पंजाबी जिंने चाअ नाल मेले वेखदे हन उने ही चाअ नाल खेडां खेडदे हन। पंजाब सदा दिलां दे राठ ते नरोए जुस्सिआं वाले लोकां नूं जनम दिंदा रिहा है। मुढ्ढ कदीम तों एथे सरीरक करतबां दी गल्ल हुंदी आई है। साडीआं मिथिहासक कथावां विच्च उनहां बली लोकां दा ज़िकर आउंदा है जिहड़े गोडा मार के धरती `चों पाणी कढ्ढ दिंदे सन ते चंद सूरज नाल घुलदे सन। उहनां दे असमानां `च वगाहे हाथी अजे तक नहीं मुड़े!

पंजाब रिशीआं मुनीआं, गुरूआं पीरां, किरती किसानां ते सूरमिआं दी धरती है। इह उहनां चंचल मनां वाले लोकां नूं जनम दिंदी है जिहड़े जाण बुझ्झ के आफ़तां छेड़दे हन ते वाहीआं छड्ड बंजरां आबाद करन तुर पैंदे हन। घरां दे सुख तिआग परदेसी जा बणदे हन। उहनां अंदर कोई अजब भटकण है, अलोकार प्रतिभा जो उनहां नूं टेक नहीं आउण दिंदी। उह धक्के वालीआं ते जफ्फोजफ्फी होण वालीआं खेडां दे वधेरे शुकीन हन ते खहड़े खड़ोते सिध्ध-पुठ्ठ करना लोचदे हन।

कबड्डी ते कुशती पंजाबीआं दीआं वधेरे मनपसंद खेडां हन। कुशतीआं विच्च पंजाब नें कई जगतजेतू पैदा कीते हन। 1892 विच्च पंजाबी पहिलवान करीम बख़श इंगलैंड दे टौम कैनन नूं ढाह के वरलड चैंपीअन बणिआ सी। 1900 विच्च पंजाब दा इक्क होर पहिलवान, ग़ुलाम, पंडत मोती लाल नहिरू नाल पैरिस गिआ ते तुरकी दे कादर अली नूं ढाह के विशव जेतू बणिआ। किक्कर सिंघ, गामा ते गोबर वी बड़े मशहूर पहिलवान होए जिनहां दा लोहा कुल दुनीआ नें मंनिआ। 1921 विच्च गोबर नें सान फरांसिसको विच्च आदशंतू नूं चित्त कर के आलमी गुरज हासल कीती। गामे नें विशव विजेता पहिलवान ज़बिसको नूं पटिआले विच्च पटका के रुसतमे ज़मां दा ख़िताब जित्तिआ।

1928 तों इंडीआ दी हाकी टीम ओलंपिक खेडां विच्च भाग लैण लग्गी तां पंजाबी खिडारी ओलंपिक चैंपीअन बणन लग्गे। पर सठ्ठविआं तक पंजाबी लिखतां विच्च उनहां आलमी जेतूआं दा ज़िकर किते वी नहीं मिलदा। कुझ्झ मूंह ज़बानी जोड़े छंद ज़रूर सुण पैंदे सन। किहा जांदै कि पंजाबी लोक मल्लां तां बड़ीआं मार लैंदे नें पर उनहां दा रिकारड नहीं रख्खदे। नां ही उह पुराणीआं विरासती वसतां नूं संभालणा जाणदे नें। इहो कारन है कि जिनहां पंजाबी मल्लां नें कुल दुनीआं उतों दी लत्त फेरी उह वी लिखतां विच्च नां आए ते पंजाबीआं दे याद चित्त नां रहे। किक्कर सिंघ, ग़ुलाम, गामा, कल्लू, बूटा, फतिह सिंघ, अलीआ, गामूं, अमाम बख़श, सोहणी, गुंगा, गंडा जौहल, हमीदा, हरबंस, पूरन ते गुरदावर होरीं हौली हौली चेतिआं `चों विसरदे गए।

1964 विच्च बलबीर सिंघ कंवल नें भारत दे पहिलवान नां दी पुसतक प्रकाशत कीती जिस नूं पंजाबी दी पहिली खेड पुसतक किहा जा सकदै। 1966 तों इस पुसतक दा लेखक खेडां ते खिडारीआं बारे लिखण लग्ग पिआ जो हुण तक लिखी जा रिहै। उस दीआं खेड पुसतकां दी गिणती दरजन तों टप्प गई है जिनहां दे नां पंजाब दे उघ्घे खिडारी, खेड संसार, खेड जगत विच्च भारत, पंजाबी खिडारी, खेड मैदान `चों, ओलंपिक खेडां, पंजाब दीआं देसी खेडां, खेड जगत दीआं बातां, खेड परिकरमा, ओलंपिक खेडां दी सदी, खेड दरशन, खेड मेले वेखदिआं, कबड्डी कबड्डी कबड्डी, खेडां दी दुनीआं ते पंजाब दे चोणवें खिडारी हन। मेरी खेड कथा ते एशिआई खेडां छपाई अधीन हन। बलबीर सिंघ कंवल नें इक्क होर पुसतक आलमी कबड्डी दा इतिहास लिखी है। उस तों पहिलां पंजाब कबड्डी दा इतिहास लिखी सी।

खेडां ते खिडारीआं बारे पंजाबी विच्च पंजाह कु किताबां छप चुक्कीआं हन। इनहां विच्च जीवनीआं, सवैजीवनीआं, खिडारीआं दे रेखा चित्तर, खेडां दा इतिहास, खेड मेले, खेड मसले, खेडां दी जाण पछाण, खेड नियम, खेडां दीआं बातां, पंजाब दीआं देसी खेडां ते खिडारीआं दीआं गलपी कहाणीआं आदि कई तरहां दीआं वंनगीआं हन। किहा जा सकदै कि पंजाबी खेड साहित दी वख्खरी पछाण काइम हो चुक्की है ते आउंदे समें `च खिडारीआं दे जीवन बारे अफ़साने ते नावल वी पहड़न नूं मिलणगे।

खिडारीआं दीआं सवैजीवनीआं विच्च प्रमुख्ख फलाईंग सिख्ख मिलखा सिंघ है जो सत्तरविआं विच्च छपी सी। मिलखा सिंघ इंगलैंड विच्च कामनवैल्लथ खेडां दा महिमान बण के गिआ सी। उथे उस नूं देस प्रदेस दा ऐडीटर तरसेम पुरेवाल मिलिआ जिस नें मिलखा सिंघ नूं आपणे जीवन बारे किताब लिखण लई प्रेरिआ। उस नें किहा, “तुसीं आपणी जीवन कहाणी पाश नूं सुणाउंदे जाणा, उह लिख देवेगा।” इंज पुरेवाल नें पंजाबी दे प्रसिध्ध कवी पाश नूं मिलखा सिंघ नाल मिलाइआ जिस नें उस दी जीवनी कलमबध्ध कीती। उस उते पाश नें आपणे नां दी थां मिलखा सिंघ दा नां लिखिआ तां कि उह पुसतक सवैजीवनी वजों पहड़ी जावे। पाश दे इस भेत दा कुझ्झ गिणती दे बंदिआं नूं ही पता सी।

दूजी सवैजीवनी पहिलवान दारा सिंघ दी मेरी आतम कथा है। मझैल दारा सिंघ दा तरज़े बिआन कमाल दा है। उस नें बड़ी सादगी ते साफ़गोई नाल आपणीआं कमीआं कमज़ोरीआं ते प्रापतीआं दा प्रगटावा कीता है। उस दा सुत्ते पए दा पिशाब निकल जांदा सी। उह लिखदा है कि जद उहदी बरात चहड़ी तां इह भाणा सहुरीं जा के वी वरत गिआ! भावें जानीआं दे जंगल पाणी जाण समें उहदी गिल्ली तलाई किसे होर दे मंजे `ते विछा के किसे नूं पता नहीं सी लग्गण दित्ता गिआ पर उस नें आपणी आतम कथा विच्च इह गल्ल आप ही जग्ग ज़ाहिर कर दित्ती। पहिली वार वहुटी नूं लैण सहुरीं गिआ तां पिशाब निकल जाण दे डरों चज्ज नाल सौं वी नां सकिआ। मुड़दिआं साईकल उते वहुटी नूं बिठाइआ तां साईकल पास वज्ज गिआ! उस दी इह पुसतक बहुत दिलचसप है।

गोला सुट्टण विच्च एशीआ दे चैंपीअन जोगिंदर सिंघ नें वी आपणी सवैजीवनी ‘जग्ग दा जोगी’ प्रकाशत कीती सी। उस नें लिखिआ, “इक वार जंगल विच्च शिकार खेडण गए तां उहदे दोसत नूं शेर नें ढाह लिआ। उस नें सोचिआ, जे दोसत नूं छड्ड के जानां तां आपणीआं ते दुनीआं दीआं नज़रां `च मरदां। जे दोसत नूं शेर दे पंजिआं `चों छडाउनां तां शेर हत्थों मरदैं। मैं मन `च सोचिआ बई मौत तां जोगिंदरा हुण दोहीं पासीं आ, चलो शेर वल्ल ई चल्लदे ऐं। मैं दोसत नूं शेर कोलों खिच्च के कंधाड़े चुक्क लिआ ते शेर बिट्ट बिट्ट खहड़ा देखदा रिहा। ओदों तों मैं समझदां कि जानवर वी बंदा कुबंदा देख लैंदा। जे मैं ओथों भज्ज निकलदा तां शाइद शेर मैनूं निकलण नां दिंदा।”

हाकी वाले बलबीर सिंघ नें आपणी सवैजीवनी गोलडन हैट ट्रिक पहिलां अंगरेज़ी विच्च छपवाई सी जिस दा पंजाबी रूप वी तिआर है। वैटरन खिडारी तरलोक सिंघ नें वी आपणी सवैजीवनी छपाई है। कहाणीकार वरिआम सिंघ संधू नें पहिलवान करतार सिंघ दी जीवनी कुशती दा धरू तारा लिखी है। इस जीवनी दा समुच्चे पंजाबी साहित विच्च विशेश सथान है। फुटबाल दे प्रसिध्ध खिडारी जरनैल सिंघ पनाम दी जीवनी डा.चरनजीत सिंघ पड्डा वल्लों लिखी मिलदी है। हाकी खिडारी धिआन चंद दी जीवनी दा पंजाबी अनुवाद मिलदै। डा.बिल्लू राएसर नें कबड्डी खिडारी अंबी हठूर दी जीवनी लिखी है। संभव है कुझ्झ होर वी जीवनीआं ते सवैजीवनीआं छपीआं होण जो मेरी नज़रों नां लंघीआं होण।

बलिहार सिंघ रंधावा नें कबड्डी दे अंग संग ते खेड मेलिआं दे अंग संग दो पुसतकां कबड्डी दी खेड बारे लिखीआं हन। इनहां विच्च दरजनां खेड मेलिआं ते सैंकड़े कबड्डी खिडारीआं दी जाण पछाण है। सोहण सिंघ चीमा दी सवैजीवनी नुमा पुसतक खेड मैदान `च अध्धी सदी है जिस विच्च इंगलैंड दे पंजाबीआं दी कबड्डी ते कबड्डी टूरनामैंटां दा भरपूर वरणन है। लाभ सिंघ संधू नें गभरू पुत्त पंजाब दे विच्च चार दरजन खिडारीआं दे रेखा चित्तर पेश कीते हन। इह तसवीरां वाली दरशनी पुसतक है। तसवीरां वाली सभ तों वड्डी पुसतक सतविंदर सिंघ सुहेला दी रुसतम-ए-कबड्डी बलविंदर सिंघ फिड्डा है जिस नूं मोटे अख्खरां विच्च छापिआ गिऐ। लाभ सिंघ संधू नें इक्क पुसतक चंन माही दीआं बातां छपाई है जिस विच्च खिडारीआं दीआं पतनीआं नाल कीते इंटरविऊ दरज हन।

राजिंदर सिंघ दीआं तिंन पुसतकां क्रिकट किवें खेडीए, वालीबाल किवें खेडीए ते भारत दे प्रसिध्ध खिडारी मिलदीआं हन। प्रिं.तरलोचन सिंघ भाटीआ नें 1982 दीआं एशिआई खेडां मौके एशीआड छपवाई सी। चोटी तों चोटी, क्रिकट, भारत विच्च हाकी, ओलंपिक खेडां दे महान खिडारी ते अथलैटिकस विच्च सोने दा तमग़ा किवें प्रापत करीए नैशनल बुक्क ट्रस्सट नें प्रकाशत कीतीआं हन। भाशा विभाग पंजाब नें पंजाब दे प्रसिध्ध खिडारी तों बिनां वख्ख वख्ख खेडां दी जाण पछाण दे किताबचे छापे हन। सरीरक सिख्खिआ ते खेडां दे नियमां बारे कई अदारिआं दीआं किताबां मिलदीआं हन। इस पासे सुजान सिंघ दी बड़ी घालणा है। जोगिंदर जोगी नें खेडां ते खिडारीआं बारे कुझ्झ किताबचे भाशा विभाग पंजाब लई लिखे। बलजिंदर मान नें फुटबाल जगत माहलपुर लिखी है।

पिआरा सिंघ रछीन नें कुछ किताबां पहिलवानी बारे लिखीआं हन जिनहां `च इक्क कुशती अखाड़े है। पहिलवानां बारे इक्क होर किताब ऐच्च.आर.बिलगा ते पी.आर.सोंधी नें कुशती अंबर दे तारे छापी है। गुरमेल मडाहड़ नें संसार प्रसिध्ध खेड कहाणीआं नां दी किताब अनुवाद रूप विच्च दित्ती है। उस विच्च वख्ख वख्ख भाशावां दीआं सतारां कहाणीआं दा अनुवाद है। प्रो.बलदीप सिंघ दी इक्क पुसतक ओलंपिक खेडां दा सोन तमग़ा किवें जित्तीए है। पंजाबी यूनीवरसिटी पटिआला नें अमरीक सिंघ राहीं अनुवादत पुसतक सकूलां विच्च अथलैटिकस छापी है। जोगिंदर सिंघ आहलूवालीआ दी किताब हाकी दा खेल है। इक्क किताब गिआन सिंघ नें वी हाकी बारे लिखी है। सुखदेव मादपुरी दीआं दो किताबां पंजाब दीआं लोक खेडां ते पंजाब दीआं विरासती खेडां हन। रणजीत सिंघ प्रीत दी पुसतक खेड दरपण है।

सोशलिसट देशां विच्च खेडां, ओलंपिक -80 मासको आवो ते सोवीअत खेडां प्रगती प्रकाशन दे किताबचे हन। रूसी मोदी दी किताब भारत दे क्रिकट खिडारी पंजाबी विच्च वी मिलदी है। परमवीर सिंघ बाठ नें गल्लां खेड मैदान दीआं छपवाई है। सुखदरशन सिंघ चहिल दी किताब जदों खेडे पंजे आब भारत-पाकि पंजाब खेडां बारे है। नवदीप गिल्ल नें खेड अंबर दे पंजाबी सितारे लिखी है जिस विच्च चाली कु पंजाबी खिडारीआं दे शबद चित्तर हन। नत्था सिंघ दी पुसतक कबड्डी दे हीरे है जिस विच्च कबड्डी खिडारीआं दा बाइओ डाटा दित्ता गिऐ।

मेरी सचित्तर पुसतक पंजाब दीआं देसी खेडां है जिस विच्च पंजाबीआं दीआं सतासी देसी खेडां दा वेरवा दरज है। इनहां विचों कई अलोप हो चुक्कीआं हन, कुझ्झ अलोप हो रहीआं हन ते बाकीआं दे अलोप हो जाण दा डर है। इह पुसतक पंजाबी यूनीवरसिटी पटिआला नें छापी है। नैशनल बुक्क ट्रस्सट वल्लों मेरी इक्क होर अहिम पुसतक पंजाब दे चोणवें खिडारी प्रकाशत कीती गई है जिस विच्च पंजासी खिडारीआं दे रेखा चित्तर हन। इह उह खिडारी हन जिनहां नें कौमांतरी खेड मुकाबलिआं `चों इंडीआ लई मैडल जित्ते हन। बलबीर सिंघ कंवल दी पुसतक भारत दे पहिलवान दी पाकिसतान विच्च वी मंग है।

उप्रोकत पुसतकां तों बिनां कुझ्झ होर खेड पुसतकां वी हो सकदीआं हन जिनहां दा मैनूं पता नां लग्गा होवे। अख़बारां रसालिआं विच्च वी खेडां ते खिडारीआं बारे आरटीकल छपदे रहिंदे हन। लगभग सारे ही पंजाबी अख़बारां विच्च खेडां दा पंना है। रुसतम पंजाबी दा पहिला खेड रसाला सी ते हुण बहुरंगा कौमांतरी मैगज़ीन खेड संसार निकलण लग्गा है। इह पंजाबी खेड अदब दा अज्ज है, उमीद है भलक भविख्ख दे खेड लेखकां नाल होर भरपूर होवेगा।