होवेगा। बहुतीआं गल्लां सच्चीआं होणगीआं। रणजोध सिंघ नें ‘सुनील बत्तरा बनाम दिल्ली प्रशासन’ दे नां नाल प्रसिध्ध सुपरीम कोरट दे उस फ़ैसले नूं पहड़िआ होइआ सी, जिस विच जेल्हां अंदर ‘पटीशन बाकस’ रख्खण दी हदाइत दित्ती गई सी। हाकम सिंघ दी इस फ़ैसले नूं लागू कराउण दी मंग उस दे ख़तरनाक इरादिआं दी पुशटी करदी सी। सुपरीम कोरट दे अजिहे फ़ैसलिआं दी खोज कोई वकील ही कर सकदा सी।

रणजोध सिंघ दी किहड़ा हाकम सिंघ नाल पग्ग वट्टी होई सी। जिंना चिर उस दे सहारे नां चमक सकदा सी, चमका लिआ। हुण मरे सप्प नूं गलों लाह देणा चाहीदा सी। दुखी होए मुलाज़म किधरे हड़ताल नां कर देण। खिझे अधिकारी किते हाकम दीआं गतीविधीआं सरकार दे धिआन विच नां लिआ देण।

सारी लंका रावण विरुध्ध होई खड़ी सी। रणजोध सिंघ महाराजा रावण नहीं सी। आपणे मंतरीआं अते सैनापतीआं दी राए दुरकार के इकठ्ठा आपणे टीचे दी प्रापती लई निकलण दा ऐलान नहीं कर सकदा। नां उह भबीशण बण के सारे भाईचारे नूं लत्त मार के सच्च नाल खड़ोण दी हिंमत रख्खदा सी। उह साधारन मनुख्ख सी। उस नूं मौका संभालणा चाहीदा सी।

सथिती संभालण लई उस नें तुरंत हुकम जारी कीते।

“हाकम दा दफ़तर आउणा बंद। कैदीआं नूं भाशण देणे बंद। उस दीआं विशेश मुआफ़ीआं बंद।”

आपणी नीती सपश्शट करन लई उस नें मातहितां नूं समझाइआ।

“हाल दी घड़ी इंने खंभ कट्टणे काफ़ी हन। कोई होर सज़ा दित्ती तां उस दे चमचिआं नें भड़क पैणा है। हाल दी घड़ी ‘सहिज पके जो मीठा होए’ दे सिधांत ’ते चल्लण विच ही भलाई है।”

सुख्ख दा साह लैंदे मातहितां नें रणजोध सिंघ नाल सहिमती प्रगटा दित्ती।

 

 

39

जदों जलसे जलूसां नाल सरकार दे कंन ’ते जूं नां सरकी तां संघरश संमती नें अदालत दा दरवाज़ा जा खड़काइआ।

लोक हित्त पटीशन राहीं संमती नें हाई कोरट कोल कई मंगां रख्खीआं।

“पुराणा पैण कारन कानूंन आपणी चमक गुआ बैठा है। सरकार कोल इस दी धूड़ लाहुण दा वकत नहीं। अदालत आपणे लोक-हित्तू होण वाले अवतार नूं धारे अते आपणे विशेश अधिकारां दी वरतों कर के लोक भलाई दे नवें राह खोलेह।

“शक्क दा लाभ दे के कानूंन दोशीआं नूं बरी करन दी इजाज़त देंदा है। किसे हद्द तक इह नियम ठीक है। पर की अगली कारवाई ठप्प करना जाइज़ है? फ़ैसले बाअद नां पुलिस असली कातल लभ्भदी है, नां कानूंन इस दी इजाज़त दिंदा है। की कदे किसे नें सोचिआ है कि इंझ होण नाल म्रितक दे वारिसां ’ते की बीतदी है? उह कानूंन कोलों पुछ्छदे हन, “फड़े गए बंदे निरदोश होणगे पर उहनां दा बंदा वी तां मरिआ है। फेर उस दे कातल कौण हन? उहनां नूं कौण फड़ेगा? सानूं इनसाफ़ कौण देवेगा?”

“सिक्के दा दूसरा पासा वी ओना ही कोझा है। कई वार कानूंन विचलीआं कमज़ोरीआं दा फ़ाइदा उठा के तकड़ी धिर माड़ी धिर नूं निरदोश हुंदे होए सज़ा करवा दिंदी है। पिछ्छों जे असल कातल फड़े जाण तां कानूंन निरदोशां नूं बरी अते असल दोशीआं नूं कटहिरे विच खड़े करन विच अड़िक्का खड़ा कर दिंदा है। कानूंन आखदा है, “चंगा है जां माड़ा है। पहिली वार होइआ फ़ैसला अंतिम है। इक मामले ’ते अदालत वार-वार फ़ैसला नहीं सुणा सकदी।”

“की इहो जिहे कानूंन नूं लोक-हित्तू कानूंन आखिआ जावे? कानूंन पीड़तां दे ज़ख़मां ’ते मल्हम दा कंम करन लई हुंदा है, ज़ख़मां नूं उचेड़न लई नहीं।”

संमती नें आपणी पटीशन विच इहो जिहे कई मुद्दे उठाए।

संमती नें इक मंग कीती, “जे कोई गवाह जज़बातां विच वहि के जां किसे दबाअ हेठ आ के इक वार अदालत विच झूठ बोल जावे अते पिछ्छों आपणे अंदर दी आवाज़ सुण के आपणी भुल्ल सोधणा चाहे तां कानूंन नूं गवाह दा मूंह खोल्हण तों रोकणा नहीं चाहीदा।”

संमती दा विचार सी कि कानूंन कोलों इह ग़लतीआं इस लई हुंदीआं हन, किउंकि जुरमां दी तफ़तीश करन वाली संसथा इक है। पुलिस पूरी तरहां सरकार दे अधीन है। सरकार नूं पुलिस उपर अते पुलिस नूं लोकां उपर इसे लई मरज़ी करन दा अधिकार है।

पटीशन राहीं संमती नें पुछ्छिआ, “जे देश दे नागरिकां नूं आपणी मरज़ी दे सकूल विच पहड़न अते मरज़ी दे हसपताल विचों इलाज कराउण दी खुल्ल्ह है तां मरज़ी दी तफ़तीशी एजंसी कोलों तफ़तीश कराउण दा अधिकार किउं नहीं है? सरकार दा इह एका-अधिकार ख़तम होणा चाहीदा है। निज्जी संसथा नूं तफ़तीश करन दी खुल्ल्ह होणी चाहीदी है।”

संमती नें कुझ निज्जी मंगां वी रख्खीआं।

संमती सिध्ध कर चुक्की है कि पाला मीता निरदोश हन। इह वी सिध्ध हो चुक्का है कि असल कातल हरमनबीर अते उस दे नौकर हन। अदालत पख्ख प्रदरशक बण के नवां कानूंन घड़े। निरदोशां नूं बरी करे अते सरकार नूं असल कातलां नूं ग्रिफ़तार करन दी हदाइत करे।

जिंना चिर अदालत इहनां कानूंनी मुद्दिआं उपर आपणी राए नहीं दिंदी, ओना चिर पाले मीते नूं ज़मानत ’ते रिहाअ करे।

संमती वल्लों पेश कीते सुझावां नें बुध्धीजीवी वरग विच बहिस छेड़ दित्ती। अख़बारां रसालिआं विच इहनां सोधां दे हक्क अते विरोध विच खोज-पत्तर छपण लग्गे। बहुतेु कानूंनी माहिर संमती दे सुझावां नाल सहिमत होण लग्गे।

छिड़ी बहिस अते निकलण वाले नतीजे दे रुख़ नें सरकार दी फ़िकरां वाली पंड होर भारी कर दित्ती। सरकार इस तरहां दीआं सोधां दे हक्क विच नहीं सी। सरकार कोल पुलिस वाला इको इक डंडा सी, जिस राहीं उह विरोधीआं नूं नत्थ पा के रख्खदी सी। पुलिस दे हत्थों तफ़तीश दा एका-अधिकार खुस्सण नाल सरकार खुसरा बण के रहि जाणी है। झूठे मुकद्दमे बणा के नां सरकार तों आपणे विरोधीआं दे कंन खिच्चे जाइआ करनगे, नां आपणे पख्खीआं नूं जुरम करन दीआं खुल्ल्हां दित्तीआं जा सकणगीआं। निज्जी तफ़तीश एजंसीआं मुख्ख मंतरी तक नूं कटहिरे विच खड़ा कर लिआ करनगीआं। सरकार बणाउण दा मतलब पुठ्ठे-सिध्धे ढंग नाल आपणिआं दी झोली भरना है। जे मंतरी दे सिर ’ते कानूंन दी तलवार लटकण लग्गी तां फेर मंतरी बणन दा की फ़ाइदा?

मंतरीआं नें मुख्ख मंतरी नूं सावधान कीता, “कुझ वी करो। अजिही सोध नूं हर हीले रोको।”

ऐडवोकेट जनरल सरकार दीआं हदाइतां दी पालणा लई अड्डी-चोटी दा ज़ोर लाउण लग्गा।

निज्जी तौर ’ते गुरदेव सिंघ संमती दे सुझावां नाल सहिमत सी। अजिहीआं कुझ सोधां नाल लोकां लई इनसाफ़ दे दरवाज़े खुल्ल्ह सकदे सन। लोकां नूं आपणी मरज़ी दी संसथा कोलों तफ़तीश दी खुल्ल्ह मिलण नाल बाकी मंगां आपे पूरीआं हो जाणीआं सन। फेर नां झूठे गवाहां दी लोड़ पएगी, नां गवाहां नूं पैर-पैर ’ते बिआन बदलण दी। फेर नां निरदोश लोकां नूं कटहिरे विच खड़ना पएगा, नां असल कातलां दे पिछ्छों फड़े जाण ’ते दुबारा सुणवाई दी ज़रूरत पवेगी।

पर इस समें गुरदेव सिंघ सरकार दा नमक खा रिहा सी। उस नें उहो बोलणा सी, जिस लई सरकार नें उस नूं आखणा सी। इस समें उस नूं निज्जी विचार प्रगटाउण दा अधिकार नहीं सी।

संमती दे तरकां नूं कट्टणा गुरदेव सिंघ नूं औखा लग्ग रिहा सी। उस दे दफ़तर विच सरकार दा पख्ख पूरन लई सैंकड़े सरकारी वकील सन। इस मामले दा कौण माहिर है? इह घोखण लई उस नें इक-इक वकील दी काबलीअत ’ते नज़र मारी। सारा माता दा माल सी। उहनां नूं लिआकत दे आधार ’ते भरती थोहड़ा कीता गिआ है। उह  निज्जी रसूख़ कारन ख़ज़ाना लुट्टण अते तजरबा हासल करन लई भरती होए हन। इहनां चिट्टे हाथीआं तों पूरी नहीं सी पैणी।

सरकार आपणे कानूंनदानां दी काबलीअत दी पहिलां ही भेती सी। जदों कदे कोई मामला उठ्ठदा सी, वधीआ वकील करन लई सरकार नूं दिल्ली वल्ल दौड़ना पैंदासी।

इस सरकार दे कारज काल दौरान उठिआ इह सभ तों गंभीर मामला सी। जे अदालत नें संमती दी गल्ल मंन लई, जिस दी पूरी संभावना सी, तां सरकार नें कौडीआं वाला सप्प बण के रहि जाणा सी।

ऐडवोकेट जनरल नें मुख्ख मंतरी नूं सलाह दित्ती।

“इस वारी वी वकील बाहरों बुलाउणे पैणगे”

“ख़रच दी परवाह नां करो। ख़ज़ाने दा मूंह खुल्ल्हा है। हर ढंग तरीका वरत के पुलिस दे अधिकार बचाओ।”

बिनां कोई किंतू-परंतू करे मुख्ख मंतरी नें झट्ट सहिमती दे दित्ती।

उसे शाम गुरदेव सिंघ जहाज़ चहड़ के दिल्ली जा वड़िआ। आपणे मित्तर वकीलां नूं ख़ुशख़बरी सुणाई। किसे नूं हज़ारां रुपए प्रती घंटा अते किसे नूं लख्खां रुपए प्रती दिहाड़ी दी साई फड़ाई। सरकार दा पख्ख कमज़ोर नां रहि जाए, इस लई पैसा ख़रचदे समें उस नें रत्ती भर दी कंजूसी नहीं सी कीती।

मुख्ख मंतरी नें लोक संपरक विभाग नूं वी चौकस कीता। उह कानूंन दे माहिर पत्तरकारां दीआं सेवावां हासल करे। उहनां कोलों सरकार दा पख्ख पूरदे वड्डे-वड्डे लेख लिखवाए। उहनां लेखां नूं पंजाबी तों लै के अंगरेज़ी दे हर छोटे-वड्डे अख़बार विच छपवाए। नाले आपणे पख्ख विच साधारन लोकां कोलों संपादक दे नां चिठ्ठीआं लिखवाए। बहिस पूरी भखे। पर धिआन रहे, पल्लड़ा सरकार दा ही झुके। इसे तरहां रेडीओ अते टी.वी. दा प्रयोग होवे।

सरकार दे यतन रंग लिआउण लग्गे। बहिस दिनां विच भख पई। आए दिन नवें-नवें पख्ख इस तजवीज़ दे हक्क विच अते विरोध विच छपण लग्गे। मामला सूबे दीआं सरहद्दां टप्प के राशटरी पध्धर ’ते पुज्ज गिआ।

बाकी सूबिआं दीआं सरकारां दे वी कंन खड़े हो गए। सुत्ती पई केंदरी सरकार नूं जगाइआ गिआ।

वख्ख-वख्ख सूबिआं विच वख्ख-वख्ख सिआसी पारटीआं दीआं सरकारां सन। सिआसी तौर ’ते उहनां विच इट्ट-कुत्ते दा वैर सी, पर इस ‘सांझे मुद्दे’ ’ते सारीआं पारटीआं इक हो गईआं। विरोधी धिर नें सत्ताधारी धिर दा पूरा साथ देण दा प्रण लिआ। सारीआं पारटीआं नें इक मत्त हो के मता पास कीता।

“पुलिस दे अधिकार सीमत होण नाल देश विच परलो आ सकदी है। पुलिस दा मनोबल गिर सकदा है। ज़हिर कढ्ढण बाअद फनीअर नाग दी की वुक्कत? गंडोए तों किसे नहीं डरना। बग़ावतां नूं दबाउण अते भैड़े अनसरां नाल नजिठ्ठण लई पुलिस दा शकतीशाली होणा ज़रूरी है। इस अधिकार दी राखी सारीआं सरकारां अते सिआसी पारटीआं दा फ़रज़ है।”

सूबिआं दे कानूंन मंतरीआं नें राजधानी पुज्ज के केंदरी सरकार दे कानूंन मंतरी नाल मीटिंग कीती। उस नूं सांझी बेनती कीती, “फ़नीअर नूं सिर चुक्कण तों पहिलां ही कुचल देणा चाहीदा है।”

केंदरी मंतरी नें भरोसा दिवाइआ।

“इंज ही होवेगा। कानूंनी चाराजोई वी होएगी। सुपरीम कोरट दे कई जज्ज मेरे मित्तर हन जां आखो उह मेरे कारन ही कुरसी तक प्जे हन। मैं उहनां नूं निज्जी तौर ’ते आखांगा। आपणा रसूख़ वरत के उह सरकार दी बेड़ी बंने लाउण।”

सूबा सरकारां नें इस महां यग्ग लई आपणे-आपणे योगदान दी घोशणा कीती। हर सूबा सरकार आपणे ख़रचे ’ते कानूंन माहिरां दी इक पंज-मैंबरी टीम नियुकत करेगी। उह टीम हाई कोरट विच सोधां दे विरुध्ध बोलेगी।

केंदर सरकार वी पिछ्छे रहिण वाली नहीं सी। केंदरी मंतरी नें ऐलान कीता।

“साडा कानूंनी ढांचा अंगरेज़ां नें उसारिआ सी। वधीआ चल्ल रहे इस ढांचे नूं हुण ढाह लाउण दा यतन हो रिहा है। ढांचे नूं बचाउण लई जे इस दीआं जहड़ां तक जाणा पिआ तां केंदरी सरकार आपणे ख़रचे ’ते बरतानीआं तों माहिर बुलाएगी।”

केंदर अते सूबा सरकारां वल्लों मिले भरपूर सहियोग नें मुख्ख मंतरी दे नाल-नाल ऐडवोकेट जनरल दे सिरों बोझ लाह दित्ता।

कानूंनी सिर-खपाई दी ज़िंमेवारी तों विहला हो के गुरदेव सिंघ मुख्ख मंतरी दी निज्जी साख़ वल्ल धिआन देण लग्गा।

सारीआं सूबा सरकारां नें बहिस विच हिस्सा लैणा सी। संमती दी मदद उपर वी कई संसथावां आ गईआं सन। उहनां वल्लों वी आपणा पख्ख पेश कीता जाणा सी। बहिस कई महीनिआं तक लटक सकदी सी।

गुरदेव सिंघ नूं फ़िकर लग्गा होइआ सी। बहिस नूं लंबी खिच्चदी देख के अते कारवाई नूं वड्डे पध्धर ’ते प्रसारित हुंदा देख के हाईकोरट किधरे दोशीआं दी ज़मानत मनज़ूर नां कर देवे?

चोणां सिर ’ते सन। दोशीआं दी ज़मानत होण बाअद मुख्ख मंतरी किहड़े मूंह लोकां विच जावेगा। उधर बहिस चल्लदी रही। इधर ऐडवोकेट जनरल उदेश दी प्रापती लई आपणे फीले दुड़ाउंदा रिहा।

सरकारां नें पैसा पाणी वांग वहाइआ। आल्हा तों आल्हा कानूंन माहिरां नूं बुलाइआ।

संमती दे साधन सीमत सन। लोक-हित्त नूं धिआन विच रख्खदिआं बहुत सारे माहिर आपणे ख़रचे ’ते संमती दे हक्क विच बोलण आए। राशटरी पध्धर दीआं कुझ लोक भलाई संसथावां नें संमती दा साथ दित्ता।

बहिस दौरान भावें पल्लड़ा संमती दे हक्क विच झुकिआ रिहा, पर फ़ैसला उह होइआ जो सरकार चाहुंदी सी।

हाई कोरट नें इहनां तरकां दे आधार ’ते संमती दी पटीशन रद्द कीती।

हाई कोरट नें विचार प्रगटाइआ कि लोकां दी जान-माल दी रख्खिआ करना अते ससता इनसाफ़ दिवाउणा सरकार दी मुढ्ढली ज़िंमेवारी है। सरकार आपणा इह फ़रज़ तां ही प्रभावशाली ढंग नाल निभाअ सकदी है, जे तफ़तीश दा अधिकार इकल्ली सरकार कोल होवे। इह अधिकार निज्जी हत्थां विच देण नाल पैसे वालिआं दा बोल-बाला हो जाएगा। निज्जी संसथावां उहो बोली बोलणगीआं जिस लई उहनां नूं पैसा दित्ता जाएगा। अजिही सथिती विच ग़रीब-ग़ुरबे दा की बणेगा?

इनसाफ़ करदे समें अदालतां नूं वड्डी मुशकल दा साहमणा करना पएगा। हर संसथा आपणा राग अलापेगी। अदालत किस दी मंनेगी?

कानूंन विवसथा बणाई रख्खणा सरकार दा मुढ्ढला फ़रज़ है। संमती दी मंग मंनण नाल सरकार दा अधिकार सीमत हो जाएगा। इंज संविधान विच दरज ढांचे विच गड़बड़ होएगी। फ़ैसला लागू करन लई संविधान विच सोध करनी पएगी। सोध लोक सभा अते विधान सभावां दी सहिमती नाल होएगी। अजिहे महत्तवपूरन फ़ैसले काहल विच नहीं हो सकदे। इहनां मुद्दिआं उपर पहिलां लंबीआं बहिसां होणीआं चाहीदीआं हन। फेर सोधां होणीआं चाहीदीआं हन। इस समें अदालत वल्लों संविधान विच दख़ल देणा उचित नहीं है।

इस मुद्दे नाल सारे देश दे हित्त जुड़े होए हन। इस लई इह मामला हाई कोरट दी थां देश दी सरब-उच्च अदालत विच उठाइआ जाणा चाहीदा है। संमती नूं सुपरीम कोरट दा दरवाज़ा खड़काउण दी हदाइत होई। बाकी दे कानूंनी मुद्दे हाई कोरट नें निपटा दित्ते।

फ़ैशला होण बाअद दुबारा तफ़तीश शुरू करना किसे तरहां वी तरक-संगत नहीं है। इंज होण नाल मुकद्दमे दी सुणवाई नें कदे नहीं मुक्कणा। कदे मुदई्ई धिर नें दरख़ासत दे देणी है कि नवें मुजरम लभ्भ पए हन, इक वार फेर सुणवाई करो। कदे मुलज़मां नें दरख़ासत दे देणी है कि उह निरदोश हन। असल दोशी आह हन। अदालत नूं किते नां किते लकीर खिच्चणी पैणी है। चंगा जां माड़ा इह नियम जाइज़ है।

गवाहां नूं वारी-वारी बिआन बदलण दी इजाज़त नहीं दित्ती जा सकदी। अदालत नूं इह पता किस तरहां लग्गेगा कि गवाह पहिलां झूठ बोल के गिआ है जां हुण झूठ बोल रिहा है। गवाह नूं पहिलां ही सोच-समझ के कटहिरे विच खड़ना चाहीदाहै।

अजिहे तरकां दे आधार ’ते हाई कोरट नें सिट्टा कढ्ढिआ, “संमती दीआं मंगां निआं-प्रबंध नूं भंबलभूसे विच पाउण वालीआं हन। लोक-हित्तू होण दी थां लोक-विरोधी हन।”

संमती वल्लों दइर पटीशन लोक-हित्त पटीशन सी। संमती वल्लों उठाए कानूंनी मुद्दिआं दा हाई कोरट निपटारा कर चुक्की सी। बाकी दे मामले निज्जी अते इक विशेश मुकद्दमे नाल संबंधित सन।

‘निज्जी मामले निज्जी मुकद्दमे विच उठाए जाण।”

फ़ैसले दे अंत विच हाई कोरट वल्लों संमती नूं इह सलाह दित्ती गई।

 

 

40

सरकार दे दबाअ हेठ होए फ़ैसले नें संमती नूं निराश तां कीता पर निर-उतशाहित नहीं।

असफ़लता दे नाल-नाल संमती नूं कई फ़ाइदे वी होए।

राशटरी पध्धर दीआं कुझ संसथावां नें इस मुद्दे नूं अपणा लिआ। बहिस नूं अग्गे तोरन दा बीड़ा उठा लिआ।

मीडीए विच होए चरचे नें संमती दा नां घर-घर पहुंचा दित्ता। लोक राए संमती दे हक्क विच बणन लग्गी। लोक अते नवीआं-नवीआं संसथावां संमती नाल जुड़न लग्गीआं।

संमती दा असल उदेश लोकां नूं इह समझाउणा सी कि मौजूदा सिआसी ढांचा गल-सड़ चुक्का है। इह लोक-पख्खी नहीं है। निआं-पालिका वरगी सच्ची-सुच्ची संसथा वी इस दी सड़िआंद तों बची होई नहीं है। समुच्चा ढांचा बदले बिनां सुखी ज़िंदगी जिऊणी असंभव है।

चोणां दे ऐलान नाल संमती नूं आपणा उदेश लोकां तक पहुंचाउणा आसान हो गिआ।

सुनहिरी मौके दा लाभ उठाउण लई संमती ज़ोर-शोर नाल तिआरी करन लग्गी।

संमती दे साधन सीमत सन। सोच-विचार के संमती नें प्रचार दे नवें ढंगां दी खोज कीती।

जदों कोई सिआसी पारटी रैली करदी, संमती आपणा साज़ो-सामान लै के उथे पुज्ज जांदी।

संमती कोल इक टरैकटर-टराली सी अते लक्कड़ दे कुझ फट्टे। इक लाऊड सपीकर सी अते धौले वाले जगतार दी संगीत मंडली।

लोड़ पैण ’ते टराली उपर फट्टे रख्ख के सटेज बणा लई जांदी सी।

नेतावां दे मन-लुभाउणे भाशण सुणन बाअद जनता जदों घरां नूं मुड़न लग्गदी सी तां जगतार आपणी तूंबी दी तार छेड़ दिंदा। मनां नूं धूह पाउंदीआं उच्चीआंहेकां लोकां दे पैरां विच बेड़ीआं बण जांदीआं। उह पुठ्ठे पैरीं मुड़न लई मजबूर हो जांदे।

लोकां नूं आपणी गल्ल समझाउण लई संमती वल्लों लंबे चौड़े भाशन नहीं सन दित्ते जांदे।

संमती पुलिस, अदालतां अते सुधार घरां दे प्रबंधकां हत्थों सते लोकां नूं सटेज ’ते बुलाउंदी अते उहनां दी दरद कहाणी उहनां दे मूंहों सुणवाउंदी।

किसे जलसे विच कारवाई चलाउण दी ज़िंमेवारी राए सिख्ख, बाज़ीगर अते सांसी बरादरी दे चेअरमैन शामू दी हुंदी।

किसे जलसे विच उह करीमू नूं सटेज ’ते बुलाउंदा, किसे विच बूआ जी नूं अते किसे विच निक्को नूं।

बूआ जी बाज़ीगरां दे घर जंमिआ सी। उस दे मापे बाज़ीआं पाउंदे सन। मां-बाप नें बूए दे अंग बचपन विच ही लचकीले बणा दित्ते सन। जवानी ’च पैर धरदे-धरदे उह गड्डी दे बराबर भज्जण लग्ग पिआ सी। दस फुट्ट लंबी छाल मार लिआ करदा सी। वंझ दे सहारे बारां फुट्ट उच्ची कंध टप्प जाइआ करदा सी। किल्हा राएपुर दीआं पेंडू खेडां विच उह कई वार इनाम जित्त चक्का सी।

फेर इह गुण उस दे दुशमण बण गए। गरेवालां दे काके नूं वहिम हो गिआ। अगलीआं खेडां विच बूआ उस दा मैडल खोहेगा।

काके नें पुलिस कोल मुख़बरी कीती।

“बूआ जी रात नूं सड़कां ’ते खहड़दा है। लोकां नूं लुट्ट के हवा हो जांदा है।”

गल्लां ’च आई पुलिस नें उस दे नवें रिकारड दी थां उस दे ख़ानदानी रिकारड नूं तरजीह दित्ती। पिछोकड़ दे आधार ’ते उस नूं ग्रिफ़तार कीता अते जेल्ह विच सुट्ट दित्ता।

जेल्ह दे बाहर-अंदर रहिण दे चक्कर विच उस दीआं खेडां छुट्ट गईआं।

पुलिस नें कैद करवा के वी खहिड़ा नां छड्डिआ। रफ़तार मठ्ठी करन लई सज्जी टंग तोड़ दित्ती। टंगों आहरा हो के उह हुण नरक भोग रिहा है।

अख़ीर ’च उह हउका भर के आखदा।

“मेरी फ़ुरती देख के खेड मंतरी नें मैनूं पुलिस विच भरती करन दा वाअदा कीता सी। जे पुलिस नें मेरा रिकारड ख़राब नां कीता हुंदा तां अज्ज मैं वी पुलिस अफ़सर हुंदा।

बूआ जी दे नाल-नाल लोकां दीआं अख्खां वी सिल्लीआं हो जांदीआं।

फेर निक्को अते बीरो सांसणां सटेज ’ते आउंदीआं। उह आपणे मत्थिआं ’ते खुणे ‘चोरनी’ अते ‘जेब कतरी’ शबद लोकां नूं दिखाउंदीआं। फेर दस्सदीआं कि इहनां कलंकां कारन पैंतीआं-पैंतीआं दीआं हो के वी उह कुआरीआं बैठीआं हन।

लोहा गरम होइआ देख के शामू माईक ’ते आउंदा अते लोकां कोलों पुछ्छदा।

“की लोकां नूं जुरम करन लई मजबूर करन वाली अते लोकां नूं चैन दी ज़िंदगी नां जिऊण देण वाली पुलिस समाज दी उसारी विच कोई योगदान पा सकदी है?”

लोक इक जुट्ट हो के आखदे, “नहीं) बिलकुल नहीं।”

किसे होर जलसे विच बंटी कतल केस विच बतौर गवाह भुगते देस राज, कमल प्रशाद अते राधे सिआम नूं अशोक सटेज ’ते बुलाउंदा।

देस राज दुहाई दे के आखदा।

“पुलिस अते युवा संघ नें मेरे कोलों झूठ बुलवाइआ है। मेरी भांडिआं दी दुकान तां है पर नां कदे पाले नें मेरे कोल चोरी दा माल वेचिआ है अते नां ही कोई टोपीआ ख़रीदिआ है। लाला जी दा भगत होण कारन अते भावनावां विच वहिण कारन मैं झूठ बोल गिआ। संमती वालिआं नें मैनूं आपणी ग़लती दा अहिसास कराइआ है। मेरे मन ’ते बोझ है। मेरे कारन निरदोशां नूं सज़ा होई है। आपणी आतमा नूं शुध्ध करन लई मैं लोक-कचहिरी विच आइआ हां। लोको, मैनूं मुआफ़ करो।”

इसे तरहां कमल प्रशाद दुहाई दिंदा।

“मुकद्दमे विच जिहड़ी लैटर पैड पेश कीती गई सी, उह मेरे कोलों पुलिस नें छपवाई सी। पुलिस नें मैनूं समझाइआ सी कि बंटी दा कतल पाले मीते नें कीता है। कातल हुशिआर नें। उहनां नें सबूत मिटा दित्ते हन। सज़ा करन लई कचहिरी नूं सबूत चाहीदे हन। दोशीआं नूं सज़ा कराउण लई कुझ झूठ बोलणा पएगा। कानूंन दा ढिड्ड भरन लई मैं झूठ बोलिआ। मैं दुबारा अदालत विच बिआन देणा चाहुंदा हां पर अदालत मैनूं मौका नहीं दे रही। आपणी ग़लती दी सज़ा भुगतण लई मैं हाज़र हां।”

फेर पिआरे लाल लोकां तों पुछ्छदा।

“की अजिहा अंनहा कानूंन तुहाडे मसले सुलझाएगा?”

लोक फेर आखदे, “नहीं, बिलकुल नहीं।”

मौजूदा सुधार घर कैदीआं नूं सुधारदे हन जां विगाड़दे हन?”

इह दस्सण लई पहिलां हैलपलाईन दा तरसेम सटेज ’ते आउंदा। फेर उह दो साल बच्चा-जेल्ह विच रहि के आए ननू नूं बुलाउंदा।

अठ्ठ साल दे ननू नूं पता नहीं सी कि उस दा पिछोकड़ की है। हो सकदा है उह हराम दी औलाद होवे अते उस नूं जंमदे नूं ही रूड़ी उपर सुट्ट दित्ता गिआ होवे, जां मंगतिआं दे गिरोह नें उस नूं अगवा कर लिआ होवे, जां फेर ग़रीबी कारन उस दे मां-बाप उस दा पालण-पोशण नां कर सके होण अते उस नूं आपणी किसमत दे सहारे जीऊण लई सटेशन ’ते छड्ड गए होण। उस नूं बस्स एना ही पता सी कि उस दा बाप सारा दिन लक्कड़ दे पुल ’ते भीख मंगदा सी। रात नूं कंबल ओड़ के उथे ही सौं जांदा सी। विचे ननू नूं घसोड़ लैंदा सी। कड़ाके दी सरदी कारन इक दिन उस दा बाप दम तोड़ गिआ। लावारिस समझ के कारपोरेशन वाले उस दे बाप दी लाश नूं शमशानघाट अते उस नूं थाणे छड्ड गए। उथों उह जेल्ह पुज्ज गिआ।

फेर उह बच्चा-जेल्ह विचले आपणे तजरबे लोकां नाल सांझे करदा।

“बासू नें उस नूं जेबां कट्टणीआं सिखाईआं। नीलू नें सिगरट पीणी। कालू  नें घरां नूं पाड़ लाउणे।”

तरसेम उस नूं विचकारों ही रोकदा। फेर लोकां कोलों पुछ्छदा।

“की इस तरहां सुधरनगे बेसहारा बच्चे?”

मूंह विच उंगलां पा के लोक इस प्रशन दा उत्तर सोचण लग्गदे।

संमती वल्लों हुंदे जलसिआं विच साबका कैदी आपणे दुख्खड़े रोंदे हन, इह सुण के इक दिन बीबो आपणा दुख्खड़ा रोण आ गई।

कख्ख कंडा चुगण उह चाहलां दे खेत जाइआ करदी सी। चाहलां दे काके दी उस ’ते नज़र सी। आने-बहाने उह उस दे अग्गे-पिछ्छे कट्टे-वछ्छे बंनहदा रहिंदा सी। बीबो नें उस नूं साफ़ शबदां विच समझा दित्ता सी कि उह ऐसी-वैसी नहीं है। जिस नाल विआही है, उस दी बण के रहेगी। पर इह गल्ल काके दे ख़ाने विच नहीं सीवड़ी।

जदों उह नां टलिआ तां अक्की बीबो नूं हत्थ चुक्कणा पिआ। उस नें काके दा नक्क वढ्ढ दित्ता।

आपणे कीते ’ते बीबो नूं कोई पछतावा नहीं सी। उह ख़ुशी-ख़ुशी जेल्ह कट्ट रही सी। आपणी इज़्ज़त बचाउण लई बीबो नें काके दा नक्क तां वढ्ढ दित्ता, पर काकिआं नाल भरी जेल्ह विच उह किस-किस दा नक्क वढ्ढदी।

पंज साल दी कैद कट्टण तों बाअद घर मुड़दी बीबो दे नाल दो साल दी कुड़ी वी आई सी।

उह लोकां कोलों पुछ्छदी सी, सुधार घरों मिले इस तोहफ़े नूं लै के उह किथे जावे?

फेर इसतरी सभा दी प्रधान लोकां कोलों पुछ्छदी।

“की इहो जिहे होणे चाहीदे हन साडे सुधार घर?”

लोक फेर आखदे, “नहीं, बिलकुल नहीं।”

अख़ीर विच पिआरे लाल माईक संभालदा, उह आखदा।

“इस तरहां दा है साडा निआं-प्रबंध। की इह प्रबंध साडीआं समस्सिआवां हल्ल करन दे योग है? की साडे आज़ादी घुलाटीआं नें इहो जिहे राम राज दे सुपने लएसन?”

लोक आखदे, “नहीं”, फेर पुछ्छदे, “आख़िर किस तरहां हल्ल होणगीआं साडीआं समस्सिआवां?”

समुच्चा सिआसी ढांचा बदल के।” पिआरे लाल आखदा।

संमती वालिआं दीआं गल्लां सुण-सुण के लोकां दे चिहरे सूहे होण लग्गदे। मुकंमल तबदीली दे हक्क विच उह बांहां उच्चीआं कर-कर नाअरे लाउण लग्गदे।

“किस तरहां बदलीए पुराणा ढांचा? किस तरहां दा होएगा नवां ढांचा?”

इह समझाउण लई कदे बाबा लोकां साहमणे आउंदा अते कदे गुरमीत।