चल्लिआ तां मैं पटिआले नूं सी पर रहि गिआ मुकतसर। बी.ए.करन पिछ्छों मैं प्रो.गुरबखश सिंघ सच्चदेव दी सलाह लई कि हुण की करां? मेरे पंजाबी विच्च अछ्छे नंबर सन। उनहां नें सलाह दित्ती कि पंजाबी दी ऐम्म.ए.कर लै किते लैकचरार लग्ग जावेंगा। उनहीं दिनीं पंजाबी दी ऐम्म.ए.करन लई महिंदरा कालज पटिआला मशहूर सी जिथे सरकारी कालज होण कारन पहड़ाई ते होसटल दीआं फीसां वी घट्ट सन। उस कालज विच्च खेडां दा वी चंगा माहौल सी। कालज तों करैकटर सरटीफिकेट लै के मैं पटिआले जाण दा मन बणा लिआ।
इस तों पहिलां दी गल्ल दस्सणी तां मैं भुल्ल ई गिआं। इक्क दिन मेरा जमाती घल्लू वाला बलजीत सिंघ संधू मैनूं फिरोज़पुर छाउणी लै गिआ सी। फिरोज़पुर तों कोई वड्डा फौजी अफसर मुख्ख महिमान बण के फाज़िलका कालज विच्च साडा हाकी दा मैच ते भंगड़ा वेख गिआ सी। उह बलजीत दा कद्द काठ वेख के उस नूं हौलदार भरती करन नूं कहि गिआ सी। सद्दा दे गिआ सी कि किसे दिन फिरोज़पुर आईं। बलजीत लैफटीनैंट बणना चाहुंदा सी। बी.ए.दा इमतिहान दे के असीं विहले सां। मैनूं तां पास होण दी उमीद सी पर उस नूं बहुती उमीद नहीं सी। उस नें मैनूं गल्लीं बातीं तिआर कर लिआ कि पहिलां आपां हौलदार भरती होवांगे ते फेर इंटरविऊ दे के लैफटीनैंट बण सकदे आं। फिरोज़पुर दा उह वड्डा अफसर आपणी पूरी मदद करेगा।
असीं फिरोज़पुर छाउणी दे किले विच्च चले गए। बैरकां विच्च फौजी ताशां खेड रहे सन ते तणीआं उते उनहां दे कपड़े टंगे होए सन। उह इक्क दूजे नूं मखौल कर रहे सन जिस नाल उनहां दे हासे छणकदे सन। लग्गदा सी जिवें रब्ब दी जंन आए होण। वेले सिर उनहां नूं चाह पाणी ते दाल रोटी मिली जांदी सी। शाम नूं रंम दा हाड़ा लग्ग जांदा सी। नां कोई कंम सी नां कार सी ते नां निक्के निआणिआं दा कोई फिकर फाका सी। उह साबण तेल नाल नहाउंदे सन ते पालश कीते बूट पाउंदे सन। बलजीत दस्सदा आइआ सी, “फौजीआं दी लाईफ़ तां ढोले दीआं लाउण वाली ऐ। आह देख लै बुल्ले लुट्टदे!” मैनूं वी लग्गा कि फौज `च भरती होणा माड़ा नहीं। पर उद्दण उह वड्डा अफसर सानूं नां मिलिआ जीहनूं मिलण गए सी। मिल जांदा तां असीं शाइद उद्दण ई भरती हो जांदे ते जीवन दा कांटा ई बदल जांदा।
जिद्दण असीं दुबारा फिरोज़पुर जाण दा प्रोगराम बणाइआ उस तों इक्क दिन पहिलां बी.ए.दा नतीजा आ गिआ। मैं पास सां ते बलजीत फेल्ह। मैं सोचिआ, “मैं तां होर वी पहड़ सकदां। मैनूं हुणे फौज `च भरती होण दी की लोड़ ऐ?” बलजीत नें मैनूं आपणे नाल जाण लई किहा तां मैं नांह कर दित्ती ते आखिआ, “मेरा तां बाई दिमाग़ चलदै। मैं तां अजे होर पहड़ांगा। फेर कदे वेखांगा जे भरती होणा होइआ।” पर बलजीत नें फौज `च भरती होण दा इरादा नां छड्डिआ। उस दे लैफटीनैंट बणन तक दीआं ख़बरां तां मैनूं मिलदीआं रहीआं। बाअद `च पता नहीं उह की बण के रिटाइर होइआ?
पटिआले जाण लई मैं फाज़िलका तों कोटकपूरे नूं गड्डी चहड़िआ। उसे गड्डी विच्च मेरे जमाती कौड़िआंवाली दे रघबंस सिंघ गिल्ल ते अजीत सिंघ चहड़ गए। उह मुकतसर दे खालसा ट्रेनिंग कालज विच्च दाखला लै चुक्के सन। मुकतसर सटेशन `ते उनहां नें मैनूं वी उतार लिआ अखे साडा कालज ई वेखदा जाह। रात साडे कोल कट्ट के सवेर दी गड्डी पटिआले चला जाईं। रात उनहां कोल कट्टण दा नतीजा इह निकलिआ कि उनहां नें मैनूं वी बी.ऐड्ड.`च दाखल होण लई तिआर कर लिआ। उथे मंडी कालिआंवाली दे मुंडे वी मिले। हरेक ई आखे, “बी.ऐड्ड.इको साल दी ऐ। साल दे वी अठ्ठ महीने। बी.ऐड्ड.कर के 166 रुपए दी सरकारी नौकरी तुरत मिल जांदी ऐ। ऐम्म.ए.`च तां साल वी दो लग्गदे आ ते कोई पता नी नौकरी मिले जां नां मिले?”
मैनूं उनहां दीआं गल्लां जच गईआं ते मैं उथे ई दाखल हो गिआ। अगले दिन कोठे मुड़ के भूआ नूं दस्सिआ कि मैं पटिआले दी थां मुकतसर पहड़न लग्ग पिआं। एथे मेरा कोरस दो सालां दी थां इक्क साल दा ई ऐ। भूआ नूं कोरसां कूरसां दा तां पता नहीं सी। उह ख़ुश होई कहिण लग्गी, “आह तां सरवणा बलाअ वधीआ होइआ जिहड़ी दो सालां दी पहड़ाई इको साल `च हो-जू! नाले मुकसरों तां बहिंदे मिलण आ जिआ करेंगा। ओथे तां असीं वी मस्सिआ नहाउण गए मिल आइआ करांगे।”
उहनां दिनां `च खालसा ट्रेनिंग कालज शहिरों बाहरवार सी। सादा जिही इमारत सी ते डंगसारू होसटल सी। सटेशन तों उतर के पहिलां इक्क दो बाज़ार आउंदे, फिर सज्जे हत्थ छप्पड़ आउंदा ते अगांह अजीत सिनमा। उथों चहड़दे पासे दो कु फरलांग दी वित्थ `ते खालसा सकूल सी ते नाल ही खालसा ट्रेनिंग कालज। डा.महिंदर सिंघ रंधावा नें उसे खालसा सकूल `चों मैट्रिक कीती सी। उदों उनहां दे पिता जी मुकतसर तहिसीलदार सन। कहाणीकार गुरदेव रुपाणा वी उथे ई पहड़िआ सी जीहदे नाल दिल्ली रहिंदिआं मेरी आड़ी पई। हुण तां मुकतसर बहुत वध गिआ है ते कालज दे आले दुआले बड़ी संघणी आबादी हो गई है।
मुकतसर दीआं कई यादां हन। पहिली याद तां इहो है कि मुकतसर मैं मिथ के नहीं सी गिआ। उथे राह जांदिआं मेरी बी.ऐड्ड हो गई जो कदे वी नौकरी लई वरती नहीं गई। बलकि पहिलां पहिल मैं आपणी इस डिगरी नूं लुकाउंदा ही रिहा। इह मेरा हीण भाव सी कि कोई इह नां समझे बई मैं कालज दा लैकचरार बणन दी थां सकूल दा मासटर लग्गण जोगा ही सां। हुण मैं समझदा हां सकूल मासटर होणा सिख्खिआ देण विच्च लैकचरार तों किते अहिम अहुदा है। सकूल अधिआपक सच्चमुच्च समाज दे उसरई्ईए हुंदे हन।
बी.ए.तक मैं घरों रोटी खा के पहड़िआ सां। मुकतसर मैनूं होसटल `च रहि के पहड़ना पिआ। उथे होसटल दीआं दो इमारतां सन जिनहां दे पिछ्छे खेत सन। असीं तीह पैंती विदिआरथी उनहां विच्च रहिंदे सां। कई विदिआरथी पंजाब तों बाहर दे सन जिनहां विच्च इक्क केरला तों वी सी। उह अंगरेज़ी बोलदा ते असीं उहदे नाल अंगरेज़ी बोलण दा अभिआस करदे सां। बी.ऐड्ड.विच्च सभनां दी पहड़ाई दा माधिअम अंगरेज़ी सी। कालज विच्च सवेरे विदिआरथीआं दी असंबली हुंदी। उथे कसरत ते परेड कराई जांदी। वारी सिर हर कोई छोटा मोटा लैकचर करदा। पहड़ाई लई कुझ्झ मज़मून लाज़मी सन ते कुझ्झ चोणवें। मैं टीचिंग आफ़ पंजाबी ते सोशल सटड्डीज़ चोणवें विशे रख्खे सन। दो विशे कित्ताकारी सन।
इक दिन साडा टैस्सट होणा सी। असीं देर तक पहड़दे रहे। तड़के उठ के फिर तिआरी करनी सी। तड़के उठे तां होसटल दे कोल ही इक्क हाली हल वाहुंदा बोलीआं पाई जावे। उहदीआं बोलीआं सानूं पहड़न नां देण। हार के उस नूं बेनती कीती कि चुप्प चाप हल वाही जावे ते बोलीआं पाउण तों गुरेज़ करे। असीं आखिआ कि अज्ज साडा टैस्सट है। सानूं पहड़ लैण देवे ते रहिंदीआं बोलीआं भलके पा लवे। उह बोलीआं पाउणों तां हट गिआ पर हल वाहुणा छड्ड के बलद वापस लै गिआ। अगले दिन असीं पुछ्छिआ, “बाई जी, असीं तां बोलीआं नां पाउण नूं ई किहा सी। हल छड्डण नूं तां नहीं सी किहा?” अग्गों उस दा उत्तर सी, “मैथों बोलीआं पाए बिनां हल नहीं वहिंदा। मैं आखिआ, पाहड़िआं दी पहड़ाई काहनूं खराब करनी ऐं? चलो बाकी दा खेत भलके वाह लांगे ते बोलीआं वी भलके ई पा लांगे!”
मुकतसर मैनूं पहिली वार पता लग्गा कि कुड़ीआं वी मुंडिआं नूं मखौल कर लैंदीआं हन। साडे कालज विच्च इमतिहान तों पहिलां अखंड पाठ रखाइआ होइआ सी। इह हर साल ही रखाइआ जांदा सी ते विदिआरथीआं दी सफलता लई अरदास कीती जांदी सी। पर सारे विदिआरथी कदे वी सफल नहीं सी होए। साडे कालज दे अखंड पाठ `ते गौरमिंट कालज दीआं कुड़ीआं `कठ्ठीआं हो के मत्था टेकण आईआं। होसटल अग्गे मैं `कल्ला ई खहड़ा सां। इक्क नें किहा, “देख नी किवें मजौरां दी मां आंगूं झाकदै।” दूजी कहिण लग्गी, “नी इह तां कल्ल्ह भाई बणिआ प्रशाद वंडदा सी। सूम जिआ जमां ई भोरा भोरा दिंदा सी।” उहदी इह गल्ल सच्ची सी। मैं देग संजम नाल वंडी सी ते बची होई रात नूं असीं तत्ती कर के खाधी सी। तीजी नें उहले `च किहा, “आजा वे अज्ज भोरा वध्ध वंड दीं।”
इह गल्ल अजीत नें वी सुण लई सी। उस नें कंध टप्प के मैथों पहिलां थाली जा चुक्की। बाकीआं नूं तां उहने भोरा भोरा ई प्रशाद वंडिआ पर वधेरे सोहणी कुड़ी दा बुक्क भर दित्ता! असीं उहदे नाल औखे भारे होए कि हुण आपां नूं घट्ट बचू।
मुकतसर दीआं यादां `चों जिहड़ीआं वार वार चेते आउंदीआं हन उनहां `च वधेरे माघी दे मेले नाल संबंधित हन। कई साल पहिलां मैं ‘मेला मुकसर दा’ आरटीकल लिखिआ सी जो ‘आरसी’ विच्च छपिआ सी। बी.ऐड्ड.वाले साल माघी दा मेला लग्गा तां असीं मेले `च ख़ूब गेड़े दित्ते। कालजीएट रले होए सां ते इलतां करन दे दिन सन। गुरदवारे जाण दी थां असीं जिंदा डानस दे तंबूआं वल्ल हो तुरे। मंडपां मूहरे टिकटां दे काऊंटर सन। काऊंटरां उते फट्टे बंनहे होए सन। फट्टिआं `ते नच्चदे खुसरे, मेलीआं नूं `चलो अंदर’ `चलो अंदर’ पुकार रहे सन। असीं टिकटां लैण दे जको-तके विच्च सां कि साडे इक्क बेली नें अंदरली गल्ल आ दस्सी। उह कहिण लग्गा, “टिकटां लैण दी तां लोड़ ई नी। पिछले पासिओं पंडाल दीआं विरलां थाणी सारा कुछ दिसी जांदै!”
असीं विरलां वाली थां जा मल्ली। जिंदा डानस शुरू हो गिआ। मुफ़त दा नाच वेखण वालिआं दी वाहवा भीड़ हो गई। तकड़िआं नें माड़िआं नूं पासे धक्क के आपणे सिर विरलां विच्च फसा दित्ते। अंदर किसे दी लत्त दिस जांदी किसे दी बांह। किसे दी गुत्त
घुंमदी दिसदी। गीत संगीत दा रौला गौला सुणी जांदा। अंदर दा नज़ारा तां जिहो जिहा सी उह थोहड़ा बहुता दिसी ही जांदा सी, पर बाहरले नज़ारे दा किसे नूं चित्त चेता ई नहीं सी। उहदा पता ओदों लग्गा जदों पुलिस दे डंडे पिठ्ठां `ते वरहन लग्गे। जदों अनभोल ई पुड़िआं `ते पटाके पए तां काहली काहली विरलां `चों सिर कढ्ढदिआं कईआं दीआं पग्गां विचे लहि गईआं। फिर नंगे सिर ई जिधर किसे दा लोट लग्गा उडंतर हो गिआ। एना शुकर सी कि सानूं कालज दे किसे प्रोफैसर नें नहीं सी वेखिआ। वेख लैंदा तां अगले दिन कालज विच्च बड़ी बदनामी होणी सी।
वापस होसटल पहुंचे तां इक्क जणा पुड़े पलोसदा कही जावे, “किते पुलिस मगरे ई नां आ जे?” दूजे हौंसला देण लग्गे, “पुलिस नूं किहड़ा एही कंम आं? नाले आपां किहड़ा डाका मारिआ?” मुड़ के जिंदा डानस वेखण तों तोबा कर के सारे जणे आपो आपणे कमरिआं `च सौं गए। तांहीओं कि अध्धी नूं कोई बूहे खड़काई जावे। कईआं नूं धुड़कू लग्गा किते पुलिस सच्चीओं नां आ गई होवे? डरदिआं नें बूहे खोल्हे तां ओही अंदरली गल्ल दस्सण वाला पंगेहत्था बेली काहला पिआ होइआ सी। उह साहो साह होइआ कही जा रिहा सी, “नज़ारा तां हुण आं देखण आला। हुण जिहड़ा खुसरा फट्टे `ते नच्चदा उह तां हैलन नूं वी मात पाई जांदा। जिंदा डानस वालीआं तां कुछ वी नी उहदे मूहरे। छेती करो, पाओ कपड़े, नहीं तां अएं ई चले चल्लो। `गांहां किहड़ा `नंदां `ते बहिणा? पछड़गे तां किते साला फट्टे तों ई नां उतर जे? फेर जेहे गए जेहे नां गए।”
उहदीआं काहलीआं अग्ग मचाई जांदीआं सन। पता नहीं पतंदर अध्धी रात नूं किथे जा आइआ सी? लग्गदा सी जिवें दिने पुलिस दे खरखरे तों बच गिआ होवे!
खेसां दीआं बुक्कलां मारदे ते अख्खां मलदे असीं उहदे मगर लग्ग तुरे। उह सभ तों अग्गे वगिआ जांदा खुसरे दीआं सिफ़तां दे पुल बंनही जांदा सी, “मैं आहनां तुसीं देखिओ सई। जे मेरी गल्ल सच्ची नां होई तां सौ छित्तर मारिओ ते गिणिओं इक। फिलमां आले तां ऐवें ई हैलन नूं चक्की जांदे आ। की आ हैलन `च? खुसरे नूं देख लैण तां हैलन नूं जमां ई भुल्ल जाण। उह तां मधू बाला लग्गदै, मधू बाला! जमां नरगस वरगै! ! `केरां देखोंगे तां याद करोंगे …।” उह चक्कवें पैरीं जा रिहा सी ते असीं कहि रहे सां, “देखीं किते कंजरा दिन आला कारा फेर नां करा दीं। पुड़े अजे तक दुखी जांदे आ।”
मिंटां `च ई उहने सानूं जिंदा डानस दे मंडप मूहरे जा खहड़ाइआ। खुसरा वाकिआ ई बहुत सोहणा सी। उहदा हार शिंगार वी पुज्ज के कीता होइआ सी। पाऊडर नाल गोरा कीता मूंह-मत्था गैस दे चानण विच्च चंद वांग चमक रिहा सी। कजरे दीआं धारीआं कंनां तक लंमीआं सन। काले रंग दी चुंनी, रत्ते रंग दा जंपर ते काली सलवार पाई होई सी। गुत्तां वी दो कीतीआं होईआं सन। फैशन दी कोई कसर नहीं सी रहिण दित्ती। उस नूं वेखण वालिआं दा तकड़ा मजमा लग्गा होइआ सी। दरशक इक्क दूजे दे मूहरे हो रहे सन। खुसरा लक्क लिचका के जीहनूं अख्ख मारदा उह समझदा जिवें मैडल मिल गिआ होवे। कई इक्क दूजे दे उतों दी हो के खुसरे नाल अख्ख मिलाउदे। उह नच्चदा नच्चदा किसे वल्ल जीभ कढ्ढदा, किसे नूं डो-डो करदा ते किसे नूं अख्ख मार दिंदा।
इक अध्धखड़ उमर दे बंदे नूं अख्ख वज्जी तां उहने हिक्क `ते हत्थ धर के अख्खां मीचदिआं किहा, “आह तां सुआद ई आ गिआ। लै हुण मैं नी छे महीने डोलदा!” साडे बेली नें वी नाल ही तोपा भर दित्ता, “लै बाबा, असीं वी हुण इमतिहानां तक नी डोलदे!”
अंम्रितसर दी थां दिल्ली
पंजाबी दी ऐम्म.ए.करन लई घरों मैं खालसा कालज अंम्रितसर नूं चल्लिआ सां पर जा पुज्जा खालसा कालज दिल्ली। मेरे कैरीअर विच्च अचानक मोड़ आ जांदे रहे। फौज `च भरती हुंदा हुंदा मैं पटिआले ऐम्म.ए.करन चल्ल पिआ सां ते पटिआले जांदा जांदा मुकतसर बी.ऐड्ड करन रुक गिआ सां। बी.ऐड्ड कर के कालज ते यूनीवरसिटी वल्लों खेडण लई मैं रैगूलर विदिआरथी दे तौर `ते ऐम्म.ए.करनी चाहुंदा सां। चोण फिर पटिआले ते अंम्रितसर विचाले सी। पहिलां इह दस्स देवां कि मैं पटिआले दी थां अंम्रितसर नूं पहिल किउं दित्ती?
मई 1962 विच्च पंजाब यूनीवरसिटी दा इक्क कोचिंग कैंप लड्डा कोठी लग्गा। उथे मैं हाकी दी थां अथलैटिकस दी कोचिंग लैण गिआ। लड्डा कोठी धूरी ते संगरूर दे विचाले बड़ी रमणीक जगहा है। कदे उह राजे महाराजिआं दी आरामगाह सी। कंपलैकस दे विचकार दी नहिर लंघदी है। इक्क पासे रहाइशी कमरे हन ते दूजे पासे खुल्ल्हे खेड मैदान। इह आफ़ सीज़न दा कोचिंग कैंप सी इस लई करास कंटरीआं वधेरे लग्गदीआं सन। असीं पिंड लड्डे दीआं निआईंआं विच्च दी दौड़दे होए मसतूआणे वल्ल निकल जांदे। पाथीआं पत्थदीआं कुड़ीआं खहड़ीआं हो के दौड़दे मुंडिआं नूं वेखदीआं। असीं वी टेढा टेढा झाकदे। बज़ुरग मत्थिआं `ते हत्थां दा उहला जिहा बणा के दूर तक वेखदे रहिंदे। उह सोचदे बई इहनां नूं की बणी? किते इहनां मगर पुलिस ई नां लग्गी होवे! नहीं तां कौण डंडीआं ते पहिआं विच्च दौड़दा?
किते किते कुत्ते वी भौंकदे। उनहां दे भौंकण दा इक्क कारन साडे रंग बरंगे कछ्छे हुंदा। रंग बरंगीआं धारीआं वाले कछ्छे ते बुनैणां उते कालजां दे नावां वाले ठप्पिआं नाल असीं लग्गदे वी बाज़ीगरनीआं वरगे सां। जे कुत्ते नां भौंकदे तां कई मुंडे आप ई भौंक पैंदे। मछ्छरी मुंडहीर दा की सी? उंज वी मुंडहीर ते कुतहीड़ इको जिही हुंदी है। कोचिंग कैंप दे अखीरले दिन टराइल होए। मैं गोला ते डिसकस सुट्टण `च फसट आ गिआ। फसट आउण दा इक्क कारन इह वी सी कि चैंपीअन सुटावे कैंप विच्च नहीं सी आए। अंम्रितसर दे खालसा कालज दा डी.पी.ई.उथे आइआ होइआ सी। मैनूं फसट आइआ वेख के उस नें मैनूं अग्गे पहड़न बारे पुछ्छिआ। मैं ऐम्म.ए.करन दी इछ्छा दस्सी तां उस नें किहा, “तूं साडे कालज विच्च आ जा, तेरी फीस ते होसटल दा खरचा मुआफ़ होवेगा।”
मैनूं होर की चाहीदा सी? मैं फाज़िलका ते मुकतसर दोहां कालजां दा वधीआ अथलीट सां पर उथे मेरी फीस वी मुआफ़ नहीं सी होई। खालसा कालज अंम्रितसर वल्लों मुफ़त पहड़ाई दी पेशकश बहुत वड्डी सी। सुणिआ होइआ सी कि उथे तां खिडारीआं नूं दुध्ध ते आंडे वी मिलदे सन। टरैक सूट ते दौड़न वाले बूट वी दित्ते जांदे सन। किसे दा इह किहा वी चेते आइआ कि अंबरसर दा तां पाणी ही घिओ वरगै। कई गल्लां सन जिनहां करके मैं पटिआले दी थां अंम्रितसर पहड़न नूं पहिल दित्ती।
अठ्ठ जुलाई 1962 दा दिन सी यानी कि मेरा 22वां जनम दिन। मैं आपणे पिंड चकर ही सां। उदों साडे घरां `च जनम दिन मनाउण दा रिवाज नहीं सी तुरिआ। जनम दिन मनाउणा तां इक्क पासे रिहा बहुतिआं नूं जनम दिन दा पता ही नहीं सी हुंदा। मेरा वी किहड़ा पक्का पतै कि अठ्ठ जुलाई ही है। पिंड दे चौकीदार नें अटे सटे नाल जिहड़ी तरीक लिखा दित्ती उही मेरा जनम दिन बण गिआ!
मेरा वड्डा भरा साईकल उते मैनूं बध्धनी तों बस्स चहड़ाउण चल्लिआ। अगांह मैं मोगे तों अंम्रितसर नूं बस्स फड़नी सी। मेरे कोल सरटीफिकेट ते दाखले जोगे पैसे सन। साईकल अजे लोपों नहीं सी लंघिआ कि टाइर दा पटाका पै गिआ। भरा साईकल मोड़ के पिंड लै गिआ ते मैं तिंन मील तुर के बध्धनी तों बस्स जा चहड़िआ। बारशां दे दिन सन जिस करके थाओं थाईं पाणी खहड़ा सी। साडी बस्स डाले ते बुघ्घीपुरे दे विचाले खुभ्भ गई। सवारीआं नें हेठां उतर के बथेरे धक्के लाए पर उह होर वी खुभ्भदी गई। ओदों उस रूट उते दो घंटिआं बाअद बस्स चलदी सी। पिछ्छों कोई बस्स नां आई। बस्स नूं कढ्ढदिआं कढाउंदिआं बहुत देर लग्ग गई ते जदों बस्स मोगे पुज्जी तां अंम्रितसर जाण वाली आखरी बस्स वी जा चुक्की सी। मोगे मेरी कोई ठाहर नहीं सी। मैं जांदा तां किथे जांदा?
साडे घर सोवीअत देस रसाला आइआ करदा सी। उहदे विच्च रूस दीआं तसवीरां छपीआं हुंदीआं सन ते हेठां लिखिआ हुंदा सी-मासको दे लाल चौंक विच। किसे थां लिखिआ हुंदा सी-राजधानी दीआं सड़कां `ते। मैं अजे तक आपणे देश दी राजधानी दिल्ली वी नहीं सी वेखी। राजधानी वेखण दी इछ्छा ज़रूर सी पर कोई बिध नहीं सी बणी। खहड़ा खहड़ा मैं सोचण लग्गा, “मनां जे अज्ज दिल्ली नूं गड्डी चहड़ चल्लां तां रात वी कट्टी जावेगी ते राजधानी वी वेखी जावेगी। लाल चौंक नां सही लाल किला ही सही।”
इस सोच नूं इस करके वी हुंगारा मिल गिआ कि इक्क दिन बी.ऐड्ड.वाले पंजाबी दे प्रोफैसर कोछड़ नें सानूं दस्सिआ सी पई दिल्ली दे खालसा कालज विच्च वी पंजाबी दी ऐम्म.ए.कराई जांदी है। पैसे ते सरटीफिकेट मेरे कोल सन। मन नें किहा, “चल्ल खालसा कालज दिल्ली दा ई गेड़ा मार आउने आं। कोई पुछ्छेगा तां आखांगा दाखले दा पता करन गिआ सी।”
दिल्ली जाण लई रेल गड्डी लुधिआणे तों वी फड़ी जा सकदी सी ते कोटकपूरे जा के वी चहड़िआ जा सकदा सी। बस्सां दोहीं पासीं जाण लई तिआर सन। मैं सोचीं पै गिआ कि किहड़ी बस्स चहड़ां? दुचित्ती `च मैं उंज ई इक्क सज्जण तों पुछ्छ लिआ, “बाई जी, दिल्ली जाण नूं रेल गड्डी कोटकपूरे तों फड़नी ठीक रहू जां लुधिआणे तों?” उहदे चीरा बध्धा होइआ सी ते चादरा लाइआ होइआ सी। मोढे `ते परना सी ते पैरीं गुरगाबी सी। उह पुछ्छण लग्गा, “तैं दिल्ली जाणै?” मेरे हां कहिण `ते उस नें दूजा सुआल पुछ्छिआ, “किंने जणे ओं?” मै आखिआ, “मैं `कल्ला ई आं।” उह कहिण लग्गा, “जे तूं `कल्ला ई ऐं तां फेर भावें साडे टरक्क `ते ई चहड़िआ चल्ल। नाले तेरा किराइआ बच-जू।”
उहदे टरक्क दा नंबर पी.ऐं्ंन.ऐफ्फ.5555 सी जो शाइद चारे पांजे होण करके मैनूं अजे वी याद है। उंज वी उह टरक्क ते टरक्क दा डराईवर भुल्लण वाला नहीं। जे उह नां मिलदा तां संभव सी मैं दिल्ली नां ही जांदा। साईकल दा पैंचर होणा, बस्स दा खुभ्भणा ते टरक्क डराईवर दा मिलणा कुदरती ढोअ सन। मौका मेल सन। अंम्रितसर वाली बस्स मिल जांदी तां मैं कदों दा हरीका पत्तण लंघिआ होणा सी ते अगले दिन खालसा कालज अंम्रितसर दाखल होइआ होणा सी।
लुधिआणे तक मैं डराईवर दे कोल बैठा गिआ। लुधिआणा लंघ के इक्क ढाबे `ते टरक्क दे डराईवर ते कलीनर नें रोटी खाधी ते मैनूं वी खुआई। मैनूं रोटी दे पैसे वी नां देण दित्ते। चाह पी के तुरन लग्गे तां डराईवर नें मैनूं किहा, “नींद आउंदी ऐ तां टरक्क दे उपर चहड़ के सौं जा। चीज़ वसत चंगी तरहां संभाल लीं किते उड नां जावे? पैसे मूहरली जेब दी थां पैंट दी पिछली जेब `च पा लीं। उते हवा बहुत लग्गदी ऐ, जिहड़ा कागज़ कमीज़ दी जेब `च होवे उड जांदै।”
मैं ते कलीनर टरक्क दे उते चहड़ के सौं गए। दिल्ली नेड़े जा के अख्ख खुल्ल्ही तां सज्जे हत्थ उच्चे टावरां दीआं लाल बत्तीआं जगदीआं दिसीआं। बाअद `च पता लग्गा कि उह रेडीओ सटेशन दे टावर सन। दिल्ली `च दाखल हुंदिआं डराईवर नें मैनूं हेठां उत्तर आउण नूं किहा ते पुछ्छिआ, “दिल्ली `च जाणा किथे ऐ?” मैं खालसा कालज दा नां लिआ तां उह कहिण लग्गा, “दिल्ली बहुत वड्डी ऐ। मैनूं खालसा कालज दा कोई पता नी किधर ऐ? तूं इओं दस्स बई रेलवे सटेशन कोल उतरनै जां बस्स अड्डे कोल?”
मैं रेलवे सटेशन दा नां लै दित्ता। उह मैनूं सटेशन नेड़े उतार के अगांह निकल गिआ ते दिल्ली दे जेब कतरिआं तों सावधान कर गिआ। मैं इक्क जिहे ससते होटल विच्च जा के नहाता धोता ते होटल वालिआं तों खालसा कालज दा राह पुछ्छिआ। कालज दा उनहां नूं वी नहीं सी पता पर उनहां नें मैनूं गुरदवारा सीस गंज वल्ल तोर दित्ता अखे उथों पता लग्ग जावेगा। गुरदवारे दा सुनहिरी गुंबद होटल तों ही दिसदा सी। मैं गुरदवारे जा के मत्था टेकिआ, प्रशाद लिआ ते बाहर आ के नीला दसतारा सजाई खहड़े इक्क सिंघ तों खालसा कालज बारे पुछ्छिआ। उह राह दस्सण दी थां उलटा मैथों पुछ्छण लग्ग पिआ, “तूं खालसा कालज की करन जाणै?” मैं आखिआ, “मैं दाखल होणै।” उह कहिण लग्गा, “कड़ा तां तेरे पाइआ नी, तैनूं दाखल किहड़ा कर-लू?” मैं मन `च किहा, “इह पतंदर राह `च ई प्रिंसीपल बणिआ खहड़ै!
कड़ा मेरे पाइआ हुंदा सी जो हाकी खेडण वेले लाहुणा पैंदा सी, नहीं तां सज्जे हत्थ पाए कड़े नाल खब्बा गूठा छिल्लिआ जांदा सी। कड़ा पाउणा मैं भुल्ल आइआ सां। मैं उसे वेले गुरदवारे मूहरे बैठे कड़िआं वाले तों चुआनी दा कड़ा लै के पा लिआ। मुड़ के मैं नीले दसतारे वाले सिंघ कोलों कालज दा पता पुछ्छण गिआ तां उह आपणा फरज़ निभा के अलोप हो चुक्का सी। इक्क होर सज्जण नें दस्सिआ, “पच्ची नंबर बस्स चहड़ जाह, सिध्धी खालसा कालज देव नगर जाऊ।”
बस्स अड्डा साहमणे ही सी। मैं बस्स विच्च बैठा तां मेरे नाल दी सीट `ते खालसा कालज दा ही इक्क विदिआरथी बैठा सी। उस तों मैनूं कालज दी काफी जाणकारी मिली ते मैं उहदे नाल ही कालज अंदर चला गिआ। भापिआं दे मुंडे तिख्खीआं टूटीआं ते चमकदे मावे वालीआं घोटवीआं पग्गां बंनही फिरदे सन। तिंन-रंगीआं फिफटीआं लाईआं सन। दाहड़ीआं नूं फिकसो नाल जमाइआ होइआ सी। पैंटां वी बड़ीआं घुट्टवीआं पाईआं सन। पंजाब `च अजे एनीआं कसवीआं पैंटां दा फैशन नहीं सी चल्लिआ। कालज वी तंग जिही थां सी। मेरा पहिला प्रभाव सी कि इह कालज मेरे वरगे पेंडूआं दे पहड़न वाला नहीं। नाले मैं किहड़ा इथे मिथ के आइआ सां?
मेरी पंजाब सटाईल गोल पग्ग वेख के मेरे वरगा ही इक्क मुंडा मैनूं मिल पिआ। उस नें आपणा नां अमरजीत ते पिंड पंनीवाला दस्सिआ। साडी जाण पछाण होई जिस नाल पता लग्गा कि उह वी अथलीट सी। उह मैनूं खेडां दे इनचारज स.प्रीतम सिंघ बैंस दे दफतर विच्च लै गिआ। उह पिछ्छों ज़िला जलंधर तों सन। उनहां नूं डीपी साहिब दी थां सारे सरदार जी कहिंदे सन। उनहां नें मेरे नाल बड़ी अपणत्त जताई। मेरे सरटीफिकेट वेख के किहा, “तूं एथे ई दाखल हो जा। एथे पंजाबी दा बड़ा वधीआ सटाफ ऐ। मैं वी मदद करांगा। आह अमरजीत आ, एहदे नाल तेरा जीअ लग्गिआ रहेगा।”मैं किहा, “सर, मैं तां घरों खालसा कालज अंबरसर दाखल होण चल्लिआ सां। उहनां नें किहा सी कि मेरी पहड़ाई फरी होवेगी।” प्रीतम सिंघ नें किहा, “एथे वी तेरा बाहला खरचा नी होण दिंदे।” नाल ई अमरजीत नें कहि दित्ता, “साडे घर दे कोल कलब्ब दा कमरा हैगा। उहदे `च रही जाईं। असीं ओथे ई वेट ट्रेनिंग करदे आं ते बैडमिंटन खेडदे आं।” प्रीतम सिंघ नें नसीहत दित्ती, “अंबरसर दे भाऊआं नाल रल के मुंडे विगड़ जांदे आ ते लड़ाईआं झगड़िआं `च पै जांदे आ। एथे पहड़ेंगा तां बचिआ रहेंगा। भापिआं दे मुंडे तां कुड़ीआं वरगे हुंदे आ। नाले पंजाब यूनीवरसिटी दा चैंपीअन बणन नालों दिल्ली यूनीवरसिटी दा चैंपीअन बणना किते सुखालै। एथे तेरा कैरीअर बैटर बणेगा।”
मैं उनहां दीआं गल्लां दा काइल हो गिआ ते अमरजीत दाखला फारम फड़ लिआइआ। तद तक प्रीतम सिंघ होरां नें पंजाबी दे प्रो.जोगिंदर सिंघ सोढी नूं सद्द लिआ। सोढी साहिब प्रसिध्ध गाइका सुरिंदर कौर दे पती सन। उनहां नें मेरे पंजाबी दे नंबर वेख के किहा, “एथे तूं फसट डिवीज़न लै सकदैं। असीं तेरी पूरी मदद करांगे। अंबरसर तूं पहड़ाई `च मार खावेंगा। एथे चंगा रहेंगा।”
उनहां दीआं गल्लां सुण के मैं अजे दुबधा विच्च सां कि सोढी साहिब मेरा फारम ख़ुद भरन लग्ग पए। मैनूं प्रिंसीपल गुरबचन सिंघ बल्ल पास वी उही लै के गए। मेरा खिडारी होणा ते पंजाबी विच्च हुशिआर होणा दस्सिआ। प्रिंसीपल नें दाखला फारम `ते दसतख़त कर दित्ते। हुण दाखला फीस भरनी सी। मैनूं दुचित्ती `च पिआ वेख के स.प्रीतम सिंघ नें कलर्रक नूं सद्दिआ ते पता नहीं उस नूं की आखिआ कि उह मेरा फारम लै के थोहड़ी देर बाअद रोल नंबर दी सलिप दे गिआ। सरदार जी नें किहा, “देख सरवण सिंघ, तूं इस कालज दा सटूडैंट बण गिऐं। कालज नें तैथों कोई पैसा नी लिआ। तेरा जीअ करे पिंडों मुड़ आईं। जीअ करे अंबरसर चला जाईं।” उनहां नें चाह पिआई ते मैं अमरजीत नाल उनहां दे घर चला गिआ।
घर जा के रोटी खाधी। अमरजीत होरां दा घर मैनूं आपणी भूआ दे घर वरगा ही लग्गा। उस दी माता नें बड़ा पिआर जताइआ ते पिता स.हज़ूरा सिंघ नें पिंडां दा हाल चाल पुछ्छिआ। उस दे दो भरा प्रीतम ते हरबंस सन जिनहां नूं मिलदिआं ही मैं उनहां नाल घुल मिल गिआ। अमरजीत नें कलब्ब दा उह कमरा विखाइआ जिथे मैं बिनां किराए दे रहि सकदा सां। बिजली अमरजीत के घरों मिल जाणी सी। उथे नलका लग्गा होइआ सी, पिप्पल ते तूत दी छां सी ते बैडमिंटन दा पक्का कोरट सी। वेट ट्रेनिंग लई वेट सैट्ट पिआ सी। नेड़े ई चाह दी दुकान सी ते कोल ही तंदूर सी। इह तां पंजे घिउ विच्च सन। रात दी गड्डी पिंड नूं मुड़दिआं मैं सोचदा आइआ कि चंगा ही होइआ जिहड़ी मोगे तों अंबरसर नूं जाण वाली आख़री बस्स मैथों पहिलां निकल चुक्की सी।