सुरमई शाम उत्तर रही सी। फलैटीज़ होटल दे बाहर दोसत-मित्तर इक दूजे नूं मिल रहे सन। सांझां बण रहीआं सन। मैं, सतिनाम माणक ते रघबीर सिंघ ते उस दी पतनी खड़ोते सां। इक पाकिसतानी लेखक ते उस दे नाल खड़ोती बीबी साडे वल्ल अहुले। दुआ सलाम होई। उनहां नें हुणे सानूं हाल विच बोलदिआं सुणिआ सी। लेखक ज़ाहिद हसन नें बीबी दा तुआरफ कराइआ, ‘‘इहदा नां ज़ोइआ है। इह वी बहुत वधीआ कहाणीआं लिखदी है।’’
ज़ोइआ नें दोवें हत्थ नाह विच हिलाए, ‘‘ओ छड्डो जी! मैनूं मशहूर होण दा कोई शौक नहीं।’’
सादा कप्पड़े, सलवार-कमीज़ बहुत ही शांत अते साऊ दिख्ख। बोलां विच डूंघी अपणत्त। जिवें असीं रोज़ ही इक दूजे नूं मिलण-गिलण वाले होईए।
‘‘तुसी लाहौर आए ओ।‥लाहौर वेखण नूं तुहाडा जी नहीं करदा!’’ ज़ोइआ नें पुछ्छिआ तां साडा सांझा जुआब सी, ‘‘अजे रातीं तां आए हां ते अज्ज सारा दिन कानफ़रंस विच लंघ गिऐ। हुण रात हो चल्ली है ते होर घड़ी नूं हाल अंदर मुशाइरा शुरू हो जाणा एं… उज्ज लाहौर किउं  नहीं वेखणा, लाहौर वेखण ही तां आए हां।’’
फिर उहो अपणत्त भरे बोल सन, ‘हुण ऐथे खड़ोते की करदे ओ। जे कोई नज़म नहीं पहड़नी ते मुशाइरे उते वकत सिर पहुंचण दी मजबूरी नहीं तां आओ! तुहानूं लारंस गारडन दिखाईए। लाहौर दी माल ‘ते फिराईए…’’
एना पाकीज़ा सद्दा सी कि ठुकराउण नूं जी नहीं सी करदा। माणक तां आपणी अख़बार दे टरसट्टी प्रेम सिंघ ऐडवोकेट नाल बझ्झा होइआ सी ते उस नूं उडीक रिहा सी। मैनूं ते रघबीर सिंघ हुरां नूं इह अपणत्त भरिआ सद्दा सवीकार करन विच कोई झिज्जक नहीं सी।
असीं निक्कीआं-निक्कीआं गल्लां करदे फलैटीज़ होटल दा बाहरला गेट लंघ के सज्जे हत्थ सड़क ‘ते तुरन लग्गे। सड़कों पार इक बहु-मंज़ली इमारत वल्ल इशारा कर के ज़ोइआ नें किहा, ‘‘औह मेरा दफतर है। पी.आई.ए. दा। पाकिसतान इंटरनैशनल एअर लाईनज़ दा। मैं एथे कंम करदी आं। छुट्टी होण तों पिछ्छों कानफ़रंस ‘ते आई सां।’’
फिर उस नें सज्जे हत्थ किसे बिलडिंग वल्ल इशारा कीता, ‘‘एथे कदे इंडीअन रेलवेज़ दा दफतर सी ‘तुहाडा’। फिर कोई जंग लग्गी। सानूं ‘गुस्सा’ आइआ तां असीं तुहानूं ‘साड़’ दित्ता। बाअद विच असीं सोच विचार के तुहानूं ‘सेफ’ थां ‘ते पुचा दित्तै। औधर शहिर तों बाहरवार‥’’ उह मिंनहा मिंनहा मुसकराउंदी होई आपणे विशेश अंदाज़ विच ‘इंडीअन रेलवेज़’ दा दफतर ‘सुरख्खिअत जगहा’ ‘ते बणाए जाण दी सूचना दे रही सी।
सौ कु गज़ जा के अग्गे इक चौक सी। गोल-आकार, वड्डा अते खुल्ल्हा।
‘‘औह चौक विच पहिलां मलिका दा बुत्त हुंदा सी। असीं उह चुकवा दित्ता ते इथे कुरान टिका दित्ता…’’
गोल गंुबदी छत्त हेठां कुरआन-शरीफ दा ‘माडल’ सी। खुल्ल्ही होई पाक-कुरआन। जिवें हुणे-हुणे मसतक नाल ला के पहड़न लई किसे नें खोल्ही होवे। सवेरे डा. जगतार दे दोसत नज़ीर कौसर नें इस नूं ‘कुरान दा बुत्त’ आखिआ सी। उहदे बोलां विच इसलाम विच ‘बुत्त परसती’ दी मनाही उते विअंग छुपिआ होइआ सी। ज़ोइआ दे लफ़ज़ां विच वी इहो जिही ही तनज़ सी।
लोक सानूं सड़के-सड़क तुरे जांदिआं दिलचसपी नाल वेख रहे सन।
‘‘सरदार जी। सासरी अकाल’’ कहिंदे होए तुरे जांदे पिछ्छा भौं-भौं के वेखदे, मुसकराउंदे ते कई चाह-पाणी दी सुल्हा वी मार रहे सन।
‘‘ऐह पंजाब असैंबली है’’ ज़ाहिद हसन नें चौक दे पिछ्छे खलोती विशाल इमारत वल्ल इशारा कीता। ‘‘जिथे भगत सिंघ नें बंब सुटिआ सी…’’
‘‘नहीं बंब एथे नहीं,  दिल्ली दे असैंबली हाल विच सुट्टिआ सी…तुहानूं मुग़ालता लग्गा है।’’ असीं उस नूं दरुसत कीता पर मेरे मन नूं इह ख़िआल थर-थरा गिआ। भगत सिंघ ज़रूर कदी इनहां सड़कां ‘ते गुज़रिआ होवेगा…जिथे असीं इस समें तुर रहे सां।
उनहां नें सानूं खब्बे हत्थ वड्डे हालां वाला अलहमरा सटूडीओ दिखाइआ। एथे वड्डे सैमीनार, नाटक ते सभिआचारक प्रोगराम हुंदे रहिंदे हन।
‘‘तुसीं नज़म हुसैन सय्यद हुरां नूं नहीं मिलणा! उह ऐदां दे फंकशनां लई घट्ट-वध्ध ही बाहर निकलदे नें। मिलण वाले उनहां दे कोल ही जांदे नें…उनहां दे घर। उथे उह आपणीआं गल्लां सुणाउंदे नें। बड़े डूंघे सकालर नें… जे मिलणा होइआ तां मिला दिआंगी। बड़ी कदर है उनहां दी मेरे मन विच। मैनूं वी उनहां नें ही कहाणीआं लिखण लाइआ है… लिखण विच उह ज़ुबान दा बहुत खिआल रख्खदे नें…’’
ज़ोइआ दे मन विच नज़म हुसैन बारे डूंघी कदरदानी दे अहिसास सन।
‘‘ज़ुबान नूं उह जाण-बूझ के कुझ ज़िआदा लहिंदी दी सथानक रंगण दिंदे हन। डूंघी गल्ल दी सादा बिआनी उनहां दी काइल करन वाली लग्गदी है पर सथानक शबदां दी बहुलता कुझ कुझ शबदां नूं समझण विच औख पैदा करदी है…’’ मेरी इस टिप्पणी दे जुआब विच उस नें आखिआ… ‘‘हां हां… ज़ुबान वल्ल उह बहुत धिआन दिंदे हन…।’’
‘‘तुहाडीआं कहाणीआं किहो जिहीआं हन?’’ मैं पुछ्छिआ तां हस्सण लग्गी, ‘‘जिवें मैं सादा ज़ुबान ‘च गल्लां करदी आं‥इंज नहीं मेरीआं कहाणीआं…। मेरीआं कहाणीआं दी ज़ुबान वी औखी ऐ…’’
ज़ोइआ नज़म हुसैन सय्यद दी सच्ची शागिरद सी ते कुझ-कुझ भावुक सी।
‘‘चलो लारंस गारडन विच मैं तुहानूं उह बोहड़ दा दरख़त विखाउंदी आं जिस हेठां बैठ के नज़म हुरीं किंनां-किंनां चिर आपणे अंदर उत्तर के आपणे नाल गल्लां करदे हन‥’’
फिर उस नें दस्सिआ, ‘‘ऐह इसे पासे ही नाल लगवां लाहौर दा मशहूर चिड़ीआ घर है।’’
मैनूं चिड़ीआ घर नाल जुड़िआ लतीफा याद आइआ। इक वार कोई जट्ट लाहौर गिआ तां उह ‘चिड़ीआ घर’ वी वेखण चला गिआ। उथे उहने ज़ैबरे वेखे। अजीब तरहां दा जानवर, पिंडे ‘ते कालीआं चिट्टीआं धारीआं। उस नें पहिलां तां कदी इह जानवर वेखिआ नहीं सी पर फिर वी इह उस नूं जाणिआं पछाणिआं जिहा किउं लग्ग रिहा सी। पिंड नूं जांदिआं-जांदिआं उहने खुश हो के चुटकी मारी। उस नूं जानवर दी पछाण आ गई सी।
पिंड वालिआं जदों पुछ्छिआ, ‘‘सुणा महिंदर सिआं! लाहौर गिऐ सैं‥उथे की की वेखिआ?’’
महिंदर सिंघ नें रहस्स उदघाटन कीता, ‘‘लै बई मैं चला गिआ लाहौर दा चिड़ीआ घर वेखण। यार एह अंगरेज़ वी बड़ी औंतरी कौम आं। इह खोतिआं नूं वी सवैटर पा के रख्खदी ऐ…’’
ज़ैबरे दीआं धारीआं, उस लई खोते दे गल पिआ सवैटर सन।
सारे दिल खोल्ह के हस्से। असीं लारंस बाग़ दा गेट लंघ रहे सां कि गेट लागे घाह ‘ते बैठे बंदिआं विचों इक जणा उठ के मेरे कोल आइआ। मेरे नाल हत्थ मिलाइआ। चाह-पाणी दी सुलाह मारी। मेरे धंनवाद करन ‘ते उह हत्थ हिलाउंदा आपणे साथीआं विच जा बैठा। उह उनहां सारिआं दा प्रतीनिध बण के मेरे कोल आइआ सी। उह सारे उतसुक नज़रां नाल सानूं वेख रहे सन।
थोहड़ा अग्गे जा के ज़ोइआ इक सटाल तों साडे वासते ठंडे दीआं बोतलां दा आरडर दे रही सी तां इक विअकती साडे कोल आइआ। गल विच थैला अख्खां उते नज़र दीआं ऐनकां।
‘‘वैलकम टू पाकिसतान…जी आइआ नूं… पर कशमीर दे मसले नूं हल्ल कीते बिनां कुझ नहीं होणा… उंज मेरे लाइक कोई खिदमत होवे तां दस्सो…’’
कशमीर दे मसले दा साडे कोल कोई हल्ल नहीं सी। खिदमत करन वाली ज़ोइआ आरडर दे के साडे कोल आ गई सी। ‘‘ओ छड्डो जी! सारे मसले हल्ल हो जाणगे आपे… आओ जी! आपां ऐह पौड़ीआं ‘ते बहि के बोतलां पीवीए…’’ उस नें उस बंदे नूं उत्तर दिंदिआं सानूं आपणे नाल तुरन लई आखिआ।
बाग़ विच लगीआं बत्तीआं दी मध्धम रोशनी विच असीं सीमिंट दीआं बणीआं पौड़ीआं ‘ते बैठे घुट्ट-घु्ुट करके ठंढा पी रहे सां। ज़ोइआ नें पिछ्छे बाग़ दे हनेरे विच दरख़तां दे झुंड वल्ल इशारा कीता, ‘‘औह अग्गे है उह दरखत जिथे नज़म साहब बैठदे हुंदे नें…’’
असीं ज़ोइआ तों उस दीआं कहाणीआं दी मंग कीती। उनहां नूं लिपीआंतर करवा के छपवाउण दा वाअदा कीता। उस सुहिरद औरत नें बड़ी बेप्रवाही नाल किहा, ‘‘ओ छड्डो जी… मैनूं नहीं कोई शौक छपण-छपवाउण दा… आपे छप-छुप जाणगीआं।’’
दोसती ते अपणत्त भरे माहौल विच कुझ चिर होर गल्लां करन तों पिछ्छों असीं वापस परतण दी तिआरी कीती। गेट तों बाहर निकले ही सां कि इक थरी-वील्हर वाला अग्गे आइआ।
‘‘सरदार जी! दिल्ली तों आए ओ…?’’
‘‘नहीं …मैं जलंधर तों…अंम्रितसर तों आं…।’’
‘‘मैं आखिआ भला दिल्ली तों जे…मैं उथे गिआ सां दिल्ली। कई साल होए। मेरा दोसत है उथे राज कुमार। फेर राज कुमार वी एथे आइआ सी। मैं दो हफ़ते उहनूं आपणे घर ही रख्खिआ। घुमाइआ-फिराइआ। ख़िदमत कीती।’’
एनी गल्ल कहि के उस नें अख्खां भर लईआं ते भोले-भाअ मैनूं पुछ्छण लग्गा, ‘‘होर मैं उस लई की कर सकदा सां! होर कुझ कर ही तां नहीं सां सकदा।’’
उस नें बेवस्सी ज़ाहर कीती। उह आपणे अंदरले भावां नूं ज़ुबान देणी चाह रिहा सी ते मैं उह दे अणकहे बोलां विच उतर रिहा सां।
मेरे साथी अग्गे खड़ोते मैनूं उडीक रहे सन। ज़ोइआ ते ज़ाहिद हसन वल्ल वेखदिआं मैं उस बंदे दीआं अख्खां विच अख्खां गड्डीआं। उहदे मोढे ‘ते हत्थ रख्खिआ।
‘‘जो कुझ तुसीं ते तुहाडे जिहे दोसत कर रहे नें…इहो ही बहुत कुझ है…ते आपां एना कर के ही कुझ नां कुझ करदे रहीए…तां शाइद बहुत कुझ हो जावे…।’’
मैं जिवें उहदे नाल ज़ोइआ हुरां नूं वी संबोधित सां। पिआर नाल इक वार फिर मैं उहदा मोढा घुट्टिआ ते अग्गे तुर पिआ। उस नें आपणे थरी-वील्हर वल्ल परतदिआं सज्जे हत्थ दी तली आपणी सज्जी अख्ख ‘ते फेरी ते फिर मैनूं तुरे जांदे नूं मोह नाल वेखण लग्गा। उह हुणे राज कुमार नूं मिल के विछड़िआ सी।