मेरे घर दिआं दे ख़ाब खिआल `च वी नहीं सी कि मैं राजधानी दिल्ली दे कालज विच्च पहड़ांगा। दिल्ली तों मुड़ के जदों मैं सारी कहाणी सुणाई तां उह बड़े हैरान होए। पुछ्छण लग्गे, “दिल्ली दी पहड़ाई दा खरच किंना कु आऊ?” मैं किहा, “उह कहिंदे सी कि बहुता नी आउणा। फेर वी साल दा दो कु हज़ार तां आ ई जाऊ।”
उनहां दिनां `च दो हज़ार वी वड्डी रकम सी। पहिलां बी.ऐड्ड.करन उते वी दो ढाई हज़ार लग्ग चुक्का सी। एने पैसिआं नाल दो किल्ले ज़मीन खरीदी जा सकदी सी। 1960 विच्च होई मुरब्बेबंदी पिछ्छों साडे बाप दे हिस्से बारां किल्ले ज़मीन आउंदी सी जिस दे दो किल्लिआं विच्च छप्पड़ ते थेह सी ते कुझ्झ किल्लिआं `च कल्लर सन। हाहड़ी दे मसां सौ सवा मण दाणे हुंदे सन। साउणी मीहां ते सेम नाल मारी जांदी सी। कपाह दा कोई भरोसा नहीं सी ते झोना अजे लग्गण नहीं सी लग्गा। मांहां मोठां नूं नदीन लै बहिंदा। मक्की मसां खाण जोगी हुंदी सी। बापू भावें `कल्ला पुत्त सी पर अग्गों असीं पंज भरा सां ते तिंन भैणां। कमाई दा होर कोई साधन नहीं सी। बापू नें बहावलपुर तों उज्जड़ के कुझ्झ साल बंगाल बिहार वल्ल टरक्क चलाइआ सी। टरक्क दे ऐकसीडैंट पिछ्छों उह पिंड परत आए सन ते बाबे नाल खेती करन लग्ग पए सन।
साडे बापू नूं बाबे नें बेशक अठ्ठ जमातां तक पहड़ाइआ सी पर उह उस ज़माने दे मुताबिक तरक्की नहीं सन कर सके। अठ्ठवीं चों फेल्ह हो के उह लाहौर डराईविंग सिख्खण चले गए सन। उथे डराईविंग दा लाइसंस वी लै लिआ सी ते अफरीका दा पासपोरट वी बणा लिआ सी। उह पासपोरट अजे वी साडे पास है जिस दे बणन दा साल 1938 है। उदों मेरे वड्डे भरा दा जनम हो चुक्का सी। नेड़ तेड़ दिआं दे कहिण `ते साडे बाबे नें बापू नूं अफरीका नां जाण दित्ता किउंकि उह उनहां दा `कल्ला पुत्त सी।
फिर बापू नें मिसतरी संता सिंघ नाल आटा पीहण दी मशीन ला लई। किसे नें तुकां जोड़ दित्तीआं-एक दो तीन, बाबे संते दी मशीन, घुग्गू सच्च बोलदा … दाणे लैंदा वध्ध, आटा घट्ट तोलदा …।
दस्सदे हन कि सिआल दा ठंढा दिन सी। रिवी चल्ल रही सी। पिंड दा इक्क नौजुआन खेस दी बुक्कल मार के मशीन दे पटे कोल खहड़ा सी। उहदी माड़ी किसमत कि खेस दा लड़ हवा नाल पटे `च जा फसिआ ते जुआन नूं नाल ही लपेट के लै गिआ। उह अजिहा उलझिआ कि इंजण बंद होण तक उह भौणीआं उतों गेड़ा खा गिआ ते उस दी धौण दा मणका टुट्ट गिआ। जुआन जहान मुंडे दी पलां विच्च मौत हो गई। उस तों बाअद बापू होरां नें मशीन बंद कर दित्ती। उह मशीन साडे बाहरले घर लग्गी हुंदी सी जिस दा मैनूं माड़ा माड़ा चेता है।
मैनूं इह वी चेता है कि मुरब्बेबंदी तों पहिलां साडे खेत कई थाईं खिलरे होए सन। उनहां खेतां नूं टाकीआं कहिंदे सन। जदों भरा अड्ड हुंदे तां खेतां दीआं टाकीआं बणा के वंड लैंदे। कुझ्झ टाकीआं सेंजू सन पर बहुतीआं मारू सन। निआईं वाले खेतां नूं बिघ्घे किहा जांदा सी जिथे साडा वी इक्क बिघ्घा सी। उथे असीं पठ्ठे उगाउंदे ते सिरां उते ढोंदे। इक्क खेत दा नां बोड़ा खूह सी। उस तों अग्गे मैरा, चीमेआणा, जंड वाला, दैड़ां, बाविआं वाली रोही, कुटीआं ते ढाब वाले खेत सन। सूए दे दूजे पासे छपड़ी वाला, गिद्दड़ां वाला, रोही, जौड़े खाल ते तिरकां सन। उनहां खेतां नूं नां सिध्धे राह सन ते नां सिध्धे खाले। बहुते खेतां नूं डंडी पै के जाईदा सी। मुरब्बेबंदी नाल साडे खेत तिरकां ते गिद्दड़ां वाले `कठ्ठे हो गए अते सिध्धे राह ते सिध्धीआं पहीआं बण गईआं।
पंजाब दी खेतीबाड़ी विच्च मुरब्बेबंदी नें बहुत सुधार लिआंदा ते हरे इनकलाब दा मुढ्ढ बंनहिआ। टिऊबवैल्ल मुरब्बेबंदी पिछ्छों ही लग्गणे शुरू होए। फिर इंजण ते ट्रैकटर आए ते बिजली दीआं मोटरां चल्लण लग्गीआं। मसनूई खादां, कीड़े मार ते नदीन नाशक दवाईआं अते डरिलां ते कंबाईनां नें खेतीबाड़ी दा नकशा ही बदल दित्ता। मैनूं पिंडां दे विंग तड़िंगे पहे याद हन जो खेतां तों नीवें हुंदे सन ते मींह पैण उते उनहां `च खोभे हो जाइआ करदे सन। पिंड दीआं बीहीआं विच्च वी चाल्हे हुंदे सन जिस करके फसलां सिरां `ते ही ढोईआं जांदीआं सन।
कहिण नूं तां भावें कोई कुझ्झ कही जावे पर किसानी दा जो जीवन मैं आपणी किशोर अवस्सथा तक वेखिआ उह नरक तों घट्ट नहीं सी। किसानां कोल सुख दा कोई साधन नहीं सी। पिंडां `च किते बिजली नहीं सी आई। नलके नहीं सन लग्गे अते पाणी खूहां ते खूहीआं दा पीता जांदा सी। नहाउण लई कोई गुसलखाना नहीं सी। खुल्ल्हा नहाउणा होवे तां हलटी जां तलाअ `ते जाईदा सी। औरतां मंजे उहले पटड़ा रख्ख के नहाउंदीआं ते नहेरे सवेरे जंगल पाणी जांदीआं जिस नूं उह ‘बाहर’ जाणा कहिंदीआं।
तंगी एनी सी कि वांढे जाण लई लीड़े कपड़े ते जुत्तीआं मंगवीआं पाईआं जांदीआं ते इको कैंठा कदे किसे जानी दे गल दा शिंगार बणदा कदे किसे दा। उह साक सकीरीआं विच्च वी लिआ दित्ता जांदा। जीहदे घर कोई प्राहुणा साईकल लै आउंदा उस घर दे जीआं दी झूटे लैंदिआं वारी नां आउंदी। निक्के निआणे साईकल दी टल्ली वजाउणो नां हटदे। आंढीआं गुआंढीआं नूं दस्सदे बई साडे घर सैंकल खहड़ा! लड्डू विआह वेले ई मिलदे जो जानी ते मेली दस दस वीह वीह खाण तक जांदे। खंड ते मठिआई जिंदे ला के रख्खणी पैंदी। उहनीं दिनीं जानीआं नूं मुफ़त शराब कोई नहीं सी पिआउंदा हुंदा। उह कोलों पैसे पा के सांझी बोतल खरीददे। उह पींदे घट्ट ते विखाउंदे वध्ध। बनेरिआं `ते बैठीआं तीवींआं गीत गाउंदीआं-प्राहुणिआं रोटी खांदिआं तैं बोतल किओं नां रख्खी, करीर दा वेलणा मैं वेल वेल थक्की …।
खेती दा कंम बहुत ही करड़ा सी। तड़के तों दुपहिर तक बलदां नाल हल चलदे। दुपहिरे बलद तां रुख्खां दी छावें बंनह दित्ते जांदे पर हाली चरही वढ्ढदे ते पठ्ठा दत्था करदे। तां ही तां किहा जांदा सी-हल छड्ड के चरही नूं जाणा, जट्ट दी जूंन बुरी।
चरही दीआं भरीआं टोके उते कुतरीआं जांदीआं जिनहां दा मैनूं वी तजरबा है। भादों दे हुंमस विच्च चरही कुतरदिआं मुहड़के `च नहा लईदा सी। कत्ते मघ्घर `च कड़ब ते मक्की दे टांडे कुतरदिआं आंदरां खिच्चीआं जांदीआं सन। मशीन गेड़न उते ज़ोर बहुत लग्गदा सी। किसानी दे सारे कंम ही कठन सन। कदे हलट दे गेड़े पए रहिणा ते कदे जेठ दी गरमी विच्च फल्हिआं मगर तुरे फिरना। तिख्खड़ दुपहिरे पैरीआं पुट्टणीआं, सलंघां नाल लांगा खिलारना, तंगलीआं नाल धड़ां उडाउणीआं ते छज्जलीआं भर के बोहल लाउणे। कंड लड़दी होणी पर तूड़ी दीआं पंडां फिर वी नीरे वाले कोठे `च चहड़ाउणीआं ते जेठ हाहड़ `च रूड़ीआं दा रेह कढ्ढणा। तपश नाल सरीर `चों सेक मारदा सी। सूए दा पाणी लाउंदिआं मोघे तक खाले खाल पए जाणा ते अड्डीआं नाल खड्डां बंद करदे डिकोडोले खाई जाणे। नां कोई `नहेरा वेखदा सी नां सवेरा। तदे तां किहा जांदै कि सप्पां दीआं सिरीआं मिध्ध के ई फसलां पलदीआं सी।
मैं किसान घर दा जंमपल होण कारन उनहां सारे कंमां दी कुठाली विच्च ढलिआ जिहड़े किसानां दे मुंडिआं नूं करने ही पैंदे सन। मैं रंबे नाल गुडाईआं कीतीआं ते दाती नाल कणक वढ्ढी। माड़ी मोटी कही वी वाही। मेरे चंगे भाग सन कि मैं भूआ दे घर काफी सुखाला रिहा। उथे मैं डंगरां नूं पाणी पिआउंदा, खेतां विच्च कामिआं दी रोटी लै जांदा, खूह `ते नक्के मोड़ दिंदा ते नरमे दीआं चोणीआं दा हिसाब किताब रख्खदा।
जदों पुराणिआं दी थां नवें पैसे चल्ले तां चोणीआं नवें पैसिआं दा हिसाब वी पुराणे पैसिआं विच्च ही कराउंदीआं। किल्लोगरामां दे सेर ते सेरां दे किल्लोगराम कई साल बणदे रहे। जिहड़ी चुगाई पुराणे तिंन पैसिआं दी सेर हुंदी सी उह नवें पंज पैसे किल्लो हो गई सी। सवारीआं बस्स दी टिकट लैंदीआं नवें पुराणे पैसिआं दे चक्कर विच्च पईआं रहिंदीआं। इहो रौला बजाजी दीआं दुकानां विच्च गज़ां ते मीटरां दा सी। हैरानी दी गल्ल है कि मैं हाले वी गोला सुट्टण दी दूरी नूं मीटरां तों फुट्टां विच्च बदलाअ के ही जाण सकदां कि गोला किंनी दूर गिआ? मेरे दिमाग विच्च बैठे मण, मील, गज़, फुट्ट ते इंच अजे तक नहीं निकले। सफर दी दूरी मैनूं किलोमीटरां दी थां मीलां नाल वधेरे समझ आउंदी है।
मैं दौड़ के पंजाह फुट्ट दूर गोला सुट्टण लग्ग पिआ सां। वैसे दौड़ के गोला सुट्टणा फाऊल हुंदा है। मैं हुब्ब के कहिंदा, “की होइआ जे फाऊल ऐ तां? इक्क वार तां प्रदुम्मण सिंघ दा एशीआ दा रिकारड तोड़ दित्ता नां!” सरकल विचों मैं अठत्ती उणताली फुट्ट दूर ही गोला सुट्ट सकदा सां। मेरा पैंतरा कोई बहुता वधीआ नहीं सी।
जिनहां दिनां `च मैं दिल्ली गिआ घर दा गुज़ारा तंगीतुरशी नाल चल्ल रिहा सी। बी.ए.तक मेरी पहड़ाई दा कोई खास खरच नहीं सी आइआ। पहिलां पिंड ते पिछ्छों भूआ दे घर रहि के पहड़दा रिहा सां। बी.ऐड्ड.विच्च ही दो ढाई हज़ार दा खरचा आइआ सी। मैनूं मेरे फुफ्फड़ स.हीरा सिंघ वल्लों वी माइक मदद मिल जांदी सी जिस दा मेरे उते बड़ा उपकार है। मेरा बाबा भावें मेरीआं किताबां ते फीसां बगैरा दा खरचा भूआ दे नांह नांह करदिआं वी भूआ नूं दे आउंदा सी पर मैं फुफ्फड़ होरां दा अहिसान कदे नहीं भुल्लिआ। साधारन किरती किसानां नूं आपणे धीआं पुत्त कालजां यूनीवरसिटीआं विच्च पहड़ाउणे बड़े औखे हन। उदों तां बहुते ही औखे सन।
बाबे होरीं तिंन भरा सन ते तिंनां दी वाही मुरब्बेबंदी तक `कठ्ठी रही। तिंन घरां दी सांझी वाही नाल तिंन हलां दी तिंन कु सौ मण कणक हुंदी सी जिस `चों अगली बिजाई लई बीज वी रख्खणा पैंदा सी। साउणी दी कोई ख़ास फसल नहीं सी हुंदी। मक्की कदे करंडी जांदी, कदे तेला पै जांदा ते कदे चंगी भली नूं झखेड़ा मार जांदा। कपाहां नूं सुंडीआं ते बारशां लै बहिंदीआं। दालां वी कदे हुंदीआं कदे नां हुंदीआं। लै दे के आहड़तीए दा लैण देण ई मसां पूरा हुंदा। एना शुकर सी कि साडे बाबे कदे करज़ाई नां होए।
बचपन विच्च मैं डंगर वी चारे ते पठ्ठे खोत के वी लिआउंदा रिहा। कदे कदे लवेरे दी टोट पै जांदी तां साडा टब्बर कड़ापा कट्टदा। असीं दुध्ध पीण नूं तरस जांदे। हुण साडा सारा लाणा खुशहाल है पर उह कंगाली दे दिन वी याद हन जदों मैनूं खंघ हटाउण लई कई दिन कलकी होई खंड वी नसीब नहीं सी होई। मैं हर वेले खंघदा रहिंदा ते मिट्टी खा बहिंदा। इह सतरां लिखदिआं मै महिसूस कर रिहां, जे मैं तंगी दे दिन नां वेखे हुंदे तां शाइद हुण नूं बड़ा फज़ूल खरच ते अय्याश हो गिआ हुंदा। मैनूं अजे वी तंगी `च रहिणा आउंदै। मैं ससती चीज़ वसत पहिलां वरतदां ते महिंगी संभाल संभाल के रख्खदां। कई वार तां उह वरती वी नहीं जांदी। महिंगी वसत वरतण दा हीआ ही नहीं पैंदा। मैनूं सज्जणां मित्तरां नें सोने दीआं निब्ब वाले पैन्न दित्ते होए हन जो निब्ब घस जाण दे डरों अणवरते पए हन।
जदों मैं अमरदीप सिंघ शेरगिल्ल मैमोरीअल कालज मुकंदपुर विच्च प्रिंसीपल लग्गा तां पहिले साल `कल्ले नूं रहिणा पिआ सी। मैं कोई नौकर नहीं सी रख्खिआ। इक्क माई तों दुपहिर वेले मक्की दीआं रोटीआं लुहा लैंदा। तिंन दुपहिर नूं खांदा, तिंन रात नूं ते दो सवेरे दहीं `च चूर के खा लैंदा। रोटी बच जांदी तां जनौरां नूं भोर के पा दिंदा। बचपन विच्च हंढाई तंगी नें मैनूं सारी उमर बड़ा सुख ते संतोख दित्ता है। माड़ी मोटी तकलीफ़ कदे तकलीफ़ नहीं लग्गी। अड़े थुड़े ते कशट वेले आखीदै, “कोई गल्ल नी, किहड़ी परलो आ चल्ली ऐ?” मैनूं अमीरां दे चोज ऐवें होछा विखावा लग्गदे हन। किसे नें किसे दी अमीरी तों भला की लैणा हुंदै? किसे कोल चार पैसे वध्ध होए तां उहदे घर होणगे। किसे नूं उहनां दा की भाअ? जिनहां कोल पैसे घट्ट हन उह किउं मरेड़े वज्जण? गुरदास मान नें बड़ा सोहणा गाइऐ-रोटी हक्क दी खाईए जी भावें बूट पालशां करीए …।
दिल्ली तों मुड़ के दिल्ली दे खालसा कालज विच्च दाखले दी गल्ल घर दिआं नूं दस्सी तां उनहां नूं खरचे दा फिकर पै गिआ। उनहां नें खहड़े पैर बोती वेची जो छे सौ नूं विकी। मैं जुलाई `च दिल्ली जा के सतंबर अकतूबर दीआं छुट्टीआं विच्च पिंड मुड़ना सी। एने पैसिआं नाल मेरे दो तिंन महीने लंघ जाणे सन। मैं लोड़ींदा समान बंनहिआ ते घिओ दी पीपी चुक्क के दिल्ली नूं बस्स चहड़ गिआ। मंजा मैनूं अमरजीत होरां नें दे दित्ता जिस नूं कलब्ब दे कमरे `च डाह के मैं बिसतरा विछा लिआ। बालटी, सटोव ते साबण तेल खरीद के आटे दा पीपा लै लिआ। कलब्ब दे नेड़े ही तंदूर सी जिथे आटा फड़ा के रोटी लुहा लईदी सी ते चुआनी दी दाल सबज़ी डंग सार दिंदी सी। चाह मैं ख़ुद बणा लैंदा सां। घिओ घर दा सी जिस नाल मैं तड़का ला के रोटी खांदा। कलब्ब विच्च आथण सवेरे बड़ी रौणक हुंदी सी। दिल्ली विच्च मेरा जीअ लग्ग गिआ ते दिन तीआं वांग लंघण लग्गे।
पैसे मैं स.प्रीतम सिंघ होरां नूं फड़ा दित्ते सन कि लोड़ पई `ते लैंदा रहांगा। उह मेरे गारडीअन बणे रहे। पता नहीं की गल्ल होई, इक्क दिन मैं कुझ्झ वधेरे ही उदास हो गिआ ते मेरा दिल करे कि दिल्ली छड्ड के पिंड चला जावां। पर प्रीतम सिंघ होरां नें समझा बुझा के मैनूं जाण नां दित्ता। उह ऐतवार नूं मीट बणाउंदे ते तकीद करदे कि दुपहिर दी रोटी उनहां दे घर खाइआ करां। मेरा उदरेवां लहि जांदा। उनहां दे पिआर ते रहिनुमाई दा वी मेरे सिर बड़ा करज़ा है। पता नहीं इह करज़ा किवें लत्थेगा?