इक्क विदवान दा कथन है, “बंदा कंम करदा लोहा, बहि गिआ तां गोहा, पै गिआ तां मोइआ।” दूजे शबदां विच्च उह विअकती जिहड़ा ज़िआदा समां मंजे नाल सांझ रख्खदा है, उह ज़िंदगी विच्च किरिआशील नहीं हो सकदा अते दलिद्दर उहदे अंग संग होवेगा। ज़िंदगी विच्च अजिहा विअकती कामयाब नहीं हो सकदा अते उह हमेशा ही मारू सोचां दा शिकार हो के ढहिंदी कला विच्च रहेगा। प्रसिध्ध शाइर बाबा नाज़मी दे बोल उपरोकत शबदां दी ही तरज़मानी करदे नें:

‘बेहिंमते नें जिहड़े बहि के, शिकवा करन मुकद्दरां दा।

उग्गण वाले उग्ग पैंदे हन, सीना पाड़ के पत्थरां दा।

दूजे पासे जिस विअकती दे द्रिहड़ इरादा, मिहनत अते करड़ी तपस्सिआ अंग संग है, जिस विअकती नें मंज़िल प्रापती लई औझड़ राहां ’ते सिदक दिली नाल कदम रख्खिआ है, आपणे मुहड़के दी खुशबू दा अनंद माणिआ है अते दुख्ख वेले अरदास, सुख वेले शुकराना अते हर समें सिमरन दी उसारू सोच नूं अंग संग रख्खिआ है, दरअसल अजिहा विअकती ही ज़िंदगी दा शाह असवार हुंदा है अते होरां लई प्रेरना दा सोमा वी। इक्क कामयाब विअकती तों जदों उसदी सफलता दा राज पुछ्छिआ गिआ तां उसने मुसकराके जवाब दित्ता, “लोक आपणे टीचे दी प्रापती लई दिनां जां घंटिआं दी विउतबंदी करदे हन पर मैं सारे दिन दे 86400 सकिंट दी विआउतबंदी करके समें दी सही वरतों करदिआं साधना कीती। कामयाबी दा नतीजा तुहाडे साहमणे है।” छोटे हुंदिआं बेरी तों टीसी दे बेर तोड़न लई कंडिआं दी परवाह कीते बिनां जा चहड़दा सां। बाहां भावें कंडिआं नाल छिल्लीआं जांदीआं पर जदों टीसी ’ते पुज्ज के बेर तोड़न उपरंत हेठां आ के चटकारे नाल खांदे सी तां उसदा अनंद ही कुझ होर हुंदा सी। हज़ारां मीलां दा सफर वी पैर पुट्टण नाल ही शुरू हुंदा है। द्रिहड़ इरादा अते हिंमत मज़बूत कदमां नूं बल बखशदे हन। दरअसल मुशकिलां, रुकावटां अते औकड़ां दा डट के मुकाबला करन वाले ही ज़िंदगी दा शाह असवार हुंदे हन।

जिनहां कोल वी ज़िंदगी जिऊण दा सलीका है, उहनां दा जीवन सड़क ’ते रात नूं जगदीआं बिजली दीआं टिऊबां वरगा हुंदा है। टिऊबां विच्चों निकलदी रौशनी भावें फासले नूं घट्ट नहीं करदी, पर सफ़र नूं सुखाला ज़रूर बणा दिंदी है। जदों असीं किसे दी पीड़ आपणे मन ’ते हंढाउंदे हां, उहदा दुख्ख दरद दूर करन लई हर संभव कोशिश करदे हां, उसदी ज़िंदगी रूपी मंझधार विच्च फसी किशती नूं किनारे ’ते पहुंचाउण लई सिरतोड़ यतन करदे हां, उस वेले उहदे वल्लों वरहदीआं असीसां दीआं कणीआं विच्च भिज्ज के प्रापत होई खुशी दा अनंद ही वख्खरा हुंदा है। इक्क विदवान दे इह बोल वी इस नेक करम दी ही तसदीक करदे हन, “जदों असीं किसे नूं फुल्ल भेंट करदे हां तां फुल्लां दी खुशबू साडे हत्थां नूं वी लग्गी रहि जांदी है।”

संपूरन शखसीअत दी उसारी लई, महिकां वंडदी ज़िंदगी बतीत करन लई अते लोकां दे चेतिआं विच्च वसण लई विअकती लई रूं, मोमबती अते सूई धागे वाला करम करना ज़रूरी है। रूं दा कंम जित्थे साडे ज़खमां नूं कज्जणा है, ज़ख़म विच्चों वहिंदे खून नूं रोकणा है, उत्थे ही रूं तों कप्पड़ा बणदा है। कप्पड़ा जो साडी इज़्ज़त दा प्रतीक है। दरअसल बहुत वार असीं आपणे हक्कां दी प्रापती ’ते ज़ोर तां पाउंदे हां, पर इह भुल्ल जांदे हां कि हक्कां दे नाल नाल फरज़ां दी पूरती करना वी अतिअंत ज़रूरी है। इह फरज़ां दी पूरती बिनां किसे भेद-भाव, जात-पात जां धरम तों उप्पर उठ्ठ के गुरू साहिब दे इस फरमान ’ते अमल करना है, “नां को बैरी नहीं बिगाना सगल संगि हम कउ बनि आई।।” जदों असीं रूं दे करम वांग होरां दी इज़्ज़त दे रखवाले बण जांदे हां, होरां दे सवैमान, अणख, ग़ैरत अते जज़बातां नूं सुरख्खिअत रख्खण लई करम करदे हां, उस वेले असली शबदां विच्च ज़िंदगी जिऊण दे सलीके ’ते चल्ल के होरां लई प्रेरना दा सोमा बणदे हां। इसे तरहां ही मोमबत्ती दा करम हनेरे विच्च चानण दा प्रकाश करना है। सिआणा अते सुलझिआ मनुख्ख अगिआनता दे हनेरे विच्च भटकदिआं नूं सही मारग ही नहीं विखाउंदा सगों मंज़िल प्रापती लई उहनां दा सहाइक वी बणदा है। कई वार बहुत सारे विअकती ज़िंदगी दा गलत रसता चुण के तेज़ दौड़दे हन। जिंना उह गलत रसते ’ते तेज़ दौड़दे हन, उंने ही उह ज़िंदगी दी मंज़िल तों दूर हुंदे जांदे हन। अजिहे गलत रसते ’ते भटक रहे विअकतीआं लई नैतिक कदरां कीमतां नाल लबरेज़ विअकती उहनां दा राह दसेरा बणदा है। मौके उत्ते दित्ती सही अगवाई, सेध अते हौसला भटके होए विअकतीआं नूं सही मारग ’ते चल्लण विच्च बहुत ही सहाई हुंदा है। बहुत सारे भटके होए नौजवान बुरी संगत विच्च फस के नशिआं दा शिकार हो रहे हन अते उह आपणी ज़िंदगी नूं लीरां-लीरां करन दे नाल नाल मापिआं नूं वी सरीरक, मानसिक अते आरथिक पख्ख तों खोखला कर दिंदे हन। नशा मुकत समाज सिरजण लई नेकी दे राह ’ते चल्लण वाले भले पुरश नशिआं दी दलदल विच्च धसे नौजवानां नूं मुख्ख धारा विच्च लिआउण लई हर संभव यतन करदे हन। अजिहीआं शखसीअतां दे सारथक यतनां नाल ही समाज दा मूंह मत्था निख्खरदा है। इंज ही सूई धागे दा करम जोड़ना है, तोड़ना नहीं। फटे होए कप्पड़े नूं सिउण दा कंम सूई धागा ही करदा है। कई वार मनुख्ख दी अड्डी जां किसे होर थां लग्गे कंडे नूं वी सूई ही बाहर कढ्ढके पीड़ित विअकती दी पीड़ दूर करन विच्च सहाई हुंदी है। चंगे, उसारू अते अगांहवधू कारज करन वाला विअकती रिशतिआं दी महत्तता नूं समझदा होइआ मनुख्खी रिशतिआं नूं आपस विच्च जोड़दा है। गलत फहिमी दा शिकार हो के पईआं विथां नूं दूर करके उहनां नूं आपस विच्च मिलाउण दा नेक कारज करके अथाह खुशी प्रापत करदा है। दरअसल जेकर चंगे विअकतीआं दा वड्डा काफला रिशतिआं विच्च पई कुड़त्तण नूं दूर करन लई हर संभव यतन करे तां जित्थे रिशतिआं दी गंढ पीडी होवेगी, उत्थे ही समाज विच्चों लड़ाईआं, झगड़े, तकरारबाज़ी दूर हो के कराईम गराफ वी घट जावेगा।

ज़िंदगी जिऊण दे सलीके ’ते पहिरेदारी करदिआं सुचज्जा विअकती जित्थे समाज विच्च उसारू कारज करन लई यतनशील रहिंदा है, उत्थे ही आपणे गुआंढी नाल वी मोह, अपणत्त अते सतिकार दा रिशता सिरज लैंदा है। इक्क अमीर विअकती दे गुआंढ विच्च गरीब विअकती दा घर सी। इक्क दिन अमीर विअकती आपणे 8-9 साल दे पुत्तर नूं नाल लै के गरीब विअकती दे घर गिआ अते बड़ी निमरता नाल उहनां कोलों लूण दी मंग कीती। गरीब परिवार नें खुशी खुशी कौली विच्च लूण पा के अमीर विअकती नूं दे दित्ता। वापस आउंदिआं उसदे 8-9 साल दे पुत्तर नें पुछ्छिआ, “पिता जी आपणी रसोई विच्च तां लूण काफी पिआ है। फिर तुसीं इह लूण किउं लैण गए?”

अमीर बाप नें पुत्तर नूं बड़े पिआर नाल समझाउंदिआं किहा, “ठीक है पुत्तर, आपणे घर तां पहिलां ही लूण बहुत पिआ है। पर गुआंढीआं कोलों लूण लिआ के मैं उहनां दी इह झिजकता दूर करन दी कोशिश कीती है कि उह बिनां किसे संकोच तों साडे घरों लोड़ींदी चीज़ लै जाइआ करन।” इंज करदिआं उसने आपणे बच्चे नूं वी इह सिख्खिआ दे दित्ती कि लोड़ वेले गुआंढी दे कंम आउणा साडा मुढला फरज़ है।

सलीके नाल ज़िंदगी जिऊण वाला विअकती ठहिराउ, संतोख अते सहिजता दे गुणां दा धारनी हुंदा है। उसदा जीवन निज्ज दी थां समूह नूं समरपित हुंदा है। उह इह गल्ल भली भांत समझदा है कि ज़िंदगी तां साहां दी सहेली है। रोसे, गिले-शिकवे, लालच, मारू सोचां, कुचज्जा मारग अते कौड़े बोल ज़िंदगी नूं बल नहीं बखशदे, सगों रिशतिआं नूं खेरूं खेरूं कर दिंदे हन। सलीके नाल ज़िंदगी जिऊण वाले विअकतीआं दे सदीवी विछोड़े ’ते इस तरहां दी हूक निकलदी है:

उनको रुख़सत तो कीआ, मालूम नां था लेकिन,

सारा घर ले गिआ, घर छोड़ के जाने वाला।

* * * * *