इस समें संसार बहुत ही नाज़क दौर विच्चों गुज़र रिहा है। इक्क पासे इस सदी नूं गिआन अते सूचना दी सदी आखिआ जांदा है, दूजे पासे संसार दी अध्धी तों वध वसों दी पहुंच तों गिआन अते सूचना बाहर है। इह लोक जीवन दीआं मुढलीआं लोड़ां भाव रोटी, कप्पड़ा अते मकान नूं तरस रहे हन। विद्दिआ प्रापती बारे तां इह सोच वी नहीं सकदे। हर तरहां दीआं बिमारीआं दी मार इनहां नूं झल्लणी पैंदी है किउंकि सिहत सहूलतां इनहां दी पहुंच तों बाहर हन। सकते दा सत्तीं वीहीं सौ हो रिहा है। जित्थे इक्क पासे ताकतवर आपणी ताकत दे ज़ोर उत्ते संसार नूं आपणी मरज़ी नाल चलाउणा चाहुंदे हन, उत्थे धारमिक कट्टड़वादी सारे संसार विच्च धरम दे नाम उत्ते अतंकवाद फैला रहे हन, हर पासे उपरामता, बेचैनी अते मौत बिखेर रहे हन। गरीब लोक थुड़ां भरिआ जीवन जी रहे हन पर अमीर लोक बहुतात दी हवस विच्च झुलस रहे हन। इंझ चैन किसे नूं वी नहीं है।

कुदरत नें इस धरती नूं इंना मालामाल कीता है कि जेकर काणी वंड नूं रोक के वंड के छकिआ जावे तां इस संसार विच्चों भुख्ख-नंग अते गरीबी नूं सहिजे ही दूर कीता जा सकदा है। विगिआन विच्च होए इनकलाबी विकास दे बावजूद वी अज्ज दा मनुख्ख हउमैं, ईरखा अते हवस दी जकड़ विच्च जकड़िआ होइआ है। इसे हवस दा इह नतीजा है कि संसार विचले कुदरती वसीलिआं दी बेरहिमी नाल वरतों कीती जा रही है, जिस करके इह धरती तबाही वल बड़ी तेज़ी नाल वध रही है। इस समें संसार नूं इक्क अजिही सेध दी लोड़ है जिस सदका संसार नूं तबाही दे रसते तों मोड़िआ जा सके। इक्क अजिही जीवन जाच दी लोड़ है तां जो संसार विच्चों नफरत अते ईरखा दूर हो सके। इक्क अजिहे फलसफे दी लोड़ है जिस राहीं हउमैं अते लालसा दी थां आपसी पिआर, हमदरदी अते मिलवरतण विच्च वाधा होवे। इनहां सभनां दा उत्तर उस पवित्तर अते अनोखे ग्रंथ विच्च है, जिसदी संपादना कोई चार सदीआं पहिलां गुरू अरजन देव जी नें कीती सी।

गुरू ग्रंथ साहिब किसे इक्क फिरके, मज़हब जां प्रांत लई नहीं है। इसदा संदेश तां सारी लोकाई लई है। स्री गुरू ग्रंथ साहिब विच्च ऊच नीच अते जात पात दे भेद भाव नूं मिटा के सारे वरगां दे भगतां अते संतां दी बाणी दरज कीती गई है। इस महान ग्रंथ विच्च सारी लोकाई लई अजिही जीवन जाच दी बखशिश कीती गई है, जिस नूं अपनणाइआं इस संसार विच्चों नफरत, ऊच-नीच, लड़ाई, झगड़े अते गरीबी खतम हो सकदे हन। इस संसार नूं सवरग रूप प्रापत हो सकदा है। स्री गुरू ग्रंथ साहिब दी रचना महान आतमावां नें उदों कीती, जदों उह कादर नाल इकमिक हुंदे सन ते उसे दे आदेशां नूं उनहां नें मानवता तीक पहुंचाइआ। गुरू ग्रंथ जी अंदर दरज बाणी चौहां वरणां दी रचना है, धरम अते जात पात दे भेद भाव तों निरमल है।

जेकर इस विच्च भगत जै देव ब्राहमण दी बाणी है तां शूदर समझे जांदे भगत रविदास दी बाणी वी इसे विच्च अंकित है। जदों कोई स्री गुरू ग्रंथ साहिब अग्गे सीस झुकाउंदा है तां उह जात-पात अते ऊच-नीच नूं भुल्ल सारी मानवता अग्गे सीस झुकाउंदा है। इस विच्च किसे सथान जां प्रांत नूं वी विशेशता नहीं दित्ती गई, सगों समुच्चे देश दी प्रतीनिधता कीती गई है। इस विच्च महाराशटर दे संत नामदेव दी बाणी वी है ते देश दे दूजे पासे बंगाल दे भगत जै देव दी रचना वी शामल कीती गई है। स्री गुरू ग्रंथ साहिब दी बाणी किसे इक्क समें रची गई रचना नहीं है, सगों काल दीआं हद्दां बंने टप्प 12वीं तों लै के 17वीं सदी विचकार होए गुरूआं, संतां अते भगतां दी बाणी इस विच्च दरज है। इंझ इह सदीवी अते जुगो जुग अटल बण जांदी है। गुरू अरजन देव जी नें जिवें हरिमंदर साहिब दे चार दरवाज़े रख्ख के उस नूं सारी लोकाई दा मंदर बणाइआ सी, इसे तरहां उनहां नें ग्रंथ साहिब दी संपादना करदे समें केवल सिख्ख गुरूआं दी बाणी ही दरज नहीं कीती, सगों इस विच्च छे गुरूआं, 15 भगतां, चार गुर सिख्खां अते 11 भट्टां दी बाणी दरज करके इस नूं समुच्ची मानवता दा ग्रंथ बणाइआ। इस विच्च कोई धारमिक करमकांड नहीं दस्से गए, सगों विखावे दे बंधनां तों मुकत हो के सच्चा अते सुच्चा जीवन जिऊण दी प्रेरणा दित्ती गई है। सतिगुरू ग्रंथ साहिब सरबत्त दे भले अते चहड़दी कला दा संदेश है। गुरू जी तों सांझीवालता, आपसी प्रेम, समाजिक बराबरी, सुच्ची किरत, सच्च अते शांती दा उपदेश प्रापत हुंदा है। मन नूं जित्त के काम, क्रोध, लोभ, मोह ते हंकार उत्ते काबू पाउण दी विधी वी गुरू जी वल्लों दस्सी गई है।

गुरू साहिब अखीर विच्च सानूं मुड़ द्रिहड़ करवाउंदे हन कि सफल सुखावां जीवन जिऊण लई उनहां वल्लों बखशिश कीती सिख्खिआ नूं अपणाईए अते दूजिआं लई तुहाडा जीवन प्रेरना सरोत बणे।

मुंदावणी महला 5

थाल विचि तिंनि वसतू पईओ सतु संतोखु वीचारो॥

अंम्रित नामु ठाकुर का पइओ जिस का सभसु अधारो॥

जे को खावै जे को भुचै तिस का होइ उधारो॥

इह वसतु तजी नह जाई नित्त नित रखु उरि धारो॥

तम संसारु चरन लगि तरीऐ सभु नानक ब्रहम पसारो॥

आपणी सोच अते शकती गुरू साहिब दी सुरख्खिआ बारे सोचण लई बरबाद नां करीए सगों गुरू जी दे हुकमां नूं अपाईए। गुरू जी अग्गे तां करोड़ां प्राणी आपणी सुरख्खिआ लई अरजोईआं करदे हन। कोई वी इनसान अजिहा कुकरम करन बारे सोच ही नहीं सकदा। इह कारज तां शैतान आपणे निज्जी सवारथ लई करवाउंदे हन। सरकारी अदालतां नें 15 साल हो गए कोई फैसला नहीं कीता पर कुदरत नें अजिही सज़ा दित्ती जिहो जिही कोई वी दुनिआवी अदालत नहीं दे सकदी। आपणे आप नूं बेताज बादशाह आखण वाला इक्क जेल्ह विच्च बैठा है ते दूजा घर बैठा है। इस करके संगतां नूं ऐवें नां उलझाईए सगों गुरू जी दे हुकमां दी पालणा करन लई प्रेरक बणीए।

* * * * *