अज्ज इक्क इशतिहार पहड़िऐ-वाक इनटू हैल्लथ। यानी तुरो ते तंदरुसत रहो। इस नें मैनूं वीह साल पहिलां दी हड्डबीती याद करा दित्ती है। उदों मैं लेख लिखिआ सी-पैरीं तुरन दा अनंद। लेख पहड़ के वैनकूवर तों गुरचरन रामपुरी नें चिठ्ठी लिखी सी कि उह आरटीकल कट्ट के उस नें आपणे मेज़ दे साहमणे चिपका लिआ है तां कि तुरना सदा याद रहे। उनहां दिनां विच्च मैं ख़ुद लंमीआं तोरां दा अभिआस कीता सी ते तुरन दा अनंद माणन दे नाल मनइछ्छत फल पाइआ सी। मैं चाहुंदा सां कि मेरा भार अस्सी किल्लो तों कदे नां वधे। पर उह वध गिआ सी ते घटण दा नां नहीं सी लै रिहा।

वधेरे खाण दी बाण मैनूं बचपन तों ही पई होई सी ते उह मैथों छड्डी नहीं सी जांदी। मैं उदों ढुड्डीके दे कालज विच्च पहड़ाउंदा सां जिथे खाण पीण वाधू सी। पिंडों देसी घिउ आ जांदा सी ते गुआंढों मझ्झां दा दुध्ध मिलदा रहिंदा सी। दाल सबज़ी `च मख्खण घिओ पाए बिनां रोटी सुआद नहीं सी लग्गदी। भार वधदा नां तां होर की करदा?

असीं पंज भरा हां। मैथों बिनां सारे ही नब्बे किल्लो तों उते हन ते मैथों वड्डा तां कुइंटल तों वी उते है। उह समझदे हन कि सानूं विरासत ही भारे होण दी मिली है। पर वड्डे भरा नूं वेख के मैं सुचेत सां किते मैं वी कुइंटल तों टप्प नां जावां। मैं तां कालज दे विदिआरथीआं ते विदिआरथणां दे साहमणे वी विचरना सी। अस्सी किल्लो तक तां मैं तीह साल दी उमर `च ही अप्पड़ गिआ सां। फिर मैं भार वधण दा फिकर करन लग्गा। कसरत वधाई गिआ पर खुराक नां घटाई। कसरत करदा महीने `च सौ मील दौड़न दी औसत पा जांदा। कई साल भार अस्सी किल्लो दे आले दुआले घुंमदा रिहा।

उमर पंताली छिआली साल दी होई तां सूई चुरासी पंजासी किल्लो तक जाण लग्ग पई। उहनीं दिनी मै ‘सीकरट आफ़ सलिंमिंग’ नां दी इक्क किताब पहड़ी जिस दा तत्तसार सी कि पहिलां नालों खुराक तीजा हिस्सा घटाओ ते कसरत डेढी कर लओ। मतलब जे तिंन हज़ार कलोरीआं ढिड्ड `च पाउंदे हो तां दो हज़ार कर लओ ते जे दो हज़ार कलोरीआं बालदे ओ तां तिंन हज़ार बालण लग्ग पओ। जदों भार मिथे टीचे `ते आ टिके तां ओनीआं कलोरीआं ई ढिड्ड `च पाओ जिंनीआं बाल सको।

मैनूं नुसख़ा लभ्भ गिआ। भार हवा नाल तां वधदा नहीं, खाधे पीते ही वधदा। मैं समझ गिआ कि हुण घटू वी खुराक घटा के, तुर फिर के ते नठ्ठ भज्ज के। मैं बैठ के जां लेट के पहड़न दी थां विहड़े `च तुर फिर के पहड़न लग्गा ते कालज वी तुर के जाण लग्ग पिआ। जमात नूं पहड़ाउण वेले वी मैं कमरे `च टहिलदा रहिंदा। कालज दी कंटीन तों चाह दे तिंन चार कप्प पी जांदा सां उह वी कुझ्झ घटाए। पर भार फिर वी घट नहीं सी रिहा। इह अपरैल 1986 दी गल्ल है। उहनीं दिनीं मेरी डिऊटी साइंस कालज जगराओं दे इमतिहानी केंदर विच्च लग्ग गई। मैं मिथ लिआ कि ढुड्डीके तों बस्स `ते जाइआ करांगा ते मुड़दिआं तुर के आइआ करांगा। मैं आपणीआं सारीआं डिऊटीआं दो तों पंज वजे वाले शाम दे सैशन विच्च लुआ लईआं। लगभग इक्क महीना इमतिहान चल्लणा सी ते मैनूं वीह पच्ची वार लंमीआं तोरां तुरन दा मौका मिल जाणा सी। इह मेरे भार घटाउण दा वी इमतिहान होणा सी।

मैं पराउंठे खाणे बंद कर दित्ते ते नाशता दुध्ध दे गलास `ते लै आइआ। दुध्ध वी मलाई रहित कर लिआ। दाल सबज़ी `च मख्खण घिओ पाउणा छड्ड दित्ता। चाह फिक्की कर लई। लूण मिठ्ठे तों प्रहेज़ कर लिआ। दुध्ध दी जिहड़ी गड़बी सिरहाणे रख्ख के सौंदा सी उह चुका दित्ती। रोटीआं पंजां तों तिंनां `ते आ गिआ पर आइआ बड़े सिदक नाल। हर वेले लग्गी जांदा जिवें भुख्ख लग्गी होई ऐ। चारट तों पता लग्ग जांदा सी कि किंनीआं कलोरीआं पेट `च पाईआं नें ते कसरत नाल किंनीआं बालीआं नें? नित्त कलोरीआं बालण वाला पलड़ा नीवां रख्खदा। जगराओं तों ढुड्डीके तक तुर के आउण नाल वाहवा कसरत होणी सी। मैं हिसाब लाइआ कि दो हज़ार कलोरीआं तां मैं राह `च ई बाल दिआं करांगा।

पंज वजे इमतिहान मुक्कदा तां मैं साइंस कालज दी चार फुट्टी कंध टप्प के चूहड़चक्क वल्ल जांदे सूए पै जांदा। पक्के सूए दे तेज़ वगदे पाणी नाल मैं वी वगिआ जांदा ते मेरे नाल ई वगी जांदे पाणी `च डिग्गे कख्ख काण। कदे कदे पैर ठंढे करन लई पाणी `च पैर लमकाउंदा। अख्खां `च छिट्टे मारदा। शाम दे सूरज दीआं सुनहिरी किरनां पाणी नाल कलोलां करदीआं दिसदीआं। मेरी कलपणा नूं खंभ लग्ग जांदे। पाणी `च चुंझां डुबोअ के खंभ फटकाउंदीआं घुग्गीआं गुटारां मेरीआं नज़रां बंनह लैंदीआं। उहनां दी गुटरगूं मैनूं कवीशरी करदी लग्गदी। झूंमदे होए काह दे बूझे मेरा सवागत करदे लग्गदे। खेतां `च खिलरे दाणे चुग के उडदीआं चिड़ीआं होर वी पिआरीआं लग्गदीआं। सूए दी पटड़ी `ते तुरन दा अनंद आउण लग्गदा।

उदों मैनूं इको ई डर मारदा सी कि कोई मेरा जाणूं मैनूं जगरावां तों ढुड्डीके तक तुरदिआं नां वेख लवे ते चंगे भले प्रोफैसर दा दिमाग़ हिल्लिआ नां समझ बहे! राह `च जिथे पुल आउंदा मैं आसे पासे वेख के तेज़ी नाल लंघदा कि कोई वेख नां लवे। इक्क पुल डल्ले नूं जांदी सड़क दा सी ते दो पुल कौंकिआं नूं जाण वालीआं सड़कां दे सन। चूहड़चक्क वाले पुल तों पहिलां ई मैं कच्चे राह उत्तर पैंदा सी। अगांह कोई मिलदा तां आखदा, “ऐथों चूहड़चक्कों ई आइआं।”

उदों सकूटर हुंदिआं तुरन दी नवीं नवीं संग सी जो हौली हौली खुल्ल्ही। आह ऐथे टोरांटो `च तां कारां वालीआं तीवीआं वी गोरे पट्ट कढ्ढी फुट्टपाथां `ते निशंग दौड़ीआं फिरदीआं हन। मैं आपणे पेंडूआं दीआं नज़रां साहमणे इस लई वी तुरनों झकदा सां कि कोई मैनूं बस्स दा किराइआ बचाउण वाला चीपड़ ही नां समझ लवे? कदे कदे मैं मन नूं समझाउंदा, “शरम काहदी मंनदैं? आपां यार आप दे पैरीं तुरदे आं, कोई चोरी यारी तां नही करदे? ऐवें ई किसे तों संगण झिजकण दा की मतलब?”

पहिले दिन मैं पौणे तिंन घंटिआं `च घर पुज्जा। फिर तोर होर तेज़ कर लई ते ढाई घंटिआं `च सोलां किलोमीटर तुरन लग्ग पिआ। साइंस कालज तों सड़क राहीं वाट वीह किलोमीटर बणदी सी पर सूए पै के सिध्धी इह सोलां किलोमीटर ई सी। उहनीं दिनीं साढे सत्त वजे टी.वी.`ते ख़बरां आउंदीआं सन ते मैं ख़बरां वेले नूं घर आ पहुंचदा सी। महीने मगरों भार तोलिआ तां मैं सच्चमुच्च ही अस्सी किलोगराम `ते आ गिआ सां। फिर मैं आरटीकल लिखिआ-पैरीं तुरन दा अनंद।

मैं कई वार सोचिआ कि उस आरटीकल नूं सोध के लिखां किउंकि वीह सालां `च मैं होर बहुत कुझ्झ पहड़ लिआ है। चंगी गल्ल होरनां नूं वी दस्सणी चाहीदी है जीहदे नाल किसे होर दा वी भला होवे। मैं शाइद घौल ई करी जांदा जेकर अज्ज दे अख़बार विच्च उनटारीओ सरकार दा इशतिहार नां पहड़दा। इस इशतिहार दा सिरलेख है-वाक इनटू हैल्लथ। अग्गे लिखिआ है, “सडौलता ते सिहतयाबी लई तुरना सभ तों सुखाला तरीका है। हर कदम महत्तवपूरन है। तुसीं लाएब्रेरीआं `चों पीडोमीटर इशू करवा सकदे ओ।” पीडोमीटर उस जंतर दा नां है जिहड़ा कदमां दी गिणती ते कलोरीआं बलण दा हिसाब किताब दस्सदा है। कुदरत नें मनुख्ख नूं लत्तां ते पैर तुरन लई दित्ते हन पर उह पहीआं `ते सवार होइआ तुरना भुल्ली जांदा है ते उहदी सिहत दिनो दिन विगड़ी जांदी है।

पहीआं दी सवारी करन लई बहुत कुझ्झ चाहीदा है जद कि तुरन `ते कुझ्झ वी नहीं लग्गदा। सिरफ दौड़न वाले बूट ही चाहीदे हन जो इक्क वार लए काफी समां कढाअ दिंदे हन। पंजाह साल पहिलां लोक हुण नालों दस गुणां वध्ध तुरदे सन ते बिमारीआं हुण नालों दसवां हिस्सा वी नहीं सन। पंज हज़ार दी आबादी वाले साडे पिंड `च दस बंदे वी नहीं सन हुंदे जिनहां दा भार दो मण तों उते होवे। हुण सौ होणगे जिनहां दा भार कुइंटल दे गेड़ `च होवेगा। दो दो मण दीआं तां ज़नानीआं ही होईआं पईआं हन। चक्की, चरखा, मधाणी ते खेत रोटी लै के जाण दीआं कसरतां कदों दीआं मुक्क चुक्कीआं हन। पठ्ठे हुण कोई हत्थीं नहीं कुतरदा। कईआं तों बैठ के पठ्ठे वढ्ढ ही नहीं हुंदे।

बेलोड़े सरीरक भार नाल बलड्ड प्रैशर, शूगर, जोड़ां दे दरद, पेट ते दिल दे रोगां दा कोई अंत नहीं। हरेक घर दा दवाईआं दा खरचा ई सैंकड़े हज़ारां विच्च है। उनहां नूं कौण दस्से कि भार घटाउण ते सरीर नूं हौला फुल्ल बणाई रख्खण लई लंमीआं ते तेज़ तोरां बड़ीआं कारगर सिध्ध हो सकदीआं हन। शहिरां दीआं सुआणीआं बैठीआं बरफीआं पकौड़े ते चाट भल्ले खाई जांदीआं हन। फिर भस्स डकार ते औखे साह लैंदीआं हन। नाल दे महल्ले वी जाणा होवे तां कार जां रिकशा भालदीआं हन। जेकर उह पेट `च कलोरीआं गिण मिथ के पाउण ते तुर फिर के बाली जाण तां उनहां दी जान सुखाली हो सकदी है। अंगरेज़ी दे लफ़ज़ ‘कलोरी कानशैश्श’ होणा हर विअकती दी लोड़ है।

कई बंदे बहाने ई मारदे रहिंदे हन कि उनहां कोल तुरन जां कसरत करन दा कोई वकत नहीं। की उहनां कोल सच्चमुच्च ई सिहत लई वकत नहीं? कसरत जोगा समां तां उह नहाउण धौण ते वाधू दी शुकीनी लाउण `चों ही बचा सकदे हन। समां सच्चमुच्च ही घट्ट होवे तां तेज़ तुरिआ जा सकदै, तुरदिआं डूंघे साह लए जा सकदे हन। धौण, मोढे, बाहां ते लक्क दीआं कसरतां कीतीआं जा सकदीआं हन। घर दो छत्ता होवे तां वीह तीह वार पौड़ीआं चहड़िआ जा सकदै। सौ कु वार रस्सी टप्पी जा सकदी ऐ। खहड़े खहड़े दो मिंट दी तेज़ दौड़ पाणी कढ्ढ दिंदी है। नहीं यकीन तां कोई कर के वेख लवे।

गल्ल तां खाधीआं पीतीआं कलोरीआं बालण दी है। कलोरी कानसै਼श्श होण दी है। जिथे घर बार होर सामान नाल तूड़े पए हन उथे बूहे जां बाथ रूम `च भार तोलण वाली निक्की जिही मशीन वी रख्ख लैणी चाहीदी है। भार दोंह चहुं दिनां विच्च नहीं वधदा। बंदा दो चार दिनां बाअद ई मशीन `ते चहड़दा रहे तां वी आपणे भार तों सुचेत रहि सकदै। जिद्दण सूई अग्गे नूं वधे उद्दण घट्ट खावे ते वध्ध कसरत करे।

कुदरत दा असूल है कि जिनहां अंगां नूं चलाउंदे रहीए उह चलदे रहिंदे नें ते जिनहां अंगां दी वरतों नां करीए उह जाम हो जांदे नें। चलदी दा नां गड्डी ऐवें नहीं किहा जांदै। जिहड़े बंदे गिट्टे गोडिआं दे खहड़ जाण दा रोणा रोंदे नें उहनां `चों बहुतिआं नें तोरा फेरा आप ही छड्डिआ हुंदै। योगा कराउण वाले भरवां साह लैण, पूरा साह बाहर कढ्ढण अते हड्डीआं ते पठ्ठिआं नूं लचकदार बणाई रख्खण उते ज़ोर दिंदे हन। जदों तक सरीर विच्च लचक है बंदा जुआन है ते जदों तक कोई भरवां साह लै रिहै उह समझो वधेरे आकसीज़न लै रिहै।

आकसीज़न ही सरीर दे गंद मंद नूं बालदी ते चरबी नूं ढालदी है। जदों तक कोई आपणे अंदरले अंगां नूं संगोड़ के साह बाहर कढ्ढ रिहै उह अंदरले अंगां दी वरजिश करवा रिहै ते अंदरलीआं बिमारीआं तों निजात पा रिहै। प्राणायाम ते कपालभाती नाल इहो कुझ्झ हुंदै। योगा दे इह आसण करन लई किसे कोल विहल नां होवे तां इह कुरसी `ते बैठे, मंजे `ते लेटे ते तुरदे फिरदे वी कीते जा सकदे नें। साह दीआं कसरतां तां कोई किते वी खहड़े बैठिआं कर सकदै।

सभ तों सौखा तरीका है कि कबड्डी कबड्डी उदों तक कहिंदे जाओ जदों तक साह नहीं टुट्टदा। वीह साहां दी कबड्डी नाल फेफड़िआं ते अंदरले अंगां दी पूरी कसरत कीती जा सकदी है। ते जे भज्ज नठ्ठ के वीह कबड्डीआं पा लईआं जाण तां सोने `ते सुहागा है। सुआल ताज़ी नरोई हवा नूं वध्ध तों वध्ध अंदर खिच्चण ते अंदरली गंदी हवा नूं बाहर कढ्ढदिआं अंदरले अंग निचोड़ के उनहां दी कसरत कराउण दा है। इंज करदिआं लहू दा दौरा वी तेज़ हुंदा है। हड्डीआं नूं लिफाउण झुकाउण नाल उह लचकदार बणीआं रहिंदीआं हन। इहो योगा दी करामात है। जिहड़ा बंदा तुरदा, वगदा ते नठ्ठदा है उहदे लहू ते साह दा दौरा आपणे आप ही तेज़ हुंदा रहिंदा है। इस लई कुदरत वल्लों बख़शी तोर तुरन तों किसे नूं वी मुख्ख नहीं मोड़ना चाहीदा।

कोई चाहे तां `कल्ला वी तुर सकदा है ते तुरदिआं संगीत दा अनंद वी माण सकदा है। उह कलपणा दीआं उडारीआं भर सकदा है। मैं लिखण वालीआं बहुतीआं गल्लां सैर करदिआं ही चितवदा रिहा हां। दो जणे गल्लां करदिआं वधीआ सैर कर सकदे हन ते विचार वटांदरा वी कीता जा सकदै। टोलीआं विच्च हस्सदिआं खेडदिआं वी सैरां कीतीआं जा सकदीआं हन। सैलानी कई तरहां दे टूर उलीक सकदे हन, उह साईकल चलाउण जां पैदल चल्लण दे टूर वी विओंत सकदे हन। आलडैकस हकसले नें ‘वाकिंग टूरज़’ नां दा बड़ा वधीआ लेख लिखिआ सी जो साडी कालज दी इक्क पाठ पुसतक विच्च शामल सी। लिखिआ सी कि तुरदिआं कुदरत दे नज़ारे लए जा सकदे हन। सानूं तां साडे प्रोफैसर नें पहड़ा के ई नज़ारे लिआ दित्ते सन।

कई कहिंदे हन कि तुरन नूं थां नहीं लभ्भदी। भले लोको तुरन नूं तां विहड़े विच्च ई गेड़े कढ्ढे जा सकदे नें, छत्त उते घुंमिआ जा सकदै ते कमरे `च ई मशीन दे पटे उते जिंने मील कोई तुरना चाहे तुर सकदै। तुरिआ छड्ड के दौड़िआ वी जा सकदै। वैसे तुरन दा जो अनंद हरे पारकां, बागां, कच्चे पहिआं, खेतां, पगडंडीआं, रजबाहिआं ते नहिरां दीआं पटड़ीआं उते आउंुदै उह शबदां विच्च बिआन नहीं कीता जा सकदा।

सवेरे साहझरे उठ्ठ के तुरन लई थोहड़ी जिही हिंमत ही चाहीदी है। उही वेला जिस बारे वारस शाह नें लिखिऐ-चिड़ी चूकदी नाल उठ तुरे पांधी, पईआं दुध्धां दे विच्च मधाणीआं नें …। उदों रुख्खां उते पंछी चहिचहाउंदे हुंदे नें, पैलीआं `चों तित्तर सुबहान तेरी कुदरत दे गीत गाउंदे जापदे नें ते पूरब दी कुख्ख चों सोनरंगा सूरज उगम रिहा हुंदै। उहदीआं सुनहिरी किरनां `च बनसपती `ते पए त्रेल तुपके हीरे मोतीआं वांग चमकण लग्ग पैंदे नें ते सवेर दी सज्जरी हवा दे बुल्ले उनहां दा सिर पलोसदे लग्गदे नें। तुसीं तुरन दा तहई्ईआ करो चंगेरी सिहत तुहानूं `वाज़ां पई मारदी ए। बच्चा, बुढ्ढा, जुआन कोई वी होवे उह तुर के तंदरुसती तक पहुंच सकदै। हस्स सकदै, खेड सकदै ते ख़ुशी दे मौके `ते नच्च टप्प वी सकदै। चंगी सिहत ही जीवन दी असली दौलत है। बंदा बिमार रवहे तां कुझ्झ वी चंगा नहीं लग्गदा। विगड़ी सिहत नाल तां माइआ दीआं तिजौरीआं वी मिट्टी लग्गदीआं हन।