निऊयारक दे कबड्डी मेले नाल पछ्छमी मुलकां दा कबड्डी सीज़न शुरू हो जांदा है। ऐतकीं इह मेला 6 मई 2007 दे दिन भरिआ। इह एना भरवां रिहा कि पहिले सारे रिकारड टुट्ट गए। इहदा मुख्ख कारन सी भारत तों तकड़ी कबड्डी टीम दा आउणा ते उहदा कप्प जित्तणा। पिछले कुझ्झ सालां तों कबड्डी टूरनामैंटां दे कप्प टोरांटो दी टीम जित्त रही सी। निऊयारक दे कबड्डी प्रेमी चाहुंदे सन कि किसे तरहां भारत तों कोई एनी तकड़ी टीम आवे जिहड़ी टोरांटो दी टीम दा कप्प नूं पिआ जफ्फा छुडावे। आख़र उनहां दे मन दी मुराद पूरी हो गई ते उह रिचमंड हिल्ल दे समोकी ओवल पारक विच्च भारती टीम दी जित्त उते देर तक ख़ुशीआं मनाउंदे ते भंगड़े पाउंदे रहे। पंजाबीआं दीआं किलकारीआं नाल उह पारक उद्दण निऊयारक दी थां छपार दा मेला बणिआ रिहा।

इंटरनैशनल सपोरटस ऐंड कलचरल आरगेनाईजेशन आफ़ पंजाब निऊयारक विच्च सत्त सालां तों कबड्डी दा शानदार टूरनामैंट करवाउंदी आ रही है। इस दे प्रधान अनूप सिंघ हन ते चेअरमैन संतोख सिंघ। राजकरमबीर सिंघ जनरल सकत्तर है ते इनहां दी टीम विच्च राज कुमार, तरसेम लाल, सुभाश थापर, जसवंत जस्सा, दलजीत सिंघ, गुरमीत मीता, भूपिंदर सिंघ गोगी, सुखदेव सिंघ ते तरसेम सिंघ होरीं शामल हन। कलब्ब नूं सथानक गुरूघरां ते सभा सुसाइटीआं दा सहियोग हासल है। अजिहे अदारिआं दी गिणती पच्ची दे करीब है। निऊयारक दे कारोबारी सज्जण कबड्डी मेलिआं दी लोड़ींदी माइक सहाइता करदे रहिंदे हन। देश विदेश तों टीमां सद्दणीआं, इनाम देणे, खेड मैदान किराए `ते लैणा, हवाई टिकटां, होटल, खाण पीण, वीडीओ, फोटो, टराफीआं, सटेज, सकिउरिटी ते मीडीए दे खरचे बहुत हुंदे हन जिहड़े दानीआं दे खुल्ल्हे दिल नाल पाए योगदान नाल ही पूरे हो सकदे हन। इक्क खेड मेले दा बजट दो लख्ख डालर दे करीब सहिजे ही पुज्ज जांदा है।

मई दे महीने दा पहिला ऐतवार निऊयारक दे कबड्डी टूरनामैंट दा राखवां दिन हुंदा है। मैं अजे पंजाब विच्च ही सां जदों निऊयारक तों अनूप सिंघ होरां दे टैलीफोन खड़कण लग्ग पए। उस नें आपणे साथीआं दे सहियोग, जसप्रीत सिंघ अटारनी ऐट लाअ दी कानूंनी मदद ते अमरीकी सैनेटर दी सिफारश नाल भारत दी कबड्डी टीम नूं वीज़े लुआउण दा कारज आरंभ कर लिआ। पंजाब विच्च कबड्डी कलब्बां दे दोहां धड़िआं `चों चोटी दे खिडारी चुणे गए ते टूरनामैंट तों पिछ्छों वापस मोड़न दी गरंटी नाल वीज़े लगवाए गए। इह खिडारी मुखतार सिंघ पप्पू दी अगवाई विच्च 4 मई नूं निऊयारक पुज्जे। जिवें ही भारती टीम दे निऊयारक पुज्जण दा लोकां नूं पता लग्गा उनहां नें वड्डी गिणती विच्च कबड्डी मेला वेखण दीआं तिआरीआं खिच्च लईआं।

तद तक मैं वी पंजाब तों टोरांटो आ गिआ सां। मैनूं ते मख्खण सिंघ नूं सद्दा सी कि कबड्डी मैचां दी कुमैंटरी ते लिखती तौर `ते मेला कवर करन लई निऊयारक पुज्जीए। टोरांटो तों निऊयारक जाण दे मैनूं हर वार नवें अनुभव हुंदे हन। हवाई अड्डे उते सकिउरिटी दा दर लंघदिआं पिछली वार फीने नक्क वाले फिलपीने गारड नें मेरे खरखरा जिहा फेरिआ सी जिस नें कड़े ते घड़ी उतों दी लंघदिआं टीं टीं कीती सी। टीं टीं हो जाण कारन मेरी चंगी तरहां तलाशी लई गई सी। ऐतकीं मैं घड़ी ते बैल्लट लाह के पहिलां ही पाड़छे जिहे विच्च पा दित्ती पर कड़ा तंग होण कारन लहि नां सकिआ। मेरे बूट वी लुहा लए गए ते कोट वी लाहुण लई किहा गिआ। हवाई सकिउरिटी दा इह हाल है कि हुण तां मुसाफ़िरां दीआं पैंटां लुहाणीआं ही बाकी हन। संभव है किसे दिन यातरी कबड्डी दे खिडारीआं वांग `कल्ले कछ्छे नाल ही बाहां खहड़ीआं कर के लंघिआ करन। ख़बरां मिल रहीआं हन कि कई थांईं पग्गां लुहाईआं जाण लग्गीआं हन। नंगे पैरीं महाराज नूं मत्था टेकण वांग जदों मैं मैटल डिटैकटर दे चौखटे विच्च दी लंघिआ तां कड़े नें फिर टीं टीं बुला दित्ती ते सकिउरिटी वालिआं नूं मुड़ खरखरे वरगा संद मेरीआं लत्तां बाहां उपर दी घुंमाउणा पिआ।

टोरांटो तों निऊयारक दी उडाण उंज तां सवा कु घंटे दी है पर इंमीगरेशन ते सकिउरिटी कारनां करके ढाई तिंन घंटे पहिलां ही हवाई अड्डे `ते पहुंचणा पैंदै। दहिशतगरदां नें हवाई मुसाफ़िरां नूं इह बहुत वड्डी सज़ा दित्ती होई है। जहाज़ उडिआ तां हेठां टोरांटो दा सी.ऐन्न.टावर ते सकाईडोम विखाई दित्ते। उपरों इह बहुते उच्चे नहीं लग्गदे सगों मधरे जिहे जापदे हन। सवेर दे नौं वजे दा समां सी ते दिन निख्खरिआ होइआ सी। टोरांटो दे बहुमंज़ले मकान, खेड मैदान ते पारक दिस रहे सन। फिर निक्कीआं वड्डीआं झीलां, पहाड़ीआं ते रुख्खां दे झुंड विखाई देण लग्गे। दरख्खतां दी हरिआवल नाल नीलीआं झीलां विच्च हरेवाई दी छां पै रही सी। धुप्प दी लिशकोर नाल घरां दीआं छत्तां ते कारां चिलक रहीआं सन ते किते किते कोई चिमनी धूंआं छड्ड रही सी। रूं दे फंबिआं वरगे बद्दल तैर रहे सन। हेठां ई किते निआगरा फालज़ सी जो मैनूं विखाई नां दित्ता। जहाज़ दे इंजणां दा शोर घराट दी आवाज़ वरगा सी। नीले आकाश दीआं कंनीआं चिट्टी भाअ मार रहीआं सन जिवें अंबर दे असमानी लहिंगे नूं घिउ-रंगी झालर लाई होवे। मेरे नाल दीआं सवारीआं पहड़न विच्च मघन सन पर मैं बारी थाणी बाहर दे नज़ारे नोट कर रिहा सां। मैं नोट कीता कि शाहराह लंमीआं लकीरां वरगे दिसदे हन अते झीलां, पहाड़ीआं ते दरख्खतां नाल शिंगारी धरती भूरे, नीले ते हरे रंगां दी विशाल पेंटिंग जापदी है।

जहाज़ निऊयारक दे असमान `ते पुज्जा तां हेठां उच्चीआं इमारतां डब्बे डब्बीआं वांग दिसण लग्गीआं। समुंदर ते दरिआवां दे अनेकां पाट सन जिनहां उते थां पुर थां पुल बणे होए सन। निऊयारक नूं उपरों वेखीए तां इह पाणीआं विच्च घिरे टापूआं वरगा लग्गदा है। मेरे बराबर बैठी गोरी लड़की नें फैशनवस्स आपणे केस कालिओं चिट्टे कीते होए सन पर उहनां दीआं जहड़ां कालीआं सन। ऐन उवें जिवें साडे वसमा लाउण वाले वीरां दीआं कालीआं दाहड़ीआं हेठां वालां दीआं जहड़ां बग्गीआं हुंदीआं हन। पिछली वार मैनूं समुंदर `च खलोता आज़ादी दी देवी दा बुत्त विखाई दे गिआ सी पर ऐतकीं उह मेरी नज़र नहीं पिआ। नां ही मैं मनहटन टापू `च ढाहे उच्चे बुरजां वाली जगहा वेख सकिआ। संभव है जहाज़ नें रुख़ बदल लिआ होवे जां मैं ही जहाज़ दे दूजे पासे बैठां होवां। उहनां दी थां मैनूं वड्डे कबरसथान दे लंमीआं कतारां `च लग्गे यादगारी पत्थर विखाई दित्ते। कहिंदे हन कि हुण निऊयारक विच्च कबरां लई थां लभ्भणी औखी हो रही है ते थां कई साल पहिलां रिज़रव कराउणी पैंदी है।

साडे ठहिरन दा प्रबंध लागारडीआ हवाई अड्डे दे कोल ही कलैरीअन होटल विच्च कीता होइआ सी। मैं आपणा छोटा अटैची रेहड़िआ ते तुर के ही दसां मिंटां विच्च होटल जा पुज्जा। होटल दे भोरे विच्च खिडारीआं ते खेड अधिकारीआं नूं परौंठे उडीक रहे सन। आइआं गिआं दी महिफ़ल लग्गी होई सी ते पंजाब दे पिंडां वाला माहौल बणिआं होइआ सी। कदे कोई इंगलैंड तों आ जांदा, कदे कैलेफोरनीआं तों ते कदे वैनकूवर तों। पंजाब तों चौदां खिडारी पहिलां ही आए बैठे सन। प्रबंधकां वल्लों सेवा दी कोई कसर नहीं सी छड्डी जा रही। मैनूं पंजाब तों आए खिडारीआं दे नांवां दी सूची दित्ती गई जिस विच्च काका काहरी सारी, दुल्ला सुरखपुरीआ, गुरलाल घनौर, जस्सा सिध्धवां, संदीप, सुख्खी लख्खण के पड्डे, सोनूं जंप, मत्ता गुरदासपुरीआ, गोगो रुड़की, जस्सी लेहलां, इंदरजीत तुंना, गुरविंदर भलवान, सुख्खा भंडाल ते मिंदू गुरदासपुरीआ सन। उनहां दे पासपोरट प्रबंधकां नें पहिलां ही संभाल लए सन तां कि कोई कबूतरबाज़ किसे नूं कबूतर बणन दा चोगा नां पा सके। तसल्ली दी गल्ल है कि टूरनामैंट पिछों पंजाब तों मंगाए सारे खिडारी वापस पंजाब मुड़ गए हन ते इहदी इतलाह दिल्ली अमरीकी सफारतखाने नूं दे दित्ती है।

छे मई दा दिन खिड़ी होई धुप्प वाला चहड़िआ। पछ्छमी मुलकां दे सारे ही कबड्डी मेले वार ऐतवार नूं लग्गदे हन। दिन मींह वाला होवे तां सारा मज़ा किरकिरा हो जांदा है। प्रबंधक अरदासां करदे हन कि टूरनामैंट दा दिन सुक्का रहे। उथे ऐतवार दे मैच सोमवार `ते नहीं पाए जा सकदे। वड्डी बस्स ते वैनां राहीं खिडारीआं नूं होटल तों समोकी ओवल पारक लिजाइआ गिआ। पारक दुआले टाहलीआं वरगे रुख्ख नवें ही फुट्टे सन ते अंदर पौड़ीआं वाले बैंच जोड़ के आरज़ी सटेडीअम बणाइआ होइआ सी। झंडे झूल रहे सन ते ठंडी `वा वग रही सी। मदन मद्दी ते जरनैल सिंघ भंगड़े वालीआं पुशाकां पहिनी फुंमणां वाले ढोल वजाउंदे होए अखाड़ा बंनह रहे सन। माईक तों मझैल राजकरमबीर ते नरिंदर पंडत नें हासे ठठ्ठे दीआं फुल्लझड़ीआं चलाईआं होईआं सन। फिर टीमां दा मारच पासट शुरू होइआ जिस विच्च भारत, अमरीका, इंगलैंड, उत्तरी कैनेडा ते पछ्छमी कैनेडा दीआं टीमां शामल होईआं। टीमां दे अग्गे अग्गे ढोल वज्ज रहे सन ते भंगड़ा टीम भंगड़ा पा रही सी जिस दी अगवाई नरिंदर पंडत कर रिहा सी। दरशक ताड़ीआं मार रहे सन।

पहिलां मैच भारत ते कैनेडा वैस्सट दीआं टीमां दरमिआन खेडिआ गिआ जो भारत दी टीम नें जित्तिआ। वैनकूवर दी टीम विच्च लक्की कुराली, जग्गा नकोदरीआ, सोनी सवद्दी, रणजीत महेड़ू, शिंदा लोपों, कौरा बस्सीआं, जगदीप कौंके, जिंदर बोपाराए, बल्ली घड़ूंआं ते गीचा गज्जणवालीआं खेडे। दूजा मैच अमरीका ते इंगलैंड दीआं टीमां विचकार होइआ जिस विच्च अमरीका दी टीम जेतू रही। अमरीका वल्लों जोगी, सोनूं जंप, सन्नी, तारी, मिंदू, तीरथ, मीका, ठाणेदार ते अरशी खेड रहे सन। इंगलैंड दी टीम विच्च कुलविंदर, अमरजीत, रजवंत, जसपाल वडाला, थांदी, जैट्ट, सीता, जसपाल खहिरा, मनप्रीत ते बाबे घुरली दा पोता अमनदीप शामल सन।

तीजा मैच कैनेडा ईसट ते कैनेडा वैस्सट यानी टोरांटो ते वैनकूवर दीआं टीमां विचाले खेडिआ गिआ। कई सालां तों जेतू रही टोरांटो दी टीम विच्च संदीप लल्लीआं, किंदा बिहारीपुरीआ, वैल्ली चूहड़चक्कीआ, उपकार बुचकर ते तोची काला संघिआं कबड्डीआं पाउण वाले सन अते सोनी सुनेत, बीरहा सिध्धवां, जतिंदर डडविंडी, माणहा ते फिंडी जफ्फे लाउण वाले सन। तद तक दरशकां दीआं बैंचां दे अग्गे पिछ्छे कई कई तैहां लग्ग चुक्कीआं सन। सटेज `ते विशेश विअकती आई जांदे ते उनहां दा माण सनमान कीता जांदा। पंजाब तों कैबीनिट मंतरी परमिंदर सिंघ ढींडसा वी आइआ ते निऊयारक दा माण जसप्रीत सिंघ अटारनी ऐट लाअ वी आइआ। परमिंदर सिंघ ढींडसा नें मेरी पुसतक ‘कबड्डी कबड्डी कबड्डी’ खेड प्रेमीआं दे रूबरू कीती ते कबड्डी मेले दे प्रबंधकां नूं वधाई दित्ती। दरशकां विच्च माईआं बीबीआं वी काफी गिणती विच्च सन जिनहां लई इक्क बलाक राखवां रख्खिआ गिआ सी। टोरांटो दी टीम वैनकूवर दी टीम नूं 50-30 अंकां दे फरक नाल हरा के सैमी फाईनल विच्च पहुंच गई।

सैमी फाईनल मैचां तों पहिलां रिचमंड हिल्ल ते जैकसन हाईड दीआं जूनीअर टीमां दरमिआन मैच होइआ जो जैकसन हाईड दी टीम नें जित्तिआ। प्रसिध्ध पहिलवान बुध सिंघ दा विशेश माण सनमान कीता गिआ ते दानी वीरां नूं टराफीआं नाल निवाजिआ गिआ। सवेर दी ठंढी हवा हुण निघ्घी हो गई सी ते गुरू घरां दा लंगर अतुट्ट वरत रिहा सी। इक्क पासे भाफां छडदी चाह दी छबील लग्गी होई सी। टीवी रावी चैनल दा कलाकार हरविंदर रिआड़ सटेज नूं रंग भाग ला रिहा सी। असीं मैचां दी कुमैंटरी करदिआं विचे कबड्डी दा इतिहास दुहराई जांदे ते विचे खिडारीआं नूं वडिआउंदे होए ज़मीन असमान दे कुंडे मेली जांदे। विचे छड़िआं बारे जोड़े टप्पे सुणाई जांदे-चुल्ल्हे अग्ग नां घड़े विच्च पाणी छड़िआं नूं वखत पिआ। छड़िआं दा सौंक बुरा कट्टा मुंन के झांजरां पाईआं। राज कहिण लग्गा-रंनां वालिआं दे पक्कण परौंठे छड़िआं दी अग्ग नां बले। पंडत नें तोपा भरिआ-रंनां वालिआं नूं रोण निआणे छड़िआं नूं रोण बिल्लीआं …। कबड्डी पा के भज्जे जांदे खिडारी बारे कहिंदे, “इहदे मगर तां भावें घोड़ीआं ला दिओ इह नी फड़ीदा हुण।” पंडत पच्चर लाउंदा, “इहनूं तां हुण निऊयारक दी पुलिस ई फड़ू!”

पहिला सैमी फाईनल मैच इंडीआ ते इंगलैंड दीआं टीमां विचकार खेडिआ गिआ जो इंडीआ दी टीम नें चोखे अंकां नाल जित्त लिआ। गोगो ते जस्सी होरां नें इंगलैंड दे धावी बंनह के खहड़ा दित्ते। दूजा सैमी फाईनल अमरीका ते टोरांटो दीआं टीमां विचाले बड़ा फस के होइआ। अध्धे समें तक अमरीका दे वीह अंक सन ते कैनेडा ईसट दे चौवी। दूजा अध्ध शुरू होइआ तां इक्क सटेज उते अमरीका दी टीम दे इकत्ती अंक हो गए ते टोरांटो दी टीम दे तीह अंक रहि गए। फिर इक्क इक पैंटह लई लहू डोल्हवां संघरश होइआ ते आख़रकार टोरांटो दी टीम 44-40 अंकां नाल फाईनल विच्च पुज्ज गई।

इंडीआ ते कैनेडा ईसट दे फाईनल मैच समें सारे दरशक पब्बां भार हो गए। बहुते दरशकां दी हल्लाशेरी भारत दे खिडारीआं नाल सी। गोगो नें वैल्ली नूं ते जस्सी नें संदीप नूं जफ्फा लाइआ तां जब्बर सिंघ गरेवाल नें उनहां नूं पंज पंज सौ डालर दे इनाम दित्ते। फिर उह ते मख्खण जोधां हरेक जफ्फे `ते ही पंज पंज सौ डालर देण लग्ग पए। गोगो नें सारे धावी डक्क लए ते अध्धे समें तक इंडीआ दी टीम 24-20 अंकां नाल अग्गे निकल गई। दूजा अध्ध शुरू होइआ तां भारत दी टीम नें लगातार चार अंक लै लए ते फरक अठ्ठ अंकां दा हो गिआ। दरशक एने ख़ुश सन कि उह जफ्फा लग्गण समें बाघीआं पाउंदे मैदान अंदर आ जांदे। कईआं दी माड़ी मोटी पीती खिड़ वी रही सी। टोरांटो दी टीम दा ज़ोर वितों वध्ध लग्ग चुक्का सी। उस नें खहड़े खड़ोते ही हार मंन लई ते मैच विचाले छड्ड दित्ता।

कई सालां बाअद पहिली वार होइआ कि टोरांटो दी टीम निऊयारक दा कबड्डी कप्प नां जित्त सकी। निऊयारक दे दरशक इस सथिती उते बागोबाग सन ते उह मैच मुक्कण बाअद देर तक ख़ुशी विच्च नच्चदे ते बक्करे बुलाउंदे रहे। भारती टीम दे धावी दुल्ले नूं बैस्सट रेडर ते गोगो नूं बैस्सट जाफी ऐलानिआ गिआ अते उनहां दे गलां विच्च सोन मैडल पहिनाए गए। इस खेड मेले दी सभ तों वड्डी प्रापती भारती खिडारीआं नूं अमरीका दे वीज़े लुआउण दी रही। उमीद है अमरीका दे अगले कबड्डी मेलिआं विच्च वी पंजाब तों खिडारी आउणगे ते मैच होर वी खहिवें ते फसवें होणगे।