इस पुसतक विच्च जिथे मैं आपणे आप नूं बचपन तों वडेरी उमर तक पहुंचदे विखाइआ है उथे 1940 तों 2008 तक दे समें दीआं झलकां वी विखाईआं हन। जदों मेरा जनम होइआ उदों दूजी विशव जंग लग्गी होई सी। हिंदोसतान दे लोक देश दी आज़ादी लई जूझ रहे सन। फिर आज़ादी मिली, पाकिसतान बणिआ ते मुलक वंडिआ गिआ। पंजाब नूं दुफाड़ होणा पिआ ते पंजाबीआं नूं आज़ादी दी बहुत महिंगी कीमत तारनी पई। लख्खां लोक अनिआई मौते मारे गए। मैं उदों सत्त साल दा बच्चा सां। उस समें दे द्रिश मैनूं अज्ज वी विखाई दिंदे हन जो मेरी जीवन गाथा दा भाग बणे हन। मुसलमानां दे गुआंढी मुंडे जो मेरे बचपन दे आड़ी सन ते जिनहां नाल मैं आलीआं भोलीआं गल्लां करदा रिहा, पता नहीं किथे होण? जींदे होण जां मर गए होण? पर उनहां दीआं यादां मेरे नाल नें ते मैं उनहां दा ज़िकर कीते बिनां नहीं रहि सकिआ।

उदों साडे पिंडां दा जनजीवन अज्ज वरगा नहीं सी। नां गुसलखाने सन, नां पखाने ते नां बिजली सी। पाणी खूहां ते खूहीआं दा वरती दा सी। खेडण मल्ल्हण लई निआईं दे खेत ते खुल्ल्हीआं रौड़ां सन। मशीनरी अजे नहीं सी आई जिस करके सारा कंम हत्थीं करना पैंदा सी। किसानां दा गड्डा ही ढोआ ढुआई दा साधन सी। साक सकीरीआं `च जाण लई टौअहरी सवारी बोते दी सी जिस दा अनंद मैं वी माणिआ ते उहदा ज़िकर आपणी जीवन गाथा विच्च हुब्ब के कीता।

पाठक इस पुसतक दे पंने परतणगे तां उह मेरे बारे जाणन दे नाल मेरे जीवन काल दे नज़ारे वी तक्कणगे। पाठकां नूं पता लग्गेगा कि साडे वेले दे प्राइमरी सकूलां, हाई सकूलां ते कालजां दी पहड़ाई किहो जिही सी? खेडां किहो जिहीआं सन ते किहो जिहे सन रंग तमाशे? किवें हुंदे सन साडे वेले दे विआह मंगणे? साधारन घरां दे बच्चे किवें पहड़दे ते किहो जिहीआं इल्लतां करदे सन?

मैं लिखिआ है कि मैं वी कई इल्लतां कीतीआं। हुण मैं बग्गी दाहड़ी ते बज़ुरगी नाल गिआनी धिआनी लग्गदां पर जदों सोल्हां सालां दा सां तां दो गुत्तां कर के, सुरखी बिंदी ला के सटेज उते जिंदा डानस वी कीता सी। खुद जिंदा डानस कीता सी पर मुकतसर दे मेले विच्च पंडाल दीआं विरलां `च सिर फसा के जिंदा डानस वेखदिआं सिपाहीआं तों पुड़िआं `ते डंडे वी खाधे सन। काहली नाल सिर बाहर कढ्ढदिआं कईआं दीआं पग्गां लत्थ गईआं सन पर मेरी पग्ग ते इज़त बच गई सी! दिल्ली पहड़दिआं टीटी दे ढिड्ड नूं उंगल ला के दस रुपए देईदे सन ते दिल्लीओं रेल गड्डी दा सलीपर मल्ल के कोटकपूरे आ उतरी दा सी। मेरी इस पुसतक विच्च कई थाईं कुतकुताड़ीआं वी हन।

मैं ज़िल्हा लुधिआणे दे पिंड चकर `च जंमिआ। मल्ल्हे, फाज़िलका, मुकतसर ते दिल्ली विच्च पहड़िआ। दिल्ली, ढुड्डीके ते मुकंदपुर विच्च प्रोफैसर ते प्रिंसीपल रिहा। देश विदेश दे अनेकां शहिर ते इलाके घुंमे। टोरांटो दे सी.ऐन्न.टावर `ते चहड़िआ, लंडन दी चंडोल झूटी ते डिज़नीलैंड दीआं ढाणीआं दे झूटे लए। सैंकड़े खिडारीआं ते लिखारीआं नाल मुलाकातां कीतीआं ते सैंकड़े खेड मेले आपणी अख्खीं वेखे। दो लख्ख किलोमीटर पैरीं तुरिआ, हज़ारां किलोमीटर साईकल चलाइआ ते लख्खां मील हवाई जहाज़ां दा सफ़र कीता। इहदा संखेपसार इस पुसतक दे पंनिआं उते अंकत है।

मेरी जीवन कहाणी विच्च कुझ्झ वी सनसनीखेज़ नहीं। नां इशक मुशक, नां चोरी डाका, नां साज़िश, नां जसूसी ते नां कोई वड्डा हादसा। मेरे नाल जग्गों तेरहवीं वी नहीं होई ते नां मैं कोई माअरका मारिआ। मैं किसे खेतर दा विशेश विअकती वी नहीं। मैं नां तिंनां `चों हां, नां तेरां `चों। फिर वी मैनूं लग्गदै कि मेरी इह साधारन जीवन गाथा आम पाठकां नूं असाधारन लग्ग सकदी है। उनहां नूं प्रभावित कर सकदी है। संभव है उह चंगेरे जीवन लई प्रेरे जाण ते रचनातमिक आहरे लग्ग जाण। जिंना कु जीवन मिलिआ है ऐवें रऊं रऊं ते मरूं मरूं करन दी थां आस उमीद नाल जीण। मुशकलां दे बावजूद उतशाह नाल भरे रहिण। कदे हिंमत नां हारन। जे खुशीआं ढलदे परछावें हुंदीआं हन तां ग़मीआं वी सदा नहीं रहिंदीआं। हसंदिआं खेलंदिआं वी मुकती प्रापत कीती जा सकदी है।

शुकरगुज़ार हां आपणी पतनी हरजीत ते परिवार दे जीआं दा जिनहां नें मैनूं पहड़न लिखण लई परिवारक कारजां तों विहल दित्ती रख्खी। ‘पंजाबी ट्रिबिऊन’ दे संपादक सिध्धू दमदमी दा, जिस नें ‘बकल्लमखुद’ कालम राहीं मैनूं पाठकां दे सनमुख कीता। ते धंनवादी हां पाठकां दा जिनहां दे सुझावां नाल इह पुसतक वजूद विच्च आई।