प्रिथीपाल सिंघ हाकी दा हीरा सी। उस नूं विशव दा बिहतरीन फुल्ल बैक खिडारी मंनिआ गिआ सी ते पैनलटी कारनर दा बादशाह किहा जांदा सी। उह तिंन ओलंपिकस खेडिआ ते तिंने वार सभ तों बहुते गोल कीते। उस दी ज़ोरदार हिट्ट मूहरे गोलकीपरां दी कोई पेश नहीं सी जांदी। कई वार उह नैट्ट पाड़ के लंघ जांदी सी। उस दी ख़तरनाक हिट्ट `ते काबू पाउण लई ऐफ्फ.आई.ऐच्च.नें पैनलटी कारनर लाउण दे नियम बदल दित्ते सन।

पहिलां पैनलटी कारनर दी हिट्ट सिध्धी गोल पोसट दे नैट्ट विच्च वी जा लग्गे तां गोल गिणिआ जांदा सी। फिर नियम बण गिआ कि पैनलटी कारनर दी हिट्ट जेकर गोल पोसे दे फट्टे विच्च ही वज्जे तद ही गोल गिणिआ जावेगा वरना हिट्ट अंडर कट्ट करार दे दित्ती जावेगी। जदों इह नियम बणिआ तां अख़बारां `च चरचा सी कि प्रिथीपाल सिंघ दी हिट्ट तों डरदिआं खेड दा नियम बदलिआ गिआ है।

निऊज़ीलैंड दे इक्क अख़बार नें तां प्रिथीपाल सिंघ नूं भारती हाकी टीम दा बंब लिख दित्ता सी, सभ तों ख़तरनाक हथिआर। उस नें गोलकीपरां नूं सलाह दित्ती सी कि उस दी हिट्ट रोकण ते आपणी जान ख़तरे विच्च पाउण दी थां बिहतर होवेगा उह गोल ही खाली छड्ड देण। इहो जिही सी प्रिथीपाल सिंघ दी दहिशत!

टोकीओ दीआं ओलंपिक खेडां विच्च फाईनल मैच खेडदिआं भारत नें पाकिसतान सिर इक्क गोल कर दित्ता सी। पाकिसतान दा फुल्ल बैक तनवीर आपणे फारवरड खिडारी बोले नूं कहिण लग्गा, “बोलिआ मर अगांह ते गोल उतार।” भोला प्रिथीपाल वल्ल हत्थ कर के बोलिआ, “अगांह तेरा पिओ खहड़ा, इह नहीं लंघण दिंदा हुण। बहुता औखैं तां आप अगांह हो के देख लै।”

प्रिथीपाल सिंघ नूं चीन दी कंध वी किहा जांदा सी। भारती हाकी दा थंमह सी उह। मैं जदों पहिली वार उहदे बारे आरटीकल लिखिआ तां उस दा नां ‘गुरू नानक दा गरांईं’ रख्खिआ सी। उह ननकाणा साहिब दा जंमपल सी। उथों दे गुरू नानक खालसा सकूल विच्च उस दे पिता जी मासटर सन ते प्रिथीपाल दा खेड कैरीअर उस सकूल दे खेड मैदानां `चों शुरू होइआ सी। पहिलां उह फुटबाल खेडण लग्गा सी।

1969 विच्च गुरू नानक देव जी दे पंज सौ साला प्रकाश उतसव समें मैं ननकाणा साहिब गिआ तां प्रिथीपाल दे दित्ते सुनेहे मुताबिक उहदे खेडण वाला पहिला खेड मैदान वेख के आइआ। मुड़ के लुधिआणे दी ज़राइती यूनीवरसिटी विच्च प्रिथीपाल सिंघ दे परिवार नूं उनहां दे पुराणे पिंड, सकूल ते हट्टीआं भठ्ठीआं दा हाल चाल दस्सिआ सी। दस्सिआ सी कि उनहां दे घर विच्च हुण नकोदर दे जुलाहे रहिंदे हन। उनहां सलाम भेजी है। उस हट्टी दा ज़िकर वी छिड़िआ जिहड़ी शरारती खिडारीआं नें रल के रात दे हनहेरे विच्च भंनी सी ते खाण पीण वालीआं वसतां खा पी लईआं सन।

ननकाणा साहिब दीआं गल्लां सुणदिआं प्रिथीपाल सिंघ दीआं अख्खां सिंम आए हंझूआं नाल तर हो गईआं सन। पुराणीआं यादां वी किआ यादां हुंदीआं नें! तदे तां किहा जांदै कि बंदे दा बचपन भावें किंनीआं वी तंगीआं वाला किउं नां गुज़रिआ होवे, बचपन नूं याद करदिआं हर कोई अकहि नशे जिहे विच्च गुआच जांदै। हुलारा जिहा आ जांदै बचपन नूं याद कर के। प्रिथीपाल सिंघ वी बचपन दीउां गल्लां करदा आपणे आप विच्च खो जांदा सी। हुण तां उस नूं परलोक सिधारिआं वी पौणी सदी हो गई है। पिछ्छे उहदीआं यादां ही रहि गईआं हन ते जां खेड खेतर विच्च कीतीआं होईआं पैड़ां।

मेरा प्रिथीपाल सिंघ वल्ल वाहवा जाण आउण सी। मैं उस नूं पहिली वार दिल्ली शिवा जी सटेडीअम विच्च मिलिआ सां ते फिर खेतीबाड़ी यूनीवरसिटी दे हिसार कैंपस विच्च उस कोल इक्क रात रिहा सां। जदों उह लुधिआणे आ गिआ तां अकसर ही मेल मिलाप होण लग्गा। उह मेरे पिंड चकर ते साडे कालज ढुड्डीके जा आइआ सी पर मैं उस दा देश वंड तों बाअद दा पिंड भट्ट माजरा उहदे जींदे जीअ नहीं सां वेख सकिआ। 1947 दे बटवारे पिछ्छों प्रिथीपाल होरां दा परिवार ननकाणा सहिब तों उज्जड़ पुज्जड़ के बहादरगहड़ नेड़े अलाट होई पच्ची एकड़ ज़मीन उते पिंड भट्ट माजरे आ बैठा।

प्रिथीपाल सिंघ लुधिआणे दी खेतीबाड़ी यूनीवरसिटी विच्च पहड़िआ, खेडिआ ते ऐम्म.ऐस्स सी.करन पिछ्छों हाकी खेड लई पंजाब पुलिस विच्च ठाणेदार भरती हो गिआ। फिर रेलवे दी नौकरी विच्च चला गिआ ते गेड़े खांदा ऐगरीकलचर यूनीवरसिटी लुधिआणा विच्च सटूडैंटस वैल्लफेअर विभाग दा डाइरैकटर बण गिआ। उस दी डाइरैकटरी जोबन उते सी जदों यूनीवरसिटी कैंपस विच्च ही उस दा कतल हो गिआ। पिछ्छे उस दी विधवा, गोद लई बच्ची ते भतीजे भतीजीआं रहि गए। प्रिथीपाल जोड़े दा आपणा कोई बच्चा नहीं सी। उस दे वड्डे भरा दा पहिलां ही इक्क हादसे विच्च दिहांत हो गिआ सी।

प्रिथीपाल सिंघ मैनं अकसर चेते आउंदा रहिंदा है। कुझ्झ उहदी लाजवाब खेड सदका ते कुझ्झ उहदे नाल होए मेल मिलाप सदका। 1982 विच्च नवीं दिल्ली दीआं एशिआई खेडां तों बाअद लुधिआणे होई मुलाकात मुड़ मुड़ याद आ जांदी है। उदों उस नें मैनूं उस पत्तर दी फोटो कापी दित्ती सी जो उस नें भारत दे राशटरपती गिआनी ज़ैल सिंघ नूं लिखिआ सी। उस विच्च दस्सिआ गिआ सी कि एशीआड दे प्रबंधकां नें भारत लई ओलंपिक खेडां दे गोलड मैडल जित्तण वालिआं नूं खेडां वेखण लई सद्दा पत्तर नहीं सन भेजे। प्रिथीपाल सिंघ नूं कोई सद्दा पत्तर नहीं सी पुज्जा। पाकिसतान दे इक्क हाकी खिडारी नें लुधिआणे आ के उस नूं किहा सी कि उस दे पास उते उह दिल्ली चल्लिआ चल्ले।

लुधिआणे असीं उस दे दफतर विच्च बैठे सां ते भारत दे खेडां विच्च मंदे हाल दी चरचा चल्ल रही सी। चरचा चलदी होई 1964 दीआं ओलंपिक खेडां दे हाकी जेतूआं नूं पंजाब दे मुख्ख मंतरी परताप सिंघ कैरों वल्लों चंडीगहड़ विच्च कनाल कनाल दे पलाट अलाट कीते जाण दी गल्ल छिड़ पई। मैं पुछ्छिआ सी, “उनहां पलाटां दा की बणिआ फेर?”

प्रिथीपाल सिंघ नें दस्सिआ सी कि अजिहे ऐलान सिरफ ऐलान ई हुंदे नें। अमल इनहां उते कोई भड़ूआ नहीं करदा।

उथे बैठिआं ही प्रिथीपाल सिंघ नें पेशकश कीती, “आह हुण 82 दीआं एशीअन खेडां दे गोलड मैडलिसटां नूं वी जे पंजाब सरकार आपणे वल्लों ऐलान कीते इनाम दे जावे तां मैं आपणा ओलंपिक खेडां दा गोलड मैडल मुख्ख मंतरी नूं दे दऊं।” उनहां दिनां विच्च उस गोलड मैडल दी तसवीर नाल मैं इक्क आरटीकल ‘पंजाबी ट्रिबिऊन’ विच्च छपवाइआ सी कि वेखदे आं पंजाब दा मुख्ख मंतरी प्रिथीपाल सिंघ वाला गोलड मैडल जित्त सकदै कि नहीं?”

आम लोक इह समझ बहिंदे हन कि ऐलानी होई रकम जां पलाट मुफ़त मिल जाण नाल खिडारी बहुत अमीर हो जांदे होणगे पर इंज बड़ा घट्ट हुंदै। बहुत सारे सरकारी ऐलान महिज़ फोके ऐलान ही रहि जांदे नें। पुराणे जेतूआं नूं ऐलाने होए पलाट नहीं सन मिल सके ते एशीआड दे जेतू लख्ख लख्ख दे इनाम उडीकदे रहे। होर तां होर महाराजा रणजीत सिंघ अवारड वी कई कई साल नहीं मिलदे रहे। एशीआ विच्च अव्वल नंबर गोले दा सुटावा जोगिंदर सिंघ वार वार कहिंदिआं दिल दे दौरे नाल मर गिआ कि पंजाब वाले उस नूं पंजाब दा खिडारी नहीं सन मंनदे ते फौज वाले कहिंदे सन कि उस नूं इनाम ही पंजाब सरकार वल्लों देणे बणदे हन। फौज विच्च तां उह नौकरी ही करदा है जद कि पिंड उस दा पंजाब विच्च है।

गल्ल कर रहे सां प्रिथीपाल दी। मैं टोरांटो तों पंजाब गिआ होइआ सां कि इक्क दिन फोन आइआ। फोन करन वाला प्रिथीपाल सिंघ दा भतीजा तरलोचण सिंघ सी। उहदे बोलां नाल उहदे चाचे दीआं यादां फिर सज्जरीआं हो गईआं। तरलोचण सिंघ होरां दा सद्दा सी कि मैं उनहां दे पिंड आवां ते आपणे मित्तर दा घर वेखां। उनहां नें आपणे पिंड भट्ट माजरे विच्च पबलिक सकूल खोल्हिआ है अते प्रिथीपाल सिंघ सपोरटस ते कलचरल कलब्ब बणाइआ है। उनहां नें प्रिथीपाल सिंघ दी याद विच्च खेड मेला वी कराइआ सी पर मैं उदों पहुंच नहीं सां सकिआ जिस दा मैनूं दिली अफसोस सी।

फग्गण 2006 दी संगरांद आई तां मैनूं प्रिथीपाल सिंघ दे पिंड दी यातरा करनी नसीब होई। तरलोचण सिंघ होरां दा सुझाअ सी कि मैं पंजाबी यूनीवरसिटी दे गेट अग्गे पुज्ज ते उथों उह मैनूं आपे नाल लै जाणगे। मैं लुधिआणे तों लाहौर बुक्क शाप वाले पबलिशर तेजिंदरबीर सिंघ नूं नाल लिआ ते मिथे समें पटिआले पुज्ज गिआ। तरलोचण सिंघ होरीं पहिलां ही उडीक रहे सन। उथों असीं बहादरगहड़ विच्च दी अग्गे भट्ट माजरा गए जो पंजाबी यूनीवरसिटी तों दस बारां किलोमीटर है।

संगरांद दा दिन होण कारन भट्ट माजरे दे गुरदवारे विच्च संगत जुड़ी होई सी। प्रिथीपाल सिंघ पबलिक सकूल दे बच्चे सवागत लई खहड़े सन जिनहां दे भोले भाले चिहरिआं तों मैं प्रिथीपाल दे नकश तलाशण लग्गा। मैं उस पिंड दी मिट्टी नूं सिजदा कीता जिथे हाकी दे महान खिडारी दीआं पैड़ां सन। जिथों दीआं गलीआं विच्च उह तुरदा फिरदा सी। गुरदवारे दे समागम तों बाअद मैं प्रिथीपाल सिंघ दा घर वेखणा चाहिआ। मेरे मन विच्च उहदी तीरथ वांग यातरा करन दा संकलप सी। पिंड दी फिरनी ते गलीआं विच्च दी लंघदिआं मैं महिसूस करदा रिहा जिवें प्रिथीपाल सिंघ साडे अंग संग होवे। उस दे सके सोधरे मैनूं उस जिहे ही लग्ग रहे सन।

असीं घर विच्च दाखल होए तां साहमणे निंम कोल मझ्झां बझ्झीआं होईआं सन। फग्गण दे निघ्घे दुपहिरे उह अख्खां मीटी जुगाली कर रहीआं सन। इक्क बंने खुरलीआं बणीआं होईआं सन ते खेतीबाड़ी दे संद पए सन। साधारन किसानां वरगा कच्चा पक्का घर सी। प्रिथीपाल सिंघ दी भैण ते भतीजे सवागत कर रहे सन। प्रिथीपाल दी बैठक जिथे वड्डे वड्डे खिडारी ते अफसर आउंदे जांदे रहे सन हुण वीरान पई सी। उहदे विच्च कुझ्झ खेड निशानीआं ज़रूर पईआं सन जो चेता करउंदीआं सन कि इह हाकी दे बादशाह दी बैठक सी। तरलोचण सिंघ नें दस्सिआ कदे इह बैठक कप्पां, शीलडां ते ओलंपिक खेडां दीआं निशानीआं नाल नक्को नक्क भरी हुंदी सी पर हुण खाली वरगी है। साहमणे भतीजिआं दा मकान सी जिनहां दे पिता हादसे विच्च गुज़र गए सन। उदों भतीजे भतीजीआं दे सिर उते हत्थ प्रिथीपाल सिंघ नें ही रख्खिआ सी। उथे प्रिथीपाल दीआं कई निशानीआं मौजूद सन।

साडे लोकां विच्च अजे इह रीत नहीं तुरी कि असीं आपणे महान खिडारीआं दीआं निशानीआं सांभ सांभ रख्खीए। हिक्क नाल लाईए ते उनहां दीआं यादगारां काइम करीए। उनहां दे नावां उते मेले लाईए, अवारड रख्खीए ते उनहां दी महानता दीआं वारां गाईए। बराज़ील दे पेले दीआं जरसीआं ते बूट उहदे जींदे जीअ ही लख्खां `च विकदे हन। फुटबाल दे दीवाने पेले वरगिआं वल्लों पहिनीआं पुशाकां दीआं लीरां सांभी फिरदे हन। साडा प्रिथीपाल सिंघ वी तां हाकी दा पेले ही सी। असीं तां उहदी उह हाकी वी नहीं संभाली जीहदे नाल उहने ओलंपिक खेडां विच्च सभ तों बहते गोल कीते सन। पता नहीं कदों साडी घर दे जोगीआं नूं जोगड़े ते बाहरले जोगीआं नूं सिध्ध समझण वाली सोच पासा परतेगी?