मैराथन दौड़ बताली कु किलोमीटर दी हुंदी है। मैनूं खेडां ते खिडारीआं बारे लिखदिआं बताली कु साल हो चल्ले हन। मैराथन दौड़ाक वांग मैं वी कदे हौली ते कदे तेज़ हो जांदा हां। 1966 तों लगातार लिखी जा रिहां। जिवें मैराथन दौड़ाक दौड़ मुक्कण दे नेड़े सिरड़ नाल होर तेज़ दौड़न लग्गदे हन उवें मैं वी आपणी लिखण दी चाल होर तेज़ कर दित्ती है। पंज छे सालां तों हरेक साल मेरी नवीं पुसतक छप रही है। पिछले साल दो छपीआं सन। ‘फेरी वतनां दी’ ते ‘कबड्डी कबड्डी कबड्डी’। ऐतकीं ‘खेडां दी दुनीआं’ हाज़र है। आउंदे साल आपणी आतमकथा नाल दसतक देवांगा जो बकल्लमख़ुद दे सिरलेख हेठ ‘पंजाबी ट्रिबिऊन’ विच्च छपणी शुरू हो चुक्की है। उहदा विसथार ‘मेरी खेड कथा’ विच्च छपेगा। उहदे `च लुकिआ सच्च होर उजागर करन दी खुल्ल्ह लवांगा।

हालां तक मैं दो कु सौ खिडारीआं दे शबद चित्तर उलीक सकिआ हां। सौ तों वध्ध देसी ते परदेसी खेडां दी जाणकारी दित्ती है ते सौ कु खेड मेलिआं दे नज़ारे बिआन कीते हन। एशिआई ते ओलंपिक खेडां दा इतिहास लिखिआ है। खेडां दे अनेकां पख्खां दी चरचा छेड़ी है। विचे खेड मेले वेखण लई कीते देस परदेस दे सफ़रां दा हाल है ते विचे दूर नेड़े वेखे सथानां दा वरणन है। विचे हासा खेडा ते विअंग है। अमरीका ते कैनेडा दा सफ़रनामा लिखण दे नाल फेरी वतनां दी वी लिखी है।

इस पुसतक विच्च मैं अग्गे पिछ्छे लिखे चाली आरटीकल परोए हन। इहनां विच्च दुनीआ दे महान मुक्केबाज़ मुहंमद अली दा शबद चित्तर वी है ते पंजाब दे कुझ्झ भुल्ले विसरे खिडारीआं दी गाथा वी है। उह एशीआ महांदीप दे चैंपीअन बणे पर उनहां जोधिआं दीआं वारां किसे नें नहीं गाईआं। निक्का सिंघ, मख्खण सिंघ, महिंदर सिंघ ते कई होर एशीआ जित्त के वी गुंमनामी दे हनहेरिआं विच्च गुआच गए हन। वैटरनज़ दीआं खेडां दे साडे वरलड चैंपीअन वी किसे दे चित्त चेते नहीं। मैं चेते कराउण दा यतन कर रिहां। एशिआई खेडां दा संखेप इतिहास वी दित्ता है ते कबड्डी दे खिडारीआं दी कबूतरबाज़ी तों वी परदा हटाइआ है। किधरे जपान दी जद्दी खेड सुमो दा ज़िकर है ते किधरे यूनान दी लहूपीणी मैराथन दौड़ दा। किधरे रावी जिहलम चनाब नूं सलाम आखदिआं ओधरले सज्जणां दी ख़ैर सुख्ख मंगी है। सुरजीत पातर दे शबदां विच:

रावी जिहलम चनाब नूं सलाम आखणा

असीं मंगदे हां ख़ैर सुबहा शाम आखणा …

किते उड़ीसा ते बालक बुधीए ते बिआस दे बाबा फौजा सिंघ दीआं दौड़ां दा तबसरा है ते किते सिख्ख खिडारीआं दे केस कट्टण ते रख्खण बारे टिप्पणीआं हन। जगराओं दा जंमपल ते कैलेफोरनीआ दा वासी गुरपाल सिंघ हंसरा सिख्ख खिडारीआं दे केसाधारी होण दी मुहिंम चला रिहै। उस नें केसाधारी खिडारीआं लई लख्खां दे इनाम रख्खे हन। मैं आपणीआं जगराओं तों ढुड्डीके तक दीआं लंमीआं तोरां ते पैरी तुरन दे अनंद दा तजरबा वी सांझा कीता है।

खेडां दी दुनीआ बड़ी वचित्तर ते बहरंगी है। सैंकड़े हज़ारां खेडां जल थल ते हवा विच्च खेडीआं जा रहीआं हन। किते जुस्से दे ज़ोर दी परख है, किते दिमाग दे तेज़ होण दी ते किते चुसती फुरती दी। पंजाब दीआं देसी खेडां दी गिणती ही सौ तों वध्ध है जिनहां `चों सतासी खेडां दी जाणकारी मैं आपणी पुसतक ‘पंजाब दीआं देसी खेडां’ विच्च दित्ती है। कुल आलम दीआं हज़ारां खेडां `चों तीह कु खेडां ही हन जिनहां दे मुकाबले महांदीपां ते ओलंपिक पध्धर `ते होण लग्गे हन। इस पुसतक विच्च इक्क लेख दुनीआ दे खेड प्रबंध बारे दित्ता है तां कि साडे कबड्डी कलब्बां नूं पता लग्गे पई पंजाबीआं दी महिबूब खेड कबड्डी, मुलकी, महांदीपी ते ओलंपिक खेडां विच्च किवें पुचाउणी है?

हकीमपुर दे पुरेवाल खेड मेले तों लै के निऊयारक, वैनकूवर, सिआटल, ऐडमिंटन, कैलगरी, टोरांटो ते निऊ वैसटमिनिसटर दे खेड मेलिआं दीआं झलकां विखाईआं हन। अखाड़िआं ते मल्लां दीआं गल्लां हन ते गुरू हरगोबिंद कौमांतरी कुशती मुकाबलिआं बारे लेख है। गोलडन गुलाब बाबा गुलाब सिंघ, केसर सिंघ पूनीआ ते अजमेर सिंघ वरगे वैटरन अथलीटां दे शबद चित्तर हन। सुआल है कि ओलंपिक चैंपीअन मेरीअन जोनज़ दी थां कबड्डी खिडारी वरजित दवाईआं लैंदे फड़े जांदे तां की करदे?

खेडां विच्च सट्टां फेटां वी हन ते वड्डे वड्डे इनाम वी हन। खेडदिआं किसे खिडारी दी मौत वी हो सकदी है। कई खेडां जान जोखम वालीआं हन जिनहां लई बणदे सरदे उपाअ करन दी ताकीद कीती है। खेडां ते खिडारीआं विचकार वितकरा नहीं करना चाहीदा जिवें कि पिछ्छे जिहे क्रिकट ते हाकी दे खिडारीआं विचकार कीता गिआ सी। पंजाबी विच्च प्रकाशत होईआं खेड पुसतकां `ते वी झात पुआई गई है। प्रिथीपाल सिंघ दे पिंड दी यातरा तों लै के वैनकूवर वल्ल दीआं फेरीआं दे निक्के निक्के सफ़रनामे हन। कुझ्झ साल पहिलां मैं ‘खेड जगत दीआं बातां’ नां दी पुसतक लिखी सी। उहदी दूजी लड़ी वजों ‘खेड परिकरमा’ छपी सी, तीजी ‘खेड दरशन’ , चौथी ‘खेड मेले वेखदिआं’ ते हुण पंजवीं लड़ी वजों ‘खेडां दी दुनीआ’ पहड़ लओ। गल्लां बहुत हन पर गुरभजन गिल्ल दे गीत नाल गल्ल मुकाउंदा हां:

खेडण दे दिन चार दोसतो खेडण दे दिन चार

विच्च मैदाने जो नां उतरे उह धरती `ते भार

दोसतो खेडण दे दिन चार …

जनवरी 2008 -सरवण सिंघ