अज्ज दी खबर:

कैनेडा दे शहिर मिसीसागा विच्च डाक चोरी करन वाले 8 चोर फड़े गए

इनहां चोरां दी उमर 21 अते 29 साल दे विचकार है। इनहां दे घरां विच्चों लोकां दे डाक बकसिआं विच्चों चोरी कीतीआं चार लख्ख डालर दीआं 465 चीज़ां मिलीआं हन, जिनहां विच्च करैडिट कारड, गिफट कारड, चैक्क, शनाखती कारड शामल हन। जिनहां उत्ते चोरी करन दे दोश लग्गे हन, उनहां दे नाम हन:

सुंमनप्रीत सिंघ।

गुरदीप चठ्ठा।

जशनदीप जटाणा।

हरमन सिंघ।

जशनप्रीत सिंघ

मनरूप सिंघ।

राजबीर सिंघ।

उपिंदरजीत सिंघ।

* * *

“असीं तां मत्था टेकण चल्ले आं ...”

उह नशिआं दी दलदल विच्च बुरी तरहां धस गिआ सी। नशे दी पूरती लई तरहां तरहां दे हत्थ कंडे वरतदा सी उह। पहिलां घरों चोरीआं अते फिर जित्थे वी दाअ लग्गदा, उह चोरी करके नशे दा झस्स पूरा करदा सी। उस नूं नशा मुकत करन लई घरदिआं नें पूरी वाह लाई, कई डाकटरां तों दवाई वी लई, पर नशे नें उस दी मानसिक सथिती इस तरहां दी कर दित्ती सी कि उस नूं इह विशवास हो गिआ सी कि उह नशा नहीं छड्ड सकदा। दिन-ब-दिन हड्डीआं दी मुठ्ठ बणे इकलौते पुत्त नूं वेख के मापे झुरदे रहिंदे। कई वार तां उस नूं बेहोशी दी हालत विच्च मापे बाहर सड़क ’ते डिग्गे पए नूं चुक्क के लिआउंदे सन। घर दी हालत कख्खों हौली हो गई सी। बाप दा निकलिआ कुब्ब उस दी डावां डोल सथिती दा प्रगटावा सी। चिंता विच्च मां दे चिहरे दीआं झुरड़ीआं विच्च वी वाधा हो गिआ सी। जदों घर दा बूहा खड़कदा तां उहनां नूं कंबणी जिही छिड़ जांदी। “जां तां मुंडे दा कोई कुलहिणा सुनेहा लै के आइआ होणा जां फिर कोई मुंडे दी करतूत कारन उलांभा लै के आइआ होणै।” इंज बूहे दी दसतक वी बज़ुरग मां बाप नूं डंग जिहा मारदी लग्गदी।

फिर इक्क दिन उहनां नूं इक्क सिआणे मनोविगिआनी डाकटर दी दस्स पई। दस्सण वाले नें उहनां नूं हौसला दिंदिआं किहा, “केरां तुसीं उहदे कोल लै के जावो, मुंडे नें अध्धा ठीक तां उहदे समझाउण नाल ही हो जाणै, दवाई दा वी कोई पैसा नहीं लैंदा। मेरे कहे तों केरां तुसीं उहदे लड़ लग्गो। मुंडा सही राह ’ते आ जाऊगा।" कहिण वाले नें उनहां दी डाकटर नाल गल्लबात वी करवा दित्ती, मुंडे दी नशिआं सबंधी सथिती अते घर दी डावांडोल हालत सबंधी डाकटर नूं वी दस्स दित्ता। डाकटर नें धीरज नाल गल्ल सुणन तों बाअद उहनां नूं अगले दिन आउण लई कहि दित्ता।

निशचत समें ’ते उह नशेड़ी मुंडे नूं नाल लै के डाकटर कोल पुज्ज गए। डाकटर नें पहिलां मापिआं तों मुंडे दी सारी सथिती सबंधी पुछ्छिआ अते फिर उहनां नूं हौसला दिंदिआं किहा, “वेखो, नशा छडवाउण लई आपां तिंन धिरां हां। इक्क तुसीं, इक्क मैं अते इक्क तुहाडा नशई्ई पुत्त। जदों तिंनां दा आपस विच्च वधीआ तालमेल हो गिआ तां मुंडा नशे दी दलदल विच्चों निकल जावेगा।”

फिर डाकटर नें मापिआं नूं दूजे कमरे विच्च बिठा के नशई मरीज़ नूं आपणे कोल बुला लिआ। बड़े पिआर नाल उसदे मोढे ’ते हत्थ रख्ख के उस दा हाल चाल पुछ्छिआ। मुंडे नें भरे मन नाल दस्सिआ, “काहदे हाल नें जी, बुरे हाल, बौंके दिहाड़े। मैं नशे नूं छड्डणा चाहुंना, पर नशा मैनूं नहीं छड्डदा। संगी साथी वी इहो जिहे ही नें। उह नहीं चाहुंदे कि मैं उहनां दी ढाणी दा साथ छड्डां। नशा वी साडे पिंड रिउड़ीआं दी तरहां विकदै। पैसे लै के घरे ही चिट्टे दीआं पुड़ीआं फड़ा दिंदे नें।”

नशई्ई मुंडे दी पहिली गल्ल तों ही डाकटर नें उस दी मानसिक सथिती नूं भांप लिआ। फिर पिआर नाल उसदा घुट्ट के हत्थ फड़दिआं किहा, “इंज दस्स काका, की तूं आपणे मां बाप दा चंगा पुत्त बण सकिआ हैं”

मुंडे नें निराशता विच्च सिर हिला दित्ता। डाकटर नें उस नूं फिर हलूण के पुछ्छिआ, “की तुहाडे रिशतेदार तैनूं चंगा समझदे नें?”

मुंडे नें फिर उदास लहिजे विच्च किहा, “काहनूं जी, मेरे करके तां साडे रिशतेदार वी आउणो हट गए। कोई रिशतेदार मैनूं मूंह नहीं लाउंदा।”

डाकटर नें उसदी दुखदी राग नूं छेड़दिआं किहा, “किसे महांपुरश दे बोल नें कि छोटा हुंदिआं तूं आपणे मां बाप दा बिसतरा गिल्ला करदा सी, हुण तूं वड्डा हो गिआ है, कोई अजिहा करम नां कर, जिस नाल मां बाप दीआं अख्खां गिल्लीआं हो जाण। सच्च दस्सीं, तूं आपणे मां बाप नूं किंना कु रुवाइआ ऐ?”

मुंडे दीआं अख्खां विच्चों परल परल हंझू वहि तुर। उसने डुसकदी आवाज़ विच्च किहा, "मैं बहुत दुख्ख दित्ते नें जी उहनां नूं। कई वार नशे लई पैसे नां देण ’ते मैं उहनां ’ते हत्थ वी चुक्किऐ।”

नशेड़ी मुंडे दीआं अख्खां विच्च वहिंदे अत्थरू अते पछतावे दे बोलां नूं डाकटर नें नशा छड्डण लई इक्क आशावादी चिंनह मंनिआ। फिर मुंडे नें तरला जिहा करदिआं निमरता नाल किहा, “मैं जी इस खलजगण 'चों निकलणा चाहुंदा हां, तुसीं बचा लओ मैनूं।”

मुंडे नूं नाल वाले कमरे विच्च भेज के मां बाप नूं लागे बिठा के पुछ्छिआ, “तुहाडा इह लड़का किसे होर रिशतेदार दा डर मंनदा?” मां नें गंभीर हो के किहा, “इह जी आपणे मामे तों डरदै। उहदे मोहरे नहीं कुसकदा।”

“बस्स, तुसीं इंज करो, इक्क हफते लई मुंडे दे मामे नूं आपणे कोल बुला लवो। इहनूं बाहर नहीं जाण देणा। जे कोई नशेड़ी तुहाडे घर आवे तां उहनूं घूर के मोड़ देणा। हफते दी मुंडे नूं दवाई दे रिहां। मुंडे दी हालत सबंधी मैनूं दस्सदे रहिणा। मैं आप वी तुहाडे नाल तालमेल रख्खांगा।”

फिर डाकटर नें मुंडे नूं बुला के उस कोलों मोबाईल लैंदिआं नें किहा, “तेरी इह इमानत मेरे कोल पई है। अगले हफते जदों दवाई लैण आइआ तां दे देवांगा।” मुंडे नें मोबाईल फड़ाउंदिआं कोई हील -हुज्जत नां कीती।

दवाई लैण उपरंत बज़ुरग नें फीस देण लई जदों जेब विच्चों पैसे कढ्ढे तां डाकटर नें हत्थ जोड़दिआं किहा, “बस्स करो, मैं कोई फीस नहीं लैणी। तुहानूं तां पहिलां ही मुंडे नें खुंघळ कर दित्ता है। बस्स, हफते बाअद आउण तों घौल नहीं करनी।”

असीसां दा मींह वरहाउंदे बज़ुरग मां बाप परत गए। चौथे कु दिन बज़ुरग बाप दा टैलीफोन आइआ। उहने उतशाह भरे बोलां नाल किहा, “मुंडे दा मामा आ गिआ जी साडे कोल। उह परछावें वांग आपणे भाणजे दे नाल रहिंदै। दोंह तिंनां नशेड़ी मुंडिआं नें जदों बूहा खड़काइआ तां उसदे मामे नें उहनां नूं ताड़ना करदिआं किहा कि मुड़ के इध्धर नहीं आउणा। नहीं फिर ...। उह नशड़ी मुंडे मुड़ के नहीं आए। दवाई नाल कुझ सूत ऐ। तोड़ लग्गी सी उहनूं, उहदे मामे अते मां नें उहदी मालिश कर दित्ती सी। तिंन कु दिन दी दवाई रहि गई, असीं फिर आवांगे जी।”

हफते बाअद नशा मुकत हो रिहा नौजवान, उसदा बापू अते मामा जदों डाकटर कोल आउण लई बस्स दी उडीक कर रहे सन तां पिंड दे इक्क विअकती नें उनां कोलो सरसरी पुछ्छ लिआ, “किध्धर दी तिआरी है?”

इस तों पहिलां कि बज़ुरग कुझ कहिंदा, मुंडे नें उतशाह अते सतिकार नाल किहा, "असीं तां मत्था टेकण चल्ले आं इक्क भले पुरश नूं ...।"

* * * * *